★☆★ Xforum | Ultimate Story Contest 2025 ~ Reviews Thread ★☆★

[Lucifer]

Unfortunately We are facing a server issue which limits most users from posting long posts which is very necessary for USC entries as all of them are above 5-7K words ,we are fixing this issue as I post this but it'll take few days so keeping this in mind the last date of entry thread is increased once again,Entry thread will be closed on 7th May 11:59 PM. And you can still post reviews for best reader's award till 13th May 11:59 PM. Sorry for the inconvenience caused.

You can PM your story to any mod and they'll post it for you.

Note to writers :- Don't try to post long updates instead post it in 2 Or more posts. Thanks. Regards :- Luci

 

[Aakash.]

"Ek Gufa Ka Raaz" by Tom Hardy

Kahani dilchasp aur rahasyamay safar hai jo geology ke students ke ek expedition ke sath shuru hoti hai aur ek anokhi purani gufa ke raaz tak jati hai. Pachmarhi ke prakritik mahaul ka vivaran aur gufa ke andar ke chamakte chitra, fossil aur visions kahani ko ek alag hi duniya mein le jate hain. Arjun, Tanya, Vikram, Maya aur Rohit ke kirdaar alag alag rang late hain Arjun ka zimmedar hona, Tanya ki utsukta, Vikram ka shak, Maya ki chuppi aur Rohit ki shanti kahani ko aur rochak banate hain.

Gufa ke andar ke bioluminescent chitra aur woh ajeeb fossil kahani mein ek science fiction jaisa twist late hain. Visions ka hissa jahan har ek student ko alag alag itihas ke pal dikhte hain bahut rochak aur daravna hai. Tanya ka gayab hona aur uska watch jo sirf paanch minute dikhata hai samay ke sath khelta ek zabardast raaz kholta hai. Fossil aur chhote patthar ke DNA ke bare mein pata chalna yeh sochne par majboor karta hai ki shayad yeh zameen se bhi pare ki cheez hai.

Kahani ka mahaul, gufa ka sannata aur uska prabhav padhne wale ko bandhe rakhta hai. Ant mein thodi adhuri si feeling lagti hai par yeh us raaz ko aur gehra banati hai. Ye kahani science, itihas aur rahasya ka perfect mix hai jo sochne par majboor karta hai ki humari duniya kitni anjani ho sakti hai.

Overall shandaar kahani hai jo adventure, mystery aur kuch anokha dhundhne ki chah ko dikhati hai. Padhne ke baad man mein sawal aur utsukta bhar jata hai..​

 

[Aakash.]

"Baans Ke Jungle Mein" by Blues Bane

Kahani rochak aur gahri hai jo lokkatha, prakriti aur insani dard ko ek sath jodti hai. Kavya ka kirdaar ek shahri documentary filmmaker ka jo Bastar ke jungle mein ek rahasyamay lokkatha ke pichhe jati hai bahut prernadayak hai. Baans ke jungle ka vivaran aur uski mysterious hawa kahani ko ek alag hi duniya mein le jati hai.

Nagin Devi ki kahani shuru mein ek andhvishwas lagti hai par Jharia ke sach ke saath yeh ek dil ko chhoo lene wali tragedy ban jati hai. Jharia ka apne gaon ke vinash ka badla lene ke liye technology ka istemal karke Devi ka roop dharan karna kahani mein ek zabardast twist lata hai. Avaidh khanan aur jungle ke nuksan ka mudda kahani ko aur bhi relevant banata hai.

Kavya ka apni documentary ke liye Jharia ki sachchai chhupane ka faisla aur uske badle mein Nagin Devi ki lokkatha ko zinda rakhna ek sochne wala pehlu hai. Ye dikhata hai ki kabhi kabhi katha sach se zyada taakatvar ho sakti hai. Jungle ke dhaav, sarasarahat aur rahasyamay ghatnayein padhne wale ko bandhe rakhti hain.

Kahani ka mahaul aur characters jaise Manglu aur gaon walon ka dar kahani ko aur gehra banate hain. Ye kahani sirf ek lokkatha nahi, balki prakriti ke sanrakshan aur insaaf ki ladai ki kahani hai.

Overall shandaar kahani hai jo dar, dard aur ummeed ka perfect mix hai. Padhne ke baad man mein ek alag si prerna aur soch jagti hai ki hum apne jungle aur unki kahaniyon ko kaise bacha sakte hain..​

 

[Aakash.]

"HanumanGarh Haveli" by Blues Bane

Dilchasp aur rochak kahani hai jo rahasy, dar aur mukti ke rangon se bhari hai. Ujjain ke purane mohalle ki is haveli ki kahani sirf ek bhootiya ghar ki nahi balki ek parivaar ke saahas, ekjutata aur ek purani aatma ki shanti ki khoj hai.

Pasand aane wali baatein:

▪︎ Kahani ka mahaul bohot hi jeevant hai. Haveli ki tasveerein, uski deewaron ka bojh aur andhere ka varnan aisa hai ki padhne wala khud wahan maujood mehsoos karta hai.

▪︎ Har ek kirdaar, chahe Warisha, Nandan, ya choti si Maya sab ke apne rang hain. Bahnon ki "cheenti-si toli" wala naam dil ko chhoota hai aur parivaar ke rishte ko mazedaar banata hai.

▪︎ Rahasy aur dar ka balance bohot achha hai. Haveli ki awaazein, parchhaiyaan aur har ke peeche chhupa raaz padhne wale ko bandhe rakhta hai.

▪︎ Aatma ki mukti aur Hindu paramparaon ka istemal jaise chandan ka dhoop aur nadi mein har visrajan kahani ko gehraai deta hai aur usse ek sanskritik ehsaas milta hai.

▪︎ Ant mein haveli ka ek smriti sthal ban jana aur mohalle ke logon ka ek hona ek sundar sandesh deta hai ki darr se upar uthkar pyar aur shanti banayi ja sakti hai.

Kuch kami:

"Kaal ka ghoonta" aur "haveli ki angoothi" ke matlab ko samajhne mein thoda waqt lagta hai, shuru mein yeh thoda uljhan wala laga.

Overall: kahani ek safar hai dar se shanti tak, andhere se ujale tak. Rahasy, parivaarik rishte aur ek purani aatma ki mukti ki yeh katha dil ko chhooti hai.​

 

[Aakash.]

"Chandni Chowk Chale Channu Bhaiya" by Saleem Pheku

Mazedaar aur dil ko chhune wali kahani hai jo swaad, mehnat aur sapnon ke safar ko dikhati hai. Sagar ke chhote se dhabewale Channu Bhaiya ka Delhi ke bade shehar mein adventure dil se dil tak jata hai.

Acchi Baatein:

▪︎ Channu Bhaiya aur unki team ke kirdaar bahut pyare hain. Razzo, Pintu, Naseer aur Guddi Bai ke chhotevchhote pal hasate bhi hain aur jodte bhi hain.

▪︎ Khane ka varnan soya bean ki biryani, chana-sattu ke parathe aur gulab jalebi chaat aisa hai ki padhte waqt bhookh lag jati hai.

▪︎ Kahani ka mazedaar twist jab shadi ka order mazdooron ki site ka nikalta hai aur fir Malhotra ki shadi ka mauka milta hai bahut dilchasp hai.

▪︎ Delhi ka mahaul, Chandni Chowk ki bheed aur Sagar ke sadgi ka contrast kahani ko aur rochak banata hai.

▪︎ Neha ka idea aur social media ka istemal modern zamane ke saath purani mehnat ko jodta hai jo ek sundar sandesh deta hai.

Thodi Kami:

▪︎ Kahani mein galtiyan hain Shuruaat mein thodi dheemi chalti hai jab tak Delhi ka safar shuru hota hai.

Overall: Yeh kahani hasati hai, rulaati hai aur mehnat ke swaad ka ehsaas dilati hai. Channu Bhaiya ki team ka safar dikhata hai ki dil se kaam karo to chhota shehar bhi bade sapne poore kar sakta hai.​

 

[Aakash.]

"Mulaqaat" by dil_he_dil_main

Dil ko chhune wali aur emotional kahani hai jo pyar, toote rishte aur zindagi ke modon ko dikhati hai. Arjun aur Neha ke bich ke purane pyar aur unki nayi mulaqaat kahani ko rochak banati hai.

Acchi Baatein:

▪︎ Arjun ka kirdaar bahut real lagta hai. Uska flashback, board exam ke din aur Neha se pehli mulaqaat ka varnan dil se dil tak jata hai.

▪︎ Neha ke sath Arjun ke chhote chhote pal jaise exam mein copy dikhana aur chole bhature khana bahut pyare aur mazedaar hain.

▪︎ Kahani ka emotional twist jab Neha shadi ka card deti hai aur Arjun ka dil toot jata hai bahut gehra asar chhodta hai.

▪︎ Neha ka ghamand aur social media fame ka angle aaj ke zamane se juda hai jo kahani ko modern touch deta hai.

▪︎ Ant ka suspense jab Arjun villain banne ki baat karta hai kahani ko aur aage janne ki utsukta jagata hai.

Thodi Kami:

▪︎ Kahani ka ant thoda jaldi khatam hota hai Neha ke idea ka jikr bina detail ke chhod deta hai.

▪︎ Neha ka character thoda ek tarfaa lagta hai uske emotions ya wajah thodi aur saaf ho sakti thi.

Overall: kahani pyar, toote dil aur zindagi ke naye modon ki ek emotional daastan hai. Arjun aur Neha ka safar hasata bhi hai aur rulaata bhi hai.​

 

[Aakash.]

"Cubicle: A Sky Within" by Scodash Psychopath

Dil ko chhune wali aur prernadayak kahani hai jo zindagi ke asli sapnon aur dil ki awaaz sunne ki baat karti hai. Ek aam middle class ladke ke corporate zindagi ke sangharsh aur apne sapnon ke liye himmat jutaane ka safar is kahani ko khaas banata hai.

Acchi Baatein:

▪︎ Kahani ka vyaktigat aur emotional lehza dil tak jata hai har middle class ladke ke sapne, majboori aur corporate duniya ke sangharsh ko yeh sachchai se dikhata hai.

▪︎ Aarohi ke saath chhote chhote pal jaise coffee machine wala scene aur terrace pe baatein kahani mein ek sundar romantic touch dete hain.

▪︎ Office politics, chamchagiri aur manager ke injustice ka varnan bahut real hai jo corporate zindagi ke sach ko ujaagar karta hai.

▪︎ Ant mein protagonist ka job chhodkar apne gaming aur sapnon ki taraf badhne ka faisla prernadayak hai aur ek bada sandesh deta hai dil ki suno.

▪︎ "Where do you see yourself in 5 years?" wala sawaal aur uska jawab kahani ko gehraai deta hai jo padhne wale ko sochne par majboor karta hai.

Thodi Kami:

▪︎ Aarohi ka character thoda aur gehra ho sakta tha. Uska promotion aur chhodkar jana thoda jaldi khatam ho jata hai.

▪︎ Kahani ke shuruaati hisse mein thodi dheemapan hai jo thodi aur tezi se shuru ho sakta tha.

Overall: Yeh kahani ek cubicle ki chhoti si duniya se nikal kar sapnon ke aasmaan tak le jati hai. Corporate zindagi ke dard, pyar ki chhoti si kahani aur apne dil ki awaaz sunne ka safar isse dilchasp aur prernadayak banata hai.​

 

[Aakash.]

"Raftaar Jaanlewa Hai" by Scodash Psychopath

Ek chhoti par gehri aur rahasyamay kahani hai jo zindagi, maut aur raftaar ke khataron ko ek alag hi nazariye se dikhati hai. Highway 27 par ek biker's accident aur uski mulaqaat ek mysterious ladki se kahani ko ek alag hi level par le jati hai.

Acchi Baatein:

▪︎ Kahani ka mahaul bahut shandaar hai. Raat ka highway, tez hawa aur baajre ke khet ka varnan padhte waqt ek thandak si mehsoos hoti hai.

▪︎ Titli wala scene chhota par bahut prabhavshali hai jo zindagi aur maut ke bare mein sochne par majboor karta hai.

▪︎ Ladki ka character jo shayad maut ka roop hai kahani mein ek rahasyamay aur emotional touch deta hai. Uska muskurana aur baatein dil ko chhooti hain.

▪︎ "Raftaar Jaanlewa Hai" ka message sidha aur gehra hai jo zindagi mein sambhal kar chalne ki seekh deta hai.

▪︎ Ant ka twist jab "Aur Tum Bhi" wala board dikhta hai kahani ko ek dardnak aur yaadgar mod deta hai.

Thodi Kami:

▪︎ Kahani thodi jaldi khatam ho jati hai. Ladki ke background ya accident ke bare mein thodi aur detail maza badha sakta tha.

▪︎ Protagonist ke dukh ya bhaagne ki wajah thodi aur saaf ho sakti thi taaki uske emotions se aur gehra connection bane.

Overall: Yeh kahani ek chhoti si tasveer ki tarah hai jo zindagi, maut aur raftaar ke khataron ko dil se dikhati hai. Rahasy, darr aur ek gehra sandesh isse ek yaadgar kahani banata hai.​

 

[mrDevi]

The train that never stops by vakharia

Yeh ek bhavnatmak kahani hai jo pyaar aur yaadon ki gehraiyon ko chhooti hai. Ananya aur Shaunak ka rishta dil se juda hua lagta hai, jisme unki baatein, shayari, aur jazbaat kahani ko khoobsurti se aage badhate hain. Writer ne bhasha ka sundar upyog kiya hai, aur characters ka development bhi ache se kiya gaya hai. Agar aapko geheraai se likhi pyaar ki kahaniyaan pasand hain, to yeh kahani zaroor padhiye

 

[vakharia]

The train that never stops by vakharia

Yeh ek bhavnatmak kahani hai jo pyaar aur yaadon ki gehraiyon ko chhooti hai. Ananya aur Shaunak ka rishta dil se juda hua lagta hai, jisme unki baatein, shayari, aur jazbaat kahani ko khoobsurti se aage badhate hain. Writer ne bhasha ka sundar upyog kiya hai, aur characters ka development bhi ache se kiya gaya hai. Agar aapko geheraai se likhi pyaar ki kahaniyaan pasand hain, to yeh kahani zaroor padhiye

Thanks a lot brother

 

[vakharia]

कहानी समीक्षा: सौतेला
लेखक महोदय: SANJU ( V. R. )
​

ये कहानी पढ़कर सच में दिल भारी हो गया। कहानी की शुरुआत शिमला की पहाड़ियों पर एक तूफानी रात से होती है, जहां डॉक्टर विक्रम अपनी कार लेकर फंस जाता है और मजबूरी में एक मेंटल हॉस्पिटल में शरण लेता है। यहीं से असली कहानी खुलती है... एक मां (राधा) की पीड़ा, उसका टूटा हुआ मन, और उसके बेटे राहुल की दर्दनाक मौत की दास्तां।

कहानी इतनी रियलिस्टिक है कि पढ़ते-पढ़ते लगता है जैसे सब आंखों के सामने हो रहा है। राधा की जिंदगी में जितना दुख है, उतना ही उसकी ममता भी गहरी है। उसके बेटे राहुल के साथ जो हुआ, वो पढ़कर सच में आंखें नम हो जाती हैं। सौतेलेपन की वजह से एक मासूम बच्चे की जान चली जाती है, और मां की हालत ऐसी हो जाती है कि वो पागलखाने में जिंदगी काटने को मजबूर हो जाती है। कहानी में जो फ्लैशबैक है... राधा का बचपन, उसका संघर्ष, फिर शादी, और उसके बाद की घटनाएं... सब बहुत सहज और इमोशनल तरीके से लिखी गई हैं।

सबसे बड़ी बात, कहानी में कोई मेलोड्रामा या जबरदस्ती का ट्विस्ट नहीं है। सब कुछ बहुत सच्चाई के साथ दिखाया गया है... जैसे हमारे आस-पास की दुनिया में होता है। विक्रम का खुद अपने अतीत से टकराना, अपनी मां के सामने खुद को गुनहगार मानना... ये सीन बहुत असरदार है। और आखिर में जब राधा की मौत हो जाती है, तो सच में लगता है कि शायद अब उसे सुकून मिल गया।

कहानी का जो मैसेज है... बच्चों के मन में तो कभी भेदभाव नहीं होता, ये बड़ों की ही सोच है जो जहर घोल देती है... वो बहुत गहरा है। पढ़कर लगता है कि हमें भी अपनी सोच पर नजर डालनी चाहिए।

अगर आप इमोशनल, रियलिस्टिक और सोचने पर मजबूर कर देने वाली कहानियां पसंद करते हो, तो ये कहानी जरूर पढ़ें। हां, थोड़ा दिल मजबूत रखना पड़ेगा, क्योंकि ये कहानी दिल को छूती ही नहीं, झकझोर देती है।​