- 12
- 14
- 4
Prologue
Yeh baat aaj se hazaro varsho pehle ki hai. Bharatvarsh mei kuch abhi abhi ek bada sa yuudh ho kar gaya tha jismei kaafi saare chote aur bade rajyo ne bhaag liya hua tha. Yeh yuudh tha Dharm aur Adharm ke bich jise Kurrukshetra ki bhumi par ladha gaya. Is yuudh mei Dharm ki jeet hui aur Adharm ki haar. Parantu Adharm is haar ke baad shant kaise baithne wala tha. Usne ab manyusho ke man ko apne aadhin karna shuru kar diya tha. Logo ke man mei paap aur dvesh jaise bhaavnaaye jamn lene lag gayi thi.
Is yudh ke kuch hazar varsho ke baad yeh yudh sirf ek kahani ban kar reh gaya tha. Lekin is samay tak Adharm ne logo ke bhitar apne aap ko achhe se bitha liya tha. Ab har ghar mei rishto ke bich vivad hone lag gaye the. Yeh sach mei ek Kaliyug ki shuruvat thi.
Is yug mei Bhagwan apne banaye hue niyamo ke anusar Bhu-Lok mei avtarit nahi ho sakte the. Is baat ko dekhte hue adharm ne aur bhi apne aap ko failana shuru kar diya tha.
Samay bitne laga aur adharm ab har taraf fail gaya tha. Kaali shaktiyo ke dharak ab jaise chahe apni man maani kar sakte the.
Aise hi bharat ke ek rajya Madhyadesh ke raja Maharaj Madhvir ne kaali shaktiyo ke dharak Akala ko yudh ki chunoti di hui thi.
Akala ne kali shaktiyo ko is tarah se hasil kiya hua tha ke vo is samay kaali shaktiyo ka sab se shaktishali dharak bana hua tha. Usne apne raaste mei aane wale har ek nagar aur rajya ko puri tarah se nasht kar diya tha. Aise hi vo nagaro aur rajyo ko nasht karte hue Madhydesh mei aa gaya tha aur jaise hi Madhyadesh ke Maharaj Madhvir ko is baat ki suchna mili toh unhone apni talwar uthayi aur us disha mei chal pade jaha par abhi Akala ruka hua tha. Yeh Madhyadesh ke Pahadi ilaka tha jaha ke ek gufa mei abhi Akala ruka hua tha aur is samay par apni kaali shakti kei sadhana mei vyast tha.
Jab Maharaj Madhvir us jagah par aaye toh unhone us gufa ki taraf dekha aur zor se chillate hue kaha.
“Aakala, main Madhyadesh ka maharaj Madhvir tumhe yudh ki chunoti deta hu. Agar tum khud ko kayar nahi samajhte ho toh is gufa se bahar aao aur mera saamna karo. Aaj main yeh pran lekar aaya hu ke is din ke baad is sansaar mei main tumhe ek aur pal bhi jivit nahi rehne dunga.”
Maharaj Madhvir ki aawaz jaise badalo ki garaj ki tarah sunayi de rahi thi. Unhone Akala ke bare mei kaafi suna hua tha. Kyo ki vo Madhyadesh ke Maharaj the is liye yeh unka kartavya tha ke vo apne rajjya aur apni praja ki aise logo se raksha kare.
Jab Akala ne Maharaj Madhvir chunoti ko suna toh usne apni sadhana ko roka aur apni aankho ko khol kar gufa ke bahar dekhne lag gaya tha. Uske chehre par kisi asur ki tarah ke hasi bani hui thi jo use aur bhi ghatak bana rahi thi.
Akala apni jagah se khada hua aur chalte hue us gufa se bahar aane lag gaya.
Bahar Maharaj Madhvir abhi bhi apne ghode par baithe hue the aur unki talwar unke haath mei thi. Jaise hi unhone Akala ko gufa se bahar aate hue dekha vo bhi apne ghode ke upar se niche utar gaye aur apni talwar ke saath Akala ki taraf badh gaye.
Akala abhi bhi unhe dekh kar waise hi aage badh raha tha. Uski aankho mei ek ajeeb si chamak thi jo yeh dikha rahi thi ke Akala aise hi kisi pal ki pratiksha kar raha tha.
Akala ki lambayi kisi bhi sadharan manushya se kaafi badi thi. Saath hi dekhne se hi pata chal raha tha ke use yudh ki kala bhi aati hai. Usne apne dono haato ko bahar ki ki taraf failaya aur zor se haste hue Maharaj Madhvir ko dekhte hue kaha.
“Hahaha ! chalo aaj koi toh mila jisne mujhe yudh ke liye chunoti di hui hai. Nahi toh sabhi darpok ban gaye hai.”
Maharaj Madhvir ne Akala ki baato par dhyan nahi diya aur apni talwar ko utha kar vo Akala ki taraf badh gaye aur dekhte hi dekhte dono ki bich ek bhishan yudh shuru ho gaya.
Maharaj Madhvir ne sabhi tarah ke yudh kala ko sikha hua tha aur uspar maharat haasil ki huyi thi. Unki talawar jaise hawa ke saath baate kar rahi thi. Lekin Akala bhi kam nahi tha. Vo bhi Maharaj Madhvir ke hamle ka uttar achhe se de raha tha. Uske haath mei bhi ek badi si talawar thi jispar khun lag kar puri tarah se sukh gaya tha.
Jaise jaise dono ke bich ka yudh samay ke saath aage badh raha tha waise waise vo aur bhi bhishan hote jaa raha tha. Lekin dono mei se koi bhi piche hatne ko taiyar nahi tha. Ulta Maharaj Madhvir ab aur bhi ghatak prahar karne lag gaye the Akala par.
Issi bich Madhyadesh ke Senapati puri sena lekar us jagah par aa gaye the jaha par yeh yudh chal raha tha.
Jab Madhyadesh ke sena ne apne Maharaj ko Akala ke saath yudh karte hue dekha toh vo kaafi dung reh gaye the. Madhyadesh ek aisa rajya tha jisne aaj tak kabhi bhi kisi dusre rajya par akraman nahi kiya hua tha aur uspar jitni baar bhi akraman hua tha use Madhyadesh ki sena ne puri tarah se vifal kar diya tha.
Madhyadesh ki sena ne aaj tak kabhi bhi apne Maharaj ko is bhishanta ke saath yudh karte hue nahi dekha tha. Unhe jaise apne Maharaj ke andar Akala ka KAAL nazar aa raha tha.
Aise hi yeh yudh pure do dino tak chalta raha. Maharaj Madhvir aur Akala dono bhi bina ruke ek dusre se ladh rahe the aur is samay par jaise vo thak gaye the. Jaha Maharaj Madhvir yeh soch rahe the ke vo kaise is Akala ko hara sakte hai wahi Akala abhi waise hi hase jaa raha tha jaise vo yudh ke shuruvat mei has raha tha. Uske sharir par kayi saare ghav bane hue the aur yeh halat Maharaj Madhvir ki bhi thi. Akala ek baat toh samajh gaya tha ke yudh kala mei Maharaj Madhvir aur vo ek saman hai aur dono bhi ek dusre ko aamne saamne ke yudh mei hara nahi sakte hai. Agar use yeh yudh jitna hua toh chhal kar ke hi jitna hoga. Anyatha vo is yudh ko kabhi bhi jit nahi paayega.
Jaise hi use yeh vichar aaya waise hi uski vo hasi aur bhi gehri ho gayi aur uski aankho ki jaise chamak badh si gayi.
Akala ab sahi se khada hua aur usne apni bhari aawaz ke saath Maharaj Madhvir ko dekhte hue kaha.
“Madhvir, tum vo pehle manushya ho jisne mujhe itna ghayal kiya hua hai. Jitna main ne tumhare bare mei suna hua tha tum usse kayi zyada balwan aur shaktivaan ho. Lekin aaj ke baad tum sirf logo ki kahaniyo mei hi reh paaoge.”
Yeh keh kar Akala ne apne haath par lage hue ghav se nikalne wale khun ki ek bund ko apni ungali par liya aur ek pal ke liye apni aankho ko band kar ke use niche zamin par gira diya.
Wahi Maharaj Madhvir ne Akala ko dekha aur kaha.
“Aaj main logo ki kahaniyo mei rahunga yaa tum yeh samay nirdharit karega.”
Yeh keh kar Maharaj Madhvir phir se Akala ki taraf badh gaye aur unhone apni talawar utha kar apni puri shakti ke saath Akala ke sine mei dhasa di.
Unki talwar Akala ke sine ke andar jaa kar uske pith se bahar nikal gayi thi lekin iske baad bhi Akala hase jaa raha tha.
Maharaj Madhvir ne is tarah se apni talwar ko Akala ke sine mei dhasaya hua tha ke unki talwar Akala ke hriday ke aarpar chali gayi thi.
Jab Akala ne yeh dekha ke Maharaj Madhvir uske kaafi paas hai waise hi usne apne dono haato se Maharaj Madhvir ke haato ko puri shakti ke saath pakad liya. Maharaj Madhvir ko yeh baat kuch ajeeb lagi aur vo kuch samajh paate usse pehle hi unhe apne pith mei ek kaafi tez dard ka ehsaas hone lag gaya. Unhone piche palat kar dekha toh Akala ki parchayi mei se ek aur Akala unke piche khada tha aur usne apni talwar ko unke pith mei ghusa di thi.
Yeh dekh kar Maharaj Madhvir ne samne ki taraf dekha aur kaha.
“Akala, Yudh-neeti ke viruddh jaa kar tumne chhal se mujh par prahar kiya. Mujhe laga tha Kaali shaktiyo ka dharak kayar nahi hoga lekin is sansaar mei tumse bada kayar toh koi nahi hai.”
Jaha yeh sab ho raha tha wahi jab Madhyadesh ki sena aur Senapati yeh dekha ke unke Maharaj ke piche ek aur Akala zamin se bahar aaya hai waise hi vo sabhi un dono ki taraf badh gaye. Lekin unke aur in dono ke bich ka antar kaafi tha jiske chalte Maharaj Madhvir ke piche bane hue Akala ne apni talawar nikaal kar unke pith mei dhasa di thi.
Maharaj Madhvir ne apni talawar ko Akala ke sine mei se nikaala aur uske sine par apne pair se prahar kiya. Is prahar mei itni shakti thi ke Akala piche ki taraf udte hue chala gaya aur ek badi si chattan par jaa kar gir gaya.
Is baat se Akala kaafi chakit ho gaya tha aur use samajh mei nahi aa raha tha ke ek sadharan manushya use itni shakti ke saath kaise prahar kar sakta hai.
Wahi Maharaj Madhvir ka sharir ek sunehre Prakash ke saath chamakne lag gaya tha. Unhone Akala ko dekhte hue kaha.
“Akala, main Madhyadesh ka Maharaj Madhvir Suryavanshi apne tap ki shakti ke saath tumhe yeh chetavni deta hu ke aane wale samay mei tumhara ant ek Suryavanshi ke haato hi hogi. Meri is baat ko hamesha yaad rakhna.”
Yeh keh kar Maharaj Madhvir ka sharir jo sunehre Prakash ke saath chamak raha tha vo Prakash kahi gayab ho gaya aur unka sharir waise hi niche zamir par gir gaya.
Akala ko kuch bhi samajh mei nahi aa raha tha ke abhi uske samne hua kya. Isse pehle vo kuch aur kar paata usse pehle hi aasman mei ghane kaale badal chaane lag gaye aur tabhi un baadlo mei se ek Bijali aa kar uspar gir gayi jiski wajah se vo aur bhi kamjor ho gaya.
Tab tak Madhyadesh ki sena aur Senapati uske samne aa kar khade ho gaye the. Unhone badi badi rassiyo ke saath use puri tarah se jakad liya aur uske haath pairo ko bandh diya. Wahi Senapati jaldi se Maharaj Madhvir ke sharir ke paas aaye jo niche zamir par gira hua tha. Unki aankho mei aansu the apne Maharaj ki is halat ko dekh kar. Sirf wahi nahi balki puri sena ki aankho mei is samay par aansu aa gaye the.
Aaj Madhyadesh par kaale badal chaaye hue the. Rajya ke har ek ghar mei koi bhi has nahi raha tha. Har kisi ki aankho mei aansu aa gaye the. Jaldi hi Maharaj Madhvir ko puri vidhi ke saath antim Sanskar kiya gaya.
Kuch dino ke baad Madhyadesh ke singhasan par Maharaj Madhvir ki patni Maharani Madhvi baithi hui thi. Waise toh vo is samay par kaafi dukhi thi lekin vo is dukh ke chalte apne rajya aur praja ko aise hi nahi chhod sakti thi. Kyo ki rajya ke Maharaj aur Maharani dono bhi apni praja ke ek tarah se mata aur pita hote hai aur yeh kartavya kisi bhi dukh se kaafi bada tha.
Is samay par Maharani Madhvi singhasan par baithi hui thi aur unke samne kuch log khade the. In mei se ek Madhyadesh ke Rajpurohit the aur unke chehre par ek gehri chinta dikhayi de rahi thi.
Jab Maharani Madhvi ne yeh dekha toh unhone Rajpurohit ko dekhte hue unse pucha.
“Kya baat hai Rajpurohit ji aap kaafi chinta mei nazar aa rahe hai. Kya aapo ko koi aisa raasta mila jiske chalte ham us dusht Akala ko puri tatah se samapt kar sake.”
Maharani Madhvi ke is sawal par Rajpurohit ji ne ek bar puri sabha ko dekha aur phir unhone Maharani Madhvi ko dekhte hue kaha.
“Mujhe bade hi dukh ke saath yeh kehna pad raha hai. Parantu Maharani hame aisa koi raasta nazar nahi aa raha hai jiske upyog se ham us dusht Akala ko samapt kar sake. Vo itni saari kaali shaktiyo ka dharak ban gaya hai jiski wajah se ham use kisi bhi marg se samapt nahi kar sakte hai.”
Jab puri sabha ne Rajpurohit ki is baat ko suna toh vo sabhi niraash ho gaye the. Kisi ko bhi yeh samajh mei nahi aa raha tha ke vo Akala ko kaise samapt kar sakte hai.
Tabhi Rajpurohit ne aage kaha.
“Parantu ek marg hai. Ham ek bade se yagya ki shakti ke saath Akala ko bandhak bana sakte hai aur uski Kaali Shaktiyo par rok laga sakte hai.”
Jab sabhi ne Rajpurohit ki is baat ko suna toh sabhi unhe dekhne lag gaye the. Maharani Madhvi ki aankho mei bhi yeh baat sukar ek chamak si aa gayi thi.
Unhone Rajpurohit ko dekhte hue kaha.
“Ham aisa hi karenge. Samay ke ant tak ham is dushth Akala ko bandhak bana kar Madhyadesh pahadiyo mei chupa denge.”
Sabhi ko yeh sujhaav sahi lag raha tha aur issi ke saath ek bade se yagya prarambh hua.
Us jagah par Akala ko haath pair bandh kar saamne kaid kiya gaya tha. In kuch dino ke bich mei uske sharir par jo ghav the vo bharne lag gaye the lekin vo apni kaali shaktiyo ka upyog nahi kar paa raha tha.
Jab usne apne samne ek bade se yagya ko hote hue dekha toh vo zor zor se hasne laga.
Uski hasi itni bhayanak thi ke waha par jo log aaye the vo tak dar gaye the. Unhe aaj pata chal raha tha ke unke Maharaj kis ke saath ladhe the. Par logo ki aankho mei dar ke saath ke gussa bhi bana hua tha.
Aakala toh bas waha baith kar sabhi ko dekh raha tha. Uske samne sabhi yagya mei baithe hue the.
Kuch hi der mei vo yagya bhi pura ho gaya aur Rajpurohit ne ek bade se laal rang ke dhaage ko uthaya jo ab tak pure yagya ke samay par apne samne rakha hua tha.
Jab Aakala ne Rajpurohit ke haath mei us dhaage ko dekha toh usne zor se haste hue kaha.
“Is sansaar mei aisi koi shakti nahi bani hai jo ab mujhe maar sakti hai. Is liye ab tum sabhi meri Kaali Shaktiyo par rok laga kar mujhe bandi banana wale ho. Chalo yeh bhi kar ke dekh lo, lekin kabhi naa kabhi main is bandhan se mukt ho hi jaaunga. Us samay par mujhe rokne wala koi nahi hoga.”
Uski baat ko sunkar Rajpurohit apni jagah par ruk gaye aur unhone ek baar Maharani Madhvi ko dekha.
Yeh dekh kar Maharani Madhvi Akala ke samne aa kar khadi hui aur unhone use dekhte hue kaha.
“Dushth, tumhare aane se pehle bhi tumhare jaise Kaali shaktiyo ke dharak ne kaafi prayas kiya tha ke is sansaar ko apne adhin kar lene ka. Parantu jab tak Satya ki shakti is sansaar mei rahegi tab tak koi bhi KaalI shakti ka dharak ise apne adhin nahi kar paayega.”
Yeh keh kar Maharani Madhvi ne Rajpurohit ji ko ishara kiya jiske baad unhone Akala ko vo dhaga uske haath par bandh diya.
Jaise hi vo dhaga Akala ke haath par bandh gaya waise hi use apne andar ek kamjori ka ehsaas hone lag gaya aur vo behosh ho gaya. Akala ke behosh hone ke baad use waise hi Madhyadesh ki sena aur Senapati ne waha ki pahado ke kaafi andar ek badi si gufa mei diwar par bandh diya. Wahi bahar se us gufa par ek badi si chattan laga kar uske muh ko bhi bandh kar diya tha. Rajpurohit ji ne us chattan par ek shakti yantra bana diya jiske chalte koi bhi us chattan ko hila naa sake.
Issi ke saath Akala kaafi lambe samay ke liye bandi ban gaya tha.
Yeh baat aaj se hazaro varsho pehle ki hai. Bharatvarsh mei kuch abhi abhi ek bada sa yuudh ho kar gaya tha jismei kaafi saare chote aur bade rajyo ne bhaag liya hua tha. Yeh yuudh tha Dharm aur Adharm ke bich jise Kurrukshetra ki bhumi par ladha gaya. Is yuudh mei Dharm ki jeet hui aur Adharm ki haar. Parantu Adharm is haar ke baad shant kaise baithne wala tha. Usne ab manyusho ke man ko apne aadhin karna shuru kar diya tha. Logo ke man mei paap aur dvesh jaise bhaavnaaye jamn lene lag gayi thi.
Is yudh ke kuch hazar varsho ke baad yeh yudh sirf ek kahani ban kar reh gaya tha. Lekin is samay tak Adharm ne logo ke bhitar apne aap ko achhe se bitha liya tha. Ab har ghar mei rishto ke bich vivad hone lag gaye the. Yeh sach mei ek Kaliyug ki shuruvat thi.
Is yug mei Bhagwan apne banaye hue niyamo ke anusar Bhu-Lok mei avtarit nahi ho sakte the. Is baat ko dekhte hue adharm ne aur bhi apne aap ko failana shuru kar diya tha.
Samay bitne laga aur adharm ab har taraf fail gaya tha. Kaali shaktiyo ke dharak ab jaise chahe apni man maani kar sakte the.
Aise hi bharat ke ek rajya Madhyadesh ke raja Maharaj Madhvir ne kaali shaktiyo ke dharak Akala ko yudh ki chunoti di hui thi.
Akala ne kali shaktiyo ko is tarah se hasil kiya hua tha ke vo is samay kaali shaktiyo ka sab se shaktishali dharak bana hua tha. Usne apne raaste mei aane wale har ek nagar aur rajya ko puri tarah se nasht kar diya tha. Aise hi vo nagaro aur rajyo ko nasht karte hue Madhydesh mei aa gaya tha aur jaise hi Madhyadesh ke Maharaj Madhvir ko is baat ki suchna mili toh unhone apni talwar uthayi aur us disha mei chal pade jaha par abhi Akala ruka hua tha. Yeh Madhyadesh ke Pahadi ilaka tha jaha ke ek gufa mei abhi Akala ruka hua tha aur is samay par apni kaali shakti kei sadhana mei vyast tha.
Jab Maharaj Madhvir us jagah par aaye toh unhone us gufa ki taraf dekha aur zor se chillate hue kaha.
“Aakala, main Madhyadesh ka maharaj Madhvir tumhe yudh ki chunoti deta hu. Agar tum khud ko kayar nahi samajhte ho toh is gufa se bahar aao aur mera saamna karo. Aaj main yeh pran lekar aaya hu ke is din ke baad is sansaar mei main tumhe ek aur pal bhi jivit nahi rehne dunga.”
Maharaj Madhvir ki aawaz jaise badalo ki garaj ki tarah sunayi de rahi thi. Unhone Akala ke bare mei kaafi suna hua tha. Kyo ki vo Madhyadesh ke Maharaj the is liye yeh unka kartavya tha ke vo apne rajjya aur apni praja ki aise logo se raksha kare.
Jab Akala ne Maharaj Madhvir chunoti ko suna toh usne apni sadhana ko roka aur apni aankho ko khol kar gufa ke bahar dekhne lag gaya tha. Uske chehre par kisi asur ki tarah ke hasi bani hui thi jo use aur bhi ghatak bana rahi thi.
Akala apni jagah se khada hua aur chalte hue us gufa se bahar aane lag gaya.
Bahar Maharaj Madhvir abhi bhi apne ghode par baithe hue the aur unki talwar unke haath mei thi. Jaise hi unhone Akala ko gufa se bahar aate hue dekha vo bhi apne ghode ke upar se niche utar gaye aur apni talwar ke saath Akala ki taraf badh gaye.
Akala abhi bhi unhe dekh kar waise hi aage badh raha tha. Uski aankho mei ek ajeeb si chamak thi jo yeh dikha rahi thi ke Akala aise hi kisi pal ki pratiksha kar raha tha.
Akala ki lambayi kisi bhi sadharan manushya se kaafi badi thi. Saath hi dekhne se hi pata chal raha tha ke use yudh ki kala bhi aati hai. Usne apne dono haato ko bahar ki ki taraf failaya aur zor se haste hue Maharaj Madhvir ko dekhte hue kaha.
“Hahaha ! chalo aaj koi toh mila jisne mujhe yudh ke liye chunoti di hui hai. Nahi toh sabhi darpok ban gaye hai.”
Maharaj Madhvir ne Akala ki baato par dhyan nahi diya aur apni talwar ko utha kar vo Akala ki taraf badh gaye aur dekhte hi dekhte dono ki bich ek bhishan yudh shuru ho gaya.
Maharaj Madhvir ne sabhi tarah ke yudh kala ko sikha hua tha aur uspar maharat haasil ki huyi thi. Unki talawar jaise hawa ke saath baate kar rahi thi. Lekin Akala bhi kam nahi tha. Vo bhi Maharaj Madhvir ke hamle ka uttar achhe se de raha tha. Uske haath mei bhi ek badi si talawar thi jispar khun lag kar puri tarah se sukh gaya tha.
Jaise jaise dono ke bich ka yudh samay ke saath aage badh raha tha waise waise vo aur bhi bhishan hote jaa raha tha. Lekin dono mei se koi bhi piche hatne ko taiyar nahi tha. Ulta Maharaj Madhvir ab aur bhi ghatak prahar karne lag gaye the Akala par.
Issi bich Madhyadesh ke Senapati puri sena lekar us jagah par aa gaye the jaha par yeh yudh chal raha tha.
Jab Madhyadesh ke sena ne apne Maharaj ko Akala ke saath yudh karte hue dekha toh vo kaafi dung reh gaye the. Madhyadesh ek aisa rajya tha jisne aaj tak kabhi bhi kisi dusre rajya par akraman nahi kiya hua tha aur uspar jitni baar bhi akraman hua tha use Madhyadesh ki sena ne puri tarah se vifal kar diya tha.
Madhyadesh ki sena ne aaj tak kabhi bhi apne Maharaj ko is bhishanta ke saath yudh karte hue nahi dekha tha. Unhe jaise apne Maharaj ke andar Akala ka KAAL nazar aa raha tha.
Aise hi yeh yudh pure do dino tak chalta raha. Maharaj Madhvir aur Akala dono bhi bina ruke ek dusre se ladh rahe the aur is samay par jaise vo thak gaye the. Jaha Maharaj Madhvir yeh soch rahe the ke vo kaise is Akala ko hara sakte hai wahi Akala abhi waise hi hase jaa raha tha jaise vo yudh ke shuruvat mei has raha tha. Uske sharir par kayi saare ghav bane hue the aur yeh halat Maharaj Madhvir ki bhi thi. Akala ek baat toh samajh gaya tha ke yudh kala mei Maharaj Madhvir aur vo ek saman hai aur dono bhi ek dusre ko aamne saamne ke yudh mei hara nahi sakte hai. Agar use yeh yudh jitna hua toh chhal kar ke hi jitna hoga. Anyatha vo is yudh ko kabhi bhi jit nahi paayega.
Jaise hi use yeh vichar aaya waise hi uski vo hasi aur bhi gehri ho gayi aur uski aankho ki jaise chamak badh si gayi.
Akala ab sahi se khada hua aur usne apni bhari aawaz ke saath Maharaj Madhvir ko dekhte hue kaha.
“Madhvir, tum vo pehle manushya ho jisne mujhe itna ghayal kiya hua hai. Jitna main ne tumhare bare mei suna hua tha tum usse kayi zyada balwan aur shaktivaan ho. Lekin aaj ke baad tum sirf logo ki kahaniyo mei hi reh paaoge.”
Yeh keh kar Akala ne apne haath par lage hue ghav se nikalne wale khun ki ek bund ko apni ungali par liya aur ek pal ke liye apni aankho ko band kar ke use niche zamin par gira diya.
Wahi Maharaj Madhvir ne Akala ko dekha aur kaha.
“Aaj main logo ki kahaniyo mei rahunga yaa tum yeh samay nirdharit karega.”
Yeh keh kar Maharaj Madhvir phir se Akala ki taraf badh gaye aur unhone apni talawar utha kar apni puri shakti ke saath Akala ke sine mei dhasa di.
Unki talwar Akala ke sine ke andar jaa kar uske pith se bahar nikal gayi thi lekin iske baad bhi Akala hase jaa raha tha.
Maharaj Madhvir ne is tarah se apni talwar ko Akala ke sine mei dhasaya hua tha ke unki talwar Akala ke hriday ke aarpar chali gayi thi.
Jab Akala ne yeh dekha ke Maharaj Madhvir uske kaafi paas hai waise hi usne apne dono haato se Maharaj Madhvir ke haato ko puri shakti ke saath pakad liya. Maharaj Madhvir ko yeh baat kuch ajeeb lagi aur vo kuch samajh paate usse pehle hi unhe apne pith mei ek kaafi tez dard ka ehsaas hone lag gaya. Unhone piche palat kar dekha toh Akala ki parchayi mei se ek aur Akala unke piche khada tha aur usne apni talwar ko unke pith mei ghusa di thi.
Yeh dekh kar Maharaj Madhvir ne samne ki taraf dekha aur kaha.
“Akala, Yudh-neeti ke viruddh jaa kar tumne chhal se mujh par prahar kiya. Mujhe laga tha Kaali shaktiyo ka dharak kayar nahi hoga lekin is sansaar mei tumse bada kayar toh koi nahi hai.”
Jaha yeh sab ho raha tha wahi jab Madhyadesh ki sena aur Senapati yeh dekha ke unke Maharaj ke piche ek aur Akala zamin se bahar aaya hai waise hi vo sabhi un dono ki taraf badh gaye. Lekin unke aur in dono ke bich ka antar kaafi tha jiske chalte Maharaj Madhvir ke piche bane hue Akala ne apni talawar nikaal kar unke pith mei dhasa di thi.
Maharaj Madhvir ne apni talawar ko Akala ke sine mei se nikaala aur uske sine par apne pair se prahar kiya. Is prahar mei itni shakti thi ke Akala piche ki taraf udte hue chala gaya aur ek badi si chattan par jaa kar gir gaya.
Is baat se Akala kaafi chakit ho gaya tha aur use samajh mei nahi aa raha tha ke ek sadharan manushya use itni shakti ke saath kaise prahar kar sakta hai.
Wahi Maharaj Madhvir ka sharir ek sunehre Prakash ke saath chamakne lag gaya tha. Unhone Akala ko dekhte hue kaha.
“Akala, main Madhyadesh ka Maharaj Madhvir Suryavanshi apne tap ki shakti ke saath tumhe yeh chetavni deta hu ke aane wale samay mei tumhara ant ek Suryavanshi ke haato hi hogi. Meri is baat ko hamesha yaad rakhna.”
Yeh keh kar Maharaj Madhvir ka sharir jo sunehre Prakash ke saath chamak raha tha vo Prakash kahi gayab ho gaya aur unka sharir waise hi niche zamir par gir gaya.
Akala ko kuch bhi samajh mei nahi aa raha tha ke abhi uske samne hua kya. Isse pehle vo kuch aur kar paata usse pehle hi aasman mei ghane kaale badal chaane lag gaye aur tabhi un baadlo mei se ek Bijali aa kar uspar gir gayi jiski wajah se vo aur bhi kamjor ho gaya.
Tab tak Madhyadesh ki sena aur Senapati uske samne aa kar khade ho gaye the. Unhone badi badi rassiyo ke saath use puri tarah se jakad liya aur uske haath pairo ko bandh diya. Wahi Senapati jaldi se Maharaj Madhvir ke sharir ke paas aaye jo niche zamir par gira hua tha. Unki aankho mei aansu the apne Maharaj ki is halat ko dekh kar. Sirf wahi nahi balki puri sena ki aankho mei is samay par aansu aa gaye the.
Aaj Madhyadesh par kaale badal chaaye hue the. Rajya ke har ek ghar mei koi bhi has nahi raha tha. Har kisi ki aankho mei aansu aa gaye the. Jaldi hi Maharaj Madhvir ko puri vidhi ke saath antim Sanskar kiya gaya.
Kuch dino ke baad Madhyadesh ke singhasan par Maharaj Madhvir ki patni Maharani Madhvi baithi hui thi. Waise toh vo is samay par kaafi dukhi thi lekin vo is dukh ke chalte apne rajya aur praja ko aise hi nahi chhod sakti thi. Kyo ki rajya ke Maharaj aur Maharani dono bhi apni praja ke ek tarah se mata aur pita hote hai aur yeh kartavya kisi bhi dukh se kaafi bada tha.
Is samay par Maharani Madhvi singhasan par baithi hui thi aur unke samne kuch log khade the. In mei se ek Madhyadesh ke Rajpurohit the aur unke chehre par ek gehri chinta dikhayi de rahi thi.
Jab Maharani Madhvi ne yeh dekha toh unhone Rajpurohit ko dekhte hue unse pucha.
“Kya baat hai Rajpurohit ji aap kaafi chinta mei nazar aa rahe hai. Kya aapo ko koi aisa raasta mila jiske chalte ham us dusht Akala ko puri tatah se samapt kar sake.”
Maharani Madhvi ke is sawal par Rajpurohit ji ne ek bar puri sabha ko dekha aur phir unhone Maharani Madhvi ko dekhte hue kaha.
“Mujhe bade hi dukh ke saath yeh kehna pad raha hai. Parantu Maharani hame aisa koi raasta nazar nahi aa raha hai jiske upyog se ham us dusht Akala ko samapt kar sake. Vo itni saari kaali shaktiyo ka dharak ban gaya hai jiski wajah se ham use kisi bhi marg se samapt nahi kar sakte hai.”
Jab puri sabha ne Rajpurohit ki is baat ko suna toh vo sabhi niraash ho gaye the. Kisi ko bhi yeh samajh mei nahi aa raha tha ke vo Akala ko kaise samapt kar sakte hai.
Tabhi Rajpurohit ne aage kaha.
“Parantu ek marg hai. Ham ek bade se yagya ki shakti ke saath Akala ko bandhak bana sakte hai aur uski Kaali Shaktiyo par rok laga sakte hai.”
Jab sabhi ne Rajpurohit ki is baat ko suna toh sabhi unhe dekhne lag gaye the. Maharani Madhvi ki aankho mei bhi yeh baat sukar ek chamak si aa gayi thi.
Unhone Rajpurohit ko dekhte hue kaha.
“Ham aisa hi karenge. Samay ke ant tak ham is dushth Akala ko bandhak bana kar Madhyadesh pahadiyo mei chupa denge.”
Sabhi ko yeh sujhaav sahi lag raha tha aur issi ke saath ek bade se yagya prarambh hua.
Us jagah par Akala ko haath pair bandh kar saamne kaid kiya gaya tha. In kuch dino ke bich mei uske sharir par jo ghav the vo bharne lag gaye the lekin vo apni kaali shaktiyo ka upyog nahi kar paa raha tha.
Jab usne apne samne ek bade se yagya ko hote hue dekha toh vo zor zor se hasne laga.
Uski hasi itni bhayanak thi ke waha par jo log aaye the vo tak dar gaye the. Unhe aaj pata chal raha tha ke unke Maharaj kis ke saath ladhe the. Par logo ki aankho mei dar ke saath ke gussa bhi bana hua tha.
Aakala toh bas waha baith kar sabhi ko dekh raha tha. Uske samne sabhi yagya mei baithe hue the.
Kuch hi der mei vo yagya bhi pura ho gaya aur Rajpurohit ne ek bade se laal rang ke dhaage ko uthaya jo ab tak pure yagya ke samay par apne samne rakha hua tha.
Jab Aakala ne Rajpurohit ke haath mei us dhaage ko dekha toh usne zor se haste hue kaha.
“Is sansaar mei aisi koi shakti nahi bani hai jo ab mujhe maar sakti hai. Is liye ab tum sabhi meri Kaali Shaktiyo par rok laga kar mujhe bandi banana wale ho. Chalo yeh bhi kar ke dekh lo, lekin kabhi naa kabhi main is bandhan se mukt ho hi jaaunga. Us samay par mujhe rokne wala koi nahi hoga.”
Uski baat ko sunkar Rajpurohit apni jagah par ruk gaye aur unhone ek baar Maharani Madhvi ko dekha.
Yeh dekh kar Maharani Madhvi Akala ke samne aa kar khadi hui aur unhone use dekhte hue kaha.
“Dushth, tumhare aane se pehle bhi tumhare jaise Kaali shaktiyo ke dharak ne kaafi prayas kiya tha ke is sansaar ko apne adhin kar lene ka. Parantu jab tak Satya ki shakti is sansaar mei rahegi tab tak koi bhi KaalI shakti ka dharak ise apne adhin nahi kar paayega.”
Yeh keh kar Maharani Madhvi ne Rajpurohit ji ko ishara kiya jiske baad unhone Akala ko vo dhaga uske haath par bandh diya.
Jaise hi vo dhaga Akala ke haath par bandh gaya waise hi use apne andar ek kamjori ka ehsaas hone lag gaya aur vo behosh ho gaya. Akala ke behosh hone ke baad use waise hi Madhyadesh ki sena aur Senapati ne waha ki pahado ke kaafi andar ek badi si gufa mei diwar par bandh diya. Wahi bahar se us gufa par ek badi si chattan laga kar uske muh ko bhi bandh kar diya tha. Rajpurohit ji ne us chattan par ek shakti yantra bana diya jiske chalte koi bhi us chattan ko hila naa sake.
Issi ke saath Akala kaafi lambe samay ke liye bandi ban gaya tha.