Update 38
Ajay – Waise woh khash agent kaun hai jo Rajput parivaar ki raksha kar raha hai. Kahi woh ladka Krishna hi toh nhi.
Ishant – Tumhe kyo janna hai uske baare mein.
Ajay – Nhi main toh bas aise hi puch raha tha. Aakhir jo ladka apni jaan pe khel ke inhe bacha hai uske baare mein pata toh hona chahiye naa.
Ishant – Woh jo kar raha hai woh uski duty hai. Woh apna farz nibha raha hai. Aur Krishna se iska koi sambhand nhi hai. Woh bas Aryan ka achha dost hai.
Sangeeta – Ishant chaliye ab chalte hai.
Shalini – Kaha jaa rahi ho Sangeeta. Itne saalon ke baad iss ghar mein aayi ho itne saalon ke baad saari galatfehmuyan durr huyi hai aur tum jaa rahi ho.
Shekhar – Bhabhi thik bol rahi hai Sangeeta. Itne saalon ke baad galatfehmiyan durr hui hai humsab phir se ek saath hue hai aur tum kaha jaa rahi ho.
Sangeeta – Ekbaar Aryan thik hojaaye phir yaha jarur aaungi. Main Aryan ke saath hi iss ghar mein aaungi. Par abhi humhe jaane do.
Shalini – Abhi tumlog kaha jaaoge. Waise bhi raat hone ko aayi hai. Aaj raat yahi rukh jaao.
Pratap – Rukh jao Sangeeta.
Sabke itne kehne pe Sangeeta aur Ishant wahi rukh jaate hai. Shalini Sangeeta aur Ishant ko unka kamra dikha deti hai. Phir sab apne apne kamre mein chale jaate hai.
Idher raat ko ek doctor hospital mein andar aata hai aur Aryan ke cabin ki taraf jaane lagta hai. Kuch der mein hi woh Aryan ke cabin ke paas aajata hai. Aryan ke cabin ke bahar Ishant ne jo security tainaat karwayi thi woh uss insaan ko bahar hi rokh lete hai.
Guard – Kaun ho tum. Aur iss waqt yaha kyaa kaam hai.
Aadmi – Main doctor hu. Mujhe patient ko ek injection lagana hai.
Guard – Humare paas aisi koi information nhi hai. Aur yeh kis tarah ka injection hai dikhao mujhe.
Doctor – Dekho yeh injection bahot important hai patient ke liye.
Guard – Tum apni ID aur woh injection dikhao agar mujhe sab sahi laga toh andar jaa sakte ho.
Guard ke yeh bolne ke baad woh doctor apni pocket se ek Injection nikalke uss Guard ko dikhata hai.
Guard uss Injection ko achhe se dekhne lagta hai. Uss injection ko achhe se dekhne ke baad woh doctor ko wapas kardeta hai.
Guard – Mujhe apni ID dikhao.
Doctor Guard ko apni ID dikhata hai toh guard uss ID mein jo photo thi usse doctor ki shakal ko match karwata hai. Jab sabkuch thik lagta hai toh Guard uss doctor ko achhe se check karta hai. Jab uske paas se koi bhi aisi waisi chiz nhi milti toh woh usse andar jaane deta hai.
Doctor andar aake cabin ke andar achhe se dekhne lagta hai. Jab woh achhe se dekhleta hai toh woh Aryan ke paas aake khada hojaata hai aur usse dekhne lagta hai.
Kuch der usse dekhne ke baad woh doctor apne pocket se ek injection nikalta hai aur Aryan ko dekhte hue hi woh syringe mein bharne lagta hai.
Doctor woh injection pura ka pura uss Syringe mein bharr deta hai phir uss injection ko dekhta hai aur hasne lagta hai.
Phir woh injection leke Aryan ko lagane lagta hai. Jaise hi uss syringe ki needle Aryan ke haath ko touch karti thik usi waqt uss doctor ke haath ko koi pakad leta hai aur doctor ko Aryan se durr dhakel deta hai.
Doctor achanak hue iss humle se ghabra jaata hai. Woh jab Aryan ki taraf dekhta hai toh waha usse Krishna khada milta hai.
Woh doctor Krishna ko dekhkar hairaan hojaata hai uske paseene chutne lagte hai.
Krishna – Tere ko kya laga koi bhi aayega aur isse jaan se maarke chala jaayega. Halwa samjha hai kyaa.
Doctor – Yeh kyaa bol rahe ho. Main ek doctor hu. Yeh injection isko lagana bahot jaruri hai.
Krishna – Achha toh tu ek doctor hai. Toh chal pehle tera hi operation karte hai. Yeh bol woh uss doctor ki taraf badhne lagta hai.
Doctor jab Krishna ko apne taraf badhte dekhta hai toh wohh darr jaata hai. Woh idher udher dekhne lagta hai par uss kuch nhi milta.
Doctor – Mann mein. Ab kyaa karu. Naa main bhar jaa sakta hu aur naahi yaha rukh sakta hai. Agar bahar jaata hu toh guards pakad lenge aur yaha rehta hu toh yeh pakad lega.
Abhi doctor yeh soch hi raha tha ke Krishna uske paas aake usko pakad leta hai.
Krishna – Bol kisne bheja hai tujhe. Kyo maarna chahta hai isse. Bol. Yeh bol usse maarne lagta hai.
Bahar guards ko jab andar se maarpeet ki awaaze aane lagti hai toh woh bhi andar aajate hai.
Guard – Yehsab kyaa horaha hai yaha pe.
Krishna – Yeh doctor Aryan ko zehar ka injection laga raha tha. Yeh toh achha hua main yaha maujud tha.
Guard - Mujhe laga hi tha yeh doctor farzi hai par Aryan Sir ki halat aisi hai ke maine risk lena sahi nhi samjha.
Krishna – Maine tumlogo ki baate sunn li thi. Isiliye main andar chup gaya tha.
Idher woh doctor jab dekhta hai ke woh fhas chuka hai toh woh apna dimaag aur tezz dauraane lagta hai. Woh doctor dekhta hai bagal ki khidki ke bahar dekhta hai toh woh dekhta hai ke woh jyaada height pe nhi hai. Woh chaahe toh khidki todd ke bhaag sakta hai.
Guard – Mujhe lagta hai iski yeh daari aur mooch bhi nakli lag rahi hai. Woh utaro aur dekho kaun hai.
Guard ki baat sunke jab Krishna uss doctor ko dekhta hai aur uske daari aur mooch utarne ke liye aage badhata hai toh toh woh doctor Krishna ko jorr se dhakka deke bagal ki khidki ko todd ke nichhe khud jaata hai.
Uss doctor ke neeche khudte saare guards khidki ke taraf aate hai aur firings karne lagte hai.
Woh doctor jab neeche girta hai toh uske haath aur pairon mein bahot chott aati hai aur guards ki firing hone se usko goli bhi lag jaati hai. Par woh langdate hue hi hospital ke bahar bhaagne lagta hai.
Guards bhi jaldi se neeche bhaagte hai aur uss doctor ka peecha karne lagte hai. Par woh doctor apni gaadi se waha se bhaag jaata hai.
Krishna – Iski security aur badha do.
Guard – Haa. Par agar aise hi doctors aur nurse ke roop mein aur log aaye toh.
Krishna – Tum chinta mat karo. Main uncle se baat karke kuch selected doctors aur nurse ko appoint karwata hu jinki puri information tumhare paas hogi. Aur sirf wahi doctors aur nurse andar aasakenge. Unke alawa bade se bada doctor bhi andar nhi aana chahiye.
Guard – Thik hai.
Phir Guard bahar chala jaata hai aur Krishna Aryan ke paas aake baith jaata hai.
Krishna – Jab tak main zinda hu tujhe kuch nhi hone dunga. Maut ko bhi tujhe chune se pehle mujhse takrana hoga.
...