phir mai apne room me aa kar bistar par baith gaya aur room ki khidki kholke cigerette peene laga, mere room me ek badi si khidki thi uske bahar guest house nazar aa raha tha jahan hariya aur ramu ka pariwar rehta tha, tabhi maine kuch ajeeb sa notice kiya, maine dekha ki guest house ki chat par se smoke uth raha hai aur mujhe laga ki guest house me aag toh nahi lag gayi chunki ghar me sab apne room me the toh maine kisi ko bhi pareshan karna uchit nahi samjha aur khud hi niche utarkar bahar aa gaya aur guest house ke chat ki taraf jaane laga , jab mai sidiyon se upar guest house ki chat ja raha tha toh mujhe kisi ke baatein karne ki awaj aayi, mai chupchup chat par aaya toh dekha ki wahan hariya aur ramu aag jalakar daaru pi rahe hai....
Hariya mujhe dekhte hi bola "arre babua tum yahan kaise?
"woh maine apne room ki khidki se dekha toh mujhe laga ki kahin guest house ki chat par aag toh nahi lag gayi isliye bas check karne ke liye chala aaya" mai bola
"nahi babuji, hum toh aise hi daily aag jalakar daaru peete hai" ramu bola
"Acchha theek hai toh mai chalta hoon"
"Babua, ab aa hi gaye ho toh thoda baith jao" hariya bola
mai socha kuch time baith jaata hoon aur mai unke saamne rakhi hui khatiya par baith gaya
"waise aap dono chacha-bhatije ek saath hi daaru peete ho?"
"babuji, hum dono ka khoon ka rishta thodi hai, bas kehne ke liye hum chacha-bhatije hai" Ramu bola
"Matlab?"
"Babua , ramu ke baap aur hum aapke dadaji ke khet me kaam karte the , aapke dadaji ki maut ke baad humara guzara karna kaafi mushkil ho gaya tha woh toh aapke pitaji ki wajah se hum is ghar me kaam par lag gaye" hariya bola
"Ramu, tumhare pitaji mujhe kahin dikhayi nahi diye woh kahan kaam karte hai?"
"woh toh 6-7 saal pehle hi guzar gaye" ramu daaru gatakte hue bola....
"aap dono kitne samay se is ghar me kaam kar rahe hai?" mai bola
"10-12 saal ho gaye honge" hariya bola
"yahan kitni kamayi ho jaati hai, gaon se acchha kama rahe hoge?" Mai bola
"bas ghar chal jaata hai babua, gaon me the toh aapke dadaji aur pitaji the toh acchhe se zindagi kat rahi thi" hariya bola
"Toh kya hua mai aa gaya hoon na, koi baat ho toh mujhse bolo"
"nahi babuji" Ramu bola
"kya kahe babua, dahej ki wajah se apni behen ki shaadi nahi kar paye , ab toh lagta hai apni beti ki shaadi bhi nahi kar payenge" hariya bola
"Savita aunty se baat kariye woh kuch madad kar dengi" mai bola
"babuji woh aurat koi madad nahi karegi" ramu bola
"babua woh aurat mehnat ka paisa toh deti nahi hai" hariya bola
"Mujhe toh nahi lagta ki savita aunty aisi hongi?"
"Babuji woh aurat paisi ki bhookhi hai" ramu bola
"Maalkin ka aapse bhi koi matlab nikal raha hoga tabhi aapko ghar me rakha hua hai" hariya bola
"Kya baat kar rahe ho, mujhe toh savita aunty ka vyavhar kaafi acchha laga" mai bola
"Babua woh aurat jaisi dikhti hai waisi bilkul nahi hai, maalkin gareeb ghar se thi aur paise ke liye ek buddhe se shaadi ki, uska Buddha pati shaadi ke 5-6 saal baad hi mar gaya, paise ke liye kuch bhi kar sakti hai" hariya bola
brother for your valuable comment, aapne kaafi baatein bilkul sahi kahi hai....
