Hawaon me bharipan, baaris, aur sampurn shanti, yeh sab aane wale tufaan ki chetaavni de rahe hain. Raj ko iska andesha to ho gaya hai, itni dur baithe Sunil ko bhi ho gaya hai, lekin kaun kahan se aur kab aa raha hai, iska kisi ko pata nahi hai.
Sonali ko Junagarh me ho rahi ghatnao se Raj ke hone ka andesha ho gaya hai aur weh sadharan vesh me Jnagarh pahunch gayi hai. Nisha ne Raj ke bharose drugs ke godown me jane ka faisla kar liya hai. Dekhte hain ki aage kya hota hai.
Idhar Maalik bhi chaukanna ho gaya hai. Usne Rao ko directly phone kar diya hai. Ab kayi saare log picture me aa gaye hain. Maalik aur Munna to pehle se the, ek Maalik ka wahadaar aur saamne aa gaya hai.
Udhar Rao ne kisi 'Saamne se' wale vyakti se baat ki jo khandaron ko bhi dekhta hai. Is saamne wale vyakti ne Scorpian Tribe wale se baat ki jisne Death Halo aur ek Tattoo wale ko iske liye Junagarh bheja hai.
Ab ek taraf Maalik, Munna, Maalik ka Wafadar, Death Halo aur ek Tattoo Wala hai aur dusri taraf Raj, Aslam, Nisha aur Joginder ki team hain. Mujhe nahi lagta hai ki is ladayi me Sonali aur Bheema shamil ho payenge. Jasmin ko jaldi Ashram bhej dena chahiye.
Ab khas baat yeh hai ki Death Halo Vidya ki tasweer ko dekhkar kya soch raha hai. Mujhe nahi lag raha hai ki Shiwani, Simran aur Rajni ko maarne ke baad Death Halo aur Raj me koi dosti hogi. Shayad Death Halo ko Vidya ke baare me pata hai aur weh is baat ko hathiyar bana kar Raj ke against use kar sakta hai. Death Halo se to Raj ko hi ladna hai, aur shayad yeh akhiri ladayi hogi. Lekin Death Halo ne pehli baar Nirwana kaha hai. Tattoo wale ko shayad Nirwana hi maare. Waise is baar Raj Ghost ban kar aaya hai, iska matlab weh guns aur bombs use karega. Bahut vinash hone ke sanket hain.
Ajju ka Sonali se aur Sherdil ka Richa se darna kafi entertaining tha.
Again a great update.
