sorry bhailog mujhe straight to the point likhne ki aadat hai so shayad aapko story jyada pasand na aaye
Chapter 1.
15november 2020
Aaj chhaya ko jail ki saza hue pure 5saal ho chuke the aur wo apne kandhe par apna chhota sa bag lie apne right pair ko ghasitte hue bahar aa rahi thi. Jail ke gate par ek warden aakho me aasu lie khadi thi jab neha uske pas ruki tab uske sar par hath ferte hue kaha,‘‘don’t worry beta. Sab thik ho jayega aur agar tumhe zarurat pade to tumhari ye maa tumhare sath hai.’’Neha unse kuchh der baat karne ke baad waha se nikal gai jaha thodi dur par ek bmw car khadi thi.
Chhaya us car ko pehchan gai wo uske bhai harish ki car thi. Wo us car ke paas jane ki jagah chalte hue aage nikalne lagi tabhi us car se harish nikal kar aa gaya aur usne neha ka rasta rok lia. Harish ne uska hath pakadte hue gusse se kaha,‘‘5saal tak jail me rehne ke baad bhi tumhari akad nahi gai. Chalo jaldi se car me betho sab tumara wait kar rahe hain.’’ chhaya ne jawab me apna left pair utha kar usko kick mar di aur kuchh duri par khadi ek Rolls Royce me ja kar beth gai aur uske bethte hi wo car nikal gai.
Harsh shocked ho kar us car aur usme bethi uski sabse chhoti behan ko dekhta raha. Jiske pas ek footi kody bhi nahi thi wo aaj rolls Royce me beth kar ja rahi thi. Sach kaha jaye to neha ki puri family me se kisi ki bhi itni aukat nahi thi ki wo new bmw bhi kharid sake wo log second hand bmw chalate the.Harish ne kuchh der sochne ke baad uska pichha kia par wo ek chaurahe par aa kar hi us car ko kho dia kyu ki jis car me neha bethi thi wo car kahi bhi nazar nahi aa rahi thi.
Dusri taraf chhaya jis rolls Royce me bethi thi wo ek ek luxurious villa me aa kar ruki aur us villa ke bahar likha tha PARMAR VILLA. Jese hi car ruki villa ke servents ne car ke aage red carpet bichha dia aur neha us par chal kar andar jane lagi aur villa me maujud sabhi servents uske aage ghutno par beth kar use respect de rahe the. Jese hi wo villa ke door ke pas pahochi door khula aur ek 55saal ki lady ne nam aakho ke sath use gale laga lia,wo lady aur koi nahi neha ki foster mother trisha thi. Unhone kaha,‘‘maaf karna beta main aur tumhare papa tumhe bacha nahi sake, par ab aur nahi.Ab agar chaudhri family ne tumhe aakh utha kar bhi dekha to hum unki aakhe nikal denge.’’Itna kehne ke baad unhone chhaya ke forehead par kiss kia aur use le kar andar aa gai.
Chhaya room me fresh hone ke lie chali gai par wo jese hi wo room me enter hui apne purane room ko dekhti hi reh gai. Karib 10saal pehle wo apne foster parents mr. rohan parmar aur trisha parmar jinhone use orphanage se adopt kia tha unhe chhod kar apne biological parents ke pas chali gai thi tab jis halat me uska room tha bilkul wesa hi tha bas ab us room me uski mr. and mrs shah aur uski twin sister heer ke sath jo photo click karvai thi wo large frame karva kar wall pe lagi hui thi. Khair kuchh der baad wo fresh ho kar bahar aai to uske samne uske papa rohan khade the. Jese hi neha ne unhe dekha wo unse lipat kar rone lagi. Dono baap beti pure 10saal bad mil rahe the, tabhi kisi ne dono ko ek sath hug kar lia. Ye aur koi nahi neha ki judwa behan heer thi.
Kuchh der baad tino dining table par aa gaye aur nashta karne beth gaye.Rohan puchhna chahte the ki chhaya ne sabut kyu nahi dikhaye court me jisse wo nirdosh sabit ho sakti thi. Heer unke man ki baat samajh gai usne turant hi jawab dia,‘‘papa main janti hu ki aap kya puchhna chahte hain. Dii ne jab sabut pesh karne ki bari aai thi tab unhone jis insaan par bharosa kia usi ne wo sare sabut mita die jisse wo nirdosh sabit ho sakti thi aur gunehgar ko saza mil sakti thi aur wo insaan aur koi nahi yamini chaudhri hi hai jinpar di sabse jyada bharosa karti thi.’’ Heer ki baat sun kar puri family ko gussa aane laga par abhi ke lie wo kuchh karna nahi chahte the wo bhi bina kisi proper planning ke.Khair din bit gaya aur neha aur heer dono apne room me aa gaye. Heer neurologist thi is lie wo neha ka ilaj asani se kar sakti thi par abhi ke lie neha ka dunia ke samne na aana hi better tha par wo neha ka ilaj kafi time ke lie delay bhi nahi kar sakti thi, usne apne cousin ko call kia aur kuchh bat ki.
Chaudri villa..
chhayaa ke car me beth kar nikal jane ke baad harish apne ghar aa chukka tha. Wo gussa tha is baat se ki neha ne use laat mari aur shock bhi ke neha rolls Royce me beth kar kaha chali gai.Usne apne connection ki madad se us car ka pata lagvane ki koshish ki par use kuchh pata nahi chala aur police bhi uski madad karne ke lie ready nahi thi. Use bas itna pata chala tha ki wo car kisi mafia don ki hai jise touch karna police to kya kisi bhi bade se bade aadmi ke bas ki baat nahi thi.
Wo abhi room me betha soch hi raha tha ki kya kia jaye chhaya ko dhundane ke lie ki tabhi uski adopted sister vaishali waha enter hui. Wo janti thi ke harish kya soch raha hai, usne achha banne ka natak karte hue kaha,‘‘bhai main janti hu ki humne neha didi ke sath galat kia hai par unhe aapko is tarha bich sadak par laat nahi marni chahie thi.’’ Harsh uski baat sun kar sochne laga ki chhaya badal gai hai aur wo shayad pehle jesi masum nahi rahi thi.
Morning 10am,
Heer chhaya ko le kar apni private lab me aai hui thi jiske bare me shayad hi kuchh logo ko malum tha. Bahar se dekhne par wo lab ek normal chhota sa ghar lagti thi par uske andar jane ke baad pata chalta tha ki uske andar kitni badi aur high tech lab thi. Khair jese hi neha ke pairo ka x ray hua to heer ki aakhe gusse se laal ho gai aur uski aakho se aasu behne lage. X ray me dikh raha tha ki neha ke right pair ka panja tod dia gaya tha aur uska hath bhi kamse kam tin baar fracture ho chukka tha.
Usne apne dost Rahul ko call kia jo city ka dgp tha aur use neha ke jail me rehne ke dauran kya hua tha uske sath pata lagane ke lie kaha.heer ko pakka yakin tha tha ki neha ke sath kuchh to hua tha jiski wajah se uski ye halat hui thi.Kuchh der baad tests khatam ho gaye aur wo neha ko le kar ghar wapas aa gai par uske face par dukh aur gussa saf dikhai de raha tha. Wo neha ko uske room me pahochan ke baad apne room me chali gai tabhi uska phone baja call Rahul ka tha.
Rahul :chhaya ke sath jo kuchh bhi hua tha wo pata chal gaya hai. (Uski awaz me ek dard tha jese ki wo ro raha ho.)
Heer : saaf saaf batao kya hua tha chhaya di ke sath?
Rahul use ek video bhejta hai jisme kuchh female prisoners mil kar chhaya ko wood betons se mar rahi thi aur kuchh ne neha ka hath ka panja buri tarha se marod dia tha.heer ne video dekha aur badi mushkil se apne gusse par control karte hue puchha,‘‘kisne karwaya hai ye sab?’’ Rahul ne kaha,‘‘kisne karwaya hai ye malum nahi chala hai abhi tak par itna pata chala hai ki neha ko kisi gunah me fasa kar jail bheja gaya tha aur kisi ne un prisoners ko special order dia hua tha neha ke sath yeh sab karne ke lie.’’Rahul ne itni information de kar call cut kar dia kyu ki uske lie apne aasu rokna namumkin ho raha tha.
Idhar heer bhi gusse me aag babula ho rahi thi. Usne turant hi sari report apne papa rohan ko bhej di kyu ki wo janti thi ke akele uske bas ki baat nahi thi ki in sabhi ki jad tak ja sake. Kuchh der baad heer neha ko le kar ghar wapas aa gai wo apne sath neha ki treatment ke lie medicines aur kuchh equipments le kar aai thi. Usne chhaya ko room me rest karne ke lie bhej dia aur wo apne papa se milne study room me chali gai.
Rohan window ke pas khade hue the jab heer room me enter hui tab bhi wo nahi palte. Jab heer ne apne papa ke kandhe par hath rakha to wo palte tab heer ne dekha ki unki aakhe nam hai. Heer ne unka hath thamte hue kaha,‘‘papa main wada karti hu ki neha didi ke sath jinhone bhi wo sab atyachar kia hai use main zinda nahi chhodungi.’’ Par tabhi use yad aaya ki bina kisi sabut ya reason ke un logo par attack karna thoda mushkil hoga.
Somewhere in delhi..
Ek alishan villa me ek aadmi beth kar daru pi raha tha aur uske samne ek aadmi khada tha jo ki use chhaya ke jail se bahar aane ke bare me bata raha tha. Wo insaan aur koi nahi chhaya ka ex fiance ravi tha jisne neha se sagai tod kar shivani se sagai kar li thi aur uske samne uska secretary rajesh khada tha. Ravi ne puri baat sunne ke baad kaha,‘‘mumbai jane ki taiyari karo. Aakhir wo jail se bahar aa gai par wo ye nahi janti ki uski saza abhi puri nahi hui hai.’’ Ravi ki baat sun kar uska secretary chala jata hai aur ravi ek ladki ki photo ke samne ja kar kehta hai,‘‘ishani, pichhle 5saal se tum coma me ho, mujhse baat tak nahi ki. Maine tumhe chot pahochane wali ko saza dena shuru kar dia hai bas intezar hai to tumhare hosh me aane ka.’’ Kuchh der baad wo villa se bahar chala gaya.
Wahi dusri or harsh ek deal ke bare me baat karne ke lie parmar group of companies aaya hua tha Is baat se anjaan ki uske sath kya hone wala hai.Khair is time heer apne papa rohan ke sath conference hall me bethi thi par use kisi wajah se use bahar aana pada ki tabhi uski nazar harish par padi jo ki ground floor par reception ke pas khada tha.Usne apne papa rohan ko call karke bata dia ki harish waha aa chukka hai, rohan ne use wapas bulaya aur jis kam ke lie heer ja rahi thi wo kaam apne assistant Anurag ko bhej dia.
Kuchh der baad heer aur rohan c.e.o ke cabin me bethe the aur tabhi heer ki assistant Krishna harish ko le kar enter hui.Us time heer apna chehra face dusri or kia hua tha is lie harish heer ko dekh nahi paya rohan ne use smile karte hue andar aane ka invitation dia jab ki uske man me chaudhri family ke neha ke sath kie hue bartav ke lie gussa umad raha tha.
Harish rohan ko respect ke sath hello kehne ke bad chair par betha par tab bhi heer ka face dusri or tha. Harish jese hi apni baat kehne wala tha ki tabhi heer palti aur ab wo harish ke samne thi, harish heer ko dekh kar chaunk gaya.Ek pal ke lie to use laga ki chhaya uske samne hai tabhi rohan ne heer ko harish se introduce karvate hue kaha,‘‘mr.hasrish, please meet my daughter heer parmar.She is the vice chairwoman of parmar industries.’’Harish heer ko dekh kar chaunk gaya tha wo bilkul chhaya ki photocopy lag rahi thi. Wo kuchh kehne wala hi tha ki tabhi neha ka video call aya jise heer ne bina kuchh soche pick kar lia aur rohan se baat karne ke baad wo waha se chali gai par kismat se harsh chhaya ko dekh lia tha.
Harsh bina kuchh baat kie waha se chala gaya ye sochte hue ki neha ka parmar family ke sath kya rishta ho sakta hai aur rohan parmar ki beti heer neha jesi hi hubahu dikh rahi thi. Khair wo heer ke pichhe pichhe gaya par heer kahi dikhai nahi di. Wo thak haar kar company se chala gaya ki tabhi heer rohan ke cabin me chhupa ek darwaza khol kar wapas andar aai aur kuchh bat karne ke baad wo chhaya ke pas ghar chali gai.
Idhar harsh parmar industries se nikal kar apne ghar chala gaya wo hairan tha ye jaan kar ki chhaya ke jesi hi dikhne wali ek ladki hai aur chhaya use apni behan keh rahi thi. Wo sochte hue apne ghar me enter hua usne dekha ki vaishali use sofa par beth kar tv dekh rahi thi. Koi nahi janta tha ki is masum si dikhne wali ladki kitni badi shaitan hai(buri wali). Harsh usse bina baat kie apne room me chala gaya par uske man me jo sawal the wo use bahot pareshan kar rahe the. Wo kuchh sochte hue apne mom dad ke room me chala jata hai par use samajh nahi aa raha tha ki wo uske man me jo sawal hai wo puchhe kese.
Use apne room ke door par khade dekh kar uske papa ne kaha,‘‘kya tum kuchh kehna chahte ho?’’ harsh ne jhijakte hue puchha,‘‘kya aapki chhaya ke alawa koi aur bhi beti thi jo chhaya ki judwa thi?’’ harsh ki baat sun kar uske papa chaunk gaye par uski mom dar se kaanpne lagi ye dekh kar harsh ke man me sawal utha ki esa kya hai jiski wajah se uski mom dar gai. Khair usne iska reason puchhna sahi nahi samjha aur wapas apne room me chala gaya. Par vaishali harsh ke apne parents se baat karne se pehle hi room ke bahar chhup kar un sabhi ki baate sun rahi thi.
Parmar villa
In 15dino me heer ki mehnat rang lai thi aur uski treatment ki wajah se chhaya ki injuries pehle ke mukable kafi thik ho chuki thi. Heer ne apne senior doctors se salah le kar chhaya ko halki fulki kasrat aur martial arts ki training dena shuru kar dia tha. Par shayad kuchh tha jo undono ne nazar andaz kar dia tha.
