Ko To Rok Lo {Update - 030}
____________________________
Keerti boli “ab dusri baat ye hai ki, 11 baje ke bad ka time maine sirf apne liye baat karne ka time fix kar rakha hai. Is samay me tu kisi se bhi baat nahi karega. Fir chahe wo riya hi kyo na ho.”
Mai bola “ok, 11 baje ke bad mai tumhare siwa kisi se bhi baat nahi karuga. Ab khush.”
Keerti boli “haan, khush to mai hu. Magar abhi bhi meri kuch baten baki hai.”
Mai bola “ab jo baten baki hai, wo hum kal kar lege. Kuch baten kal ke liye bhi chhod do aur ab so jao.”
Keerti boli “ok to ab hum sote hai. Lekin pahle mujhe ek good night kiss do.”
Mai bade pyar se keerti ke mathe par kiss karte huye kaha.
Mai bola “good night.”
Keerti ne bhi mere gaal par ek kiss karte huye kaha.
Keerti boli “good night.”
Itna bol kar keerti aankh band karke let gayi aur mai baitha hua uska masum sa chehra dekhne laga. Keerti ka chehra dekhte huye, mai sochne laga ki, is ladki ko samajh pana mushkil hi nahi namumkin hai.
Ye sochte hi mere chehre par muskurahat aa gayi aur mai pyar se keerti ke balon par hath ferne laga. Kuch der tak uske balon par hath ferne ke bad maine uske mathe par ek kiss kiya aur dhire se good night bol kar mai bhi so gaya.
Raat ko der se sone ke bad bhi, subah 5:30 baje meri nind khul gayi. Maine aankh khol kar dekha to, keerti pet ke bal so rahi thi aur uska ek hath mere seene par rakha hua tha.
Maine uska hath apne seene se alag karne ka socha. Lekin fir meri najar keerti ki taraf gayi to, uske chehre par bachchon jaisi muskan thi. Jaise ki wo koi meetha sapna dekh rahi ho.
Ye dekh kar maine uska hath apne seene par waise hi rakhe rahne diya. Taki hath ke hilne se uska sapna na tute. Keerti ka hath apne sine par rakhe-rakhe maine fir se aankh band kar li aur uske hath alag karne ka intejar karne laga.
Lekin apne seene par keerti ke hath ke sparsh pakar mujhe ek alag hi tarah ka shukun mehsus hone laga aur fir isi shukun ko mehsus karte-karte meri fir se nind lag gayi.
Fir meri nind 6:30 baje nimi ke jagane par khuli. Tab tak keerti uth kar apne kamre me ja chuki thi aur nimi mere pas khadi hokar ro rahi thi. Use subah subah is tarah se rota dekh kar, maine us se puchha.
Mai bola “ye subah subah tujhe kya hua hai. Is tarah kyo ro rahi hai.”
Nimi boli “bhaiya, mere pet me dard hai aur mummy mujhe jabardasti school jaane ko bol rahi hai.”
Mai bola “aaj fir school jaane ke naam se teri natak-baji suru ho gayi. Chal, ab ye natak band kar aur jaldi se school ke liye taiyar ho ja.”
Nimi boli “bhaiya, aaj mai natak nahi kar rahi hu. Aaj sach me mere pet me bahut dard hai.”
Meri nimi se baat chal hi rahi thi ki, tabhi ami aa gayi. Use dekhte hi, maine us se puchha.
Mai bola “betu, aaj ye nimmo school jana kyo nahi chahti hai.”
Ami boli “bhaiya, kal ye picnic me chali gayi thi aur fir udhar se lautne ke bad isne homework bhi nahi kiya tha. Aaj homework na karne ki vajah se ise school me daant padegi. Isliye aaj ye school jaane se dar rahi hai.”
Nimi ne ami ko apni pol kholte dekha to, fauran uski baat ko jhuthlate huye kaha.
Nimi boli “nahi bhaiya didi jhuth bol rahi hai. Meri miss to mujhe kabhi gussa nahi hoti hai. Aaj mere pet me sach me dard ho raha hai.”
Mai bola “dekh chhoti, tujhe school nahi jana hai to, mat ja. Magar jhuth mat bol. Yadi tu jhuth bolegi to, mai tera sath nahi dene wala. Ab sach sach bol ki tujhe school kyo nahi jana.”
Nimi boli “bhaiya, didi thik kah rahi hai. Maine homework nahi kiya hai. Isliye miss mujh par bahut gussa karegi.”
Mai bola “yadi teri miss tujh par gussa na kare to, kya tab tu school jayegi.”
Nimi boli “nahi bhaiya, wo jarur gussa karegi. Un ne saaf saaf kaha tha ki, jo bhi homework karke nahi layega. Use kadi saja di jayegi.”
Mai bola “nahi, aisa nahi hoga. Tu school ke liye taiyar ho ja. Mai khud tere sath chal kar teri miss se baat karuga. Fir wo tujhe bilkul gussa nahi karegi.”
Magar nimi to nimi thi. Jiddi number one. Wo bhala mere samajhne se kaha samajhne wali thi. Usne do took shabdon me apna faisla sunate huye kaha.
Nimi boli “aap kuch bhi karo. Lekin aaj mai school nahi jaugi matlab nahi jaugi. Aap abhi jakar mummy se kaho ki, wo aaj mujhe school na bheje. Iske siwa mai aapki koi baat nahi sunugi.”
Mai nimi ko bahut samjhane ki koshish karta raha. Magar wo apni jid se tas se mas nahi huyi. Jab wo meri koi baat sunne ko taiyar nahi huyi to, maine uski jid ke aage haar mante huye kaha.
Mai bola “thik hai meri maa. Tu school mat ja. Mai mammy se bol duga. Lekin ab mujhe to school ke liye taiyar hone de.”
Meri baat sunkar nimi khushi-khushi apne kamre me chali gayi aur mai fresh hone chala gaya. Fresh hone ke bad mai school ke liye taiyar ho raha tha. Tabhi keerti nashta lekar aa gayi. Use nashta liye dekh kar maine us se kaha.
Mai bola “aaj tu kyo nashta lekar aayi hai. Kya chanda mausi nahi hai.”
Keerti boli “agar tujhe mera nashta lana bura lagta hai to, mai wapas le jati hu aur chanda mausi nashta lekar bhej deti hu.”
Mai bola “are yaar, maine yun hi puchh liya tha. Tu to har wakt gussa apni naak par hi rakhe rahti hai.”
Ye kahte huye mai taiyar hone ke bad nashta karne laga aur keerti mere pas aakar baith gayi. Baton baton me usne mujhse puchha.
Keerti boli “tune aaj riya se milne ka time dopahar ko 3 baje ke bad ka kyo diya hai. Tu to school se 1 baje hi aa jata hai.”
Mai bola “tujhe aaj ye meri jasusi ka karne shauk kyo laga hai.”
Keerti boli “mai to ye kal hi puchhna chahti thi. Lekin tune mujhe sula diya tha. Ab bata na, tune use 3 baje ke bad milne ko kyo kaha. Kya us se pahle tujhe aur bhi kuch kaam hai.”
Mai bola “haan, mujhe aaj mehul ke papa se milne unke office jana hai. Unhe mujhse akele me koi baat karna hai. Ab jahir si baat hai ki, jab un ne akele me mujhse baat karna chaha hai to, wo baat aisi hogi, jo wo ghar bahar kisi se bhi batana nahi chahte hai. Isliye tu bhi ye baat kisi ko mat batana.”
Keerti boli “chal, tune mujhe is layak to maana ki apne raz ki baat mujhe bata sake.”
Iske bad mai nashta karke keerti ke sath niche aa gaya. Niche aakar maine chhoti maa se aaj nimi ko school na bhejne ki baat jatayi aur fir mai apne school ke liye nikal gaya.
Fir mai dopahar ko school se wapas aaya. School se aakar maine khana khaya aur fir mehul ke papa se milne, unke office ke liye nikal gaya. Wo mera hi intejar kar rahe the. Unke sath usnke koi friend bhi the. Maine unke pas jakar unse kaha.
Mai bola “namaste uncle.”
Uncle bole “namaste beta. Ye mere khas mitra subhendu roy hai.”
Maine unse bhi namaste kiya aur fir uncle se puchha.
Mai bola “bataiye uncle, aapne mujhe kis liye bulaya hai. Aisi kya baat thi, jo aap mujhse ghar me nahi kar sakte the.”
Meri is baat ka jabab roy uncle ne dete huye kaha.
Roy uncle bole “dekho beta, humne tumhe bahut hi khas baat karne ke liye bulaya hai. Waise ye baat hume mehul se karna tha. Lekin abhi hum log kisi khas natije par nahi pahuche hai. Isliye humne mehul se baat karna thik nahi samjha hai.”
“Lekin ab hume lagta hai ki mehul ko ye baat pata chal jana chahiye. Magar rajesh (uncle) ye baat use bata nahi pa raha hai aur isiliye humne tumhe bulaya hai. Taki tum ye baat mehul ko bata sako. Lekin beta, ye baat abhi tumhari aunty ko pata nahi chalni chahiye.”
Roy uncle ki baat sunkar mai andar hi andar dar gaya. Mujhe samajh me hi nahi aa raha tha ki, aisi kaun si baat hai. Jisne uncle ko itna pareshan kar diya hai. Uncle ke koi rishtedar to the nahi.
Uncle ke rishtedar ke naam par sirf mehul ke mama the aur wo bhi dusre shahar me rahte the. Shayad isliye uncle ne mujhe bulaya tha. Lekin roy uncle ki baat ne mujhe dara diya tha. Isliye maine badi becheni ke sath puchha.
Mai bola “uncle kya hua hai.? Aisi kya baat hai, jo aap sabse chhupa rahe hai. Mera dil bahut ghabra raha hai. Pls bataiye na, kya baat hai.”
Roy uncle bole “dekho beta, ye baat sunkar tumhe dhakka jarur lagega. Lekin tumhe apne aapko sambhalna hoga aur mehul ko bhi sambhalna hai. baat ye hai ki, rajesh ko Dr. ne cancer bataya hai. Hume ye baat bahut der se pata chali hai. Abhi tak hum yahi ilaj karwa rahe the. Isliye koi pareshani nahi aayi thi.”
“Lekin ab Doctor ka kahna hai ki, inhe ilaj ke liye mumbai le jana hoga. Ab mumbai me inhe ilaj karwane me kitna samay lagega. Ye baat abhi bata pana mushkil hai. Isliye ab ye baat inke ghar me batana jaruri ho gaya hai.”
Ye kah kar roy uncle meri taraf dekhne lage. Magar uncle ko cancer hone ki baat sunkar to, mai apne hosh hi kho baitha tha. Unhe cancer hone ki baat mere gale se hi nahi utar rahi thi aur meri aankhon se aansu bahne lage the.
Aisa hota bhi kyon na. Richa aunty aur rajesh uncle ne hamesha mujhe bete ki tarah hi pyar diya tha. Ye baat sunkar mujhe wo jhatka laga tha. Jo shayad apne papa ke baare me sunkar bhi nahi lagta. Meri halat samajh kar, rajesh uncle ne mere kandho par hanth rakhte huye kaha.
Uncle bole “punnu beta, sambhalo apne aapko. Yadi is baat ko sunkar, tum hi aise toot jaoge to, fir mehul ko kaise sambhaloge. Ab yadi mujhe kuch ho gaya to, tujhe hi to mehul aur apni aunty ko sambhalna hai.”
Ye sunte hi, mere aansu aur bhi jyada bahne lage aur maine rote huye kaha.
Mai bola “nahi uncle, aapko kuch nahi hoga. Mai aapke sath mumbai chaluga aur aapka ilaj karwauga. Aap bilkul thik ho jayege.”
Ye kahte huye mai foot-foot kar rone laga. Uncle ne mujhe dilasa dete huye kaha.
Uncle bole “haan beta, mai jarur thik ho jauga. Tabhi to mumbai ja raha hu. Tujhe mere sath jaane ki jarurat nahi hai. Tu bas yahi rah kar apni aunty aur mehul ka khayal rakhna.”
Mai bola “nahi uncle, mai aapko aise akele nahi jane duga. Mai bhi aapke sath chaluga. Aap ye bataiye hume kab jana hai.”
Uncle bole “bête, mujhe kal hi nikalna hai. Lekin tum humare sath nahi jaoge. Tum wahi karoge jo mai kah raha hu. Mere sath roy hai na. Agar jarurat padi to, hum tujhe jarur bula lege.”
Mai bola "thik hai uncle. Lekin aap aunty se kya kah kar jayege.”
Uncle bole “abhi richa ko kuch nahi batana hai. Isliye hum kahege ki mai roy ke sath uske kisi rishtedar ke ilaj ke silsile me ja raha hu.”
Mai bola “kya mehul ko ye baat batana jaruri hai. Mai kaise use ye sab bata pauga.”
Uncle bole “beta, yadi ye baat batana jaruri nahi hota to, maine ye baat tujhe bhi nahi batayi hoti. Lekin ye baat tu use mere jaane ke bad hi batana. Ab tu jaa hume kal nikalne ki bhi abhi kuch taiyariyan karna hai.”
Mai bola “thik hai uncle.”
Itna bol kar mai udas man se ghar wapas aa gaya. Ghar aakar maine kisi se baat nahi ki aur sidhe apne kamre me aa gaya. Mujhe aaya dekh kar, keerti mere kamre me aa gayi. Usne mujhe udas dekha to, meri udasi ki vajah puchhte huye kaha.
Keerti boli “kya hua, tu itna udas kyo hai. Kya riya ka phone nahi aaya hai.”
Mai bola “mujhe kuch nahi hua. Bas mera thoda mood sahi nahi hai.”
Keerti boli “are abhi to 3 hi baja hai. Riya ka phone 10-15 minute me aa jayega. Tu baith kar uske phone ka intejar kar, tab tak mai tere mood ko sahi karne ke liye ek garma garam chay bana kar lati hu.”
Itna bol kar keerti chay banane chali gayi aur mai let kar, uncle ke baare me sochne laga. Kuch der bad keerti chay lekar aa gayi. Wo chay lekar aayi to, usne dekha ki, mera mobile baj raha hai. Lekin mai utha nahi raha hu.
Usne mujhe chay di aur mera mobile utha kar, dekha to, riya ka call aa raha tha. Ye dekhte hi, keerti ne meri taraf mobile badate huye kaha.
Keerti boli “are riya ka call aa raha hai aur tu call kyo nahi utha raha hai. Sab thik to hai na.”
Lekin maine keerti ki baat ko sunkar, bhi ansuna kar diya aur chup chap chay pine laga. Riya ka call lagatar aaye ja raha tha. Isliye keerti ne riya ka call uthate huye kaha.
Keerti boli “hello.”
Riya boli “………………..” (hello, Kaun, keerti.)
Keerti boli “haan riya, mai keerti hi bol rahi hu.”
Riya boli “………………..” (kya punit apna mobile ghar me hi bhool gaya hai.)
Keerti boli “nahi riya, wo ghar me hi hai. Magar uski tabiyat kuch sahi nahi hai. Isliye wo so raha hai. Uska mobile silent me hai. Mai uski tabiyat dekhne aayi thi. Tabhi dekha ki tumhara call aa raha hai to, maine utha liya.”
Riya boli “………………..” (kyo, punit ko kya ho gaya. Ye achanak uski tabiyat kharab kaise ho gayi.)
Keerti boli “kuch nahi, shayad viral fever hai. Humne dawa de di hai. Sham tak use aaram lag jayega.”
Riya boli “………………..” (ok keerti, jab punit jage to, use bata dena ki, mera phone aaya tha. Mai rakhti hu. Bye.)
Keerti boli “thik hai riya. Mai use bata dugi. Bye.”
Itna bol kar keerti ne call rakh diya. Tab tak mere chay peena ho chuka tha. Keerti ne mera mobile rakhne ke bad, mere mathe par hath laga kar bukhar dekha aur fir mujhse kaha.
Keerti boli “tujhe bukhar to hai nahi. Ab tu sach sach bata ki, aakhir tujhe kya hua hai. Tu achanak itna udas kyo hai.”
Mai bola “kuch nahi, maine kaha na, bas mera mood kuch thik nahi hai.”
Keerti boli “tu abhi mehul ke papa ke pas se aa raha hai na.? Un ne tujhse kya bola.? Sach sach sach bata teri usne kya baat huyi hai.?”
Pahle to mai keerti ko talta raha. Lekin aakhir me usne mujhe apni kasam de di. Tab maine use mehul ke papa se huyi saari baat bata di. Jise sunkar use bhi dhakka sa laga. Fir usne kuch sochte huye kaha.
Keerti boli “dekh, jo hona tha, wo to ho chukka hai. Ab hume sochna ye hai ki, hum iska samna kaise kare. Yadi tu hi aise himmat haar jayega to, mehul ka kya hoga. Tu apne aapko sambhal aur ye soch ki, mehul ko ye baat kaise batayega. Agar uncle ne ye baat tujhe batayi hai to, kuch soch samajh kar hi batayi hai. Isliye tu apne aapko majbut kar aur is sab ka samna kar.”
Abhi keerti mujhe ye baten samjha hi rahi thi. Tabhi uski najar darwaje par khadi chhoti maa par padi. Jo humari baten bade dhyan se sun rahi thi. Wo shayad mujhe udas dekh kar, meri udasi ka karan janne aayi thi.
Magar mere muh se uncle ki bimari ki baat sun kar bahar hi khadi hokar humari baat sunne lagi thi. Keerti ne unhe dekha to, kaha.
Keerti boli “mausi aap.?”
Ye sunte hi meri najar bhi darwaje ki taraf chali gayi. Keerti ki baat sunkar, chhoti maa andar aa gayi aur un ne mujhe apne gale lagate huye kaha.
Chhoti maa boli “dekh, mai sab baat sun chuki hu. Keerti jo bhi bol rahi hai, thik hi bol rahi hai. Yadi tu sach me unka bhala chahta hai to, bahadur ban kar iska samna kar. Tu ye soch na ki jab ye baat sunkar tujhe itni taklif huyi hai to, mehul ko kitni taklif hogi. Is samay tujhe emotional nahi, balki practical banna chahiye.”
Keerti aur chhoti maa ki baton se mere aandar sahas jaga aur maine apne aapko sambhalte huye kaha.
Mai bola “aap thik kah rahi hai chhoti maa. Lekin abhi ye baat hum teen logon ke hi bich me rahni chahiye. Humare alawa ye baat kisi ko pata nahi chalni chahiye.”
Chhoti maa boli “tu chinta mat kar, mai ye baat kisi se bhi nahi bolugi. Lekin tu sham ko ek baar jarur mehul ke yaha chale jana. Ho sakta hai ki, jija ji (mehul ke papa) ko aur bhi kuch tujhse kahna ho. Magar dhyan rakhna ki ab unke samne jana to, majbut ban kar jana. Taki wo apni koi bhi baat dil kholkar kar sake.”
Itni baat samjha kar, chhoti maa chali gayi aur mai uth kar muh hath dhone chala gaya. Mai muh hath dho kar lauta to, keerti abhi bhi mere kamre me hi baithi thi. Mujhe wapas aaya dekh kar, usne mujhse kaha.
Keerti boli “tune riya se milne ke baare me kya socha hai.”
Mai bola “ab mera us se milne ka mood nahi hai.”
Keerti boli “har kaam mood se nahi kiya jata. Kuch kaam bina mood ke bhi karna chahiye.”
Mai bola “us se milne ka fayda bhi kya hai. Waise bhi to wo 2-3 din me yaha se chali hi jayegi.”
Keerti boli “mai isiliye to tujhse bol rahi hu ki riya se mil le. Kyoki wo mumbai ki hai aur yadi tu us se dosti banaye rakhta hai to, ye dosti bahut kaam aayegi. Isliye tu kam se kam abhi use call karke ye to bata de ki, tu usse tabiyat kharab hone ki vajah se milne nahi aa saka aur use sham ko mehul ke ghar milne bula le. Taki uski uncle aunty se bhi jaan pahchan ho jaye.”
Keerti ki baat sunkar mai man hi man uske dimag ki dad dene laga aur fir maine riya ko call karke bata diya ki, meri tabiyat kharab hone ke karan, mai aaj us se milne nahi aa saka. Mai sham ko 7 baje, mehul ke ghar aa raha hu aur yadi wo mujhse milna chahti hai to, wahi mil le.
Riya se itni baat kah kar maine call rakh diya aur mai taiyar hone laga. Mujhe taiyar hote dekh kar, keerti ne puchha.
Keerti boli “ab tu taiyar hokar kaha ja raha hai.”
Mai bola “kahi nahi, bas bahar jakar thoda mood fresh karna chahta hu.”
Keerti boli “mai bhi tere sath chalu. Din bhar ghar me rahte-rahte boriyat hone lagi hai.”
Mai bola “thik hai, jaldi se jakar taiyar ho ja.”
Meri baat sun kar keerti fauran apne room me taiyar hone chali gayi. Mai taiyar hone ke bad, niche aa gaya. Maine chhoti maa ko jataya ki, hum log bahar ghumne ja rahe hai. Aane me der bhi ho sakti hai.
Itna kahkar mai bahar aa gaya aur apni bike nikal kar, keerti ke aane ka intejar karne laga. Kuch der bad keerti bhi aa gayi. Wo Purple t-shirt aur black jeans pahne thi. Jisme wo bahut sundar lag rahi thi.
Maine use dekha to muskura diya. Wo mere is tarah muskurane ka matlab samajh gayi aur wo bhi muskurane lagi. Wo muskurate huye aayi aur bike ke dono taraf pair dalkar baithte huye, usne meri kamar ko pakad liya.
Maine bina kuch kahe bike aage bada di. Na to keerti ne ye puchha ki hum kaha ja rahe hai aur na hi maine bataya ki hum kaha ja rahe hai. Dono hi khamosh the. Ya fir dono hi kuch soch rahe the.
Mai ye soch raha tha ki, ab kaha jaya jaye. Tabhi keerti ne meri pith par apna sir tika diya. Uske aisa karne se mujhe bahut acha laga. Keerti ke is tarah se baithne se mujhe bahut shukun mil raha tha.
Isliye mai bhi bas bike ko yu hi raste par daudata chala ja raha tha aur soch raha tha ki, kash ye rasta kabhi bhi khatam na ho. Kuch der yu hi chalte-chalte hum bahut door nikal aaye.
Ab gaadiyon ki aawajahi kam thi aur raste ke dono taraf hare bhare ped lage huye the. Jinse thadi hawa chal rahi thi aur wo hawa hame chhu kar madhosh kar rahi thi. Keerti aankh band kar meri pith par apna sar rakhe khamoshi ke sath baithi thi. Maine us se puchha.
Mai bola “tu chup kyo hai.? Kuch bol na.”
Keerti boli “hun hun.”
Mai bola “kuch bologi nahi.”
Keerti boli “hun hun.”
Mai bola “tujhe yu hi ghumte rahna acha lag raha hai.”
Keerti boli “hun.”
Keerti meri har baat ka jabab bina apna muh khole, hun-hun karke de rahi thi. Shayad is thandi hawa ke jhonko ne use madhosh kar diya tha. Fir isi madhoshi me usne mujhe kaskar pakad liya aur wo puri tarah mujh se chipak kar apna sar tikaye baith gayi.
Uske aisa karne se mere muh se bhi shabd niklana band ho gaye aur mai khamoshi se bas bike ko chalate ja raha tha. Bina ye soche, bina ye jane ki, hum kaha ja rahe hai. Par shayad hum dono hi yahi chahte the ki ye safar yu hi chalta rahe. Kabhi is safar ka ant na ho.
____________________________
hmm:aap se nhi jeet skta dada