If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.
Subha subha niharika ne dev ko uthaya aur use teyar kr rhi thi,
Dev- maa aaj shakti ka parishan h, aur tino bhai mujhse bahut jyada shaktishali hain,
Niharika- to kua hua, tune apne liye wo samman sabki najaro me kama liya h, waise bhi tujhe yuvraaj nhi banna h,
Dev- maa agar main galti se jeet gaya to kya hoga,
Niharika- wo tujhe yuvraaj nhi banayenge, lekin agar tu jeet gaya to wo majbur ho jayenge yuvraaj banana ke liye, aur faisla tere hath me hoga tu yuvraaj banna chahta h ya nhi,
Dev- main mana kar dunga, mujhe yuvraaj nhi banna
Niharika- wo khud chahte hain tu mana kar de, wo tujhe yuvraaj pad chodne ke badle kuch na kuch lalach denge, agar aisa hota h to tu ek cheej mang lena,
Dev- kya maa
Niharika- apne mama ko,
Niharika ki baat per dev chonk gaya uski samjh me nhi aaya, uski maa use kya khena chhahti h, dev puchne hi wala tha ki riva waha aa gai, uska chera bahut udas tha, aankhe suji hui thi jaise puri raat soi hi na ho, wo sidhe niharika ke gale se lag gai,
Niharika aur dev dono chonk gaye, kyoki riva kabhi aisa nhi karti thi, niharika ne riva ke sir per hath firaya, niharika samjh gai ki aaj us man bahut pareshan h isiliye wo maa ki baho me aai h,
Niharika- kya hua beti, bahut pareshan lag rhi h,
Riva- maa yaha se kahi chalo, mujhe yaha nhi rhena
Niharika ka dil khushi se bhar aaya, aaj pheli baar riva ne apni maa per kuch visvas dikhaya tha,
Niharika- kya hua kisi ne kuch kaha h kya,
Riva- maa yaha koi apna nhi h
Niharika- beti rajmhelo me koi apna nhi hota sab matlabi hote hain, bas rajpath ke chakkar me hote hain, per tujhe kisne kya kaha
Riva- maa mujhe us pratap singh se shadi nhi karni, wo insan nhi janwar h, aurto ki ijjat bilkul nhi karta, maine uske bare me suna h wo aurto ko apna gulam bana kr rakhta h, janwaro ki trha bandh kr rakhta h,
Niharika- wo apni patniyo ke sath aisa nhi karega, aur tu bhawar singh ki beti h tere bare me aisa soch bhi nhi sakta, kya tujhe uski dusri raniyo ki wajah se takleef to nhi ho rhi,
Riva- maa raja ki kai raniya hoti h main ye baat samjhti hu, lekin kewal raniyo ki hi to ijjat nhi hoti, sansar me har aurat samman ki haqkdar h, agar wo sansar me aurto ka samman nhi karta to bhawishya me mera ya aapka samman kaise karega, aur maine uski najre dekhi hain aapke liye, wo aapko bahut gande tarike se dekhta h,
Niharika- main janti hu beti, yaha jitney bhi log aaye hain un sabki najar mujh per rheti h lekin main majbur hu, rajay me itna bada utsav h us wajah se main yaha sabke samne has kr baat karti hu,
Riva- aapne kaise jiya ye jeevan, pita ji aapko na to pyar karte hain aur na hi samman dete hain fir bhi aap yaha h kyo, main to abhi se takleef mhesus kr rhi hu,
Bina samman kaise jiya jata h, mujhse nhi hoga,
Dev- aap mana kar do,
Riva aur niharika ne dev ko dekha,
Riva- tujhe nhi pata, aise kaise mana kar sakti hu, pita ji naraj ho jayenge,
Dev- unki narajgi ki wajah se humari maa ne apni sari jindagi udasi aur dukh me kaat di, ab aap bhi wahi karne ja rhi hain,
Riva- tujhe kuch nhi pata, rajmahalo me aisa hi hota h,
Dev- aisa kewal achhe logo ke sath hota h, ye sab maharani amrawati aur somitra ke sath kyo nhi ho rha, aur kamya bua wo to kabhi apne rajay me bhi nhi gai, unhe to bahut samman milta h, ye sab bas humare hi sath kyo h,
Riva- uska karan bhi tu h
Niharika gusse me- riva kya bakwas h ye,
Riva- bakwas kya h maa, jab se ye paida hua h tabhi se to pita ji ne aapke pas aana band kiya tha, warna unhone sabse bagawat karke aapse shadi ki thi, wo aapko pane ke liye itne pagal the ki unhone rajguru ki bhi nhi suni, fir ek dum se kya hua ki unhone aapko dekhna tak band kr diya, pure sansar me aaj bhi aapse sunder koi nhi h, fir kyo hua ye sab, iske paida hone ke baad hi hua h na
Riva ki baat sunkr dev ka muh khula reh gaya,
Niharika- tumhare pita kya hain ye tum nhi janti, wo kya chhate hain aur kya karte hain tum soch bhi nhi sakti,
Riva- wo iske paida hone ke baad hi to aise hue hain
Niharika- wo kab kaise the main janti hu, tu kuch nhi janti,
Riva- mujhe nhi pata main kya bole ja rhi hu, mera dum ghut rha h, main apne hosh me nhi hu,
Dev- aap kya chhati ho,
Riva- main us pratap singh se shadi karna nhi chahti,
Dev- aisa hi hoga, agar main aaj jeet gaya to yuvraaj pad ko thukra dunga aur uske badle maharaj se aapki ajadi mang lunga,
Dev ki baat se riva aur niharika dono stabdh reh gaye,
Riva ko yakeen hi nhi hua ki dev uske liye itna bada tyag krne ke liye teyar h, wo dev jise usne kabhi pyar dena to dur thik se baat tak nhi ki, hamesha use kosa h, bura bhala hi kaha h, use apmanit kiya h, wo bhai uske liye,
Wahi niharika ko ghabrahat hone lagi, phela to ye ki wo janti thi bhawar singh is baat ke liye kabhi nhi manega dusra niharika kuch aur hi mangwana chahti thi,
Lekin jab niharika ne dekha ki riva khushi se ro padi h aur usne dev ko gale se laga liya to wo waha chup reh gai, aaj pheli bar riva ne dev ko apne gale se lagaya tha, dev ki aankho se bhi aansu bahe ja rhe the, lekin ek aur ahsas uske ander ubhar aaya tha wo tha kamukta ka, jab riva ke satan dev ki chati per lage to dev ke ander kamukta ubhar aai, ye pheli bar tha jab riva dev ke najdeek aai thi, dono ke bich ye bahut hi ajeeb pal tha, aur bhomik ji ka shap dev per pura prabhav daal rha tha, uske dimag me kamukta ho ya na ho lekin uska shareer ke ander kamukta ke bhaw turant aane lage,
Dev ne jaldi se riva ko alag kiya
Dev- aap himmat rakhna, main sab thik kr dunga,
Yaha ye tino apne dukh ko ek dusre ke samne rakh rhe the wahi pura raaj mahal dev ke khilaf sajish kar rha tha, har ek kamre me bas dev ke khilaf hi sajish chal rhi thi, koi use rokna chahta tha to koi marna chahta tha, sabhi ne kuch na kuch karne ki teyari ki hui thi,
Wahi bhomik ji apne ghar per the, wo dev ke pradarshan se bahut khush the, wo ek khuli jagah per dhayan me baithe hue the, wo bhagwaan me dhayan lagane ke liye waha baithe hue the lekin unka dhayan bas dev per hi ja rha tha, achanak unhe ek khayal aaya,
Bhomik ji khud se hi- ye maine phele kyo nhi socha, main uski kundali me khoj rha tha, main uske upper dhayan laga kr bhi to uske bare me jaan sakta hu, ye vidya bhi to maine sikhi thi,
Bhomik ji ne fir se aankhe band ki aur dev per pura dhayan lagane lage, unhe dhayan lagane se kisi ke bhawishya ki jhaliya dikh jati thi, aur jo jhalkiya bhomik ji ko dikhi usse wo vichlit ho gaye aur turant aankhe khol di, unke chere per dar aur ghbarahat saaf dikh rhi thi, wo turant khade hue aur mahal ki taraf teji se chal diye, wo itni jaldi me the ki aaj bhojan karna tak bhul gaye the,
Idhar dev apne kamre se nikal kr udhar ja rha tha jaha partiyogita ke liye use teyar kiya jane wala tha, wo jaise hi mahal se bahar niklne wala tha to usne dekha kasturi mahal ke ander ki taraf ja rhi h, kasturi ko dekh kr uska dil dagmaga gaya, uska man vichlit ho gaya, wo kasturi se baat karna chahta tha, dev turant kasturi ke piche chal diya, kasturi badi teji se ja rhi thi, aisa lag rha tha jaise wo chup kr ja rhi h, dev bhi uske piche teji se pahucha, kasturi ke kamre me ghus gai jise dekh dev chonk gaya, kyoki ye kamra abhijeet ka tha, dev ko kuch samjh nhi aaya, wo apni jagah khada reh gaya,
Fir usne aage jane ka faisla kiya, dev aage gaya kamal ki baat thi aaj abhijeet ke kamre ke bahar koi phredar nhi tha, dev ne dheere se ander jhaka aur jo usne dekha use dekh kr dev ke pairo ke niche se jameen nikal gai, kasturi abhijeet ki baho me thi, abhijeet ke hath kasturi ki badan per ghum rhe the, dev ko apni aankho per visvas nhi ho rha tha, jis ladki se wo itna pyar karta tha wo kisi aur ki baho me thi,
Dev ko samjh hi nhi aa rha tha wo kya kare, tabhi kisi ke aane ki aahat hui dev ne dekha kamya udhar aa rhi h, dev turant waha se hat gaya, kamya ander chali gai, kamya ke sath pheredar bhi tha, dev waha se chup chap nikal gaya, lekin uski aankho me aansu the, wo puri trha tut gaya tha, aisa lag rha tha jaise uski sans hi ruk rhi h, wo mahal se dodta hua bahar nikla, wo bas dode ja rha tha, lagatar dode jar ha tha, dodta hua wo jungle me pahuch gaya, aur bilkul sumsan jagah pahuch kr ek jor dar chikh ke sath chilaya, aur jor se rone laga,
Idhar bhomik ji mahal me pahuche dev se milne ke liye, lekin dev waha nhi tha wo pratiyogita ki jagah per pahuche lekin dev waha bhi nhi tha, bhomik ji pareshan ho gaye the, wo jagah jagah dev ko dhudne lage,
Mahal me pratiyogita ki teyari teji se ho rhi thi, sabhi apni apni jagah pahuchne lage the,
Bhawar singh- rajguru kya ye sahi rhega,
Rajguru- maharaj main nhi janta, main bas itna janta hu ye hi jaruri h, niyati humse ye kyo karwa rhi h ye meri smajh me nhi aa rha, maine sabhi ka bhavishya dekha h lekin is ladke ke bare me kuch bhi saf saf bolna namumkin sa h, aur iske bhavishya se hi pure rajay ka bhavishya juda hua h,
Bhawar singh- thik h to jo maine bola h wo kijiye,
Dheere dheere prtiyogita mandal sajne laga, sab apni jagah per aa gaye, tino rajkumar apni jagah per pahuch chuke the, lekin dev unke sath nhi tha, sainik use dhund rhe the, rajguru apni jagah per pahuch chuke the ghoshna karne ke liye tabhi ek sainik ne btaya ki dev lapata h, dev ke lapata hone se rajguru chinta me aa gaye, ye khabar bhawar singh tak bhi pahuchi, bhawar singh ne turant sainiko ki ek tukdi dev ko dhudne bheji, jab ye khabar bhomik ji ko lagi ki dev lapata h unhe thodi si rahat hui lekin ek chinta bhi ki wo chala kaha gaya,
Idhar pratiyogita shuru hone me der ho rhi thi, aur dev jungle me pada hua tha, use koi sudh nhi thi, tabhi use kuch yaad aaya use riva ki yaad aai, wo ek dum se utha aur apne aansu poche aur chal diya,
Wahi jab dev kisi ko nhi mila to majburi me rajguru ji ne pratiyogita shuru karne ka adhesh de diya,
Tino bhai khush the ki dev yaha nhi h, unka ek pratidwandi ja chukka h, jaise hi tino bhai maidan me aaye to dev ko waha na dekh kr sabhi me charchaye hone lagi, niharika ko chinta hone lagi wo aage aa kr idhar udhar dekhne lagi,
Rajguru- is pratiyogita me sirf tin rajkumar hi hissa lenge, humare rajkumar devdut kahi chale gaye hain, isliye wo yaha hissa nhi lenge,
Logo me charchye jor se hone lagi, tabhi ek bachha chilaya- wo aa gaye humare rajkumar
Sabne udhar dekha to devdut maindan me chala aa rha tha, uske kapde gande the mitti me sane hue, baki rajkumar yudh ke kapdo me the jabki dev apne sadharan kapdo me tha,
Dev ko waha dekh kr bhomik ji ka muh khula reh gaya unke chere ka rang ud gaya, wo jaldi se dev ko rokna chahte the lekin ye namumkin tha, is waqt waha unhe koi nhi jane deta,
Rajguru- rajkumar devdut ab aa chuke hain to pratiyogita shuru karte hain, is pratiyogita me shakti aur yudh kala ka pradarshan hoga, aur charo rajkumaro ki ekta ka pradarshan bhi hoga, sabse phele charo rajkumaro ko unke samne aane wale sainiko se ladna hoga, jo waha har maan jayega waha se hat jayega, jo bachega use ek aur yudh ladna hoga, agar waha ek se jayda rajkumar bache to unhe aapas me lad kr vijeta ka faisla karna hoga,
Rajguru ki baat sunkr tino rajkumar aur unki maaye chonk gaye kyoki phele ye sab nhi tha, phele rajkumaro ko aapas me hi ladkar vijeta ghoshit hona tha, isliye sabhi ne ek dusre ki kamjori ke bare me janakri ikatha ki thi, lekin isme 2 niyam aur jod diye gaye the, somitra bhawar singh ke pas jana chahti thi lekin aaj waha koi nhi pahuch sakta tha, bhawar singh sabse alag baithe hue the,
Rajguru ke dwara niyam sunate hi jaldi se ek sainik aaya aur usne dev ko ek kavach phena diya, jaisa baki rajkumaro ne phena hua tha, samne kuch hathiyar the sabhi rajkumaro ne apne hathiyar utha liye, dev ko bas kulhadi chalani aati thi jo waha nhi thi, majburi me usne talwar uthai,
Tabhi ek darwaja khula aur samne se 50 sainik aa gaye,
Sainiko ko dekh kr sabhi ki halat kharab ho gai, charo abhi abhi jawan hue the isse phele koi yudh nhi lada tha, koi anubhav nhi tha unhe, lekin samne jo sainik the wo sabhi bahut jyada anubhavi the, aur khatarnaak bhi the,
Rajguru ke ishare per humla shuru hua, tabhi suraj bola
Suraj- sab ek sath ho jao aur charo taraf se ek dusre ko bachao, tino bhaiyo ne ek dusre se apni kamar laga li aur humle ke liye tayer ho gaye, dev ko unhone apne sath shamil nhi kiya, dev akela khada reh gaya, 50 me se 25 sainik dev ki taraf dode aur baki un tino bhaiyo ki taraf,
Ye dekh kr niharika aur bhomik ji ghabra gaye, aur akshara aur riva ne apne muh per hath rakh liya, akshara ko dev ke liye takleef thi jabki riva ko dar tha agar dev har gaya to uske liye kaise baat karega,
Tino rajkumar bahut achhe se sabka samna kar rhe the, jabi dev per charo taraf se humla ho rha tha wo talwar ko aise chala rha tha jaise kulhadi chala rha ho, waise to in sab talwaro me dhar nhi lagai gai thi, taki kisi ko jakham na aaye, lekin fir bhi thi to talwar hi, dev ke shareer per talwaro ke war lagne lage, aur har war me uske shareer per jakham ban rha tha, wo rajkumar tha uske shareer per jakham dene ki aagya nhi thi bas unhe kamjor kar ke haar manne ke liye majbur karna tha, lekin yaha to dev per sach me humla ho rha tha, kuch log pareshan the to kisi ko maja aa rha tha,
Dev ne kabhi yudh nhi kiya kabhi talwar nhi sikhi lekin uske ander ek bahut hi bhetreen chij thi jaldi sikhne ki, bachpan se hi wo sab kuch bahut jaldi sikh jata tha, dev bachta bachta deewar ke paas aa gaya tabhi bheed me se ek aawaj aai jo ek ladki ki thi,
Ladki- dev apne dimag ka istemal karo, inki yudh kala ko sikho aur khud ka bachav karo,
Dev ne upper dekha to waha sugandha khadi thi, aur uske sath the aacharya ji, dev ko turant kasturi yaad aa gai wo unke sath kasturi ko bhi dhudne laga lekin wo nhi dikhi, dev hatash sa hone laga lekin ye waqt kamjor padne ka nhi tha, dev ne sugandha ki salah ka istemal kiya aur jaise jaise sainik humla kar rhe the talwar ko chala rhe the dev bhi unhi ki trha talwar chalane laga tha, dev ghayal tha lekin haar manne ko teyar nhi tha, tabhi sabhi sainiko ne dev ko bich me gher liya aur dev unke bich me dab gaya, kisi ko dev dikhai tak nhi de rha tha,
Sabko laga ab dev haar man lega, wahi bhomik ji ki aankho me aansu aa gaye, ye wahi pal tha jo bhomik ji ne dekha tha, dev ko sainiko ke bich me dabe hue aur uska dum ghut te hue dekha tha, niharika bhi baichain si aapni aankho se aansu baha rhi thi,
Tabhi ek jor dar chilahat ke sath dev utha aur usne sabhi sainiko ko dur dhakel diya, dev ke muh se khoon aa rha tha, aur uske pait ki side me ek chaku ghusa hua tha, waha kisi dhar dar hatiyar ka istemal mana tha fir bhi kisi ne dev ke pait me chaku ghusa diya tha,
Bhomik ji ko apni aankho per yakeen nhi hua, unhone jo dekha tha wo badal kaise gaya, aisa kaise ho sakta h, dev ke liye hamesha unka dekha hua alag kaise ho jata h, dev ki kismet pal pal kaise badal sakti h,
Dev ladkhadatha hua apne ghutne per talwar ke sahare baith gaya tha, sainik idhar udhar uske charo ghum rhe the, dev chalta hua deewar ke pas pahucha aur sugandha ki taraf hath uthaya, sugandha kitni samjhdar thi ki bina bole dev ki baat samjh gai aur apne shareer per odha hua duppata utar kr dev ko de diya, kisi ladki ka aise duppata utar kr dena samaj ki najro me bahut kharab mana jata tha, sugandha ne apne shareer ki jara bhi chinta nhi ki, use farak hi nhi pad rha tha kon use dekh rha h, uska dhayan bas dev per tha,
Dev ne apni kamar se chaku nikala aur wo dupatta apni kamar per bandh liya jisse khoon nikalna kam ho jaye, dev ki aankhe lal thi aur wo bahut hi gusse me sainiko ki taraf chal diya,
Wahi wo tino rajkumar ab thak chuke the, lekin unhone 15 sainiko ko hara kr alag kr diya tha, wo jeet rhe the aur log taliya baja rhe the, kisi ne ek bar bhi ye nhi socha ki 3 rajkumaro ke liye 25 sainik aur akele dev ke liye 25 sainik aisa kyo,
Niharika bhomik ji akshara aur riva ko sab dikh rha tha lekin unme na himmat thi na hi adhikar tha ye puchne ka,
Tabhi bheed me se kuch log uth khade hue aur sainiko ko bura bhala khene lage are itne sare sainik akele rajkumar se lad rhe ho, waha dekho tumhare baki sathi haar gaye hain, jab bheed me aisi aawaj uthi to jaldi hi ye aawaj sab taraf se aane lagi, to majburi me un sainiko ke sardar ko kuch sainik rajkumaro ki taraf bhejne pade,
Idhar dev badi firti se talwar ko gumane laga, usne nhi pata tha wo kis sidha me ghuma rha h lekin jo bhi kr rha tha usse fayda mil rha tha, aur usne 10 sainiko ko jameen me gira diya tha, is partiyogita ka niyam tha jo jameen me gir jayega wo hara mana jayega,
Ab maidan me bas 10 sainik bache the, aur charo rajkumar, jaldi hi maidan me charo rajkumar khade the, dev buri trha ghayal tha, lekin haar nhi maan rha tha, baki tino rajkumar bhi thake hue the lkein ye hi asali pratiyogita thi jo yaha haar gaya wo kabhi yuvraaj nhi ban sakta, kyoki jis raja ke pas shakti nhi hoti koi uska samman nhi karta,
Shakti Pratiyogita ka dusra charan shuru hua aur darwaja khulte hi ek cheetah nikal kr samne aaya, bahut hi vishal shareer ka aur katarnaak tha wo, use maidan me dekh kr sabhi dar gaye, tino rajkumaro ki bhi hawa kharab ho gai, itne sainiko se ladne ke baad ab ek cheeta se ladna namumkin tha, aur waise bhi is cheete se ladna to murakhta thi, cheeta aage badha to tino rajkumar piche hat gaye jabki dev apni jagah khada rha aur cheete ko ghurta rha,
Dev janta tha agar cheete ki najro se najre hati to wo humla kar dega, cheetah dev ke charo taraf ghumne laga, tino rajkumar ek sath ho gaye talwar lekar taki agar cheetah unki taraf aaye to wo ek sath humla kar sake,
Dev ke tarike se cheetah ko khatra dikhai diya to wo aage badh gaya, tino rajkumaro ke pas, ye dekh kr bhawar singh dheshat me aa gaya, wahi tino rajkumar dar se kanpne lage, wo piche hath rhe the aur talwar chala rhe the, tab tak dev talwaro se kuch kar rha tha,
Fir dev ne ek pathar uthaya aur cheetah ko mara, cheetah ne dev ki taraf dekha, is bar dev ne apni najre nhi milai, cheetah dev ki taraf badhne laga, dev piche hatne laga to cheetah ki raftar badh gai, wo dev per uchla to dev niche baith gaya aur cheetah ka muh jameen me gadi hui talwaro ke bich me ghus gaya, dev ne turant upper se ek talwar aur fasa di, jise cheetah wahi fas gaya, cheetah takatwar tha wo talware ukhad sakta tha lekin jor lagane se talwar uski garden ko kat rhi thi, cheetah wahi shant ho gaya, tabhi suraj talwar lekar cheetah ki taraf doda uski gardan katne ke liye, jise dev ne rok diya,
Dev- wo bejuban janwar h use mar kr kya hasli hoga, wo fas chukka h hume bas wahi karna tha,
Tabhi piche se jwala ne suraj per humla kar diya kyoki agala charan apas me ladai karni thi, abhijeet ne dev per humla kar diya, dev abhijeet se bachne laga wo us per koi war nhi kar rha tha, suraj aur jwala ki ladai jor per thi, kyoki dono ki takat kafi jyada thi, aur yuvraaj pad ke liye wo dono ki aapas me badi spardha thi, ek tagadi ladai ke baad suraj ne jwala ko garden se daboch liya aur jameen me patak diya, aur niyam ke hisab se jo jameen me gira wo haara mana jayega,
Jwala ke girte hi somitra ne gusse me saman faink diya, amrawati khushi se muskura rhi thi,
Idhar suraj dev ki taraf badha, abhijeet ko pata tha suraj me usse jyada takat h, aur wo dono ek dusre ke jigari dost jaise bhi the to abhijeet muskurata hua ek taraf hat gaya, usne socha suraj phele dev ko hara dega, fir aaps me kar lenge jo karna h lekin suraj abhijeet ki fitrat ko janta tha, use pata tha wo dev ki taraf jayega aur abhijeet piche se humla kar sakta h, isliye suraj ne abhijeet ko koi moka hi nhi diya aur wo sidha abhijeet ki taraf gaya aur jab tak abhijeet kuch samjh pata suraj ne abhijeet ko utha kr jameen me patak diya, abhijeet gusse me aag babula ho gaya,
Suraj- mere bhai raj path pane ke liye sab kuch karna padta h,
Suraj dev ki taraf badha, ab dev ke pas koi tarika nhi tha, kyoki wo janta tha suraj ki takat aur yudh kala uske samne bahut jyada h, wo suraj se kabhi nhi jeet sakta, suraj ne apni talwar faink di aur dev per mukko ki barsat kar di, har koi hairan tha, suraj use girana nhi chah rha tha, wo use maar rha tha, dev kuch bhi nhi kar pa rha tha,
Sugandha jo se chillai- are kayar wo bhai h tera,
Suraj uski taraf dekh kr muskuraya usne dev ko apne kandhe per uthane ke liye jaise hi jhuka dev ne ek jor dar kohni suraj ki kamar me mar di jisse uska santulan bigad gaya, suraj ne dev ko pakada hua tha jisse dono ek sath gir gaye, aur ye pratiyogita wahi khatam ho gai,
