Update 129
Meri training ka pehla mahina ek nightmare jaisa tha. Shika ne mujhe subah se lekar raat tak khada rakha talwar chalana, stance pakadna, aur apni body ko discipline dena.
“Zyada zor mat laga,” Shika ne kaha jab maine apni talwar ko ek bure strike ke saath ghoomaya. “Talwar ka wazan mehsoos karo. Force se nahi, balance se kaam lo.”
Main pasine se bheeg chuka tha, haath dard se kamp rahe the. Lekin Shika ke chehre pe koi reham nahi tha.
“Dobara,” usne kaha.
Maine apni saans ko sambhala aur talwar uthai. Shika ne apni talwar ko halka sa ghoomaya ek fluid, effortless motion jo meri talwar ke path ko block kar gayi. Ek second ke andar, uski talwar meri gardan ke paas thi.
“Tum bahut soch rahe ho,” Shika bole. “Talwar ko mehsoos karo socho mat.”
Maine apne thake hue hathon ko dekha. “Lekin bina soche talwar kaise chalau?”
Shika ne apni talwar ko mayan me dala aur meri taraf dekha. “Samay ke saath.”
Agle din, training aur zyada intense ho gayi. Shika ne mujhe ek choti si patthar ki machan pe khada kiya aur ek task diya jo tha, “Balance.”
Main apni talwar ko grip karta raha jab hawa tez hone lagi. Shika ne apni talwar se ek sharp strike kiya main apni talwar se usse block karne ki koshish ki lekin mere pvayu fisal gaye. Main zameen pe gir gaya.
Shika mere upar jhuke “Tum bas apni taqat pe bharosa kar rahe ho. Balance chahiye. aag, dharti, vayu, aakash aur pani ke flow ko samjho. Control karo.”
Maine apni saans ko control kiya aur dobara khada hua. Shika ne mujh par fir se strike kiya is baar main zyada shant tha. Maine apni talwar ko defensive position pe rakha, apni saans ko sambhala, aur strike ko deflect kiya.
Shika ke chehre pe ek chhoti si muskaan aa gayi.
“Shuruvaat achhi hai,” usne kaha. “Lekin yeh sirf shuruvaat hai.”
Do mahine ke baad meri body strong hone lagi thi. Muscles tight ho rahi thi, grip mazboot ho gayi thi. Lekin Shika ke training ka asli test tab aaya jab usne mujhe pehli baar elements ke saath train karne ko kaha.
“aag aur pani ek doosre ke virodhi hai,” Shika bole, apni talwar ko samne pakad kar. “Lekin jab yeh ek saath kaam karte hain… tab asli power dikhti hai.”
Main ek khule maidan me tha. Shika ke talwaar se aag ke chhote chhote flames nikal rahe the.
“aag ko apne talwar me lao,” usne kaha.
Maine apni saans ko control kiya, apni talwar ke wazan ko mehsoos kiya. Maine aag ke liye apni body ke andar ke garmi ko mehsoos kiya ek dhadkan jaisi jo mere haathon tak pahuch rahi thi.
Talwar ke blade ke upar ek laal chamak aayi. Shika ne ek sharp strike kiya main apni aag-wrapped talwar ko lekar aage badha. Talwar ke clash se ek chhoti si chingari nikli.
Lekin fir Shika ne apni talwar se pani ki ek lahar nikali jo mere talwar ke upar girte hi uski flame bujh gayi. Main peeche hat gaya.
“aag ko control karo,” Shika bole. “pani ko dushman mat samjho. Use apna saathi samjho.”
Maine apni saans ko dobara control kiya. Maine aag ko dobara apni talwar me bulaya is baar maine pani ko bhi mehsoos kiya ek thandi sanse jo aag ke garmi ke opposite thi.
Main aage badha. Shika ne pani ka ek doosra strike kiya maine aag ko twist kiya, usse paani ke flow ke saath milaya. Talwar ke blade pe ek laal aur neeli chamak thi.
Shika ne apni talwar neeche ki.
“Ab samajh aaya?”
Maine apni talwar ko neeche kiya, saans tezi se chal rahi thi.
“aag aur pani ek doosre ke virodhi nahi hain,” Shika bole. “Woh ek doosre ki taakat ko balance karte hain.”
Us din ke baad meri training badal gayi. Main sirf aag ya sirf pani pe focus nahi karta tha main dono ko ek saath laane ki koshish karta tha. aag ki garmi ko pani ke thande flow ke saath milana. Strength aur calmness ko balance karna.
Ek din, Shika ne ek bada test diya.
Usne ek bade pani ki lahar ko mere upar bheja. Main aag ke saath strike kiya lekin paani ke flow ko toda nahi. Maine apne andar ki shakti ko balance kiya aag ko paani ke saath milaya. Talwar ke blade pe ek fiery-blue chamak aayi.
Shika ne apni talwar neeche ki. “Bohot accha.”
Maine apni saans ko normal kiya, haath abhi bhi kamp rahe the.
“Ab agla step,” Shika bole. “Tumhe ab sirf aag aur pani nahi… baki elements ko bhi samajhna padega.”
Main apni talwar ke blade ko dekha, jo ab bhi thodi si chamak raha tha. aag aur pani ek saath… lekin abhi dharti, vayu, aur aakash ko samajhna baki tha.
Aur unke liye bhi Main ready tha.
~~~~~~~~~~~~~~~~~~
Aaj ke liye itna hi
~~~~~~~~~~~~~~~~~~
