Anuj jab fresh hokar aaya to poore kamre ko gaur se dekhne laga
Kamra Chota sa tha aur us kamre me zyada sajo saman nahi the,kamre me kya poore ghar me zyada kuch tha hi nahi.
Lekin pata nahi kaisi shanti thi,kuch alag sa tha.
Aur wo thappad Jo laga tha gaal par seedhe dil ko lagi thi.wo in logo ka koi nahi tha.bete ki jagah lekar use apna mission poora karna tha.
Ek lambi saans li usne aur dining table ki aur jaane laga Jahan aur bhi log wait kar rahe the
“Sab kuch theek ho jaega beta tu bekar tensed ho rahi hai”dadaji bole lekin unko bhi pata tha jitni asani se wo bol gaye itna aasan nahi hai
“Kal last hai papa fir pata nahi kya karungi mai oopar se anuj ka admission school me”aankhen band kar di aarti ne.sirf Andhera hi andhera hai charo aur
Tabhi anuj table ke paas aaya
“Baith”aarti boli aur anuj uske bagal me baith gaya
Roti,chawal,paneer aur dal.yahi tha table par
Aarti ne dekha anuj ke haath ko Kai ghaav the.
“Ruk Mai khilati hoon”bol aarti ne roti todi aur dal ke saath anuj ke muh ke saamne le aayi
“Nahi mai kha lunga”anuj bola
“Chup chap muh khol”aarti boli
“Nahi Mai..”anuj ne bolna chaha
“Ek kheech kar dungi jaise pehle diya tha,muh khol”is baar jaise hukm kiya aarti ne
Anuj ne muh khola aur niwala liya,aur chaunk gaya
Aisa swaad zindagi bhar nahi mila tha use.aisa khana kabhi nahi khaya tha usne
Aarti khana khilane lagi aur anuj khane laga,tabhi kuch boondein aankh se gaalon ko choote hue neeche gire
Chaunk gaya anuj aur apne haath se apni aankhon ko poch kar dekha usne SHIT paani…..
Kabhi aankhon me paani nahi aaya aj26 ke aankhon me,balki unke aankhon se paani nikala usne Jo uske dushman the
“Maa ki baaton ka bura nahi maante,Maa Jo karti hai ache ke liye karti hai”aarti khana khilate hue boli
“Nahi Mai bas….”anuj ne bolna chaha lekin pata nahi gala roondh sa gaya.kya ho raha hai aur kyun ho raha hai kuch samajh me nahi a raha tha uske
Aarti ne apne haath se anuj ke aankh poch daale aur khana khilane lagi
“A aapne khana nahi khaya??”anuj ne is baar poocha
“Khaungi pehle tu kha le”aarti boli
Khana khakar bed me rest karte hue bohut kuch dimağ me chal raha tha anuj ke,aarti ka kuch to problem tha.lekin kya???is ghar me jiske saath baatein kar şakta hai sab maamle me
Sangeeta???sakshi??aarti??dadaji???…..hmm dadaji ko halka sa study kiya anuj ne ki tabhi uske kamre me ek hulchul hui
Turant bed chodd Uth gaya anuj
“Aarti ke baaton ka bura maan gaye ki ro baithe anuj??”dadaji kamre me daakhil hote hue bole
“Aisi nahi thi anuj tumhari maa,poore ghar ka bojh dho kar uska dil pathhar ka ho gaya hai.pata hai tumhe jab dekha tha usne uski khushi bayan nahi kar şakta mai,poore mohalle ko apne saare dost saheliyon ko aur rishtedaro ko phone kar bataya usne ki anuj lout aaya hai”dadaji bole
Anuj sab sunta gaya
“Lekin kal aakhiri din wala kya hai dadaji ?”anuj ne poocha
“K kuch nahi beta wo to..”dadaji baat chupane ki koshish karne lage
“Please poori baat bataiye,ghar ka beta hone ke naate mujhe janne ka Haq hai.hai na dadaji??”anuj ne poocha to dadaji hairani se dekhne lage anuj ko.his umr ke ladke aajkal dilfenk aahique hua karte hai us umr me ye ladka jab se ghar me aaya hai na to mobile use karte dekha use,na kisi se baat aur na faaltu ki bakwas.jaise sab kuch observe sa kar raha hai ye
“Theek hai beta to sun “dadaji ne bolna shuru kiya aur jaise jaise dadaji bolte gaye anuj waise waise chup chaap sunta gaya anuj
“Sab theek ho jaega dadaji “anuj halke se muskurate hue bole
“Tu aise hi muskuraya kar beta.jab se aaya hai hamesha serious sa rehta hai”dadaji Anju ke gaal ko sehlakar chale gaye
——————————————
INCOGNITO PUB
“Arey aap tension na lijiye kal is aarti ka aakhiri din hai,fir aapka damad hi permanent hoga is school ka”principal bole
“Shabash Arup tum ne bohut risk lekar ye kaam kiya hai,waise tumhare account me wo a jayega jiska wada kiya tha”sofe me ek aadmi bol aur bottle se whisky ka peg banane laga
“Thank you sir,aap na hote to pata nahi kya hota.ye government ke paison se ghar nahi chalta “peg ka ek ghoont peekar bola principal Arup aur bathroom ki aur chal pada
Tabhi uske phone par ek call aaya
“Hello???kuch awaz nahi a rahi hai ruko bahar Aakar call karta hoon”bol jaise hi principal ek sunsaan jagah par gaya ki tabhi
“UMMMFFF”kisi ne uske muh ko apne haath se shaks liya aur Ghasit kar le gaya kaafi door
“Ye kya mazak hai??Koun ho tum”chilla kar bola principal
“Principal Arup.10 acre zameen Shahar se door. Swiss account me 80 crore rupaye.beta Germany me private college me mbbs kar raha hai.beri USA me padh rahi hai.7 teachers ka illegal tarike se permanent karna “ek file ko padhte hue anuj bola
Principal statue ban gaya aur tuk tuk dekhne laga us shaks ko Jo ek jeans,shoes aur ek hoodie me tha aur mask pehna tha
“List aur bhi hai lekin mere khayal se itna kaafi hai aapko hilane ke liye”anuj bola aur bijli ki tezi se pairon me gir gaya principal arup
“Beta please mai mar jaunga barbaad ho jaunga please kuch ulta seedha mar kar Dena tumhe Jo pata hai üsse”Arup gidgidate hue bola
“Kal mrs aarti ko permanent member banaoge aap,agar wo nahi hua to fir…”anuj bola
“Beta paise le lo ya kuch aur lekin wo na maango,wo bohut taqatwar hai jiske damad ko permanent karne ka promise kar chuka hoon mai”Arup bola
“Mujhe fark nahi padta “anuj bola
“ r theek hai ho jaega lekin ye file….”file ki aur dekh kar Arup bole
“Mujhe aapne ya aapke ghotale se koi matlab nahi,lekin kal tak mrs aarti permanent honi chahiye,aisa nahi hua to…”anuj file ko saamne lekar bola
“N nahi m mai manage kar lungs”Arup bola
To anuj ne ek nazar dekha aur chala gaya
“Koun hai ye shaks Jo wo jaan gaya Jo abhi tak audit karne wale ya koi bhi nahi jaan paaya??”arup sochne laga
Kamre me aate hi anuj ne jaise apna hoodie nikala to aarti kamre me daakhil hui aur uski cheekh nikal gayi
Anuj ke poore sharif me ghaav ke nishan the
“Kal Subha mere saath hospital chalna “aarti boli
“Lekin Maa mai”anuj ne bolna chaha
“Chalna hai matlab chalna hai “aarti boli aur kamre se bahar nikal gayi
Anuj ne change kiya aur bed me let kar apni Aankhen band ki
İşi ko kehhte hai shanti
[/QUO
Zabardest bro
