Update - 67
[ Last Update]
____________________
"Kyo?" Gulfam jab meri taraf dekhta hi raha to aakhir maine puchh hi liya.
"Kyoki wo sab tumhare gunahgaar the." Gulfam ne thandi saans kheechte huye kaha____"Aur main chaahta tha ki jo apraadh unhone tumhare sath kiya hai uski saza tum khud apne hatho se unhe do. Mujhe bilkul bhi andaza nahi tha ki mere wo dost belagaam ghode ki tarah is tarah idhar udhar bhaagne lagenge ki unhe samhaalna hi mushkil ho jayega. Tumhe pata hai, ye ab aisi mansikta ke shikaar ho chuke the ki khud ko hi sanstha ka sarve sarwa samajhne lage the. Bachpan ka sath tha is liye itne saalo tak maine unke khilaf koi sakht kadam nahi uthaya tha. Halaaki inhe pata bhi nahi tha ki sanstha ka chief inke hi bachpan ka dost yaani ki main hu, lekin iske bavjood ye apne chief ki narmi ka najayaz faayda uthane se baaj nahi aa rahe the. Maine in par nigraani rakhne ke liye sanstha ke agents laga diye the. Unhi se ek din mujhe pata chala ki sanjay aur jeewan sanstha ke members ko secret tarike se apni taraf kar ke mere khilaaf bahut hi gahri chaal chalne ki firaak me hain. Mujhe samajhte der na lagi ki sanjay sanstha ke chief ko yaani ki mujhe khatm kar ke khud sanstha ka chief banne ka mansuba banaye huye hai. Bas ab meri bardaast se baahar ho gaya tha. Man to kiya ki ek hi jhatke me teeno ko jahannum bhej du magar fir tumhara khayaal aa gaya ki inko jahannum bhejne ka haq to sirf tumhara hai. Tum jail me umar kaid ki saza kaat rahe the aur jail me rahte huye tum apne in gunahgaaro ka kuch nahi bigaad sakte the. Tab maine tumhe jail se baahar nikaalne ka man bana liya."
"Kya matlab???" Maine chaunk kar bich me hi gulfam ki baat kaat kar bol pada____"Kya tum ye kahna chahte ho ki mujhe tumne jail se riha karwaya tha aur meri baaki ki saza ko maaf bhi karwaya tha?"
"Main jaanta hu ki tumhe meri is baat ka yakeen nahi hoga." Gulfam ne kaha____"Lekin sach yahi hai ki maine hi tumhari baaki ki saza ko maaf karwa ke tumhe jail se riha karwaya tha. Main chaahta tha ki tum apne gunahgaaro ko apne hatho se saza do aur fir ek naye sire se apni ek nayi zindagi ki shuruaat karo."
Main gulfam ki is baat se man hi man chakit rah gaya tha. Main sach me yakeen nahi kar pa raha tha ki gulfam ne hi mujhe jail se riha karwaya hoga. Main to abhi tak yahi samajh raha tha ki mere achhe bartaav ke kaaran sarkaar ne meri saza ko maaf kar ke mujhe jail se riha kar diya tha.
"Tum achhi tarah samajh sakte ho ki mere liye tumhe jail se riha karwa lena zara bhi mushkil kaam nahi ho sakta tha." Mujhe khamosh dekh gulfam ne kaha_____"Sanstha ke chief ke roop me mere sambandh bahut upar tak hain. Short me tum ye samajh lo ki agar main chaahu to sanstha ke chief ke roop me is desh ki kisi bhi badi hasti ko apne kadmo me jhuka sakta hu. Kanoon ke numaainde wahi karenge jo main kahuga. Tumhari baaki ki saza ko maaf karwa ke tumhe jail se riha kar dene ka hukum sanstha ke chief ke roop me mera hi tha. Jis din tum jail se riha huye usi din se maine apne agents tumhari nigraani me laga diye the lekin kuch is tarike se ki tumhe iski bhanak tak na lag sake. Tumne ab tak kya kya kiya hai aur kaha kaha gaye ho is sabki jankaari mujhe hai."
"Maya ki sachchaayi kya hai?" Maine kuch sochte huye puchha____"Kya wo aaj bhi sanstha ke liye hi kaam kar rahi hai aur tumne use apna mohra bana kar mere paas bheja tha?"
"Sach kahu to tumhari zindagi me maya ki ahmiyat bahut khaas hai vikram." Gulfam ne ek naya shigar sulgate huye kaha_____"Bees saal pahle jab tumhe umar kaid ki saza ho gayi thi tabhi usne sanstha ko chhod diya tha aur is shahar se kahi door chali gayi thi. Sanstha ka koi bhi member agar is tarah se achanak gayab ho jata hai to chief ke roop me ye mera farz hota hai ki main uski khojbeen karwaau aur fir uske sath waisa hi salook karu jaisa aam taur par is tarah ka kaam karne wale agents ke sath kiya jata hai. Jaldi hi mere agents ne uska pata laga liya aur mujhe uske bare me saari baate bataayi. Mujhe ye to pata tha ki usi ne tumhe training di thi aur training ke baad bhi tum dono ek dusre se secret roop se milte the lekin tum dono ke bich gahra relation ban jayega iska andaza nahi tha mujhe. Ab kyoki maya ka tumse gahra judaav tha to maine uske andar ki toh lene ke liye ek agent ko uske NGO me bheja. Agent ne jaldi hi aa kar bataya ki maya mansik roop se dukhi hai jiski vajah sirf aur sirf tum hi ho. Yaani wo dil se tumhe prem karti thi aur jab use pata chala ki tumhe umar kaid ki saza ho gayi hai to wo ye sadma sahan nahi kar saki. NGO ki ek aurat ke dwara agent ko pata chala tha ki usne suicide karne ki koshish ki thi. Main samajh gaya ki uske dil me tumhare prati kya hai. Main ye bhi samajh gaya ki maya ke dwara sanstha ke vajood ko koi khatra nahi hai lekin fir bhi ehtiyaat ke taur par maine us par nazar rakhne ke liye ek female agent ko us NGO me fix kar diya tha. Khair idhar jab maine tumhe jail se riha karwaya to mere zahen me khayaal aaya ki tumhari viraan padi duniya me agar maya ki entry fir se ho jaye to bahut had tak sambhav hai ki tum is sabke baad bhi ek khush haal zindagi guzaar sakte ho. Tum par nazar rakhne ke liye to sanstha ke agents hi kaafi the, lekin ye bhi sach hai ki wo log ye nahi pata laga sakte the ki tumhare andar kya hai aur tum kya karna chahte ho? Is liye maine maya ko tumhare paas bhejne ka socha. Mujhe andesha tha ki jail se baahar aane ke baad tum badle ki aag me is kadar jalne lagoge ki tum uske aage kuch aur sochoge hi nahi. Iske chalte aisa bhi ho sakta tha ki kisi din tum apne hi kiye gaye karmo ke liye police dwara dhar liye jaao aur fir se jail me pahuch jaao. Tumhare andar ki aag ko control karne ke liye maya ka tumhare sath rahna behad zaruri tha. Yahi sab soch kar maine maya ko tumhare paas bheja tha. Wo bevkoof yahi samajh rahi thi ki main galat irade se usko tumhare paas bhej raha hu. Khair aaj jis tarah ki situation me tum ho usse ye saabit hota hai ki maya ko tumhare sath rakhne ka mera faisla bilkul perfect tha."
Gulfam ye sab kahne ke baad chup hua to us madhyam size ke room me ekdam se sannata chha gaya. Idhar mere zahen me maano dhamake ho rahe the. Mere dimaag ka maano fuse hi ud gaya tha. Main soch bhi nahi sakta tha ki gulfam jaisa byakti jo ki CMS jaisi sanstha ka chief hai wo mere liye itna kuch soch sakta tha aur kar bhi sakta tha. Uske dwara jo kuch maine suna tha us sabse mera zahen chakar ghinni sa ban gaya tha. Kuch samajh me nahi aa raha tha ki kya karu aur kya kahu?
"Main jaanta hu ki mere dwara itna kuch karne ke baad bhi tumhe tasalli nahi hogi." Mujhe socho me gum dekh gulfam ne apni bhaari awaaz me kaha_____"Is liye main tumse ye kahuga bhi nahi ki tum jo soch kar yaha aaye ho wo na karo. Tumne mere bete zafar ko maar dala fir bhi main tumse khafa nahi hu aur na hi tumse uski maut ka badla lene ka khayaal rakhta hu. Tumhare parents ki maut ka kahi na kahi main khud bhi jimmedaar hi tha is liye us apraadh ki saza mujhe apne bete ko kho kar mil gayi hai. Tumse bas itna hi kahuga ki mere pote ke sath kuch mat karo. Baaki tum jo karna chaaho kar sakte ho main uff tak nahi karunga."
Sach to ye tha ki main abhi bhi kisi nateeje par nahi pahuch pa raha tha. Gulfam ne jo kuch mujhse kaha tha agar wo sab sach tha to ye bilkul waisi hi baat thi jiska main tasavvur bhi nahi kar sakta tha. Pahli baar mujhe ehsaas hua ki maine uske bete zafar ko jaan se maar kar thik nahi kiya tha. Zafar sach me utna gunahgaar nahi tha jitna ki ranjan aur shekhar the. Khair ab kya hi ho sakta tha?
"Thik hai." Maine ek gahri saans li fir kaha____"Main tumhare pote ke sath kuch nahi karuga, waise bhi main itna bhi pagal nahi hu ki kisi nirdosh aur masoom ki jaan lene ka sochu. Wo to maine is liye usko kidnap kiya tha taaki use dhaal bana kar apni situation ko tumhare saamne majboot bana saku. Khair ab agar tum khud ko mere saamne samarpan kar rahe ho aur apni galti maan bhi rahe ho to maine tumhare liye ek faisla liya hai."
"K..kaisa faisla?" Gulfam badi ummid se meri taraf dekhne laga.
"Yahi ki tumhe main zinda chhod duga." Maine uski taraf dekha____"Aur tumhari family me se kisi ki jaan bhi nahi luga magar meri ek shart hai."
"Mujhe tumhari har shart manzoor hai vikram beta." Gulfam ne bhaavuk andaz me kaha.
"Itna to tum bhi samajhte hi hoge ki is tarah ki waahiyaat sanstha tumhe nahi kholni chahiye thi." Maine uski aankho me dekhte huye kaha_____"Kyoki ye sanstha bhale hi baahari logo ki sex need ko pura karti rahi ho magar iske chalte hamare apno ki soch aur mansikta par bahut hi bura asar pada tha. Tum khud socho ki kya apne jeewan me tum kabhi ye kalpana kar sakte the ki koi beta apni hi maa ke sath sex karega, koi bahan apne hi sage bhai ke sath sex karegi, aur koi bahu beti apne hi baap ke sath hawas ka aisa nanga naach karegi? Chalo maan liya ki pyase ko paani pilana punya ka kaam hai lekin apne hi sage rishto ke sath hawas ka aisa khel khelna bhala kaun sa punya hai? Kya ye had darze ka paap nahi hai? Banane wala bhi upar se dekhta hoga to sochta hoga ki usne kaise insaan banaye hain jo fakat do pal ki khushi ke liye apne hi sage rishto ko is tarah se taar taar karte huye paap karm kar rahe hain. Main chaahta hu ki jis sanstha ke dwara log aisi mansikta ke shikaar huye hain aisi sanstha ke vajood ko mitti me mila diya jaye."
"Sach kahu to main bhi yahi chaahta tha vikram." Gulfam ne kaha____"Aur yahi vajah thi ki maine tumhare liye ye sab kiya tha. Agar mere zahen me sanstha ke vajood ko mita dene ka khayaal na hota to main na to tumhe jail se riha karwane ka sochta aur na hi ye sab hota. Mujhe khud bhi ehsaas hai ki is sanstha ne hamare sath aur hamare apno ke sath bahut kuch bura kar diya hai is liye aisi sanstha ka khaak me mil jana hi behtar hai. Main abhi tak isi liye ruka hua tha taaki tum apna kaam pura kar sako. Sanjay ki maut ke baad hi main tumse sambandh banana chaahta tha lekin mauka hi nahi mila aur fir tumne zafar ko dhar liya. Mujhe bilkul bhi ummid nahi thi ki tum mere bete ko itna jaldi aur itni chalaaki se apna shikaar bana loge. Khair, to bataao ab kya kya karna hai mujhe? Waise maine socha hua tha ki sanstha ke chief ke roop me ek din main sanstha ke sabhi agents ko headquarter bula luga aur fir un sabke jismo se sanstha ki tacking device ko nikaal kar unhe waapas ghar jane ka hukum de duga. Uske baad sanstha ke sabhi documents ko jala kar sanstha ke is headquarter ko bomb se uda duga."
"Waah bahut khoob." Main uski baat sun kar muskurate huye bol pada____"Yakeen maano main bhi yahi soch kar yaha aaya tha."
"To fir der kis baat ki hai?" Gulfam bhi muskuraya_____"Lekin usse pahle tumhare liye ek behad zaruri kaam karna hai mujhe."
"Kya matlab?" Main anayas hi chaunka.
"Tum to jaante ho ki sara shahar us hatyare ke khauf me hai, yaani ki tumhare." Gulfam ne kaha_____"Aur iske liye janta ke sath sath media bhi police aur prashasan ko is baat ke liye nikamma thahra rahi hain ki wo aise hatyare ko ab tak pakad nahi paaye hain. To mere kahne ka matlab ye hai ki tumhari safety ke liye aise hatyare ka pakda jana zaruri hai. Maine ye socha hai ki kisi agyaat sakhs ko hatyara bana kar kanoon ke hawale kar diya jayega jisse shahar ki janta aur media ka muh hamesha ke liye band ho jayega. Zaahir hai aise me tumhare sir se bhi khatre wali talwar hat jayegi aur tum maya ke sath kahi bhi apni zindagi ki nayi shuruaat kar sakte ho."
"Plan to badhiya hai." Maine gulfam ki baat par man hi man hairaan hote huye kaha_____"Lekin agyaat hatyara kise banaoge tum aur police ke hawale kaise ho jayega wo? Kya wo kabool karega ki usi ne itni saari hatyaaye ki hain? Sabse badi baat wo itni saari hatyaaye karne ka reason kya batayega?"
"Wo khud kuch nahi batayega." Gulfam is baar rahasymay dhang se muskuraya_____"Balki sab kuch police batayegi."
"K...kya matlab??" Main chaunka_____"Police batayegi magar kya??"
"Tum to jaante ho ki sanstha ke chief ke roop me main kuch bhi kar sakta hu." Gulfam ne kaha_____"Mere hukum par police ke aala adhikaari media ke saamne ek press conference karenge aur unhe batayenge ki ab tak jis hatyare ki vajah se shahar me khauf ka maahaul bana hua tha us hatyare ko police ne pakad liya tha aur usse puchh-taanchh bhi ki gayi thi jis par us hatyare dwara ye pata chala ki wo koi pagal killer tha jise ameer logo ki hatya karne me maza aata tha. Media wale jab ye puchenge ki wo hatyara kaha hai to police ke adhikaari afsos zaahir karte huye kahenge ki raat ko usne lockup me us wakt khud ko jaan se maar dala jab ek shipaahi usko khana dene gaya tha."
"Oh to ye plan hai tumhara." Main gulfam ki baat ko samajhte huye bola_____"Aisa karne se zaahir hai ki tum saari hakikat par parda daal dena chaahte ho."
"Sach par parda daal dene ka matlab sirf yahi nahi hai ki ham log apne kaale sach ko duniya se chhupana chahte hain." Gulfam ne kaha_____"Balki iska ek reason ye bhi hai ki log CMS jaisi sanstha ke bare me kabhi soche hi na. Aisi sanstha ke bare me sochne ka matlab hai kabhi na kabhi kisi na kisi ke zahen me ye khayaal paida ho jana ki kyo na aisi koi sanstha fir se khol li jaye. Main ye hargiz nahi chaahta vikram ki is tarah ki kahani future me fir se koi dohraye."
"Ye bhi thik hai." Maine haan me sir ko hilaate huye kaha_____"To bali ka bakra kise bana rahe ho tum? Kya iske liye kisi bekasoor ko chunne wale ho?"
"Hargiz nahi." Gulfam ne kaha____"Bali ka bakra banne ke liye bahut mil jayenge. Is desh me aisi bahut si jail hain jaha par ek se badh kar ek ghinaune mujrim maujood hain jinhe umar kaid ki saza mili huyi hai magar wo jald hi maut paane ke khwaaishmand hain. Mere hukum par police adhikaari unhi me se kisi ek ko chun lenge aur ye sara drama create kar denge. Ye sab kuch khatm hone ke baad main apni family ko le kar hamesha ke liye is desh se chala jaauga. Sanjay, siraj aur jeewan ki bachi huyi families ko kuch daulat de jaauga jisse unke bachcho ka bhavishya barbaad na ho."
[][][][][][]
Do din baad.!
Main apne flat me kursi par baitha news dekh raha tha. Mere paas hi alag alag kurisyo me maya, minakshi aur tarun baithe huye the. TV par news chal rahi thi jisme news anchor badi garmjoshi ke sath news suna rahi thi aur sath hi police adhikaariyo ki press conference ki chhoti chhoti video clip bhi dikha rahi. News anchor ke anusaar delhi shahar me itne samay se ho rahi hatyaao ka hatyara police dwara pakad liya gaya tha lekin pichhli raat usne us wakt apni jaan le li jis wakt police ka ek shipaahi use khana dene lockup me gaya tha. Adhikaariyo ne bataya ki hatyare ne shipahi ki bandookh usse chheen li thi aur fir usne khud ko hi goli maar li thi.
TV par chal rahi news se saaf zaahir ho gaya tha ki gulfam ne waisa hi kiya tha jaisa karne ka usne wada kiya tha. Har news channel par wahi news chal rahi thi jise alag alag channels ke anchor apne apne andaz me bata rahe the.
"Chalo ye kissa to ab khatm ho gaya." Paas hi baithe tarun ne meri taraf dekhte huye kaha____"Ab tumhe bhi kisi se chhupne ki zarurat nahi rahi."
"Kissa bhale hi khatm ho gaya hai bhaiya." Minakshi ne kaha____"Magar is sabko bhula dena asaan nahi hai. Dusre log to bhool jayenge lekin wo nahi bhulenge jinke gharo me maatam chhaya tha. Halaaki aisi niyati to unhone khud hi apni banaayi thi. Khair, is sabke baad main to ab yahi kahugi ki vikram bhaiya bhi ab is shahar me maya bhabhi ke sath ek nayi zindagi ki shuruaat kare."
"Minakshi sahi kah rahi hai vikram." Tarun ne meri taraf dekhte huye kaha_____"Ab to kisi baat ki koi fikra hi nahi hai to tum isi shahar me maya ke sath ek khush haal jeewan jiyo."
"Nahi tarun." Maine gambheerta se kaha_____"Delhi jaise shahar me ab mera kayaam nahi ho sakta. Is shahar se bahut si aisi yaade judi hain jo kabhi mujhe chain se jine nahi dengi. Is liye maine faisla kiya hai ki kahi door chala jaauga."
"Main samajh sakta hu vikram." Tarun ne mere kandhe par apna hath rakhte huye kaha_____"Shayad tum sahi kah rahe ho. Achha thik hai jaha tumhara man kare jaao lekin hamare touch me rahna. Aakhir ham tumhare apne hain."
Tarun ki baat par maine uski taraf dekha aur fir ajeeb tarah se muskuraya. Abhi main kuch kahne hi wala tha ki tabhi mera mobile baja. Maine dekha gulfam ka call tha.
"Hello." Maine call receive kar ke mobile ko kaan se lagate huye kaha to udhar se gulfam ne jo kuch kaha use sun kar mere hotho par halki si muskaan ubhar aayi aur fir maine call cut kar di.
"CMS naam ki sanstha ka vajood ab mitti me mil chuka hai." Maine baari baari se sabki taraf dekhte huye kaha_____"Gulfam ne bataya ki usne raat ko apne sabhi agents ke jismo se chip nikalwa di hai aur sanstha ke sabhi documents, instruments wagaira sab kuch jala diya hai. Kah raha hai uske videos usne mere mobile me bheja hai."
Kahne ke sath hi maine apna mobile check kiya. Usme do videos pade huye the. Maine ek ko play kiya aur centre table par sabke bich mobile ko rakh diya. Video me gulfam tha jo sanstha ke andar tha aur waha ki har cheez ko nikaal nikaal kar usme aag lagata dikh raha tha. Kayi jagah aag jalti huyi dikh rahi thi. Do din pahle main aur wo jis jagah baithe the waha ke instruments ko bhi usne destroy kar diya tha. Kareeb unnees minute ka video tha wo. Maine dusra video play kiya. Dusre video me gulfam kisi dusri jagah par tha jaha par ladki ke boxes me kuch bhara hua tha jise wo ek ek kar ke nikaal raha tha aur usme mitti ka tel daal kar aag laga raha tha. Maine notice kiya ki jis cheez me aag lagi hoti thi wo jab puri tarah jal kar raakh ho jati thi to gulfam use bujha deta tha. Shayad wo nahi chaahta tha ki aag aur dhua baahar jaye jisse baahar ke logo ko kahi aag lage hone ka pata chale. Dusra video chaubhees minute ka tha.
"Iska matlab gulfam uncle imandaar nikle." Tarun ne seedha baithte huye kaha____"Yaani unhone jo kuch tumse kaha tha wo sab waakayi me kar daala."
"Videos dekhne ke baad to ab aisa hi kaha ja sakta hai." Minakshi ne kaha____"Baaki hone ko to kuch bhi ho sakta hai."
"Tumhari baato se aisa lagta hai." Maya ne kaha_____"Jaise tumhe gulfam ki imandaari aur uske dwara ye sab kiye jane par shak hai."
"Mat bhuliye bhabhi ki wo sanstha ka chief tha." Minakshi ne kaha_____"Aur is sanstha ki jade usne is shahar me hi nahi balki dusre shahro me bhi faila rakhi hongi. Is shahar ki ek branch ko usne khaak me mila bhi diya to kya isse use koi khaas fark pad gaya hoga?"
Minakshi ki baato ne ekdam se ham sabko sochne par majboor kar diya tha. Ye sach hai ki uski baate sun kar ham me se kisi ke bhi mukh se koi alfaaz nahi nikla tha.
"Agar aisa hai." Maya ne uski taraf dekhte huye kaha_____"To fir usne vikram ke liye itna kuch kyo kiya? Bhala kya zarurat thi use itna bada drama karne ki? Yaha tak ki apne bete zafar ko bhi vikram ke hatho marwa dene ki?"
"Shayad wo har tarah se apna pichha vikram bhaiya se chhuda lena chaahta tha." Minakshi ne sochne wale andaz me kaha____"Ye sab kar ke usne vikram ko khush kiya aur apni jaan bacha li. Jaan to wo apne bete ki bhi bachana chaahta tha lekin use andaza nahi tha ki vikram bhaiya itna jaldi aur itni chalaaki se zafar ko dhar lenge aur fir usko maar denge."
"Tumhari baato me yakeenan vajan hai minakshi." Maine ek cigarette jalate huye kaha_____"Magar mujhe yakeen hai ki gulfam ke zahen me ab koi bhi galat bhaavna nahi ho sakti. Main aisa is liye kah raha hu kyoki agar use mujhse pichha hi chhudana hota to wo bees saal pahle bhi chhuda sakta tha ya fir bees saal ke baad bhi. Agar wo itna takatwar aur pahuch wala hai ki meri baaki ki saza maaf karwa ke mujhe jail se riha karwa sakta hai to socho wo kabhi bhi kuch bhi kar sakta tha mere sath. Yaani usko mujhse na to koi khauf tha aur na hi koi khatra. Ab agar isi baat ko maan kar chale to yahi sach hai ki usne mujhse jo kuch kaha tha wahi sach hai aur ab wo aisi kisi bhi sanstha se talluk nahi rakhta hai. Sanstha ki jade agar usne dusre shaharo me bhi faila rakhi hongi to wo waha par bhi yahi karega. Kahne ka matlab ye ki ab uske bare me ye sab sochna bekaar hi hai. Dekhna bahut jald wo apni family ke sath is desh se hamesha ke liye chala jayega. Ek baat aur, agar ek pal ke liye main ye maan bhi lu ki wo abhi bhi aisi sanstha se talluk rakhta hai to bhi mujhe fark nahi padta. Kyoki mera jo maksad tha wo pura ho chuka hai. Duniya me ab kaun kya karega isse mujhe koi lena dena nahi hai. Main to ab apni maya ke sath baaki ka jeewan khushi khushi jeena chaahta hu bas."
Maya meri baat sun kar muskura uthi. Uski aankho me mere liye bepanaah mohabbat nazar aane lagi. Udhar minakshi aur tarun bhi muskura uthe the.
Tarun aur minakshi ke jane ke baad main aur maya ne wahi karna shuru kar diya jiska hamne soch liya tha. Hame ye shahar chhodna tha. Maine ek dealer se baat ki thi, usne kaha tha ki wo jald hi mera ye flat bikwa dega.
Thik paanch din baad main aur maya gaziabad se nikal chuke the. Ham dono ne apne phone se apni apni sim nikaal kar fenk di thi. Ham nahi chaahte the ki ab koi hamse sambandh banane ka soche. Ham dono train me baithe ek lambe safar par nikal chuke the aur hamare peechhe hamara shahar aur hamara ateet chhootta ja raha tha. Hamne tarun aur minakshi ko ye nahi bataya tha ki ab ham is desh ke kis hisse me rahne wale hain. Ham dono hi ab hamesha hamesha ke liye dusro ke liye gum ho jana chahte the aur jo hame jaante the unke liye itihaas ban jana chaahte the.
___________________________________
Jailer sahab, socha nahi tha ki jail se riha hone ke baad jab main badle ki aag me jalte huye apne gunahgaaro ko jahannum me bhejunga to us sabke baad mere naseeb me aisa bhi wakt aayega. Main khwaab me bhi nahi soch sakta tha ki maya jaisi haseen aurat se kabhi dubara mulakaat hogi. Ye to upar wale ka karam tha ki usne mere andar se jazbaato ko khatm nahi hone diya. Mujh jaise aag me jalte huye insaan ke paas ek aisi sakhshiyat ko bhej diya jo apne pyar se mere andar ki dhadhakti aag ko bujhane ka kaam karti aur marte dam tak mere sath ek naya jeewan jeene ki wo vajah ban jaaati. Khair aaj ham dono sath hain aur sab kuch bhool kar hansi khushi jeewan ji rahe hain. Shayad meri khushiyo me kami rah gayi thi is liye maya ne mujhe ek din bataya ki wo mere bachche ki maa banne wali hai. Yakeen maniye jailer sahab, ye aisi khushi hai jiske ehsaas se mera rom rom romanchit hota rahta hai. Aapse bas ek hi guzarish hai ki aap hame aisa ashirwaad aur aisi dua dijiye ki ham apne chhote se sansaar me hamesha khush rahe. Main bhi upar wale se dua karta hu ki aap apne pariwar ke sath hamesha khush rahe. Achha ab alvida....pranaam!
Vikram Singh
______________
[][][][][][]
Diary band karne ke baad wagle aur savitri ne ek gahri saans li aur fir ek dusre ko dekhne lage. Dono ke hi zahen me vikram singh aur uske jeewan me guzri ghatnaaye gooj rahi thi.
"Mujhe ye jaan kar bahut achha laga ki vikram apne maksad me kamyaab hua." Savitri ne wagle ki taraf dekhte huye kaha_____"Aur maya jaisi bepanaah pyar karne wali aurat ke sath jeewan guzaarne ka upar wale ne use sukh diya. Main to dil se use ashirwaad aur dua deti hu ki wo dono hamesha khush rahe aur unka hone wala bacha hamesha salamat rahe. Bada ho kar wo apne mata pita ko dher saari khushiya de aur unka naam roshan kare."
"Hmmm sahi kaha tumne." Wagle ne kaha______"Bechare ne apne jeewan me bahut kuch saha hai. Main bhi yahi dua karta hu ki ab uske jeewan me koi bhi dukh aur koi bhi pareshani na aaye."
Kuch der aisi hi baate karne ke baad dono so gaye. Raat jo thodi hi rah gayi thi wo jaldi hi guzar gayi aur sawera ho gaya. Alarm clock ke bajte hi savitri ki aankh khul gayi. Usne time dekha to subah ke saadhe paanch baj gaye the. Use yaad aaya ki aaj uske pati ko duty par jana hai is liye wo fauran hi uthi aur fresh hone ke liye bathroom me ghus gayi.
Us wakt sadhe saat baje the jab savitri apne bete chandrakant ko chaay dene ke liye uske kamre me gayi. Chandrakant apne bed par soya hua tha. Upar se wo nanga tha jabki niche usne lower pahan rakha tha. Chandrakant kyoki dusri taraf karwat liye so raha tha is liye savitri ki nazar uski nangi peeth se hote huye uski gardan ki taraf gayi. Peeth ke upar bilkul gardan ke kareeb hi savitri ko jo nazar aaya use dekh savitri buri tarah chaunki thi. Uske dil ki dhadkane achanak hi dhaad dhaad kar ke bajne lagi thi.
Chandrakant ki gardan ke paas cut ka nishaan tha. Savitri ko ekdam se hosh aaya to wo khamosh kadmo se aage badhi aur bed ke paas pahuch gayi. Kareeb pahuchne ke baad usne jhuk kar chandrakant ki gardan ko dekha. Cut ka nishaan zyada purana nahi tha. Saaf nazar aa raha tha ki bees ya pachchees din pahle us cut par taanke lagaye gaye the. Savitri ke zahen me vikram singh ki diary ka khayaal ubhar aaya tha. Usne achhi tarah padha tha ki aisi jagah par unhi logo ke nishaan the jo cms jaisi sanstha ke agent the.
Savitri ke hath paanv ekdam dheele pad gaye. Badi mushkil se usne khud ko samhala aur chehre par ubhar aaye pasine ko usne apni saafi ke pallu se ponchha. Dil ki dhadkano ko usne shaant karne ka prayaas kiya aur fir bahut hi shantulit bhaav se usne chandrakant ko pukara. Usne khud mahsoos kiya ki uski awaaz ladkhada gayi hai. Khair uske pukarne par chandrakant ke jism me halchal huyi lekin uski aankh nahi khuli. Savitri ne use fir pukara to is baar uska beta jaag utha aur gardan ghuma kar pichhe dekha to uski nazar apni maa par padi.
"Good morning mom." Ye kahte huye chandrakant alsaya sa utha____"Kya time ho gaya?"
"T..time ko chhod." Savitri ne sahsa halke kathor bhaav se kaha_____"Aur ye bata ki teri gardan par ye cut ka nishaan kaisa hai?"
Savitri ke mukh se itna sunna tha ki chandrakant ke chehre par palak jhapakte hi ghabrahat ke bhaav ubhar aaye. Usne jaldi se apna hath apne cut wale hisse par rakha aur fir khud ko samhaalte huye bola_____"Wo...wo mom baat ye hai ki college me ek din ek ladke se jhagda ho gaya tha to usne meri gardan ke is hisse me chaaku ghomp diya tha."
"Jhooth bol raha hai na?" Savitri ne shanka ki drishti se uski taraf dekha to wo gadbada gaya lekin fir jaldi hi samhal kar bola_____"Nahi mom, yahi sach hai aur aapko ya dad ko is liye nahi bataya ki aap log bekaar me hi pareshan ho jayenge."
Chandrakant ne kahne ke sath hi savitri ke hath se chaay li aur pine laga. Savitri kuch der tak use dekhti rahi aur fir bina kuch kahe palat kar kamre se baahar aa gayi. Is wakt uske zahen me vichaaro ka bawandar sa chalu tha. Mastishk me ek hi sawaal chakra raha tha ki kya wo nishan cms naam ki sanstha dwara di gayi us chip ko lagane ki vajah se hua hoga ya fir sach me uske bete ka college me kisi ladke se jhagda hua tha.? Savitri ko jhagde wali baat par bilkul bhi yakeen nahi ho raha tha balki use yahi sach lag raha tha ki wo nishan cms naam ki sanstha ka hi hai.
Savitri ke dil par aur uske sir par dono jagah hi maano bijli si gir padi thi. Uske zahen me ab tarah tarah ke khayaal ubharne lage the jo use pareshaan kiye ja rahe the. Usne socha kya sach me uska beta cms ka member tha? Ab kyoki sanstha ka vajood mit chuka hai to usne wo chip nikaal diya hoga. Vikram singh ki diary se to yahi zahir hota hai.
Savitri gumsum si dining table ke paas aayi aur kursi par baith gayi. Wagle ne uski taraf dekha to anayaas hi uske chehre par chaukne ke bhaav ubhar aaye.
"Kya hua bhagyawaan?" Wagle ne uski taraf dekha_____"Aise kaun se khayaalo me khoi huyi ho ki hamari maujudgi ka ehsaas tak nahi hai tumhe?"
"J...ji kahi to nahi.!" Savitri hadbada kar boli fir ekdam se uth kar usne kaha_____"Aapko aur kuch chahiye?"
"Na, ab aur kuch nahi chahiye." Wagle chair se utha aur fir muksurate huye bola_____"Par tumhare rasile hotho ka jaam zarur chahiye janeman. Aaj itne dino baad duty join karna hai to apne raseele hotho ki shayad to chakha hi do."
Wagle ki baat sun kar savitri ke hotho par halki muskaan ubhar aayi aur abhi wo kuch kahne hi wali thi ki tabhi wagle tezi se aaya aur lapak kar uske hotho ko muh me bhar kar zor se choos liya. Savitri ko samhalne ka mauka hi na mila tha aur jab tak wo samhali to wagle hasta hua pichhe hat gaya tha. Kuch hi der me wagle apna briefcase le kar baahar nikal gaya. Uske jane ke baad savitri ek baar fir khayaalo me gum ho gayi thi.
✤༺The End༻✤
