Erotica Pratha Ke Ghere mein

[Celebrorn]

Chapter 11

Agli subah jab meri aankh khuli toh aisa laga jaise main bahut jyada gehri aur lambi neend so kar uthi hun. Meri nazar kamre ki khidki ki taraf gayi toh parde ke peeche kafi tez suraj ki roshni dikhayi de rahi thi. Maine turant ghadi ki taraf dekha toh paaya ki subah ke 11 baj chuke they.

Main jaldi se hadbadate hue uth baithi. Bed ke doosre chhor par Aditya so raha tha. Abhi bhi gehri neend mein, woh kafi innocent sa... cute sa lag raha tha. Main use dekh kar halke se muskurayi. Shayad kal main kuch jyada hi soch rahi thi. Aditya ne kal raat meri baat maan kar mujhe aaram se sone diya tha, aur usse pehle woh kitne pyaar se mujhse baat kar raha tha. Shayad jo kuch pehli raat ko hua use bhula kar aage badne mein hi samajhdaari thi. Shayad mujhe apne sapno ka jeewan abhi bhi mil sakta tha.

Main muskurate hue khadi hui aur suitcase se ek aur nayi saree nikaali. Aaj main yeh suitcase khaali kar ke almari mein saara saman set kar dungi, maine socha. Par kal toh shayad hum log honeymoon ke liye jaane wale they, toh fir shayad ek aur bag pack karna padega. Us sab ke baare mein sochte hi mann mein fir se excitement si hone lagi.

Main jaldi se kapde lekar nahane ghusi, aur andar hi bra, panty, petticoat aur blouse pehen kar bahar nikli, apne upar ke hisse par ek tauliya daal kar. Aditya abhi bhi wahin bed par they, soye hue. Maine jaldi se apni saree bandhi aur mirror mein dekhte hue ek chhoti si bindi apne sar par lagayi.



Mere mann mein fir se wohi chulbulapan soojh raha tha, jaise main shaadi se pehle thi. Main apne geele baal elkar Adi ke paas pahuchi.

Maine Adi ki side bed par baithte hue apne geele baal uske chehre par halke se fere - Good morning...

Adi ekdam hadbada kar utha, usko bhi shayad abhi meri aadat nahi padi thi - Huhhh... kaunnnn... ohhh... tum... hhhhhuhhhh....

Ek do pal woh mujhe dekhta raha aur mujhe pakadte hue apni taraf kheench liya. Main jaakar Adi ke upar giri, meri chest uski chest ke upar, halke se dabti hui - Ouchhh....

Hum dono ke chehre behad paas they, itne ke bas zara sa aage badhe aur kiss kar le. Adi ki chhaati par lete hue mera seene zor se upar neeche ho raha tha, jo shayad Adi ko bhi mehsoos ho raha hoga.

Adi ne mere kandho par haath rakhte hue kaha - Good morning... sach mein... its a very good morning...

Usne mujhe apni taraf kheencha hi tha ki maine apna chehra doosri taraf kar liya aur fir jaldi se uske upar se uth gayi. Main haste hue boli - Time dekha hai... 12 bajne ko aaye hain... main neeche jaa rahi hoon... nahi toh mujhe daant padegi.

Adi turant bistar se uth khada hua - Kaun daatega tumhe?

Main muskurate hue boli - Aapki Mummy!

Adi - Woh toh kisi ko kuch nahi kehti...

Adi meri taraf badh rahe they aur main peeche ho rahi thi, jaise koi bagh ek hiran ko pakadne ki koshish kar raha ho.

Main - Main jaa rahi hoon...

Adi - Yahan toh aayo... tumhari aankhen... wow... aaj pehli baar itni paas se dekhi hain...

Main - Nahi... mujhe abhi nahi aana... baad mein baat karte hain...

Main haste hue jaldi se kamre se bahar nikal gayi aur darwaza band kar diya. Main kamre se bahar nikli hi thi ki ek dam Drishti ki aawaz ne mujhe dara diya, jaise woh bahar khadi mera intezaar hi kar rahi ho.

Drishti - Bhabhi!!! Good morning!

Maine muskurate hue kaha - Good morning!

Drishti - Wow... aaj toh aap smile karti hui aur bhi pretty lag rahi hain!

Main - Acha... thank you... tum bhi bohot pyaari lag rahi ho.

Drishti - Mujhe kuch samajh nahi aa raha...

Main - Kya nahi samajh aa raha?

Drishti - Aapka face dekh kar lag raha hai jaise aap poori raat aaram se so paayi ho... par aapki ye naughty si smile dekh kar lag raha hai ki romance saari hade paar kar chuka hai!

Main haste hue majak mein uske kandhe par halke se haath maara - Bohot bolti ho tum...

Drishti muh banate hue - Aapko mera bolna acha nahi laga kya?

Main - Chalo ab yeh nautanki band karo... neeche jaana hai mujhe... itna late ho gaya...

Drishti - Are aap tension mat lo itni... sab chill hai yahan...

Main Drishti ke saath neeche aayi aur dekha ki meri Saas bhi mera intezaar kar rahi thi. Maine unke pair chhoone ki koshish kari par unhone mujhe rok liya - Suhani... ab se nahi beta... ho gaya bas pair chhoona... Waise aaj kafi fresh lag rahi ho.

Drishti - Maine bhi yehi kaha tha!

Saas - Adi utha ya nahi?

Maine dheere se kaha - Uth gaye hain... par abhi nahaye nahi hain.

Saas - Koi nahi, tum baith kar naashta karo... woh kar lega baad mein. Drishti... ek baar bhai ko bol degi ki Papa use bula rahe hain!

Drishti - Haan... main bol deti hoon.

Mujhe realize hua ki maine ab tak Adi ke Papa ko yahan ek baar bhi nahi dekha tha. Shaadi ke time par shayad koi keh raha tha ki unki tabiyat kharaab hai. Par main unse ab tak mili bhi nahi thi.

Main - Mummy ji... woh Papa ji... woh kahan hai?

Saas - Beta woh... apne kamre mein hi rehte hain... 1 saal pehle unhe paralysis ho gaya tha aur woh chal fir nahi sakte... toh bas apne room mein hi rehna pasand karte hain.

Main - Ohhh acha... mujhe nahi pata tha.

Saas - Chahe woh kamre se bahar na nikle, par unhe fir bhi pata sab hota hai ki ghar mein... business mein... kya chal raha hai. Waise bhi Kunwar Sa... tumhare Jiju roz aakar unhe poora update dete hain.

Mujhe realize hua ki mujhe is family ke baare mein kitna kam pata tha. Shayad Jiju hi business ko chala rahe they, aur isliye ghar mein sab unhe itna maan samman dete they. Ya fir wohi sab ko chala rahe they is ghar mein? Jiju ke baare mein sochte hue kal wali ghabrahat toh nahi ho rahi thi, par abhi bhi thoda ajeeb toh lag raha tha.

Saas - Tum naashta kar lo... fir unke kamre mein khana le jaana... aur unka aashirwaad bhi le lena.

Main - Ji Mummy ji...

Main baith kar apna naashta karne lagi, kuch der baad Drishti bhi wapas aa gayi thi, aur woh mujhse yahan wahan ki baatein fir se karne lagi. Maine nashta khatam hi kiya tha ki Drishti ka phone bajne laga, aur apne phone ki taraf dekh kar uske gaal ekdam se laal ho gaye. Woh turant mujhe wahin chhod kar kahin chali gayi. Shayad uska boyfriend hoga, jiska jiqr Jiju kal raat kar rahe they.

Meri Saas ek tray lekar mere saamne aayi - Suhani beta... yeh lo... unka kamra... hallway se seedha aage jakar... seediyon ko paar karke... left mein hai...

Maine haan mein sar hilaya aur tray mein khaana lekar us taraf chal padhi. Main stairs se thoda pehle hallway mein pahuchi hi thi ki achanak se dekha ki saamne se Adi gusse mein badbadate hue aa rahe they, aur fir woh dandanate hue seediyon se upar chaddh gaye. Unhone meri taraf dekha bhi nahi. Mujhe samajh nahi aaya ki unhe kyun gussa aa raha tha.

Maine seediyon ke paas pahuch kar upar dekha par woh dikh nahi rahe they. Maine socha ki main ek baar Papa ji ko khana de kar jaldi se upar jaakar unse puchungi ki kya hua tha.

Main left right mein thoda confuse ho rahi thi, aur ek kamre mein ghusne hi wali thi ki mujhe kamre se kisi ki kadak aawaz aayi aur main ek pal wahin tham gayi.

Aadmi - Aisa kya galat bol diya maine jo tunakta hua yahan se chala gaya? Kuch galat bola main Prachi?

Prachi - Nahi Papa...

Oh! Mujhe ekdam se realize hua ki us kamre mein Papa ji aur Prachi aapas mein baat kar rahe they. Mujhe toh yeh tak nahi pata tha ki Prachi Didi is waqt yahan ghar par thi. Jaane anjaane, main kuch pal wahin ruki rahi.

Papa - Apni jimmedaari ka zara bhi ehsaas nahi hai... aur ab shaadi ho gayi hai toh biwi ke pallu se bandha rahega...

Prachi Didi ki dheemi aawaz aayi - Ji Papa... abhi chhota hai...

Papa - Chhota hai??!! Uski umar mein toh poora dhandha ghol kar pee gaya tha main! Chhota hai...

Prachi - Thoda time dijiye use...

Papa - Business ka maalik hokar naukro jaisi harkate karta hai... aur doosra woh naukar ho kar maalik bana firta hai...

Mujhe samajh nahi aaya woh kiski baat kar rahe they, par Prachi Didi ka is baat par koi jawaab nahi aaya.

Papa - Mujhe pata hai tujhe bura lagega... par pata nahi tune kya dekha us mein...

Prachi - Papa woh...

Papa - Maana maine... dekhne mein acha hai... hoshiyaar hai... kuch jyada hi hoshiyaar hai... par kahan woh tha... aur kahan hum they... isse ache pariwaar mein teri shaadi karata agar tu zidd na karti...

Prachi ki aawaz aise lag rahi thi jaise use kisi ne uski jabaan par taala laga rakha ho - Ji...

Papa - Par dekh... main tujhe fir samjha deta hoon... woh aadmi kuch jyada hi ghunna hai... koi nahi keh sakta uske dimaag mein kya chal raha hai. Aur ab main bhi yahan is kursi par baitha kisi cheez par nazar nahi rakh sakta.

Prachi - Papa... main hoon na...

Papa - Prachi... agar tu mera ladka hoti na... toh saara business tere hawale karke aaram se aankhen band kar leta... par kya karu... chahe tu kitni achi ho... hamare business mein abhi bhi koi aurat ke saath kaam nahi karna chahta...

Prachi - Ji...

Papa - Par isliye... chahe Samar sab chala raha ho... saari power maine tere haathon mein chhodi hui hai. Use jyada dheel mat diyo... nahi toh pata chala sabko bech khayega...

Mujhe ekdam se tab realize hua ki woh log Samar Jiju ki baat kar rahe they. Maine kitna kuch sun liya tha, aur mujhe ghabrahat si ho rahi thi. Kahin unhe pata chal gaya ki main bahar khadi thi toh. Main chupke se peeche hone lagi.

Tabhi Papa ki aawaz fir se mere kaano mein padhi - Aur woh ladki... us par bhi poori nazar rakhiyo... isiliye tujhe bhej raha hoon... Aajkal ki ladkiyon ka koi bharosa nahi hai. Hamara ladka waise hi bewakoof hai... pata chala khai se gir gaya ya neele drum mein pada mila... koi bharosa nahi...

Ufff... yeh toh ab meri baat kar rahe they. Main turant peeche hatt kar wahan se wapas aa gayi. Abhi abhi jo kuch suna tha main use process karne ki koshish kar rahi thi. Koi kisi ke baare mein aisa kaise soch sakta tha... Mere baare mein... Jiju ke baare mein bhi. Aur Prachi didi toh bas unki haan mein haan milaye jaa rahi thi.

Mummy ne mujhe aate dekha - Kya hua Suhani beta?

Maine kisi tarah baat ko gol mol karne ki koshish kari - Kuch nahi Mummy ji... woh kamra nahi mila mujhe...

Mummy - Acha koi nahi... mujhe de de... Adi nahi aaya ab tak... ek baar dekhegi zara?

Main - Haan... main dekhti hoon.

Main turant upar apne kamre tak pahuchi. Mere haath abhi bhi jaise kaanp rahe they. Sab kuch fir se ajeeb sa lag raha tha. Kamre ka darwaza khola toh Adi bistar par apna laptop khole baithe they. Unke chehre par ek naraazgi saaf dikh rahi thi. Mujhe andar aata dekh unhone apna laptop band kar diya.

Main - Adi... woh... Mummy aapko dhoond rahi hain... aapne nashta bhi nahi kiya hai.

Adi ki aawaz thodi flat thi - Mujhe bhook nahi lag rahi...

Main - Kuch hua kya?

Main bolne ko hui thi maine aapko wahan aapke Papa ke kamre se gusse mein aata dekha tha, par fir woh kehne ki meri himmat nahi hui.

Adi - Nahi... kuch nahi...

Main - Laptop par... kuch kaam kar rahe they...

Adi - Nahi woh... hotel booking mein kuch change kar raha tha...

Main - Uhhh... kya change?

Adi - Kuch nahi... woh Didi aur Jiju bhi hamare saath jayenge... toh hotel change kiya hai...

Main - Oh! Woh bhi jayenge hamare saath?

Adi - Haan...

Main kuch pal chup khadi rahi. Kya isliye Adi naraaz they ki unke Papa hamare saath unki Didi aur Jiju ko bhi bhej rahe they.

Maine kuch sochte hue kaha - Koi nahi... acha hi rahega... hum log saath mein ghoom lenge... akele thoda boring bhi ho sakta hai na...

Adi - Hmmm.... Jiju wahan kisi kaam ke matter mein jaa rahe hain...

Main - Oh acha...

Mujhe samajh nahi aa raha tha main kya bolu.

Adi ne ek gehri saans bhari - Ummm... sorry... maine shayad tumhara mood bhi spoil kar diya.

Main - Nahi nahi... aisa kuch nahi...

Adi ne smile karne ki koshish kari - Thanks.... ummm... chalo main ek suitcase nikaal deta hoon... packing kar lete hain...

Main - Haan... par nashta?

Adi - Woh main uske baad kar lunga.

Adi ne bed ke andar se ek suitcase nikaala aur fir almari mein se apne kapde nikaalne lage. Main bhi apne suitcase ke kapde nikaal kar almari mein lagane lagi aur kuch kapde trip wale suitcase mein rakhne lagi. Fir uske baad Adi ke kapde bhi fold karke suitcase mein rakhe. Yeh sab karte karte Adi ka mood bhi theek hota dikh raha tha.

Main samaan pack karke wapas neeche aayi toh Prachi Didi living room mein hi khadi thi, mujhe unhe dekh kar surprise hone ka natak karna pada.



Main - Didi! Aap kab aayi?

Prachi muskurate hue - Jab tum log aaram se so rahe they...

Main - Sorry... aaj kafi der neend khuli...

Prachi - Isme sorry ki kya baat hai... neend bhi toh poori karni hi thi.

Main Prachi Didi ki taraf dekh kar kuch pal pehle suni baatein ke baare mein soch rahi thi. Kya woh sach mein itni achi thi ya bas mere saamne acha hona ka natak kar rahi thi.

Prachi - Bhai ne tumhe bata hi diya hoga! Sorry... tum logo ka honeymoon crash karne ke liye!

Main - Haan... mujhe abhi pata chala. Main toh balki kafi excited hoon ki aap saath mein chal rahi hain. Adi aur main toh shayad ek doosre se jaldi se bore hi ho jaye.

Agar woh natak kar sakti thi... toh main bhi kar sakti thi.

Prachi haste hue - Abhi abhi shaadi hui hai aur abhi se ek doosre se bore ho jayoge? Nahi... tum dono saath mein time spend karna... chahe kamre se hi nahi nikalna... woh toh bas tumhare Jiju kisi kaam se wahan jaa rahe hain toh mujhe bhi saath le jaa rahe hain.

Jhooth! Bilkul Jhooth! Maine socha. Woh mujh par nazar rakhne wahan jaa rahi thi, taaki unke pyaare bhai ko kahin main kuch kar na du!

Drishti ek dam se wahan pahuchi - Kya kya kya! Didi aap bhi jaa rahe ho! Yeh kab hua? Toh bas main kyun nahi jaa rahi?

Prachi haste hue - Ab yahan bhi toh koi chahiye na hame.

Drishti - Nahi nahi! Main bhi chalungi... yaar yeh toh bilkul unfair hai.

Prachi - Aree baba... unke honeymoon par poori baraat lekar chale kya?

Drishti - Sirf mere aur jaane se baraat ho jayegi? Main abhi Mummy se baat karti hoon.

Drishti pair patakti hui wahan se kitchen ki taraf gayi.

Prachi - Tum iski tension mat lo... woh sab sort out kar denge...

Main - Drishti bhi chalegi toh mujhe koi problem nahi hai... woh mere saath ruk sakti hai...

Prachi - Nahi! Bilkul nahi! Yeh tumhara aur Adi ka time hai fun karne ka... ek doosre ko jaanne ka... plane se utar kar tum wahan mujhe bhi bhool jaana.

Main halke se muskurayi

Prachi - Tumhare paas beachwear hai na... thoda sexy type ka... wahan khul ke pehenna... Adi ko bhi acha lagega... wahan yeh saree waree mat lekar jaana bilkul bhi!

Maine sharmate hue kaha - Nahi... mere paas toh nahi hai...

Prachi - Acha koi nahi... wahin se le lenge... main bhi bas abhi chalti hoon... ghar jakar kuch kaam niptane hain... legs shave karne hai... packing karni hai... subah ham log tum dono ko yahin ghar se pick kar lenge.

Maine haan mein sar hilaya aur kuch pal baad Prachi Didi wahan se chali gayi.

 

[Celebrorn]

Chapter 12

Raat hote hote mere andar ki positive energy khatam si hoti jaa rahi thi, aur fir se pata nahi kyun raat ka khauf satane laga tha. Agar aaj raat Adi ne kareeb aane ki koshish kari... usko chhoone ki koshish kari... use choomne ki koshish kari... toh kya woh use woh sab karne degi.

Aaj subah woh kitne kareeb aa gaye they ek kiss ke, par maine aakhri waqt apne aap ko wahan se hata diya tha. Woh intentional nahi tha, majak tha, par ab raat ki sardi aur sannate mein mera dil sach mein baitha jaa raha tha.

Maine fir se ek comfortable pyjama set pehen liya, jisme main poori tarah dhaki hui thi aur kambal mein aakar let gayi. Kal ke jaane ki saari tayyari ho chuki thi. Abhi bhi mere dimaag mein woh baatein chal rahi thi jo maine aaj Adi ke Papa ko kehte suna tha.

Khai se gir jayega... Neela drum...

Aise kaun bolta hai! Aur woh Jiju ke baare mein bhi kitna kuch bol rahe they, jaise woh unhe bilkul pasand nahi karte ho. Par mujhe toh aisa laga tha is ghar mein sab Jiju ko bohot pasand karte they, aur unki hi chalti thi. Aakhir shayad business bhi wohi chala rahe they. Is sab mein Prachi ka role bhi samajh nahi aa raha tha. Woh wahan khadi apne husband ke baare mein itna kuch sun rahi thi, bina kuch kahe.

Fir us raat Jiju ki kahi ek baat mere dimaag mein khatki - Bahar wale.... hum dono hi bahar wale hain.

Unka kya matlab tha is baat se?

Main leti hui sab soch hi rahi thi ki Adi kamre mein ghuse. Unhone mujhe blanket mein lete dekha.

Aditya - Tumne change kar liya...

Main - Hmmm....

Aditya - Subah ki flight hai... bas abhi change karke so jaate hain... main alarm laga dunga... par waise Mummy utha hi dengi hame.

Main - Hmmm....

Aditya ne mere saamne khade ho kar apni shirt kholni shuru kar di. Maine ek pal ke liye sar doosri taraf mod liya par fir use dekhne lagi. Adi bhi patle hi they, par unki waise body nahi thi... jaisi Jiju ki thi... Shit... main fir se comparison kyun karne lagi. Woh raat mera peecha kyun nahi chhod rahi thi.

Adi ki chhaati par jyada baal nahi thi. Usne apni pant mere saamne hi neeche utaar di. Uske legs... patle hi they... waise nahi... bhaari... strong. Maine apne gale mein thook ko andar nigla, mujhe apni is soch ko kisi bhi tarah dabana tha.

Adi ne mujhe uski taraf dekhte paaya toh woh halka sa muskuraya. Adi ne ek tshirt and pyjama pehna aur kapde side mein rakh kar bed par aa gaya. Is baat utni door nahi jitna kal raat tha.

Light off hote hi kamre mein ek sannata chhaa gaya par mujhe lag raha tha ki sannate mein mere dil ki dhadkan saaf sunayi de rahi thi. Maine aankhen band kar li, yeh dikhane ke liye ki main so chuki hoon.

Bed par achanak se halki si harkat hui aur mujhe mehsoos hua ki Adi mere kareeb khisak rahe hain. Unka haath ekdam se meri kamar par aaya, aur unki saans meri gardan ke paas mehsoos hui. Mere andar ek bijli ka jhatka sa laga aur ek ajeeb si ghabrahat ne mujhe gher liya. Maine bina soche apne aap ko bistar ke doosre kone ki taraf sarkaya aur Adi ka haath meri kamar se fisalta hua bistar par gir gaya.

Mujhe laga ki Adi ka haath mere peeche peeche aayega par woh nahi aaya. Adi ne ek gehri saans li aur seedha hokar let gaya. Main bhi kuch pal baad seedhe ho kar let gayi, chhat ki taraf dekhte hue.

Adi ki aawaz kamre mein goonji - Tumhe darr lag raha hai mujhse?

Main - Nahi... bas... thoda sa haan... shayad...

Adi - I can understand... Tumhe lag raha hoga ki ek anjaan ladka tumhe aise touch karne ki koshish kar raha hai.

Maine koi jawaab nahi diya, par haan yeh sach tha. Adi abhi bhi bahut anjaan se lag rahe they mujhe.

Adi ne kuch sochte hue kaha - Pata hai... college mein meri ek girlfriend thi... Sneha... maine bataya tha tumhe...

Mujhe yaad tha Adi ne uska jiqr kiya tha, par isme koi ajeeb baat nahi thi - Hmm....

Adi - Hum log kaafi close they... ek doosre ko bahut love karte they... shaadi karna chahte they...

Adi ki aawaz mein ek sadness si thi, jo maine ab se pehle kabhi mehsoos nahi ki thi. Mujhe yeh kabhi realize nahi hua tha ki uski girlfriend itni serious wali girlfriend thi. Toh kya woh yeh shaadi nahi karna chahta tha?

Maine dheere se pucha - Toh fir? Kyun nahi hui shaadi?

Adi - Umm... ghar wale nahi maane...

Main - Kyun?

Adi - Woh... woh hamari caste ki nahi thi... aur fir uski shaadi kahin aur ho gayi...

Main - Oh! I am sorry...

Adi ne mud kar meri taraf dekha - Nahi... isme sorry ki baat nahi hai. Agar woh sab na hota... toh shayad main tumse na mil paata!

Main - Kya?

Adi - Jab maine tumhe pehli baar dekha tha... tab se hi mujhe tumse pyaar ho gaya... tum itni pretty ho... itni pyaari aawaz... bilkul perfect.

Main thoda sa blush karne lagi, yeh conversation toh ek dam se badal gayi thi, mujhe laga tha ek sad story aane wali hai par aisa nahi hua.

Main - Thanks...

Adi - Aur main... hamare beech mein sab perfect chahta hoon... kal se hum Mauritius jakar apni nayi life shuru karenge... aur sab perfect hoga.

Main - Hmmm....

Adi ekdam se sarak kar dubara mere paas aa gaye, unka haath mere sar se just upar takiye par, aur unhone meri taraf ek karwat li, apna thoda sa bhaar mujh par daalte hue. Mere boobs side se unke shareer se takra rahe they. Woh meri aankhon mein aankhen daal kar mujhe dekhne lage, apni saansein mujh par chhodte hue.

Adi - I really love you... aur mere liye ab sirf tum hi sab kuch ho...

Maine bhi gehri saansein lete hue unki taraf dekha. Unke zara sa hilte hi mere boobs unki chest par ragad khaa rahe they, aur mere andar ek ajeeb si feeling paida ho rahi thi. Jaise main unhe choomna chahti bhi thi aur nahi bhi. Abhi filhaal main is sab ke liye yahan ready nahi thi, mujhe kisi bhi tarah unhe rokna tha.

Adi apna chehra mere kareeb laaye aur mujhe choomne ko hi hue they ki main unhe rokne ke liye kuch pooch baithi - Ek baat puchu?

Adi thoda sa peeche hue - Haan... pucho na...

Main - Kya Prachi Didi ki love marriage hui thi?

Adi halke se hase - Kyun? Tum yeh kyun pooch rahi ho? Kisi ne kuch kaha kya?

Main - Nahi... koi kuch kyun kahega...

Adi - Hmmm...

Main - Bas aise hi pooch rahi thi... unke beech kafi strong love lagta hai na...

Adi - Haan... un dono ki marriage bachpan mein hi fix ho gayi thi.

Main - Bachpan mein hi?

Adi - Haan... actually Jiju ke papa aur mere papa saath mein business karte they... aur unhone apne bachhon ki shaadi bachpan mein hi fix kar di.

Main - Oh wow... fir bade ho kar unki shaadi ho gayi?

Adi - Thodiii si complications thi... par haan kuch aisa hi...

Main - Kaisi complications?

Adi - Jaane do na... hum abhi apni baat poori karte hain... unki baat kyun beech mein laani...

Main - Please ab baat beech mein mat chhodo na... nahi toh main sochti rahungi us baare mein.

Adi - Hmmm.... acha short mein bata deta hoon... Jiju ke papa ki death ho gayi thi aur unka business band ho gaya tha. Papa ne Jiju ki kafi help kari... aur fir Jiju aur Didi ki shaadi ho gayi...

Main - Oh wow... kaafi filmy story hai... very interesting...

Adi - Tumhe films achi lagti hain?

Main - Haan...

Adi - Kis tarah ki films?

Main - Romance... drama... comedy... action... suspense... har tarah ki...

Adi ne ek smile dete hue kaha - Aur woh wali films?

Main - Kaunsi wali?

Adi - Itna bhi mat bano! I am sure tumne woh waali films... porn films dekhi hongi?

Maine sharmate hue apni aankhen neeche kar li - Hmmm... nahi toh!

Adi - Acha... main nahi maan sakta...

Mera seena tezi se upar neeche ho raha aur Adi ki nazrein mere boobs par tiki thi jaise woh kisi par pal un par jhapat sakta tha.

Main - Adi... kal hame jaldi uthna hai... so jaate hai na...

Adi - So jayenge na.... jaldi kya hai...

Adi ne apna chehra mere chehre ki taraf badaya aur mere gaal ko halke se kiss kiya.

Meri siski nikal gayi aur nipples ekdam se khade ho gaye - Uhhhh.... Adi... nahi please...

Adi - Come on... bas thoda sa...

Adi ne mere gaal par doosri taraf chooma, uska ek haath mere kandhe par aa gaya tha, mere top ke andar ghusne ki koshish karta hua. Maine uske haath ko kas ke apne haath se pakad liya.

Main - Please... aaj nahi... kal karenge na...

Adi ki saansein gehri ho gayi - Acha... bas ek kiss...

Adi ne apne honth mere honthon ki taraf badaye aur un par rakhte hue mere honthon par dabaya. Meri saansein chhot-ti hui uski saansein se mil rahi thi.

Maine apne honth bada kar use halka sa kiss kiya - Mmmm.... mmmm....

Par kuch sahi nahi lag raha tha. Kuch galat sa lag raha tha, jaise woh mera pati hi na ho. Ufff... yeh woh honth nahi thi... us raat wale...

Adi mere honthon ke hilne se aur exicted ho gaya aur meri upar poori tarah aa gaya, apna bhaar mujhe par daalte hue. Uski pajame mein jo tha woh mere pet par chubh raha tha. Usne fir se mujhe choomne ke liye apne honth aage kiye par maine apna haath hum dono ke honthon ke beech mein ada diya.

Adi ne mere hatheli ko zor se choomna shuru kar diya - Mmmmm.... mmm... hatayo na ise Suhani...

Suhani - Nahi... bas ek kiss ki baat hui thi... aur nahi...

Adi - Come on yaar... aise tease mat karo... mmm....

Main - Please Adi... aaj nahi...

Ufff meri saari senses pagal ho rahi thi, par main kisi tarah use rokne ki koshish kar rahi thi. Adi mere side mein hota hua let gaya aur gehri saasein lene laga. Uske pajame mein ek clear tent bana hua tha, woh is waqt kafi jyada uttezit tha.

Adi - I know... tumhare liye yeh sab naya hai... but tum bhi kafi enjoy karogi... Bas kal wahan pahuchne do... fir tum dekhna...

Uski baat mujhe ek dam se chubhi. Kya yeh sab mere liye sach mein naya tha? Kya woh 2 din pehle ki raat ko bhool gaya tha jab usne ek aur mard ko mere kamre mein aane diya tha? Kya woh apni girlfriend ke saath yeh sab pehle hi kar chuka tha? Main poochna toh chahti thi par bas ab is baare mein filhaal aur baat nahi chhedne ka mann kiya.

Main - Abhi soyenge toh kal jayenge na...

Adi - Nahi bhi jayenge toh chalega... mujhe toh bas tumhara saath chahiye...

Main bas halke se muskurayi - Mujhe toh jaana hai... dekhna hai ki Mauritius kaisa hai...

Adi - Hmmm... aur mujhe bas tumhe dekhna hai... poori tarah...

Uski aankhon mein abhi bhi kafi lust nazar aa rahi thi.

Adi - Acha theek hai... bas saath mein hug karke toh so sakte hai na.

Adi ne meri peeth ke neeche haath ghusate hue mujhe apni baahon mein kheecha, aur main jakar usse chipak gayi. Maine apna chehra uski chhaati mein laga diya. Uska neeche ka ling abhi bhi khada hua kapdon ke andar se mere pet se takra raha tha.

Ufff... pata nahi aage kya hone wala tha. Us raat pata nahi Jiju ke saath sab kaise ho gaya tha, par ab Adi ke saath sab ajeeb lag raha tha. Shayad bas yeh kamre ki problem thi, aur kal wahan hotel mein hamare beech sab ho jaye.

 

[Celebrorn]

Chapter 13

Subah jaise hi alarm baja, aise lag raha tha ki main abhi toh soyi thi. Raat ko karwate lete hue shayad maine doosri taraf karwat le li thi, aur bas maine blanket ko kas ke apni taangon ke beech mein jakda hua tha.

Main jaldi se uthi, Aditya abhi bhi nahi uthe they, maine unhe hilaya - Adii... utho.. alarm baj raha hai...

Adi - Offo... kya time hua hai... abhi thodi der aur...

Main - Nahi nahi... jaldi se khade ho... nahi toh flight chhoot jayegi... Didi aur Jiju bhi aate hi honge...

Main jaldi se khadi hui aur bathroom mein jakar brush karne lagi. Main raat ko hi travel ke liye ek jeans aur top nikaal chuki thi. Mere brush karte karte Adi khade ho kar bathoom mein aa gaya aur mujhe peeche se pakad liya - Suhani... agar jaldi karna hai toh mere paas ek idea hai...

Main hadbadi mein thi aur mujhe filhaal Adi ka yeh subah subah ka romance acha nahi lag raha tha - Kya??

Adi mirror mein meri taraf dekhte hue bola - Aisa karte hai... saath mein shower le lete hain!

Maine Adi ko kohni maari - Kaisi baaten kar rahe ho! Chup chaap bahar jayo... aur mujhe jaldi se tayyar ho kar aane do. Aap aise hi bas kapde pehen kar chalo lo... wahan jakar hotel mein naha lena...

Adi - Wahan toh nahayenge hi... saath mein...

Subah subah hi Adi kafi horny ho rakha tha aur uska dick meri ass par takra raha tha.

Main - Please... abhi in sab baaton ka time nahi hai...

Maine muskurate hue Adi ko bathroom se bahar kiya aur jaldi se kapde utaar kar shower karne lagi. Maine apne aap ko ponch kar jaldi se apne kapde pehne aur bahar aakar makeup karne lagi. Aditya pata nahi kahan chale gaye they.

Main bas tayyar hi hui thi ki Aditya ekdam se kamre mein aaye - Suhani... chalo... Didi Jiju aa gaye hain!

Main - Haan... main ready hoon... kaisi lag rahi hoon?



Aditya - Mind Blowing! Bas bahar thand hai toh ek sweater daal lo upar se.

Maine muskurate hue jaldi se almari se ek sweater liya aur hum dono neeche aa gaye. Neeche Mummy ji aur Drishti ham dono ko bye bolne ke liye tayyar khadi thi. Drishti abhi bhi thodi upset lag rahi thi par usne mujhe gala laga kar "All the best" bola.

Bahar abhi bas roshni honi shuru hi hui thi. Main jaldi se jaakar car mein peeche ki seat par baith gayi aur Aditya ne samaan rakh liya. Back seat par already Prachi Didi baithi hui thi. Jaane kyun unhe ab dekh kar thoda ajeeb sa lagta tha, woh pehle wali baat nahi rahi thi.

Prachi - Good morning! Ready?

Maine muskurate hue kaha - Ji...

Prachi - Ab yeh Ji Ji chhod do... tum mujhe Prachi bula sakti ho...

Aur aage se Jiju ki aawaz aayi - Aur mujhe Samar...

Unke yeh kehte hi jaise mere chehre ka rang udd gaya. Us raat bhi unhone mujhe unko Samar kehne ke liye kaha tha. Woh naam sochte hi main kaanp si gayi.

Maine kisi tarah apne aap par control kiya - Didi aur Jiju mein kya problem hai?

Prachi - Koi problem nahi... jaisa tum chaho.

Gaadi koi driver chala raha tha, aur Aditya bhi samaan rakh kar peeche aakar baith gaya. Kuch der baad hum log airport tak pahuch gaye, subah ka time tha aur wahan kafi rush tha aur thand bhi thi.

Maine Aditya ki help karne ke liye peeche se ek chhota luggage utaarna chaha.

Ek dam se Adi ki aawaz aayi - Suhani! Kya kar rahi ho! Chhodo na... main kar lungi...

Main - Koi nahi... main utaar lungi...

Par Adi ne aakar mere haath se bag chheen liya, mujhe samajh nahi aaya ki yeh kya hua, kyunki yeh koi itni badi baat nahi thi.

Main - Main toh bas help kar rahi thi...

Adi - Nahi... yeh sab mujh par chhod do... tum chalo na aage Didi ke saath...

Main jaldi se Prachi ke saath aage aage chalne lagi. Unhone ek stylish si short dress pehni hui thi, jisme unki aadhi jaanghen dikh rahi thi. Maine unhe pehli baar bina saree pehne dekha tha, aur woh jitni pretty saree mein lagti thi utni hi hot is dress mein lag rahi thi. Bas unka chehra thoda sa thaka hua lag raha tha.



Airport ki entrance par pahuchte hue mujhe realize hua ki main passport waigera check karna toh bhool hi gayi thi, aur main Adi ki taraf palat kar dekha - Adi... Passport?

Adi - Haan... yeh lo... tumne toh poocha bhi nahi ki rakhe hai ya nahi...

Maine muskurate hue bas muh se bina bole "Sorry" mein honth hilaye.

Kuch pal baad ham sab log andar they, aur airport par kafi bheed thi. Main upar lage board par apni flight dhoond rahi thi aur ekdam se thoda peeche hote hue ek aadmi se takra kar neeche gir gayi.

Main apne ghutno ke bal neeche giri - Ouchhhh....

Prachi, Adi aur Jiju turant meri taraf lapke, aur Prachi mera haath pakad kar mujhe uthane lagi. Par itne mein Adi us aadmi se bhidne lag gaya tha.

Adi - Dekh ke nahi chala jaata!

Aadmi - Meri galti nahi thi bhaisahab...

Adi gusse mein us par chadhe jaa raha tha - Jahan ladki dekhi wahin bhid jayo...

Aadmi - Dekh ke baat kar le...

Adi - Nahi tu pehle tameez se baat kar le...

Jiju ne Adi ko peeche kheencha - Adi... kya kar raha hai... jaane de na...

Maine bhi kaha - Haan Adi... meri galti thi...

Adi ne gusse mein mujhe ghoora, maine ab tak uski yeh gusse wali side nahi dekhi thi - Tum beech mein kyun bol rahi ho! Main sort out kar raha hoon na. Didi aap Suhani ko lekar thoda side ho jayo!

Didi haste hue boli - Acha baba... tumhari dulhan ko bilkul side mein rakhenge...

Adi ko shayad unka aisa kehna acha nahi laga tha aur luggage check-in, security aur boarding tak uska muh bana raha, aur woh beech beech mein bas mujhe door se ghoorta raha. Jiju dikh nahi rahe they aur waise bhi unhone us raat ke baad mujhse jyada baat nahi ki. Shayad yehi behtar tha, kehne ko tha hi kya hamare beech. Bas woh jhoothi tareef jo unhone ki thi us raat, pata nahi kyun reh reh kar woh yaad aa rahi thi.

Main Prachi Didi ke saath baithi hi thi, ki ek dam se meri aankhon ke saamne ek coffee ka disposable cup aaya - Coffee... for the two pretty ladies...

Maine upar dekha toh Samar apne dono haathon mein coffee lekar khade they. Maine ek halki si smile liye unke haath se woh coffee ka cup liya.

Prachi ne Adi ki taraf ishaara karte hue kaha - Uske liye nahi laaye? Pata nahi kyun itna sada hua hai aaj?

Jiju - Main baat karta hoon usse... tum log relax karo...

Jiju hame coffee dekar Adi ke paas chale gaye.

Prachi mujhe explanation dene lagi - Pata nahi kyu bas kabhi kabhi thoda moody ho jaata hai...

Main - Hmmm...

Prachi - Tum logo ke beech sab kaisa chal raha hai?

Main - Theek hai...

Prachi ne muskura kar mujhe dekha - Theek hai... fir se theek hai... iske aage bhi kuch kehna aata hai ya nahi..

Main halke se hasi - Aata hai...

Prachi - Dekho... ab tum log apne honeymoon par ek nayi khoobsurat start karna... aur sab kuch badiya hi hoga...

Main - Haan...

Tabhi boarding ki announcement ho gayi. Hum logon ki tickets premium economy class ki thi toh hamari boarding thoda shuru mein hi thi. Andar plane mein business class mein seats ka do-do ka pair tha. Main apne boarding pass par dekhte hue seat par pahuchi, aur tabhi hamne realize kiya ki Adi ki seat toh meri seat se aage thi.

Adi - Suhani... tum wahan kya kar rahi ho? Yahan aayo na...

Main - Mere boarding pass par yehi seat likhi hai... 19A... Ab kya kare?

Fir ekdam se Jiju theek mere peeche aa gaye.

Jiju ne meri taraf dekhte hue kaha - 19B... oh... hum log saath mein hai kya?

Ek pal ke liye main ghabra si gayi, yeh kya ho raha tha, fir se unke saath? Kya poora safar unke saath baithna padega? Yeh toh bohot hi awkward ho jayega.

Par Jiju ekdam se has pade - Lagta hai unhone boarding passes aise issue kar diye... don't worry... main Adi ke saath seats swap kar leta hoon...

Jiju aagi wali seat par baith gaye aur Adi ko peeche bhej diya. Maine apni dabi hui saans chhodi. Thank God... yeh itni aasani se solve ho gaya.

Main window seat par baith gayi aur Adi aisle seat par. Didi aur Jiju hamse theek aage baithe they, aur hame seats ke beech mein aur side mein se woh thode thode dikh rahe they. Un dono ki halki halki baat karne ki aawaz aa rahi thi, par main bilkul chup baithi thi.

Flight take off hote hi cabin mein roshni thodi kam ho gayi. Subah ki flight thi aur filhaal shayad woh logo ko sone dena chahte they. Maine aankhen band karke sone ki koshish kari par mujhe neend nahi aa rahi thi.

Tabhi mujhe ehsaas hua ki armrest par rakhe mere haath par Adi ka haath aa gaya tha. Adi ne meri ungliyon ko apni ungliyon mein jakad liya.

Maine ek nervous smile ke saath Adi ki taraf dekha, woh kafi excited sa lag raha tha. Maine apna haath peeche nahi kheencha, shayad kheench bhi nahi paati. Adi ki ungliyan dheere dheere mere hatheli se khelne lagi thi, un par chalti hui, halke se chhote hui.

Adi mera taraf jhuka aur apna muh meri gardan ke behad paas le aaya - Neend toh nahi aa rahi...

Maine apna sar thoda sa peeche kiya - Nahi...

Adi ne airplane ka diya hua blanket khola aur hum dono ke pairon par daal diya. Fir usne mera haath chhodte hue blanket ke andar ghusa liya aur woh ek haath ekdam se meri jaangh par aakar ruka. Main almost uchhal padi aur mere muh se ek aawaz nikal gayi - Eeeehhhh...

Adi ne mujhe ghoor kar dekha aur woh dheere se fusfusaya - Kya kar rahi ho... log jag jayenge...

Maine blanket ke andar Adi ka haath pakadne ki koshish kari aur frustrated hote hue dheere se boli - Adi... koi dekh lega...



Adi - Koi nahi dekhega... sab so rahe hain...

Adi ka haath mere jaangh par ghoomta hua upar ki taraf jaa raha tha, usne ekdam se haath meri jaanghon ke beech mein ghusa diya, aur maine kisi tarah apni cheekh ko control karte hue ek gehri saans li. Aur fir Adi ke haath ko apne dono haathon mein pakad liya.

Mera chehra embarrassment mein laal ho raha tha - Adi... yahan public mein... mujhe nahi acha lag raha...

Adi ne aage ki taraf ishaara kiya, jahan aisa lag raha tha jaise Jiju ka chehra Didi ki taraf jhuka hua ho - Unhe dekho... seekho unse kuch...

Main - Mujhe nahi seekhna...

Adi ne apna haath mere haath se jhatakte hue gusse mein peeche kheench liya - Tum na bas... bilkul romantic nahi ho. Haath lagate hi itni akad jaati ho... jaise ham husband wife na ho...

Maine pareshaan hote hue Adi ko dekha - Husband wife hain... par yahan sabke saamne... main comfortable nahi hoon...

Adi - Hmmm... Mauritius pahuch kar tumhara yeh saara darr nikalna padega... tumhe toh main comfortable karta hoon...

Mujhe uski yeh last line ki tone bilkul achi nahi lagi, jaise woh mujhe koi dhamki de raha ho.

Samar ne aage ki aisle seat se mud kar meri taraf us chhote se gap mein se dekha, ek pal ke liye hamari aankhen mili. Aisa lag raha tha jaise woh pooch rahe ho ki main theek thi na. Maine turant apni aankhen band kar li. Par dimaag mein ek ajeeb si halchal chal rahi thi. Mera jism kuch keh raha tha, dimaag kuch aur, aur dil... dil toh bilkul hi kuch aur.

 

[Curiousbull]

Bahut badhiya likha hai. Pratha kr ghete me jo Sex scene tha laga tha story wahi khatam Ho jayegi par ye to interesting hoti Jaa Rahi hai.