Episode:07
Delhi ki ek kothi ke ek haal room me ek ladki ek painting banane me busy thi. Koi aur us haal me maujud nahi tha.
Kuch der baad ek ladka aaya aur ladki ko piche se apni bahun me bhar liya..
"Kya kar rahi ha meri jaan alka" ladka lehje me mithas samo kar bola..
ladki ki paiting kharab ho gai. brush ghalat jaga colour chhod gaya tha. ladki zor laga kar ladke se alag ho gayi. Ladki ka hath utha, ghooma aur ladke ke chehre par panchu ungliyon ke nishan chhod gaya. Ladki aag ugalti ankhon se ladke ko dekhne lagi.
Ladki : How dare you! Tumne mujhe chhuwa bhi kaise. Ladki cheekhte hue boli. Usay ghussa hi itna aa gaya tha ladke ke chhune se.
Ladka apne gaal par hath rakh kar ladki ko dekhne laga. Usay ghussa toh bohut aa raha tha ladki par. Par woh ghussa pi kar ladki se bola.
Ladka : Alka hamari engagement ho chuki hai, kuch hi mahino me hamari shadi hone wali ha. Kya tumhe chhune ka haq bhi nahi ha mujhe.
Alka : (Chillate hue) Haan!! Nahi ha tumhare paas koi bhi haqq samjhe. Abhi main tumhari patni bani nahi hon satish. Jab ban jaaongi, fir tum mujhe chhune ka haq bhi pa loge. Par usse pehle kabhi bhul kar bhi mujhe chhune ki koshish mat karna.
Satish : Come on alka! Kis daur me ji rahi ho tum. Aajkal toh---
Alka : (Hath utha kar satish ko aage bolne se rokti hui) Dekho satish mujhe zamane se koi lena dena nahi ha. Main jaisi bhi hon kisi ke liye khud ko badal nahi sakti, tumhare liye bhi nahi. Na ab aur na hi shadi ke baad. Aur haan! tum yahan mat aaya karo. Mujhe kaam me disturbance hoti ha.
Alka ek gehri nazar satish ko dekhne ke baad firse apne kaam me busy ho gai.
Satish behadd ghusse se piche se alka ko dekhne laga. Mann me wo bol raha tha. Saali tujhe toh main shadi ke baad dekh longa. Badi akad ha na tujhme, sari ki sari na nikal di toh mera naam bhi Thakur Satish Singh nahi. (Satish Daksh Ke Chacha Ka Beta Hai)
Satish kuch pal ruka fir wahan se chal diya. Uske kadmon ki chaap sunkar alka ne piche mud kar dekha toh satish ja chuka tha. Sab samaan vaise hi chhod kar woh bhi haal se bahar nikal padi. Kamre me pohnch kar apne mobile se ek pic nikal kar dekhne lagi. Ek nazar dekh kar foran hi mobile ko bed par phenk bhi dia.
Ghusse aur nafrat bhari nazron se wo mobile par nazar aa rahi tasveer ko dekhne lagi. Fir khadi hokar cheekhne chillane lagi.
"Mujhe nafrat ha tumse Daksh Thakur! Behadd nafrat!! I hate you Daksh!! I hate you daskh!!"
Alka...Age..24..Detail Baad Me..
(Jab dono ek dusre se alag hue the toh Daksh ki age 19 aur Alka Ki age 18 saal thi.. Ab Daksh Ki Age 25 Aur Alka Ki 24 Years Ho Chuki Thi.)
Alka wahi ladki hai. Jo Daksh ke dil me basi thi, basi ha aur hamesha basi rahegi. Aur alka engagement hone ke baad bhi Daksh ko bhul nahi paa rahi thi. Dono ka pyaar bachpan ka pyaar tha.
(Parivar ka detail intro bhi jald hi diya jaayega)
:::::::::::::::::
Sham tak Daksh shaoling temple se 5km ke fasle tak pohnch chuka tha. Suraj ki roshni abhi baki thi. Daksh ek pahad ki choti par pohnch kar saamne dekh raha tha. Saamne firse usay ek residential area dikhne laga tha.
Daksh : kyun Shimuna ab kya vichar han tumhare?
Shimuna : kis baare me?
Daksh : Yahi jo mera picha kar rahe the. Ekdumm se sab kaise wo wapis laut gaye. Koi bhi uske baad mere piche nahi aaya. Mujhe dhundna jaise sabne band hi kar dia ha. Is baare me tum kya kehti ho.
Shimuna : Hmmm! Baat toh khaas ha Daksh! Woh Margaret mujhe bohut aage ki cheez maloom padti ha. Saali ne zarur apne dimag ka use kiya hoga. Woh samjh gai hogi tumhari manzil kya ho sakti ha.
Daskh : Absolutely right Shimuna. Saali jitni patakha ha, utni hi dimag wali bhi hai. Khair! toh ab kya karna sahi rahega.
Shimuna : Ehehehe! choron ki tarah andhera hone ka intezar.
Daksh : hahaha sahi hai toh fir andhere me hi chhup kar temple tak pohnchna sahi rahega. Bina nazron me aaye temple pohnch saka toh achhi baat ha. Warna fir dekh lenge, jo bhi raah me aaya.
Andhera hua toh Daksh mountain se utarne laga.
Apne hisab se Daksh bach bacha ke abadi se nikal liya. But dekhne walun ne usay dekh liya aur margaret ko khabar kar di. Is maamle me margaret ne sach me hi achhi fielding set kari thi. Daksh kisi ko notice nahi kar paya. Aage firse mini mountain area tha. Daksh unhi pahadon par chadne laga. Pahadon par rehte hue Daksh temple se kuch fasle par pohnch gaya. Daksh ki nazron ke saamne hi shaolin temple tha.
Temple dekh kar Daksh ne ek chain bhari saans li. Daksh apni manzil par pohnch chuka tha. Last pahaad ki choti par baith kar daskh temple ko dekhne laga.
Shimuna : to hum ponch gaye Daksh apni manzil tak. Shimuna chehakte hue boli.
Daksh : hmmm pohnch toh gaye han Shimuna! Par temple ke andar pohnch pana asaan nahi hoga.
Shimuna : ye toh ha woh saali badi dangerous ladki ha. Zarur usne tumhe pakadne ke liye koi jaal bichha rakha hoga.
Daskh : jaal toh woh bichha hi chuki ha. Ye khamoshi zarur kisi toofan ke aane se pehle ki khamoshi ha.
Daskh wahi baitha rat ke guzarne ka wait karne laga.
:::::::::::
Wahin margaret bhi DK ke nazar aane ke baad firse ghayab ho jane par muskurane lagi thi. Usay is khel me bohut maza aane laga tha. Woh samjh gai thi DK uske plan ko jaan gaya chuka hoga. DK bhi ab plan se hi aage badhega.
Apne admiyon ko woh order de chuki thi. Jaise hi DK unki range me aaye. Door rehte hue paralize kar dene wali bullets fire kardi jaayen. Margaret kisi ko kuch bhi pata nahi lagne dena chahti thi. Woh DK ke kabze me aane tak so nahi sakti thi. Aur usay 100% yakeen bhi tha is baar DK uske kabze me aane se bach nahi sakega.
Margaret khud bhi temple ke kareeb DK wali side me bani ek building me thi. Ek chhat par bane hue room ki khidki se night vision binoculars ankhon se lagaye pahadon par dekh rahi thi. Usay kahin bhi DK dikhai nahi dia tha. Par woh nirash nahi thi.
:::::::::::::::::::
MASTER CHI-FANG bhi temple ke basement me tha. MASTER ke kuch khas chele bhi wahin basement me maujud the. MASTER sab ko DK baare me bata chuka tha. Wo sab MASTER ke agle order ke intezar me the.
MASTER ankhen band kiye alti palti maare baithe hue the. Jaise woh bhi DK ko dekh rahe the. Andaz kuch aisa hi tha MASTER ka.
:::::::::::::::::::
Raat ke lag-bhag 3 baje ke karib Daksh pahaad se niche utra. Kuch fasle par shaolin temple ki building thi. Charon dishaon me andhere ka raj tha. Kahin kahin koi light roshan thi.
Daksh pahad se utra aur charon dishaon me dekhne laga. Usay charon orr ek bhayanak sannata mehsus ho raha tha. Daksh ko lag raha tha aage uske liye halat kathin hone wale han.
Par Daksh ko aage toh badhna hi tha. Daksh ne ek lambi saans li aur tez kadmon se chalta hua aage badhne laga. Daksh marine life jeene wala insan tha. Uski senses aam logon se zayada active thee. Daksh puri tarah se active hoke aage badhne laga.
Margaret aur uske sathi agents DK ko dekh chuke the. Jaise hi DK range me aaya. Margaret ne bullets fire karne ko bol dia. Ek sath 3 dishaon se silencer lagi guns se bullets nikli aur DK ki orr badhee. Par koi bhi bullet DK ko nahi lag saki.
DK foran hi niche bhi gir kar khud ko bacha gaya tha. Shimuna cheekh padi thi. DK utha aur daud pada temple ki orr.
Margaret toh DK ko dekhti reh gayi. Woh sochne lagi, kitna active insan ha ye toh. Bullets ko hi pehle se judge kar gaya. Cinoculars side rakh ke usne ek gun uthaai aur DK ko nishane banane lagi. Uske kisi bhi agent ki koi bhi bullets DK ko chhu bhi nahi saki thi.
Par margaret ki gunse nikli goli seedhi DK ke kandhe me utar gai. DK gir pada. Margaret ne gun phenk kar apne agents ko DK tak pohnchne ke orders dene lagi. Foran hi woh khud bhi us house se bahar nikal padi. Margaret daudti hui DK ki orr jaane lage.
Daksh ko bullet lagi toh....
Daksh : Shimuna is bullet ke lagne se mera sharir kaam chhodne laga ha.
Shimuna bhi dakhs ko bullet lagne se tension me aa gai thi.
Shimuna : Daksh tum jaldi se utho aur bhago. Tumhare andar aam logon se 10 guna badhkar shakti ha. Bullet ka asar hone me time lagega.
Daksh : Dekhta hon.. Daksh bullet ke result ko samjhte hue waise hi pada raha. Maragret aur agents samjhe the DK ab paralize ho chuka ha. Wo hil bhi nahi sakega. Par yahi unki bhul thi.
Jaise hi sab DK ke paas pohnche, DK ekdumm se uth khada hua. Ek agent ke hath se gun chhen kar bakiyon par fire karne laga.. Margaret jo kuch fasle par thi. Woh niche gir kar khud ko bacha gai.
Margaret : Impossible! Bullets se toh DK ko ek pal me hi paralize ho jana chahiye tha.
Dk ke hath me jo gun thi. Uske andar jitni bhi bullets thee. DK ne wo saari bullets agents par fire kar di. Sath hi DK firse ek aur gun utha kar bahag khada hua. Aas paas ke 10-12 agents paralize ho chuke the. Door ke agents pehle toh shocked rahe. Fir woh DK ke piche bhagne lage. Sath hi wo fire bhi kar rahe the.
Margaret bhi DK ke piche bhagne lagi. Usay apni is nakami par bohut ghussa aane laga tha. DK uske hath se firse nikal raha tha. Aur margaret is baar DK ko apne hath se jaane nahi dena chahti thi.
Dk ka sharir bhi kaam chhodne laga tha. Badi himmat se woh khud se ladta hua bhaag raha tha. Jald hi DK temple ke deewar tak ja pohncha. Ek bullet DK ko aur bhi lag chuki thi. Dusri bullets ke lagte hi DK ke sharir ki akdan bhi sath me hi badhne lagi thi. Do do bullets bhi apna asar dikha rahi thi. Deewar par chadna bhi DK ke liye mushkil hone laga tha.
Shimuna ne yahan Daksh se poochhe bina hi apni power ka use karte hue DK ko deewar ke paar pohncha dia.
Margaret aur dusre sab DK ko dekhte reh gaye.
Margaret wahin ruk kar deewar ko takne lagi. Uske agents bhi shocking face ke sath uske aas paas khade ho gaye the. Unki life ka ye pehle aisa scene tha, jo woh dekh rahe the. Warna is se pehle kabhi aisa kuch dekhne ko nahi mila tha. DK unki nazron me insan nahi raha tha. DK sach me hi ek ajeeb insan ki surat unke saamne aaya tha.
Margaret : Apne paralized agents ko uthaao aur thikane par lekar chalo. Sab ko anti-paralized injection laga kar theek karo. Kuch temple ke charon orr reh kar nigrani karo. Koi bhi baat ho mujhe foran khabar di jaaye.
Margaret sabko order dekar seedhe raste se temple ke andar jaane lagi. Shaolin temple ke andar woh kisi kisam ki koi karwaai nahi kar sakti thi. Temple ke bahar uski hukumat thi toh andar woh sirf ek student thi. Jo trainning ke liye aai hui thi.
::::::::::::
MASTER CHI-FANG ne ankhen khol kar apne chelon ko dekha. Unke chehre par muskurahat thi. Jahan deewar ke andar DK aan gira tha. MASTER ne apne chelon ko us jaga ka bata kar DK ko lane ko bol dia.
MASTER ko bow karne ke bad sab bahar chale gaye.
Kuch der me DK MASTER ke saamne tha. DK paralized condition me tha. MASTER ko dekh kar DK bol toh nahi saka par uski ankhon me chamak aa gai thi.
MASTER : jaao iski halat me sudhaar laane ka intezam karo. Kisi ko pata na chale DK yahan maujud ha.. Qing-li ko bhi mere paas bheg dena.
1 ghante baad DK wapis se normal halat me maujud tha. usay lahi hui bullets bhi nikal di gai thee.
Basement me MASTER, DK aur qing-li maujud the. Baki sab bahar the. Qing-li basement me itne fasle par maujud tha. Jahan tak MASTER ki awaz nahi pohnch sakti thi.
MASTER : kaise ho tum mere bachhe. Akhir samay tumhe mere paas le hi aaya. Ek bade bazurg ke honto par apne bachhon ko dekh kar jo muskan hua karti ha. Wahi muskan MASTER CHI-FANG ke honto par bhi thi.
Daksh : (smile) aapko dekh kar badi khushi hui MASTER.
MASTER : mujhe bhi mere bachhe!! Kitni bar tum china aaye par mujhse nahi mile.
Daksh toh MASTER ko dekhta hi reh gaya. Fir samjh gaya MASTER uske baare me bohut kuch jaante han. Jaise ab jaan gaye the.
Daksh sharminda ho gaya.
MASTER : sharminda nahi hote beta. Samay hamesha apni chalen khud se chalta ha. Samay ne firse chaal chali aur tumhe mere paas le aaya. Mujhe woh sab batao mere bachhe jo main nahi jaanta. Khalai makhloq ke judi hui sari baten mujhe bataao.
Daksh ne fir MASTER ko sab bata dia, Shimuna ke baad jo jo hua tha.
MASTER : Shimuna beti tumne earth par aa kar bohut galat kiya ha. Kitni abadi ha tumhare planet ki.
Shimuna jo MASTER ki shandar personality dekh kar bohut zayada mutasar ho gai thi. Woh Daksh ke moh se bolne lagi. Uski lehje me MASTER ke liye respect bohut zayada thi. Awaz Daksh ki thi alfaz Shimuna ke the.
Shimuna : ji MASTER ji 3 crore!
MASTER : hamari dunya ki abadi arbo me ha meri bachhi. Tum teen crore ko bachane ke liye arbo logon ki zindagi ko daao par laga gai ho meri bachhi. Tumhare hamari zameen par aa jane se kitni zindagiyan jaane wali han. Is baare me bhi socha ha kuch tumne. Mere desh me parvesh karke tumne mere desh ke logon ki jaan bhi khatre me daal di ha. Fir bhi hum tumhara savagat karte han apni dunya me meri bachhi.
China me aate hue plan ke sath nahi aye dono. Kisi ki nazron me aaye bina bhi tum dono mere paas pohnch sakte the. Isse mere desh ke logon par bana khatra bhi kam ho jata.
Dk ke china me parvesh karne ke baad tum apni entry kisi aur desh me show karwa kar wapis bhi laut sakti thi. Isse sab ka dhayan DK parse bhi khatam ho jaata. Sab jaan jaate tum DK ko chhod kar kahin aur chali gai ho. Isse DK bhi mehfuz ho jata.
Par ab se DK kai ki nazron me hamesha rahega. Tum ise chhod kar bhi chali jaao. Tab bhi sab iske piche pade rahenge. Isse tumhare baare me jaanne ke liye kuch bhi kar jaayenge.
Shimuna : ji MASTERji! Mujhse galti hui mujhe maaf kar den. Mujhe sab baton par dhayan dena chahiye tha. Shimuna ki awaz se sharamsari aa gai thi.
MASTER : abb bhi tum bohut kuch kar sakti ho meri bachhi. Tum abhi bhi DK ke sharir se nikal kar kisi aur desh me khud apni maujudgi dikha kar laut sakti ho. Isse tumhare planet se aaye hue dusre nimoons bhi mere desh me ghus kar tabahi nahi macha sakenge. Koi ek agar hamari dunya walun ke hath bhi laga toh bhi hamari dunya par khatra ban jaayega. Tum log kuch aisi cheezen bhi sath lekar aaye ho. Jiske karan dunya lalach me aate hue khun bahane par utar aayegi.
Shimuna : MASTERji main Daksh ke andar se nikli toh wo jaan jaayenge. Fir mere liye bach kar nikalna mushkil ho jayega.
MASTER : Yahan tum galat ho meri bachhi. Tum jaise pehle apne planet walun se bachi rahi ho. Ab bhi bachi rahogi. Tumhari andar ki power dsuron nimoons se badhkar ha. Tum isliye bhi zayada dar rahi ho, agar tum unki pakad me aati toh wo tumhe wapis le jaayenge. Fir tumhare parivar aur planet walun ke liye khatra badh jaayega.
Ab rahi dusri bat toh tumhare DK ke andar se nikalne ko koi nahi jaan paayega. Uska intezam me kar sakta hon.
Daksh aur Shimuna dono MASTER ki baat sunkar heran bhi hue aur excited bhi.
MASTER DK ko lekar ek kamre me dakhil hua. Andar purane zamane ke kuch jar pade hue the. Unke andar alag alag rangon ka liquid bhara hua tha. Ek jar ke andar se kuch liquid nikal kar ek payale me bhara. Fir ek syringe se ek jar ke andar se liquid bhara aur payale me daal dia.
MASTER : DK beta apni saans band kar lo. Jab tak me na kahun saans mat lena.
Dk ne saans li. Marine life jeete hue Daksh ki breathing stamina bohut badha hua tha.. Do mint hi guzre the. Room ke andar ki fiza me ek ajeeb si bu rachne lagi. Saans roke hue bhi Daksh ko us bu ka ehsas hone laga tha. MASTER normal raha tha. Unse saans nahi roki thi. Do mint baad MASTER ne Shimuna ko Daksh ke andar se nikalne ko kaha. Shimuna kashmakash me padi toh MASTER ke firse kehne par woh Daksh ke andar se nikal padi.
Daksh ne dekha toh Shimuna ko dekhta hi reh gaya. Shimuna visible thi. Aur apne planet ke kapdo me wo badi qayamat dhaa rahi thi. Daksh ne saans roki hui thi. Wo bol nahi sakta tha. Bas Shimuna ko dekhta reh gaya. Aisi haseen ladki Daksh ne ab tak nahi dekhi thi.
Usi room se juda hua tha ek aur room, jiska door band tha. MASTER ne DK ko usi room me jaane ko bol dia. DK bina kuch bole door khol kar dusre kamre me ghus gaya. Door band kiya toh Daksh ko koi smell nahi aai. Daksh ne saans li. Toh bu khatam ho chuki thi. Daksh ne ek lambi saans li.
MASTER : jab tak tum is kamre me ho koi tumhari bu nahi pa sakta meri bachhi.
Shimuna MASTER ke pairon me gir padi thi. Shimuna MASTER se aur bhi bohut zayada mutasar ho gai thi.
Shimuna : MASTER!!!
MASTER ne Shimuna ke sar par hath fer dia.
MASTER : uth jaao meri bachhi. Lord buddha sada tumhari raksha kare.
Shimuna khadi hui aur MASTER ko dekhne lagi.
MASTER : tumne DK beta ko island par jo bhi khane ko dia ha. Jahan woh sab DK ke liye faydemand ha wahin DK ke liye bohut zayada ghatak bhi tha. Kisi bade ki maujudgi ke bina koi bhi dawa zeher ban jaya karti hai. DK beta ke liye wo sab sahi hote hue bhi bohut ghatak sabat hua ha meri bachhi. DK sahi samay par mere paas pohnch gaya. Agar usay der ho jati toh bohut badi samasya khadi ho sakti thi. Ab tum jaao aur bahar jaate hi kisi me sama kar yahan se nikal jaao. Kuch aise tarike se, jo log DK ke piche pade han. Tum unki nazron me aa jaao. Fir khamoshi se samudra me nikal par kisi aur desh me ja kar apni maujudhi sabat karo. Jab sab ka dhayan yahan se wahan ho jaaye toh laut aana. Is bar nazron me aaye bina hi aana.
MASTER se permission lekar Shimuna kamre se bahar nikli aur pal bhar se temple se bahar jaa kar kisi me sama gai. Uske baad Shimuna ne bilkul vaise hi kiya jaisa MASTER ne kaha tha.
Margaret jo temple ke ek kamre me thi. Usay khabar mili toh woh heran reh gai. Jo andaze usne lagaye the woh galat kaise ho sakte the. Apne admiyon ko kuch orders dekar woh kamre me tehalne lagi. Woh firse jod tod karne lagi. Par is baar uski samjh me kuch nahi aaya.
::::::::::::::
Nimoons bhi indian sahil par rehte hue DK and Shimuna se judi har khabar par dhayan rakhe hue the. Woh bhi jaan gaye Shimuna china me hai.
Nimoons china ke liye nikal pade. Samudri raste me safar karte hue ek incident pesh aaya. Jisme ek nimoons jaan se gaya.
Hua kuch aisa....
Paanch nimoons me se char aage the, ek bohut piche reh gaya tha. Kerala ke samudra ki gehrai se guzarte hue end wale nimoons ko apne right side me ek octopus dikha, woh usay dekhne laga. Yahan usse galti hui aur saamne se ek shark se takra gaya. Nimoons bohut speed me tha. Power bhi bohut thi usme. Shark ke sharir me chhed karta hua nimoon paar nikal gaya.
Parr...
Par uske shoes shark ke andar se guzarte hue utar gaye. Shoes shark ke pet me hi reh gaye. Bina shoes wo fast swimming nahi kar sakta tha. Paani me hulchal se aage wale nimoons bhi piche mud kar dekhne lage. Wo apne ek sathi ko museebat me dekh kar wapis palte.
Parr der ho chuki thi.....
Samudra me nimoons ke pairon se nikalne wale khun ke kaaran aur shark ke khun ke karan aas paas ke sabhi samudri jeev shark aur nimoon par toot pade. Jitne samudri jeev the, der nahi lagi aur nimoon ke sath sath shark ka sharir bhi tukdon me bat kar samudri jeevo ke pet me utar chuke the.
Charon nimoons apne sathi ki maut dekh kar dukhi ho gaye. Wo apne sathi ke liye kuch nahi kar paaye. Der bhi nahi lagi aur woh apne ek sathi se mehrum ho gaye.
Sab fir china ki orr badhne lage.....
China ke ek sahil par pohnch kar DK baare detail hasil ki. Koi bhi step lene se pehle wo puri info nikal lena chahte the. Wo nimoons the aur kisi bhi desh me ghus kar Shimuna ko pakad nahi sakte the. Samudra me woh safe the. Par samudra se bahar woh safe nahi reh sakte the. Shimuna ko pakadne ke liye badi saavdhani ki zarurat thi. Nimoons apne planet par nahi earth par the.
Mare hue nimoons ke shoes baare charon nimoons bhul chuke the. Apne sathi nimoon ki maut par dukhi hokar woh uske juton ko yaad nahi rakh paaye the. Unhi shoes ko samudri lehren kerala ke ek island ki or le jaane lage. Suba tak woh island ke sahil tak pohnch chuke the.
Island ke sahil par ek awara kisam ka ladka baitha hua tha. Wo samudra me shoes ko dekh kar heran reh gaya. Bhagam bhag woh paani me utra aur shoes lekar wapis sahil par aa gaya.
Awara ladka bhuka nanga bhi tha. Apne phate purane shoes utaar kar usne nimoons ke shoes pehn liya.. Shoes pehn kar woh bada khush hua aur shoes ko hath laga laga kar dekhne laga. Usay pata hi nahi chala, kab woh shoes active hue aur awara ladka kuch hi der me asmaan ki bulandiyon par tha..
Uski cheekhen nikal gai. Island par rehne walun ne ye dekha toh video banane lage. Fir wahi hua jo aise maamlo me hota aaya ha. Video viral hone lagi. India fir pure world me woh video dekhi jaane lagi.
Awara ladka behosh nahi hua. Bas uski halat bad se badtar hone lagi. Kisi ek rukh par wo nahi ud paa raha tha. Bohut der ke baad woh udta hua kerala ke junglon me ja pohncha. Uske piche indian army ke bohut se helicopter bhi lag chuke the. Baki sabhi organizations bhi uske liye pagal hone lagi. Shoes se nikalne wali roshni video me bohut clearly dekhi ja sakti thi.
Koi ye nahi jaan paya aur na hi soch paya, ye nimoon's shoes bhi ho sakte han. Par ye shoes jiske bhi the. Jaise bhi the, bohto ke liye bade kaam ke the.
Kerala ke junglon me pohnchte hi awara ladka marne ki halat me pohnch gaya. Uska rukh niche junglon me hua, fir badi speed ke sath woh niche aane laga.
Jungle ke jis area me woh awara ladka gir raha tha. Theek usi jaga ke niche jungle me ek jadugar us area ko apne mantron se zariye invisible kiye chaap me laga hua tha. Dekhne se woh area gehri dhund me lipta hua nazar aata tha.
Jadugar lakdee ke bane ek kamre me baitha hua chaap kar raha tha. pure kamre me charon dishaon me sindoor se rekhayen khenchi hui thee. koi bhi bahar se andar nahi aa sakta tha. par jadugar se chhat se iska intezam nahi kiya tha.
Aaj ki raat uski chaap ki akhri raat thi. Chaap ke pura hote hi woh ladki ki bali dene wala tha. Fir usay prapt hoti aseem kali shaktiyan.
Ladki megical wire se bandhi hui thi. Khauf ke karan uska chehra sufed par chuka tha. Pichhle kuch dino se woh isi halat me thi. Usay bhuk piyas tak mehsus nahi ho rahi thi. Ye sab us jadugar ke mantron ke karan tha.
Ladki apni maut ko lamha ba lamha khud ki orr badhte hue dekh rahi thi. Aaj ki raat uski zindagi ki akhri raat hone wali thi.
Parr...
Ladki ki kismat achhi thi. Jo woh awara ladka theek jadugar ke saamne padi hui dao-sword ke upar aan gira.
Ladke ki dono taangen dao-sword se takrayen, takrate hi uski dono taangen uske sharir se alag ho gayee. Sath hi jadugar ka chaap bhi adhura reh gaya. Chaap ke adhure rehte hi ladki ke gird lipti magical wires ghayab ho gai. Ladki uth khadi hui.
Jadugar ladki ki bali dekar kali shaktiyan prapt karne wala tha. Chaap ke adhura reh jaane par woh tadapne laga. Ladki ki jaan bachi toh usme himmat aa gai. Woh wahan se bhagne lagi. Upar se girne wale awara ladke ki lash dekh kar bhi ladki bohut zayada darr gai thi. Par ab usme himmat aa gai thi. Woh wahan se nikal kar bhaagne lagi.
Phirr....
Phirr jaane kya us ladki ke dil me samaai, woh lauti aur awara ladke ke kate pairon se shoes utaar kar wahan se nikal bhaagi. Bhaagti hui woh jungle me gumm hoti chali gai.
Helicopters jo awara ladke ke piche the. Woh dhund dekh kar heran hue. Unhe kuch smajh nahi aayi. Kuch fasle par ek khali jaga ek ek karke saare helicopters land hone lage.
Dhund ko dekh kar sab heran the. Sab dhund par charcha karne lage.
::::::::::::::::::
Shimuna ke rukhsat hone ke baad MASTER Daksh ko lekar firse basement me pehle wali jaga par ja pohnche. Wahi qing-li se Daksh ke sath kya karna ha wo batane lage.
Do ghante baad Daksh ke sarr aur chehre ke saare baal saaf kiye ja chuke the.
Pehle Daksh Aisa Dikh raha tha.
Ek aisa oil.....
Ek aisa oil jiski khasiyat bohut hat kar thi. Uski madad se Daksh ke face me badlaao laaya gaya. Qing-li apni ungli par baar baar do alag kisam ke oil laga kar Daksh ke
Pure chehre par maalish karne laga. Jiske kaaran Daksh ke chehre ki jild kahin se sukadne lagi toh kahin se phoolne lagi.
Result.....
Result ye nikla keh Daksh ke chehre me aaye badlaao ke karan Daksh sara hi badal kar reh gaya. Ankhon me lens daal kar Daksh ki baaki manda pehnchan ko bhi chhupa liya gaya. Koi karib se dekh kar bhi Daksh ko pehchan nahi sakta tha. daksh ka chehra hi nahi badla tha. dehkne wale daksh ko ek indian nahi ek chinese hi samjhte.
Daksh Kuch aisa dikhne laga tha....
MASTER : DK beta jab tak tum yahan ho. Tum TIGER ke naam se jaane jaaoge. Kabhi bhi khud ko DK ya daskh ke naam se saamne mat aane dena. Warna firse wahi hungame shuru ho jaayenge. (Daksh naam MASTER ne Shimuna me mohn se suna tha. Warna pehle MASTER bhi Daksh ka asal naam nahi janta tha.) abb se tum do dino ke liye behosh rehne wale ho. Jo samudri jadi-butiyan tum khaa chuke hon. Uske karan hone wale nuksan ko khatam bhi karna ha.
Daksh toh khud ko aaine me dekh kar hi bada heran tha. MASTER ki baat par bass sar hila kar hi reh gaya.
MASTER ke kehne par fir qing-li ne Daksh ko behosh kar dia. Uske baad wo Daksh ke liye masruf ho gaye.
.
.
.
.
Aaj Ke Liye Itna Hi Mitro! Baki Agle Episode Me.......
::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
Bhai aapke is update ko padh kr mere dimag me sirf tarif hi hain description nhi.
Awesome wonderful excilent superb mind blowing jabarjast lajvab amazing...
Fir chahe Vo Chaina ke guru ji hi ha vo awara ladka ho jadugar ho ya fir vo asahay ladki, us nimuns ke Marne se kitna bhala ho gya pr sath hi us ladki ke pass jute hone se Uski jaan khatre me pad sakti hai, kya vo jadugar mar gya ya fir abhi jinda hai, kya vo awara ladka mar gya, kya army us dhundh ke andar ja payegi Ya nhi Vaise jb andar se vo ladki bahar aa gyi vo avara ladka andar chla gya to army kyo nhi ja sakti... Guru ji ne shimuna ko daksh se alag kr daksh ko to bcha liya or sath hi ek nya idea bhi diya yha vapas aane ka guru ji ne daksh ka pura huliya badal kr rakh diya or jadibutiyo ke dusprabhav ko khatm krne ke liye use 2 dino tk behosh kr diya...
Pahle socha sirf tarif hi kafi hai pr baad me yaad aaya ki mai to update ki summary dene ke liye jana jata hu,
to fir ye rha
naa kuch is sy ziada or naa is sy kuch kaam keeo rockxxx dear
