Update no :- 124
Karan ne jese hi piche mud k aawaz wale shaks ko dekha to uske chahare pe kayi tarah k bhav prakat ho gaye ek sath.
Kyunki karan ko aawaz dene wali or koi ni radha thi , jo karan ko niche bulane aayi thi.
Jise dekh karan k dil me tadaf di uth gayi , kyunki abhi radha or 3 mahine pahale ki radha me bahut jyada fark aachuka tha.
Hamesha jis radha ka chahara khila rahata tha , uspe ab dukh ki kalima aachuki thi , uske mukh ki sari lalima or kanti ab shin ho chuki thi , thik se na khane pine se or apna khayal na rakhne se wo kafi kamjor ho gayi thi .
Jise dekh karan ke ek baar dil buri tarah tadaf utha , ek baar to uske kadam aage bad gaye , radha ko sine se laga , uspe pyar lutane or uske sare dukh ko khatam kerne ko.
Lekin achanak se uske ankhon k samne wo raat k drishya aagaye or radha ke kahe sabhi katu vachan uske kano m gunjne lagi.
"Tum mere bhai ni , keval ek havsi darinde ho , nikal jao yaha se or mar jao"
Jiske yaad aate hi karan k kadam wahi ruk gaye or uske chahre pe gusse k bhav vapas aagaye.
Karan :- tum yaha , bolo kya kaam h.
Radha taraste or ruanse swar me :- bhai mujhe aapse kuch kahana h , please bhaii
Karan (bich me ) bhai ? Kaha h aapka bhai mrs radha.
Radha :- aap , aap ho na bhai mere.
Karan haste hue :- bhai or me , are ni ni aapko shayad kuch galat fehmi hui h , m to wo havsi darinda hu , jisne aapse dosti hi aapke pese or sharir k liye ki thi , jesa ki aapne us raat aapne mujhse kaha tha.
H na radha ji.
Radha rote hue ghutno k bal gir padi or boli :- please mujhe maaf ker do bhai , mujhse bahut badi galti ho gayi h , please apni is bahan ko maaf ker do bhai , please mujhe maaf ker do.
Karan muh ferte huhue :- mujhe to ye samjh ni aata tum kise bhai bol rahi or kisse mafi mang rahi ho radha .
Radha sisakte hue masum bacho jese gidgidate hue boli. :- m ape un karan bhaiya se mafi mang rahi hu , jinhone koi rishta na hote hue bhi mujhe na keval apni bahan mana , balki ek sagi bahan se bhi jyada pyaar or samman diya , meri her galti ko hasi me uda maaf kiya , or aaj bhi mujhe ummid h mere wo bhaiya mujhe jarur maaf ker denge .
M apne un bhaiya se mafi mang rahi hu , jinhone ek baar ni anek baar meri jan bachai , kyu kyunki wo apni radha se bahut pyaar kerte h , please apni bahan ko maaf ker do na bhaiya.
Karan :- or usi bhai ko tumne beijat ker or kalankit ker mar jane ko bola tha na tumne radha.
, To mubarak ho mis radha , aapki wo icha ishwer ne us raat hi sun li thi , tumhara vo bhai , jo tumse athah prem kerta tha , jisne tumhari har galti hasi khushi maaf ki , jisne tumhari aneko bar jaan bachai , wo usi raat mar chuka tha.
Or janti ho uska katil kon h , wo or koi ni keval or keval ho tum ho tum radha .
Ha radha jis karan ka kunal k gunde , shimla ki gang kuch na bigad payi , use uske hi apni , jisse wo sabse jyada pyar kerta tha , usine apne katu shabdo se uske hriday chali. Chali ker dala tha .
Or ab tumhare samne jo karan khada h , vo tumhara bhai ni h , keval tumhare mama ka vo beta h , jiske liye tum sirf ek anjan rishtedar ho.
Karan hi janta tha ki use ye sab kahate hue kitni pida ho rahi thi , lekin radha ko uske kiye ka ahasas karwana aavashyak bhi tha .
Wahi radha to bas niche ghutno k bal bethi sir niche kiye pashchatap k aansu roye ja rahi thi , jise dekh karan ka khud se control chut raha tha , isliye wo bola.
Karan. :- ager aapko jo kahana tha wo kah diya to ab m chalta hu , wo kya h na meri bahane mera niche intezaar ker rahi hogi.
Ye baat karan ne radha ko bina dekhe boli or niche ki or jane laga , sidhiyon se utarte hue use riya bhi mili , jo radha k piche piche aarahi thi , karan se mafi mangne k liye .
,Lekin karan ne riya ki or dekha tak ni , usne use to ese najar andaaz kiya jese ki waha koi ho hi na.
Jiske chalte riya ki ankhe bhi nam ho gayi , tabhi use chat pe radha k rone ki aawaz aayi , wo jab chat pe gayi to riya ne use sari baat bata dali , jise sun riya bhi rone lagi ,lekin badi hone k nate usne radha ko sambhala or use sab kuch sahi ho jane ka ashvasan dete hue apne sath niche le gayi.
Karan jab niche pahuncha to usne paya ki sonam, priya , shivani or rohan charo sofe pe bethe usika wait ker rahe the , jyoti shayad abhi jagi ni thi.
Karan ko dekhte hue hi shivani boli.
Shivani :- kya bhai , aapko itni der kese lag gayi uper hum kabse aapka wait ker rahe h , radha didi ko bheja to wo bhi wahi ruk gayi.
Karan sofe pe beth the hue :- sorry princess wo ek important call aagaya tha , isliye late ho gaya.
Karan k bethate hi priya karan k god me bethne ko hui , lekin usse pahale hi shivani jo masti k mood me thi , wo jaldi se karan ki god me beth gayi.
Priya (chidte hue ) :- didi , utho na , mujhe bhaiya ki god me bethna h.
Shivani bacho jese kerte hue :- m kyu uthu , hamesha tum hi bethti ho na , ye mere bhi bhaiya h , aaj m hi bethungi
Priya :- ni m bethungi.
Shivani :-. Ni m hi bethungi.
Shivani or priya me ye bachkani si bahas shuru ho gayi jise dekh sab muskurate hue maje le rahe the.
Priya shivani ko kich k utarne ki koshis kerte hue :- utho , mude bethna h .
Lekin us nanhi si jan me itni takat kaha thi , jisse wo chid k muh fula k beth gayi.
Tabhi jyoti jo abhi abhi jag ker fresh ho k bahar aayi thi , wo sabke paas aate hue priya se boli.
Jyoti :- ale kya hua bhai , mela bacha itna guche me kyu h.
Priya :- dekho na didu, shivani didi mujhe bhaiya ki godi m bethne ni de rahi .
Jyoti priya ko god me lete hue :- bach itu si baat , koi baat ni , aaj mela bacha apni didu ki god me bathega. Ye bol jyoti priya ko leker apni god me beth gayi , jise priya khushi se jhum uthi , or wo shivani ko jibh nikal k chidane lagi , or shivani bhi priya ko ese hi chidane lagi. Jise dekh sabhi hasne lagi , tabhi kavya sab k liye nashta leke aayi or jab usne dekha ki shivani karan ki hod me bethi h to boli.
Kavya :- he bhagwan kya keru is ladki ka , itni badi ghodi ho gayi h , per harkate wahi bacho wali.
(Shivani se) e bail niche uter, verna abhi mere lala k pero me dard ker degi.
Kavya ki dat sun shivani udaas hote hue utarne wali thi ki karan ne use rokte hue kavya se bola.
Karan :- betne do na choti ma , kyu dant rahi ho meri princess ko , mujhe koi problem ni h. (Majak kerte hue) ha vajan kkuch jyada h , per koi na sah lenge thoda.
Ye bol karan hasne laga , jiske sath kavya or baki sab bhi has pade , or kavya bhi , or shivani chid ker karan k mukke marne lagi.
Thodi der yu hi hasi majak k baad karan bola.
Karan :- ha to meri pyari bahano , batao kya decide kiya aap sabne .
Rohan :- sale bhai bhi betha h yaha tera , kabhi usse bhi puch liya ker kuch.
Karan majak kerte hue:- are bhai ji mafi , mafi . Chalo aap hi bata dijiye kaha chalna chahenge aap.
Rohan :- bhai majak ki baat ni h , tujhe ek baat to m batana hi bhul gaya , swati didi k bare m.
Karan swati ka nam sun uchal pada , use lag hi raha tha kafi time se wo kuch bhul raha h , wo to bhul hi gaya tha ki itne time se uski swati se baat hi ni hui .
Jabki vidai k time usne swati se vada kiya tha ki vo roj ni to kamse kam hafte me ek baar call jarur kiya karega , lekin yaha to 3 mahine ho gaye the.
Rohan ko serious dekh use thoda tension hone laga.
Karan :- kya hua swati didi ko , bhai jaldi bata .
Rohan :- are bhai ghabrane ki koi baat ni balki ek khushkhabri h , hum dono mama banne wale h or jyoti samet sabhi bahane masi.
Karan or jyoti chonk ker khushi se :- kya .
Rohan :- ha
Fir rohan unhe jo kuch bhi baat hui thi us time wo sab use bata deta h , jise sun karan or jyoti khushi se jhum uthe .
Karan turant apna phone nikal rohan se swati ka no leta h or swati ko phone lagata h.
Karan - hello didi
Swati na pahachanane ka natak kerte hue :- hello kon .
Karan :- hello didi m aapka chota bhai karan bol raha hu.
Swati jo itne din baad karan se baat hone pe khush thi , isliye usne jyada drama na kiya or boli :- acha to janab ko yaad aahi gaya ki unki ek swati nam ki bhi didi h.
Karan :- ni ni didi esi baat ni h , wo to m.
Swati :- wo sab chod , teri ir jyoti ki khabar to m waha aaker lungi , tum ye batao tumhe khushkhabri mili na.
Karan :- ha didi , I m sooooooo happy , aap to bas jaldi se aajaiye , ab jiju ko kuch din chuti do or yaha apne bhaiy or bahano k pass aaiye.
Swati :- ha bhai , tumhare jiju ka kaam ho chuka h , m 2 din baad waha aarahi hu.
Karan ye sun khush ho gaya or fir jyoti ne or baki sab ne bhi swati se baat ki .
Or sabne ye decide kiya ki swati k aane k baad hi sab ye decide karenge ki kaha jana h ghumne.
Wahi dusri or.
Naina or uske dost jese hi kue ki tah pe pahunche to dekha ki kue k niche satah ko chute hi wo teleport ho ek gufa me pahunch gaye , jo dharti k niche basi hui thi.
Preety :- sister hum to kue k ander gaye the na , to ye hum kaha aapanche.
Naina :- wo kua koi sadharan kua ni tha preety , wo sirf jariya , ya yu kaho ek rasta tha brahamrakshaso k dwara , taki wo asani se logo ko maar sake , wo dekho.
Naina ne ek or ishara kiya , jaha ek badi si shetan ki murti thi or jiske samne kala jadu ki sari samagri padi thi or sath me vahi pass me ek bali dene ki bedi bhi bani hui thi.
Naina :-. Ganv valo ne anjane me sahi lekin unhone brahamrakshaso ko ki khurak ko nasht kiya.
Isliye unhone ye tarika nikala h , ab vo pani k bahane logo ko vash me ker yaha bulati h or fir yaha shetan ko bhog laga ker apne khane ka intezaam kerte h.
Abhi naina or uske dost baat ker hi rahe the ki tabhi unke kano me ek drawani aawaz padi.
Kon ho tum log or yaha kese pahunche.
Unhone piche mud ker dekha to paya ki ek bahut hi bhayanak braham rakshas khada tha.
Naina :- oh to tu h vo jisne ganv valo ka jina haram ker rakha.
Preety :- dekh aakhiri moka de rahi hu , chupchap yaha jesa pahale tha yaha wesa ker or chale ja yaha se door werna .
Wo rakshas preety ka nishan dekh haste hue bola :- oh to tu ek trittya h or fir bhi yaha aaNe ki jurrat ker bethi , bhul gayi tere yuvraj markesh ki humari rani ne kya halat ki thi kuch din pahale
Naina :- tum jante ho markesh kon h , ab tum hi hume ustak leker jaoge.
Rakshas haste hue :- ab tu yaha se kayi ni ja payegi ladki , aaj to maharani bahut khush hogi , jab unhe mek ni 3 3 insani khun k ghade unki seva me bhejunga.
Preety :- wo to waqt hi batayega ki kiski bali chadegi
Ye bol preety uski or bhagi or uchal k ek jordar mukka uske muh pe jad diya.
Jisse us rakshas ko thoda dard hua or fir haste hue bola :-. Bas itna hi dam h , lagta h tu nayi h abhi.
Ye bol usne preety ko ek mukka jad diya , jisse preety kuch dur ja giri , fir shuru hui un dono me ghamasan hua jisme rakshas bhari pad raha tha
Rakshas :- ladki tu shayad bhul rahi h ki hum brahm rakshas h , tere gulam koi sadharan bhut pret ni.
Ye bol usne preety ko utha ke fek dia or preety ek diwar se takrayi.
Naina :- pretyyyy
Tabhi naina ne apna sabse shaktishali mantra padh yantra ko brahm rakshas ki or kiya.
Jisse braham rakshas kaharate hue bandh to gaya , per wo chutne k liye apni puri jan lagane laga.
Naina chilayi :-. Preety jaldi se khatma kero iska , m isko jyada der tak ni rok paungi.
Preety ne apni aankh band ki or apne dono hath uper kiye , or tabhi uske dono hatho k bich ek laal rang ka shakti punj aagaya, jise usne apni puri takat se rakshas ki or feka.
Or wo gola jese hi rakshas se takraya , tab puri gufa me ek bhayanak chink gunj uthi , jo us rakshas ki thi.
Wo ab marnasaran me pahunch gaya tha.
Rakshas aakhiri sans ginte hue :- tune mujhe to gara diya ladki , per ab tu bhi yaha se vapas ja ni payegi , ab meri mot ka badla hamari maharani ji lengi .
Ye bol usne apni sari takat juta k ek gola banaya or jis dwar se naina or uske sathi aaye the , us dwar pe de mara , jisse wo dwar nasht ho gaya.
Matlab ab vo 3no yaha fas chuke the
Braham rakshas :- jai shetan.
Ye bol wo mar gaya
Preety m bhi itna shaktishali vaar kerne se thodi kamzori aagayi or wo chakkar kha ker girne lagi, jise veer ne sambhal liya.
Veer :-. Ab hum kya karenge naina , kese niklenge hum yaha se bahar.
Kese niklenge bahar naina or jyoti is dusri duniya se , janne k liye sath bane rahiye.
Back to the hero
Karan or jyoti abhi apne kamre me sone ki teyari ker rahe the ki tabhi ridhima ka call aaya.
Karan :-hello didi kesi ho aap .
Ridhi :-. Tumse naraj hu bhai , jabse kolkata lote ho , bhul hi gaye ki tumhari delhi me bhi ek didi h.
Karan :- are ni ni , m bhala apna pyari didi ko kese bhul sakta hu , aap chahe jyoti se puch lo , mujhe aapki bahut yaad aati h didu, ap or mama ji kab aarahe ho yaha
Ridhi :- miss you too bhai , bas ab kuch din or fir m tumhare sath hi rahane wali hu , pahale hi bata deti hu ha.
Karan :- are wah didu aapne to mere muh ki baat chin li , m bhi aapse yahi bolne wala tha.
Ridhi :- hmm , or batao ghar me sab kese h .
Karan :- sab thik h didi , aap batao mamaji kese h.
Ridhima :- wo bhi thik h bhai.
Tabhi jyoti karan se phone lete hue
Jyoti :- bhai mujhe bhi to baat kerne dijiye didu se
Jyoti :- hello didu kesi ho aap.
Ridhi :- m thik hu gudiya , tum batao.
Fir dono me kafi der wahi ladkiyo wali bate hui , fir jyoti boli.
Jyoti :- didu , humne yaha aane sse pahale jo planning ki thi , wo kitna pura hua.
Ridhi :- betu sab kuch ready h , bas ek baar m waha aajau, fir jesa tumne plan kiya h , vesa hi hoga.
Jyoti :- ye to bahut achi baat h di.
Fir kuch der baad karan or jyoti sone chale Gaye.
Aaj k liye bas itna hi
Stay tuned
