Ko To Rok Lo {Update - 251}
____________________________
“Mai kal aapko saari baat bataugi. Abhi to aap bas itna samajh lijiye ki, is baat ko chhupane me juhi didi ki bilkul bhi galti nahi hai. Is baat ko chhupane me sirf mummy, geeta aunty ki galti hai.”
“Juhi didi is shadi se bilkul khush nahi hai aur is samay bahut pareshan bhi hai. Aapke unse milte hi, wo aapko khud hi saari baten bata degi. Isliye aap bekar me unse naraj mat rahiye.”
Ami ki ye baten sunkar, juhi didi se to meri narajgi khatam ho gayi thi. Lekin ab mujhe keerti se shikayat ho rahi thi ki, usne abhi tak ye baat mujhe kyo nahi batayi.
Lekin mai apni kisi baat se apni nanhi bahan ko aur jyada pareshan karna nahi chahta tha. Isliye maine ami ki is baat par muskurate huye kaha.
Mai bola “chal thik hai. Tu fikar mat kar, teri ye baat sunne ke bad, mujhe juhi didi se koi bhi shikayat nahi hai.”
Meri baat sunkar, ami ne khush hote huye kaha.
Ami boli “thik hai bhaiya, mai kal aapko saari baat batati hu. Lekin aap keerti didi se is baare me kuch mat bolna. Warna wo mujhse naraj ho jayegi.”
Mai bola “thik hai. Mai keerti se is baare me kuch nahi boluga.”
Abhi mai ami se ye baat bol hi raha tha ki, tabhi keerti mere kamre me aa gayi. Usne meri ye baat sun li thi. Isliye usne kamre ke andar aate hi mujhse puchha.
Keerti boli “ye tum logon ke bich kis baare me baat chal rahi hai. Tum mujhse kis baare me kuch nahi bologe.”
Keerti ki is baat ko sunkar ami to saham gayi magar maine keerti ko bahlate huye kaha.
Mai bola “kuch nahi, ye ami mujhse baat karne me lagi huyi thi. Tum ise bulane wapas na aa jao, is baat ka ise dar lag raha tha. Isliye mai is se kah raha tha ki mai keerti ko samjha dunga.”
“Magar ye kahne lagi ki yadi aap keerti didi se is baare me kuch kahoge to unhe bura lagega. Isliye mai khud keerti didi se baat kar lugi. Jis vajah se mai is se kah raha tha ki, thik hai, mai keerti se is baare me kuch nahi boluga aur tabhi tum aa gayi.”
Keerti ko meri ye baat sahi lagi aur usne meri ye baat sunkar ami ke sar par pyar se hath ferte huye ami se kaha.
Keerti boli “ami ye to koi baat nahi huyi. Tum apne bhaiya se baat kar rahi ho. Iske liye tumhe mujhse darne ki kya jarurat hai. Tum apne bhaiya se jitni der baat karna chaho kar sakti ho. Mujhe isme koi pareshani nahi hai.”
“Magar aaj neha tumhare kamre me so rahi hai aur abhi wo tumhare aane ka intejar kar rahi hai. Isliye abhi tumhe apne kamre me jana chahiye. Warna neha ko ye baat achchi nahi lagegi.”
Keerti ki ye baat sunkar ami ke chehre par muskurahat aa gayi aur usne khade hote huye keerti se kaha.
Ami boli “thik hai didi, aap chinta na kare. Meri bhaiya se baat puri ho chuki hai. Isliye mai ab apne kamre me jaati hu. Good night.”
Itna kah kar ami uth kar apne kamre me chali gayi. Ami ke jaane ke bad maine keerti se puchha.
Mai bola “kya hua. Kya aaj tumhe sona nahi hai, jo tum itne aaram se ghum rahi ho.”
Meri baat sunkar keerti ne muskurate huye kaha.
Keerti boli “sona to hai. Magar aaj abhi tak mera nahana nahi ho paya hai. Tum thodi der intejar karo. Mai abhi naha kar aati hu.”
Itna bol kar keerti apne kamre me chali gayi. Keerti ke jaane ke bad maine night suit pahna aur fir apna mobile utha kar priya ko call laga diya. Ab raat ke 12:15 baj rahe the. Mera call jate hi priya ne call uthate huye kaha.
Priya boli “mai abhi tumhare call ke bare me hi soch rahi thi aur lo tabhi tumhara call aa gaya.”
Priya ki baat sunkar maine use daantte huye kaha.
Mai bola “jyada bano mat, tum itni raat tak jaag rahi ho. Isliye sirf mere gusse se bachne ke liye ye natak kar rahi ho.”
Meri baat sunkar priya ne hanste huye kaha.
Priya boli “hehehe, tum sahi kah rahe ho, magar ye bhi to sach hai ki tumhe ab mujhse baat karne ki fursat mili hai.”
Priya ki baat sunkar maine apni safayi dete huye kaha.
Mai bola “tum galat nahi kah rahi ho. Magar sach ye hai ki maine tumse baat karne ke liye tumhe pahle bhi apne naye number se call lagaya tha. Magar anjan number samajh kar tumne mera call nahi uthaya tha.”
Meri baat sunkar priya ne chaukte huye kaha.
Priya boli “kya.? kya tumne naya nuber le liya hai aur abhi bhi mujhse isi nuber par baat kar rahe ho. Tum sach me bahut bure ho. Mai call rakhti hu. Tum fauran apne naye number se mere is number par call lagao. Mai tumhe apne naye number se call karti hu.”
Ye kahte huye priya ne meri koi baat sune bina hi call rakh diya. Priya ke call rakhne ke bad maine priya wala mobile uthaya aur priya ko call lagane ko hua tabhi keerti wapas kamre me aa gayi.
Is samay keerti apna night gown pahne huyi thi aur abhi abhi naha kar aaye hone ki vajah se uske lambe baal khule huye the. Jisme wo abhut hi jyada sundar dikh rahi thi. Use dekhte hi mere chehre par muskurahat aa gayi.
Keerti ne kamre me aate hi kamre ka darwaja band kiya aur palat kar meri taraf dekha to mere hanth me priya wala mobile tha. Mere hanth me priya wala mobile dekh kar usne hanste huye kaha.
Keerti boli “kya apne naye number se priya ko call laga rahe ho.”
Mai bola “haan, usi ko call kar raha tha. Itne me tum aa gayi.”
Meri baat sunkar keerti muskurate huye mere pas aakar baith gayi aur fir usne meri taraf apni hands free bada di. Mai uski is harkat ka matlab samajh gaya tha. Maine mobile me hands free lagayi to, keerti ne apne ek kaan me hands free laga li maine apne kaan me hands free lagane ke bad priya ko call laga diya.
Priya ke number par mera call jate hi priya ne mera call kaata aur fir kuch hi der baad mere number par kisi naye number se call aane laga. Ye dekh kar keerti ne muskurate huye kaha.
Keerti boli “ye lo, priya ka bhi naya number aa gaya.”
Mai bola “haan, usne mujhe is baare me bataya tha. Magar maine apna naya number nahi liya tha. Isliye usne apna naya number mujhe nahi diya tha.”
Ye kahte huye maine naye number se aane wala call kaata huar fir usi number par call laga diya. Mera call jate hi us number par call uth gaya aur mera call uthate hi priya ne kaha.
Priya boli “kya hua, tumne mera call uthaya kyo nahi. Mera number to free hai.”
Priya ki baat sunkar maine hanste huye kaha.
Mai bola “tumhara number free hai to use free hi rahne do. Maine bhi apne number ko free karwa ke rakha hai. Ab tum ye batao tumne ye apna naya number mujhe diya kyo nahi tha.”
Meri baat sunkar priya ne hanste huye kaha.
Priya boli “tumne jab waha jakar mera moblile chalu hi nahi kiya to maine bhi apna naya number tumhe bataya nahi. Tum yaha par the to, yaha tumhe apna naya number dene ka koi matlab hi nahi tha.”
“Kyoki yaha mai tumhare pas hi thi aur yaha tumse itni baat is number ho nahi ho sakti thi jiske liye ye naya mobile liye tha.Fir bhi iske liye tumhe sorry kahti hu ki maine apne naye mobile aur naye mobile number ki baat tumse yaha se waha tak chhupa kar rakhi.”
Priya ki ye baat sunkar maine muskurate huye priya se kaha.
Mai bola “tumhe is baat ke liye mujhse sorry kahne ki koi jarurat nahi hai. Ab ye batao tumhari tabiyat kaisi hai.Tum aaram to achi tarah se kar rahi ho na. Tumhari tabiyat to bilkul thik hai na.”
Meri ye baat sunkar priya ne hanste huye kaha.
Priya boli “mai bilkul thik hu. Mai aaram bhi achi tarah se kar rahi hu aur meri tabiyat bhi bilkul thik hai. Tum bekar me meri chinta kar rahe ho.”
Priya ki baat sunkar maine hanste huye kaha.
Mai bola “mai bekar me tumahri chinta nahi kar raha hu. Abhi tumhari tabiyat sahi nahi hai. Tum abhi abhi bimari se uth kar aayi ho. Aise me tumahri chinta karna banta hai. Tum nahi janti tumhari tabiyat ne hum sabko kitna dara kar rakh diya tha.”
Meri baat sunkar priya ne bhi hanste huye kaha.
Priya boli “tum sab bekar me meri itni chinta karte ho. Mai bilkul thik hu.Bas thoda sa hi to bimar padi thi.”
Mai bola “tumhare liye ye thoda sa hoga. Magar hum sab ke liye ye bahut jyada ho gaya tha. Tumhe nahi malum hum sab tumhari tabiyat se kitna dar agye the.”
Priya boli “mujhe sab malum hai. Nikki ne mujhe sab kuch bata diya hai aur riya didi ne bhi mujhe is baare me sab bata diya hai, ki tum sab meri tabiyat ko lekar kitna pareshan the.”
Mai bola “iske bad bhi tumhe lagta hai ki hum sab bekar me dar rahe the.”
Priya boli “acha baba, ab mai apni tabiyat ka pura dhyan rakhugi. Ab tum khush ho na.”
Mai bola “haan, mai bahut khush hu. Tum apni tabiyat ka pura khayal rakhogi to, mai khush hi rahuga.”
Priya boli “ok, ab ye batao, tum mujhe meri nayi car ki badhai kab doge.”
Priya ki baat sunkar maine hanste huye kaha.
Mai bola “kya tumhari nayi car aa gayi hai.”
Priya boli “haan meri nayi car aa gayi hai aur tumhara pasand kiya hua black color hi aaya hai.”
Mai bola “kya tumhe ye bhi pata chal gaya.”
Priya boli “haan, mujhe ye bhi pata chal gaya.”
Mai bola “tab to tumhe nayi car ki bahut bahut badhai ho. Ab ye to batao tumhe nayi car kaisi lagi hai.”
Priya boli “bahut achi, mujhe to malum bhi nahi tha ki, tum sab mere liye nayi car kharidne me lage huye ho. Mai yaha ghar me akeli baithi baithi bor ho rahi aur tum sab par gussa kar rahi thi.”
Mai bola “tumhara gussa karna banta hi hai. Tumhari tabiyat kharab aur sab chup chap se tumhe akela chhod kar chale gaye the.”
Meri baat sunkar priya ne hanste huye kaha.
Priya boli “haan, ye baat to hai, par apni car dekh kar mera saara gussa chala gaya. Maine un logon par jara bhi gussa nahi liya.”
Ye kahkar priya khilkhilakar hasne lagi. Priya ko is tarah se hanste dekh kar maine bhi us se kaha.
Mai bola “tum nayi car me ghumne gayi thi ya nahi gayi.”
Priya boli “haan, gayi thi. Shikha didi ko bhi maine apni nayi car dikha di. Waha par bhi sab meri nayi car dekh kar bahut khush the. Alka aunty, barkha didi, shikha didi, ajay bhaiya, nisha bhabhi, aman bhaiya, seeru didi, selu didi, aru aur uncle, aunty sabne mujhe nayi car ki bahut badhai di hai.”
Priya ki baat sunkar maine kaha.
Mai bola “meri taraf se bhi tumhe ek baar fir nayi car ki bahut bahut badhai.”
Priya boli “thanks, yadi tum yaha hote to mai tumhe bhi apni nayi car me jarur ghumati.”
Mai bola “uski tum chinta mat karo, mai jaldi hi Mumbai aa raha hu. Tab mai tumhari nayi car me ghum luga.”
Priya boli “wo to hai. Magar aaj yaha vaani didi bhi to raat ko 2 baje aane wali hai. Woy aha kisliye aa rahi hai. Un ne mujhe mana kar diya, varna apni nayi car me hi raj bhaiya ko unhe lene ke liye bhej deti.”
Priya ki baat sunkar mujhe vaani didi ki yaad aa gayi aur aaj din bhar ke wakye meri aankhon ke samne ghumne lage. Meri ye bahan gazab ki nidar aur sahsi thi. Uska Mumbai jana meri aankhon ke samne hi hua tha.
Fir na jane wo aisa kaun sa kaam karne me ja rahi thi. Jisse uski jaan ko khtara bana hua tha. Fir bhi uski khatir me us se sawal jabab nahi kar saka. Magar meri chhoti bahan ami ne uski jo chinta jatayi us se mai khush tha.
Aisa hi kuch abhi priya kar rahi thi. Isliye priya se bhi mai khush tha. Priya ki is baat ke jabab me maine priya se kaha.
Mai bola “tum vaani didi ki chinta mat karo. Wo apne kaam se Mumbai aa rahi hai aur apna kaam sahi tarike se nipta legi. Tum unhe bekar me pareshan mat karna.”
Meri baat sunkar priya ne kaha.
Priya boli “mai bhala unhe pareshan kyo karugi. Mai to bas unke Mumbai aane ki baat bata rahi thi. Tum kaho to mai unhe raat ke do baje call bhi nahi karugi.”
Priya ki ye baat sunkar maine musjurate huye kaha.
Mai bola “vaani didi ab raat ko do baje nahi teen baje Mumbai aa rahi hai. Magar tumhe unhe pareshan karne ki jarurat jara bhi nahi hai. Wo apne kaam ko bakhubi sambhalna janti hai.”
Meri baat sunkar priya ne kaha.
Priya boli “ye to mai bhi janti hu. Magar yaha aane par unhe mere ghar to aana chahiye tha. Khair koi baat nahi. Mai kal unse mil hi lugi. Tum batao, Mumbai ke baki logon se tumahari baat huyi ya nahi huyi.”
Mai bola “Mumbai ke baki logon se meri baat ho gayi hai. Nikki bas tumhari shikayat kar rahi thi.”
Meri ye baat sunkar priya ne khilkhilate huye kaha.
Priya boli “ haan, nikki ne waha se ghar wapas aate hi mujhe tumse huyi saari baat bata di thi aur tumse uski phone par baat na hone dene wali baat ke liye jhagra bhi kiya tha.”
Priya ki is baat par maine hanste huye kaha.
Mai bola “nikki ne tumse galat jhagra nahi kiya. Tumne kal use yadi sach sach bata diya hota to kal uski mujhse baat ho gayi hoti aur wo mujhse is baat ko lekar naraj bhi nahi huyi hoti.”
Meri baat sunkar priya ne khilkhilate huye kaha.
Priya boli “nikki ka tumse naraj hona banta hi tha. Tumhe yadi nikki ki fikar hoti to tumne kal khud hi use call laga liya hota.”
Priya ki is baat par maine use samjhate huye kaha.
Mai bola “tum kah to thik rahi ho magar kal mai sach me yaha fasa hua tha. Isliye kal mai nikki ko call laga nahi saka. Magar yadi kal tum nikki se jhuth nahi kahti to usne mujhe call laga liya hota aur meri us se baat ho gayi hoti.”
Meri baat sunkar priya ne hanste huye kaha.
Priya boli “maine kal nikki se koi jhuth nahi bola tha. Maine use bas ye nahi bataya tha ki, mai kal tumhe apne wale mobile par call laga rahi hu aur tum is vajah se mera call utha nahi pa rahe ho.”
Mai bola “lekin tumhe aisa karne ki jarurat kyat hi.”
Meri baat sunkar priya ne hanste huye kaha.
Priya boli “wo isliye ki yaha par sab tumse baat kiye ja rahe the. Ek bas mai hi thi jo tumse baat kar nahi pa rahi thi. Isliye maine nikki se ye jhuth kaha tha. Taki mai tumse baat nahi kar pa rahi hu to wo bhi tumse baat na kar paye.”
Priya ki is baat par mujhe hansi aa gayi. Aisa hi kuch haal keerti ka bhi tha. Priya ki ye baat sunkar keerti bhi hasne lagi thi. Priya ki is baat ko sunne ke bad maine hanste huye kaha.
Mai bola “tum bahut shararti ho. Kal ki tumhari is shararat ki vajah se to mera aaj nikki se jhgra hi ho gaya hota.”
Meri is baat par priya ne hanste huye kaha.
Priya boli “isme tumhari hi galti hai. Jab tumhe malum hai ki nikki tumahri kitni khas hai to, kal tumhe khud hi use call lagana chahiye tha. Uske call ka intejar nahi karna chahiye tha.”
“Maine to kal sirf apni baton me bahka kar nikki ko tumhe call karne se rok diya tha. Magar tumhe to maine nikki ko call karne se roka nahi tha. Fir bhi kal tumhe use call karne ka time nahi mila. Isme to tumhari hi galti hai.”
Priya ki is baat par maine hanste huye kaha.
Mai bola “haan, baat to tumhari sahi hai. Chalo ab aage se aisa nahi hoga. Mai apne kaam me kitna bhi busy kyo na rahu, aage se tum logon ko khud call laga liya karuga. Taki is baat ko lekar tum me se koi naraj na rahe.”
Meri baat sunkar priya ne khilkhilate huye kaha.
Priya boli “ye huyi na koi baat. Lekin sabse pahle mujhe hi call lagaya karna aur sabse aakhri me to mai mil hi jaugi.”
Priya ki ye baat sukar maine chukte huye kaha.
Mai bola “sabse aakhiri me tum mil jaogi se tumhara kya matlab hai.”
Meri baat sunkar priya ne hanste huye kaha.
Priya boli “are, raat me sabse aakhri me mai hi to roj tumse baat kar rahi hu. To sabse aakhiri me mai hi to tumse milugi na.”
Priya ki baat sunkar keerti hasne lagi. Lekin maine priya par gussa karte huye kaha.
Mai bola “priya. Kya tumhe pata hai, tum kya kah rahi ho.”
Lekin meri baat sunkar priya ne hanste huye kaha.
Priya boli “haan, mujhe pata hai ki, mai kya kah rahi hu. Mai jaise aaj sabse aakhiri me tumse mobile par baat kar rahi hu. Roj aise hi tumse baat karte rahne ki baat kah rahi hu.”
Priya ki ye baat sunkar maine priya ko samjhate huye kaha.
Mai bola “priya, tum janti ho ki, raat ko itne baje ka samay mera kis se baat karne ka chal raha hai. Fir aise me tum ye kaise kah sakti ho ki, meri sabse aakhri me tumse baat hogi.”
Priya boli “mai ye kuch nahi janti. Tumhe abhi tay karna padega ki, tum pahle mujhse baat karoge ya tripti se baat kaoge.”
Priya ki baat sunkar maine use samjhate huye kaha.
Mai bola “priya dekho, mera tripti se baat karne ka samay raat 11 baje se 1 baje ka hai. Aise me mai tumse roj kaise baat kar pauga.”
Meri baat sunkar priya ne bade nadani bhare andaz me kaha.
Priya boli “mai tumhe tripti se baat karne se rok rahi hu. Jaha mai abhi raat ko 12:30 baje is mobile ke par baat karna suru kar rahi hu. Wahi raat ko 1 baje bad baat kar lugi.”
Priya ki ye baat sunkar maine fir se use samjhate huye kaha.
Mai bola “priya, abhi tumhari tabiyat sahi nahi hai, isliye meri tumse itne samay baat ho ja rahi hai. Tumhara jyada der tak jaagna thik nahi hai. Fir tumhara aur mera subah ka school bhi hai. Aise me raat ko ek baje ke baad mai tumse kaise baat kar sakta hu.”
Meri baat sunkar priya ne mujhe samjhate huye kaha.
Priya boli “dekho, tum raat ko 9:30 baje se 10:30 baje tak barkha didi se baat karte ho aur fir raat ko11 baje se 1 baje tak baje tak tripti se baat karte ho. Aise me tumhare pas mujhse raat ko baat karne ka samay hi kaha bacha hai. Ab tum hi batao meri tumse raat ko 1 baje se pahle kaise baat ho sakti hai.”
______________________________
