Yeh kahani ek frictional story hai. It has nothing to do with real incident. Sabhi characters, location aur siruation real nahi hai.
Kashmir ka Khurshid gaon tha. Jo kafi saal poorana tha. Us gaon mein Kashmiri Hinduo ko basaya gaya tha. Article 370 aur 35 ko abolish karne ke baad aab Government ne sabhi bichade hue Kashmiri Hinduo ko unka haq dilaya aur unke khoye hue adhikar ko wapis diya. Kai Hindu parivaro ko unka ghar wapis milne laaga.
Lekin aaj Khurshid gaon mein sannata pasara hua tha. Na koi shorgul na koi halchal. Hinduo ke gaon wapis aane se koi kharab mahol nahi bana tha lekin aaj baat kuch alaag thi. Us gaon mein kai gharo se rone ki awaz aa rahi thi.kai log dare hue the. Us gaon mein Army ki convoy pahunchi. Qareeb 6 gadiya thi Indian Army ki. Sabhi soldiers cars ke bahar nikale aur guns lekar aas paas ke area ka surveillance kar rahe the. Position clear hone par 4th car ki taraf ek soldier ne clear kehkar bahar aane ka ishara kiya.
Car se ek aadmi bahar nikala jo civil cloth mein tha. Clean shave and mushtache mein saath hi saath chote baal mein aadmi ek jhopadi ki taraf chal pada. Woh Indian Army ke Rashtriya Rifle regiment ke Colonel Manoj Yadav the.
Jhopadi mein ghuste hi unki nazar ek ladki pe gayi jo us waqt ro rahi thi. Colonel Manoj paas mein padi ek chair pe beith ke us ladki ko dekh rahe the. Us ladki ko rote hue dekh Colonel ka dimag dagmagane laaga. Maan mein ek taraf se sawal uth raha tha ki aalhir yeh ladki rona kab band karegi.
"Beta please apne bhai ko bulao hume usse baat karni hai. Please beta aap bulaiye unhe."
Ladki room ke andar gayi aur apne bhai ko bahar bheja. 18 saal ka ek ladka jiska naam Umesh tha woh ghabrata hua bahar aaya. Colonel ne use beithne ka ishara kiya. Ladke ke aankho mein darr aur ghabrahat thi.
"To Umesh problem kya hai. Kyon yeh gaon chodke bhagna chahate ho ? Tumhi logone yaha aane ka maan banaya tha. To phir aaj kyon tumhare saath 20 parivaar yaha se chale jaana chahata hai ?"
"Hum log gareeb hai sahab. 30 saal pehle hume yaha se bhagaya gaya tha. Aaj Sarkar ne hume wapis aane ka mauka diya lekin bhagwan bahut nirdayi hai. Hum Hinduo ke saath yaha chupe terrorist atyachar kar rahe hai. Kaal raat se 20 hinduo ko kidnapp kar liya. Hume dhamki de rahe hai yaha se jaane ko nahi to humari jawan behno ko utha le jayenge yeh log. Hum bebas hai sahab."
"Beta ek baat yaad rakho. Tumhare ghar ke bahar jo uniform mein lhade jawan dikh rahe hai na. Unke zindagi ka maksad tum log ho. Tumhare liye apni jaan dene ko taiyaar hai. Tum jab tak khulke hume nahi bataoge ki woh kaun the 20 hinduo ko agua karne wala to hum kaise tumhari madad karenge ?"
"Hume kuch nahi kehna sahab hume yaha se chale jaana hai."
Ghusse mein Colonel ne chillate hue kaha "Tum jaiso ki wajah se aaj yeh terrorist manmani kar rahe hai. Darpok ho tum saab. Bekar kahi ke."
"Meri behen hai jiski umar 20 saal hai. Mujhe uska byah karna hai. Main 18 saal ka hoon. Mujhe apne parivaar ko pitaji ke baad chalana hai. Hum dabe hue hai."
"Yeh jo bahar mere jawan khade hai woh tere hi umar ke hai phir bhi lad rahe hai dushmano se. Agar twri tarah darpok hote to aaj desh humara gulaam ho jaata aur poora Hindustan aaj gulaami mein jakada hota. Desh ke liye agar marna pade to hum gharbrate nahi. Hume bhi parivaro ki jimmedari milti hai lekin humare maa baap bhai behen humara parivaar nahi hai. Tum 130 crore log humara parivaar ho."
Itna sunke ladka ro pada aur Colonel ke pair pad gaya "Mujhe maaf kar do sahab main sab kuch batata hoon."
Colonel ne use uthake bethaya aur paani pilate hue chup karaya. Ladka apne aap ko sambhalte hue kaha "Sahab kaal Saiyed naam ka ek aadmi aaya tha. Usne humare pitaji ko bandhi banaye rakhne ki baar kahi. Unka ek commander Muhammed ka letter dete hue chala gaya."
"Woh letter do mujhe."
Ladke ne letter diya. Colonel Manoj ne us letter ko padha jisme Commander ne likha "Yeh humari jagah hai. Inshallah hum ise apna banayenge. Tum Hindu log yaha aane ki galti kiye ho. Tumhare abba ke saath is gaon ke 20 hinduo ko humne kidnap karke ralha hai. Chupchap yaha se chale jao. 1 hafte ka waqt diya tumko agar nahi gaye to yaha koi bhi Hindu zinda nahi bachega. Allah ki qasam saab ko kaat dalenge."
Colonel ne woh letter envelope mein rakhte hue kaha "un sabhi ko hum wapis surakshit yaha laayenge aur ek bhi terrorist ko nahi chodenge."
Colonel ne paas khade Major Surdeep Singh ko kaha "24 hours security diya jaaye is gaon ko jab tak Commander Muhammed aur uske aadmiyon ko hum na maarde tab tak."
Umesh Colonel se haath jodte hue kaha "mere pitaji ko sahi salamat le aaiye. Hum aapki pooja karenge saari zindagi."
Colonel ne uske kandhe pe haath rakhte hue kaha "hum sirf insaan hai. Puja karni hai to Bharat maa ki karo jo hum saabki maa hai. Ghabrao maat koi nahi marega yaha pe kyonki yaha pe tumhari suraksha ke liye Indian Army khadi hai jo khud kisi lohe se kaam nahi."
Colonel waha se bahar nikala aur apne cell phone pe call receive kiya.
"Captain Ashok Panday sir. Brigedier Pratap ne aapko meeting mein bulaya."
"I am coming Ashok." Itna kehkar Colonel apne car mein beith gaya.
Aab dekhna yeh hai ki kya Colonel Manoj apne diye hue vaade ko poora kar paayenge ya phir 30 saal ka woh kharab itihaas phir dohraya jaayega. Kya Colonel un hazaro Hinduo ko mehfoos ralh paayega ya nahi. Yeh aage ki kahani mein pata chalega.
