- 113
- 284
- 64
Last edited:
Fantasy HEALER
- Thread starter SHOTO
- Start date
- 25,275
parkas
Well-Known Member
- 32,271
- 69,304
- 303
- 113
- 284
- 64
- 113
- 284
- 64
UPDATE 4
Contrast
Contrast
Jaise hi Tanvi bathroom pahuchi to dekhati hai Aarush bathtub me pada hua tha… usne bathtub ke kinaro ko kafi majbuti se pakad rakha tha.
Ye najara dekh ke Tanvi ke dil ki dhadkane band ho gayi aur ankhon se ansu bahane lage….
“Bhaiya …. Bhaiya” chillate huye bathtub ki or badhi aur shirt ka collar pakdke use bahar khichne ka prayas kiya chuki Aarush ne bathtub ko pakad rakha tha to uski sari mehnat bekar ja rahi thi.
“Bhaiya … please… ” Tanvi rote huye use khichne ki har koshish karti hai par sare prayash bekar the…. Tabhi achanak Aarush apni ankhein khol diya jise dekhkar Tanvi ne darr se apne kadam piche khich liye. Aur fir Aarush bathtub se bahar nikalta hai, body me oxygen kam hone ki vajah se wo ladkhada jata hai to Tanvi ne use sahara diya.
“It was…. intense.” Aarush Tanvi ki or dekha “Tu.. yahan.. kya kar rahi” Aarush lambi lambi sanse le raha tha.
“Aap kamre me chaliye fir batati hu” Tanvi apne ansu pochte huye gusse se boli. Aarush bas use nervous smile deta hai.
“Chhor… mai khud chal sakta hu.” Aarush use side hatata hai, uske kapde gile the to change karne ke liye wo dressing room ki taraf chal deta hai. Wo fir ladkhada jata hai, Tanvi sahara dene ke liye badhati hai to Aarush ishara karke use rok deta hai aur darwaje ka sahara leta hai. Tanvi jakar bistar pe baith jati hai aur thodi der baad Aarush bhi kapde change karke room me aa jata hai aur jakar Tanvi ke bagal baith gaya. Uske baal bade the to wo abhi bhi geele the jise dekhte hi Tanvi uthi aur cupboard se towel le aayi.
“Chaliye neeche baithiye” Tanvi ankhon se ishara karti hai
“Kyu?”
“Baithenge..” Tanvi ne hath pakadke Aarush ko niche baitha diya aur khud bistar par baith ke towel se Aarush ke baal sukhane lagi.
“Care to explain, what was going on?”
“Pehle tu ye bata tujhe ye sab kaise pata chala” Aarush ne sar piche karke Tanvi ko dekha.
“Uski wajah se” Tanvi Aarush ke ungli me pehni huyi ring ki taraf ishara kiya.
“Very clever… matlab tune health monitor karne ke liye birthday gift di thi?”
“Han….. kyunki aap meri jaan nikalte rahte ho…” Tanvi ki awaaz me gussa saaf jhalak raha tha.
“Fir to meri fikar ke karan kayi baar jaan atak gayi hogi.. hai na?” Aarush ne majakiya andaaz me bola.
Tanvi Aarush ke kandhe par ek thappad marti hai
“Ouch..”
“Aapko hamesha majak lagta hai…. Kab se paani ke andar the?”
“4-5 minutes.”
Tanvi ne ankh nikal ke ghura to Aarush ghadi ki taraf dekh ke bola “18-20 minutes I guess.”
“Aapko pata hai na 10 minutes me death ho jati hai… Kahin aap suici…” Tanvi ki awaaz kanpne lagi.
“Pagal hai kya… Suicide wo bhi Aarush Rao…huhh” Aarush smirk karta hai. “Bas dimag jyada daud raha tha to usko oxygenated blood se deprive kar raha tha.”
Tanvi ab samne aakar ghutno ke bal baith jati hai aur Aarush ka chehra dono hatho mein thamkar “Bhaiya kuch to btao aap kis dard se jujh rahe ho please…. Us raat ke bare me kam se kam thoda sa to baat karo.”
Aarush kuch pal ke liye khamosh ho gaya, uski aankhein nam hone lagi lekin khud ko control karke usne Tanvi ka hath apne chehre se hataya “Tu kyu tension le rahi…. Tujhe pata hai na agar tu stressed rahegi to mujhe chain kaise milega”
Aur fir apni ungli se ring utarke Tanvi ke hath me rakh diya “Ye pakad aur chal is room se nikal.”
“Par bhaiya….”
Aarush Tanvi ka sar sehlate huye kahta hai “Tanu mai nahi chahta ki mujhe lekar tu hamesha chintit rahe. To meri pyari behna mujhe lekar khudka blood pressure high na kar. Trust me I won't ever harm myself.”
“Aur chal jakar aram kar” Aarush uthata hai aur jamin pe pade hui cheezo ko table par rakhne lagta haii.
“Bhaiya, can I sleep with you?”
“N..” Aarush mana karne hi wala hota hai ki wo ruk jata hai, wo use chedna chah raha tha…. “Ohh… to meri behan ko apne bhai ke sath sona hai…” aur Tanvi ke karib aa ke uske chehare par ungli ferte huye “aapke boyfriend ko agar pata chal gaya to dear..”
“Pervert…. ” Tanvi majak me Aarush ke pet me kohni marti hai, lekin ab maje leni ki bari Tanvi ki thi to wo Aarush ke gale me apni bahein daal ke uski ankhon me dekhte huye “To aap bataoge Naitik ko, ki hum dono sath soye the.”
Aarush khamosh tha jisase Tanvi uske honthon par chota sa kiss kar leti hai aur uski bahon se nikal kar darwaje ke paas khadi hanste huye bolti hai “Ye bhi bataoge Naitik ko.”
“Tanvi….. ruk tu abhi btata hun..” Aarush gusse se bolta hai aur uski taraf badhta hai ki wahan se Tanvi haste huye bhag jati hai “Bye bhaiya…”
“Ye ladki bhi na … abhi bhi iska bachpana nhi gaya” Aarush khud se bolta hai aur darwaje ko band karta hai tabhi uski najar dustbin me padi huyi files par gayi. Lekin use ignore karke aage badh jata hai fir kuch soch kar wapas muda aur sari files utha kar table par rakh diya… Jab usne ghadi ki taraf time dekha to 5 baj rahe the. Fir usne ek ek kar sari files ko padhna start kar diya.
___________________
Tring…. Tring …… Tring…. Tring
Luv ki neend tut jati hai aur wo side me rakhe huye alarm ko band karke bathroom jakar fresh hota hai aur aaj deal ke liye Bangalore nikalna tha to mirror ke samne khade hokar kapde pehan raha hota hai tabhi uski nazar apne upper body ke upar cuts ke nishan par jati hai aur 2-3 goliyon ke nishan ko apne hatho se mehsus karta hai ki uska darwaja knock hota hai to jaldi se Luv ne shirt ki button band kiya.
“Dad… dad… mujhe aaj school nahi jana.” Ek 5 saal ki masoom si ladki daudate huye Luv ke paas aati hai aur Luv use apni god me uthake pyar karte huye bolta hai
“Kyu nahi jana meri princess ko?”
Tabhi is ghar ki caretaker Lata jo ki karib 50 saal ki thi wo aati hai “Dekho Luv babu aaj Pari jid kar rahi ki school nahi jayegi , bol rahi ki use aaj dad ke sath pura din khelna hai.”
“Aapko pata hai na mujhe office jana hai. Aarush uncle wait kar rahe honge.” Luv ne Pari ko manate huye bola, uska chehra utar gaya tha.
“Aap Aarush uncle se itne rich ho fir bhi unke liye kaam kar rahe ho.” Pari muh banate huye bolti hai.
“Kyuki aapke dad ko kaam karna pasand hai” Lata ne bola
“Mera bacha zid nahi karte na. School jaogi tabhi to padh likh kar scientist banogi aur waise bhi kal sunday hai to pura time aapke sath hi rahunga.”
“Hmm..” Pari ne udas sa chehra bana liya.
“Ab jake ready ho jao nahi to school ke liye late ho jayega.” Luv Pari ko apni god se utar diya aur Lata se kaha “Aunty khayal rakhna iska” jispar Lata ne han me sar hilaya. Aur kuch hi der me Luv bhi nikal jata hai.
________________________
Rao Enterprises ki general meeting shuru hone wali thi.
{
Rao Enterprises - Founded by Harshvardhan and Savitri
Valuation - 5 Billion Dollar.
Chairman - Harshvardhan Rao.
President - Anupam Rao.
Vice president - Atul Rao.
Stakeholders :
60% shares Rao family ke paas hain.
13% - Harshvardhan Rao; lekin 10% shares Rao trust ko belong karte hai par abhi bhi 39% voting rights Harshvardhan ke paas hi hai.
Sabhi bhaiyon ke family ke paas 15-15% shares hai.
[ Anant Rao’s Family
15% - Aarush Rao - Anant Rao ne apne shares apni beti Aditi ko transfer kar diye the, fir baad me jab Aarush ne company join ki to Aditi ne sare 10% shares Aarush ko transfer kar diye.]
[Anupam Rao’s Family.
5% - Anupam Rao; 5% - Ritik Rao; 5% - Tanvi Rao]
2% - Nikita Rao
[Atul Rao’s Family
10% - Atul Rao, 5% - Kavita Rao]
5% - Manoj Gupta -Age 34 years. Inke pita is company ke early investor the aur inhone apni MBA wharton university se ki hai. Kafi samay tak The Palace ke MD the. Ab board of directors me se ek hain.
Baki ke 35% kayi sare investors ke paas the.
}
Bade se room ke andar kafi sare log baithe huye the, sab apas me khusur pusur kar rahe the tabhi gate khulta hai aur sabhi log apni chair se uthkar khade ho jate hai. Kamare me Harshvardhan ke sath Keshav aur Anupam dakhil hote hai. Baki ke board members aur kayi sare investors aa chuke the shivay Aarush ke. Harshvardhan jakar apni kursi me baith gaye aur sabhi apni seat le lete hain. Meeting start hoti hai kayi sare agenda pesh hote hain. Kuch accept hote hai to kuch reject.
Fir baat shuru hone wali thi The Palace par. The Palace pichle 3 saal se nuksan jhel raha tha aur pichle quarter uska nuksan company ke baki subsidiary ke profit ko chat kar gaya. Is topic ki shuruat Manoj karte hain, unhone The palace ko ek nayi uchaiyon tak pahuchaya tha, baad me MD ki position Ritik ko de di gayi. Manoj ko is baat se koyi bhi narazagi nahi thi lekin The Palace ka is tarah se girna unke liye dukhad tha.
“Mr. Ritik aapke in losses ko lekar kya excuses hain” Manoj 2 report file, ek chairman aur ek ritik ki taraf fekate hain.
Harshvardhan report ko dhyan se padhte hain aur wo bahut sari aisi cheeze observe karte hai jo unhe bahut khatakti hain.
“Abhi market down chal raha, to logo ke paas paise kam hai kharch karne ke liye. Aur dusri baat hamare hotel ki services bahut costly hain aur common logo ke liye accessible nahi hai.” Ritik jawab deta hai.
“Par jahan tak mai dekh sakta hun premium hotel sector India me kafi teji se badh raha recession ke bawjood, to loss hone ka ye karan to nahi ho sakta.” Manoj ki awaj me frustration saaf jhalak rahi thi.
“Dekhiye Mr. Manoj aap board of director isliye aap ki respect karta hun, to aap hame hamara kaam hamare hisab se karne dijiye”
Tabhi Harshvardhan report ko teji se table par patkate hain.
“Ritik tum The Palace ke MD ho to sabhi sawalo ke jawab tumhe hi dene padenge. Tum ham sabhi ko ye batao ki The Palace ko wapas profitable kaise banaoge.”
“Hame hotel ke expenditure me katauti karni padegi aur staff ko kam karna padega.” Ritik ne jawab diya. Baki ke kuch investors bhi agree kar rahe the.
Tabhi Ritik ki biwi Nikita bol padti hai.
“The Palace hotel pure desh me apni services ke liye famous hai aur agar ham use hi degrade kar denge to ye na kewal The Palace ke liye nuksandayak balki Rao enterprises ko bhi effect karega. Shayad aap is position ko hold karne ke liye eligible hi nahi hai”
Ritik ko apni biwi ke upar bahut gussa aa rha tha par wo kuch kar nhi sakta tha. To Atul Rao ne bich me tokate huye bola “Loss ke liye Ritik nahi balki employees jimmedar hai aur hame samay ke sath apni strategy bhi change karni chahiye. Mai Ritik ki baat se puri tarah sahmat hu.”
“Lekin ye strategy flawed hai aur rahi baat” Nikita ki baat Anupam ne katate huye bola
“Tanvi iska financial impact kya hoga”
“Short term me ham losses ko cut to kar denge shayad profit bhi generate kar de lekin long term me shayad ye hamare liye faydemand na ho.” Tanvi ne jawab diya.
Harshvardhan ne kuch sochne ke baad apni baat rakhi.
“Ritik tumhare paas 3 mahine aur hain, agar koyi badi improvement nahi dikhi to hame drastic steps lene honege.”
Ritik kewal unki baat se han milata hai. Aarush ke is meeting se miss hone ke karan kafi log naraz the to isi baat ka fayda uthate huye Atul bol padta hai.
“To Aarush fir se is meeting me unupasthit hai. Ham logo ne use kafi chhut de rakhi hai. We need to take some strict actions on him.”
“Aarush ek deal ke liye bangalore gaye huye hain. Iski information unhone pahle hi de di thi” Keshav, Harshvardhan ke secretary ne bataya.
To Anupam bolte hain “Wo is meeting me ho ya na ho hame isase koyi matlab nahi bas apna kaam dhang se kare. Tanvi, Aarush ke departments ki kya reports hai.”
“He is doing really well. Pichle saal se revenue 74% aur profit 58% badha hai. Aur pichle quarter revenue 110% aur profit 94% badha hai. I think these numbers are quite impressive.”
In numbers ko sunkar sabhi board members kafi impress ho jate bas kuch ko chorkar, is baat pe Manoj bolte hain
“Mr. Chairman mujhe lagta hai Aarush ko hame aur power deni chahiye usne dusri subsidiary ko matra 2 saal me hi kayi guna badha diya hai.”
To bich me Nikita bol padti hai “Aarush bhale hi company me kafi profit generate kar rahe par unke kaam karne ka tarika bilkul sahi nahi hai. Kafi employees ki complain hai ki unke under unpar kafi pressure rahta hai. I think we need to do something about his department’s work culture. Ye employees ke liye toxic hota ja raha hai.”
To ek investor bol padta hai “Mrs Nikita aap lucky hai ki Mr. Aarush aaj meeting attend nahi kar rahe.”
Ispar Nikita jawab deti hai “sawal karna hamara kaam hai agar ham sawal nahi karenge to kaun karega aur rahi baat Aarush ki to wo koyi Mr. Perfect nahi unme bhi bahut kamiya hain.”
Anupam ne dekha mahual bigad raha to unhone ne bolla “Agar meeting me aaj ke liye koyi aur mudda na ho to is meeting ko over kiya jata hai.”
________________
T-Mobile Headquarters,
Bangalore
Building ke niche ek Audi A8 aakar rukti hai usase 2 sakhs utarte ha. Jaise hi wo gate andar entry karte hai sabhi logo ki nazar unpe jati hai. Vo koi aur nahi balki Aarush aur Luv the. Luv ke hath me ek file thi. Sabhi log aapas me khusurfusur karne lagte hai to wahin ladkiyan unpar dore dalne lagti hai fir chahe kuwari ho ya shadishuda.
Unme se ek receptionist apni colleague se kahti hai “Yaar wo navy suit wala kitna hot hai. Isake samane to sare superstar feeke hain..”
Tabhi dusri wali bolti hai “wo file wala bhi kam nhi hai.”
“Ek second wo navy wala Aarush Rao hai na.” dusri wali ne gaur se dekhte huye bola.
“Are han… wow real life mein aur bhi jyada hot dikhta hai”
“Chup chup… wo file wala idhar hi aa rha.” Dusari wali ne Luv ko apni taraf aate huye dekha to chup karane lagi.
“Hi… Sima. We have an appointment with Miss Kavya today. We are from Rao enterprises.”
“Ohh… han …. But aapko mera naam kaise pata hai.”
Luv Sima ke nameplate ki taraf ishara karke muskara deta hai.. Jiske karan Sima bhi blush kar deti hai.
Sima ek ladke ko bulati hai aur kahti hai Kavya mam ka office dikha de. Aarush waiting room ke sofe par baithkar kisi se baat kar raha tha, itni der me Luv us ladke ke sath aa jata hai aur wo teeno Kavya ke office ki taraf nikal padte hain.
Kavya T-Mobile ki CEO hai. Is company ko khule huye kuch hi saal huye hai. Iske pichle launch kiye huye phone flop ho gaya jis karan se, T-Mobile ke stakeholders ne phone ki designing aur advertising ke liye Rao Enterprises ko hire krne ka decision banaya kyuki pichle 2 saal se Rao Enterprises ka design and advertising department pure desh me bahut mashoor ho gaya tha.
“Mam, Mr. Rao aa chuke hain” Ladka Kavya ke office ke andar jakar Kavya ko inform karta hai. Aarush aur Luv bhi room ke andar dakhil hote hain.
Kavya ek young aur behad hi khubsurat ladki hai, aur kafi jyada hoshiyar bhi
“Ohh Mr. Rao aapko dekhne ke liye aankhe taras gayi…. Baithiye” Kavya samne rakhe sofe ki taraf ishara karti hai.
“Kafi suna hai aapke bare me, aap ankhon ke samne vakayi kafi jyada hot hai” kahte huye kavya ne aankh maar di.
“Miss Kavya, hame business ke bare me discuss kar lena chahiye. Ye kaam managers bhi kar sakte the par aapne milne ke liye jid kiya?” Luv ne narazaki jatate huye kaha.
“Ohh aap jarur Luv honge. Aap bhi kafi cute ho. Aur rahi baat bulane ki to agar aap logo yahan nhi bulati to mulakat kaise hoti…. Especially Mr. Aarush se” Kavya Aarush ki taraf akhiri me dekhte huye boli.
To ispar Luv jawab deta hai “I see… par mujhe lagta hai Mr. Aarush ko business me jyada dilchaspi hai.”
“Achha.. itni haseen ladki jab samne ho to bhi business ki baate… so boring” Kavya uthati hai aur 3 glass me vine dalti hai… fir Luv aur Aarush ko glass thamati hai… aur jab Aarush ke hath me glass deti hai to dhire se uske hathon ko sehla deti hai jisase Aarush Kavya ki ankhon me dekhna lagta aur Kavya muskura deti hai.
“You know Aarush agar sirf business ke liye bas bulaya hota to ye kaam kewal ek contract bhej kar kiya ja sakta tha.” Aur kavya fir jakar baith jati hai.
“And for your kind information Miss Kavya” Aarush ek vine ki sip leta hai aur fir Kavya ki taraf dekhta hai “My time is valuable. Each minute is quite expensive.”
“Uff… aisi hi baato pe hi to shayad aap pe ladkiyan fida hain.”
To bich me Luv tokate huye bolta hai “Mujhe lagta hai ab kaam ki baat kar li jaye.”
“You are no fun Luv.” kavya muh banate huye bolti hai.
Aur fir Luv mobile ki designs explain karta hai aur kaise advertising handle karenge ye explain karta hai. Karib 1 ghante beet chuke the.
“Impressive indeed.” Kavya tarif bhare lahje se bolti hai. “Ab mujhe 40 million dollars ki deal faydemand lag rahi hai.”
To Aarush uthata hai aur samne rakhe huye bookshelf se ek book nikalte huye kehta hai “As I earlier said, each minute is quite expensive. Isliye ab deal me thoda sa change hai. Now it's 50 million dollars.”
“You must be joking right?”
“No, absolutely not. Aap ye deal ek mahine phle hi close kar sakti thi but aapne apna aur mera time waste kiya … sath hi sath hame yahan tak bulaya. It's a fair price for that.” Aarush book ko wapas shelf me rakh deta hai.
“Maine to aap logo ko isliye bulaya taki thoda jaan pehchan ho aur dosti badhe.” Kavya Luv ki taraf dekhti hai.
To Luv bolta hai “Miss Kavya, sir ko unka koyi time waste kare ye bilkul pasand nahi hai.”
“Everything is valuable Miss Kavya, so never take things for granted.” Aarush book shelf pe tik ke bolta hai.
“Agar aap aise karenge to ham kisi dusre firm ko hire kar lenge” Kavya deal se pullout karne ki dhamki deti hai.
“You can try. But aap khud se puch ke dekho ki baaki log aapko profit generate karwa payenge bhi ya nhi. We are promising you a revenue of at least 250 million dollars, half of your company's valuation.” Aarush bolta hai.
“Isiliye to bol rahi hu 40 million dollars. 10 million dollars extra faltu me le rahe hain.” Kavya plead karti hai.
“Everything has a price, Kavya. I won't make you an exception” Aur Aarush Luv ki taraf ishara karta hai. To Luv contracts paper ko khol ke Kavya ke samne sign karne ke liye rakh deta hai.
“40 million dollars please?” Kavya cute sa muh banati hai.
Aarush Kavya ki table ke paas aa jata hai “Tumhe stakeholders ka darr hai” to Kavya han me sar hilati hai. “Don’t worry dear, sabse pahle unhe hi bataya hai and they have accepted. To ab tumpe hai accept karna hai ya nhi. You know, each minute has some price.”
To Kavya udas mann se sign karti hai aur file Luv ko handover kar deti hai. Jise wo check karta hai aur sab thik hone ka ishara Aarush ko kiya.
Aarush Kavya ko dekhta hai to wo uska chehra murjhaya huya tha. To Aarush Kavya ka vine glass uthakar use thamate huye kahta hai…
“Ab itna bhi udas mat ho… we will also handle PR….… for free.”
“Really?…” Kavya ka chehra khil uthata hai aur Aarush han me sar hilata hai…
Fir Kavya apne chehre par muskan ke sath boli “Aarush jii aapse ek baat kehni thi.”
“Han bolo.”
“Marry me. We will run this company together.” Kavya majakiya andaz me bolti hai jiske karan Luv ki hasi chhut jati hai par Aarush abhi bhi serious tha aur jakar kavya ke samne table par baith jata hai aur uska chehra apni taraf uthakar kehta hai
“Thank you for your proposal, Miss Kavya. But it doesn't excite me, even a bit.” Aarush uthakar chalne lagta hai par ruk kar muskurate huye bolta hai “Lekin agar Luv karna chahe to kar sakta hai.”
“Are sir mai beech me kahan se aa gaya.”
“Stop making fun of me.. warna abhi contract cancel kar dungi.” Kavya jhutha gussa dikhate huye boli.
“Uske liye bhi price hai Kavya.” Aarush akhiri shabd bolte huye Luv ke sath bahar nikal jata hai.
Aur fir Kavya ki secretary andar aati hai aur puchati hain “Mam deal huyi kya aur Mr. Rao kaise vyakti hai”
“Hmm deal to ho gyi … aur rahi baat Mr. Rao ki to” Kavya kuch pal sochti hai “He is a very fascinating person.”
“Kahin pyar to nahi ho gya mam?” secretary chedte huye puchti hai.
“Jao apna kaam karo.”
Secretary haste huye room se nikal jati hai aur kavya ke gaal puri tarah laal ho chuke the.
Car ke andar Luv Aarush ko puchta hai “Sir maine expect nhi kiya tha ki aap sach me 50 million dollars quote karenge.”
“Use aur uski company ke liye PR bhi chahiye.”
“Matlab aap itne heartless bhi nhi ho”
“What did you say?”
“Nothing sir” Luv haste huye bola aur fir driver ko airport ki taraf chalne ke liye kaha.
_______________________
Raat ke 10 baje ke karib Jay Saxena apne room me jane ke liye darwaja kholne laga lekin wo pahle se hi khula tha, use kamre ke andar kisi ke hone ka sandeh hone laga. Wo kamre me aakar light chalu kiya to dekhta hai uski chair me koi baitha hua tha, aur chechra dusri taraf tha.
“Kaun hai wahan” Saxena ki awaaz me ghabrahat thi. To kursi par baitha huya shakhs Saxena ki taraf ghuma.
“Kaun ho tum aur yahan kaise aaye” Saxena ko ab darr bhi lagne laga us shakhs ke chehare par mask tha “Security… Security” Saxena awaj deta hai.
“Saxena.. Saxena… You have crossed the line, which you shouldn't have” Us shakhs ne bade hi aram se bola.
“Kaun ho tum.”
Shakhs ne gun nikal kar table par rakh di jispar silencer laga hua tha aur uthkar bola “You need few lessons. So I thought to give you some.” aur uthkar Saxena ki taraf chal diya.
To be continued....
- 113
- 284
- 64
Update 3
4th update post kar diya hai guys.
Check it out.
