Thriller Mastermind... (Completed)

[Nevil singh]

* Update 5 *
usne apne ghar main ek najar daudayi..showcase par uska bill na bhare jane ki wajah se band pada hua mobile pada tha...'mobile handset bech kar kuch din chalenge itne paiso ka intajam jo jayega' aisa vichar karke usne wo phone jeb main dala aur apni kapdo ki bag lekar ghar ke bahar nikal pada.......
--------------------------------------------------
"are o pashya abe jara idhar to aaiyo" bhausaheb paper main ki news apdhte huye bole....bhausaheb tarwade gaon ke patil the yani mukhiya the aur ek raees aadmi..boli main gaon ki jhalak thi fir bhi is gaon main yahi sabse hussar samajhdar aadmi tha...uske chalne main bolne main behavior main ek rubab tha gaon ke log usse thoda sambhal ke hi rehte the...gaon main ke jhagde maramari sirf bhausaheb ke jane se hi mit jaya karti thi....uska gaon ke beecho beech kisi mahal ke jaisa bada vada(bangla) th...gaon ke bahar angoor..jawari...bajre ke khet the..aur usme kaam karne wale asankhaya majdoor...gaon main 2 petrol pump....gaon ke dusre side jaha tak najar jayegi waha tak jameen...ghar main mehngi cars..hatho main sone ki anguthiya..chehre par ek karara bhavaur usi ko suit karengi aisi rubabdar badi badi muche....kapdo main jyadatar istari kiya hua cream color ka shirt aur ekdum safed dhoti aur pairo main chrr..chrr...awaz karne wali kolhapuri chapple

paper main chapi ek news i or ishara karte huye ye bhausaheb pashya se bol rahe the...

"are ye shweta hai na?? are khoon ho gaya hai iska gaon ke bahar lodge main" bhausaheb

"hao bhausaheb...wahi hai..raand sali..apne karmo ki wajah se mari hogi..pakda hoga kisi sirfire ko aur ye ho gaya" pashya

"are ye kya hai..kabhi kisi mare huye ke bare main aisa nahi bolte" bhausaheb

"maaf kardo bhausaheb lekin wo thi hi aisi main hi nahi sara gaon aisa bol raha hai" pashya apni gardan jhuka ke bola

"are hoga bhi aisa lekin ab to wo mar chuki hai hau na? acha thik hai thode samay se gadi nikal na hum is ladki ke ghar jayenge aur ate samay police inspector se bhi milte aayenge samjhe.."bhausaheb

"hao saheb abhi subah hi mast chakachak do ke rakhi hai gadi" pashya waha se jaye huye bola

bhausaheb ne puri news padhi aur samne rakha hui adrak wali chai pine lage....

*****************

bhausaheb police station main pahuche tab inspector postmortem ki reports padhne main vyast the bhausaheb ko ander aata dekh wo uth kar khade ho gaye

"are baitho baitho aap kyu khade ho rahe ho" olice station ke darwaje se ander aate huye bhausaheb bole

"abe police inspector hai aap aapke samne humne khada rehna chahiye aap ne hamare nahi.." bhausaheb

"are bhasaheb aap bhi ab is garib ki maja lene lag gaye..are ye pura gaon aapke samne natmastak hai fir hum kaise baithe reh sakte hai..aaiye baithiye" samne ki kurchi ki or ishara karte huye pawar bole

"pawar saheb...news paper main padha kal ki bat ke bare main..aap kal raat se yahi ho kya?? bhausaheb

"nahi, kal panchnama kar ke ghar chala gaya tha subah jaldi aaya hu" pawar ne jawab diya

"to jara batayenge ki asal main kya hua hai??" bhausaheb main apni badi mucho ko taav dete huye pucha

"kaisa hai bhausaheb mamla thoda confidential hai puri chan bin ke bagair kuch kaha nahi ja sakta lekin aapko bata raha hu..wo gaon ki hi ek ladki hai jiska'sujit lodge main khoon hua hai shweta naam hai uska aap jante hai kya use??" pawar

"are kon nahi pehchanta uska..? gaon ek lagbhag har ghar ka bistar garam kiya hai usne aur.."pashya aage bhi kuch bolne wala tha ke bhausaheb ne uski baat kaat di

"pashya jab tak bolne ko na kaha jaye beech main mat bolo!!" aur fir pawar se bole

"pawar saheb mera waise to usse koi lena dena nahi hai lekin gaon ki bacchi hai...matlab thi..bas isiliye thodi ki mahiti (information) chahiye thi"

bhausaheb ki baate inspector pawar dhayan se sun rahe theaur unki baat khatam hone par bole

"hmm!! to kal uska chaku maar kar khoon hua hai..ek baar ya do baar nahi balki aath baar uspar chaku se vaar huye hai...ispar se khuno ko ya to usne liye man main kafi chidh thi aur dusri baat ki use marne ke liye hi uspar hamla hua hai lekin is khoon ke piche ka karan samah main nahi aaya kyuki uspar balatkar nahi hua tha purse main ke paise aur jewar sabhi sahi salamat the!!" pawar

"acha acha!! to fir koi surag hath laga" bhausaheb ne pucha

"main mafi chahunga bhausaheb lekin abhi kuch bataya nahi ja sakta samay aane par aapko puri baat pata chal hi jayegi" pawar

"thik hai thik hai aapka bhi sahi hai aap tehre sarkari aadmi hamara kya hai isi gaon main paida huye yahi jee rahe hai..chalne do aapke kaam" itna bol kar bhausaheb waha se uthe aur jane lage....

unke waha se jane tak pawar unhe dekhte rahe aur jaise hi wo najro se door huye pawar ne fir se waha rakhi file uthayi aur padhne main kho gaye............

Beshkimti update hai dost.

 

[Nevil singh]

* Update 6 *

unke waha se jane tak pawar unhe dekhte rahe aur jaise hi wo najro se door huye pawar ne fir se waha rakhi file uthayi aur padhne main kho gaye............
--------------------------------------
bhausaheb ke jane ke baad waha sub inspector sawant aa pahuche aur sawant ke aane ki khabar milte hi pawar ne sawant se pucha

"bolo sawant kya pata chala" Pawar

"sir gadi ke malik ka pata chal gaya hai wo gadi kisi dusre ki hi thi, Mr. Mohite us gadi ke malik hai gadi band ho gayi thi isiliye wo ek car wale se madad lekar bagalwale gaon main gaye the, ye insan jisne ye khoon kiya hai usne band gadi ka fayda sirf us bus se lift lene ke liye kiya hua lagta hai" sawant

"us mohite ke sare referance check karo.konse gadi se wo gaon main pahucha pata lagao waha ke garage walo se baat karo aur uski batayi huyi har baat ki jaanch karo" pawar

"ha sir ye kaam chalu hai, ye mohiy=te kareeb 40 ki umra ka aadmi hai iska to description bhi us insan se nahi milta" saant

"hmm thik hai uska contact number le lo aur jarurat padne par phone karenge aisa batado" itna bol kar pawar fir se apne kaam main magn ho gaye

"ok sir" itna bol kar sawant bhi waha se chala gaya

*****************

yaha dusri or shweta ke ghar par dukho ka pahad gir pada tha..uske budhe maa-baap akele pad chuke the...jabki unhe pata tha ke unki beti kya 'kaam' karti hai fir bhi unhone us baaat ko jaan bujhkar najarandaj kiya tha...akhir kuch bhi ho unka ghar uski kamai par hi chalta tha...

ab shweta ke marne se unhe milne wala paiso ka ekmatra rasta bhi band ho chuka tha....usme bhi har do char din main police aur patrakaro ke rounds chalu the aur unke sawalo ne unhe pareshan kar choda tha....kisi insan ke charitra ko uchalne main unhe kyta maja aa raha tha kise pata??

un budhe maa baap ko is waqt ek hi majboot sahara lag raha tha wo tha anitatai ka.....kareeb tees ki umra wali 'anitatai' tarwade gaon main ki ek samaj sevika thi...garibo ki pichde logo ki madad ke liye wo hamesha tayar rehti thi....usme ye ghatna bhi koi apvad (exception) nahi thi....apne samarpak jawabo se aur chatur sambhashan kaushaliya se unhone patrakaro ka mu band kar diya tha.....apne NGO se kuch rakam nikal kar unhone shweta ke pariwar walo ko arthik adhar diya tha.....unke jakhmo par halke se phook mari thi...

"anita tai aapka ye ehsaan hum kaise chukayenge...sach main agar aap nahi hoti to kya hota hamara" shweta ki maa ka gala bhar aaya tha aur wo anita tai se baat kar rahi thi

"isme ehsaan manne wali konsi baat hai main bhi aapki beti jaisi hu aur beti ka konsa ehsaan..jitna ban pade utna karna mera kartavya hai" anitatai

"jaisi bhi thi fir bhi shweta hamari beti thi usi ne roti khilayi thi....gaon wale kuch bhi bole hame hamari beti ke marne ka gum to hai hi..."

shweta ki maa ki aankhon se lagatar aansu beh rahe the..mand diye ki roshni main ujale se bhari wo room ekdum sunn ho gayi thi shabd tham se gaye the

kuch pal shanti main beetne ke baad anita tai boli

"acha main chalti hu ab, kafi samay ho gaya hai...aapko kabhi bhi kisi bhi cheez ki jarurat ho to aap haq se mujhe awaz de sakti hai"

itna bol kar anita tai ne unke pair chuye aur waha se bahar nikal gayi....hamesha tarwade gaon ke bhale ke liye jeene wali anita tai ke man main is samay aise hi kisi ke bare main vichar chalu tha....andhere main jaldi jaldi pair dalte huye wo chal rahi thi....achanak unko laga ke koi unke piche hai....unhone do pal ruk kar dekhne ki koshish ki lekin koi nahi dikha

wo fir se aage badhne lagi lakin koi to tha jo unka picha kiye ja raha tha..........

Benajir update hai dost.

 

[Nevil singh]

Update 7


itna bol kar anita tai ne unke pair chuye aur waha se bahar nikal gayi....hamesha tarwade gaon ke bhale ke liye jeene wali anita tai ke man main is samay aise hi kisi ke bare main vichar chalu tha....andhere main jaldi jaldi pair dalte huye wo chal rahi thi....achanak unko laga ke koi unke piche hai....unhone do pal ruk kar dekhne ki koshish ki lekin koi nahi dikha

wo fir se aage badhne lagi lakin koi to tha jo unka picha kiye ja raha tha..........
--------------------------------------------
anita tai ka bura chahne wale kai log the....usna bura karne ke liye kai log tayar baithe the...aise kai logo ko unhone khud ne thik kiya tha..unhi main koi ekhada usne ghabrane ke liye ye sab kar raha hai aisa samajh kar anita tai aage badh rahi thi..aur sath hi sath unke jo banda tha wo bhi unhi ki speed se aage badh raha tha...anita tai ek jagah jakar ruki..lekin piche se kadmo ka awaz ab bhi aa raha tha....kareeb kareeb aur kareeb ..unke ekdum paas main aakar wo awaz ruki

anita tai ko apne ekdum paas main koi hai is baat ki bhanak lag gayi thi..unke gardan par ke baal tight ho gaye the..rongte khade ho gaye the...reed ki haddi mud gayi thi...dil ki dhadkane tezz ho gayi thi ..shabd gale main hi atak gaye the...jor se cheekhne ke liye unhone apna mu khola lekin unki cheekh unke gale main hi atak gayi..unki peeth se ek bada sa chura unke sharir ke aarpaar ho gaya tha..us chure ke thande dhaardar sparsh unke manko ko thodte huye nikal gaya...anitatai piche mudi...samne ke vyakti ne wo chuka bahar kheecha aur fir se ek baar jor dar jhatke ke sath wo unke pet main ghusa diya..ghusata hi raha aur anita tai apne pran tyag kar jameen par gir padi....
******************

shweta ki maut dekh kar abhi tarwade gaon ko ek hafta bhi nahi beeta tha ke unki pyari anitatai ki maut unhe dekhne pad gayi

shweta ki maut se shayad ki kisi ko dukh hua tha lekin anita tai ki maut se pure gaon main hahakar mach gaya tha..

'tarwade' gaon main ek prakar ka sannata chaya hua tha....gaon ke bahar jo bhi schools thi usne apne aap hi chuttiya mil gayi thi...gaon main ka vyahar..vyapar thanda ho gaya tha....har ek insan ek dusre ki or shak bhari nigaho se dekhta tha..gaon main ka koi bhi lodge...hotel... restaurent in jagaho par koi bhi naya insan dikhte hi uski infoemation police station ko di jaye iski vyasta unlogo ne ki thi....gaon main ke sunsan ilake, gaon ke bahar ke khet.... tuti imarate in jagaho par jane ke liye gaon walo ko rok diya gaya tha..... gaon mainj naya bina pehchan ka koi insan dekhne main nahi aaya tha...gaon ke bahar ki sabhi jagah chan mar li gayi thi lekin kisi ke rehne ka koi namo nishan nahi mil paya tha.....

"kon hoga ye khuni?? motive kya hoga uska??? huye huye khuno main dono ka bhi ek dusre se koi sambandh nahi tha?? khuni sach main koi sirfira hoga kya??polico ke dimag main aise kai sawal ghoom rahe the lekin unke jawab unhe nahi mil pa rahe the

jile ke wrather forcast ke andaj se aane wale agkle kuch din barish ki sambhavnaye thi aur uske hisab se vatavaran bhi nirman ho gaya tha....din bhar badal ghire rehne se hawa main ek prakar ki nami faili huyi thi... hawa na hoke bhi ek thandi lehar thi....sara kala aasman tarwade gaon par girne ke liye tayar tha..............

Khubsurat update hai dost.

 

[Nevil singh]

Update 8



jile ke weather forcast ke andaj se aane wale agkle kuch din barish ki sambhavnaye thi aur uske hisab se vatavaran bhi nirman ho gaya tha....din bhar badal ghire rehne se hawa main ek prakar ki nami faili huyi thi... hawa na hoke bhi ek thandi lehar thi....sara kala aasman tarwade gaon par girne ke liye tayar tha..............
-------------------------------------
tarwade gaon main ek prakar ka kohram macha hua tha..gaon ke bahar lodge main khoon huye ek hafta bhi nahi hua tha ke kal hi gaon main dusra khoon bhi hua tha..police station ke samne gaon main ke reporters aur news pane ke liye aaye huye shahar kereporters sabhi ki gardi jami huyi thi

"dekhiye aap sab please yaha gardi mat kijiye investigation puri hone par aapko sari information de di jayegi" inspector pawar us gardi ko lotte huye bol rahe the

"kab hogi aapki investigation puri pehle hi do logo ki jaan ja chuki hai aur aage kitne logo ko apni jaan gavani padegi" reporter

"dekhiye hamari chan been chal rahi hai..."

"konsi chan been chal rahi hai kya pata chala ab tak aapko" reporter

"ye kaam kisi sirfire killer ka hai.." pawar

"aap ye kaise keh sakte hai"reporter

"dono bhi khuno maoin khun ka motive samajh main nahi aaya hai aur jis chure se ye khoon huye hai unki banavat bhi ek jaisi hi hai.....issse jada main aako nahi bata sakta thodi chanbeen ke baad hi khulasa hoga" pawar

"to iska matlab aapka kehna hai ke is waqt gaon main ek khuni khula ghoom raha hai aur aapke paas koi surag koi saboot nahi hai aur aapki investigation puri hone tak gaon main kya aise hi khoon hote rahenge" rporter

"main ispar kuch nahi kahunga..jaise hi hame kuch pata chalta hai hum aap logo ko khabar kar denge" itna bol kar pawar ne usne waha se bahar nikalna chalu kar diya.....
********

"hello inspector" apne chehre par hamesha wali impressive smile late huye jhon bola

""hello" kuch ukhde andaz main inspector pawar ne kaha

" I m jhon...detective jhon" apni jeb main se apni detective agency ka card pawar ko pakdate huye jhon bola

pawar ne wo card liya aur jhon ko baithne ka ishara kiya jhon ne baithne huye hui apni file jisme uski agency ka goverment approved certificate....paas ke police station ka certificate aur baki ke kagzat the...

inspector pawar ne wo sab bade dhayan se dekhe aur fir bole

"bolo detective jhon main kya madad kar sakta hu aapki"

"mujhe gaon main huye khoono ke bare main janna hai" jhon

"arre bhai chavhan jhon sahab ko cse ki file dikhao" pawar kuch trast ho kar bole

"mujhe aapke case paper nahi chahiye sir mujhe case ke bare main jaankari news paper ke through mil gayi hai mujhe to wo jaankari chahiye jo aapne kisi ko nahi batayi hai" apne chehre ki smile kayam rakhte huye jhon bola

"sorry mr.jhon par isse jada jaan kari hamare paas bhi nahi hai" ab pawar ka jhon main ka intrest chala gaya tha aur wo fir se apne kaam main lag gaye the

"alright mera kaam tha puchna baki jaankari kaha se aur kaisi nikalni hai mujhe ache se pata hai chalta hu main"

itna bol kar jhon waha se utha aure apne raste nikal gaya...........

Behtreen update hai mitr.

 

[Nevil singh]

Update 9


"sorry mr.jhon par isse jada jaan kari hamare paas bhi nahi hai" ab pawar ka jhon main ka intrest chala gaya tha aur wo fir se apne kaam main lag gaye the

"alright mera kaam tha puchna baki jaankari kaha se aur kaisi nikalni hai mujhe ache se pata hai chalta hu main"

itna bol kar jhon waha se utha aure apne raste nikal gaya...........
------------------------------------------------------
"arre arre bhausahebv ye kya sun rahe hai hum" nanasaheb tantanate huye bhausaheb ke drawing room main dakhil huye.
nanasaheb ye bhausaheb ke chate bhai lekin unke bilkul opposite....bhausaheb ka swabhav ekdum shant..mitbhashi...man milau....iske ulat nanasaheb garam dimag ke aage piche ka vichar na karte huye jo sahi laga wo karne wale

swabhav ke isi farak k,i wajah se bhausaheb maa-baap aur ab sare gaon ke chahite iske ulat nanasaheb na chahte huye bhi sabke tiraskar ke parta rahe.....nanasaheb bachpan se hi jua, daaru cigarate ke chakkar main sabse door hote rahe aur bhausaheb jimmedariya sambhalte huye aaj gaon main ke ek sammanit vyakti bane

unke pitaji ke maut ke baad in dono bhaiyo ke beech ka jhagda sare gaon ke samne aa gaya tha. pitaji ne apni sari jaydad ka batwara dono bhaiyo main eksa kiya tha lekin ek limited rakkam ke kharche ke baad nanasaheb ko bhausaheb ki permission ke liye bandhankarak kiya tha.... uske baad nanasaheb aur bhausaheb ke beech ka jhagda badhta hi gaya...un dono main kabhi nahi jami aur isi wajah se nanasaheb unse alag hokar dusri haweli main rehne chale gaye.....

"arre nanu.. shanti rakho...baitho" bhausaheb apne ghar ke drawing room main gaon ke dusre sammanit vyaktiyo ke sath charcha main magn the aur nanasaheb ko aise tantanate huye aane se unhe bhari embarassment jhelni padi...."kya hua hai wo jara shanti se bataoge..?"

"bhausaheb maine suna hai ke aap hamari gaon ke dakshin bhag ki 25 acre jamin bhumihino ko dene wale ho?" nanasaheb khade khade hi bol rahe the.

"ha..tumne jo suna wo sahi hai" bhausaheb

"are ye sab kya tumhare akele ka hai kya?? mujhe puchna jaruri samajhte ho ke nahi?? arre main us jamin par ek factory lagane wala hu ye bataya tha na maine tumhe.." nanasaheb

"arre bas 25 acre ka ek tukda hi to de raha hu na baju main itni sari jamin khali padi hai wo le lo na.." bhausaheb

"nahi...ye main nahi hone dunga...mera virodh hai is baat ho......mujhe wo puri jamin chahiye..company wo waisi jaban di hai maine!" nanaasaheb

"ha to maine bhi un bhumihino ko apni jaban di hai nanasaheb" bhausaheb

"arre puchta kon hai teri jaban ko us jamin ka har ek acre mere liye mahatvapurn hai.....aur agar jamin batne ki itni hi haus hai na to apna ye ghar dede par us jamin ki or dekhna bhi mat!" nanasaheb

"dekh nanu wo jamin nadi ke paas haigaareeb logo ko agar wo jamin mil gayi to unki pani ki samasya hal ho jayegi maine apni jaban di hai aur ab main piche nahi hat sakta" bhausaheb

"thik hai to fir...aajtak bada bhai ho isiliye tumhari har baat sun ke li lekin ab naahi maine bhi dekta hu ke us jamin par factory kaise nahi banti" nanasaheb

"agar meri jaan chali jaye to bhi chalega lekin apni jaban khali nahi jane dunga main" bhausaheb ko ab gussa aane laga tha

"thik hai...agar tumhari lash pe hi is factory ki neev likhi hai to mujhe bhi koi harkaat nahi hai" itna bol kar nanasaheb jaise aaye the waise hi tantanate huye nikal gaye....................

Bemishaal update hai bandhu.

 

[Nevil singh]

Update 10


"agar meri jaan chali jaye to bhi chalega lekin apni jaban khali nahi jane dunga main" bhausaheb ko ab gussa aane laga tha

"thik hai...agar tumhari lash pe hi is factory ki neev likhi hai to mujhe bhi koi harkaat nahi hai" itna bol kar nanasaheb jaise aaye the waise hi tantanate huye nikal gaye....................
-------------------------------------------------------------
'tarwade' gaon ke ek saste se saste hotel main jhon ne ek room leli thiaur jeb ki halat dekh kar to use lag raha tha ki wo hafte bhar se jyada waha reh nahi sakta...usko jaldi se jaldi kuch hulchal karna jaruri tha....

apne hath main ki cigarate ke kash khichte huye jhon sabhi ghatnao ka suru se vichar kar raha tha....

'jaha wo aadmi bus main ghusa tha wo jagah bastoi se waise to door hi hai..matlab wo aadmi waha kisi gadi se aaya tha ya fir usne waha apni hi gadi layi ho...

agar wo banda guneh gar hua aur khoon karne ke hetu se hi aaya hoga to waha tak pahuchne ke liye wo kisi pe dependent nahi raha hoga ya kisi se lift nahi mangi hogi matlab wo khud ki hi gadi se waha aaya hoga aur agar aisa hai to usne ho na ho apni gadi wahi kahi chupayi hogi'

jhon jaldi hi apni jagah se utha..tarapur exit par jab jhon pahucha tab bara baj chuke the..jhaon ne aajubaju main ek najar daudayi lekin aaspaas basti kahi nahi thi bas lambi lambi ghas hi badhi huyi thi...jhon ne andaje se aaspaas maon dhundne ki surwat ki....lekin ek dedh ghante baad bhi kahi kuch nahi mila..kareeb 1 kilometer ander jane ke baad jhon ko raste ke sside se car ke tyres ke nishan dikhe...jhon un nishano ka picha karte huye ghas main ghusa to ek jagah par ghas dabi huyi lag rahi thi aur ho na ho waha ekhadi car aakar gayi thi waha ki ghas puri tarah dab gayi thi jaise koi bhari gadi kafi samay tak waha khadi ho....

"shayad yahi wo jagah hai jaha us aadmi ne apni car chipayi thi" wild guess lekin baat sochne layak thi aur jhon ko apne intincts par pura bharosa tha...

"matlab hua aisa hoga ki us gunehgar ne raste ke side main band padi huyi gadi dekhi hogi aur apni car yaha is ghas main lakar chipa di aur us baand car ke paas khada ho gaya...bus driver ko aisa laga ki usi ki gadi hai aur isi baat ka fayda lekar wo bus main chadha....jaha bus band huyi waha kisi karan se us ladki ko lekar gaya aur uska khoon kiya...fir wapas yaha aaya aur apni gadi lekar chala gaya.....lekin kaha??jaha se aaya tha waha?? ya jaha ja raha tha waha???" jhon apne aap se hi baat kiiye ja raha tha..

jhon ne fir se ek baar dabe huye ghas ka nirakshan chalu kiya tyre marks jis disha se ander aaye the usi disha se bahar gaye the.."matlab aisa ki gunehgar taraapur se tarwade ya aage kahi ja raha tha aur use band gadi dikhi to usne apni gadi reverse lekar yaha ghar main chupayi isiliye tyre markas baye or se ander gaye hai.

gadi ki direction thi tarapur ki or....aur usi disha main gadi reverse main bahar nikli hai...matlab gadi ki disha ab bhi tarapur ki or haiiska matlab aisa ho sakta hai ke wo jidhar se aaya thausi or gaya tha.."

basss...isse jyada jhon ko kuch nahi mila.....usne kuch saboot dhundne ki koshish ki lekin jise clue kaha ja sake aisa use kuch nahi mila...

"chalo aaj ka din waste to nahi hua jaha se surwat ho sake aisa kuch mila to hai" aisa sochte huye jhon wpas aane ke liye ravana ho gaya........

Bahut sunder update hai mitr.

 

[Nevil singh]

Update 11


basss...isse jyada jhon ko kuch nahi mila.....usne kuch saboot dhundne ki koshish ki lekin jise clue kaha ja sake aisa use kuch nahi mila...

"chalo aaj ka din waste to nahi hua jaha se surwat ho sake aisa kuch mila to hai" aisa sochte huye jhon wpas aane ke liye ravana ho gaya........
-------------------------------------------------------------
"shinde us hathiyar ke bare main aur kuch pata chala kya" pawar sahab doctor ke diye huye postmortem report ko padhne ke baad khoon ke liye use kiye huye chure ke sketch ko dekhte huye bole.... 9 inch lamba ek baju se nishani wale chure ke ek side nakshikaam to dusri or do shero ki drawing bani huyi thi aur apni nok par ekside muda hua aisa wo vichitra aakar ka chura tha...

"matlab shinde dekho aise vichitra aakar ka chira kiske paas ho sakta hai, chiken wala, bhangarwala ke hotelwala??? aisa chura sala kon vaparta hoga?? acha wo chodo us raat ke baad gaon main naya kon kon aaya hai dekha kya tumne?? pawar

"ha sir, gaon ki jamin ke bare main charcha karne ke liye nanasaheb ke yaha 4-5 log aaye the aur bhausaheb ke yaha bhi logo ka aana jana chalta hi hai baki naya aur koi nahi aaya ...ha wo ek detective jhon ayaa tha anitatai ke murder ke baad" shinde ne apni baat puri ki

"detective jhon, mujhe wo aadmi kuch sahi nahi laaga....achanak aaya khuno ke bare main puchne laga" pawar kuch sochte huye bole

"pan sir aapne uske sare paper check kiye na goverment ke hi hai na" shinde

"arre shinde aise chappan paper bahar banakar mil jate hai, kya proof hai ke wo sahi hai, ek kaam karo kal leke aao usko yaha" pawar ne apni jagah se uthte huye kaha
********
jhon apne room ki balcony main baitha dhalte huye suraj ko dekh raha tha. usne jeb main se cigarete ka packet nikala aur usme ek najar dali... aander akhri 4 cigaretes bachi huyi thi...jhon ne packet band kar ke jeb main rakh kiya aur fir ander room main jakar apne liye coffee banayi aur wapis bahar balcony main aakar baitha.....coffee ke do kadak ghoot gale ke niche utarne ke baad bhi uski cgarete ki talab nahi ja rahi thi aur akhir kar usne ek cigarette nikal kar jalayi aur ek lamba kash khicha aur kurchi main aaram, se pasar kar baith gaya...

din ba din in khuno ke bare main baate charo taraf aag ki tarah fail rahi thi..aur fichle kuch dino main kuch interesting na hone ki wajah faltu hone ke baad bhi media is baad klo khub uchal rahi thi

'tarwade gaon main sannata'

'tarwade gaon main maut ka aatank'

'tarwade gaon main ghum raha hai ek khuni darinda'

'tarwade gaon hua pagal khuni ka shikar'

ye aur in jaisi aneko 'breaking news' dinbhar tv par chal rahi thi aur tarwade gaon ka naam har jagah pahucha rahi thi

"is case ko aisi hi publicity milni chahiye...iske liye ek do khun aur ho gaye to harkat nahi iski publicity ka fayda utha kar main fir se ek nayi surwat kar sakta hu"jhon khud se hi bate kar raha tha aur dhalte suraj ko dekhte huye cigarette ka dhua asman main chad raha tha.......inspector pawar se jab tak koi info nahi milti tab tak kaam aage badhana mushkil hai ye baat wi janta tha.....uske paas se info nikalne ke liye use gajar dikhana padega....aapki mdad jaruri hai ye baat use samjhani hogi tabhi wo kuch batayega aisa ek halka sa khayal jhon ke dimag main aaya.......aur sochte sochte jhon ka man atit ki gehraiyo main kho gaya..................

Jabardast update hai mitr.

 

[Nevil singh]

Update 12


"is case ko aisi hi publicity milni chahiye...iske liye ek do khun aur ho gaye to harkat nahi iski publicity ka fayda utha kar main fir se ek nayi surwat kar sakta hu"jhon khud se hi bate kar raha tha aur dhalte suraj ko dekhte huye cigarette ka dhua asman main chad raha tha.......inspector pawar se jab tak koi info nahi milti tab tak kaam aage badhana mushkil hai ye baat wi janta tha.....uske paas se info nikalne ke liye use gajar dikhana padega....aapki mdad jaruri hai ye baat use samjhani hogi tabhi wo kuch batayega aisa ek halka sa khayal jhon ke dimag main aaya.......aur sochte sochte jhon ka man atit ki gehraiyo main kho gaya..................
------------------------------------------------------
jhon dolly le alishan arieconditioned bedroom main chat ki or mu karke leta hua tha uske ek hath par sar rakh kar dolly soyi huyi thi uski gori khuli peeth par se uske lambe kale ghane baal bikhre huye the neend main hi jhon ne dolly ke sar ke niche se apna hath nikal liya .

jhon ke hath hilane se dolly ne halki si aankhen kholi...jhon ke sath bitaye huye pichle do ghante dolly ke liye param sukh tha....usne ek baar pyaar se jhon ki or dekha..jhon gehri neend main tha..jhon ko jaga kar fir ek baar usi sukh ki anubhuti lene ki tivra icha dolly ke man main aayi lekin fir usne wo baat dimag se nikal di aur bed par se uth ke wardrobe main lage bade se aaine main apne roop ko niharne lagi....uski har ada pe najuk sharir pe uski ek hasi ke uske lambe balo ke chehre ke bhole pan ke kai diwane the lekin dolly ko pasand aaya tha wo jhon ka roop uski halki dadhi, majboot hath aur confidence se bhara hua chehra...

dophar ki kadak dhoop main bahar jane se acha ghar par hi pizza mangwa ke jhon ke sath beer pite huye movie dekhne ka dolly ka plan tha...usne ek halke gulabi rang ke ribbon se apne baal bandhe aur kamre main charo or pade huye apne kapde uthaye aur garam pani se shower lene ke liye wo bathroom main gayi...karib 1 ghante se jab wo bahar aayi to jhon ko dekh kar uske dimag pe sal pad gayi

"kaha ja rahe jo jhon?"

"bas abhi ek do ghante main jake aata hu. mrs parkaar ka phone aaya tha unko unke kaam ke reports chahiye abhi"

"but jhon....!"

"dolly..tumko pata hai na ke wo buddhi kitni kitkit karti hai !! ek to pehle hi clints kam...jo hai unhe to sambhalna chahiye na!"

"par jhon tum ye sab chodke ke koi office kyu nahi jion kar lete? I really love you and I want to get marrid with you!"

"dolly please abhi nahi..."

"jhon I know tumhe detective jobs pasand hai fir tum thomson agency join karo na unka client base bhi kafi acha hai aur regular paise to bhi milenge"

"kon? wo harami thomson? dolly please.. apni ye faltu bate apne paas rakho aur meri professional life main please bich bich main mat karo"

"tumhari life?? tumhari life meri life nahi hai??"

"mere kehne ka wo matlab nahi tha"

"jhon harami is baat ko lekar pehle bhi kafi behas huyi hai aur aage bhi hoti rahengi ..jhon tumhe kisi ek ko chunna hoga "

"dolly please abhi nahi mujhe bohot kaam hai hum is bare main sham ko baat karenge"

"nahi sham ko nahi jo hoga abhi hoga"

"thik hai to fir dolly sunlo main apna profession kisi ke liye bhi nahi chod sakta.."

ek lambi saas lekar jhon waha se nikal aaya dolly ko chod kar......dolly wahi khadi thi uski aankhon main se pani pehne laga aur usne waha rakhe sofe ko apne aap ko saup diya..........

apne hath main ki khatam hoti cigarette se chatke se jhon hosh main aaya "dolly......yesss...!! dolly is kaam main meri madad kar sakti hai.." hath main ka cigarette fek kar jhon uth gaya............

Jaandaar update hai mitr.

 

[Nevil singh]

Update 13

apne hath main ki khatam hoti cigarette se chatke se jhon hosh main aaya "dolly......yesss...!! dolly is kaam main meri madad kar sakti hai.." hath main ka cigarette fek kar jhon uth gaya............
----------------------------
"pawar sir kya main aapka fax machine use kar sakta hu?? matlab is chaku e bbare main aur jyada janne ke liye hi use karinga" aur pawar ke jawab ki rah dekhe bina jhon ne apne hath main ka chaku ka sketch fax machine main sarkaya ait usne side main tuti huyi pencil se aur info chahiye aisa likh kar dolly ko fax kar diya.....

gaon ki panchayat.. thode patrakar...kuch nayi news na milne ki wajah se juni bate khod kar breaking news banane wale channel ke kuch log inke sawal se inspector pawar pareshan ho gaye the koi naya surag hath nahi lag raha tha aur isi samay jhon ne unko mil kar use mile huye suragoo ke bare main bataya usne us jagah leke gaya aur tyre ke nishan wagaire dikhaye aur uske piche ka tark bhi samjhaya...

information jyada kaam ki to nahi thi aur uspar se koi surag bhi hath main nahi lag raha thalekin in patrakar logo ko thoda hi sahi lekin masala pawar ko mil gaya tha aur kuch waqt ke liye hi sahi media ka mu band ho gaya tha isiliye inspector pawar ne bhi apni paas ki kuch info jhon ko di thi..

khoon ke waqt ki jakhmo ko dekhte huye intellegence ne ek chaku ka sketch banaya tha aur kuch info main se ek pawar ne wo chaku ka sketch jhon ko dikhaya tha ...

pichle 3 mahino se dolly jhon se baat nahi kar rahi thi ya uske sath nahi thi lekin is chaku ke sketch ko dekhte hi dolly uski madad kari aisa pura vishas jho ko tha

is sketch ki madad se dolly internet se us chaku ki aur jyada info nikal sakegi aisa use lag raha tha aur isi wajah se jyada kuch soche bagaitr jhon ne wo sketch dolly ko bhej diya tha.............dolly is waqt apne office main apne kaam main vyast thi tabhi bagal main rakhe fac machine main incoming fax ke akshar dikhai diye.

dolly ne accept ka button dabayaaur fax ka paper roll ghumne laga aur us fax paper par dikhne wale ajeeb se chure ko dekh kar dolly ke mathe par shikan aa gayi usme wo paper ache se dekha aur fir uski najar ek side likhe huye jhon ke aksharo par gayi...

dolly ne wo paper table ki side rakh diya aur wo apne kaam main fir magna ho gayi....sham ko ghar ke liye nikalte waqt dolly ni najar fir se us fax par padi usme ek baar fir se us paper ko ache se dekha...

"kyu chahiye usko info? itne dino baad kahi jhon ko firse koi case to nahi mil gaya?"

dolly ke man main kaisare sawal chal rahe the usne fax kaha se aaya hai janne ke liye fax number dekha aur fir telephone directory main khojne lagi

"tarwade.." dhundte dhundte use us gaon ka code pata chal gaya aur kuch hi palo main paper main aayi huyi aur news channel par dikhayi huyi 2 khoono ki nwes use yaad aa gayi

usne ek lambi saas chodi aur chaku churo ke bare main batane wali websites dhoondne lagi...kafi samay dhondne ke baad use ek website par us chure ke bare main pata chala...bilkul wahi nakshi wahi aakar....

dolly ne ek kora paper uthaya aur pencil se us paper par website par ka info likhne lagi........

Parsanshniye update hai mitr.

 

[Nevil singh]

Update 14

usne ek lambi saas chodi aur chaku churo ke bare main batane wali websites dhoondne lagi...kafi samay dhondne ke baad use ek website par us chure ke bare main pata chala...bilkul wahi nakshi wahi aakar....

dolly ne ek kora paper uthaya aur pencil se us paper par website par ka info likhne lagi........
--------------------------------------------
dolly ke man se jhon kabhi gaya hi nahi tha aur ab jhon ko apni jarurat hai aisa reh rehkar dolly ko lag raha tha aur isiliye usne khud 'tarwade ' gaon jane ka decision liya .
kaam khatam hote hi wo ghar pahuchi 2-4 din ke kapde thode paise aur kuch jarurat ka saaman lekar wo 'tarwade' gaon ki or rawana ho gayi. aur is baat ki khabar usne jhon ko nahi di, aise achanak pahuch kar jhon ko surprise dena aur us din ke liye mafi maang kar uski baho main sama jana bas isi haseen khayal se wo apni gadi daudaye ja rahi thi. tarapur exit se aakhri ghat chadhne tak raat ke 9.30 baj chuke the aur ghat sunte hi dolly ko acha nahi lagta tha use hamesha se hi ghat mian takleef hoti thi aur is baar bhi aisa hi hua aur jab sehna mushkil ho gaya to usne apni gadi ek side khadi kar di . bahar nikalne ke baad pahado ki thandi hawa ke jhoko se use acha laga. dikki main rakhe huye battry ke refrirator main se usne mosambi ke juice ki bottle nikali. uske do ghut pet main jane ke baad use ulti sa lagna band hua balo ko banda hua ribbon nikal kar usne baal khule chod diye awa ka jhonka uske pure sharir ko lapet raha tha usne sukh se do pal apni aankhen band kar li....
ladkiyo main 'sixth sense' hota hai aisa kehte hai. achanak dolly ki aankh khuli. ek darr ki lehar uske man ko chu gayi.. koi to hai yaha ya shayad tha..............

Nice update dost.