Update - 149
Nilam – to rajni aunty aap hamare sath bahar aayi matlab ki rat ko aap logo ne sambhog to kiya . par aapko kya jarurat thi karne ki aap mana kar deti na dev ko. Bekar me ab aap khatro me pad gayi wo bhi ek rat ke maje ke liye?
Rajni - nahi nilam yaha baat ek rat ke maje ki hae hi nahi ye to mere sekdo salo ke plan ka nateeja hae. ye sab maene hi set kiya tha.
Ab Aage…….
Poonam – kya matlab?
Dev – aese nahi , ruko mae sab kuchh shuru se batata hu. To bat yu hae ke……………………….
Aur dev sab kuch unhe bata deta hae. jise sun kar sabhi haeran rah gaye.
Poonam – ohhhh to ye bat hae. fir to dev aapne jo kiya sahi kiya mujhe aapse koi shikayat nahi. Aapne inhe sekdo salo ki saja se mukt karwa diya. mujhe aap par garv hae.
Rajni - chalo achha hae sab ki pareshani khatam hui
Rudra – lekin rajni aunty abhi kaha khatam hui? pareshaniya to tab tak hae jab tak hum log yaha hae.
Rajni - are yar aunty mae dharti lok pe hu yaha aunty dikh rahi hu kya ? yaha aap sab mujhe rajni hi kahege. Waese bhi yah mera asli nam hae. ab aunty bola na to dekh lena.
Sabhi hans padte hae.
Rudra – achha thik hae to Aunty………. Ohh I mean Rajni batao ab kya karna hae kaha chalna hae?
Rajni - mae bahot kuchh janti hu jab se tum log yaha aaye to kya hua. Lekin kya hoga ye mae bhi nahi janti. Ha mae tilism ki jankari rakhti hu. Poonam ki tarah lekin ye Trikal ka tilismi chakra hae. to aage badhte hae. aur niptege jo samne aayega.pahle tum char the fir shankra ke aane pe 5 hue ab hum 6 hae. ishwar ki meharbani hae ki char se 6 hue hae. varna is tilism me ginti badhti nahi ghatti hae. kyu poonam ?
Poonam – sahi kaha pahle hum char the fir shankara ke aane pe 5 hue ab rajni ke aane ke bad hum 6 log ho gaye hae. hamari team badi hae ghati nahi hae. to ye ache sanket hae.
Mujhe bhul gayi poonamtabhi ek taraf se khatera ki awaj aayi jise dekh kar rudra ne sir peet liya
Rudra – abe tu fir aa gaya sale ek to kuchh batata hae nahi aur us par tujhe apni team ka member bhi kahe bewkoof.
Khatera -ye to tum bataoge na ke mae pagal hu ya tumse bhi samajhdar kyu ke mae bate paglo wali karta hu par hu tumse bhi jyada samajhdar par ha mae bewkoof bhi ho sakta hu.
Rudra – dekha teri yahi bate pareshan karti hae mujhe.
Khatera – meri bate pareshan karti hae aur rasta bhi dikhati hae. chalo mae batata hu kaha chalna hae ye rajni kya batayegi tumhe ise kuchh nahi malum ye to tumhe bhatkane aayi hae Trikal ki jasus hae ye. Sahi to mae batauga tumhe.
Khatera ki baat sun kar sabhi ek duje ko dekh kar muskrane lagte hae.
Rajni - khatera yaha sab jante hae ke sach kya hae isiliye teri is chal me yaha koi nahi fasne wala.
Khatera – dekha maene kaha na ye tum logo ko uljhayegi hi rasta to mae dikhauga aakhir is nagri tak bhi maene hi pahuchaya tum logo ko.
Rudra – abe sale rasta batayega ya raste lagayega?
Dev – galat baat mat bolo khatera, tumne nahi pahuchaya hamne dimag se kam liya aur sahi jagah pahuche varna tum to teesre darwaje me bhej rahe the hame.
Khatera – wo to mera kam hae
Rudra – wahi kam tum ab bhi kar rahe ho.
Khatera – chalo chalte hue bate karege aao uttar disha me jana hae. par tum chaho to purv me bhi chal sakte ho mere hisab se to uttar me hi chalna chahiye, waese dishaye to charo hi mast lag rahi hae.
Sabne apni najre rajni pe rakhi rajni ne inkar me garden hila di
Khatera – kya hua utho na , aao mere peeche itna mat socho. Uttar hi sahi disha hae. vishwas karo. itna kah kar wo aage badh gaya aur aage ke pedo ke beech se nikalta chala gaya. Ab wo dikhayi nahi de raha tha.
Rajni ke sath sabhi soch me dube hue the. Aur jaha khatera gaya tha us taraf dekh rahe the.
Tabhi poonam – hame abhi purv me chalna chahiye.
Rudra - par purv me kyu?
Poonam – wo isiliye kyu ki hamne jab tilism me pravesh kiya tab hum purv disha me the aur wahi se aage badh rahe the aur aaj jab maharaj ne hame us nagri se nikala to us waqt unhone bhi hame purv disha me hi bheja tha mae bas usi hisab se andaja laga rahi hu. Baki sure to yah ape humme se koi nahi hae. sab andaje se hi chalna hae.
Tumhari bat sahi hae poonam hame purv me hi aage badna hoga. Kyu ke agar khatera ke do me se ek bat sahi hae to usne pahle uttar disha bola aur fir purv hi bola us hisab se bhi purv disha sahi hae.
Sab ke chehre pe rounak aa gayi aur ek saath purv disha me chal pade. Wahi ek ped ki aad se khatera unhe jate hue dekh raha tha aur us ke chehre pe muskan aa gayi. Aur wo wahi se adrashya ho gaya.
Idhar ye sab log aage badhte chale ja rahe the sabse aage is waqt rudra tha. Ke tabhi achanak rudra ne jaha paer rakha waha se jameen do bhago me alag ho gayi aur neeche gahri khayi ban gayi aur rudra usme girne laga lekin girte hue usne kinare se nikle hue pathhar ko tham liya. Khai me neeche bahot tej nukile lambe lambe patthar talwar ki tarah khade the. Agar rudra neeche gira to wo sab uske badan me ghus sakte the. Jisse palak jhapakte hi kisi ke bhi pran nikal jaye.
Ye sab dekh kar nilam ki cheekh nikal gayi. Sabhi wahi ruk gaye aur dev yaha waha dekhne laga ke rudra ko bachane ke liye kuch mil jaye tabhi poonam ne apne kandhe pe latke bag me se ek chhadi nikali
Mae ise bahar nikalti hu dev aap pareshan mat hoiye aur ek taraf aa jao poonam ne kaha………
aur apni chhadi ko aage kar ke kuchh mantra padhne lagi.
Tabhi uski chhadi me aage se ek chhota sa baaz nikla wo chidiya se bhi chhota tha. Abhi usne thoda aage tak hi udan bhari thi ke wo ek vishalkay baaz me badal gaya uska ek pankh itna bada tha ke ye sab us ek pankh pe baeth jaye to bhi jagah bach jaye. Uske pankh fadfadane pe helicopter ke chalne ki si aawaz paeda ho rahi thi. wo teji se upar aasman me gaya aur fir apni disha badal ke teer ki tarah rudra ki taraf aane laga aur apne vishal panje khol diye. Jaese hi wo rudra tak pahucha us ne rudra ke kandho pe apne panje se pakad banayi aur usi teji se udta hua fir upar chala gaya aur ek gol round le ke rudra ko sab ke beech me khada kar diya. aur fir se un sab ke charo taraf gol ghumne laga. Tabhi poonam ne apni chhadi aage ki to us baaz ka aakar chhota hota chala gaya aur wo gol ghumte hue chhota hota gaya aur us chhadi me wapas sama gaya. Poonam ne wo chhadi wapas bag me rakhi.
Rudra – kya kamal tha ye? Pahle to wo jameen mere paero ke neeche se yu gayab hui jaese ke thi hi nahi fir poonam bhabhi aap ke is baaz ne to kamal hi kar diya.
Poonam - jameen gayab nahi hui. balki jameen thi hi nahi wo bas ankho ka dhokha tha. Asal me yaha khai hi thi. jameen to is khai ke us taraf hae. ye sab tilism hae Trikal ka tilism. usne hamare liye kadam kadam pe mout ka jal bicha rakha hae.
Dev – lekin ab ham is khai ko paar kaese karege?
Rajni - uska intajm mae karti hu.
Dev – lekin isse Trikal tumse naraj nahi hoga?
Rajni - wo to tum sab se bhi hoga lekin uski khushi ke liye hum jan to nahi de sakte na. aur waese bhi tumahri wajah se ab mae uski gulami se ajad hu. Mujhe to yaha se nikalne ka prayas karna hi hae na. Ab wo mae akele bhatakte hue karu ya tum logo ke saath ussse koi farak nahi padta mae to Trikal ki di hui saja hi bhog rahi hu ye meri kismet hae ke tum sab saath ho. Varna mae akeli bhi hoti to prayas to karti hi yaha se nikalne ke liye. Aur trikal ne bhi mujhe nagri se isiliye nikala hae ke ab waha ke sukh na bhogu balki jo sukh ek rat ka maene bhoga uske badle me yahi is tilism se nikalne ki koshish karti rahu aur kisi hadse ka shikar ho kar mari jau. Aur agar kismet se bach gayi to usme use koi pareshani nahi . yadi mari gayi to uska plan success.
