Malini garage par pahunchi jahan par kuch purani gadiyan padi thi jo puri tarah se kharab thi, bhangar jaisi halat mein padi thi. Vo thoda aage gayi to wahan par use kuch admi dikhe jo kaam karte hue nazar aa rahe the.
" kya madad kar sakta hu mei apki? " ek bujurg admi malini ke pas aya jab vo puri dukan ko dekh rahi thi.
" aap yahan ke malik hai "
" ji kuch aisa hi samjhiye, bataiye kya kaam tha apko "
" chacha hume apse kuch jankari chahie thi "
" hanji kahiye "
" hamari gaddi hai vo samne " malini ne ishara kiya " kafi purani ho gayi hai, hum soch rahe hain ki aaj kal ane wali imported gaddi le lein, bas usi ke bare mein apse ray chahte the "
" hanji bataiye usme mei apki kaise madad kar sakta hun "
" bas yahi ki apko kya lagta hai vo imported gadiyan chalegi gaon mein "
" ab kya bataye apko, seher ki nayi chizon par jada bharosa hota nahi, purani chiz hamesha nayi se jada hi chalti hai, che-che sath-sath saal purani gadiyun ko theek karke humne bechi hai jo aaj tak chal rahi hai "
" hmm baat to apki theek hai chacha, apki baat sun kar lag raha hai hume apni soch ko yahin viram lagana padega, warna bada man tha " malini bhuje man ke sath boli.
" vaise hamara ek dost hai seher mein uske bharose hum apko nayi gaddi dilwa sakte hain aur agar apko purani bechni ho to vo bhi bikwa denge " malini janti thi ki vo apne pet par laat nahi marega.
" bahut acha "
" aiye,aiye andar aiye, baith kar baat karte hain " vo malini ko andar le jane laga.
" chacha ye purani gadiyan bhi rakhte hain aap "
" nahi ji, ye to bas padi hai kabad ki tarah ab itni badi jagah hai isliye jarurat hi nahi padti hatwane ki " usne malini ki baat ka jawab diya aur use ek chote kamre mein le aya. Jahan ek chota sa pankha deewar par laga tha aur idhar-udhar ghumta hua hawa fenk raha tha. Kamra bada teetar bitar tha, vo table ke us taraf baith gaya aur malini uske samne ek sofe par baith gayi jispar kafi waqt se dhul hatai nahi gayi thi. Chai ka khali cup aur ek phone table ke usi kone par pada tha.
" to aap humko ye bataiye ki aap kitne tak ki kharidna chahti hai "
" paise ki dikkat nahi, bas pasand ani chahie " malini jawab dete hue idhar-udhar dekhne lagi, kamre ke piche badi si jagah thi khuli hui jahan par kuch gadiyan khadi thi, gaon ki nahi lag rahi thi kyun ki gaon mein itni gadiyan thi nahi aur ye jagah seher se pas hai shayad whain se gadiyan aya karti hogi. Malini soch rahi thi aur puri jagah mein kuch khoj rahi thi, khuli jagah, kuch gadiyan, ek band shutter aur wahan kaam kar rahe kuch ladke.
" apki gaddi kitni purani hai "
" yahi koi takreeban 6 saal purani "
" acha acha, jada purnai nahi hai iska acha dam mil jayega apko "
" pata karke bataiye "
" ji abhi kar deta hu " chacha ne chasme ko theek kiya aur wahan rakhe phone par se ek number milaya. " hello " malini uski baat sunne lagi " han bhaiya kaisan ho, bas hum bhi theek hai aur kam dhanda kaisa chal raha hai " malini ke pas itna samay nahi tha par vo shant baithi rahi. " han ye gaadi hai kitne mein bikegi, theek hai mei tujhe fir se phone karta hun " chacha ne baat karke phone rakha. " apki gaddi ki kimat 85 hazar bata raha hai "
" bas itne ? "
" ab purani chiz hai, purani chiz ke daam kahan milte hai " chacha ke phone par baat karne ke baad swar hi badal gaye the. Malini uski chalaki ko ache se samajh rahi thi lekin uska irada gadi kharid bech ka to tha hi nahi.
" abhi to apne kaha tha ki purani chizen salon saal chalti hai " malini ke turant jawab par chacha thode ruk gaye.
" vo lene wale ke uppar hai purani chizon ke daam kaun deta hai vaise to bahut se log kharidte hain par daam koi nahi deta jada " malini agla sawal karti use pehle kamre mein ek admi andar ghusa. Us admi ne chacha ko 500 rs pakda diye.
" 200 kam hai "
" grahak ne nahi diye, kehne laga ki apne 500 mei hi tay kiye the "
" salle madarchod " chacha badbdaya " theek hai tu jaa abhi " vo jane laga " acha sun " chacha chillaya " raat ko chakar laga jaio kuch kaam hoga to le jaio "
" raat ka kaam na diya karo chacha, sadkon par bizli hai nahi aur tumhari gadiyan sadkon se jada achi hoti hai " uske kehte hi chacha ne dant pise, usne ek tarf malini ko dekha fir uski taraf, vo bhi chacha ki nighaein padh gaya aur bina kuch bole chala gaya.
" aaj kal ke naujawan kuch ata hi nahi inhe, hamare jamane mein hum cycle par raton raat ek jagah se dusri jagah pahunch jaya karte the tab to bizli gharon mein nahi hoti thi to sadkon par kahan hogi aur inhe dekho sab kuch milne ke baad bhi inka ye haal hai " malini kuch nahi boli " han to mei apko bata raha tha ki apki gaddi 85 hazar tak ki bikegi "
" acha to hume kuch aur bhi karna padega "
" nahi nahi hum hai na, apko bas ek din hamare sath chal kar yahin seher mein kuch kagzat par dastak karne hai kanuni taur par uske baad apko hathon hath paise mil jayenge "
" bahut acha " malini apni jagah se khadi hui, vo vaise bhi yahan kuch pata karne nahi ayi thi, use bas jagah dekhni thi. " hum apko khabar karte hain, aap hume apna number de sakte hain " malini ke kehne par chacha ne apna naam aur number likh ek kagaz par malini ki taraf badha diya.
" yadav, 429676.. " akhri number padte hue malini ruki aur use dauhrane lagi. " apne apna naam kya bataya tha "
" ramlal yadav "
Malini apni gaddi mein aa baithi aur usne us parchi ko dekha jo vo haweli se layi thi. Usme likha number aur jo abhi usne garage ke chacha yani ramlal yadav se liya tha vo dono hi number ek jaisa tha. Yani subah milaye number par ramlal yadav tha aur mei na jane kya kya soch rahi thi, par tehkhane mein is jagah ka number? malini chizon ko jod pane mein asmarth ho rahi thi. Bahut se aise sawal the jo khule pade the aur unko vo jod nahi paa rahi thi. Ek pal use laga jaise vo galat jagah par khoj rahi hai lekin uske pas koi dusra chara nahi tha aur koi apna bhi nahi jispar vo bhrosa kar sake. Subah se use kuch baton ka pata chala tha jiski shuruwat us tehkhane se hui thi, ho na ho wahin haweli ke raaz dafan hai. Gaddi chalate hue malini wahan se nikal gayi.
Tehkhane se mile number ka judav is jagah se ho sakta tha ye malini ne kabhi socha nahi tha, uske liye haweli se bahar kabhi kuch tha hi nahi. Vo abhi mandir tak hi simit reh gayi thi, 3 saal pehle jab usne mandir mein khojne ki baat sochi thi tab se rajendra ko usne kaam mein laga diya tha lekin pehle do saal to kuch bhi nahi hua, malini jaisa chahti thi vo shuru tak nahi hua tha aur use yahi laga tha ki vo kabhi kuch hasil nahi kar payegi. Par fir bhi usne haar nahi mani aur uski mehnat rang le ayi thi. Malini is waqt gaddi lekar mandir ke samne khadi thi, din ka waqt tha lekin abhi bhi aisa lag raha tha jaise is jagah par ishwar ne hi shrap de diya ho, mandir ke aas pas kuch nahi tha. Insan to dur ki baat hai, janwar tak maujud nahi the, jhadiyun se ghira mandir, kharab ho chuki uski deewaron ke bich bas sanata pasra hua tha. Malini ko samjhne mein der nahi lagi ki kyun raat ke waqt yahan koi nahi ata.
3 saal pehle jo kaam usne mandir mein karwane ki sochi thi uska sirf ek hi karran tha, vo surang jise usne bikram ke muh se suna tha aur fir usi din jab uske kamre par dastak hui tab.
" kya hua aap kuch pareshan lag rahe hain " bikram ko vichlit dekh malini ne pucha aur phir kamre ka kiwad laga diya. Bikram bina kuch kahe bistar par ja baitha.
" nahi kuch khas nahi apko pareshan hone ki jarurat nahi hai "
" hum apki patni hai hume batayenge to man halka hoga " malini uske bagal mein baithti hui boli.
" jante hain hum par patni ho isliye patni raho apne aap ko thakur mat samjho. Ek taraf babuji jo pata nahi us mandir mein bina bataye hume kya karwa rahe hain aur uppar se aap, apne kaam par dhayan dijeye hamare mein nahi "
" hume maaf kar do malini, hume is tarah se apko nahi kehna chahie tha " bikram ne piche se akar malini ko pakda aur apne hathon se uska chehra apni aaur moda. Malini ki ankh mein ansu aa chuke the. " aap janti hai hum apse kitna pyar karte hai, chaliye rona band kijeye, hum apke liye ek tofa laye the dena bhool gaye "
" tofa? "
" han ye dekhiye " bikram ne ek kanga nikal kar malini ko thamaya jo lakdi se bana tha aur bahut hi sundar chitr uspar piroya gaya tha.
" hamare liye itna khubsurat tofa " malini ek hi pal mein apne dukh ko bhool gayi.
" han bilkul apke liye hai, ab aap roz ise apni lambi julfein kaad sakti hai aur hum apko " bikram ne malini ke gardan par honth rakh diye.
" abhi ghar par sab hai kya kar rahe hain aap " malini ne khud ko chhudane ki kosish ki lekin bikram utejit hokar piche se malini ke badal ko ragadne laga,, uski pith aur uski kamar par hath ferti hui piche ubharon ko masalne laga. Usne malini ki sarre uppar uthai aur tabhi darwaje par zor-zor se dastak hui jiski wajah se malini ke hath se kangi niche gir gayi.
" kaun hai ? "
" thakurain mein hun " malini ne kiwad khola to samne sugandha khadi thi. " ji kahiye kaki "
" vo bade thakur ko apke hath ki chai pini hai, humne unhe kaha lekin "
" koi baat nahi hum bana kar de atte hain " malini ne bikram ki taraf dekha aur chidati hui kamre se nikal gayi. Usne chandraprakash ke liye chai banai aur uske kamre ki aaur badhi. Andar koi aur bhi tha jise chandraprakash baat kar raha tha. Malini ne gate khola aur usi waqt uske kano mein pada.
" hum mandir ki surang ko hamesha ke liye band karwa dena chahte hai " par malini ko dekh chandraprakash ruk gayi.
" bapuji chai " malini dekhna chahti thi ki kaun hai wo admi jo wahan baitha hai lekin malini ki nazar nahi gayi aur na hi himmat ki vo nazar ghuma kar us taraf dekh sake. Malini mudi usi disha se jahan vo shaks baitha tha lekin vo tab bhi dhang se uska chehra nahi dekh payi, kyun ki vo shaks kamre mein dusre kone par pith ki taraf khada tha yani vo baat chandraprakash se hi kar raha tha par uski nazar unke kamre se bahar thi yani vo khidkiyun se bahar dekh raha tha. Malini ne piche se hi uski jhalak dekhne ki kosish kari aur fir bahar chali gayi.
Surang uske liye koi badi baat nahi thi us waqt lekin apne pati ke achanak gayab hone ke baad jis din thakur chandraprakash ki mrityu hui uske baad to haweli aur uski zindagi veeran ho gayi. Usi dauran sugandha bhi kuch samay baad chal basi aur uske jane ke baad hi use mandir ki kahani pata chali. Ek bar ko to vo bhi dar ke sayein mein zine lagi thi. Haweli ki raat aur uska sanata uski zindagi ka ek abhishap ban gaya tha, kai ratein usne bina soye hi bitai. Vo maan baithi thi ki mandir ka shrap use kha jayega, vo pal-pal bikram ko yaad karti, use bharosa tha vo jahan bhi hai zinda hai, vo bas kahin kisi musibat mein hai aur vo kuch bhi nahi kar rahi hai. Bapuji ke rehte to kabhi usne kosish nahi ki kyun ki vo unke kaam mein dhakal nahi kar sakti thi lekin ab jab vo akeli thi tab vo is kaam ko khud karna chahti thi aur usne uski shuruwat mandir se karwai kyun ki wahi ek baat thi jiske liye usne bikram ko apne pitaji se naraz hote dekha tha. Use nahi pata tha ki wahan kuch milega ya nahi bas use ek shuruwat karni thi aur gaon ki bhi yahi kahani thi ki mandir ka abhishap hi haweli ko kha gaya isliye use usi abhishap ko janna tha ki kya wakai mein usi abhishap ne haweli ke vansh aur uske pati ko nigla hai ya fir koi aur wajah thi.
Malini ne mandir se gaddi haweli ki aaur modh di aur vo haweli jaa pahunchi. Gaddi se utar kar usne haweli ke darwaje par dastak di.
" thakurain, vo kaka aa gaye hai " manju ne malini ke andar atte hi suchna di.
" hmm " malini apne kamre ki taraf badhi fir kuch soch kar uppar chal di jahan usne bablu kaka ka saman lagwa diya tha.
nahi samajh skta hun, life mei bzy ho jata hai banda... koi na 
isiki wajah se shayad haweli ka haal behal hai... are isko pakad ke do teen thappad lagao... sabhi raaz ugal degi... aur haan yeh sabse badi tharki yehi hai 
Next update mein wahi se shuru kar dunga... 