Update: -
2 din mein Home Ministry se circular release kiya gaya, nirdesh tha ke election ke chalte police staff mein kami ki wajah se Bollywood celebrities ki security kam kar di jaayegi, har bollywood celebrity ko assess kiya jaayega, ministry dwara guidelines release hui aur unke hisaab se sabko security allott hogi, agle 5 din tak har celebrity ki security asses hui, pehle jahan takreeban 40 actors aur actresses ko security mili hui thi, unme se ab kewal 10 ke paas security bachi aur woh bhi pehle se aadhi, hadkamp toh machna hi tha, jo jo apne paison se private security afford kar sakte the woh kar chuke the, lekin ab bhi aadhe se zyada celebrities vulnerable the jinme TV artists bhi shaamil the, Raghav ki nazar har top actor actress director produce aur TV artist pe thi, woh sahi mauke ka intezaar hi kar raha tha aur ek hafte baad use mauka mil gaya
"dada, yeh kuchh naya concept laayela hai, ke filam jitna kamayegi, us kamaai mein se kuchh hissa iska aur saath hi filam mein kaam karne ka paisa alag"
"arey dada, yeh saala Bollywoodiya log, bahut paisa chhapta hai, apun ko iska pura ras nichodna hai, chhodega nai saala apun" Ranga ke saath do aur aadmi bethe the aur Raghav se apni apni baatein keh rahe the, Raghav ne Ranga ko ishaara kiya aur Raghav ne apna kaam shuru kiya, apna permanent sim card nikaala aur ek naya sim card phone mein daal ke phone start kiya, phone karke 4-5 ring bajne ke baad saamne kisi ne phone uthaya
"Hellooo" ek stylish tareeke se jawaab mila
"agar tujhe tere pariwar ki jaan pyaari hai, toh aaj raat theek 10 baje, Chembur naake ke paas tiku chaiwale ki dukaan hai uske peechhe ek bada sa bargad ka ped hai, uske neeche 5 khokhe rakh ke chupchaap wahan se nikal jaana"
"kya bakwaas haaaiii" abhi saamne wale ne itna kaha hi tha ke phone cut ho gaya
Raat ke takreeban 12 baje, Bandra se Khar jaane wale road pe halki si bheed thi, khair yeh sadkein kabhi soti nahin, khaas kar ke yeh road, yahan kai celebs ke ghar hain kaafi happening restaurants disco theuqes clubs aur pata nahin kya kya
"hey yaaa, i will catch tomorrow yaa, naaa, hehehee, yaaa Ok, catcha tomorrow" Bastian, ek famous restaurant hai is sadak pe, jahan celebrities unki families friends khana khane ya party karne aate rehte hain
"hey please get my my car yaaa will youuu" abhi abhi restaurant se bahar nikli ek 19 saal ki ladki, ek mini one piece cropped backless dress pehen ke bahar nikli aur wahan khade vallet pe chillane lagi, woh chilaana kam lekin behki hui awaaz mein bakwaas karna zyada sahi hoga, Vallet ne aas paas dekha toh koi securit guard maujud nahin tha
"1 min ma'am" abhi usne kaha hi tha ke us ladki ne uspe haath uthana shuru kar diya, Vallet ko restaurant ki reputation ki parwah thi isliye woh chupchaap se gaadiyon ki parking ki taraf chala gaya, gaadiyon ki parking restaurant ke peeche bani hui thi
"these fuckin slogs, whaatt doo they thinkkkk" ladki apna aapa khone lagi thi, nashe ki haalat mein woh restaurant ke gate se main road ki taraf aake khadi hi hui, ke ek full speed mein aati Van ka darwaza khula aur us ladki ko andar kheench diya, Vallet gaadi leke 2 min mein aaya toh woh ladki us waqt wahan nahin thi.
"morning love"
"morning, it's afternoon ritesh, so how's your new film going, direction would be fun"
"yes it is" abhi Ritesh ne table pe rakha mid day ka aaj ka edition uthaya hi tha ke headlines padh ke uske haath se chai ka cup chhut gaya, "Film Actor Waaris' daughter dead", yeh khabar padh ke pure Bollywood ke saath puri Mumbai ki neend ud gayi, khabar jaise hi failne lagi, tab se leke Waaris Kapoor ke ghar bheed lagi rahi, gharwalon ki haalat kaafi kharab thi, unki beti 19 varshiya Amrita, ko kisi ne raat ke andhere mein ek dardnaak maut di thi
"rumour has it sweetheart, Waaris ko kisi blackmailer ka phone aaya aur usse extortion money demand ki, sad" Waaris ke ghar bane garden mein do aurtein apni aankhon pe black glasses chadha ke ek dusre se baatein kar rahi thi
"no way, so is D gang back in Mumbai" dusri ne ek dum dabi hui awaaz mein kaha
"don't know, but itna paisa kamata hai, de deta toh kya jaata, baap ki akad ki wajah se beti ne zindagi khoyi"
"i tell you, mujhe shuru se hi Waaris sahi nahin lagta, not at all a family man"
"abhi abhi toh kaam kiya tha, aur pehle hi case mein murder kar daala tune" Chavan bilakh raha tha gusse mein jab shaam ko Raghav usse milne aaya, unki meeting hamesha Chavan ke personal bungalow mein hoti jahan kisi visitor ki entry record nahin ki jaati
"arey toh usne paisa nahin diya tha"
"nahin diya tha toh ruk jaate tum chutiye log, pehle hi case mein murder kar daala, saala abhi 5 din pehle media thandi hui thi inki security ki baat se, aur tune fir se mere hi pichhwade mein ghussa daala"
"Mantri"
"arey gaand marwane jaayega Mantri ab, chup kar ke beth bhosdike" Chavan room ke kone mein becheni se chakkar kaat raha tha aur bina soche samjhe Raghav pe chilla raha tha
"ek toh yeh election hain, upar se media ab hawaa udaayegi iski, tere 5 khokhe ke chakkar mein behenchod meri kursi tak baat aa gayi hai, upar se high command ka pressure hai, kya jawaab dun main inko"
"5 khokhe lete waqt tune mujhse yeh sab kaha tha kya" Raghav ki awaaz bhi unchi hui
"5 khokhe hahahhaa, 5 khokhe hahahhaa" mantri haste haste fir ruk gaya aur Raghav ko dekhne laga
"10 khokhe deta hun main tujhe, de de apni jaan" Mantri ne apne drawer se bandook nikaali aur Raghav ke saamne taan di
"bol dega apni jaan 5 khokhe mein tu mujhe" Raghav yeh sun khamosh ho gaya
"nikal gayi na hekdi, yeh kursi meri jaan hai, jaan hai meri tu samjha, iske raaste mein jo aayega woh khalaaasssssss" Mantri ne gun ko load kiya aur Raghav ki taraf badhne laga, badhte badhte woh Raghav ke theek saamne aaya aur uske mastak pe bandook tika di, Raghav ki aankhein aur Mantri ki aankhein ek dusre pe tiki hui thi, Mantri ne trigger pe haath rakha
"chhaahhhh" kheej ke Chavan ne bandook neeche ki aur kursi pe beth fir se sharaab ke ghoont lene laga, Raghav ne raahat ki saans li, chaahe woh kitna hi illegal aur khatarnaak kaam kyun na karta ho, lekin woh jaanta tha ke filhaal Chavan ke saamne uski kuchh aukaat nahin thi
"main kuchh karta hun"
"kuchh nahin karega tu, kuchh bhi nahin samjha, tu sirf khayega aur hagega bas" Chavan ne fir use ungli dikha ke bethe rehne ka ishaara kiya, dus minute tak jab Chavan kuchh nahin bola toh Raghav wahan se uthke bahar nikal Sonia ke flat ki taraf nikal gaya, Chavan ko samajh nahin aa raha tha ke woh kya kare, Raghav ko woh police ke saamne fenk nahin sakta tha, election ke liye sone ke ande dene wali murgi ke barabar tha woh, aur Media aur high command ko dikhane ke liye jald se jald use kuchh karna hi tha
Udhar Raghav jab Sonia ke paas pahuncha toh Sonia aaram se bethi scotch pee rahi thi aur kuchh fashion magazine bhi padh rahi thi, Raghav uske saamne aake betha toh muskura ke uske liye ek peg banane lagi
"kya hua kuchh problem hai" Sonia ne peg dete hue sawaal kiya
"haan hai toh, Anita Kapoor ke baare mein padha hi hoga tumne"
"hmmm"
"lagta hai uska murder karke shayad galti kar di, kahin main kuchh tez toh nahin chal raha" Raghav ne ek ghoont leke Sonia ki aankhon mein dekh sawaal kiya, Sonia iska jawaab jaanti thi, lekin Raghav ke ego ko thes nahin pahunchana bahut zaroori tha, Sonia ne kuchh nahin kaha aur Raghav ke peeche khadi hoke uske shoulders ko rub karne lagi
"tez ya dheeme sochne ka waqt nahin hai yeh, abhi filhaal apne is dimaag ko roko aur sone chalo, sab theek kar deti hun main" Sonia ne peeche se uske badan pe lipat ke kaha, Raghav ne bhi apna glass rakha aur room tak pahunchte pahunchte dono belibaas ho gaye, jab dono ke jism ki aag thandi hui toh Sonia toh neend ki aagosh mein chali gayi, lekin Raghav ki aankhon se neend koso door thi
"gam apne ko uske murder ka nahin hai, par aisa lagta hai ke pehle case mein hi seedha murder, woh nuksaan kaarak hai dhandhe ke liye"
"nai theek hai, ab jo kiya so kiya, filhaal so jao subah ko kuchh sochte hain, waise ek kamyaab aadmi musibat mein bhi apna faayda dhundhta hai Raghav, aur tumhare dimaag ko bas do second aaram ki zaroorat hai, am sure tum kuchh na kuchh soch loge" Wakeel ne itna kehke phone rakh diya
"body kis condition mein mili" subah commissioner Patwardhan se sawaal puchh raha tha, high profile case hai, Chavan bhi khud personally isme apna dimaag laga raha tha, commissioner toh fir bhi mamooli cheez hai
"Sir body humein churchgate station ke peeche mili, subah takreeban 5 baje municipalty ki gaadi kachra uthane gayi hi thi ke wahan ke ek worker ne laash ko dekha, hamari team turant wahan pahunchi, body ki neck twisted thi sar, aur taangein bhi, pura shareer khoon se sana hua tha, pet aur gardan pe na jaane kitne waar kiye gaye the chaaku se, spinal cord bhi damaged thi sir kaafi, pukhta taur se abhi post mortem ki report aana baaki hai, lekin spinal cord bhi kaafi damaged hai sir, vaginal muscles have been ripped off, koi bahut hi sharp cheez Anita ke vagina mein" kehte kehte Patwardhan ruk gaya
"rape"
"no sir, as per initial conversation with lab, no signs of male sperm found on or inside her body"
"Body pe kuchh finger prints, kisi ke khoon ke kuch nishaan"
"negative Sir, pre planned aur bahut hi socha gaya murder hai, shayad gloves pehen ke hi sab hua hai"
"anything of our help"
"we are investigating Sir"
"neck aur legs"
"twisted to 180 degree Sir" patwardhan ne ek dum dheemi awaaz mein kaha, Commissioner abhi bhi uski taraf dekh raha tha
"pet se uska liver bhi alag karne ka pura zor lagaya gaya hai, body ke pancreatic duct, gallbladder" Patwardhan fir ruk gaya, commissioner bhi samajh raha tha uski mushkil, itni khaufnaak maut describe karne mein musibat aa rahi thi lekin jispe beeti uski haalat kya hui hogi, Commissioner ne 10 second apni aankhein bandh ki aur us scene ko imagine karne laga, usse nahin ho paaya
"yeh kaam kisi raakshas ka hai Sir" patwardhan ne apna sar neeche kar kaha aur wahan se nikal gaya
kar
