Update: -
Sonia ke ghar Ranga, babloo aur Raghav ke anya aadmi khade the, waqt subah ke 9 baj chuke the, pichhli raat jo ghatna ghati thi uske baare mein sirf Ranga hi jaanta tha, aur baaki aadmiyon ke aane ke pehle hi Ranga ne Raghav ko bata diya tha ke usne sthiti ko kaabu mein kar liya hai, jis car mein pichhli raat yeh sab hua tha uska chassis number tak badal diya gaya tha number plates ke saath
"hamare baaki jue ke adde kahan hain" Raaghav ne Ranga se puchha toh Ranga ne kul 26 addon ki details di, un sab mein roz ka kitne ka galla hai aur kaise log aate hain, yeh sab details Raghav ne ek page pe note ki aur use Babloo ke haath mein pakda ke, use wahan se jaane ka ishaara kiya, babloo samajh gaya aur chup chaap wahan se seedha wakeel se milne ke liye nikal pada
"cricket betting mein apna commission kitna hai, aur kitne bookie hain apne network mein"
"cricket betting mein waise toh apna commission 5% hai dada, Mumbai mein jo rate chal raha hai woh, lekin udhar apna haath dheela hai, le deke apne network mein bas 5 bookie hain jo kaam ke hain, baaki naam ke liye toh hain lekin kaam koi nahin karta, kul milaa ke cricket betting se mahine mein apna kharcha paani bhi nahin nikalta, upar se police ko paise khilane padte hain taaki apne bookie log pe haath naa daale"
"apna commission 5% usme se aadha hamara aadha bookie ka, uspar police protection bhi hum hi dein"
"haan dada"
"halwa hai kya, ek kaam kar, apne kaam ke jo bookie nahin hain, unka hafta police ko dena bandh kar de, unke badle naye bookie bharti kar, unki commission 3% kar dhaai ke badle"
"par dada isse puraane bookie bhi awaaj karenge ke unko bhi 3% chahiye dhaai ke badle"
"haan toh unko bhi 3% kar de, lekin unko bol dena police ka hafta hamare taraf se nahin aayega, aur 3% tab milega jab apne ko kam se kam mahine ke 50 laakh milenge, 50 laakh se upar karenge toh 3.5 % bhi de denge"
"3.5%"
"50 laakh ke saamne 3.5% kuchh bhi nahin, aur 50 laakh commission ka bol raha hun, kitne desh cricket khelte hain, roz har koi khiladi kahin na kahin toh apni marwa raha hota hai, unko bol har match pe satta lena chalu kare, aur agar kuchh takleef hai toh seedha mujhse mila" Raghav ke nirdesh sun Ranga ne apne 5 aadmiyon ko kaam pe lagaya
"Match fixing mein apna koi haath hai"
"kuch khaas nai dada"
"theek hai, tu yahin pe rukna apan shaam ko kuchh karenge is baare mein, abhi apne bhaav kahan se lete hain, Jaipur ya bangalore"
"Jaipur dada, matke ka number ho ya cricket ka, sab Jaipur se aata hai"
"apne sab bookie ko seedha kar, 3 mahine baad bhaav apan seedha Dubai se lenge, aur pure India ko bhaav apan denge"
"Bollywood mein haath wapas ghusaana hai apne ko, Bollywood aisi murghi hai jo din ho ya raat, bas sone ka ande se kam kuchh nahin deti, jitni shooting Mumbai mein hoti hai un sab ka protection money unko dena hi padega na"
"par dada, Gulshan Kumar kaand ke baad har top ke Bollywood aadmi ya aurat, sab police protection leke bethe hain, toh extortion ya blackmail karne mein aasani nahin hai"
"uski chinta tu mat kar, ek hafte ke baad se Bollywood ko blackmailing ke calls jaane chahiye, 10 aadmi laga is kaam pe"
"extortion ya blackmailing, aur kidnapping, Mumbai ke industrialists, top ke corporates, businessmen, construction wale ya koi aur ko bhi paise wala ho, sabki list bana, jiske bete ko kidnap karna hai kar, jiski biwi ko uthana hai utha, jike bheje mein goli daalni hai daal, lekin kam se kam humein roz ka ek crore yahan se nikaalna hai" Raghav ke nirdesh sun Ranga bas haan mein apni gardan hilaata, takreeban 10 min mein ek ek kar sab aadmi Ranga se nirdesh leke nikle aur wahan se apne apne kaam pe lag gaye, dopahar ko Raghav aur Ranga Chavan se milne gaye
"Election nazdeek hai"
"10 mahine door hai"
"haan lekin paisa tab thodi kaam aayega, agle 10 din mein mujhe 2 khokha chahiye taaki apni constituency mein prachaar shuru kar sakun, aadmi log ko kaam pe laga dun"
"shaam tak 3 khokha tumhare paas pahunchega"
"1 khokha extra kis khushi mein"
"jo bhi top ke bollywood star hain, un sab ki police protection hata kisi bahane se"
"eka ek"
"election aa rahi hai, communal dange rokne ke liye police chahiye, yeh Bollywood ke bhaand kya aam janta se zyada zaroori hain kya"
"hmmm, ho jayega, kal hi main circular jaari kar deta hun"
"aur ek"
"aur dusra kaam hai toh 4 khokha"
"5 diya, ek teri wafadaari ka inaam"
"hmmm, kaam bolo"
"apne ko match fixing mein haath ghusaana hai, International matches mein"
"haan toh ghusaao, waise bhi cricketer log bahut kama rahe hain, unme se tum bhi kamaao aur humein bhi do"
"haan lekin apne ko entry kahan se milegi yeh raaste ki"
"uska bhi bandobast karte hain, Central mein bhi hamari hi sarkaar hai, sports ministry se baat karke kuchh meeting fix karte hain" Chavan se meeting karke Raghav seedha wakeel ke paas pahuncha
"tumhare paise sahi salaamat Swiss bank mein deposit ho gaye hain" Wakeel ne Raghav ko ek page dikha ke kaha jo HSBC switzerland ka statement tha
"5% conversion charges kaat ke, takreeban tumhare 235 crore mein se 210 crore rupaye bank mein hain, baaki ke paise meri fees aur dusre laag charges"
"woh sab theek hai" Raghav ne statement ko fenk kaha
"lekin kal raat ka haadsa mujhe wapas nahin chahiye, uske baare mein kya karenge"
"uski chinta tum mat karo, tumhare flat se hafte ke hafte mera ek aadmi, har mangal ki shaam 7 baje paise lene aayega, tum use briefcase mein paise de dena aur usse sign le lena ek page pe, mere haath mein paisa aate hi main tumhe confirmation dunga, aur teesre din, yaani shukravaar ki dopahar tak paisa swiss bank account mein chala jaayega" Raghav ne kuchh aur baatein ki, jaise ki Club aur Pub ke licenses ki aur uske dusre jua ke addon ke baare mein, wakeel ne use aashwasan diya ke woh har cheez ka dhyan rakh raha hai, Raghav abhi wakeel ki office se nikal hi raha tha ke wakeel ne use rok diya
"Raghav, mujhe tumse kuchh baat karni hai, akele mein" Wakeel ne Ranga ki or dekh kaha toh agle hi pal Ranga wakeel ki office se bahar nikal gaya
"Raghav, kisi pe bharosa karna theek hai, tumhara dhandha aisa hai ke tumhe kisi na kisi pe yakeen toh karna padega, lekin, vishwaas andha nahin hona chahiye, samajh rahe ho na" Wakeel ne Raghav se kaha toh Raghav haami bhar ke wahan se bahar nikal gaya
Sonia ke ghar Ranga, babloo aur Raghav ke anya aadmi khade the, waqt subah ke 9 baj chuke the, pichhli raat jo ghatna ghati thi uske baare mein sirf Ranga hi jaanta tha, aur baaki aadmiyon ke aane ke pehle hi Ranga ne Raghav ko bata diya tha ke usne sthiti ko kaabu mein kar liya hai, jis car mein pichhli raat yeh sab hua tha uska chassis number tak badal diya gaya tha number plates ke saath
"hamare baaki jue ke adde kahan hain" Raaghav ne Ranga se puchha toh Ranga ne kul 26 addon ki details di, un sab mein roz ka kitne ka galla hai aur kaise log aate hain, yeh sab details Raghav ne ek page pe note ki aur use Babloo ke haath mein pakda ke, use wahan se jaane ka ishaara kiya, babloo samajh gaya aur chup chaap wahan se seedha wakeel se milne ke liye nikal pada
"cricket betting mein apna commission kitna hai, aur kitne bookie hain apne network mein"
"cricket betting mein waise toh apna commission 5% hai dada, Mumbai mein jo rate chal raha hai woh, lekin udhar apna haath dheela hai, le deke apne network mein bas 5 bookie hain jo kaam ke hain, baaki naam ke liye toh hain lekin kaam koi nahin karta, kul milaa ke cricket betting se mahine mein apna kharcha paani bhi nahin nikalta, upar se police ko paise khilane padte hain taaki apne bookie log pe haath naa daale"
"apna commission 5% usme se aadha hamara aadha bookie ka, uspar police protection bhi hum hi dein"
"haan dada"
"halwa hai kya, ek kaam kar, apne kaam ke jo bookie nahin hain, unka hafta police ko dena bandh kar de, unke badle naye bookie bharti kar, unki commission 3% kar dhaai ke badle"
"par dada isse puraane bookie bhi awaaj karenge ke unko bhi 3% chahiye dhaai ke badle"
"haan toh unko bhi 3% kar de, lekin unko bol dena police ka hafta hamare taraf se nahin aayega, aur 3% tab milega jab apne ko kam se kam mahine ke 50 laakh milenge, 50 laakh se upar karenge toh 3.5 % bhi de denge"
"3.5%"
"50 laakh ke saamne 3.5% kuchh bhi nahin, aur 50 laakh commission ka bol raha hun, kitne desh cricket khelte hain, roz har koi khiladi kahin na kahin toh apni marwa raha hota hai, unko bol har match pe satta lena chalu kare, aur agar kuchh takleef hai toh seedha mujhse mila" Raghav ke nirdesh sun Ranga ne apne 5 aadmiyon ko kaam pe lagaya
"Match fixing mein apna koi haath hai"
"kuch khaas nai dada"
"theek hai, tu yahin pe rukna apan shaam ko kuchh karenge is baare mein, abhi apne bhaav kahan se lete hain, Jaipur ya bangalore"
"Jaipur dada, matke ka number ho ya cricket ka, sab Jaipur se aata hai"
"apne sab bookie ko seedha kar, 3 mahine baad bhaav apan seedha Dubai se lenge, aur pure India ko bhaav apan denge"
"Bollywood mein haath wapas ghusaana hai apne ko, Bollywood aisi murghi hai jo din ho ya raat, bas sone ka ande se kam kuchh nahin deti, jitni shooting Mumbai mein hoti hai un sab ka protection money unko dena hi padega na"
"par dada, Gulshan Kumar kaand ke baad har top ke Bollywood aadmi ya aurat, sab police protection leke bethe hain, toh extortion ya blackmail karne mein aasani nahin hai"
"uski chinta tu mat kar, ek hafte ke baad se Bollywood ko blackmailing ke calls jaane chahiye, 10 aadmi laga is kaam pe"
"extortion ya blackmailing, aur kidnapping, Mumbai ke industrialists, top ke corporates, businessmen, construction wale ya koi aur ko bhi paise wala ho, sabki list bana, jiske bete ko kidnap karna hai kar, jiski biwi ko uthana hai utha, jike bheje mein goli daalni hai daal, lekin kam se kam humein roz ka ek crore yahan se nikaalna hai" Raghav ke nirdesh sun Ranga bas haan mein apni gardan hilaata, takreeban 10 min mein ek ek kar sab aadmi Ranga se nirdesh leke nikle aur wahan se apne apne kaam pe lag gaye, dopahar ko Raghav aur Ranga Chavan se milne gaye
"Election nazdeek hai"
"10 mahine door hai"
"haan lekin paisa tab thodi kaam aayega, agle 10 din mein mujhe 2 khokha chahiye taaki apni constituency mein prachaar shuru kar sakun, aadmi log ko kaam pe laga dun"
"shaam tak 3 khokha tumhare paas pahunchega"
"1 khokha extra kis khushi mein"
"jo bhi top ke bollywood star hain, un sab ki police protection hata kisi bahane se"
"eka ek"
"election aa rahi hai, communal dange rokne ke liye police chahiye, yeh Bollywood ke bhaand kya aam janta se zyada zaroori hain kya"
"hmmm, ho jayega, kal hi main circular jaari kar deta hun"
"aur ek"
"aur dusra kaam hai toh 4 khokha"
"5 diya, ek teri wafadaari ka inaam"
"hmmm, kaam bolo"
"apne ko match fixing mein haath ghusaana hai, International matches mein"
"haan toh ghusaao, waise bhi cricketer log bahut kama rahe hain, unme se tum bhi kamaao aur humein bhi do"
"haan lekin apne ko entry kahan se milegi yeh raaste ki"
"uska bhi bandobast karte hain, Central mein bhi hamari hi sarkaar hai, sports ministry se baat karke kuchh meeting fix karte hain" Chavan se meeting karke Raghav seedha wakeel ke paas pahuncha
"tumhare paise sahi salaamat Swiss bank mein deposit ho gaye hain" Wakeel ne Raghav ko ek page dikha ke kaha jo HSBC switzerland ka statement tha
"5% conversion charges kaat ke, takreeban tumhare 235 crore mein se 210 crore rupaye bank mein hain, baaki ke paise meri fees aur dusre laag charges"
"woh sab theek hai" Raghav ne statement ko fenk kaha
"lekin kal raat ka haadsa mujhe wapas nahin chahiye, uske baare mein kya karenge"
"uski chinta tum mat karo, tumhare flat se hafte ke hafte mera ek aadmi, har mangal ki shaam 7 baje paise lene aayega, tum use briefcase mein paise de dena aur usse sign le lena ek page pe, mere haath mein paisa aate hi main tumhe confirmation dunga, aur teesre din, yaani shukravaar ki dopahar tak paisa swiss bank account mein chala jaayega" Raghav ne kuchh aur baatein ki, jaise ki Club aur Pub ke licenses ki aur uske dusre jua ke addon ke baare mein, wakeel ne use aashwasan diya ke woh har cheez ka dhyan rakh raha hai, Raghav abhi wakeel ki office se nikal hi raha tha ke wakeel ne use rok diya
"Raghav, mujhe tumse kuchh baat karni hai, akele mein" Wakeel ne Ranga ki or dekh kaha toh agle hi pal Ranga wakeel ki office se bahar nikal gaya
"Raghav, kisi pe bharosa karna theek hai, tumhara dhandha aisa hai ke tumhe kisi na kisi pe yakeen toh karna padega, lekin, vishwaas andha nahin hona chahiye, samajh rahe ho na" Wakeel ne Raghav se kaha toh Raghav haami bhar ke wahan se bahar nikal gaya
Last edited:
..kaafi tagda screenplay hai
next..!!
