- 3,920
- 12,496
- 159
Update 4
Kamre Me Zombies Se Ladayi
Kamre Me Zombies Se Ladayi
(Author Note - Dosto Comment Karke Ye Jarur Batana Ki Ek Din Me 2 Update Dun Ya 2 Update Ke Size Ek Update)
Jo Ladka Niche Gira Tha Jab Usne Baki Teeno Ladko Ko Tree Ke Uper Chadte Dekha, To Usey Bachne Ki Rah Najar Ayi To Vo Himmat Juta Ke Khada Huya Aur Teji Se Bhagte Huye Tree Ke Pass Ponche Gaya, Lekin Usey Tree Par Chadna Nahi Ata Tha To Vo Chilate Huye Bola
Ladka – Chen Mujey Bachayo Mujey Hath Do
Ladke Ke Chilane Ki Vaja Se Vaha Ass Pass Ke Sabi Zombies Unki Tarf Badne Lagey.
Ab Agge
Chen Jo Sabse Pehla Tree Par Chadha Tha, Jab Usne Niche Us Ladke Ki Madad Ki Pukar Suni To Vo Thoda Jhijhka Aur Sochne Laga.
Lekin Chen Ne Sochne Me Kuch Jada Hi Samey Le Liya Kyoki Is Se Pehle Vo Kuch Karta Ek Zombie Niche Khade Ladke Ke Pass Ponch Gaya Aur Usne Ladke Ko Pakad Uski Garden Ko Kat Liya.
Ladka – Aaaaaaaahhhhhhhhh
Katne Ki Vaja Se Us Ladke Ki Dil Dehlane Vali Cheekh Charo Tarf Gunj Uthi, Lekin Vo Ladka Jada Dair Chila Bi Nahi Paya Kyoki Kuch Hi Palo Me Baki Zombies Bi Uske Pass Ponch Gaye Aur Uno Ne Uske Sarir Ke Tukde Tukde Kar Diya.
Ye Scene Dekh Do Ladke Jo Abi Tree Par Chad Hi Rahe Thay Vo Aur Bi Teji Se Tree Ke Upar Chadne Lagey, Tree Ke Uper Chadne Ke Baad Vo Teeno Dar Ki Vaja Se Kanpte Huye Niche Apne Dost Ko Zombies Duvara Khatey Huye Dekhne Lage.
Dekhte Hi Dekhte Kuch Hi Palo Me Bohat Sare Zombies Ne Us Tree Ko Charo Tarf Se Gair Liya, Jis Vaja Se Ab Teeno Ke Liye Vaha Se Nikal Ne Ka Koyi Rasta Nahi Bacha.
Akash Jo Uper Se Ye Sab Dekh Raha Tha, Jab Usne Ye Scene Dekha To Uske Muh Se Apne Ap Nikal Gayea.
Akash – Ek Aur Musibat
Uni Se Bahar Janey Ka Ek Hi Rasta Tha Aur Vo Bi Zombies Ne Puri Tarha Band Kar Diya Tha, Jis Vaja Se Ab Usey Uni Se Niklne Me Bohat Muskil Honey Vali Thi.
Zombies Ke Pure Sarir Me Siraf Ek Hi Eysi Jagha Hai Jispar Vaar Kar Ke Uney Mara Ja Sakta Hai Aur Vo Hai Unka Sar, Par Usey Todne Ke Bi Liye Bohat Takat Ka Istemal Karna Padta Hai Aur Vahi Agar Vo Apko Halka Sa Kharoch Bi De To Apke Jinda Bachne Ka Koyi Chance Hi Nahi, Ye To Aacha Hai Ki Unke Chalne Ki Speed Kam Hai, Agar Unke Chalne Ki Speed Tej Hoti To Bina Firearms(Guns) Ke Koyi Professional Fighter Bi Unse Sayad Hi Bach Pata.
Abi Akash Bahar Dekh Hi Raha Tha, Ki Usey Kamre Ke Bahar Se Kuch Avaj Sunayi Di, Aur Avaj Aney Ke Agle Hi Pal 2 Zombie Darwaje Ke Saamne Rakhe Saman Ko Gira Kamre Ke Ander Ghusne Ki Kosis Karne Lage.
Zombies Ko Ander Ghusta Dekh Akash Bola
Akash - Wb Attack.
White Bones Jo Akash Ke Pass Hi Khada Usey Guard Kar Raha Tha, Usne Jab Akash Ka Adesh Suna To Vo Zombies Tarf Chal Diya Aur Unke Pass Ponchne Te Hi Apni Axe Ko Hawa Mein Utha Ek Zombie Ke Gale Par Vaar Karte Huye Aur Uske Sar Ko Dadh Se Alag Kar Diya.
Zombie Ke Marte Hi Akash Ne Dekha Ki Ik Safed Roshni Ka Gola Zombie Se Nikal White Bones Ke Ander Chala Gayea.
Pehla Zombie Jo Agge Ayea Usey To Wb Ne Maar Diya Aur Dusara Zombie Jab Agge Badne Laga To White Bones Ne Uska Sar Ko Bi Dadh Se Alag Kar Diya, Dono Zombies Ka Gala Katne Se Unse Nikala Kala Khoon Floor Par Charo Tarf Fel Gaya, Dusare Zombie Ke Marte Hi Ek Aur Safed Gola White Bones Ke Ander Chala Gayea.
Jisey Dekh Akash Khud Se Bola
Me – Summon Monster Ke Duvara Mare Gaye Monster Ki Exp(Jiski Madad Se Level Badta Hai) Keval Unko Hi Milti Hai Aur Unke Master Ko Kuch Bi Nahi Ye To Nainsafi Hai, Uska Master Hone Ke Nate Mujey Bi Kuch Exp Milni Chahiye.
Akash - Iska Matlab Apna Level Badane Ke Liye Mujey Khud Monsters Ko Marna Hoga, Ye Keya Nayi Musibat Hai.
Ye Khoj Ne Akash Ke Sare Plan Par Pani Feyr Diya Kyoki Usne To Socha Tha, Ki White Bones Jispar Zombie Virus Ka Koyi Asar Nahi Hota, Vo Piche Reh Kar Wb Ko Zombies Ko Maarne Dega, Jis Se Usey Koyi Risk Bi Nahi Uthana Padey Ga Aur Usey Exp Bi Milti Rahe Gi, Vo To 1 Teer Se 2 Sikar Karne Ki Soch Raha Tha Lekin Ab Ye Possible Nahi Hai, Kyoki Eysa Karne Se Usey Survival Coins Aur Skills Books To Mil Jaye Gi Lekin Level Badane Ke Liye Jo Exp Chahiye Vo Nahi Mile Gi.
Agar Akash Khud Monster Nahi Mare Ga To Uska Level Bada Kar Takatwar Ban Ne Ka Koyi Chance Hi Nahi Hai.
Akash Ko Future Ke Bare Me Kuch Nahi Pata, Usey Nahi Pata Future Me Keya Hoga Par Usey Itna Jarur Clear Ho Gayea Tha, Ki Zombies Ke Rehte Duniya Aur Vi Bhayanak Honey Vali Hai Aur Agar Vo Takatvar Nahi Bane Ga To Is Bhayanak Duniya Mein Uska Jinda Rehna Bohat Muskil Ho Jaye Ga.
Kuch Der Pehle Ki Avajo Ki Vaja Se 3 Aur Zombies Kamre Ke Bahar Pohonch Gaye Aur Kamre Me Ghusne Ki Kosis Ki Karne Lage.
Jisey Dekh Akash Ne White Bones Ko Order Diya
Akash – White Bones Left Vale Dono Ko Tum Sambhalo
Akash Ka Order Milte Hi White Bones Agge Bada Aur Apni Ax Se Ek Zombie Ke Sar Ko Kat Dala.
Vahi Baki Dono Zombies Bina Is Dar Ke Vo Maare Jaye Ge Agge Badne Lage.
Darwaje Se Ander Aney Ka Rasta Saff Nahi Tha, Jis Vaja Se Jab Zombies Agge Badne Lage To Niche Pade Saman Se Thokar Kah Kar Niche Gir Gaye, Unme Se Ek Zombie White Bones Ka Target Tha To Usne Akash Ka Wait Na Karte Huye Apni Ax Se Uske Sar Par Vaar Kiya Aur Usey Vahi Mar Diya.
Ye Dekh Ke Akash Us Se Bola
Akash – Yr Eyse Easy Target To Mere Liye Chod Diya Kar
White Bones Ne Akash Ki Complain Par Koyi Reaction Nahi Diya, Balki Akhiri Zombie Ko Ek Baar Dekh Akash Ki Tarf Dekhne Laga
Jese Keh Raha Ho Ab Tumhari Turn.
Last Zombie JIske Chehre Ko Itni Buri Tarha Kata Huya Tha Ki Uska Cehre Ko Pehchan Pana Ab Muskil Tha, Vo Safed Ankho Vala Zombie Rengte Rengte Akash Ki Tarf Badne Laga.
Akash Apne Dar Par Kabu Patey Huye Agge Bada Aur Apni Novice Stick Ko Sar Ke Uper Uthate Huye Zombie Ke Sar Par Vaar Kar Diya Jis Se Zombie Ka Sar Fat Gayea Aur Ek Safed Roshni Ka Gola Zombie Se Nikal Akash Ke Ander Chala Gayea.
Akash Ne Ye Sab Jaldi Me Kiya Kyoki Usey Malum Tha Ki Agar Zombie Uske Thode Aur Karib Ayea To White Bones Uski Suraksha Ko Dekhte Huye Zombie Ko Mar Dega Aur Fir Usey Koyi Exp Nahi Mile Gi.
Kamre Me Aye Zombie Ko Marne Ko Baad Akash Apni Sanso Ko Control Krne Laga Jo Zombies Ko Maarte Vakt Phul Gayi Thi, Tabi Uske Kano Mein Kuch Avaj Sunayi Di To Usne Dekha Ki Kuch Zombies Darwaje Aur Khidki Se Kamre Ander Ghusne Ki Kosis Kar Rahe Hai.
Akash – Itne Sare Zombies
Itne Sare Zombies Ko Dekh Akash Na Chahte Huye Bi Thod Seham Gayea, Is Vakt Kamre Ko Kamse Kam 10 Se 15 Zombies Gair Chuke Thay, Itne Sare Safed Ankho Vale Zombies Ko Dekh Na Chahte Huye Bi Akash Thoda Dar Gayea.
Melee Combat(Kud Ke Hath Pairo Ka Istemal Karte Huye Ladna) Ki Vaja Se Stamina Bohat Jaldi Kam Ho Raha Hai, Uper Se Zombies Ki Ek Halki Ci Kharoch Bi Bohot Khatarnak Sabit Ho Sakti Hai, Bohat Sare Zombies Se Ek Sath Ladne Aur Ek Zombie Se Ladne Mein Bohat Farak Hai.
Ye To Aacha Hai Ki Kamre Ke Ander Aney Ka Rasta Chota Hai, Jis Vaja Se Jada Se Jada Ek Time Par 3 Zombie Hi Kamre Me Aa Sakte Hai.
Is Vakt 3 Zombie Darwaje Se Kamre Me Ghusne Ki Kosis Kar Rahe Thay Aur Ek Zombie Khidki Se Ander Ghusne Ki Kosis Kar Raha Tha, In 4 Zombies Ke Elava Baki Zombies Jund Me Bahar Khade Huye Thay, Jese Wait Kar Rahe Ho Kab Moka Miley Aur Vo Ander Ghus Sake, Itne Sare Zombies Ka Ek Sath Samna Karne Ke Bare Me Soch Hi Akash Ki Halat Bhuri Ho Rahi Thi.
Par Usey Itna Jarur Pata Hai Ki Agar Vo Ladey Ga Nahi To Uske Bachne Ka Koyi Chance Nahi.
Me – White Bones Darwaje Vale 3 Tumhare
Akash Ne White Bones Ko Order Diya Aur Khud Khidki Vale Zombie Ki Tarf Chal Diya, Zombie Ke Pass Ponch Usne Apni Novice Stick Uthayi Aur Zombie Ke Sar Par Vaar Kiya Jis Se Zombie Ka Sar Ik Tarf Ludak Gayea.
White Bones Ke Level Badne Se Uski Moment Ab Pehle Se Tej Ho Chuki Hai, Vo Kamre Me Ander Ghusne Vale Zombies Ke Sar Ko Ek Hi Var Me Bohat Hi Safayi Se Unke Dadh Se Alag Kar Raha Tha.
Piche Khade Dono Zombies Apne Sathi Ke Maare Jane Ke Baad Uski Body Ke Dono Side Se Agge Badne Ki Kosis Karne Lage.
Jab Un Dono Zombies Ne Side Se Agge Aney Ki Kosis Ki To Vo Niche Bikhre Saman Se Tokar Kha Niche Gir Gaye.
Akash Itne Aache Moke Ko Keyse Jane De Sakta Tha To Vo Agge Bada Aur Usne Ek Zombie Ke Sar Par Var Karke Usey Fod Diya Aur White Bones Ne Apni Ax Ki Madad Se Dusare Zombies Ke Sar Kat Diya.
Akash Duvara Apne Target Ko Churaye Jane Par White Bones Ne Koyi Reaction Nahi Diya Jese Usey Is Baat Se Koyi Matlab Hi Nahi Ki Zombies Ko Kon Maar Raha Hai Usko Bs Itna Order Mila Hai Ki Zombies Ko Maarna Hai.
Akash Abi Apni Phuli Huyi Sans Ko Kabu Karta Ki 4 Aur Zombies Darwaje Aur Khidki Se Kamre Me Gusne Ki Kosis Karne Lage.
Akash Apne Danto Ko Bhichte Huye Khidki Ki Tarf Bada Aur Us Tarf Se Aney Vale Zombie Ke Sar Par Vaar Karke Usey Mar Diya Jiski Ek Side Vali Ankh Ko Kata Huya Tha, Zombie Ke Marte Hi Ek Safed Roshni Ka Gola Zombie Se Nikal Akash Ke Ander Chala Gayea.
White Bones Darwaje Ke Samne Khada Apni Ax Ko Gumate Huye Apne Sar Katne Ke Huner Se Zombies Ke Sar Ko Dadh Se Alag Kar Raha Tha Jis Vaja Se Ganda Khoon Ki Pichkariya Diwaro Aur Floor Ko Rang Rahi Thi.
Is Vakt Zombies Ki Body Aur Baki Saman Ki Vaja Se Kamre Ke Darwaja Niche Se Aadha Band Ho Chuka Tha Par Zombies Is Baat Ki Parwa Kiye Bina Kamre Me Gusne Ki Kosis Kar Rahe Thay, Saman Aur Lasho Ki Vaja Se 2 Zombie Unke Bich Fas Gaye Vo Lagatar Agge Ghusne Ki Kosis Kar Rahe Thay.
Akash Is Baat Ke Fayda Utha Te Huye Dono Zombies Par Tut Pada Aur Apne Hath Me Pakdi Stick Ki Madad Se Dono Zombies Ke Sar Par Vaar Karte Huye Unke Sar Ko Fod Diya Aur Dono Ko Mar Girayea.
Zombies Ki Lashe Jo Darwaje Me Fasi Huyi Thi Unse Ganda Khoon Lagatar Beh Raha Tha Jis Vaja Se Kamre Me Bohat Gandi Badbu Fail Chuki Thi Jisey Sahan Karna Kisi Aam Insan Ke Bas Ki Baat Hi Nahi Thi, Akash Ka Dheyan Is Vakt Badbu Par Nahi Zombies Se Apni Jan Bachne Par Tha Is Liye Usey Gande Khoon Aur Badbu Se Koyi Farak Nahi Pad Raha Tha.
3 Nayi Lasho Ki Madad Se Ab Kamre Ka Darwaja Niche Se Aadhe Se Jada Band Ho Chuka Tha Jiski Vaja Se Zombies Ko Kamre Me Gusne Me Ab Paresani Ho Rahi Thi.
Tabi Lasho Ke Bich Se Bahar Se Do Zombie Se Sar Agge Aye Jisey Dekhte Hi Akash Ne Bina Der Kiya Apni Novice Stick Ki Madad Se Ek Zombie Ke Sar Ko Fod Diya Aur White Bonea Ke Dusare Zombie Ke Sar Ko Kat Diya.
Darwaje Vale Zombies Se Ladte Vakt Akash Ka Dheyan Piche Zombie Par Gayea Jo Khidki Se Adha Ander Aa Chuka Tha To Abi Vo Pura Ander Ata Is Se Pehle Akash Bina Der Karte Huye Us Zombie Ke Pass Ponch Aur Uske Sar Ko Fod Diya.
Zombie Ke Marte Hi Safed Roshni Ka Gola Akash Ki Body Ke Ander Chala Gayea Aur Uske Mind Me Avaj Ayi
“ Apka Level 3 Par Ponch Chuke Hai, 2 Stat Points Ka Use Kare.”
Me – Strength, Stamina
Hanfte Huye Akash Ne Chunayo Kiya, Zombies Se Ladte Vakt Stamina Bohat Teji Se Kam Ho Raha Tha Iska Ek Karan Ye Bi Tha Ki Akash Ke Pass Jada Takat Nahi Thi Jis Se Vo Zombies Ko Asani Se Mar Nahi Pa Raha Tha Jis Vaja Se Uska Stamina Par Jada Pressure Pad Raha Tha.
Selection Ke Baad Akash Ki Body Thodi Relax Huyi Aur Sath Hi Uski Body Ki Takat Bi Badne Lagi
(Author Note - Dosto Agar Update Me Apko Koyi Galti Lage Ya Koyi Word Ya Line Samj Na Aye To Usey Highlight Karke Jarur Batana Tan Jo Main Next Updates Me Usey Sahi Kar Saku, Xièxiè)
To Be Continue...
Last edited:
