Fantasy AJNABEE (completed)

[TAKSHAK]

Mast story rhi... ending bhi badhiya ki..

 

[Swaraj]

Mast story rhi... ending bhi badhiya ki..

Please meri story beauty and the beast bhi padhiye

 

[Story Collector]

Hello, Ladies & Gentleman,
We are so glad to Introduce Ultimate Story Contest of this year.

Jaise ki aap sabhi Jante Hain is baar Hum USC contest chala rahe hain aur Kuch Din pahle hi Humne Rules & Queries Thread ka announce kar diya tha aur ab Ultimate Story Contest ka Entry Thread air kar diya hai jo 17th, Nov 2019, 11:59 PM ko close hoga.

Khair ab main point Par Aate Hain Jaisa ki entry thread aired ho chuka hai isliye aap Sabhi readers aur writers se Meri personally request hai ki is contest mein aap Jarur participate kare aur Apni kalpnao ko shabdon ka rasta dikha ke yaha pesh kare ho sakta hai log use pasand kare.
Aur Jo readers nahi likhna chahte wo bakiyo ki story padhke review de sakte hai mujhe bahut Khushi Hogi agar aap is contest mein participate lekar apni story likhenge to.

Ye aap Sabhi Ke liye ek bahut hi sunhara avsar hai isliye Aage Bade aur apni Kalpanao ko shabdon Mein likhkar Duniya Ko dikha De.

Ye ek short story contest hai jisme Minimum 800 words se maximum 6000 words tak allowed hai itne hi words mein apni story complete Karni Hogi, Aur ek hi post mein complete karna hai aur Entry Thread mein post karna hai.
I hope aap mujhe niraash nahi Karenge aur is contest Mein Jarur participate Lenge.



On Behalf of Admin Team
Regards :- Story Collector

 

[RAAZ]

UPDATE 1
Akash class me baitha hi hua tha ki...

"Meri seat hai hat ja"alicia boli

"L lekin har roz to mai hi yaha baitha rehta hoon"Akash dheere se bola

"Meri marzi,aaj yahi baithungi"alicia boli

"Lekin.."sar jhukakar Akash bola

"Pata hai na mera bf koun hai??"Alicia boli

Aakash hat gaya sar jhukakar.

"Pata nahi simran kaise tu is loser se engagement karne wali hai??"alicia ne simran se kaha

"Tension mat le,isse peecha churane ka waqt bohut jald aayega,mai mar jaunga lekin is loser aur darpok se shaadi nahi karungi"simran gusse me tilmilate hue boli
-------------------------------------------------------------------------------
MALHOTRA NIWAS
"dekhiye na panditji,kuch hoga mere bete kars malhotra badi aasha lekar Swamiji ko ghar bulakar apne bete ke future ke baare me poochhe lage

"Hmm ek raasta hai,Kailash mansarovar"panditji bole

"Mansarovar to china me..."mes malhotra hairani ke saath boli

"Haan wahi aapke bete ko jaana hoga,mahakal ke paas tabhi jaakar usme kuch sudhar hoga"Panditji bole

"Pandit ji dekhiye na kaise sookhta ja raha hai,hamesha bujha bujha sa rehta hai."mes malhotra fir boli

"Jaisa maine kaha hai waisa hi kijiye"bol Swamiji ne aashirvad diya aur chale gaye

"Aap tension na liya karo bhabhi mai aur ankush dono Kailash mansarovar ja rahe hai planning ho chuki hai.agar aap Akash ko bhejna chaho to bhej sakti ho"anand malhotra bola

Amit, anand aur ankush malhotra teen bhai.aur in teeno bhai me amit malhotra sabse bada
Amit malhotra ke do bachhe hai Akash aur ragini
Aakash 18 saal ka aur ragini bhi 18 saal ki judwa hai
Amit malhotra ke bete aakash se simran goel ki engagement tay kar di thi dono family walo ne
Lekin aakash thoda darpok,kamzor kism ka ladka hai.na padhai ne na khel kood me sab me fisaddi
Amit malhotra ne apne bete se ummed hi chod di hai
Sirf uski behen ragini aur maa usha malhotra aakash ke sabse kareeb hai aur ek dost
Golu
-------------------------------------------------------------------------------
GOEL MANSION
"mujhe nahi pata papa,mai usse engagement nahi karna chahti"simran rote hue boli

"Tujhe pata hai ki engage kyun karwa raha hoon??"Vikrant goel bole

"Mujhe usse koi lena dena nahi.mai bali ka bakara nahi banna chahti"simran chillakar boli

"Are bachhi nahi chahti to rehne do"ankush malhotra apne glass ki whisky khatam karte hue bole.

"Kya matlab??"vikrant bola

"Kailash mansarovar"bol hasne laga ankush malhotra

Anand malhotra ki bhi hasne ke awaazein aayi
Kuch samajh paane ke baad vikrant bhi hasne laga

HA HA HA HA HA HA HA

"Kya plan banaya hai anand tune.aakash ko marne ka.uske baad goel sahab ke bete ki shaadi ragini ke saath .uske baad uska bhi patta saaf karne ke baad malhotra industries bas hum teeno ki"ankush bola

HA HA HA HA

Bro kafi time baad aapke page pe aaya hoon aaj. Story aaj hi shuru Kari aur chor pracht andaaz me. Mystery ke sath story ki shuruwat Kari hain aapne. Maza aayega isme. Review deta rahoonga halaki story finish hain magar mujhay to abhi bhi taro taza pushp ke saman lag rahi hain

 

[RAAZ]

Awesome but sad wali love story mat dalna
Mai nai ap ki romantic story Read Karna chor dia hai ab wo sad ness idir mt likhna plzzz its a request

Yaara baat to sahi kahi magar tragedy king dilip kumar ko flim industry barabar nahi kar payi aisay hi
@sawarj bhai bhi tragedy king. Hain forum ke ha ha ha

 

[RAAZ]

Mrs malhotra apne bete ko gale laga kar rone lag gayi

"Bhaiyya ye kya haal bana rakha hai??tum kaale labade me kyun aaye ho??"ragini boli

"Haan beta tere baal aise kaise ho gaye???aur tu itne din kahan tha??kya kar raha tha???kaafi dubla patla ho gaya hai"mrs malhotra boli

Aakash sirf halke se muskuraya

Mrs malhotra ne aakash ka haath apne sar par rakha

"Kasam de mujhe aaj ke baad apne maa ko chod kahi nahi jaayega,kasam de"mrs malhotra rote hue boli

Aakash halka sa hairan hua

"Mai tere bina mar jaungi beta,tere papa,ragini aur tere siva koi hai mera??apne maa ki itni si baat nahi manega beta??"mrs malhotra ne aakash ke gaalon ko pyaar se haath fera

"Arey beta tere gaal itne thande kaise hai.barf ki tarah??"mrs malhotra ke aisa Bolte hi aakash ne mrs malhotra ke sar par haath fera

"Aap so jaiye maa,baad me baat karte hai"aakash bola
Ajeeb baat ye thi ki mrs malhotra ko neend aane lagi aur wo so gayi

"Jab neend se maa uthegi,to sab thik ho jayega"aakash ne apni behen se kaha

"Tu bhi rest kar le bhaiyya,baad me baat karenge"bol ragini chali gayi

Aakash ne kamre se nikalte hi ek naukar ko bulakar poochha

"Suno,mere kamre ko saaf kar diya na??"

"Ji chote maalik"naukar bola

"Ek baar dikhao"aakash bola

"Chaliye"bol naukar aakash ko le uske kamre me

"Ab tum jao,kamra wakao saaf kiya hua hai"aakash bol aur ander ghuste hi darwaza band kar diya

Apne kaale labade ko utarkar zameen par yog mudra me baithkar apni aankhen band karke sochne laga
Maa aur behen.dono ka dil kitna saaf hai.kitna bada khazana mila mujhe ek maa aur ek behen.lekin unko pata chal gaya to??
Nahi nahi,maa aur behen ko nahi khone dunga mai.kisi ko pata nahi lagne dunga ki mai aakash nahi hoon
Aakash ka sharir dheere dheere kaala hota gaya
Fir dheere dheere neele roshni ne use gher liya aur fir kaala dhuan shareer se nikalne laga.uska shareer kaala dhuan aur neele rang me badal gaya
-------------------------------------------------------------------------------
"Kya bakwas kar rahe ho anand??"Vikrant goel bola

"Meri bhi samajh me kuchh nahi a raha hai goel sahab,hamara plan fulproof tha,lekin pata nahi ye sapola kaise bach gaya"anand bola

"T tum logo ke baare me kisi ko kuch bola to nahi??"vikrant bola

"Pata nahi,ya to yaddasht thik se aayi nahi,ya fir dar ke mare kisi ko bataya nahi"anand bola

"Fir bhi ladke par nazar rakho.kisi bhi haalat me us ladke ko tapkana padega"vikrant bola

"Hmm samajh gaya"anand bola

"Guruji ko pata hai??"vikrant bola

"Unse koi baat chupi hai??"anand bol

"Hmm thik hai jaisa maine kaha ki is ladke par nazar rakho,aur mauka milte hi tapka do"vikrant bola

"Us machhar ko tapkana koun si badi baat hai,wo to sirf guruji ki wajah se mai chup tha,unke hi aadesh ki wajah se is ladke ko mandar me kaatne ka plan banaya tha"anand bola

"Ghabrao mat ,use maarne ka time fir aayega, malhotra industries sirf hamari hai"vikrant apna drink khatam karte hue bola

Bada naya mod diya hai bhai yani ki yah Akash nahi hai. Maza aayega bohat maza aayega

 

[Swaraj]

Bada naya mod diya hai bhai yani ki yah Akash nahi hai. Maza aayega bohat maza aayega

Meri doosri story running hai bro
Beauty and the beast.love story hai.please uska review de dijiyega

 

[RAAZ]

Meri doosri story running hai bro
Beauty and the beast.love story hai.please uska review de dijiyega

I say poora karne do bhai taki is ka sawad le sako bus 2 din me uspe bhi aa jaaonga.

 

[RAAZ]

"akele akele kya kar raha hai bhaiya??"ragini ne terrace par aakar poochha

"Bas tahal raha tha"aakash bola

"Darr nahi lag raha hai tujhe??pehle to andhere se darta tha"ragini boli

"Tujhe darr lagta hai ragini??"aakash ne poochha

"Haan andhere se to sabko dar lagta hai"ragini boli

"Aaj se tujhe kam se kam andhere se darne ki zaroorat nahi hai ragini"aakash ne muskurate hue bola

"Kyun ??tu bada gama pahalwan hai kya???"ragini ne kamar par haath rakhkar kaha

Ye sunkar aakash zor zor se hasne laga

"Gama pehelwan to nahi lekin andhere ka raj....mera matlab andhere se tujhe bacha sakta hoon"aakash bola

"Ok jaldi neeche a warna mummy daant lagayegi"ragini boli aur daudkar neeche chali gayi

Aakash bhi sone chala gaya
-------------------------------------------------------------------------------
Ragini jogging ke liye jab park gayi to hairan reh gayi
Aakash jogging kiye ja raha tha aur pasine se nahaya hua tha

"Tu??aur jogging??Sapna no nahi dekh rahi hoon??"ragini boli

"Kyun na karu??"aakash apna haath strech karte hue bola

"Are wo baat nahi tu to kabhi in sab me rehta hi nahi tha na"ragini

"There's always first time"aakash ne aankh marte hue fir duadne laga
Ragini bhi peeche peecha ho li

"Baap re kitna bhagta hai,waise jahan tu tha wahan bhi aise hi jogging karta tha kya??isse mujhe yaad aaya bhaiyya.tune abhi tak bataya nahi kahan tha tu itne din??"ragini ne poochha

Aakash kuch batane ja hi raha tha ki usne dekha ki ek bheed ekattha ho gayi hai ek jagah par
Dono bhai behen wahan gaye

"Kya hua bhai sahab??"aakash ne poochha

"Dekho na ek saamp waha dikh gaya ,park me aise saampo ka paana achi baat nahi hai na ??
Kal hi society ke secretary ko bolkar iske baare me kuch kehna padega"aakash ke paas khada aadmi bola

"Jab tak hum unhen pareshan nahi karenge,ye aapko pareshan nahi karega"bol aakash ne zameen me jhukte hi jaise apne haath zameen par sparsh kiye,ek saamp waha se tezi se bhag gaya

"Are ye to wahi saamp hai"wahi aadmi bola

"Insano ne koun si jagah khali rakhi hai bhai sahab??insano ke liye jagah kam pad jaati hai ye to fir bhi bechare jeev hai"bol aakash ragini ko lekar aage badh gaya

-------------------------------------------------------------------------------
Jaise hi aakash aur ragini ghar aaye.ghar me sab chupchap mile

"Papa a gaye hai tour se"ragini ne dheere se bola
Aur dono bhai behen breakfast karne jaise hi baithe saamne amit malhotra paper par aankhen gadaye hue mile

"Ab tabiyat kaisi hai??"mr malhotra ne paper se aankhen bina hataye poocha

"Bas thik hoon"aakash bola

"Aaj tumhare birthday par hi loss karwa kar aaya hoon, Congratulations"mr malhotra ne paper table par rakhte hue kaha

"Isme bhaiyya ka kya dosh ki aapke shares ludak gaye??? malhotra industries ke shares se bhaiyya ka kya lena dena papa??"ragini boli

"Jab se usne janm liya tabse hi to lena dena shuru ho gaya tha"mr malhotra bole

"Malhotra shares kaise loss kar sakti hai,aadhe ghante pehle hi to 1.25 points upar aayi"aakash bola

"KYA??"mr malhotra aur ragini dono hairan hokar muh khol kar bole

Mr malhotra ne apna mobile nikala jhat se kuch fatafat dabaya aur....

"Y y ye to sach hai,lekin tumhe kaise....tum kab se...."mr malhotra ko apne share ke badhne par jitni hairani nahi ho rahi thi
Apne bete ko dekh usse zyada ho rahi thi

"Happy birthday beta"mrs malhota ne apne bete ke liye breakfast me hi duniya bhar ke pakwan se plate bhar diya

"Haan haan khilao is nalayak ko,hun ek tukka lag gaya to apne aap ko tees maar khan mat samajh lena"bol mr malhotra dining table se uthakar chale gaye

"Papa ki baaton ka bura na manna beta,unki zaban aisi hai,dil ke bohut ache hai"mrs malhotra boli

Aakash muskurate hue apne maa ke gale lag gaya

-------------------------------------------------------------------------------
GANDEN MONASTERY TIBBET
"Sensei sensei"ek boudh bhikshu daud kar aaya

Ek boodha boudh bhikshu pahadiyon ko dekh raha tha usi ke paas chillate hue aaya boudh bhikshu

"Wo ...wo...."boudh bhikshu bola

"Pata hai mujhe"vridh boudh bhikshu bola

"Lekin....lekin ye galat hai sensei"boudh bhikshu bola

"Aur jo tum logo ne 18 saal pehle kiya wo kahan tak sahi tha??abhi agar use uski priyasi nahi mili to poori duniya andhere me doob jayegi,koi suraj nahi uthega"vriddh bola
Aur aasman ki aur dekhne laga

To iska Matlab aakash ke is roop ka link tibbet se hai dekhna hoga ki kia link hai aur. Kaun hai uski lover???

 

[RAAZ]

"ye kya hai alicia??"simran ne poochha

"Saamp"alicia boli

"Lekin kisliye??"simran ne poochha

"Us aakash ke bacche ko sabak sikhane,abhi classroom me akela hai,ab dekh kaise ise chor deti hoon,aur naachta hua bahar aayega"alicia boli
Aaj aakash se badla lene ka mauka mila hai.us din ki baat bhooli nahi hai alicia,jab uske bf ko sare aam salil kiya tha is ladke ne

Saamp ko chorte hi dheere dheere kamre me ghus Gaya
Aakash muskuraya,aankhen poore hare rang ki ho gayi uski
Saamp ruk gaya aur wapas double speed se bhaag gaya

"Y ye kya hua??maamla kya hai simran???"alicia boli
Simran bhi hairan thi ye dekhkar.jab se aakash wapas lauta hai kuch different sa hai
Kuch alag sa,aankhon me ek chamak rehti hai,body bhi kaafi athletic ban gayi hai,baalon ka style kapde pehenne ka tarika,baat karne ka tarika sab kuch badal sa gaya

"Kya hua mere baare me soch rahi thi simran??"ek awaz aayi karano me,simran chaunk kar mudi lekin waha koi nahi tha
Aakash waise hi class me baitha hua tha

Simran pasine me naha gayi,abhi abhi to........ye sab....ye ladka ....god god
"M mai thoda wash room.se aayi alicia"bol hadbadakar chali gayi simran
Alicia bhi dar kar waha se bhaag gayi
-------------------------------------------------------------------------------
Ragini bohut khush thi,kal bohut dino baad sab cousins ne milkar aakash bhaiyya ka birthday manaya tha
Dono ka school alag hai,lekin aakash hamesha apni behen ko lene school chale aata hai.lekin kal to sab bhai behen jaise ek jo gaye the,sab gile shikwe door ho chuke the
Yahi to wo chahti thi,uska bhaiyya kaafi badal gaya hai mansarovar jaakar aur..

DHAKK

Ek zordar dhakka maarkar ek ladka gir gaya,gir ragini bhi gayi thi
"Andhe ho kya dikhta nahi hai??"gusse se ragini uth khadi hui.chot to zyada nahi lagi.lekin school uniform halki si ga di ho gayi thi.

"S s sorry galti ho gayi,mai class 12 ki aur ja raha tha"ek mota frame ka chashma pehne apne baalon ko peecha back brush kiye hue wo ladka kaafi dara hua dikh raha tha
Ragini ko bura lag raha tha,ek waqt uska bhai bhi aise hi rehta tha

"A jao mai le chalti hoon "ragini boli
Ladka peecha peecha ho liya

"Waise aapka Naam kya hai?"ladke ne poochha

"Wah??abhi mile ho abhi naam bhi poochne lag gaye??"ragini boli

"N nahi halatat samjhiye wo mai aise hi....mera naam shlok hai"ladke ne dheere se kaha

"Ragini malhotra"ragini boli aur muskura di

Ladke ne ragini ki aur dekha aur wo bhi has diya
-------------------------------------------------------------------------------
"Aap sachmuch jayenge sensei"boudh bhikshu ka samuh vridh boudh bhikshu ko ghere hue the

"Ek bhishan sangram hone ki aashanka hai ,ek bhool jo galti se hui thi,ab wo kitna bada roop lekar saamne aayi hai wo tum dekh hi rahe ho,kya galti thi uski??apne premika ke saath ek hona???"vridh bhikshu bola

"Lekin sensei ab to wo aur zyada taqatwar ho gaya hai,kya aap use rok payenge??"ek boudh bhikshu bola

"Use rokne nahi ja raha hoon,bas dekhne ja raha hoon ki aage kya hota hai,aur ise rokne wale ek ek kar a rahe hai"vriddh bhikshu bola

"Agar uski premika nahi mili to"ek bhikshu ne poochha
Iske jawab me vriddh bhikshu kuch nahi bola.chup chaap budhh ke pratima ko pranam kar chala gaya

-------------------------------------------------------------------------------
Aakash maths ke problems solve kar raha tha aur golu use bas dekhta jo ja raha tha

"Ti kab se itna intelligent ho gaya yaar??bol.na mansarovar me aisa kuch kiya jisse aisa hota hai?mai bhi try karunga"golu bola
Aakash kuch bolne hi wala.tha ki ..

"Attention students ye hamare class ki nayi student,disha gupta jisne aaj hi is class me admission liya hua hai,aap.sab se request hai ki is student ko poora co operate kare"bol teacher ne disha ko baithane ka ishara kiya

Aakash ki aankhen ekdum khuli reh gayi.ye to ye to...lekin ye kaise???ye.....nahi nahi
Apne sar ko pakadkar baith gaya aakash

"Idiot"halke se disha ne aakash ko dekhkar kaha aur aage badhakar ek khali jagah dekhkar baith gayi

Lagta hai dono bhai behan ki settings aa chuki hain. Ab dekhay kia kamal aur dhamal hota haim