Update 10
Nayi Saazish Purana dusman
Kahani 3rd person ki zubani
Mumbai airport :-
Raat ko Mumbai airport per ek private jet land karta Hain us
jet se utarne wala aur koi Nahin balke Don Corleone aur uske 2 bodyguard the
( Doston main Don Corleone ko DC likhoga and uske bodyguard ko Bg likhoga okay )
DC : Toh yeh hai India,
Corleone ne apni Italian accent main kaha.
DC : Mumbai... bahut shor hain
Yaha .
Uske bodyguards main se ek ne kaha,
BG : Sir, hum Jaipur ke liye ready hain. Veer Singh Raghuvanshi ka birthday agle mahine ki 4 tareekh ko hai.
Corleone ne ek evil smile di.
DC : Perfect. Use pehle hum kuch preparations karenge. Veer Singh ko pata bhi nahi chalega ki uska ant kaise hua
Uske bad woh airport se nikalte hue apne sunglasses laga liye. Mumbai ki bhid mein, ek naya khatra dakhil ho chuka tha.
Gj ke Chhupi Niyat
Raghuvanshi mansion se kuch dur, ek secret safe house main, Gj phone par baat kar raha tha.
GJ : Haan, sab plan ke mutabik chal raha hai. Kisi ko muj par shaq nahi hai. Veer Singh ka birthday party perfect mauka hog
Dusri taraf se ek heavy awaz aayi.
Samne se : Gj, koi galti nahi honi chahiye. Tumhara plastic surgery operation kitna successful hai, yeh tabhi pata chalega jab Veer Singh mar jayega."
Gj ( hasta hai ) : "Boss, ap fikar na karein. Veer Singh ko khatam karne ke baad, Raghuvanshi parivaar ka control hamare haath mein hoga."
Uska asli naam aur motive abhi bhi ek raaz tha, lekin uski baatein uske naapak iradon ko saaf kar rahi thi.
Usne call cut ki aur phir Gj ne ek map khol kar Veer Singh ke mansion ko dekhne laga. Uska plan mansion ke security systems ko bypass karna aur birthday party mein chaos create karna tha.
Vidya ka Badle ka Aagaz
Dusri taraf, Vidya ne Surya se milne ke baad hotel mein rest karne ke Liye bad per lait gayi aur soche lagi . 'SSR' company ab uski Hain , aur woh isko pehle se bhi bada banane ke liye taiyar thi. Lekin uska pehla target badla lena tha. Usne apne family members (chacha, mama) ki information nikal na shuru kar dena chahiye jinhone mushkil waqt mein uska saath nahi diya tha.
Vidya ne apni purani team ke kuch wafadar logon ko contact kiya.
Aur boli : Humein un logon ko dhundhna hoga jinhone meri company ko barbaad kiya aur unko expose karna hoga jinhone mujhe dhokha diya."
Vidya ki awaaz mein thandi aag thi. Usne ek hi jhatke mein ek team banani shuru kar di, jo uski family ki illegal dealings aur connections ko investigate karegi. Uska plan tha, unhe economic aur social, har tarah se barbaad karna Hain
Surya ki soch
Hotel mein Vidya ko rest karne ko bolkar, Surya apne room mein chala gaya. Bed par lette hi uski aankhon ke saamne apni family ke member ka Chahra ghumne laga.
Surya : Aaj pahli bar apni family se milkar kitna acha Laga. usne socha. "Lekin unhe bata bhi nahi sakta ke main zinda ho." Is soch mein woh dooba hi tha ki tabhi Jinn Jagira uske saamne prakat hua.
Jinn Jagira : Aaqa, Mujhe aapko kuch zaruri baatein batani hain.
Surya uth kar baith gaya.
Surya : Bolo Jagira, kya baat hai?"
Jagira ne awaaz dheemi main kaha
Jagira : "Aaqa, Raghuvanshi parivaar ke kuch dushman aise hain jinhe khud Raghuvanshi bhi nahi jaante. Un mein se ek bahut purana dushman hai, jiska connection Raghuvanshi parivaar se hi hai, lekin gupt tareeke se. Woh Raghuvanshi mansion ke piche ek purane mandir mein chhupi ek khaas cheez ko haasil karna chahta hai. Uss cheez ka link Raghuvanshi ki shakti se hai, aur agar woh galat haathon mein pad gayi, toh poora parivaar barbaad ho jayega."
Surya ka maatha thanka. Aur bola
Surya : Kaun hai woh dushman? Aur woh cheez kya hai?
Jagira : Aaqa, us dushman ka naam abhi main nahi bata sakta, lekin uske peechhe ek senapati Hain jo uss cheez ko paane ke liye apni puri takat laga raha hai. Aur unki ek meeting abhi Mumbai ke bahar ek jungle mein chal rahi hai.
Jagira ne aage bataya.
Jagira : Yeh baat unhe bhi abhi pata chali hai ki us cheez ka seedha link Raghuvanshi parivaar se hai.
Surya ne ankheen band ki aur phir bola
Surya : Toh iska matlab hai, ghar ke andar aur bahar dono taraf khatra hai. Mujhe double vigilant rehna hoga."
Jagira : haa ap Sahi keh Rahe ho Aaqa
Surya : thek Hain Tum Jao main rest karta ho subha dekta ho ke Kya Karna hain
Phir jinn Jagira waha se Chala jaata Hain aur surya Kuch sochta hua Soo jata Hain
Wahi Mumbai ke outside jungle main
Mumbai se bahar, ek ghane jungle ke andar, jahaan suraj ki roshni bhi mushkil se pahunch paati thi, wahaan ek purane, toote-foote mandir ke garbhagrih mein roshni ki ek halki kirran bhi nahin thi. Andhera itna gehra tha ki apni ungliyan bhi nazar nahin aa rahi thi, lekin wahaan kuch awaazein goonj rahi thi. Yeh Senapati aur uske sabse vafadaar admiyon ki gupt meeting thi. Mandir ke andar, zameen par bane ek chakravyu ke beech Senapati baitha tha, aur uske charo taraf uske 50 se zyada admi the, sabhi gehri saadhna mein the ya kisi gupat baat ko sunne ke liye taiyar.
Senapati ne apni bhari, goonjti hui awaaz mein bola
Senapati : Pichle kayi sadiyon se, hum is pal ka intezaar kar rahe hain. Woh cheez jise paane ke liye hamare purvajon ne apni jaan di, woh ab hamare bohot kareeb hai."
admi 1 : ne dheere se pucha, "Senapati ji, aap kis cheez ki baat kar rahe hain? Aur woh Raghuvanshiyon ke paas kaise pahunchi?"
Senapati ki aankhon mein ek ajeeb chamak thi, jo andhere mein bhi dikh rahi thi
Senapati : Woh koi mamooli cheez nahin hai, woh hai 'Divya Mani'. Ek aisi shakti, jo is brahmand ki sabse purani urja ka srot hai. Jisne use pa liya, usne puri duniya ko control kar liya.
Usne aage kaha
Senapati : Hamein jankari mili hai ki uska link Raghuvanshi parivaar se hai. Aur unke ghar ke pichhe jo purana mandir hai, wahi uska asli raaz chupa hai.
admi 2 ( hairani se bola ) : Lekin Senapati ji, Raghuvanshi toh sirf zamindari aur business tak seemit hain. Unhe aisi shakti se kya lena-dena?
Senapati : Yahi toh dhoka hai!
Senapati garja.
Senapati : Raghuvanshi sirf dikhawe ke liye ek aam parivaar hain. Unke purvajon ne is Divya Mani ko sadiyon pehle chhupa rakha tha, taaki yeh galat haathon mein na pade. Unhone yeh raaz puri duniya se chhupa kar rakha.
Admi 1 : Toh ab hum kya karein?
Senapati khada hua. Uski parchaayi mandir ki deewaron par bade roop mein fail gayi.
Senapati : Hum Raghuvanshiyon ko unki asliyat dikhayenge. Hamara maksad sirf us Divya Mani ko paana nahin hai, balki un sabko khatam karna hai jinhone us raaz ko chhupa kar rakha. Aur agar uske liye humein is dharti ko bhi khatam karna pade, toh hum peeche nahin hatenge!
Uski awaaz mein ek kattaa irada tha.
Senapati : Yeh Divya Mani humari hai, aur ab hum use lekar rahenge.
Usne ek haath uthaya aur hawa mein kuch symbols banaye. Mandir ke andar ek ajeeb si urja mehsus hone lagi.
Senapati : Hamari sena taiyar hai. Hamle ki planning ho chuki hai. Jab Veer Singh Raghuvanshi ka birthday hoga, tab hum apna asli roop dikhayenge. Woh din Raghuvanshiyon ke ant ki shuruat hoga.
Sabhi admi Senapati ke is faisle par sehmat the. Unhein pata tha ki unka Senapati kisi bhi had tak ja sakta hai. Unke liye yeh sirf ek "cheez" nahin thi, balki unka saalon purana sapna aur badle ki aag thi. Woh sabhi Senapati ke aage sar jhukakar uske agle aadesh ka intezaar karne lage.
~~ aj ke Liye itna hi ~~~
Pasand aye toh like aur comment lazmi dena agar koi galti hui Hain toh maaf karna
notice nahi Kiya tha 
