Update 1:
21 saal ka Sameer ( 5’6” height 60 kg weight slim fit ladka ) ke chehre se masumiyat itni jhalakti thi ki office, bank yaha tak ki road pe bhi log usi se rasta puchte ya koi help mangte aur wo hmesha sbki help krta bhi. Dusri or sharp aur himmati itna ki university ke student union president ka media/ social media aur election campaign strategist, field me utarke, jaha aaye din jan se marne ki dhamkiya milti thi yaha tak ki bomb bhi chalte the waha, wo bina dare apna kam krta tha.
Lekin aaj jaise hi wo apne ghar ke angan me kadam rakha uski duniya badal chuki thi wo dhamm se ghutno pe gir jata hai samne uske papa Ajay ( 42, 5’5” height 65 kg weight ) ki lash chadar se dhaki padi thi, sare pariwar, rishtedar use dekhte hi phut phut ke ro pade. Uski maa Amrita ( 40, 5” height 48 kg weight ekdma chharahri si sawli aurat ) besud si padi thi, uski mang ka sindur dhulwa diya gaya tha, chudiya tudwa di gayi thi pura chahra ansuo se gila uski nanad Shanti ( 38, 4’11” height 55 kg weight ) use samhale hue thi. Aaj sameer ko bht gussa aa raha tha apne dosto party walon pr, kyuki uske bachpan ke 5 dosto ke alawa koi bhi nahi aaya ghar pr. Wo bilakh bilakh ke ro padta hai 1 minute, 2 minute phir achanak se ekdam chup ho jata hai, kuch yad aata hai use ab wo hi apne maa bap ka eklauta waris hai, ab wahi ghar ko samhalega, kamayega aur wo sab zimmedari uthayega jo kal tk uske papa uthate the. Wo ekdam se utha apne dostro ko shamshan ghat bheja taiyari ke liye aur arthi ke sath baith gaya ambulance me shamshan ghat ki or akela. Ye ambulance me akelapan gawah tha ki wo sabke bich bhi akela hi hai aur akele hi use sab samhalna hai.
Shamshan ghat pahuchte hi usne phir se charo or dekha, koi bhi uske student union party se nahi aaya tha, khair ab use fark bhi nahi padne wala tha. Apne dosto ki madad se sare rituals krne ke bad jaise hi use aag thamai gai wo ek bar phir ro pada lekin sirf aansu nilkle ek bhi shabd muh se nahi nikla, wo aaj apne pita ki chaita ke sath apne sapno, apne youth aur apni masumiyat me bhi aag laga tha. Chita jal rahi aur sath me bahut kuch jal raha tha tabhi piche se awaz aayi “ property ke lalach me acche hospital nahi le gaye aur bhaiya khatm ho gye “ ye uska 10th pass bewda chacha Vijay ( 40, 5’2” height 66 kg weight ) tha. Sameer ki rago me aaj daud gayi wo itni tezi se muda aur vijay jab tak samajh pata 2 punch uske jabde aur pet me pad chuke the lekin logo ne unhe alag kar diya. Vijay apni kaminepan ki adat se majbur piche hat gaya lekin uske dimag me ghinauni sajish suru ho gayi maa bete se badla lene ki.
Wapas aate hi sameer ko alag room me baithaya gya 10 din ke liye, aur wahi shanti aur vijay akele me apni khichdi pakane lage, sameer ko ye to samajh aa gya tha ki kuch sajish suru ho gayi hai warna jis bua se vijay se salon tak kabhi bol chal nahi thi aur hmesha ajay bhaiya hi unki hmesha madad krte the, aaj achanak se vijay se nazdikiyia kuch to ishara kar rahi thi.
Isi sab me dhire dhire 13 din beet gaye, sameer ka shatir political dimag bua aur chacha ki body language se samajh chuka tha ki property ke liye kuch sajish ka tana bana buna ja raha hai ya shayad taiyar ho chuka hai, vijay ne us din ke liye mafi nahi mangi thi lekin shanti sare rishtedaron ke bich me uski wakil banke usko image whitewash karne ka kam kar rahi thi, matlab saaf tha dono me kuch to deal ho chuki hai, sameer bachpan se apni swarthi bua se nafrat karta tha aur use “holika” nam diya tha jo sabke ghar me aag lagati hai lekin amrita bahut bholi bhali hone ke karan aaj kal shanti ko apna hamdard hamrahi samajhne lagi thi.
Kyuki ab terahvi ho chuki thi, sameer ghar se bahar nikal sakta tha. Us raat wo soya nahi apne papa ke sare property papers, sare bank passbook, cheque book, fd, bonds aur uske alawa har ek paper jispe uske papa ke signature the sab ko nikala aur samhalke apne almari me rakh diya. Agle din sare accounts me property me succession ke liye process me time lagne wala tha, to usne apne papa ke purane friend ke jo lawyer the unhe moti fees diya aur clerks ki pocket garam karne ka intejam bhi krke 15 din me sab kam ho jane ki deadline deke aaya. Ghar aate hi dekhta hai ki uski maa leti hai aur bat kar rahi hai jabki uski bua shanti apne ghar se shimla paneer aur kulche banake lai hai.
sameer : “are bua itna pareshan hone ki kya zarurat thi, mummy bana leti khana khud.”
shanti : “are beta, bhabhi abhi itne shock me hai me, mera bhi to kuch farz banta hai tum dono ke liye, shimla paneer aur kulche tumhare favorite hai mujhe laga tmhe thoda accha lagega aur bhabhi ko aram bhi mil jayega.”
sameer ( man me ) : ( sidhe bol na holika ki khabar lene aayi hai ki me kya kar raha hu pichle do dino se, teri rag rag se wakif hu chudail. )
amrita: “tu to bahar chala jata hai, me akeli rah jati hu kam se kam shanti se bat krke man halka ho jata hai aur akelapan bhi nahi lagta.”
shanti: “to beta kaha daud raha hai 2 din se, kis wakil ke pas gaya tha ? Are ye wakil log bahut beiman hote hai, kahi akela janke ulta sidha na kar de, waise to tu eklauta hai kon hissa bant krne aayega kabhi, lekin phir bhi agar zaruri ho to bata me apne wakil sahab ko bhej du, senior bhi hai aur bharosemand bhi.”
sameer ( man me ): ( agar sidhe mana karunga to mummy ko pahle hi bharma chuki hai tu, chal chess khelta hu tere sath dekhu kitni ustad hai tu shatraj ki bisat be holika bua )
sameer: “nahi bua me bs disccussion karne gaya tha, bina aap logo se puche koi decision kaise le sakta hu, aur aram se 2,3 wakilo se samajhke kam karwaunga kyuki kisi ki koi fix fees nahi hai jisse jitna man aata hai bol deta hai, jo sabse sahi ( kam ) fees lega unhi se karwaunga koi bahut bada kam to hai nahi”
shanti ( man me ): ( chutiya baap aur chutiya maa ki aulad to rahegi hi chutiya )
shanti: “ha beta, bilkul sahi kaha kon si jaldi hai tumhe apne wakil sahab se milwa dungi, bht acche insan hai bht minimum fees lenge tumhari paristhiti samajhke, chal ab pahle kha le jaldi se tera manpasand shahi paneer aur kulcha.”
sameer: “ha do bua bahut thak gaya hu.”
Sameer khake phir apne room me chala jata hai, tabhi use yad aata hai ki almari ki chabhi to wo hmesha apne wallet me chhipake rakhta hai.
Rat ke 9 bajte hai bua apne ghr jane lagti hai, maa bete akele rah jate hai. Sameer gate band krke andar aata hai aur mummy ke room me jata hai, mummy leti hui thi.
sameer: “mummy suno, kuch zaruri bat krni hai”
