Fantasy God and Devil

[Sandy307]

पिछले किसी अपडेट में आपने उसे 30 लेवल का बताया था भाई

Itna Yaad To Nahi Lekin Ye Scene Jarur Ayea Tha Ki Jab Akash Level 30 Par Ponch Jaye Ga To Uske Keya Benefit Mile Ga.

 

[Sandy307]

Aa gya mai bhaya...

Ju Aya Aur Apnu Gayab Ho Gaya, Ab Apun Aya Hai Aur Ju Gayab Hoga

 

[Sandy307]

Awesome update bhai waiting for next update

Thanks For The Lovely Comment Bhai
Keep Reading
Keep Supporting

 

[Sandy307]

Awesome

Update

Thanks For The Lovely Comment Bro
Keep Reading
Keep Supporting

 

[DeepHeart💘]

Sandy bhai waiting for the update

 

[Sanki Rajput]

Apnu Ne Kab Kaha Ju Bada Bada Rebu De, Rebu Chahe Chote De Lekin De Lagataar, Jo Nahi Pasand Ata Uske Bare Mein Bi Batane Ka Tabi To Pata Chale Ga Ki Keya Kami Hai Aur Us Kami Ko Kese Sudhara Jaye.

Naa maine jitni bhi stories par reviews abhi tak di hai unme maine stories ki khamiya kabhi na nikalta kyuki mai jaldi unhi stories par jata hu jo mughe pasand aati hai aur jinke scenes mughe bohot pasand aate hai aur ye sabko pata hoga hi ki mai 3-4 hi stories par jyada active rahta hu aur apan hamesha story me chupe writers ki feelings yaa har scenes ko hi jyada tar review me pointout krta hu kyuki meko wahi chis unn stories me pasand aati hai bas simple.


Waise abse koshish ki jayegi har update ar revo dene ki par sayad bohot mushkil hoga wo

 

[Sandy307]

Bohot hi intresting laga ye pura update,khaskar Wb ka har scenes jis trah se iss Update me raha wo ektarfa defence tha to ektrfa attack bhi tha but wo bhi ektarah se defensive hi tha sirf ek scene ko chor kar jo last me raha jab akash ne usse order diya tha khair aage dekhna dilchasp hoga ye scene......

Khass kar mughe iss pure Update me WB ke scenes jyada ache lage auro ke mukable aur last me jis tarah WB ki axe gate ko todte hue akash ki jo entry thi wo ossm tha khair ab Ice king to bachne se raha iski maut to fix hai but kya pata isme bhi kuch twist khair ab aate uss assasian par to uski skill bohot amazing thi khaskar uski shooting ability wo to alag hi level tha agar maan lo usse shooting se related innate high skill agar mil jati to kya scene hota wo to imagine me hi epic scene bban jata well z-age me insaniyat aur manawta ki bhaav rakhe abhi bhi kuch insaan sayad hai ye iss Update me prove ho gaya Arun ke madhyam se lajmi hai 9 anath bacho ko ektarah se apne saath rakhna unki food aur shelter ka dekhbal Krna wo bhi z-age me ye bohot intresting aur exciting scene tha iss Update ka.

KHair unn teen chutiyo ke baare me kuch na bolna saale gaand maraye wo......Lekin ek aur fact ki ju ki ye chis bohot amazing hoti ki ju har charecters ke scene ko kane yaa start krne se pahle hi jis tarah se unke baare me information yaa kaho to unka background life direction short me jis tarah se dikha dete ho wo bohot amazing ho jata hai jo story me aur bhi feel daal deta hai aur read krne ke liye intrest sa laa deta hai jo bohot amazing hota.......Keep it up brother and keep going in as like this !!

Thanks For Such A Lovely Review Bhai

Wb To Khass Hai To Uska Scene Bi Khass Hi Hoga.

Apni Tarf Se Puri Kosis Hai Ki Story Sabko Pasand Aye.

Keep Reading
Keep Supporting

 

[Sandy307]

Dhasssu updates

Thanks For The Lovely Comment Bro
Keep Reading
Keep Supporting

 

[Sandy307]

nice1

Thanks For The Lovely Comment Bro
Keep Reading
Keep Supporting

 

[Sandy307]

Update 63
Mutant Rat​

“Wb Hamla Karo!” Rahul Ko Bhagte Dekh Maine Apne Pass Khade Wb Ko Adesh Diya.

Wb Adesh Milte Hi Turant Apni Axe Pakde Rahul Ke Piche Daud Pada.

Ab Aage

Ye Sunishchit Karne Ke Liye Ki Vo Apni Unique Ability Ice Manipulation Ka Pura Laabh Utha Sake Vo Har Baar Level Badne Par Milne Vale Stats Points Ko Stamin Aur Spirit Mein Aad Kar Deta Tha, Uske Baki Stats Average Hai Aur Vo Sirf Usne Jin System Equipment Ko Ekatha Kiya Tha Unki Vaja Se Hi Kuch Bade Huye Hai, Is Liye Ye Koyi Hairaan Karne Vali Baat Nahi Hai Ki Uski Raftaar Wb Se Kam Hai, Jese Hi Vo Kamre Ki Window Ke Pass Ponch Vaha Se Kud Kar Bhagne Vala Tha Wb Uske Pass Ponch Gaya Aur Usne Apni Vishal Axe Se Rahul Vaar Kar Diya.

Rahul Ne Apna Hath Hawa Mein Ghumya Aur Apni Ungli Mein Pehni Huyi Ice Jade Ring Ki Special Skill Ko Turant Suru Kar Diya, Skill Suru Karte Hi Uske Samne Hawa Mein Ek Ice Magic Array Ban Gaya Aur Us Se Ek Ice Cone Nikal Wb Se Ja Takraya, Ice Cone Ke Impact Ne Wb Ko Kuch Meters Tak Hawa Mein Uda Kar Piche Fenk Diya, Sath Hi Wb Ke Sarir Mein Jamne Ke Lakshan Dikhayi Dene Lage Uske Sarir Ko Barf Ki Palti Prat Ne Dhakna Suru Kar Diya, Sabse Buri Baat To Ye Thi Ki Ice Cone Uski Chati Ke Area Ko Chir Kar Ander Ghus Gaya, Jis Vaja Se Uski Sarir Par Majud Armor Aur Uski Chati Ki Hadiyo Mein Kayi Cracks Najar Aney Lage.

Wb Ko Vapis Dhakelne Mein Kamyab Hone Ke Baad Rahul Turant Window Se Niche Kud Gaya, Usne System Ki Kayi Items Ko Pehna Huya Tha Aur Un Items Se Bade Stats Ki Vaja Se Tisari Manji Se Kudne Par Bi Uske Koyi Chot Nahi Ayi.

Rahul Abi Window Se Kudne Ke Baad Bhag Kar Kuch Hi Dur Poncha Tha Ki Akash Ek Vishal Type 40 Grenade Launcher Ko Pakde Khidki Ke Pass Aa Khada Huya, Usne Rahul Par Aim Karte Huye Usper Grenade Dhaag Diya.

“Fuck!!” Rahul Ne Jab Akash Ko Type 40 Grenade Launcher Se Fire Karte Dekha To Uske Cehre Se Sabi Rang Udd Gaye Aur Uska Dil Kanp Utha, Rahul Ko Ye Samj Nahi Aa Raha Tha Ki Akash Qing City Ke Survival Base Mein Itne Heavy Weapons Kese Le Ayea, Yaha Tak Uske Pass Bi Eysa Koyo Hatiyar Nahi Hai, Is Tarha Ke Hatiyar Chalne Ki Anumati Sirf Military Ke Uch Star Ke Adhikarion Ke Pass Hai, Eyse Hatiyar Bohot Vinashkari Hai, Grenade Launcher Se Fire Huye Ek Grenade Armored Camp Ki Dhajiya Uda Sakta Hai.

Rahul Ne Rocket Se Bachne Ke Liye Apne Sare Stamina Aur Spirit Ka Istemal Karte Huye Apne Charo Tarf Ek Barf Ki Diwar Bana Li.

Kan Faad Dene Vale ‘boom’ Sound Ke Sath Rocket Grenade Ice Wall Se Takrate Hi Turant Phat Gaya, Grenade Phatte Hi Us Jagha Ko Aag Aur Dhuaen Ki Lapto Ne Apni Chapet Mein Le Liya, Vishfhot Ki Vaja De Ye Dekh Pana Muskil Tha Ki Rahul Bach Payea Ya Nahi.

Kuch Pal Baad Jab Dhuaan Puri Tarha Chhant Gaya, Ek Kala Jala Huya Sarir Jamin Par Girta Huya Najar Ayea, Vo Sarir Jo Ab Lash Ban Chuka Tha Vo Rahul Ka Tha Jo Grenade Ki Vaja Se Jinda Bhoon Gaya Tha.

Rahul Apni Ice Manipulation Skill Ki Vaja Se 12.7 Mm Vali Heavy Machine Gun Ki Bochaar Se Ice Diwar Bana Ke Bachne Mein Kamyab Ho Gaya Tha Lekin Uski Defensive Skill Limit Yaha Tak Hi Thi, Type 40 Grenade Launcher Jese Yudh Ke Shaktishali Hatiyar Ka Samna Karne Ki Samta Uske Duvara Banayi Gayi Ice Wall Mein Bilkul Nahi Thi.

Ye Sach Hai Ki Evolver's Bohot Shaktishali Hai Aur Unke Pass Superhuman Takat Hai, Lekin Manav Jati Ke Sabse Beast Aur Pratibhashali Dimag Ka Upyog Karke Vikshit Kiye Gaye Yudh Ke Hatiyar Kisi Bi Tarha Se Evolver's Se Kam Nahi Hai, Isi Karan Ki Vaja Se Qing City Ke Survival Base Ke Ander Sabse Mujbut Power 4 Shaktishali Evolver's Nahi(Jinme Se Ice King Rahul Bi Ek Tha), Lekin Military Hai Jinke Pass Yudh Ladne Ka Anubhav Hai.

Beshak Rahul Ki Skill Bohot Takatvar Thi Lekin Is Pehle Ki Usey Apni Skills Ka Puri Tarha Upyog Karne Ka Moka Milta Akash Ne Yudh Ke Hathiyaron Ka Chaturta Se Upyog Karte Huye Usey Maar Giraya.

Rahul Ke Sarir Mein Koyi Halchal Na Dekh Main Window Se Kud Kar Niche Ayea Aur Uske Sarir Ke Pass Ja Kar Uske Sarir Ko Check Karne Laga Ye Dekhne Ke Liye Ki Mujey Uske Sarir Se Koyi System Equipment Mil Sakta Hai Ke Nahi, Lekin Is Baar Meri Kismat Itni Aachi Nahi Thi, Rahul Ne Jo Items Pehni Thi Grenade Launch Ki Vaja Se Unki Durability Puri Tarha Khatam Ho Chuki Thi, Lekin Sabi Item Nast Nahi Huyi, Rahul Ki Ungli Par Pehni Huyi Ice Jade Ring Kisi Tarha Vishfhoot Se Bach Gayi Aur Tuti Nahi.

“Level 3 Treasure: Ice Jade Ring. Isko Pehnte Hi User Ko 6 Spirit Point Milte Hai, Sath Hi Iski Special Ability Ke Tehat: Ek Din Mein Ye Ek Ice Cone Banati Hai Jo Ring Ki Special Storage Mein Apne Ap Save Ho Jata Hai, Ring Ki Ability Se Bane Ice Cone Ke Elava Ring Ki Storage Mein Aur Kuch Nahi Rakha Ja Sakta.”

Maine Turant Ice Jade Ring Ko Pehan Liya, Mere Liye Bi Spirit Ka Bohot Important Hai.

Rahul Ke Marne Ke Baad Ice King Ke Aadmiyo Ko Adesh Dene Vala Koyi Nahi Raha, Priya, Aman, Arun, Bali Etc Jese Evolver's Ke Hamle Ke Tehat Ice King Ke Jin Aadmiyo Ne Surrender Karne Se Inkar Kiya Uney Usi Vakt Khatam Kar Diya Gaya.

Jab Ice King Group Ke Dusare Shaktishali Vyakti Deepak Ne Dekha Ki Sabkuch Bigad Chuka Hai To Vo Turant Vaha Se Bhag Gaya.

Kuch Samey Baad Ice King Ke Jin Aadmiyo Ne Surrender Kar Diya, Akash Ke Sathi Unko Bandi Bana Kar Ek Ek Karke Villa Ke Bahar Lejane Lage, Aadmiyo Ke Elava Villa Ke Ander Badi Matra Mein Bhojan Aur 10 Ke Aas Pass Mahilaen Bi Mili.

Villa Ko Khali Karne Ke Baad Akash Ka Group Bandiyo Aur Mahilaon Ke Sath Apne Camp Ki Tarf Chal Diye.

Unke Vapis Apne Camp Ki Tarf Lout Te Vakt Vaha Se Gujar Rahe Police Valo Aur Sainikon Ki Najar Un Par Pad Jati, Lekin Un Sabko Pehle Hi Uper Se Nirdesh Mil Chuke Thay Ki Uno Ne Eyse React Karna Hai Ki Jese Uno Ne Kuch Dekha Hi Na Ho, Chahe Uper Se Uney Nirdesh Na Bi Mile Hote To Bi Unki Akash Ke Group Ko Rokne Ki Koyi Mansa Nahi Thi Aur Na Vo Khunkhar Dikhne Vale Aadmiyo Se Bheedna Chahte Thay.

Ice King Ki Hatya Ki Khabar Jald Hi Pure Base Mein Fail Gayi, Ice King Ka Group Asal Mein Ek Evil Group Tha Jisne Kayi Logo Ka Jina Dubar Kar Rakha Tha, Ye Jan Kar Ki Ice King Mara Gaya Vo Sabi Khushi Se Jhum Uthey, Nirasha Se Bhare Mahol Mein Uney Khushi Ke Kuch Pal Mil Gaye.

Lekin Base Mein Jo Baki Group Thay Unka Attitude Alag Tha, Unko Akash Ki Takat Se Dar Lagne Laga Tha, Chahe Kuch Bi Ho Base Mein Ice King Ka Group Kafi Takatvar Tha, Aur Akash Ne Eyse Group Ko Ek Raat Mein Hi Khatam Kar Diya Ye Jan Kar Vo Sab Ander Tak Hil Chuke Thay.

Raat Kafi Ho Chuki Thi Jiski Vaja Se Akash Aur Uska Group Camp Mein Aney Ke Baad Sone Chale Gaye, Group Ke Kuch Member Ko Nigrani Kar Rahe Thay Bs Vahi Jag Rahe Thay.

Agle Din Subha Gagan Ne Akash Ko Apne Pass Bulaya.

Jab Akash Gagan Ke Samne Poncha To Gagan Akash Ki Tarf Bina Kisi Expression Ke Dekhte Huye Bola: “Vo Sab Karne Ki Keya Jarurt Thi?”

Main Spast Roop Se Bola: “Ice King Group Ne Do Baar Mujey Maarne Ke Liye Logo Ko Bheja Tha Aur Sath Hi Mujey Un Chijo Ke Liye Fasane Ki Kosis Ki Jo Maine Nahi Ki, Itna Sab Hone Ke Baad Kya Main Hath Par Hath Dhare Betha Rehta?”

Gagan Ne Poker Face Ke Sath Akash Ko Gur Ke Dekha, Uske Cehre Ke Hayo Bayo Ko Dekh Ye Andaja Laga Pana Muskil Tha Ki Uske Mind Mein Keya Chal Raha Hai, Ek Pal Rukne Ke Baad Gagan Fir Bola: “Fir Bi Tume Is Bare Mein Report Karni Chahiye Thi, Tume Hame Batana Chahiye Tha Ki Tumhare Sath Keya Huya, Ham Nischit Roop Se Kisi Ko Action Lene Ke Liye Bhejte Lekin Tumne Bina Kisi Ko Kuch Bataye Ice King Rahul Ko Maar Diya, Tum Is Musibat Ko Kese Suljao Ge?”

Maine Muskurate Huye Gagan Ki Tarf Dekha Aur Bola: “Mujey Ice King Ke Pass Se 30 Ton Food Mila Hai, Main Tume Adha De Sakta Hun!”

“20 Ton!” Bolne Ke Baad Gagan Ne Apne Cehre Ke Hayo Bayo Ko Relax Kar Liya, Asal Mein Usey Ice King Group Ki Koyi Parvah Nahi Thi, Jehrile Cancer Group Ke Nast Hone Se Usey Koyi Fark Nahi Padne Vala Tha, Lekin Usey Jo Chahiye Tha Vo Tha Ice King Ke Pass Majud Food, 20 Ton Food Ko Agar Gruel Mein Tabdil Kiya Jaye To Iski Madad Se 2000 Logo Ko Vo 1 Ya 2 Mahine Ke Liye Khana Pardhan Kar Sakta Hai, Usne Akash Ko Isi Liye Bulaya Tha Ki Vo Akash Se Ice King Ke Pass Se Mile Food Se Kuch Hissa Mang Sake.

Main Uski Demand Par Sehmat Hote Huye Boka: “Mujey Manjur Hai!”

Akash Ke Han Bolne Ke Naad Gagan Akash Se Serious Hote Huye Bola: “Kal Jo Huya Uske Bare Mein Main Koyi Baat Nahi Karu Ga Lekin Main Nahi Chahta Ki Tum Eysa Kuch Dubara Karo, Agar Eysa Dubara Huya To Main Tume Itni Asani Se Naho Chodu Ga.”

Agar Akash Law Ki Parvah Kiye Bina Eyse Hi Bartav Karta Raha, Gagan Shanti Se Nahi Bethe Ga, Fir Chahe Akash Ke Nishane Par Qing City Ke Ghatiya Logo Ko Hi Kyon Na Ho.

Maine Usey Bina Koyi Promise Kiye Bola: “Agar Koyi Mujey Maarne Ki Kosis Nahi Kare Ga To Nishchit Roop Se Main Khud Koyi Musibat Khadi Nahi Karu Ga.”

Gagan Ne Akash Ka Javab Sun Ne Baad Uski Tarf Ghur Ke Dekha Lekin Bola Kuch Nahi, Usey Bi Pata Tha Ki Akash Ko Control Mein Rakhna Itna Asan Nahi Hai.

Kuch Pal Sochne Ke Baad Gagan Ne Eyebrow Uthate Huye Pucha: “Granary Par Raid Ke Sambandh Mein Tumhari Teyari Kesi Chal Rahi Hai?”

Me: “Meri Teyar Lagbhag Puri Ho Chuki Hai.”

Is Mude Par Kuch Der Aur Charcha Karne Ke Baad Akash Vaha Se Vapis Apne Camp Ki Tarf Chal Diya.

Agle Do Dina Mein Kuch Khass Nahi Huya Bs Akash Ke Aadmiyo Ne Sabi Logo Ko Stone House Village Mein Poncha Diya, Jinme Sham Aur Rahul Ke Villa Se Mili Mahilaen, Arun Ke 9 Bache, Ice King Ke Aadmi Aur Jin Aadmiyo Ko Stone House Village Mein Kam Karne Ke Liye Aman Ne Bharti Kiya Tha.

Granary Par Raid Vale Din Akash Ke Base Se 1 IFV, 5 Military Jeeps Jinper Guns Lagi Huyi Thi, 2 Trucks, 5 Hummers Aur 2 Fire Trucks Bheje Gaye.

Qing City Ke Base Ki Military Se 1 IFV, 4 Bade Truck, 6 Military Jeeps Jinper Guns Lagi Huyi Thi, 6 Jeeps Aur 3 Ambulance Bheji Gayi.

Military Ke Elava Base Ke Baki Group Ne Bi Ek Jut Ho Kar Apni Apni Tarf Se Kuch Log Bheje.

Qing City Ke Faisalo Par Nirny Lene Vale Is Mission Ko Bohot Mahatavpuran Samjte Hai, Jis Vaja Se Military Ne Base Ke Sabi Groups Se Ye Vada Kiya Ki Agar Vo Sab Granary Par Hamla Karne Mein Unki Madad Kare Ge To Vaha Se Milne Vale Food Mein Se Inam Ke Roop Mein Uney Kuch Hissa Diya Jaye Ga.

Z-Age Ke Baad Food Sabse Mahatavpuran Chij Ban Chuka Hai, Agar Kisi Group Ke Pass Food Hai To Log Us Food Ke Liye Unke Sath Kam Karne Ke Liye Teyar Ho Jaye Ge, Jada Log Matlab Jada Power, Isi Vaja Se Base Ke Sabi Groups Food Supplies Ka Kuch Hissa Pane Ke Liye Military Ki Madad Karne Ke Liye Raji Ho Gaye, Sath Hi Military Aur Akash Ke Aadmi Front Line Par Reh Kar Ladayi Kare Ge Jiski Vaja Se Unko Jada Mehnat Nahi Karne Pade Gi Aur Unke Aadmiyo Ki Jaan Jane Ka Khatra Bi Kafi Kam Hoga, Aur Eysa Risk Uthane Ke Liye Vo Sabi Teyar Hai.

Jese Hi Mission Ko Suru Karne Ka Samey Ho Gaya, Sabi Gadiya Shang City Ki Granary Ki Tarf Chal Padi.

Shang City Ki Tarf Jate Huye Mujey Ek Baad Bohot Ajeeb Lagi Ki Raste Mein Mujey Koyi Bi Janwar Ya Zombies Najar Nahi Ayea, Ye Dekh Mujey Eysa Lagne Laga Tha Ki Kuch To Sahi Nahi Hai.

Granary Shang City Ke Bahari Area Mein Banayi Gayi Hai, Granary Ko Charo Aur Bade Bade Khet Hai, Lekin Jis Krsh Bhoomi Ko Faslon Se Bhara Mana Jata Tha Uska Kuch Hissa Ajeeb Parkar Ki Ghass Se Bhar Chuka Hai, Aur Kuch Hissa Bilkul Banjar Ho Chuka Hai Jaha Kisi Bi Parkar Ki Haryali Najar Nahi Aa Rahi.

Jese Hi Gadiyo Ka Group Granary Ke Area Ke Ander Enter Huya Achanak Charo Tarf Ek Teek Cheekh Sunayi Di Aur Saikadon Kale Chuhe Granary Ke Aas Pass Bane Apne Holes Se Bahar Nikalte Dikhayi Dene Lage, Har Chuhe Ka Akar Ek Billi Ke Barabar Tha, Chuhe Holes Se Bahar Nikal Gadiyo Ki Tarf Daud Pade.

“Level 5 Monster: Mutant Rat – Ye Ek Bade Jhund Mein Sikar Karte Hai.”

Meri Passive Skill Eyes Of Perception Ki Vaja Se Un Chuho Ke Samne Atey Hi Unki Jankari Meri Mind Mein Ponch Gayi.

Mutant Chuhe Ek Sath Kisi Lehar Ki Tarha Aage Badne Lage Aur Uno Ne Team Ko Charo Tarf Se Gairna Suru Kar Diya.

“Fire! Fire!!” Vibhin Guton Ke Gathbandan Ke Leaders Ne Jab Ungint Chuho Ki Dara Ko Dekha To Vo Ghabraye Bina Nahi Reh Paye Aur Chilate Huye Adesh Dete Huye Bole.

Turant Vibhin Guton Ke Members Ne Unke Pads Jo Hathiyar Thay Unka Istemal Karte Huye Mutant Chuho Ke Uper Goliya Chalani Suru Kar Di.

Chuho Ki Lehar Mein Mutant Chuho Ki Sankheya Bohot Jada Hai, Jis Ki Vaja Se Chahe Vibhin Guton Ke Members Ki Shooting Skills Kharab Hai Bohot Si Goliya Fir Bi Chuho Ko Lag Rahi Thi Aur Uney Maar Rahi Thi, Jo Chuhe Goli Lagne Se Maar Rahe Thay Lagatar Vo Piche Aa Rahe Chuho Ke Bhar Se Kuchal Diye Jate.

Musibat Ki Baat Ye Hai Ki Mutant Chuho Ki Ginti Bohot Jada Hai, Is Ke Bavajud Bi Ki Bohot Se Chuhe Maare Ja Rahe Hai, Kisi Samundari Lehar Ki Tarha Chuho Ki Lehar Ke Aage Badne Ki Gati Mein Koyi Fark Nahi Pad Raha Vo Team Ki Tarf Badte Chale Ja Rahe Hai.

Ye Dekh Ki Chuho Ka Jhud Dhere Dhere Najdik Ata Ja Raha Hai, Guton Ka Kuch Leaders Itne Pressure Ki Vaja Se Khud Ko Shant Nahi Rakh Paye Aur Vo Jis Raste Se Aye Thay Usi Raste Se Vapis Jane Ki Kosis Karne Lage.

Jese Hi Jeep Chuho Ke Jhund Mein Ghusi, Chuho Ki Lehar Ke Bich Mutant Chuho Bekhof Najar Aa Rahe Thay Aur Uney Ne Jeep Par Hamla Kar Diya, Halaki Jeep Ke Chuho Se Takrane Ki Vaja Se Saikadon Chuhe Kuchale Gaye Ya Hawa Mein Udd Diye Gaye Kuch Chuhe Jeep Par Chadne Mein Kamyab Ho Gaye Aur Kuch Hi Palo Mein Jeep Ko Chuho Ne Puri Tarha Gair Liya, Sabse Bura Ye Huya Ki Jeep Ke Shisho Ko Bi Chuho Ke Dhak Liya Jiski Vaja Se Bahar Kuch Bi Dekh Pana Driver Ke Liye Muskil Ho Gaya.

Vision Block Hone Ki Vaja Se Driver Gadi Ko Sambal Nahi Paya Aur Jeep Banjar Jamin Ke Ander Ghus Gayi Aur Vaha Bane Rat Hole Mein Fas Gayi, Jeep Ke Rukte Hi Ungint Chuho Ne Turant Jeep Ko Gair Liya Aur Paglo Ki Tarha Usper Hamla Karne Lage.

Jese Hi Ungint Chuho Ne Jeep Ki Steel Plating Par Hamla Karna Suru Kiya Vaha Teekhi Avaje Aney Lagi Aur Jald Hi Chuho Ne Steel Plating Mein Ek Bada Ched Kar Diya, Ched Bante Hi Chuhe Jeep Ke Ander Ghus Gaye Aur Ander Majud Aadmiyo Ko Katne Lage, Jeep Ke Ander Se Aadmiyo Ke Chilane Ki Avaj Aney Lagi Aur Jeep Ki Shisho Par Khoon Ke Chitey Dikhne Lage, Kuch Samey Tak Jeep Hilti Rahi Fir Usme Koyi Halchal Nahi Dikhi.

Is Jeep Ke Sath Keya Huya Us Se Ye Pata Chalta Hai Ki Baki Gadiyo Ke Sath Keya Hoga Jo Chuho Ke Jhund Mein Se Nikalne Ki Kosis Kar Rahi Thi, Un Sabi Gadiyo Ko Chuho Ki Lehar Ne Nigal Liya, Un Gadiyo Ke Ander Se Aadmiyo Ke Dard Mein Chilane Ki Avaje Charo Tarf Fail Gayi Jab Mutant Chuhe Uney Jinda Khane Lage.

Agar Mutant Chuho Ke Danto Mein Jeep Ki Steel Plating Ko Chirne Ki Takat Hai To Nishchit Roop Se Ye Batane Ki Jarurt Nahi Ki Baki Aam Gadiya Jinpar Steel Plating Nahi Lagi Unka Keya Hall Hoga.

Guton Ke Baki Leader Turant Chilaye: “Bagho Mat Bewakufo! Goliya Chalo Jaldi Goliya Chalo Aur In Chuho Ko Maar Dalo!”

Team Ka Har Ek Member Chuho Par Goliya Chalane Laga, IFV, Guns Lagi Jeep Aur Akash Ki Team Ki Heavy Machine Guns Se Bi Chuho Ke Uper Aag Barsani Suru Ho Gayi, Goliyo Ki Bochaar Jese Ki Chuho Ki Lehar Se Takrayi To Eysa Laga Jese Ek Adrish Chaku Ne Chuho Ki Lehar Ko Bich Se Katna Suru Kar Diya Hai Aur Uney Dono Hisso Mein Bant Diya Hai, Goliyo Ki Bochaar Ki Vaja Se Ungint Chuho Ke Chitdhe Udne Lage.

Halaki Sab Kuch Rahat Mili Lekin Mutant Rats Ki Ginti Vastav Mein Ungint Hai, Chuho Ki Lehar Ke Bich Goliyo Ki Bochaar Ke Bavajud Bi Kuch Chuhe Goliyo Ki Bochaar Se Bachte Huye Safaltapurvak Team Members Ke Pass Ponch Gaye.

Jo Chuhe Akash Ki Team Ke Ander Ghuse Unke Ander Ghuste Hi Priya Ne Apni Tang Sword Pakd Apni Superior Talvarbaji Aur Mysterious Footwork Skill Ka Istemal Karte Huye Unko Katna Suru Kar Diya, Bohot Se Chuho Ko Usne Do Hisso Mein Kat Diya Aur Khoon Se Jamin Ko Laal Rang Mein Rang Diya.

Aman, Bali Aur Baki Akash Ki Team Ke Evolver's Ne Bi Apni Tang Sword Ka Istemal Karte Huye Unke Camp Ke Najdeek Aney Vale Chuho Ko Katna Suru Kar Diya.

Ek Ya Choti Ginti Mein Ye Chuhe Jada Bhyanak Nahi Hai, Agar Kisi Aam Insan Ko Inse Dar Na Lage To Vo Bi Ek Chuhe Ko Aram Se Maar Sakta Hai, Lekin Agar Koyi Chuho Ke Jhund Mein Fas Jaye To Uska Jinda Bach Pana Na Ke Barabar Hai.

Vahi Jo Chuhe Safaltapurvak Guton Ke Camp Ke Ander Ghusne Mein Kamyab Rahe Unko Vaha Majud Kuch Skilled Logo Ne Maar Giraya, Lekin Chuho Ko Apne Samne Dekh Kuch Log Ghabra Gaye Aur Thodi Muskil Se Uney Maar Paye, In Chuho Ka Akar Billi Jitna Hai Aur Uney Bs Do Tarha Ke Hamle Katna Aur Kharochna Hi Ata Hai, Jis Vaja Se Inse Ladna Itna Jada Khatranaak Nahi Hai, Guton Ke Sirf 6 Aadmiyo Ko Chuho Ne Khroch Diya, Lekin Vaha Kisi Ki Jaan Nahi Gayi.

Eysa Lag Raha Tha Jese Mutant Chuhe Ek Pathar Aur Sakht Jagha Ke Bich Fas Gaye Ho, Agar Vo Vapis Jate Hai To Uney Goliyo Se Bhun Diya Jaye Ga Aur Agar Vo Aage Badte Hai To Uney Kat Diya Jaye Ga, Halaki Badi Ginti Mein Mutant Chuho Ko Maar Diya Gaya Jis Se Baki Chuho Ki Ankhe Khoon Se Bhar Chuki Hai, Abi Bi Chuho Ki Lehar Rukne Ka Naam Nahi Le Rahi Vo Lagataar Team Ke Tarf Badne Ki Kosis Kar Rahi Hai.

Heavy Fire Ki Vaja Se 10 Minutes Se Bi Kam Samey Mein 2000 Se Jada Chuho Ko Chir Diya Gaya, Lekin 200 Se Jada Chuhe Team Ke Camps Ke Ander Ghusne Mein Kamyab Ho Chuke Hai Aur Unki Ginti Dhere Dhere Badti Ja Rahi Hai.

Guton Ke Camp Ke Ander Ek Aadmi Jisne Machete Pakdi Huyi Thi Usne Abi Ek Chuhe Ko Kat Kar Mara Hi Tha Ki Achanak Agle Hi Pal Do Chuhe Usper Kud Pade, Ek Chuhe Ne Uske Kandhe Ko Kat Liya Aur Uske Dant Jo Steel Plate Ko Bi Chirne Ki Takat Rakhte Hai Unka Istemal Karte Huye Us Aadmi Ke Kandhe Se Mass Ke Bade Hisse Ko Ukhad Diya, Dusare Chuhe Ne Uski Laat Ko Kat Liya Aur Vaha Se Mass Ke Danto Mein Fasate Huye Ukhad Diya.

“Aaaaahhhhh!!!” Us Aadmi Se Saha Nahi Gaya Aur Uske Muh Se Ek Dardnak Cheekh Nikal Gayi, Usne Apne Left Hath Se Kandhe Par Latke Chuhe Ko Pakda Aur Usey Khichte Huye Dur Fenk Diya.

Jese Hi Us Aadmi Ne Chuhe Ko Dur Fenka, Char Aur Mutant Chuhe Uski Tarf Daud Pade Aur Uske Sarir Ke Uper Chadte Huye Uno Ne Apne Nukile Danto Ko Uske Sarir Mein Gaad Diya.

Vo Aadmi Madad Ke Liye Pukarte Huye Dard Se Karaah Raha Tha, Har Ek Bite Ke Baad Uski Avaj Dhemi Hoti Ja Rahi Thi, Kuch Pal Baad Uski Avaj Ani Band Ho Gayi Aur Uska Sarir Shant Ho Gaya, Usko Bachane Ke Liye Vaha Koyi Nahi Tha Kyoki Goliyo Ki Bochaar Se Bachte Huye Dhere Dhere Chuhe Camps Ke Ander Ghuste Ja Rahe Thay Aur Sabka Dhyan Unki Tarf Tha.

Un Evolvers Ke Evala Jino Ne Kayi Protective Item Pehni Huyi Thi Ya Akash Ki Team Ke Members Jino Ne Snake Armor Pehne Huye Thau Baki Teams Mein Logo Ke Marne Ke Lakshan Dikhne Lage, Aur Insano Ki Mout Ki Ginti Badne Lagi.

Gadiyo Ke Uper Lagi Heavy Machine Guns Ke Lagataar Chalne Ki Vaja Se Sari Heavy Machine Garm Honi Suru Ho Gayi Aur Garm Ho Kar Laal Hone Lagi, Insano Aur Chuho Ke Bich Ladayo Suru Huye Abi 10 Minute Hi Huye Hai Lekin Sabi Guns Garm Ho Chuki Hai Aur Unko Kuch Samey Ke Liye Istemal Nahi Kiya Ja Sakta.

Is Pratikool Sthiti Ko Dekh Maine Apne Aadmiyo Ko Adesh Diya: “Tel Ka Istemal Karo!”

Akash Ki Team Ke Dono Fire Truck Ke Tank Pani Se Nahi Balki Tel Se Bhare Huye Thay, Fireman Pehle Hi Chuho Ke Jhund Ke Uper Tel Dalne Ki Puri Teyari Kar Chuke Thay Vo Akash Ke Adesh Ka Intejar Kar Rahe Thay, Akash Ka Adesh Sunte Hi Turant Uno Ne Akash Team Ke Aage Charo Tarf Tel Spray Karna Suru Kar Diya.

Tel Spary Karne Ke Baad Aman Ne Ek Molotov Cocktail Ki Bottle Ko Aag Lagayi Aur Jamin Par Pade Tel Ke Uper Fenk Diya.

Aag Lagi Molotov Cocktail Ki Bottle Jese Hi Jamin Par Giraye Tel Ke Sampark Mein Ayi Akasg Ki Team Ke Charo Tarf Ek Aag Ki Diwar Ban Gayi Aur Us Area Mein Jitne Bi Mutant Chuhe Thay Uney Jala Ke Rakh Kar Diya.

Qing City Ke Military Camp Ki Tarf Uno Ne Bi Do Ambulance Mein Tel Se Bhare Barrels Rakhe Huye Thay, Uney Ne Bi Tel Ko Apne Camp Ke Charo Tarf Dal Diya Aur Ek Aag Ki Diwar Bana Li.

Insan Janwaron Se Superior Is Liye Hai Kyoki Unke Pass Budhi Hai Aur Vo Apni Budhi Ka Istemal Karte Huye Musibat Ka Samna Karne Ke Liye Kayi Tariko Ki Khoj Kar Sakte Hai.

Lekin Mutant Chuhe Unke Jese Nahi Hai, Iske Bavajud Ki Unke Raste Ko Aag Ki Diwar Ke Puri Tarha Block Kar Diya Hai Vo Fir Bi Apni Strategy Ke Anusar Jhund Mein Aag Ke Bich Se Gujrane Ki Kosis Kar Rahe Thay, Lekin Jab Bi Koyi Chuha Aag Bich Ghusta Vo Jal Kar Mara Jata, Saikadon Chuho Ke Jal Ke Marne Ki Vaja Se Hawa Mein Ajeeb Se Badbu Paida Ho Chuki Thi, Fir Bi Mutant Chuhe Bina Ruke Aage Bich Ghuste Ja Rahe Thay Jese Vo Ye Soch Rahe Thay Ki Uney Apne Mare Huye Sathiyo Ke Sarir Ki Madad Se Aag Ke Bich Se Gujarne Ka Rasta Mil Jaye.

Mutant Chuho Ki Ranniti Badkismati Se Unke Liye Nuksandaar Thi Eysa Is Liye Kyoki Mutant Chuho Ke Fur Bohot Jaldi Aag Pakd Rahe Thay Aur Tel Unke Sarir Par Lagne Ke Baad Us Aag Ko Bhuja Pana Unke Liye Bohot Muskil Hai, Jiski Vaja Se Jitne Bi Mutant Chuhe Aag Ke Bich Ghuste Vo Jal Kar Rakh Ho Jate, Halaki Jis Josh Se Mutant Chuho Ki Lehar Aag Ke Ander Ghus Kar Rakh Ho Rahi Fir Chahe Unme Se Kitne Hi Maar Rahe Ho, Jhund Ka Size Dekh Har Ek Aadmi Ke Cehre Par Paresani Saaf Jhalak Rahi Thi.

Bali Ne Unke Camp Mein Ghuse Akhri Chuhe Ko Maar Dala Aur Fir Mutant Chuho Ke Jhund Ko Lagataar Aag Bich Ghuste Dekh Mann Mein Bola: “Ye Bohot Aacha Hoga Yadi Ye Sab Aag Mein Khud Kar Khudkusi Kar Len.”

Agar Sirf Ek Mutant Chuho Ho To Ek Aam Aadmi Bi Himmat Juta Ke Us Se Lad Kar Usey Maar Sakta Hai, Lekin Agar 3 Se Jada Chuhe Usper Hamla Kar De To Nishchit Roop Se Marne Vala Aam Aadmi Hi Hoga, Agar 20 Se Jada Chuhe Ho To Ek Bali Jesa Evolver Bhari Khatre Mein Pad Jaye Ga Agar Unse Snake Armor Na Pehna Ho.

Survat Mein Mutant Chuho Ke Jhund Ko Dekh Sabi Paresan Ho Gaye Thay, Uno Ne Andaja Lagaya Ki Chuho Ki Ginti Lagbhag 30000 Ke Aas Pass Hogi, Chahe Vo Apni Har Ek Goli Ka Istemal Kar Le Tab Bi Vo Sabi Chuho Ko Nahi Maar Sakte, Lekin Agar Chuhe Itne Bewakuf Ho Ki Vo Bina Ruke Aage Mein Kud Kar Marte Rahe Tab Kahi Ja Kar Vo Is Jung Ko Jeet Sakte Hai.

Tabi Granary Ki Tarf Ek Teekhi Cheekh Hawa Mein Gunj Uthi Aur Acharyajanak Roop Se Jo Chuhe Bina Kuch Soche Samje Aag Mein Kud Rahe Thay Vo Aachanak Ruk Gaye Aur Aage Badne Ki Jagha Vo Aag Se Kuch Duri Par Khade Ho Kar Aag Ki Diwar Ke Ander Majud Insano Ko Gur Ke Dekhne Lage Jese Vo Hamle Karne Ke Moke Ki Talash Mein Ho.

Ye Dekh Mere Eyebrows Uth Gaye Aur Mujey Jis Baat Ka Dar Tha Vahi Huya, Mujey Eysa Lag Raha Tha Ki In Mutant Chuho Ka Jarur Koyi Leader Hoga Jo Iney Nirdesh De Raha Hoga Aur Vo Baat Sach Ho Gayi.

Unginti Chuho Ka Jhund Jine Mout Ka Koyi Dar Nahi Hai Unko Handle Karna Pehle Hi Bohot Muskil Ho Raha Tha, Ab Jab Unke Pass Ek Leader Hai Jo Uney Nirdesh De Sakta Hai To Uney Maarne Ki Kathnayi Kam Se Kam Das Guna Bad Gayi Hai.

Akash Aur Military Apne Sath Jo Tel Le Kar Ayi Hai Uski Supply Limited Hai Aur Unke Eyse Ye Sambhav Nahi Hai Ki Vo Lagataar Tel Spray Karte Rahe, Goliyo Aur Aag Ki Madad Se Team Ne 4 Harjar Se Jada Chuho Ko Maar Giraya Hai, Lekin Jab Uno Ne Aag Ki Diwar Ke Bahar Dekha To Uney Najar Ayea Ki Jin Chuho Ne Unye Gair Rakha Hai Unki Sankeya Ab Bi Ungint Hai, Ye Dekh Sabke Sarir Mein Sansani Fail Gayi Aur Kisi Mein Bi Itni Himmat Nahi Rahi Ki Vo Aag Ki Suraksha Se Bahar Ja Paye.

Agar Akash Ki Team Ki Baat Kare To 10 Min Ke Ander Vo 20 Hajar Goliyo Ka Istemal Kar Chuke Hai, Jis Vaja Se Unki Bullet Supply Ek-Tehayi Kam Ho Chuki Hai, Agar Eysa Chalta Raha To Unki Bullet Supply Adha Ganta Tak Bi Nahi Chal Paye Gi.

Mutant Chuho Ki Gatividion Ko Observe Karne Ke Baad Main Qing City Ke Military Camo Ke Area Ke Ander Gaya Aur Military Commander Rohit Se Baat Karne Ki Request Ki.

“Ab Tume Keya Chahiye?” Akash Ki Tarf Dekhte Huye Rohit Ne Apni Eyebrow Ko Uthate Huye Sidha Pucha, Is Vakt Rohit Bohot Udaas Mehsus Kar Raha Hai, Mutant Chuho Ki Sankeya Uski Betahasa Umeedon Se Bi Kahi Adhik Thi, Sath Hi Usko Bi Ye Pata Chal Chuka Hai Ki Mutant Chuho Ka Ek Leader Bi Hai, Isi Vaja Se Usey Mehsus Ho Raha Tha Ki Is Ladayi Ko Jeetna Namumkin Hai Aur Vaha Se Piche Hatne Ki Iccha Uske Ander Paida Ho Chuki Hai.

Military Jis Tel Ko Apne Sath Le Kar Ayi Hai Usko Petrol Aur Kache Tel Ko Mila Kar Banaye Gaya Hai, Z-Age Ke Baad Petrol Aur Kacha Tel Bi Bohot Valuable Resources Hai, Do Ambulance Jo Petrol Aur Kache Tel Se Bhari Huyi Hai, Vo Qing City Ke Survival Base Ke Tel Ka 25% Hissa Hai, Rohit Ki Eysi Koyi Iccha Nahi Thi Ki Vo Mehnge Tel Ko Barbad Karke Granary Par Kabja Karne Ki Kosis Kare Jo Usey Lag Raha Hai Ki Mumkin Nahi Hai.

Main Rohit Ki Ankho Me Dekhte Huye Bola: “In Chuho Ka Ek Leader Hai, Main Apne Sath Kuj Logo Ko Leja Kar Usey Khatam Karna Chahta Hun, 10 Minute, Main Aasha Karta Hun Ki Aap Bs 10 Minute Ke Liye Camp Ko Protect Karne Ke Liye Apne Aur Mere Aadmiyo Ko Lead Kare Ge, 10 Mins Ke Baad Agar Main Vapis Nahi Aya, To Fir Apke Uper Hogo Ki Ap Apne Aadmiyo Ke Sath Piche Hatna Chaho Ge Ya Yaha Ruk Kar Mera Intajar Karo Ge.”

Vartmaan Stithi Ko Dekhte Huye Agar Rohit Yaha Se Piche Hatne Ka Faisala Leta Hai To Qing City Ke Vibhin Guton Ka Gathbandhan Nishchit Roop Se Military Ke Sath Piche Hat Jaye Ga, Ek Baar Eysa Ho Jane Ke Baad Agar Akash Ke Aadmi Is Area Mein Bane Rahe Aur Camp Ki Rakhsha Karte Rahe To Ye Nishchit Hai Ki Mutant Chuho Ka Jhund Duvara Unka Safaya Kar Diya Jaye Ga.

Rohit Bhale Hi Akash Se Alag Base Se Taaluk Rakhta Ho, Vo Ek Emandaar Aur Apne Vachan Ka Paka Vyakti Hai, Agar Usne Vada Kiya Ki Vo Camp Ki Suraksha Kare Ga To Vo Camp Ki Raksha Karte Huye Mar Jaye Ga Lekin Piche Nahi Hate Ga, Isi Karan Ki Vaja Se Akash Ne Rohit Par Bharosha Kiya.

Rohit Ne Akash Ki Tarf Dekha Aur Ek Pal Dhyan Se Vichar Karne Laga, Usey Qing City Ke Base Ki Halat Ke Bare Mein Aache Se Pata Hai, Sirf Prayapt Bhojan Ke Sath Hi Base Ke Ander Shanti Kayam Ki Ja Sakti Hai, Sirf Prayapt Bhojan Ke Sath Hi Base Ke Survivors Jinda Reh Sakte Hai, Apne Danto Ko Bheechte Huye Vo Bola: “Thik Hai Main Vada Jarta Hun Ki Mein Aur Das Mins Ke Liye Camp Ki Suraksha Karu Ga, Lekin Jese Hi 10 Mins Pure Huye Aur Tum Vapis Nahi Lote To Main Apne Aadmiyo Ke Sath Piche Hat Jayu Ga.”

“Sukriya!”

Main Apne Camp Main Vapis Ayea Aur Apne Sabi Aadmiyo Ko Ekatha Karne Ke Baad Bola: “Chuho Ke Jhund Ko Adesh Dene Vale Leader Ko Main Maarne Jane Vala Hun, Ye Mission Ek Suicide Mission Hone Ki Sambhavana Hai Jisme Kisi Ki Bi Mout Ho Sakti Hai, Jo Koyi Bi Mere Sath Jane Ke Liye Teyar Hai Aage Aa Jayo, Aur Jo Log Apni Jaan Jokhim Mein Dalne Ke Liye Teyar Nahi Hai Main Unko Majbur Nahi Karu Ga.”

Uske Sabi Aadmi Bina Kisi Jhijhak Ke Aage Bad Gaye, Sabki Support Pa Kar Main Bohot Prabhaavit Huya.

Is Mission Ke Liye Jo Aadmi Akash Ke Sath Aye Hai Un Sabi Ne Akash Ki Leadership Mein Zombies Ke Sath Kayi Ladayia Ladi Hai, Har Ek Aadmi Garm Khoon Vala Aur Shatishali Evolver Hai, Ye Dekh Ki Unka Leader Akash Piche Hatne Vala Pehla Vyakti Hone Bajaye Khud Khatre Ke Raste Par Chalne Vala Hai Un Sabke Khoon Ubaal Marne Lage, Yadi Lod Padi To Vo Akash Ke Sath Duniya Ke Chor Tak Chalne Ke Liye Bi Teyar Hai.

Main Unki Support Se Bohot Prabhaavit Tha To Maine Sabko Dridh Savr Mein Sambhodit Kiya: “Tum Mein Se Har Ek Meri Team Ka Gorav Hai! Priya Pls Mere Sath Chalo Chuho Ke Leader Ko Khatam Karne Ke Liye, Baki Tum Sabko 10 Mins Tak Is Jagha Ko Defend Karna Hai, 10 Mins Ke Baad Agar Tumne Mujey Vapis Lout Te Nahi Dekha To Tum Sab Yaha Se Chale Jayo Ge, Mere Jane Je Baad Bali Tumhara Temporary Leader Hoga, Yade Rahe Tum Sabko Is Jagha Ko 10 Mins Tak Defend Karna Hai Aur 10 Mins Pure Hone Se Pehle Koyi Bi Yaha Se Piche Nahi Hatey Ga.”

Jitne Bi Log Akash Ke Sath Aye Thay Unme Se Priya Sabse Takatvar Hai, Chuho Ke Jhund Ke Leader Ko Maarne Jane Ke Liye Usey Uski Team Ke Sabse Takatvar Vyakti Ke Sath Ki Jarurt Pade Gi, Priya Ke Baad Bali Akash Ki Team Ka Dusare Sabse Takatvar Vyakti Hai Aur Always Bright Village Mein Akash Ki Team Mein Samil Hone Ke Baad Se Vo Wafadari Se Uske Liye Kam Kar Raha Hai.

Bali Ne Ghambir Hayo Bayo Ke Sath Utar Diya: “G Captain Akash!”

Sabse Baat Karne Ke Baad Maine Turant Apni Combined Body Skill Ko Suru Kiya Aur Wb Ko Armor Ke Roop Mein Pehan Liya, Fir Maine Left Hath Priya Ko Kamar Se Pakda Aur Ek Bone Spike Ko Jamin Mein Ander Tak Gad Kar Uski Lambai Badate Huye Aag Ke Uper Se Hote Huye Chuho Ke Jhund Ki Tarf Bad Gaya.

Jab Bone Spike Aur Lambi Na Ho Payi To Dono Chuho Ke Jhund Ke Bich Utar Gaye.

Mutant Chuhe Turant Dono Insano Ke Uper Hamla Kar Diya Jino Ne Unke Pass Aney Ki Himmat Ki.

Jese Hi Akash Aur Priya Chuho Ke Jhund Ke Bich Utre, Priya Ne Teji Se Apni Talwar Ko Dono Ke Charo Tarf Ghumana Suru Kar Diya, Aur Uske Talwar Ghumane Se Unke Pass Jitne Bi Chuhe Unko Do Hisso Mein Kat Diya, Sirf 1 Ya 2 Sec Ke Liye Unke Aas Pass Koyi Chuha Nahi Tha, 2 Sec Ke Baad Chuhe Unki Tarf Daud Pade.

Lekin 1 Ya 2 Sec Ka Samey Akash Ke Liye Kafi Tha Ek Aur Bone Spike Ko Jamin Mein Gadne Ke Liye, Dubara Bone Spike Ki Lambayi Badate Huye Vo Priya Ke Sath Chuho Ke Uper Se Aage Bad Gaya.

Chuho Ke Bich Utarne Aur Fir Nayi Bone Spike Ka Istemal Karne Ke Tarike Se Akash Teji Se Granary Ki Tarf Bad Raha Tha.

Granary Se Hamari Duri Jab Thodi Hi Reh Gayo To Maine Dekha, Granary Ke Uper 7 Special Mutant Chuhe Majud Hai, Unme Se 6 Ka Akar Insano Jitna Tha Aur Unki Cambdi Ka Rang Cyan Tha, Lekin In Chuho Ko Vastav Mein Baki Chuho Se Jo Alag Karta Hai Vo Hai Ki Ye Humanoid Chuho Ki Tarha Dikh Rahe Hai, Vo Insano Ki Tarha Apne Pichle Pairo Par Sidhe Khade Huye Thay, Aur Unke Hath Nukile Panjo Se Bhare Huye Thay Jinki Lambi 20Cm Thi.

Un Special 6 Chuho Ke Bich Ek Vishal Silver Rang Ka Chuha Khada Huya Tha, Uska Akaar Kisi Balu Jitna Tha Aur Uske Sar Par Safed Fur Ka Ek Crown Bana Huya Tha, Uske Har Ek Panje Ki Lambai Kam Se Kam 40Cm Lambi Thi, Aur Uski Ankho Mein Intelligence Ki Chamak Thi.

Akash Ko Passive Skill Ki Vaja Se Un Special Chuho Ko Dekhte Hi Unki Jankari Uske Mind Mein Ponch Gayi.

“Level 26 Mutant Beast: Elite Rat King’s Bodyguard, Ye Rat King Duvara Chune Gaye Angrakshak Hai, Aur Ye Rat King Ki Jaan Bacahne Ke Liye Apni Jaan Bi De Sakte Hai.”

“Level 43 Mutant Beast: Mutant Rat King, Iske Pass Mutant Rat Ke Jhund Aur Elite Bodyguards Ko Control Karne Ki Ability Hai.”

“To Ye Hai Mutant Chuho Ka Leader!” Maine Satho Vishal Chuho Ki Tarf Dekha To Meri Ankhe Chamak Uthi, Yaha Aney Se Pehle Mujey Is Baat Ka Sabse Jada Dar Tah Ki Sayad Main 10 Mins Ke Ander Chuho Ke Leader Ko Nahi Dund Payu Ga, Agar Main Unke Leader Ko Nahi Dund Pata To Is Mission Ka Radd Karne Ke Elava Mere Pass Aur Koyi Rasta Na Bachta, Akhirkaar Meri Team Aur Qing City Ki Dono Team Apne Sath Itna Gola Barood Nahi Le Kar Aye Ki Ham Mutant Chuho Ko Puri Tarha Saaf Kar Paye, Kyoki Aney Se Pehle Na Mujey Aur Na Hi Qing City Ko Yaha Chuho Ki Sankeya Ke Bare Mein Pata Tha.

Mutant Rat King Ne Bi Akash Ko Apni Tarf Badte Dekha To Uski Choti Ankho Ne Tiraskaar Ka Sanket Diya Aur Uske Muh Se Ek Teekh Cheekh Nikli.

Usi Pal Ek Granary Ke Ander Se Mutant Chuho Ka Vishal Jhund Bahar Nikal Aya, Mutant Chuho Ke Jhund Ke Sath Aur 30 Elite Rat Bodyguards Granary Ke Uper Chadne Lage.

Granary Ke Uper Ki Force Ke Sath 20 Aur Elite Rat Bodyguard Normal Mutant Chuho Ke Sath Akash Aur Priya Ki Tarf Daud Pade.

Elite Rat Bodyguards Ki Raftaar Bohot Tej Thi, Puri Teji Se Uno Ne 100 M Ki Duri Kuch Sec Mein Hi Teh Kar Di Aur Teer Ki Tarah Akash Ki Pass Ponch Gaye, Maine Ab Tak Jis Sabse Tej Monster Se Samna Kiya Hai Unki Gati Us Se Kuch Hi Kam Thi, Vo Monster Tha – Level 20 Ka Hunter.

Is Vakt Main Abi Bi Granary Se Kuch 200M Ki Duri Par Tha.

To Be Continue...

(Author Note – Update Me Apko Koyi Bi Galti Lage, Ya Koyi Word Ya Line Samj Na Aye To Bejijhak Usey Highlight Karte Huye Mujey Jarur Bataye Tan Jo Next Update Main Usey Thik Kar Saku Aur Ek Shandar Story Apke Samne Pesh Kar Saku. Xièxiè)