Fantasy Werewolf with system

[MrHandsome]

free image host



Characters


Update 65 upload kar diya hai..
Jo ke mega update be hai.


Episode 65 uploaded



Likes target is baar 55 likes. .

Next update likes complete hone par..

 

[MrHandsome]

g bilkul mission wapsi pe karan to change hoga but mission apne hero ko bhi change kare ga wo kaha piche rehne walo me se hai or apni dosri herion rosie bhi ab nikal pare hai hero ko pane ki lagan me khud ko is qabil banane dekhty wo kese khud ko is stage per lati hai ke apna hero usko accpt kare team me wapis baki rayz abhi tak free hai kaya wo kahani se nikal jayga ya aage scene hai iska or waqai apne hero ka to swag hi alag hai attitude brutal aggressive mind master har lehaz se alag hi swag me hai akhir hero hai level alag to hoga hi mehnat jo karta hai din ba din apne maqsad ke liye or baki sab ko bhi sath leke chalta hai or bro wese canyon me wo jo creature tha or wo jo diamond wolf tha uska phir aage kuch scene aya nahi inka aage scene hai ya nahi ya apna hero mission wapsi per phir jayga canyon me wese power gain ke liye achi jaga hai or pack ke liya acha hideout hai wese din ba din maza araha

Mai ne kaha tha ke karan sub se brutal aur khatnaak ho gah.

Wo ap ko Sikandar ki wapisi par pata chale gah.
Abi wo bacha nahi rahe gah. Kaam boht bare bare kare gah.

Dusra canyon ka creature wo ah gah. Us ka scene abi baki hai.

 

[Iron Man]

Episode 64

Yule moon ​

“Iska bloodline evolve ho raha hai? Main ne to isey sirf half-Werewolf banaya tha…,”
Sikandar hairani se soch raha tha.

Bloodline evolution sirf ek full-fledged Werewolf mein hoti hai — bilkul usi tarah jaise jab woh khud High Werewolf bana tha.

Lekin Karan ka bloodline… abhi evolve ho raha tha.

System ne koi jawab nahi diya.
Sikandar aur zyada pareshan ho gaya.

Phir achanak uske zehan mein ek khayal chamka—
“Kya ye is liye hai ke jab maine Karan ko half-Werewolf banaya tha, maine usay had se zyada apna khoon de diya tha?”

Us din system ne warn kiya tha ke Karan ke jism ka blood limit exceed ho chuka hai.

Aur ye bhi kaha tha…
‘Karan ek mukhtalif qisam ka Werewolf banay ga.’

“Kya system ka matlab yehi tha…?” Sikandar ne socha.

“RAAARGHHH!!”

Karan ki cheekhein ghaar ko hila rahi theen.
Uski transformation abhi tak mukammal nahi hui thi.

Uska munh dheere dheere full-fledged Werewolf jaisa muzzle ban gaya.
Fur aur lambi ho gayi, muscles moti aur zyada powerful ho gayeen.

Yeh kehna ghalat na hoga ke is waqt Karan ki taqat Adhara ke barabar thi… shayad us se bhi zyada.

Adhara mushkil se khari hui.
Uska jism dard se bharpoor tha, lekin transformation ke zakhm dheere dheere bhar rahe the.
Jab uski nazar zameen par tarapte hue Kyran par pari, uska dil kaanp gaya.

“Isay kya ho raha hai? Abhi tak kyun transform ho raha hai?!”
Adhara ne ghabra kar kaha.

Uski awaaz aur bhari ho chuki thi, aur uski fur par halki purple jhalak nazar aa rahi thi — gardan aur baahon ke gird.

Sikandar ne yeh dekha… magar usne nazar pher li.
Uske paas koi jawab nahi tha.

“Sikandar kuch karo! Tumhein hamesha pata hota hai kya karna hai!”
Adhara panic mein chillayi.

Karan dard se pagal ho chuka tha.
Woh apne hi panjon se khud ko noch raha tha.
Har zakhm jo woh khud banata…

aglay hi lamhay bhar jata.

Dard rukta hi nahi tha.
Yeh nark jaisa tha — aur Karan sirf ek bachcha tha.

Sikandar ne bhari awaaz mein kaha,
“Hum sirf intezar kar sakte hain… is waqt main kuch nahi kar sakta.”

Teen minute se zyada guzar chuke the.
Transformation abhi bhi jaari thi.

Ab Karan ki fur halke neelay rang ki ho chuki thi…
aur uske sar se ek akela horn nikal raha tha.

Manzar itna ajeeb aur khaufnaak tha ke Sikandar ko yaqeen tha —
agar woh khud Karan ki jagah hota… woh bhi cheekh uthta.

Achaanak Karan uth khara hua.
Aur deewar ki taraf daud pada.

BOOM!

Ghaar ki deewarein tootne lagi jab woh apna jism un par marta.

Sikandar foran aage barha usey rokne ke liye —
lekin jaise hi usne Karan ko pakra…
Uski aankhein phail gayeen.

Karan ki taqat… uske barabar thi.
Shayad us se bhi zyada.

“Laanat… Yule Moon ne mere jism ko bohot kamzor kar diya hai!”
Sikandar ne dil hi dil mein kaha jab Karan ne usey zor se dhakka diya.

ROAR!!

Karan ke ek vaar ne Sikandar ko side par phenk diya.

“Adhara! Meri madad karo! Isay roko!” Sikandar chillaya.

Sikandar ne Karan ke upper body ko jakar liya,
jab ke Adhara ne uski taangein pakar li.
Dono apni poori taqat laga rahe the…
lekin Karan pagal janwar ki tarah phadphada raha tha.

Us waqt Sikandar ne mehsoos kiya…
Karan ke jism se neeli roshni nikal rahi thi.
Uska dil doob gaya.

“ROAR!!”

BOOOOM!!

Agla hi lamha —
Karan ne achanak had se zyada taqat hasil kar li.

Sikandar aur Adhara dono hawa mein uchhal kar door ja gire.

Karan chaaron paon par daudta hua ghaar ke entrance ki taraf bhaga.

“USAY ROKO!!” Sikandar ne cheekh kar kaha.

Yule Moon ne Sikandar aur Adhara dono ko kamzor kar diya tha —
bilkul jaise silver ka asar ho.

Lekin Karan …
Karan aur zyada powerful hota ja raha tha.

Sikandar ne samajh liya —
Yule Moon + excessive blood = Karan ki evolution ka raaz.

Dono ne dard ke bawajood Karan ka peecha kiya.
Karan abhi bhi dard mein karah raha tha,
kabhi rukta, phir daud padta.

Isi wajah se woh usey pakar paye.

BRAK!

Zameen phat gayi jab Sikandar ne poori taqat se jump lagayi
aur Karan ko ghaar ke muh se pehle hi gira diya.

“Karan ! Hosh mein aa ja! Bahar mat ja!”
Sikandar cheekha.

Magar Karan khud mein nahi tha.
Bilkul usi tarah jaise Sikandar aur Adhara pehli dafa transform hue the.
Khoon ki hawas… aqal par haavi thi.
Adhara bhi aagayi aur dono ne mil kar Karan ko zameen par daba liya.
Tabhi—

“AOOOOOUUU!!”

Karan ne chaand ki taraf dekh kar howling shuru kar di.
Sikandar ne foran uska muzzle pakar liya,

“Bewaqoof! Agar tu ne chaand ki roshni li to raakh ban jayega!”

“Karan please! Sambhal jao!” Adhara ne iltija ki.

Lekin koi asar nahi hua.
Neeli roshni phir se chamki.

“Adhara! Poora zor laga do!” Sikandar garja.

ROAR!!

BOOOM!!

Karan ne phir se taqat ka jhatka liya.
Adhara zor se door ja giri aur deewar se takra kar ruk gayi.

Sikandar abhi bhi jama hua tha.
Uska jism Pure Brace of Moonlight aur Force se chamak raha tha.
Peeli quwwat uske gird lapti hui thi.
Sirf skills ke sahare hi woh Karan ko rok pa raha tha.

Karan ne panjon se Sikandar ke chehre par vaar kiya.

SLASH!

“ARGH!”

Khoon behne laga.
Isi lamhay ka faida uthate hue Karan Sikandar ke qabze se nikal gaya
aur poori raftaar se ghaar ke bahar ki taraf daud pada.

Is faslay ke baad…
Sikandar usey ab nahi rok sakta tha.

“NAHI! KARAN RUK JAO!!”

Sikandar ne hairani aur dehshat mein cheekh kar kaha.

Uski nazar Karan par thi jo cave ke munh tak pohanch chuka tha, bilkul Yule Moon ki roshni ke qareeb.

Sikandar ne foran apni aankhein band kar li—
woh Karan ko raakh mein badalte hue nahi dekhna chahta tha.

Lekin…

dard bhari cheekh kabhi aayi hi nahi.
Sikandar ne dheere se aankhein kholi.
Jo usne dekha, uska dimagh hila kar rakh gaya.
Karan poori aasani ke saath chaandni mein khara tha. Uska jism moonlight mein nahaya hua tha, aur uske chehre par sukoon tha—jaise woh kamzor hone ke bajaye aur zyada taqatwar ho raha ho.

Phir achanak, Karan ne sar utha kar zor se howl kiya—

“AOOOUUU!!”

Yeh dekh kar Sikandar bilkul stunned reh gaya.

Usne socha tha Karan mar jayega…
lekin yahan toh woh aur zyada strong ho raha tha.

Tabhi Sikandar hosh mein aaya jab Adhara ne ghabrahat mein uska kandha thapthapaya.

“Sikandar! FAA humein locate kar legi!”
Adhara ne panic mein cheekh kar kaha.

Yeh suntay hi Sikandar ke jism se black lightning crack karne lagi.
Woh bijli ki tarah aage badha.

‘Aur koi raasta nahi!’ Sikandar ne dil hi dil mein socha.

Uske muthi pe peeli roshni chamakne lagi.

Jaise hi Sikandar Yule Moon ki roshni ke qareeb pohancha,
uske poore jism mein aag si lag gayi.
Aisa mehsoos ho raha tha jaise har haddi jal rahi ho!

<Warning!!>

<User Yule Moon ke samne aa chuka hai! Foran panaah dhoondein!>

Message parhte hi Sikandar ne daant bheench li aur dahar kar bola—
“RAAARGHH!!”

BOOOM!!

Sikandar ka punch seedha Karan ki peeth par laga.

Force Beam aur black lightning se bhara hua yeh war itna taqatwar tha ke Karan hawa mein udta hua, toote hue patang ki tarah cave ke andar jaa laga.

Yahi Sikandar chahta tha.

<Exp 200,000 kam ho gaya>

<Exp 300,000 kam ho gaya>

<Exp kam ho raha hai—>

System lagataar notifications de raha tha.
Yule Moon ke neeche Sikandar ka experience tezi se gir raha tha.
Sikandar foran us cave ki taraf bhaga jahan Karan jaa gira tha.

Tabhi—

“YEH KYA HAI?!!”
Left side se aik aadmi ki cheekh sunai di.

Sikandar ne mud kar dekha—
ek scientist lab coat pehne usay hairani se dekh raha tha.

Agle hi pal woh bhaagne laga aur cheekhne laga—
“YAHAN WEREWOLF HAI! MADAD KARO!”

Sikandar usay pakarna chahta tha, lekin der ho chuki thi.
Scientist ke peechhe kuch FAA members aa chuke thay, sab ke haath mein bandookein thi.

Yeh dekh kar Sikandar ne Adhara ko ishara kiya.
“Chalo!”

Dono usi cave ki taraf bhaage jahan Karan gira tha.

Moonlight unke liye zehar ban chuki thi, lekin woh sirf dard bardasht kar sakte thay.
Cave ke andar ghuste hi FAA members ne unka peecha shuru kar diya.

“Leader ko call karo! Canyon mein werewolves mil gaye hain!”
“Hum chase karte hain, tum report karo!”

Andar, Sikandar aur Adhara Karan ko dhoondh rahe thay.
Woh andheray cave mein paagalon ki tarah bhaagte rahe,
phir achanak—

<Sudden Quest!>

<Pursuit
User ka peecha kiya ja raha hai un logon ke zariye jo jaan lena chahte hain.
Tamam khatron ko khatam karo aur mehfooz nikal jao.

Rewards:
2,000,000 Exp
5 Skill Upgrades
5,000 Gold
Horn of the Red Dragon>


Quest dekh kar Sikandar ne apni will mazboot ki aur aage barhta gaya.
Kuch dair baad, unhon ne Karan ko cave ki deewar mein phansa hua paya.
Uska jism tezi se heal ho raha tha—
aur woh hosh mein aane wala tha.
Is se pehle ke woh uthta—

BAM!!

Sikandar ne uske pait par punch maar diya.

Karan ne dard se growl ki.

Peechhe se Adhara gasp kar uthi—
“Tum kya kar rahe ho?! Aise marte rahe toh Karan mar jayega!”

“Waqt nahi hai,” Sikandar ne sakhti se kaha.
“Woh nahi marega. Humein bhaagna hoga.”

Sikandar ne Karan ko kandhe par uthaya aur dono aur andar bhaag gaye.

FAA ki awaazein peeche se qareeb aati ja rahi thi.
Yeh cave pehle wali se kaafi gehri lag rahi thi.

Kaafi dair bhaagne ke baad, woh aik gol si jagah par pohanche jahan 8 suraakh thay.

Sikandar ne idhar udhar dekha, aik raasta chuna aur usmein ghus gaya.
Uska poora jism dard kar raha tha, lekin adrenaline ne usey chalne par majboor rakha.

Usne dekha Karan phir se heal ho chuka tha—
Sikandar ne bina soche samjhe phir punch mara.

“Adhara! Karan ko le jao!”
“Main nahi chahta ke woh pakra jaye!”

“Tum kya karoge?”
Adhara ne ghabra kar poocha.

Sikandar ne peeche dekha—
logon ke qadam, bandookon ki awaaz… aur apni wehshi muskurahat.
“Main inka saamna karunga,”
“Tum bhaag jao aur Yule Moon khatam hone tak chhupi raho.”

Adhara hichkichayi.
Usne Sikandar ko dekha—
woh muskurahat… khaufnaak thi.
Kuch kehna chaha, lekin phir mud kar bhaag gayi.

Sikandar ne uske chehre par pareshani dekhi aur socha—
‘Woh pareshaan kyun hai?

Kahin Yule Moon usay zyada nuksaan toh nahi pohancha raha?’


_ _ _



Adhara aur gehri ghaarion ki taraf bhaag gayi, Sikandar ko peechay chhor kar.

Sikandar ne khud ko jang ke liye tayyar kar liya tha—uska irada saaf tha.
Woh FAA ke members ko yahin roke ga, taake Adhara aur Karan nikal sakain.

Iske ilawa, uske paas ek quest bhi thi—aur woh adhoori chhorne walon mein se nahi tha.

Sikandar ne hawk jaisi tez nazron se ghaar ka jaiza liya.
Har taraf sirf pathar thay… aur chhat se tapakti hui boondon ki awaaz.

Usne upar dekha.
Chhat se latakti hui stalactites…

Phir uski nazar apni nokdaar claws par gayi.
Kuch lamhon ke liye woh sochta raha.

Aur phir—

uske chehray par halki si muskurahat ubhri.
“Mil gaya…”

agle hi pal, Sikandar apni jagah se ghaib ho chuka tha.
.
.
.

Doosri Taraf…

“Har kone ki talashi lo! Mujhe woh Werewolves chahiye—zinda ya murda!”
Yeh awaaz thi Sir Marcus ki—FAA ka leader.

Woh khulay aur ghole shape ke is gharelu hall mein khara tha, chehra sakht aur aankhon mein ghussa.
Har taraf chhoti bari suraakh—
itni zyada ke apne logon ko groups mein baantna bhi khudkushi ke barabar tha.

“Sir,” ek FAA member ne kaha, “kisi bhi hole se unke guzarnay ke nishan nahi milay.”

Baaki members apni guns mazbooti se pakray hue thay.
Woh sab jaantay thay—
Werewolves jadoo mein kamzor hotay hain, lekin baqi har cheez mein khatarnak.

Marcus ne gehri saans li.
“Majboori hai,” usne kaha.
“Chaar groups banao.”
“Yaad rakhna—
sirf locate karna hai. Engage nahi karna.
Report seedha mujhe.”

Groups ban gaye.
Har group mein paanch log—aur ek Rank Five Awakened leader.
Jaise hi Group One ne ek andheri suraakh mein qadam rakha…
Chhat par ek saaya rengta hua nazar aaya.
Woh bilkul khamoshi se unke peeche usi hole mein ghus gaya.


Marcus akela ek alag hole explore kar raha tha.

Achaanak—
usne ek aura mehsoos ki.
Pal bhar ke liye.
Phir… gaayab.

Uski bhonhein sikur gayin.
“Ghalat mehsoos hua…?”
lekin uska dil maanta nahi tha.



Group One ka leader—lambay bhooray baalon wala—har qadam soch samajh kar rakh raha tha.

“Rear cover rakho,” usne kaha.
“Yahan hidden holes ho sakti hain.”

Woh sab Awakened thay—
tez raftaar, trained, tayyar.
Magar unhein yeh pata nahi tha…
Woh shikaar nahi thay.
Woh shikaar ban chukay thay.

Unke peeche—
Sikandar.
Jab group dobara usi khulay circular area mein pohancha,
Sikandar chhat se latak raha tha—
apni chaaron limbs ki claws se.

Ek stalactite ke peeche chhupa hua—
bilkul saans roke hue.
Uski hulking body uske liye khatra thi—
agar koi upar dekhta…

Lekin System uske saath tha.
Usne Aura Cloak Elixir khareedi thi—
mehngi… bohot mehngi.

Lekin yeh elixir
uski Awakened aur Supernatural dono auras ko chhupa rahi thi.

Sikandar ne group ko scan kiya.
Rank Four… Rank Four…
Leader—Mid Rank Five.

“Kaafi asaan,” usne dil mein kaha.
Werewolf form ke baghair bhi
woh in sab ko khatam kar sakta tha.

Sikandar ne move kiya.
Ek jhatkay ke saath daayein taraf dash—
aur apna spell activate kar diya.
Group ka leader bina peeche dekhe aagay barhta raha—
unhein lag raha tha woh shikaar kar rahay hain.
Haqeeqat mein…

maut unke pechee chal rahi thi.

Zameen achaanak kaali hone lagi.
“HALT!” leader ne cheekh kar kaha.
“Prepare yourselves!
Kam az kam ek ko toh gira sakte hain!”

Usay apne pairon ke neeche
bijli ki mana ki larzish mehsoos ho rahi thi.
Uska chehra aur sakht ho gaya.

“Werewolves… jadoo nahi karte,”
usne dheemi awaaz mein kaha.

Ghaar andheri thi.
Sirf ek Fire Elementalist tha—
aur uski banai hui mashaalain bohot kam roshni de rahi thein.

Sikandar ka fur bilkul siyah tha—
pehle se bhi zyada gehra.
Andheray mein
uska jism ghaar ka hissa lag raha tha.

Do members ne metal mana apni muthiyon mein jama kar li.
Agla hamla chahe kahin se aaye—
Khoon behnay wala tha.


Water Elementalist bilkul beech mein khara tha, jabke Fire Elementalist uske qareeb mashaalon ko zinda rakh raha tha.

Unka leader aik Wind Elementalist tha, aur uske haath mein pehle hi hawa ka neza shakal le chuka tha.
Lekin achanak—

“Hmm?”
Leader ka wind spear achanak be-qabu hone laga. Hawa ka neza kaanp raha tha, jaise koi cheez uski shakal ko bigaarr rahi ho.

Usne neeche dekha.
Zameen par aik siyah mana ki lakeer thi jo seedhi uske wind spear se judi hui thi.
Aur phir—

“AARGHH!!”

Fire Elementalist aik pal mein ghaib ho gaya.
Kisi ne bhi woh siyah saaya nahi dekha jo usay ghaseet kar side mein le gaya—sab kuch itna tez hua ke aankhen follow hi na kar saken.

Sirf uski cheekhein sunai dein.
Leader ne baen taraf dekha—

Fire Elementalist ki gardan phatti hui thi, panjon ke nishaan gehre the.
Taza khoon fawware ki tarah beh raha tha.

Leader ki aankhen khuli ki khuli reh gayin.
Usay yaqeen tha ke unka group Werewolves ko handle kar lega.
Lekin woh ghalat tha.

Fire Elementalist apne hi khoon mein ghut kar gir gaya, aur uske saath hi mashaalen bujh gayin.
Andhera chha gaya.

“Re… Retreat!!”

Leader ki awaaz laraz rahi thi.

Ghaar bilkul pitch black ho chuka tha—kuch bhi nazar nahi aa raha tha.
Awakened log panic mein aa gaye.
Goliyaan andhere mein chalne lagen—be-maqsad, be-simt.

Leader is ghaar mein poore confidence ke saath ghusa tha.
Socha tha agar aik Werewolf maar diya to uski standing aur barh jayegi.

Magar yeh sirf khayal tha.
Werewolf ko maarna aasaan nahi hota.
Aur agar woh Werewolf Sikandar ho—
Toh bilkul bhi nahi.

Paanch ka group chand lamhon mein khattam ho gaya.
Ab sirf do log bache the—leader aur aik aur.
Ghaar mein sirf cheekhein aur haddiyon ke tootne ki awaazein thi.
Baaki sab ko Sikandar ne aik aik kar ke utha kar maara.

Itni asaani se… ke khud Sikandar ko bhi hairani hui.
“Kash main is tabdeeli ko control kar sakta…”

Usne dil hi dil mein socha.

Baqi log jaan bachane ke liye bhaagne lage.

Leader ne communicator nikaala, magar signal kamzor tha—Marcus tak baat nahi pohanchi.

Andhere mein Sikandar ki muskurahat chamki.
Usne haath uthaya.
Zameen se siyah bijli phooti—
Aur bache hue log apni jagah jam gaye.

Leader bhi kuch na kar saka.
Bijli zanjeer ki tarah unhein jakar chuki thi.
Unke hamle aise lag rahe the jaise lohe ki zanjeer par chhuri chalai ja rahi ho.

Aur phir—
Andhere se do surkh jalti hui aankhen ubhri.
Sirf un aankhon ki position se hi leader samajh gaya—
Yeh Werewolf us se do ya teen guna bara hai.

Aankhen chamkeen—
Leader ko mehsoos hua jaise uski taqat nikal rahi ho.
Jism jam gaya.
Sikandar ne Alpha Intimidation activate kar diya.

Uski ungliyon par bijli karrak uthi, aur chehre ka aik hissa roshni mein aa gaya.

Woh muskurahat—
Woh shetani grin—

Unke dimagh par hamesha ke liye naqsh ho gayi.
Aur jab unke seene cheeray gaye,
Aakhri cheez jo unhein yaad rahi—
Wohi muskurahat thi.

Baaki Groups
Pehle group ke baad Sikandar ne peechay dekha.
“Abhi teen groups aur baqi hain.”

Aur woh andhere mein ghaib ho gaya.
Kuch hi dair baad doosray group ki cheekhein ghaar mein goonj uthi.

Phir teesra.

Akhri group—
Jahan Adhara pehle ghusi thi.

Marcus se larna Sikandar ke liye mumkin nahi tha.
Rank six Awakened jo spirit ke saath assimilate ho chuka ho—
Woh qatl ho sakta hai… lekin Sikandar nahi chahta tha.

Akhri group ke peeche pohanch kar usne Black Field Orko activate kiya.

Uski mana pehli dafa waqai kam ho rahi thi.
Zameen siyah ho gayi.

Aur phir—
Uski nazar aik shaks par pari.

“Yeh… Argus?”
Wohi Argus jis ne kabhi use Anansi se bachaya tha.
Sikandar muskuraya.

( ye wohi banda hai, jab Sikandar apne 1st mission par gaya tha Adhara aur Rosie ke sath Treejaint ke sath fight hoi thi. To is bande ne Apne Sikandar ko damkaya tha. Aur Sikander ne kaha tha ke mai tumy yad rakhon gah. Lo g bari ah gai us ki be)


Argus ab bhi peak rank five par atka hua tha.

Sikandar ne apni saari enhancement skills activate ki— Yellow Force bhi.
Woh aik pagal darinde ki tarah jhapatta hai.

SLASH!!

Aik Awakened ka pait phat gaya.

“Retreat! Sir Marcus ko report karo!!”
Argus ne chillaya.

Lekin dair ho chuki thi.

BLITZ!!

Sikandar bijli ban kar aage barha.

BOOM!

Fire barrier toot gaya.
Seene mein suraakh.

“KUAKHH!”

Sikandar ki awaaz garaj uthi:
“Main tumhein yaad karta hoon… Argus.”

Argus pagal ki tarah bhaaga.
Aur phir—

BAM!!

Ice barrier toot gaya.

CRACK!!

“ARGHH!! MERI TAANG!!”
Sikandar ne uski taang tor di.

Uski aankhon mein khauf tha.
“Kya tum mujhe yaad kkarte ho, Argus of the FAA?”

“Tu… tu kaun hai?!”

Sikandar muskuraya.
“Main sab yaad rakhta hoon.”

Uske panjay aur tez ho gaye…
Seedha Argus ke dil ki taraf.
Aur phir—

“STOP!!”

_ _ _ _




“STOP!”

Peechay se aik awaaz goonji.
Sikandar ka jism aik jhatkay se sakht ho gaya. Usay laga ke shayad Marcus us tak pohanch chuka hai.

Lekin jab us ne palat kar dekha, to uski aankhen hairani se khul gayin.
Wahan Adhara khari thi…

Uski aankhon mein yaqeen nahi tha, sirf dard aur shock.

“Adhara? Tum yahan kya kar rahi ho? Karan kahan hai?”
Sikandar ne uljhan mein poocha.

Usey yaad tha ke us ne Adhara ko kaha tha ke woh bhaag jaye aur Karan par nazar rakhe.

Lekin ab Adhara us ke samne thi…
Aur Karan us ke saath bhi nahi tha.
Adhara ne Sikandar ko mayoosi bhari nazron se dekha.

Uski nazar idhar udhar gayi—
Zameen par FAA ke log laashon ki surat bikhray huay thay,
Khoon, kate huay haath, tootay huay jism…

Andhera hone ke bawajood, har cheez saaf dikh rahi thi.

“Tum yeh sab kyun kar rahe ho?”
Adhara ne ahista, larazti awaaz mein poocha.

Sikandar aur zyada hairan ho gaya.
“Kyun? Agar hum inhein nahi maarte, to yeh humein maar dete.”

Adhara achanak cheekh uthi,
“Khud ko dekho! Tum kehte thay ke tum Supernaturals ka qatal karna chahte ho…
Lekin ab tum insanon ko aise maar rahe ho jaise woh darinday hon!”

Uski aankhon se aansu behnay lage.
Usay yeh bardasht nahi ho raha tha ke Sikandar ne itni asaani se insani jaan le li.

Aisa lag raha tha jaise woh insaan raha hi nahi.

Sikandar ka chehra andheray mein doob gaya.
Adhara ne apna munh haath se dhak liya.
“Yeh ghalat hai! Hum bhaag sakte thay…
Tumhein unhein maarne ki kya zarurat thi?!”

Yeh sab Argus ke samne ho raha tha.
Woh dono ko hairani se dekh raha tha.
“Kya yeh Supernaturals se nikaal diye gaye hain?
Ya yeh insaniyat ka saath dena chahte hain?”
Argus ke zehan mein sawal ghoom rahe thay.

Sikandar ahista ahista khara hua.
Uski aankhon mein thandapan aur ghussa tha.
Woh Adhara ki taraf barha.

“Kya tum waqai insaniyat ke saath ho?”
Adhara ne aakhirkaar keh diya.

Woh kabhi be-gunah insanon ke qatal ki himayat nahi karti thi.
Haan, kuch insaan qabil-e-saza hotay hain…

Lekin yeh log nahi.
FAA ke yeh log sirf is liye aaye thay kyun ke Sikandar aur Karan apni Werewolf form mein thay.

Insaniyat ke liye Supernaturals ka khatma un ka farz tha.
Unhein bhaagna chahiye tha…
Larna nahi.

Yeh log kamzor sahi, lekin insaniyat ke liye jaan dene ko tayar thay.
Aur ab…

Woh sab be-maqsad mar chukay thay.
Yeh baat Adhara ka dil tor chuki thi.
Sikandar qadam barhata raha.
Us ke jism se halki si larzish aur pressure nikal raha tha, jaise kuch phatnay wala ho.

Adhara apne aap hi peeche hati.

Pressure itna zyada tha ke woh deewar ke qareeb ja kar phans gayi.
Sikandar us ke bilkul samne aa kar ruk gaya.

BAM!!

Us ne deewar par mukka maara—
Bilkul Adhara ke sar ke paas.

“Jis din main qareeb qareeb mar gaya tha…
Us din main ne maut ko apna naseeb maan liya tha.”
Uski awaaz bhaari thi.
“Lekin phir aik Werewolf yaad aaya…”

Sikandar ne deewar ko zor se pakar liya, jaise apne ghussay ko qaid kar raha ho.

“Woh Werewolf… jis ne meri aankhon ke samne mere maa baap ko qatal kiya.
Aur aaj tak woh zinda hai… be-fikr ghoom raha hai.”
Uski awaaz kaanpne lagi.

“Isi liye main ne marne se inkaar kiya.
Main nahi marunga… jab tak main apne haathon se us harami ko na maar doon.”

Uski aankhon mein aag thi.
“Mere maa baap ki qabr tab tak be-chain rahegi jab tak woh zinda hai!”
“ISI LIYE MAIN KOI RISK NAHI LOONGA!!”
Sikandar dahaar utha.

Achanak—

SWOOSH!

Sikandar apni jagah se gayab ho gaya.
Agley hi pal woh Argus ke samne tha, us ka sar pakray huay.

“Toh batao Adhara…
Ab tum kya karogi?
Kya tum mujhe roko gi?”

Adhara ne hont kaat liye…
Aur apna chehra ghuma liya.
“Mujhe pata hi tha.”
Sikandar ne sakhti se kaha.

CRACK!

Argus ka sar aik hi jhatkay mein kuchal diya gaya.
Adhara ne apni aankhen band kar li—
Woh yeh manzar nahi dekh sakti thi.
Us ke jazbaat bikhar chukay thay.

Woh samajh nahi pa rahi thi ke sahi kya hai… aur ghalat kya.


Argus ke baad, woh sab Karan ke paas wapas aa gaye.
System ki taraf se aane wali Sudden Quest Marcus ko maare baghair hi mukammal ho chuki thi.

Yeh baat Sikandar ko thora behtar mehsoos karwa rahi thi…
Magar Adhara ke saath jo hua, woh dil se nahi ja raha tha.


Thori dair baad, Marcus ne apni team ki laashon ko dekha.
Har suraakh check karne ke baad usey samajh aa gaya—
Koi bhi zinda nahi bacha tha.
Gusse mein us ne deewar par mukka maara.

“Inhon ne bina kisi muqable ke sab ko maar diya…”
Marcus apni taqat par bharosa rakhta tha,
Magar yeh baat ke Werewolves ne yeh sab us ki mojoodgi ke baghair kar diya—

Un ki quwwat ka saboot thi.
Is liye us ne faisla kiya ke waqia report karna hi behtar hai.
.
.
.
.
Aik Haftay Baad
Yule Moon ke baad,

Sikandar, Adhara aur Karan ke darmiyan baat cheet bohot kam ho gayi thi.
Sikandar aur Adhara alag alag training karte thay.
Un ke darmiyan aik ajeeb si khamoshi thi.

Karan bhi Sikandar se seekhi hui breathing technique par training kar raha tha.
Yule Moon ne Karan ke khoon mein bloodline evolution paida kar di thi.
Ab woh ban chuka tha—
Azure Werewolf.


Azure Werewolf bohot hi nadir hotay hain…
Aur wajah bhi khaas hoti hai.
Jab tamam Werewolves Yule Moon se chhupte hain,
Azure Werewolf us mein ghoomta hai—
Aur aur zyada taqatwar ho jata hai.
Is liye Werewolves ke darmiyan Azure Werewolf ko bohot izzat di jati hai.

Kuch to unhein Origin ki rehmat ka nishan bhi samajhtay hain.
.
.


Kal raat, SCO ka aik kaawa Sikandar ke paas aaya.
Us ke paas Green Messenger ka later tha.
Mission Sikandar aur Liliya ke liye tha.

Maqsad:
Northern Black Head naam ke makhlooq ka aik qatra aansu hasil karna.

Sikandar ne pehle socha ke mission aasaan hoga…
Lekin jab location dekhi to woh chok gaya.
Jagah aik Vampire stronghold ke qareeb thi.

Tayari zaroori thi.
Sikandar training ground se tezi se nikla.
Dupahar ho chuki thi.

Woh phir se canyon jana chahta tha.
Mission se pehle woh kam az kam Level 30 tak pohanchna chahta tha.
Is ke ilawa…


Takreeban chaar din pehle, Sikandar Rank Five tak pohanch chuka tha.
Uske kandhay par bana hua rune ab mukammal ho chuka tha.

Black lightning ab uske liye aur bhi asaan ho gayi thi control karna,
aur unki overall power pehle se lagbhag teen guna zyada ho chuki thi.

Is waqt Sikandar apne kamray ki taraf ja raha tha.
Use aik mission ke liye saman pack karna tha jo kam az kam ek haftay ya us se bhi zyada arsay tak chale ga.
Saath hi, use Karan se alvida bhi kehni thi.
Adhara se nahi.

Sikandar kapray aur zaroori cheezein bag mein daalte hue bola,
“Karan , main aik trip par ja raha hoon, shayad ek haftay ya us se zyada. Kamray ka khayal rakhna… aur training rukni nahi chahiye.”

Yeh sun kar Karan ka chehra bigar gaya.
“Main bhi saath aa sakta hoon? Main apni powers test karna chahta hoon,” us ne kaha.

Sikandar ne seedha sar hila diya.
“Nahi. Jab main wapas aa jaoon ga, tab kahin saath chalayenge. Abhi intezaar karo.”

Karan ne na-pasandgi se hont chabaye, lekin aakhir maan gaya.

Woh Sikandar se zyada naraaz bhi nahi tha, kyun ke jo breathing technique Sikandar ne use sikhayi thi, woh waqai kamaal ki thi.

Use samajh nahi aata tha kaise,
lekin woh roz apne jism ko zyada taqatwar mehsoos kar raha tha.

Yule Moon ke waqea ke baare mein, hairani ki baat yeh thi ke
Karan ko us raat ka kuch bhi yaad nahi tha.
Bas itna yaad tha ke achanak us par shadeed dard haavi ho gaya aur woh zameen par gir gaya.

Is ke ilawa… kuch bhi nahi.
Na hi uske zehan mein kabhi yeh khayal aaya ke woh
Werewolf bana tha.

Sikandar aur Adhara ne faisla kiya ke yeh baat usay baad mein batayi jaaye gi.
Abhi ke liye, unhon ne jhoot bola ke
Karan achanak beemar ho gaya tha aur behosh ho gaya tha.
Doctors ne uska ilaaj kar diya…
aur sab kuch normal ho gaya.

Karan se alvida keh kar, aur butlers aur maids ko instructions de kar,
Sikandar apni peeth par bhaari bag latka kar kamray se bahar nikal aaya.

Jaise hi us ne darwaza khola,
Adhara seedha darwazay ke samne khari thi.

Sikandar ko dekh kar uski aankhein hairani se khul gayin,
lekin jab us ne Sikandar ke peechay bara bag dekha,

toh hairani tajassus mein badal gayi.
“Kahin ja rahe ho?” Adhara ne dheemi awaaz mein poocha.

Sikandar ne bas aik nazar us par daali aur us ke paas se guzarta hua bola,
“Haan. Ek haftay ya us se zyada mein wapas aaon ga.”

Adhara kuch aur kehna chahti thi…
lekin Sikandar pehle hi kaafi door ja chuka tha.

Us ne apni mutthi dheemi si band ki
aur phir kamray ke andar chali gayi.
Us ne seedha ja kar bed par apna jism gira diya.
Takkiye par gussay mein do teen baar mukkay maarne ke baad
woh dheere dheere shaant hui.

Chhat ko ghoorte hue us ne socha,
“Toh is tarah uske parents mare thay… rukho—parents?!”

Use achanak ehsaas hua ke
agar Sikandar ke asli parents mar chukay hain,
toh Mrs. Greene aur Robert uske step-parents hain.

“Mujhe us se is tarah baat nahi karni chahiye thi,”
us ne afsos ke saath socha.

Phir us ne apna chehra takkiye mein chhupa liya.
.
.
.
Lobby mein Sikandar ki mulaqat Ari se hui.
Us ne Ari ko bata diya ke woh ek haftay ke liye ja raha hai,
aur saath hi yeh bhi ke Adhara aur Karan par nazar rakhna.

Sikandar nahi chahta tha ke Ari us ke saath aaye,
kyun ke use Liliya se milna tha.

SCO se mutaliq jo baat thi,
woh bilkul raaz rehni chahiye thi.
Kisi ko bhi is ka ilm nahi hona chahiye tha.

Sab instructions de kar,
Sikandar parking lot mein Suraj se mila jo pehle se intezaar kar raha tha.
Suraj ne Sikandar ko dekha…
aur uska chehra turant kharab ho gaya.

Yeh dekh kar Sikandar ke hont par muskurahat aa gayi,
jo Suraj ko aur bhi zyada chubhi.

“Mujhe yaqeen hai tum key laye ho. Do,” Sikandar ne kaha.

Suraj ne be-basi se kaha,
“Tumhein meri hi car kyun chahiye hoti hai?”

Sikandar ne seedha Suraj ke haath se car ki key uthayi aur bola,
“Bas is liye ke tum mere best friend ho.”

Aur baghair kisi sharm ke aagay barh gaya.
“Mujhe is best friend contract se nikaal do! Main abhi terminate kar raha hoon!”
Suraj cheekha.

Magar Sikandar sirf hansa,
car mein baitha aur university se nikal gaya.
.
.
.
.

Ochyra University

Isi waqt, aik aur larki apne kamray mein saman pack kar rahi thi.

Bag uske kapron se bhara hua tha.
Saaf lag raha tha ke woh bhi lambi trip par ja rahi hai.

Agar Sikandar yahan hota,
toh woh foran pehchaan leta ke yeh Rosie hai.

Uska chehra bilkul khaali tha.
Achaanak packing ke dauran uska phone baj utha.
Us ne call uthai.

“Hello?”

Doosri taraf se aik awaaz aayi, jismein shak sa tha,
“Kya tum waqai kuch din ke liye chhutti ki ijazat maang rahi ho?”

Rosie ne hont kaat kar kaha,
“Ji haan… meri aik dost ki death ho gayi hai, woh mere bohat qareeb thi.”

“Is baat par yaqeen karna mushkil hai,”
awaaz ne kaha.

Rosie ne guzarish ki,
“Please sir, main jhoot nahi bol rahi.”

Kuch dair khamoshi ke baad,
dusri taraf se aik gehri saans sunayi di.
“Theek hai. Is dafa approve kar deta hoon.”

“YES! Shukriya sir, main abhi nikal rahi hoon!”
Rosie ne khushi se kaha aur call kaat di.

Ijazat milne ke baad,
Rosie ne packing mukammal ki.
Lekin jaise hi woh kamray se nikalne wali thi,
uski nazar phone par maujood aik tasveer par ruk gayi.

Tasveer mein Sikandar apna birthday gift khol raha tha.
Rosie ruk gayi.
Uske chehray par halki si muskurahat aayi.

“Sikandar…” us ne dheemi awaaz mein kaha.

Yeh tasveer us ne chhup kar li thi,
Sikandar ke birthday ke din.
Us ne tasveer ko pyaar se chhua,
aur uski aankh se aik aansu phisal gaya.

“Main qasam khati hoon… main tumhein phir se apni taraf kheench laoon gi.
Jab tak hum pehle jaise nahi ho jaate, main rukoon gi nahi.”

Azm se bhari soch ke saath,
Rosie ne phone band kiya
aur kamray se bahar nikal gayi.


_ _ _ _

Aaj ke liye itnah hi. I hope ye episode be hmesha ki trha aap sub ko pasind ahye gah.
Agir pasind ahya hai to like zaror karna.

Yule moon end ho gaya. Ab bari hai mission ki.
Vempires ka par ke pata chal hi gaya ho ga ke is mission mai. Apni Princess ki entry ho sakti hai. Ya shad nahi be.
Mission boht khaas hone wala hai.
Aur boht kuch milne wala hai Sikandar ko.

Likes target is bar be rahne dete hai.
Next episode 7 ko ahye gah.
Koi suggestions hun to zaror dena aur comments lazmi karna.

Bane rahiye sath, milte hai next episode mai tab ke liye.

Thanks and Bye.

Shaandar update

 

[Guru78869]

Mai ne kaha tha ke karan sub se brutal aur khatnaak ho gah.

Wo ap ko Sikandar ki wapisi par pata chale gah.
Abi wo bacha nahi rahe gah. Kaam boht bare bare kare gah.

Dusra canyon ka creature wo ah gah. Us ka scene abi baki hai.

g bilkul or jab karan ready hoga to uski power ke aage koi asani se tik nhi pae ga or baki rayz ka matlab scene aane wala hai to matlb wo pack me rahe ga or aage wo kese shock deta hai dekhty hai or muje lag hi raha tha us creature se salaam dua to hoi nahi wo iske bina kese rah gaya mza aayga or is bar karan bhi tayar hoga or apna hero party bhi waiting bro such kaho intezar nahi hota updates ka lekin apke kam ka issue bhi hai or hamare readers party ka bhi na likes pore karty na comment dety time pe

 

[MrHandsome]

Shaandar update

Thanks bro...

 

[MrHandsome]

g bilkul or jab karan ready hoga to uski power ke aage koi asani se tik nhi pae ga or baki rayz ka matlab scene aane wala hai to matlb wo pack me rahe ga or aage wo kese shock deta hai dekhty hai or muje lag hi raha tha us creature se salaam dua to hoi nahi wo iske bina kese rah gaya mza aayga or is bar karan bhi tayar hoga or apna hero party bhi waiting bro such kaho intezar nahi hota updates ka lekin apke kam ka issue bhi hai or hamare readers party ka bhi na likes pore karty na comment dety time pe

Rayz ka scene to boht hai. Lekan kya wo pack ka hissa bane gah ya nahi ye abi mai ne be nahi socha.

Update bs thori der mai ah jata. Lekan next episode target complete hone par hi.. Bas bane rahiye sath..

 

[MrHandsome]

NEXT UPDATE KA INTAZAR MAY BHAI
AJ FINALLY WO AYGA,
...

G bilkol bro. Bs thori der mai..

 

[MrHandsome]

Episode 65


New mission​

Sikandar is waqt Suraj ki car mein safar kar raha tha, lekin Supernatural territory ki taraf nikalne se pehle usay UWO ke office jana zaroori tha.

Insani duniya aur Supernatural territory ke darmiyan jo sarhad thi, woh sirf deewaron se nahi balkay military aur UWO ke high-ranking Awakened se bhi mehfooz thi. Itni sakht nigrani ke bawajood, chhup kar bahar nikalna namumkin tha.
Isi liye Sikandar ko UWO Office jana pad raha tha.

Insani territory se bahar jane ke liye aik lambi aur sakht procedure follow karni hoti thi.

Jo log is procedure ke baad bahar jate thay, unhein Scavengers kaha jata tha.

UWO, har Scavenger se kai documents sign karwati thi —

family acknowledgment,

death contract,

aur wapasi ka waqt.

Ye sab lazmi tha, kyun ke Scavenger banna intehai khatarnaak kaam tha.

Agar koi Scavenger muqarrar waqt tak wapas na aaye, to usey official taur par dead qarar de diya jata tha — aur uski laash tak dhoondi nahi jati thi.

Ye qanoon bay-rehmi par mabni tha…

magar Supernatural territory bhi kisi rehmat se kam nahi tha.
Mazhab ke mutabiq, murday ki laash hasil karna zaroori hota hai taake ghar walon ko matam ka moka mil sake, lekin UWO ne is zarurat ko ghair-zaroori qarar diya tha.

Kai log is faislay par ghussay mein thay…
lekin koi bhi UWO ke khilaf awaaz uthana afford nahi kar sakta tha.

Scavenger banne ke liye kam az kam Rank Five Awakened hona zaroori tha.
Rank Five se neeche ka koi bhi Awakened, chahay kitna hi strong ho, allow nahi hota tha.

Takreeban 30 minute ki drive ke baad, Sikandar qareebi UWO Office pohanch gaya.

Woh chahta to Vargas se seedha approval le sakta tha, lekin usne jaan boojh kar aisa nahi kiya.

Sikandar ka Scavenger banna SCO ki mission ka hissa tha.
Agar Faraday University ka aik student achanak Scavenger banne ki application deta, to ye bohot zyada suspicious lagta.
Isi liye Sikandar ne khud UWO jane ka faisla kiya.

Woh jaanta tha ke der-saber uski activities pakri jayengi…
lekin abhi nahi — yehi uske haq mein behtar tha.

UWO Office, Sector 3E ki sab se unchi building thi.

poore 60 floors.

Building itni buland thi ke uska sirha milon door se nazar aa jata tha.
Square shape ki ye building logon se bhari hui thi.

Office ke gird military camps aur Awakened camps lage hue thay.
Ye kehna ghalat nahi hoga ke poore sector mein sab se mehfooz jagah UWO Office thi —
yahan tak ke mayor ka ghar bhi itna secure nahi tha.

Sikandar pur-aitmaad qadam uthata hua building ke andar dakhil hua.
Usne Faraday University ki uniform nahi pehni hui thi, balkay casual kapray pehne hue thay.
Is tarah kam az kam Scavenger banne ke chances barh jate thay.

Agar woh student uniform mein hota, to staff jaan boojh kar usay mushkil mein daal dete.

Phone par baat karte hue Sikandar ne kaha,
“Mom, main university se aik file bhej raha hoon, bas aapko sign karna hai.”

Dusri taraf se Mrs. Greene ki awaaz aayi,
“Kis cheez ke liye?”

Sikandar ne jhoot bola — lekin majboori ka jhoot.
“Aik tournament hai jo thora sa dangerous hai, is liye parents ki approval chahiye.”

Woh nahi chahta tha ke uski maa pareshan ho.

Supernatural territory mein bhatakne wale Scavenger ki haqeeqat batane ke bajaye,
dangerous tournament ka bahana zyada qabil-e-qabool tha.

“Tum theek rahoge na?”
Mrs. Greene ne fikr se poocha.

“Dangerous” lafz har maa ke dil ko hila deta hai.
Sikandar muskuraya aur kaha,
“maa, main strong hoon… bhool gayi kya?”

Kuch dair ki khamoshi ke baad, aakhirkaar Mrs. Greene ne razamandi de di.

Permission milte hi, Sikandar counter par gaya aur Scavenger verification ke liye apply kiya.

Usay aik jagah guide kiya gaya jahan kai log line mein kharay thay.
Wahan kharay har shakhs se jangon mein tap chuki hui aura nikal rahi thi.
Koi bhi kamzor nahi tha —
har aik aisa lag raha tha jaise sainkron laraiyon se guzra hua talwar.

Sikandar chup-chap unke peechay khara ho gaya.
Kai log usay dekh kar hairan reh gaye.

Hairani uski aura par nahi thi…
balkay uski kam umar shakal par thi.
Scavenger banna aam tor par sirf tajurba-kaar Awakened ka kaam hota tha.

Supernatural territory mein milne wali cheezein —

mutated plants,

mutated beasts,

ya Supernatural ki laashein —
sab be-had qeemti hoti hain.
Magar asal kashish hoti hai Scavenger ka rutba aur shohrat.

Aise treasures jo elements evolve kar dein,
spirits jinse assimilate kiya ja sake,
ya aise plants jo power seedha boost kar dein —
sab kuch wahan mojood hota hai.

Insani territory mein ye sab pehle hi loot liya gaya tha.
Supernatural territory, ghareeb lekin pur-josh Awakened ke liye jannat thi.
Scavengers ko sirf aam log hi nahi, balkay Awakened bhi izzat dete thay.

Unki power aur aqal-mandi mashhoor hoti thi.
Isi wajah se Scavengers ko aagay chal kar top guilds, FAA, ya UWO mein high post mil jati thi.

Unka standing la-jawab hota tha.

Tabhi aagay kharay aik aadmi ne kaha,
“Larke, kya tum pehli dafa Scavenger test de rahe ho?”

Uske jabrray mazboot thay, aur aankhon mein kai jangon ki kahaniyan likhi hui theen.

Sikandar ne seedha jawab diya,
“Haan, pehli dafa.”

“Agar pooch sakoon… Scavenger banne ki wajah?”
Usne adab se sawal kiya.

Sikandar ne gehri saans li,
“Supernatural ka khauf khud mehsoos karna chahta hoon… aur ye meri power growth ke liye bhi behtar hoga.”

Aadmi ne sar hila kar baat samajh li.
Kuch kehne se pehle woh ruka, phir bola,
“Tumhein pata hai na, Rank Five hona zaroori hota hai?”

Sikandar ke chehray par aik pur-raaz muskurahat aayi.
Aadmi ki aankhein phail gayin.

Uski shakal dekh kar lagta tha ke Sikandar 25 saal se zyada ka nahi —
lekin is muskurahat ne sab kuch clear kar diya.
Woh Rank Five tha.

“Kya… kya tum serious ho?”
Aadmi hairani se bola.

Tabhi peechay se aik aur awaaz aayi,
“Hah! Aise bachay jaisa larka Rank Five? Jhoot bolna band karo kid, sirf bewaqoof yaqeen karega.”

Woh shakhs abhi Sikandar ke peechay line mein laga tha…

Unke chehre par aik mocking si muskurahat thi jab unhon ne baat cheet suni.

Unke liye yeh baat namumkin thi ke sirf 25 saal ka koi shakhs Rank Five Awakened ho sakta hai.

Akhir, even aik genius ko bhi apne naye element ke saath kam az kam 2 saal lagte hain sirf assimilation ke liye, tab jaa kar uska rune Rank Five tak pohanchta hai.

Aur uske baad rune ko complete karne ke liye mana jama karna — woh bhi aik bohat lamba process hota hai.
Is liye unke standards ke mutabiq…
yeh bilkul possible nahi tha.

“Tumhare standards ke liye namumkin hai… lekin System ke saath Rank Five pohanchna bohat asaan hai,”
Sikandar ne dil hi dil mein socha.

Usay bilkul bhi bura nahi laga.
Agar unhein pata chal jata ke Sikandar sirf 3 mahine se thora zyada waqt mein Rank Five pohanch gaya hai…
toh shayad shock mein behosh hi ho jaate.

Sikandar ne koi jawab nahi diya.
Uski khamoshi dekh kar peeche kharay aadmi ke chehre par jeet ki muskurahat aa gayi.
Usay laga ke usne Sikandar ke jhoot ko expose kar diya hai.

Sikandar ke saamne khara aadmi aik aakhri nazar daal kar mud gaya.
.
.

Scavenger Test Hall
Har shakhs ka test sirf 5 minute ka hota tha.
Sikandar bilkul motionless khara raha jab tak line choti hoti chali gayi.
Akhirkaar woh testing room ke itna qareeb aa gaya ke andar ka scene clearly nazar aane laga.

Uske baayein taraf aik one-way mirror tha jahan se test observe kiya ja raha tha.
Ab Sikandar ke aagay kharay aadmi ki baari thi.

“Crystal Elementalist… dekhte hain iski power kaisi hoti hai,”
Sikandar ne socha.

Pehlay hi woh usay scan kar chuka tha.
Uska naam Zane tha — aik Crystal Elementalist.

Yeh earth element tree ka higher-rank element tha, aur bohat kam logon ke paas hota hai.
Is liye Sikandar ko ismein genuine interest tha.

Zane aik safed room ke beech khara tha.
Side par aik observer maujood thi.

Kuch baat cheet ke baad, aik aur aadmi room mein daakhil hua.
Woh tha Peak Rank Five Fire Elementalist.
Woh Zane se 10 meter door ruk gaya.

Position lete hi, usne aik spell cast ki.
Uske sar ke upar aik bohat bara fire saber ban gaya — jo fire mana se bharpur tha.

Yeh dekh kar Zane ne bhi chant shuru kar di.
Uska jism red-pinkish roshni se chamak utha,
aur uske gird red crystals materialize hone lage, aik protective barrier ban gaya jo roshni ko reflect kar raha tha.

SWOOSH!!

Fire saber bijli ki raftaar se Zane ki taraf gaya.
Sikandar tak uski power mehsoos ho rahi thi.

BOOM!!

Fire saber seedha crystal barrier se takraya.

Zabardast dhamaka hua.

Observer ne aankhein tang kar li.
Jab dhuaan chhata…
toh crystal barrier abhi bhi chamak raha tha.

Ek bhi crack nahi.

Ek bhi scratch nahi.

Sikandar ki aankhein khul gayin.
Scan ke mutabiq, Zane sirf mid Rank Five mein naya naya enter hua tha,
uska intelligence stat bhi low tha.
Phir bhi…

usne Peak Rank Five ke attack ko rok liya!
“Defense-based elements waqai khatarnaak hotay hain…”
Sikandar ne dil mein maana.

Test ke baad Zane bahar nikal aaya.

Ab Sikandar testing room mein daakhil hua.
Usay andaza ho chuka tha ke test kis qisam ka hoga.

Lekin andar jaane se pehle…
“Good luck kid,”
peeche wala aadmi tanziya andaaz mein bola,
“tumhari Rank Five power ke saath toh test asaani se clear ho jayega.”

Sikandar ne ignore kiya aur confidence ke saath andar chala gaya.

“Tumhara rank?” observer ne poocha.

Sikandar ne sirf aik nazar daali aur bola,
“Early Rank Five — Black Lightning Elementalist.”

Observer ne sir hilaaya.
“Konsa test?”
“Power?
Defense?
Ya Versatility?”


“Versatility test,”
Sikandar ne beparwahi se kaha.

“Specification?”

“Multiple targets.”
Observer ne earpiece mein baat ki.

Thori dair baad,
doosray kamray se chaar chained mutated rhinos laaye gaye.
Unki skin par neelay hard scales,
laal aankhein,
bohat bhari jism,
aur 6 mazboot taangein — chaar nahi.

Sab Early Rank Five thay.

“Tum shuru kar sakte ho,” observer peeche hat’ti hui boli.


Chains khulte hi…

ROOOAR!!

Chaaron rhinos Sikandar ki taraf lapkay,
animal instinct unhein bhagna sikhata tha —
aur Sikandar unki raah mein tha.

Sikandar muskuraya.
Uska jism peeli roshni se chamak utha.

Yellow Force.

Observer aur bahar dekhne walay log hakay-bakay reh gaye.

Force ko comprehend karna hi bohat mushkil hota hai…
aur Yellow Force?

Sirf woh log jo jism ko paglon ki tarah train karte hain, wohi is level tak pohanchte hain.

“Black Field Orko.”

ZOOM!!

Zameen pitch black ho gayi.
Lightning mana itni dense thi ke observer ka dil hil gaya.

“Peak Great Element…”
usne shock mein socha.

BLITZ!!

Kaali bijli zameen se phooti aur chaaron rhinos ko lapet liya.

Unke jism sakht ho gaye,
black whip jaisi lightning ne unhein jakar liya.

Sab kuch 5 second se kam mein khatam.

Sikandar ki mutthi chamki.

“Force Beam!”

BOOOOM!!

Hawa mein punch maara.
Chaar Force Beams niklay.
Seedha…
rhinos ke sar.
Unke hard scales bhi kisi kaam na aaye.

Mid ya Peak Rank Five jaisi strength ke saamne,
Early Rank Five ka koi chance nahi tha.

BRAK!!

Chaaron laash ban kar gir gaye.

Sikandar ne spells retract kiye.
Observer abhi bhi shock mein thi.
Sikandar ne haath pocket mein daala…
aur bina result sune bahar nikal gaya.

Woh aadmi jo usay mock kar raha tha,
Dar gaya.
Uska dil zor zor se dharkne laga jab Sikandar uske paas se guzra.

Woh sir jhuka kar khara raha —
lekin Sikandar ne kuch nahi kaha.
Bas…
guzar gaya.

Peeche se awaaz aayi:
“Mujhe meri jahalat par afsos hai…”

Sikandar ne halki si muskurahat ke saath bina muday
aage chal diya.


_ _ _



Rank test khatam hone ke baad, staff ne Sikandar ke haath mein kagzon ka ek mota sa bundle thama diya.

Yeh papers bilkul wahi thay jo us ne pehle internet par search kiye thay —
Supernatural territory ka time schedule, family acknowledgment, aur death contract.

Sikandar ne apni tez nazron se tamam kagzon ko speed-read kiya aur kuch hi dair mein poora procedure samajh gaya.

Pehla contract uski pehchan se mutaliq tha.
Is mein likha tha:

Sikandar Silverstar ki identity
Rank test ke baad uski current power

Supernatural territory mein guzara jane wala waqt

Aur kaun se region mein usay bheja ja raha hai

Yeh contract asal mein Sikandar aur uske mission ka poora khaka tha.

Doosra contract family acknowledgment ka tha.

Is par kisi qareebi family member ke sign lazmi thay —
un ki identity, aur Scavenger ke sath un ka relation.

Is contract par ya to Mrs. Greene ya Robert ke sign zaroori thay, jo family ki taraf se approval ka proof hota.

Teesra aur sab se khatarnaak contract —

Death Contract.

Internet par Sikandar ne parha tha ke agar Scavenger wapas na aaye to yeh contract active hota hai.

Lekin asal baat yeh thi ke Scavenger paise de kar retrieval team hire bhi kar sakta tha.
Agar koi Scavenger muqarrar waqt mein wapas na aaye,
to yeh team Supernatural territory ke andar ja kar uski laash —
ya kam az kam us ka pata lagane ki koshish karti.

Yeh baat Sikandar ko sakht hairan kar gayi.
Supernatural territory mein laash dhoondhna
ek suicidal mission ke barabar tha…
aur phir bhi kuch log itne pagal thay ke yeh kaam lene ko tayar thay.

“Fees outstanding hain… $5 million advance?”
Sikandar ne dil hi dil mein socha.

Itni badi raqam hi shayad un pagal logon ko is mission ke liye razi karti thi.

Tamam contracts fill karne ke baad,
Sikandar ne kagaz staff ke hawale kar diye.
Staff member ne details computer mein daalte hue papers check kiye,
lekin jab uski nazar doosray contract par pari, to uska chehra sakht ho gaya.

“Sikandar Silverstar… kya tum apne ghar ke akelay bachay ho?”
staff ne poocha.

Sikandar ne sirf sar hila kar haan mein jawab diya.

Staff ne seedhi aur thandi awaz mein kaha:
“Maaf kijiye ga, Sir Sikandar.
Rules ke mutabiq, koi bhi Scavenger apne ghar ka akela beta nahi ho sakta.
Hum aap ki application accept nahi kar sakte.”

Sikandar ka chehra sakht ho gaya.
Us ne staff ke expression ko ghaur se dekha…
aur phir usay ek idea aaya.
Aahista se us ne apni jeb se ek chhota sa pouch nikala
aur staff ki taraf barhate hue kaha:
“Koi na koi raasta zaroor hoga…”

Staff ne pouch liya aur andar jhaank kar dekha.
Agla hi lamha —
uske chehre par muskurahat aa gayi.
“Main koshish karta hoon… thora intezar kijiye.”

Takreeban 10 minute baad,
Sikandar ko Temporary Scavenger ke taur par approve kar liya gaya.

Family rule ki wajah se reject hone ka darr uske dil mein baitha hua tha,
lekin 5 high-elemental stones ki rishwat ne kaam kar diya.

Temporary Scavenger license haath mein liye,
Sikandar wapas apni car mein baitha
aur border ki taraf rawana ho gaya.

Supernatural aur Humanity ke darmiyan jo border tha,
woh shehar ke kisi bhi level-four city se bhi zyada door tha.
Border tak pohanchne ke liye
usay Border Toll se guzarna zaroori tha.

UWO ne Border Toll is liye banaya tha
taake future mein kisi crisis ki surat mein
military aur Awakened asaani se move kar saken.

Agar Sikandar normal roads se jata,
to safar 3 din ka hota.
Lekin Border Toll ke zariye
sirf 20 ghantay mein manzil tak pohanchna mumkin tha.
.
.
.

Car 300 mph ki raftaar se daur rahi thi.
Raat ho chuki thi.
Sikandar ne aankhen malte hue
car ko autopilot par daal diya.

Khidki kholi to tez hawa ka thappar uske chehre se takraya.
Us ne speed thori kam kar di.
Aasmaan mein chaand poori shiddat se chamak raha tha.

Zindagi mein doosri baar,
woh us zameen ki taraf ja raha tha
jahan uski sab se nafrat angez makhlooq rehti thi —
Supernaturals.

Lekin jitni baar woh yeh sochta,
utni hi baar usay yaad aata…
“Main khud bhi unhi mein se hoon.”
Woh khud ko tasalli deta:
“Main sirf jism se Supernatural hoon…
dil se main hamesha insaan rahoon ga.”

Border Toll par aur bhi gaariyan nazar aa rahi thin —
aur sab ke sab Scavengers ki thi.
Raat ki thandi hawa aur chaandni ki narmi
uske jism ko dheere dheere sukoon dene lagi.

Border qareeb aate hi bechaini barhi…
magar phir chaandni ke asar se
woh gehri neend mein chala gaya.

Car ki notification se uski aankh khuli.
“Arriving at destination in 20 minutes.”

Samne uski nazar
ek azeem-ush-shaan deewar par pari.
Yahi border ka entry point tha —
jahaan ab bhi jang ke nishanat mojood thay.
Military trucks, mobile artillery,
aur hawaa mein ghoomte hue aircraft…

Yahan se aagay aman khatam ho jata tha.
Yeh wahi jagah thi
jahan Sikandar ki pichli mission mein
uski jaan jate jate reh gayi thi.

Purani yaadein
dil par bojh ban kar aa girin.

Military ne uski car rok li.
Chaar armed soldiers ne usay gher liya.
Sirf 3 mahine hue thay
jab Sikandar ne military chhori thi,
lekin jo weapons yeh log pakray hue thay
woh us ne pehle kabhi nahi dekhe thay.

Orc mission ke weapons bhi
in ke samne purane lag rahe thay.

Sikandar ne weapon scan kiya.

<Little Guy>

Automatic rifle
Enhanced bullets — mutated animals aur Supernaturals se banay gaye.
Solid steel tak ko cheer sakti hai.
Power: 900
Equivalent: Rank 4 (Mid)


Sikandar ki aankhen phail gayin.
“Rank-4 Awakened ke barabar firepower…”
Agar poori military ke paas yeh weapons hon,
to rank-4 Supernaturals ka bachna mushkil ho jaye.
Sirf defensive spells
ya bohot high-grade armor hi
in bullets ko rok sakta tha.

Ek soldier ne ishara kiya.
“Window neeche karo, license dikhao.”

Sikandar ne apna Temporary Scavenger license diya.
Jab ek soldier license check kar raha tha,
baqi soldiers ne car ka trunk khol kar talashi shuru kar di.

Sikandar ne gusse aur hairani se poocha:
“Meri car check kyun ho rahi hai?”

Pehli baar jab woh yahan aaya tha,
aisa koi procedure nahi tha…

Yeh tabdeeli Sikandar ko aur zyada mutajassas bana deti hai.

Uske samne kharay military aadmi ne jawab diya,
“Kuch bewakoof log baghair license ke logon ko chhup kar andar lanay ki koshish kar rahe thay, is liye humein andar tak checking karni par rahi.”

Sikandar ne halka sa sar hilaaya.
“Kuch log had se zyada hi kartay hain,” usne dil hi dil mein socha.

Saari zaroori checking mukammal honay ke baad, military aadmi ne usey raasta de diya.
“Takleef ke liye maazrat, aap ja saktay hain. Andar ja kar instructions follow kijiyega.”
.
.

20 minute baad…

Gaari park karne ke baad Sikandar bahar nikla.
Yeh jagah asal border nahi thi, balkay insaniyat ki aakhri defense line thi. Asal border yahan se kai meel door tha.

Is jagah ko Great Barricade kaha jata tha.
Great Barricade aik aisi markazi jagah thi jahan khana, firearms, aur hospitals maujood thay.

Yeh asal mein aik safe house tha — jahan jang larnay walay military aur Awakened log rest kartay aur apni supply dobara hasil kartay thay.
Lekin Sikandar ka maqsad yahan rukna nahi tha.
Usey Supernatural Territory ke andar jana tha.

Insani border par aik lambi aur mazboot deewar thi jo Supernatural makhlooq ko chhup kar andar aanay se rokti thi.

Lekin Supernatural side par sirf scouting posts thay.
Isi liye Supernatural Territory mein chhup kar ghusna, insani ilaqay ke muqablay mein zyada mumkin tha.

Magar itni lambi deewar ko maintain karna asaan nahi tha.
Be-inteha manpower chahiye hoti thi, jo insaniyat ke paas nahi thi.
Isi wajah se Zrolis City jaisay waqiat paida hue.

Apni manzil tak pohanchne ke liye, Sikandar ko aik military aadmi escort karega jo Scavengers ko unke muqarrar ilaqon tak pohanchata hai.
Usey sirf compound tak jana tha.
Lekin us se pehle, usey Liliya se milna tha.

“Yahan is jagah par main usey kahan dhoondoon? Woh bhi Scavenger hi hogi, hai na?” Sikandar ne socha.

Woh Scavenger Camp ki taraf chala gaya, jo is jagah ke daayein hissay mein waqay tha.
Jab Sikandar ne idhar udhar dekha, to uski peshani par bal par gaye.

Jagah hadd se zyada bhari hui thi.
Supernatural Territory ke khatron ko dekh kar, Sikandar samajhta tha ke sirf kuch hi log honge jin mein itni himmat hogi.
Lekin daulat aur shohrat ka laalach bohoton ko yahan kheench laaya tha.

Veteran Scavengers se le kar beginners tak, sab idhar udhar phailay hue thay.
Is bheer mein kisi aik ko dhoondna mushkil tha.

Pandrah minute tak dhoondnay ke baad, Sikandar na-umeed ho kar camp se bahar aa gaya.
Usay yaad aaya ke Liliya ke paas phone nahi tha, is liye usey track karna mushkil tha.

“SCO ne is maslay ke liye koi intezaam zaroor kiya hoga,” usne socha.

Jab woh peechay mur kar dekhta hai, to achanak aik kawwa darakht ki shaakh par baitha usey door se ghoorta hua nazar aata hai.

Jese hi Sikandar ki nazar kawway par parti hai, kawwa par phaila kar aik taraf ur jata hai.
Sikandar ne andaza lagaya ke yeh usay Liliya tak le jaye ga — aur woh uske peechay chal diya.

Aur waqai…
Usne Liliya ko aik bench par baitha dekha, bilkul us compound ke paas jahan se log Supernatural Territory ke mukhtalif hisson ki taraf bhejay jatay thay.

“LILIYA!!” Sikandar ne zor se pukara.

Liliya ne awaz sun kar idhar udhar dekha, phir unki nazarain mil gayin.
Woh khari hui aur Sikandar ki taraf aayi.

“Tum kahan thay? Main to kai dinon se intezar kar rahi hoon,” Liliya ne kaha.

Sikandar ne sharmindagi se gardan khujaayi.
“Main canyon mein exp grind kar raha tha aur Liliya ko bhool hi gaya… baad mein usay phone lena hi parega,” usne socha.

“Sorry,” Sikandar ne kaha,
“Kuch kaam thay jo yahan aane se pehle niptaanay zaroori thay. Chalo, ab chaltay hain.”

Liliya ne sar hilaaya aur dono compound ki taraf chalay gaye.

Takreeban aik ghanta intezar ke baad, unka number aa hi gaya.
Jis Supernatural ilaqay mein unhein bheja ja raha tha, uska naam tha
Lightless Marsh, jo Barricade Wall ke maghrib mein waqay tha.


Pack: Silverstar (2/2)
Level: 28 (8,105,000 / 15,000,000)
Race: High Werewolf
Full Moon: 7 Din – Violet Moon
Berserk: 47%
Sanity: 40%
Mental: 51 (+32)
Strength: 137 (+78)
Agility: 95 (+10)
Endurance: 68 (+31)
Intelligence: 236 (+20)
Attributable Stats: 3


Apne stats dekh kar Sikandar ne itmiinan se sar hilaaya.
Woh chahta tha ke mission se pehle Level 30 tak pohanch jaye, lekin yeh kaam itna asaan sabit nahi hua.

Rank Five tak pohanchna uske liye bohot bara breakthrough tha.
Uske stats khaas taur par Intelligence, hadd se zyada barh chukay thay.

Horn of the Red Dragon, jo usne pursuit mission se hasil kiya tha, ne uski Claw EXP ko bohot boost kiya, aur uski Claw Level 8 tak pohanch gayi.

Uski Black Lightning ne bhi uski Agility aur Endurance ko kaafi barha diya.

Teen attributable stats usne Mental mein daal diye.

Military armored vehicle ke andar, Sikandar ne gehri saans li…
aur phir dheere se chhor di.
Gaari Supernatural Territory mein daakhil ho rahi thi.
Uska chehra sakht aur pur-azam ho gaya.

“Yahi woh jagah hai…”
Yeh woh waqt tha jab Sikandar Supernatural Territory ko samjhay ga.
Yeh zameen mustaqbil mein uske liye jang ka meydan banne wali thi.


_ _ _



Jab military unhein Lightless Marsh ki taraf escort kar rahi hoti hai, to charon taraf bas veerani hoti hai.

Na darakht.

Na zindagi.

Sirf pathar, phati hui zameen, aur tootay huay shehar ke nishaan.

Kuch bohat bari chattanain aisi kharri hoti hain jaise pahaar hon, aur un ke darmiyan purani, chhori hui buildings — jo ab sirf ek bhooli hui civilization ki laashen lagti hain.

Sikandar apne gird o nawaah ko dekhta hai… phir ahista se saans chhor deta hai.

Yeh veeran zameen…
Kabhi ek metropolitan city hua karti thi.
Log apni zindagiyon mein masroof, roz ke masail se ladte huay…

Unki mental halat toot chuki hoti thi, lekin aaj soch kar lagta hai ke unhein us waqt shukar guzar hona chahiye tha.
Kyun ke yahin se qiyamat shuru hui thi.

Jab pehli dafa Supernatural is duniya mein ubharay…

Zameen se.

Samandar se.

Aur kuch to aasman se meteor ki tarah giray.

Pehle pehle woh khud bhi hairaan thay — itnay zyada insaan dekh kar.
Kuch Supernatural to ulta bhaag gaye, jaise darr gaye hon.

Lekin phir…
Ek Supernatural ne laaparwahi mein ek insaan ko thappar maara —
Aur woh insaan waheen mar gaya.

Us aik lamhay ke baad…
Sab kuch badal gaya.

Supernatural ke andar dabhi hui wehshat phat kar bahar aa gayi.
Unki aankhon mein dar nahi… bhook thi.

Shehar aik qatal-gaah ban gaya.
Bachay, buzurg, jawan — sab apni jaan bachanay ke liye bhaag rahe thay.

Cheekhein, khoon, aur toot'ti hui imaaratein…
Aur jab military ne aakhir kar shehar wapas liya,
To kuch bhi baqi nahi bacha.
Na shehar.
Na log.
Na laashe bhi.

Aur wahin se…
Duniya neeche ki taraf girti chali gayi.

“Yaqeen nahi hota ke yeh jang ab tak chal rahi hai…”
Sikandar ne dil hi dil mein socha.

Yeh shehar uska nahi tha,
Lekin yehi woh pehli khabar thi jo live television par chali,
Aur jis ne poori duniya ko hila kar rakh diya.

Aadha jahan…
Insaniyat se chheen liya gaya.

Lightless Marsh ka safar lamba tha.
Agar koi mushkil na hoti, to ek aur din lagta pohanchne mein.
Woh log ab border cross kar chukay thay.
.
.
.


Supernatural Territory.

Sikandar aur Liliya dono foran hoshiyar ho gaye.
Yeh jagah ab safe zone nahi thi —
Yeh dushman ka ilaqa tha.
Military vehicle ahista ahista ek scouting post ke paas se guzri.
Door kuch Supernatural nazar aa rahe thay,
Lekin gaari is tarah design ki gayi thi ke awaaz bohat kam ho.

Gaari ke andar Sikandar, Liliya, aur do military soldiers thay.
Un dono soldiers ki aankhon mein woh zakhm nazar aa raha tha
Jo kabhi bharte nahi.
Yeh unke liye jang ka ek aur din tha.

“Thank you,”
Sikandar ne achanak kaha.

Saath baithay soldier ne hairani se dekha.
“Ji?”

“Supernatural ke khilaaf humare liye ladnay ka shukriya,”
Sikandar ne wazeh alfaaz mein kaha.

Soldier takreeban 28 ya 30 saal ka lagta tha.
Baher se sakht…
Lekin andar se toot chuka.

Aur phir…
Uski aankhon se anso gir gaya.
Usay khud hairani hui.
Jaise jism ne woh aansu rokna chhor diya ho jo saalon se jama tha.

Woh foran chehra ghoomata hai aur aankh ponch leta hai.

Liliya ne bhi hamdardi se dekha.
Woh jaanti thi…
Shayad is aadmi ke paas kabhi choice thi hi nahi.

Gaari phir khamosh ho gayi.
Driver ne rear-view mirror se Sikandar ko dekha.
“Tum… military se ho?”

“Haan,”
Sikandar ne sukoon se jawab diya.
“Main Sikandar Silverstar hoon. Dwight City ke Ghoul Den mission se.”

Yeh suntay hi driver ki aankhein phail gayin.
“Main 6th Infantry Battalion se hoon… General Shin ke neeche.
Hum Dwight City ke Great War mein reinforce karne aaye thay.”
Phir woh achanak bola:
“THANK YOU FOR YOUR SERVICE, SIR!”

“No need,”
Sikandar muskuraya.
“Main sirf apna farz nibha raha tha.”

Driver wahi infantry soldier tha
Jis shehar mein Sikandar ne Ghoul Den tabah kiya tha.

Wohi mission…
Jis par Sikandar ko Medal of Honor mila.
Aur jis ki wajah se hazaaron log zinda bachay —
Yeh driver bhi un mein se aik tha.

“Sir… meri saans aaj bhi aap ki wajah se chal rahi hai,”
Usne jazbati lehje mein kaha.

Sikandar ne khamoshi se uska shukriya qubool kiya.

Aur phir…
“WATCH OUT!”

SCREEECH!!

Gaari ke tyre cheekhay…
Aur gaari ulti palat gayi.

BOOOOM!!

Sikandar ne aik bari si shadow ko side se takraatay dekha.
Koi bohat bhari cheez.

“Sab theek ho?!”
Sikandar ne cheekh kar poocha.

Driver khoon thookta hai.
Uski ribs toot chuki hoti hain.
Metal ka tukra pait mein ghus chuka hota hai.
Dusra soldier sirf sar par chot ke sath zinda hota hai.

CLANG!

Sikandar aik hi punch mein gaari ka darwaza ukhaar deta hai.

“Driver ko sambhalo! Usay zinda rakho!”

Aur phir…
Unhon ne Minotaur ko dekha.

“Insaan!”
Minotaur gurraya.
“Tumhein laga humara ilaqa itni asaani se paar kar logay?”

Soldier ka jism kaanp uthta hai.
Lekin Sikandar…
Bilkul nahi.

“Liliya,”
Uski awaaz thandi aur bhari hoti hai.
“Un dono ko protect karo.”

Black Lightning uske jism par sizzle karne lagti hai.

“Awakened?”
Minotaur hansta hai.
“Is choti si bijli se darao ge mujhe?”

BOOM!!

Zameen phat jaati hai.
Sikandar ke kandhay par rune gehri siyah roshni mein chamak uthta hai.

“Ruko—!”

“Flash.”

BLITZ!

Aik pal mein…
Sikandar Minotaur ke samnay hota hai.
Uska haath seedha uske sar par.

“Tumhein—”

BOOOOM!!

Minotaur ka sar zameen mein dhans jata hai.
Haddiyan toot'ti hain.
Andar ke azaa hil jaatay hain.

“HUAAKHH!!”

Sikandar us par sawar hota hai.
Aur phir…

BAM!

BAM!

BAM!

Har punch…
Jang ka gussa.

Minotaur, Sikandar ki musalsal maar ke neeche bilkul be-bas ho chuka tha. Har punch jo Sikandar Minotaur ke chehray par marta, aisa lagta jaise koi pahaar toot kar gir raha ho.

Gosht ke gosht se takranay ki bhari awaaz poore ilaqay mein goonj rahi thi.

Is be-rehm pounding ke neeche zyada dair nahi lagi ke system ki awaaz goonj uthi:

<Peak Rank Four Minotaur ko Qatl kar diya gaya, 100,000 EXP hasil hui>

Minotaur ke marne ke baad, Sikandar ne apna khoon se bhara haath us ke chehray se wapas kheench liya—chehra jo ab dekhne ke qabil bhi nahi raha tha.

Minotaur ki asli shakal ka koi nishan baqi nahi bacha tha. Khoon har taraf phaila hua tha, phati hui jild ke andar se haddiyan nazar aa rahi thin, aur us ke daant aur seengh toot kar lagbhag khatam ho chukay thay.

Sikandar ki aankhon mein ghussa saaf nazar aa raha tha. Khud usay bhi nahi pata tha ke woh itna ghussay mein kyun hai.

Woh military gaari ki taraf barha. Wahan ek military jawan gaari ke darwazay ke paas khara tha. Us ne sirf sir hila kar nafi ka ishara kiya.

Sikandar ka chehra sakht ho gaya.
Sikandar ne gaari ke andar jhaank kar dekha. Driver seat par baitha fauji zindagi aur maut ke darmiyan latak raha tha—ek tez dhaati cheez us ke jism ko cheer kar us ke paar nikal chuki thi.

Us ka chehra peela par chuka tha, aur dard us ki aankhon se tapak raha tha.

Driver ne Sikandar ki taraf dekha, aur Sikandar ki aankhon mein shadeed jurm ka ehsaas tha.

Agar Sikandar pehle se hoshiyar hota, agar woh baaton mein ulajh kar hosh na khota, to shayad woh Minotaur ko pehle mehsoos kar leta… aur yeh fauji aaj zinda hota.

“Apnay aap ko qasoorwaar mat samajhna…”
Driver ne kamzor awaaz mein kaha.

Sikandar chup chap gaari ke sheeshe ke paas khara raha. Woh jaanta tha ke agar darwaza khola gaya, to jism mein ghusi hui woh dhaati cheez bahar aa jaye gi… aur usi lamhay driver ki maut yaqini ho jaye gi.
Driver ne aasman ki taraf dekha aur halki si muskurahat us ke chehray par aa gayi.

“Jang ke dauran… main ne apnay bohot se saathi apni aankhon ke samnay martay dekhay,” us ne dheemi hansi ke sath kaha.

“Main hamesha khud ko koshta raha… ke itnay achay log mar gaye, aur main ab tak zinda kyun hoon.”
Phir woh bola,
“Dwight City ki jang ke baad… jab main zinda bacha, main ne dil hi dil mein tumhara shukar ada kiya… aur yeh bhi socha ke meri zindagi ab bas ek bonus hai.”

Woh saans le kar ruka, phir bola:
“Main ne apni family ko aakhri baar alvida kaha… aur poori zindagi military ke naam kar di. Khwaab yeh tha ke ek din… insaniyat phir se waisi ho jaye… pur-aman, khoobsurat—”

Khansi… khansi

Us ka jism dard se kaanp gaya.
Sikandar ne foran shop se ek elixir khareedi, lekin driver ne haath utha kar mana kar diya.
Woh mehsoos kar chuka tha… us ka waqt qareeb hai.

“Kya tumhein lagta hai…”
us ne mushkil se poocha,
“mera khwaab poora hoga?”

“Haan,” Sikandar ne mazboot awaaz mein kaha, driver ka haath pakarte hue,
“Main yaqeen se kehta hoon… zaroor poora hoga.”

Us lamhay Sikandar ko mehsoos hua ke us ka is fauji se ajeeb sa rishta ban gaya hai—lekin yeh rishta bohot hi mukhtasir tha.
Us ki baat khatam honay se pehle hi… driver ne aakhri saans le li.
Sikandar ne us ka haath hilaya… ek do baar.

Koi jawab nahi.
Us ki aankhon mein azm ki aag jal uthi.
“Main jaanta hoon tumhara khwaab poora hoga,”
woh dheemi lekin sakht awaaz mein bola,
“nahin… woh poora hona hi chahiye.”

Takreeban das minute baad…
Safar dobara shuru kiya gaya.
Driver ki qabar wahin banayi gayi—Sikandar aur baqi logon ne khud mitti khodi, taake us ke jism ko kam az kam sukoon mil sake.

Qabar ke paas zameen mein ek bhala gaara gaya tha…
Aur us bhale ke siray par Minotaur ka sar laga hua tha.

Yeh Sikandar ki taraf se aik bewakoofana qadam tha—ek Supernatural ka laash chhor dena baad mein usay mushkil mein daal sakta tha.

Lekin Sikandar yahi chahta tha.
Woh chahta tha ke Supernatural khud us tak aayein.

Woh chahta tha ke unhein pata chal jaye—
Supernatural ki tabahi aa chuki hai.
Aur us ka naam Sikandar hai.

_ _ _



Ye jagah aik ghana dal-dal thi—aur jaisa ke naam se zahir tha, yahan roshni ka naam o nishan nahi tha. Ink-black darakht, jin par aik bhi patta nahi tha, har taraf kharay thay.

Sirf aik nazar mein hi koi bhi samajh sakta tha ke ye jagah rehne ke qabil nahi.

Lightless Marsh nami se bhari hui thi. Andhera, geela aur har qadam par ghutnon tak kam gehra pani—jahan jahan Sikandar ka paon parta, wahan kichar aur pani mil kar usay aur zyada khatarnaak bana dete. Is ke bawajood, ye jagah mutated janwaron se bhari hui thi.

Sikandar apni senses se aas paas kai mutated makhlooqaat mehsoos kar sakta tha. Sirf yahan rehna hi aik imtehaan tha.

“Tum akelay wapas ja saktay ho?” Sikandar ne military aadmi se poocha.

Phir us ne baat jaari rakhi,
“Driver ki maut ka matlab hai ke tumhein akelay lautna hoga. Kya tum is ke liye tayar ho?”

Ye sun kar military aadmi halka sa muskuraya aur yaqeen dilate hue bola,
“Us ka naam Gustavo tha. Aur haan, main theek rahoon ga. Tum fikar na karo.”

“Gustavo huh…” Sikandar ne dheemi awaaz mein kaha, phir usay alvida keh di.

Driver ka naam Gustavo tha—aur Sikandar usay hamesha insaniyat ka aik sacha larraka yaad rakhe ga.

Jab military aadmi khamoshi se chala gaya, Sikandar aur Liliya map haath mein liye Lightless Marsh ke andar barhte chalay gaye.

“Tum hairaan nahi lag rahi,” Sikandar ne kaha.

Liliya ne usay sawaliya nazar se dekha, to Sikandar ne baat wazeh ki,
“Ye dekh kar ke main aik Awakened hoon.”

Ye pehli dafa thi ke Liliya ne Sikandar ko apna Black Lightning element istemal kartay dekha tha. Ab woh isay chhupa bhi nahi raha tha—kyun ke SCO ko is ka pehle hi ilm tha.

Aur Sikandar jaanta tha ke Liliya ne kabhi us ka tournament bhi nahi dekha hoga.

“Green Messenger ne mujhe bata diya tha,” Liliya ne be-parwah andaaz mein kaha.

Ye sun kar Sikandar ki aankhein halki si khul gayeen—thori si bechaini ke saath.
Woh mazeed poochna chahta tha, lekin Liliya ne baat jaari rakhi,

“Us ne kaha ke tum Awakened ho, lekin phir bhi SCO ke member rahoge.”

Sikandar ne sir hila diya.
Lagta tha ke Liliya ko bhi Awakened pasand nahi, lekin shukar tha ke woh Sikandar ke saath ajeeb rawaiya nahi rakh rahi thi.

Agar Liliya ka rawaiya badal jata, to team aur zyada toot jati—khaaskar jab Devan ko SCO ne team se nikal diya tha, jab unhein pata chala ke woh insaan nahi hai.

Bahir se Sikandar pur-sukoon lag raha tha, lekin us ke dimagh mein sawalat ka toofan tha.
“Kya mujhe kisi aur team mein daal diya jayega? Aur itni asaani se mujhe chhor kyun diya?”

Lekin phir us ne sir jhatka aur apni tawajjo mission par le aaya.
Ab woh insani ilaaqay se bahar tha—yahan kuch bhi ho sakta tha. Agar woh museebat mein phans gaya, to koi madad ke liye nahi aane wala.

“Tum ne kabhi Northern Black Head ka suna hai?” Sikandar ne baat badalte hue poocha.

University ke dauran usay is makhlooq ke baare mein research ka waqt nahi mila tha—canyon ke waqiat ki wajah se. Aur us ne kabhi bhi university mein is ka naam nahi suna tha.

Ye zaroor koi low-ranking supernatural hogi—warna Sikandar ko is ka ilm hota.

Liliya ne map ki taraf dekha aur kaha,
“Green Messenger ne sirf itna bataya ke un ka jism aik black hood se dhaka hota hai, aur un ki taangein safed tentacles jaisi hoti hain.”

“Black hood? Kya ye koi kapra pehente hain?” Sikandar ne poocha.

Liliya ne sir hila diya.
“Nahi, ye un ki skin hai. Un ki jild mutate ho kar aik black hood bana leti hai jo un ka chehra dhak leti hai.”

Ye sun kar Sikandar ki bhonhein sikur gayeen.

“Aur humein un ke aansu chahiye? Bina ye jaane ke un ka chehra kaisa hai?” us ne pareshani se kaha.
Phir woh bola,
“Aur ye makhlooq karti kya hai? Green Messenger ne is ke baare mein kuch bataya?”

Liliya kuch dair map par nazar jamaye rahi, phir boli,
“Kaha jata hai ke un ke aansuon mein hallucination ki salahiyat hoti hai. Is se zyada mujhe kuch nahi pata.”

Sikandar gehri soch mein chala gaya.
“Aakhir ye log hasil kya karna chahte hain?”
Us ne socha ke aansu nikaalne ka tareeqa kya hoga.
Agar Northern Black Head ki aankhein hui, to kaam asaan hota—aankhon ke gird force laga kar ya kisi tarah aansu nikalwaya ja sakta tha.
Lekin agar aankhein hi na hui… to masla ho sakta tha.

Is liye pehle makhlooq ko dekhna zaroori tha.

“Baad mein system se pooch loon ga,” Sikandar ne socha.

Aise waqt par system par bharosa karna ghalat nahi.
Ab tak system kabhi ghalat sabit nahi hua tha—chahe supernatural ho ya insaan.

Liliya ne baayen taraf ishara kiya aur kaha,
“Pehle dekh lete hain. Zyada mushkil nahi honi chahiye—akhir ye sirf aik low-ranking supernatural hai.”

Ye keh kar dono ehtiyaat se Lightless Marsh ke andar barhne lagay.
Un ke jootay ab poori tarah geelay aur kichar se bhar chuke thay. Jitna woh andar ja rahe thay, zameen utni hi phisalti ja rahi thi.

Mutated parinday, jin ki aankhein dehshat-naak thi, darakhton par baith kar un par nazar rakhay hue thay.

Lekin Sikandar aur Liliya ne unhein nazar-andaz kar diya—
ye itnay bewaqoof nahi thay ke apne se zyada taqatwar cheez par hamla karte.

PLOP!

“Hm?”

Liliya ne bhonwen sikorheen aur apne paon ki taraf dekha.
Usse mehsoos hua ke halkay pani ke neeche kuchh ajeeb sa tha. Woh jhuk kar dekhna hi chahti thi ke achanak—
SPLASH!

Sikandar ne foran Liliya ki taraf dekha… magar woh uski nazron se ghaib ho chuki thi.
Kuchh cheez ne usse zabardasti pani ke andar kheench liya tha.

Yeh Sikandar ke liye bilkul unexpected tha.

Pani toh sirf unke paon tak tha—
itna gehra hi nahi hona chahiye tha ke koi andar gir jaye.

“LILIYA?!” Sikandar zor se chillaya.
Woh pani mein koodne hi wala tha ke—

SPLASH!

Liliya pani se bahar nikli, saans phooli hui thi. Woh idhar-udhar dekhti hui boli,
“Main theek hoon… yahan pani achanak bohat gehra ho jata hai. Aur… kisi wajah se upar tairna bohat mushkil lagta hai.”

Yeh sun kar Sikandar ne ehtiyaat se aage qadam rakha.
Uske paon ke neeche achanak zameen khatam ho gayi—
jaise kisi chattan ya cliff ka kinara ho jahan se pani seedha gehra ho jata ho.

“Samajh gaya… tum phisal gayi hogi,” Sikandar ne dheemi awaaz mein kaha.

Dono ne jagah ko ghoom kar dekha aur thodi door par aik aur shallow raasta mil gaya.

Pichhle waqia ke baad, dono ne safar intehai ehtiyaat ke sath jari rakha.
Is swamp mein kahin kahin achanak gehra pani tha… aur yeh baat bilkul be-maani lagti thi ke yahan kuchh zinda na ho.

Kuchh ghanton tak chalne ke baad, Sikandar ne kaha,
“Humein koi panah dhoondhni hogi. Is terrain mein aise hi rukna khatarnaak hoga.”

Liliya ne khamoshi se sar hila diya.
Yeh jagah mutated beasts se bhari hui thi, lekin ajeeb baat yeh thi ke aksar woh sirf door se dekhte rehte—hamla nahi karte.

Jaise ke woh is pani se darrte hon.

Zyada tar janwar darakhton se darakhton par jump karte thay.
Sikandar aur Liliya dono is baat par shukar guzar thay.

Larna na parna matlab strong monsters attract na hona…
aur yahan Supernaturals se mulaqat hona sab se bura scenario hota.

Magar panah dhoondhna asaan nahi tha.

Jahan tak nazar jaati, sirf la-mehdood swamp aur murda siyah darakht thay.
Na zameen, na chattan—kuchh bhi nahi.

“Wahan!”
Liliya ne aik darakht ki taraf ishara kiya.

“Shayad hum wahan rest kar sakte hain.”

Woh darakht baqi sab se zyada mota aur buland tha—
itna strong ke dono ka wazan asaani se sambhal sakta tha.

Sikandar ne pehle upar ke mutated bugs, lizards aur chhoti creatures ko saaf kiya.

Jaisa ke unhone pehle notice kiya tha, yeh janwar bhi darakhton par rehte thay.

Safai ke baad dono upar charrh gaye.

“Main raat bhar watch rakhoon ga,” Sikandar ne kaha.
“Tum araam kar lo.”

Usse neend ki utni zarurat nahi hoti thi jitni normal insaan ko.

Liliya ne behas nahi ki.
Usne apni baazu par haath rakha—
ek laal nishaan ubhra.
Phir usne wahi nishaan Sikandar ki baazu par bhi bana diya.

Achanak aik notification ubhri—

<Stats 20% increase ho gaye hain>

Iske baad Liliya aik moti shaakh par let gayi aur aankhein band kar li.
Yeh safar waqai thaka dene wala tha…
aur Great Barricade par Sikandar ka intezar karna bhi usse aur zyada thaka chuka tha.

“Chalo… main meditation hi kar leta hoon,”
Sikandar ne socha aur aankhein band kar li.
.
.
.
.

Meanwhile – Faraday University
Karan bed par baitha tha, aankhein band,
Sikandar ki di hui breathing technique par amal karte hue.

Har saans ke sath usse apni taqat barhti mehsoos ho rahi thi—
yeh feeling usse almost nasha de rahi thi.

Kone mein, Ryze chhupa hua tha.
Woh infirmary se wapas aa chuka tha aur physically theek tha,
lekin Karan ke qareeb rehne se abhi bhi darr lagta tha.

Isi liye woh bed ke bajaye kone mein pillow ke sath leta hua tha.
Woh is baat se bhi darta tha ke kahin Karan phir usse maar na de.

Kamre ke andar aik aur bedroom tha,
lekin Ryze ne abhi tak Sikandar se ijazat nahi maangi thi…
is liye woh wahi kone mein rehne par majboor tha.

Agar koi bahar wala dekhta,
toh bechare Ryze par reham aata—
woh aise logon ke sath reh raha tha jo asal mein Werewolves thay…
aur usse iska zara bhi andaza nahi tha.

Dusra Kamra
Adhara apne bed par seedhi baithi thi, meditation mein.
Chaand ki roshni us par parr rahi thi,
use aur bhi zyada pur-waqar bana rahi thi.

Achanak uski aankhein kaanp utheen…
aur woh them se aankhein khol baithi.
Agla hi lamha,
woh thak kar bed par gir gayi.

Usne apne paas wali bedsheet ko chhua—
dil ajeeb sa bhaari ho gaya.
Sikandar yahan nahi tha.
Itna bara kamra… aur woh bilkul akeli.

Khud ko distract karne ke liye,
usne apni fire element par kaam shuru kar diya.
Uske haath par aag bharrak uthi—
jaise koi khoobsurat dancer.

Woh usse aik gola banana chahti thi…
lekin jab usne aur condense karna chaha, uski bhonwen sikorh gayeen.
Aag sirf volleyball jitni hi reh pa rahi thi.

“Yeh challenge hai…”
Adhara seedhi baith gayi.

Lagbhag aadha ghanta laga…
magar aakhir kaar—
“Is dafa ho jaye ga,”
usne khud se kaha.

Purple fire phir se ubhri…
gola bani…
aur phir—

Uske haath kaanpne lage.
Aag jaise zid kar rahi ho…
magar Adhara ne zabardasti control aur tight kar diya.
Achanak—

SWISH!

Gola tennis ball jitna chhota ho gaya…
aur zor se chamakne laga.
Adhara hairaan reh gayi.
Usne pehle kabhi apni element ko aise react karte nahi dekha tha.
Woh usse chhoone hi wali thi ke—

BOOM!!

Zordaar dhamaka!
Purple fire phat gayi,
bedsheet jal uthi,
aur Adhara aik lamhe ke liye sakht shock mein chali gayi.

CLANK!

Usne foran aag bujhai aur dhuan hataya…
tab uski nazar aik cheez par pari.
Bed par…
aik purple pathar pada tha.
Us se nikalti energy bilkul uski element jaisi thi.

Adhara ne pathar uthaya, qareeb se dekha…
aur uski aankhein hairat se phail gayeen.
“Yeh toh…”

_ _ _ _

Aaj ke liye itnah hi. I hope ye episode be aap sub ko pasind ahya ho gah. To like aur comments zaror karna.

Mission start ho gaya hai.
Next episode se aap ko boht hi zabardast fights dekhne ko mile gi.

Is episode mai fight nahi thi kyo ke mission abi start hi howa.
Is mission mai ap ko princess be dekhne ko mile. Aur apne hero se mulaqat boht interesting ho gi...

Is bar like targe ho ga 55.

Next episode 55 likes par.
Milty hai next episode mai bane rahiye sath.

Tab tak ke liye

Thanks and Good night.

 

[mooni]

Awesome update! Eagerly waiting for next!!!!
Brilliant story line with awesome writing skills

 

[MrHandsome]

Awesome update! Eagerly waiting for next!!!!
Brilliant story line with awesome writing skills

Thanks.... For like and comment..