Update ::: 14
*************
jaise jaise boat island ki taraf badh rahi thi. mere aur reenu ke dil ki dhadkan bhi badhti ja rahi thi. andhera bhi hone laga tha. aur abhi island tak pohnchne me kuch time lagne wala tha.
reenu:- raja mujhe bohat ajeeb lag raha hai.
raja:- reenu mera bhi kuch aisa hi haal hai.
reenu aur main bass itna hi bol paaye. boat island ke paas pohnchi to pata chala k island itna bhi chota nahi hai. agar andaza lagaya jaaye to island 7-8 kilometer ke area par phela hua tha.
jaise jaise karke hum island tak ja pohnche. 1 mint ke faaasle par island tha.
main sochne laga k island ki kis taraf andar jaaya jaaye. main is island ke baare jaanta bhi to nahi tha. kis jaga humen madad mil sakti hai. yahan insaani jindagi bhi ya nahi.kahi ye bhi usi island ki tarha se kisi ke under na ho aur yahan bhi mere liye koi nayi daldal na sawagat ke liye tayyar ho....
reenu:- raja kya soch rahe ho.
raja:- reenu main soch raha hu, aage kya karun, hum aise hi to nahi yahan nahi utar sakte. aage pata nahi kaun saa khatra hamara sawagat karne ke liye maujud ho. jo bhi karna hai bohat soch kar hi karna hai.
reenu:- raja tum ek baar pure island ka chakkar hi laga lo. shayad kuch pata chal sake.
raja:- reenu main bhi yahi soch raha hun.
fir maine boat ko speed di aur island ka chakkar lagane laga. abb to baithe baithe jism bhi akad chuka tha.
raaj:- reenu tum bhi bethe bethe thak gai ho naa..
reenu:- haan raja. main bohat zayada thak gai hn. bass tumhare liye khud ko mazbut banaye huye hun. warna dil to kar raha ha. yahi gir padon aur lambi neend so jaaon.
main reenu ko dekhne laga. reenu ne sach me hi badi himmat dikhaai thi. samandar ka safar kisi anjaan ke liye khatarnaak to hota hi hai. lekin dil ko harpall hi dehlaye rakhta hai. pata nahi kabb kya ho jaaye.
meri to kher thi lekin reenu ke liye ye sabb itna bhi asaan nahi tha. reenu meri waja se khud ko mazbut bana gai thi.
meri boat island ki gird chakkar lagane lagi. aur fir island ke dusri taraf ghumte hi humen zindagi mil gai.
humen island par lights jalti hui dikh gai thee. ye ek papulated island tha.
chota tha. lekin hamare liye zinda rehne ka samaan ban gaya tha.
reenu:- ra...raja....www..wo..saamne..dekho..
raja:- haan reenu lagta hai, hum kisi manzil tak pohnch gaye hain.. abb humen koi khatra nahi rahega. abb sanjay aur zaheer ko bhi baha liya jayega.
meri awaz bhi reenu ki tarha se kaanp rahi thi. maare khushi ke mere aansu behne lag gaye the. aur reenu bhi meri hi tarha se rone lag gai thi... kitne kathin marahal se guzar kar humne zindagi ko dhund hi liya tha. abb humen koi khatra nahi tha..
kuch hi der me hum wahan pohnch gaye..
wahan bohat se log the. kai boats bhi khadi hui the. kuch families bhi maujud theen. shaam ka time tha to sabb hi sahil ke nazara dekhne ke liye aaye huye the. wo sabb humen hi dekhne lage. hamare huliye hi bigde hue the. sabb humen aise ujdi halat me dekh kar heran ho gaye the.
main boat unke pass le gaya. reenu ro rahi thi aur mere chehre par bhi aansu the. sabb humen hairat se dekhne lage. andhera kuch kuch ho chuka tha. aur sahil par lights bhi lagi hui theen. sahil par ladkee ka ek bada ramp bana hua tha. aur log us ramp ke upar khade huye the. isliye unho ne humen sahi se dekh liya tha. hamare chehre aansuoon se bheege hue the. aur boat ke andar lete hue sanjay aur zaheer bhi sabb ko hi dikh gaye the..
raja:- mujhe help ki zarurat hai, mere dost marr rahe hain. koi meri madad karega.... saalon lag gaye humen zindagi dhundte dhundte...
isse aage mujhse nahi bola gaya..... reenu meri baat sunkar mere gale lag gai aur oonchi oonchi awaz me rone lagi..... kuch log meri baat sunte hi bhaag daud me masruf ho gaye the. wo bhi sabb samjh gaye the. k hum zarur kisi musebat se nikal kar aa rahe han.
reenu ke hath ki rassi maine khol di. 3 ladke aur 2 badi age ke admi boat me aa ghuse. unho ne sanjay aur zaheer ko dekha. sanajy adha naaga tha aur zaheer pura nanga tha. dono ki hi halat bohat kharab ho chuki thi.
admi:- inko bandha kyun hua hai..
raja:- kya batao. mujhe to boat bhi chalani nahi aati thi. darr tha kahi boat mere kaabu se bahar na ho jaaye. isliye maine dono ko bandh diya. kahi paani me naa gir jaayen.
zayada uhno ne bhi nahi poochha aur sanjay aur zaheer ko utha kar boat se bahar nikal apde. maine bhi reenu ko apni god me uthaya aur unke peeche peeche chalne laga. sabb log humen hi dekh rahe the. lekin kisi ne kuch poochha nahi.
sahil se kuch faasle par khadi gaadiyon me se ek me mujhe aur reenu ko bithaya gaya. sanjay aur zaheer ko dusri gaadi me le jaya gaya. aur fir 5 mint baad hi dono gaadiyan ek chote se hospital se saamne ja ke ruk gaeen.
main aur reenu bhi gaadi se bahar aaye. aur fir andar se 2 strature laaye gaye aur dono ko hi strature par lita kr andar le jaaya gaya. hum bhi andar chale gaye. aur andar ek jaga ja kar baith gaye. sanjay aur zaheer ko andar treatment k liye le jaaya gaya. ek admi mere pass baith gaya.
raja:- bhai saab aap meri kuch madad kar sakte han.
admi:- haan..haan..kyun nahi, zarur..
raja:- mujhe yahan se kahi pegham bhijwana hai. kya ap kuch kar sakte han.
admi:- haan, zarur kyun nahi, bolo kya pegham hai. aur kahan bhijwana hai.
maine usay sanjay ke ghar ka pata bata diya. aur sanjay ke baap ka naam bhi..
wo admi sabb likhne laga. lekin kuch fasle par ek doctor khada hua tha. usne sun liya.
doctor:- kya naam liya tumne abhi...
maine doctor ko dekha aur fir usay bhi sanjay ke baare me aur sanjay ke baap ke baare me sabb bata diya..
doctor ek jhatke me mere paas hi sufe par baith gaya aur
doctor:- sanjay ..... sanjay.. kahan hai sanjay.. sanjay mera dost hai. main sanjay ke baare me sabb jaanta hun.. sanjay ki gaadi ek jaga se mili thi aur fir sanjay la pata ho gaya tha ..
maine doctor ko dekha tu uski ankhen namm ho chuki theen.
raja:- abhi abhi zaheer aur sanjay ko strature par andar le jaya gaya hai. aap please uske liye kuch karen. sanjay ki ladai sher se hui thi, jiss waja se sanjay ki halat sahi nahi hai.mujhe lagta hai usay koi infection ho gaya hai..
doctor jhatke me utha aur fir andar sanjay ki taraf bhaag liya.
main aur reenu ek dusre ki bahun me lipte bethe the..
admi abhi bhi betha hua tha. usne ek ladke se keh kar reenu aur mere liye juice mangwa liya tha. maine uska shukriya ada kiya aur ek juice reenu ko dekar ek khud le liya.... juice pi kar humen kuch rahat mili....
15 mint baad wahi doctor mere paas aaya aur mere sath hi baith kar mujhe gale laga liya.
doctor:- thanks bhai jo tum sanjay ko yahan le aaye. warna uske ghar me to maatam chhaya hua tha. mera naam manoj hai. aur sanjay mera bohat achha dost hai. us raat hum saath hi the, jis raat sanjay ghayab hua.
raja:- mera naam raja hai. aur iska naam reenu hai. doctor kya aapne sanjay ke ghar bata diya hai...
doctor:- haan bata diya hai. wo yahan pohnch jaayenge. lekin unko time lag jaayega. mumbai yahan se bohat door hai.
raja:- doctor sanjay aur zaheer ki halat abb kaisi hai.
doctor:- halat to dono ki hi kharab hai. parr zaheer ki halat to bohat hi zayada kharab ho chuki hai.
raja:- doctor zaheer daldal me gir gaya tha. kya aapne kuch andaza lagaya tha.
doctor:- raja tum tension matt lo. dono ko hi dekh kar hum sabb samjh gaye the. abhi kuch hi der me haamre seniors aa rahe han. wo sahi se sabb dekhenge.
fir doctor andar chala gaya aur reenu mere kandhe par sarr tikaaye so gai thi.
thakan to mujhe bhi bohat zayada ho rahi thi. lekin main yahan sona nai chahta tha... sanjay aur zaheer ke liye abb tension khatam ho gai thi... jitna mujhse hua maine kar diya tha. abb baaki ka kaam doctors ka tha..
mujhe zaheer aur sanjay ke paas hi hona chahiye tha. lekin main wahan kaam bhi to kuch nahi tha. aur waise bhi abb sabb doctors ne hi karna tha. aur jaisi dono ki condition thi. waisi hi condition main regular hi dekh raha tha. isliye main andar nahi gaya.
reenu maze se neend ki waadiyon me khoi hui thi..... aur main kabhi reenu aur kabhi hospital ko dekh raha tha. chhota sa tha lekin sanjay aur zaheer ke liye best tha. abb dono hi mere hisab se khatre se bahar the. haan par dono ke liye bohat tension ban gai thi. aur zaheer ke liye to bohat zayada thi. zaheer ki ankhen aur mohn ka to satyanash hi ho gaya tah. zaheer to kisi bade hospital me hi theek ho sakta tha...
kuch der me doctor aaya aur mujhe apne saath chalne ko bola. maine renu ko apni god me uthaya to renu ki ankh khul gai. usne mujhe dekha aur firse ankhen band karlen. dostor mujhe lekar baar ko chal diya. maine bhi doctor ke peeche peeche jane laga.
hospital se kuch hi fasle par ek ghar tha wo mujhe wahan le gaya. ghar me koi nahi tha. wo mujhe ek kamre me le gaya.
doctor:- yahan kamre me hi bathroom hai, fresh hona ho to ho lo. main kuch kaane peene ka bandbast karta hun.
itna bol kar doctor bahar chala gaya... maine reenu ko kamre me maujud bed par litaya aur ja kar bathroom ko check karne laga...andar sheesha laga hua tha. main khud ko dekhne laga.... mera huliya kitna badal gaya tha. main khud ko saalon pehle wale raja se compare karne laga. kitna badal gaya tha main. mera pura cherha hi baalon me chupa hua tha.
fir khud ko dekhna chhod kar bathroom me sabb jaga dekhne laga. sabb kuch modren type ka tha. maine aisa bathroom pehle kabhi use nahi kiya tha..
maine apne kapde utaare aur fir nahane laga. aaj main sahi maano me naha raha tha. saban se achhi tarha khud ko mall mall ke dhoya... thanda paani tha nahane se maza aa gaya.. nahane ke baad main bathrom se bahar aa gaya.
maine renu ko bhi uthaya. wo adhi ankhen khol ke mujhe dekhne lagi.
raja:- renu uth jaao aur ja kar naha lo. fir khana aane wala hai. wo khaa kar so jaana.
reenu:- raja tum hi nehla do naa..
raja:- nahi renu ye kisi ka ghar hai aur ye sabb sahi nahi hai...
renu bhi samjh gai aur kaise bhi karke bathroom me ghus gai. aur jaldi hi wo bhi naha kar bahar aa gai ....
renu ke hanae ke 5 mint baad doctor ne door knock kiya. maine door ko aise hi band kiya hua tha. maine door khol diya. to doctor ke saath ek ladka tha. aur uske hath ek khane ki tray thi.
main side me hua to dono hi andar aa gaye..
doctor:- tum dono khana khao, main hospital se ho kar aata hun.kamre ka darwaza andar se band kar lena, bahar ka matt karna..
raja:- theek hai doctor......doctor wo sanjay aur zaheer ke liye kuch hua kya.
dcotor:- haan hamare seniors aa gaye han. aur abb to vaise bhi sanjay ke papa ki waja se sabb hi puri care ke sath dono ka treatment kar rahe han. sanjay ke papa boaht bade admi han. unka ek naam bhi hai. ek hi fone call se sabb doctors hi dono ko treat kar rahe han.
doctor aur ladka chale gaye. main sochne laga k sanjay ke papa kitne bade admi han. fir bhi un kidnapron ne sanjay ko nahi choda, aur utha kar island par le gaye.
maine door ko andar se lock kiya. khana ek choti si table par rakha hua tha..
karme me 3 chairs bhi padi hui theen.
maine chairs ko table ke paas khencha aur us par baith kr maine renu ko apne paas me bithaya aur khana khaane lage.....
renu mujhe khilane lagi aur main renu ko. dheere dheere karke humne khana khatam kiya.
aaj itne saalon baad insaani khana kha ke maza aa gaya tha.... renu to apni ungliyan chattne lagi thi. pet ki halat bhi badi khushgawar ho gai thi.
renu:- raja aaj khana kha ke aisa lag raha hai, jaise zindagi me pehli baar aisa khana khane ko mila hai...
raja:- haan renu meri jaan, sach me itne saaalon baad khana khaa ke kuch aisa hi lag raha hai. warna qaid khane ka khana kha kha ke halt hi kahrab ho gai thi. itna kahrab paka kar khilate the. badi mushkil se halk ke neeche utarta tha.
renu:- raja abb mujhse nahi jaga jayega. chalo aao naa bed par, sath me sote han.
mujhe bhi khana khane se neend si aane lagi thi. fir dono hi ek dusre ki bahun me lipte so gaye. let'te hi humko neend aa gai thi. aur aaj ki neend maze ki neend thi. ik nayi zindagi ki shuruat jo ho gai thi. to maze ki neend to fir aani hi thi.
*******************************************************************************
Location: Mumbai:
*******************
mumbai shehar ki ek badi kothi me maujud sabhi afrad ro rahe the. koi mard ho ya aurat. koi bada ho ya chhota. sabhi ki ankhon me aansu the. aur badi umar ki 3 aurten to dahaden maar maar ro rahi theen.
ye rona kisi gham me nai tha. balke ye rona to khushi ka rona tha... aaj saalon baad is ghar me khushi aai thi.. is ghar ka khoya hua iklota beta jo mil gaya tha....
ji haan ye family sanjay ki hi thi. jo sanjay ke liye saalon se tadap rahe the. kuch hi der pehle unhe ek fone call aai thi. jiss me bataya gaya k sanjay is waqt hamare pass hai. aur wo hospital me admit hai. ghar walun ke liye sanjay ka mil jana hi bohat badi baat thi.
aur sanjay ke papa ne foran hi wahan jaane ki tayyar bhi shuru kar di thi.
sanjay ke papa ko bataya gaya tha. k sanjay kerala se 200 kilometer door ek island par hai. aur uske sath ek petient aur bhi hai aur dono ki hi condition sahi nahi hai. sanjay ke papa ne apne relations ko kaam me laate hue sanjay aur zaheer ke liye island par maujud best doctors ko appoint kara diya tha. sanjay ko island se bhi shift kiya ja sakta tha. lekin wahan ke doctors ne keh diya tha, k dono ko zayada khatra nahi hai, pehle dono ko hi safar karne layak bana diya jaaye, fir jahan dil chahe le jaa sakte han..
isliye sanjay ke papa ne foran hi kerala ke liye air ticket sahil kee. aur fir sanjay ke papa apni bewi aur do betiyon ko lekar wahan ke liye nikal pade...
jana tu sabb hi chahte the. lekin sanjay ke papa ne keh diya k wo jald hi sanjay aur suke dost ko mumbai shift kardega. fir sabb hi sanjay se mil sakte han..
sanjay ke papa ek strong man the. lekin iklota beta tha, aur fir jaise uski halat ka suna to khud ke aansu rok nahi paya. sanjay ki maa aur behno ki halat khushi milne ke bawajud bhi sahi nahi thi...
sabb ko pohnchne me time lagne wala tha... aur abhi zaheer ke ghar me itla nahi bhijwai gai thi. abhi zaheer ki halat dekhne layak nahi thi. wo bechaare kaise apne jigar ke tukde ko aisi halat me dekh sakte the. na wo bol sakta tha, aur na hi ankhen khol kar kisi ko dekh sakta tha... aur na hi kisi ko hath hila kar koi signal de sakta tha.... kuch behtar hua to bata diya jaayega.. zindagi bachne ke akmaan to paida ho hi gaye the... baaki ka bhi uparwala achha hi karega ....
************************************************************************************
