Main aspataal me baitha hua tha mere pita aspataal me apni aakhri saanse le rahe the, kyunki kal hi unhe heart attack ka daura aya tha. Main bilkul Dara hua aur dukhi tha..main aur meri daadi bahar doctor ke aane ka intezaar kar rahe the..daadi to bahot ro rahi thi...mujhe unhe dekha nahi jaa raha tha. Lekin main bhi kuch nahi kar sakta tha...
15 min tak hum aisehi baithe the tabhi andar se doctor aaye aur unhone kaha..
Doctor - yahapar vijay kaun hai..aap jaldi andar aa jaaiye..
Main- ji..ji..sir main hoon...
Doctor- aap jaldi andar chaliye...aapke pita aapse baat karna chahte hai...
Main- ji ...chaliye...
Main andar gaya...maine pita ki taraf dekha unki haalat kaafi najuk thi...mujhe dekhke Rona aane laga...papa ne mujhe paas bula liya..
Maine jhat se papa ke karib jaakar papa ka haath pakad liya...
Main- papa, aap chinta mat karo aapko kuch nahi hoga...sab thik hoga...
Papa- nahi beta, main janta hoon ab kuch nahi ho sakta...
Main-(rote hue) nahi kuch nahi hoga aapko...main hoona ...
Papa ki awwaz me ab kuch bhi jaan nahi bachi thi...
Papa- maine tumhe kisi aur baat ke liye bulaya hai...
Main- ji papa bataiye..
Papa- tum apni maa ke paas milne jaao...main nahi janta abhi wo kaha rahti hai...par wo tumse milne ke baad jaroor khush hogi beta..
Main- par papa maa to 24 saal pahle Ghar chod chuki hai...unhe to mera chehra tak yaad nahi hoga...
Papa- shayad haa...lekin maa to maa hoti hai...wo tumhe jaroor pahchan legi...
Papa ab jor se khasne lage...meri tension aur badh gayi...
Papa- mujhe wada karo beta tum use milne jaaoge...
Main jis aurat se paida hone ke baad se hi nafrat karta tha aaj usi aurat ko mere pita milne ke liye kah rahe the ...par ye meri pita ki khwahish thi jo mujhe ab puri karni thi...kyunki uske alawa koi aur option nahi tha...
Main- thik hai papa main jaroor jaaunga...main wada karta hoon aapse...
Papa- mujhe tumpe bahot naaz hai...tum ek acche bacche ho...apna khayal rakhna beta...aur apne dadi ka bhi rakhna.
Main ab jor jor se rone laga...
Main- haa papa main rakhunga.
Papa ab jor jor se saanse lene lage...main dar gaya...maine chillate hue doctor ko bula liya..
Tabhi andar doctor aate hai...
Doctor- aap abhi jaldi yahase bahar jaiye....
Main bahar chala gaya ..main ab bahar ek bench par baith kar ro raha tha....dadi mujhse puch rahi thi ki aakhir andar kya hua....main kuch nahi bol paa raha tha...
Bas 5 min baad hi doctor baahar aagaye. Unhone pass me aate hi apna chehra niche kiya...
Doctor- maaf kijiye hum aapke pita ko bacha nahi paaye...
Mere pairo se ab jamin sarak gayi thi...main janta tha ye hone wala hai...fir bhi...ye mere liye ek bahot bada hadsa tha....dadi iss baat ko sunkar jor jor se rone lagi....
Kuch der ke baad mere rishtedaar bhi wahapar pahunch gaye ...
Ab kuch ghanto baad.....
Pitaji kaa antim sanskar chal raha tha ...meri aankho se abhi tak aansu bah rahe the...lekin mere dimag me ek aur sawal bhi chal raha tha ki aakhir jis aurat ke baare me wo hamesha bura bolte aaye the ...usse achanak se mujhe milane ke liye kyun kaha....aakhir kya wajah ho sakti hai...? Agar aisa tha to unhone aaj se pahle mujhe milane ke liye kyun nahi kaha....lekin ab achanak se ..wo bhi apne aakhri wakt me ..ye sawal bahot bada tha ...khair pita ji ka antim sanskar hua ...
Sare rishtedar main aur meri daadi ab hum sab apne apne ghar gaye ....
Mere ghar me main meri dadi aur pitaji raha karte the....ab sirf main aur dadi hi ghar me rah gaye ..ab mujhe bhi job ke liye bahar shahar me jaana tha ....dadi ab akeli padne waali thi....
Mere liye abhi filhaal ek bada kaam tha ...wo tha maa se milna aur pita ke baare bata kar chale aana....isliye maine bua ko kuch din ke liye Ghar bulaya tha taaki...daadi ko bhi koi taklif na ho sake ..
Main bilkul bhi nahi janta tha ki meri maa dikhti kaisi hai aur kaha rahti hai....abhi wo kis shahar me hogi aur kya kar rahi hogi...
To maine shuruwat se kaam chalu gaya...maine daadi ko bata diya ki pitaji ne mujhe Marne se pahle kya kaha tha...
Main- dadi mujhe bhi nahi samajh aa raha tha ki ek aisi aurat ko wo hamesha se jis aurat se nafrat karte the Aaj wo achanak se mujhe kyun milne ke liye kah rahe the...
Dadi- bahot lambi kahani hai beta...ab kaise batau...
Main- mujhe bas ye bataiye ki kya maa sachme itni buri thi jitna aap aur papa batate the...
Dadi lambi saans lete hue- nahi beta, wo buri aurat nahi thi...bura to Tera baap tha ..25 saal pahle tere dada ke ek bahot acche dost hua karte the ...unki beti Suman ki bhi shaadi ki umr ho rahi thi...tere dada ne unke dost se kaha tha ki aap mere bete se apni beti ki shaadi karwa dijiye ...
Suman ke pita jaante the ki Tera baap Rajesh hamesha daaru pita hai...aiyyashi karta raha hai...isliye wo mana kar rahe the...lekin tere dada ne unse kaha ki wo shadi ke baad apne aap sudhar jaayega ..
Suman ke pita shuruwaat ne Maan nahi rahe the ....lekin Tere dada ji ko wo bahot ijjat dete the....to unko laga tha ki wo unke bete ko shaadi ke baad sahi raaste par laa denge ..
Suman ki aur tere pita ki shaadi ke kai wakt baad bhi tere pita ne abhi bhi wahi harkate paal rakhi thi...wo roj daaru pikar aata ..apni biwi ko Marta aur hamse bhi jhagde karne lagta...uski ye aadat har din badhti jaaa rahi thi...wo Kai baar Ghar chodkar maayke chali jaati...isse Suman ke pita aur tere dada me bhi ab anban badh rahi thi.
Baat tab ki hai jab to paida hua tha ..shayad tu 6-7 mahine ka hoga ...tab tumhari maa ko pata chala ki tere pita kaa bahar bhi kisi ladki ke saath chakkar hai ...usdin tere maa aur baap me bahot jhagda hua...usdin tere pita ne Suman ko bahot maara...ab maamla jada badh chuka tha ...to us din pahli baar Ghar tak police bhi aayi thi ..Suman ke pita ne faisla kiya ki wo apni beti aur naate ko hamesha ke liye leke jaayenge...lekin tere dada chahte the ki ghar me unka ansh badhtha rahe ...kafi court aur kacheri ke baad ye faisla hua ki tu tere pita ke saath hi rahega...us din Teri maa bahot roo thi...mujhe aaj bhi wo din yaad hai...
Tabse tere dada ji ne tere saamne yahi bolne ke liye kaha tha ki Teri maa hi jhagdail aurat thi jo hamesha baat baat par jhagda karti ...aur bhi kai saare baate batane ke liye kahi thi...taaki tujhe lage ki Tera baap accha hai aur teri maa buri...
Ab main isse Jada kuch nahi kah sakti beta...wo skta hai us ladki ne ab tak shadi bhi ki hogi...wo ek acche khandan se hai...abtak koi naa koi usse mil gaya hoga ....
Ab tu chahe to apne maa se milne chala Jaa...
Dadi ne ye sab mujhe kah diya aur main ghar se bahar aya...main ye sochke nirash hoagya...ki abtak meri maa ke baare me mere andar sirf aur sirf nafrat phahlai gai thi...leki meri maa asal me buri thi hi nahi...
Ab maine thaan liya tha ki main kuch bhi karke maa se milne jaaunga
