- 2,029
- 5,936
- 144
Last edited:
Incest Raaz - Andhere Ka Raja
- Thread starter coollog
- Start date
- 471,104
🔥 Read Next Hot Story →
Discover more exclusive stories
Arman kashyap
Member
- 121
- 241
- 58
- 2,029
- 5,936
- 144
Waiting for next update
Will be soon guys. Next update pe Total 4 scenes hai 1 scean likh Chuka hoon.
- 6,775
- 4,078
- 174
Update 5 - the dragon!
Previous...
Aine mein apne aap ko dekhte hue, uske mann mein bite hue dino ki yaadein dobara ubharne lagi thi, lekin usse pehle ki woh un yaadon mein doob jata, wahi ladki ki awaaz fir se goonji.
"Bhaiya! Jaldi karo!"
? : "Haan, bas 5 minute!"
ladke ne jaldi se jawab diya aur ready hone laga. Usne ek sadharan si red-black check shirt pehni, aur ek light washed blue jeans. Apna purana, bag kandhe pe chadhaya aur kamre se bahar nikla. Bahar aate hi usne dekha ki woh ladki usse gusse bhari nazron se ghoor rahi thi. Uske paas ek aadmi baitha tha, jiske haathon mein ek newspaper tha. Aadmi ne jab ladke ko dekha toh unke chehre pe ek muskurahat aaye, fir unhone bola -
"Aryan beta! Naina gussa hai tumpe, tum late ho."
Continue...
Ek peela Auto sadak par chal rahi thi, dono taraf se thandi hawa ke jhonke aa rahe the. Peeche ki seat par Aryan aur Naina baithe huye the. Aryan khidki ke baahar dekh raha tha, uski aankhein thodi si khoyi hui thi, shayad subah ke uss sapne mein abhi bhi dooba hua tha. Naina, jo uske bagal mein baithi thi, use gusse bhari nazron se ghoor rahi thi, uske chehre par ek chhoti si tunkar thi. aur haatho pe haath baandhe huye the.
Auto driver ka ek daant tak se dab raha tha, jaise woh kisi cheez par gaur kar raha ho, aur kabhi-kabhi rearview mirror mein peeche ki taraf jhaank leta tha.
Aryan ko Naina ki teekhi gusse wali nazron ka ehsaas hua. Usne dheere se uski taraf dekha, aur jab dekha ki woh abhi bhi gusse mein hai, toh jaldi se seedha baith gaya, apni shirt ke collar ko theek karte huye.
Aryan : Kya huya?
Naina : Bhaiya, agar hum late huye to dekh lena, huhh!.
Aryan ki wajah se dono aaj college ke liye late ho gaye the. Aaj college mein festival tha, isliye naina gussa dikha rahi thi, usse festival wagera pasand tha.
Aryan : Kitni baar to sorry keh chuka hu.
Naina (sarcastically): Oh! hohoho! dekho to... Sorry kehne se kya hum time pe pouche jayenge?
Aryan (smile): Itni bhi late nahi huye hum!
Naina (glaring): Dekh lena agar hum late huye to... Haan! Mein wapas ghar aa jaungi.
Aryan (teasing): Phele to pahunche to sahi.
Naina : Humph!!
Naina ne muh fulaya, apne baalon ko ek jhatke se peeche kiya, aur doosri taraf muh kar liya, khidki ke baahar dekhne lagi. Jaise ki baya kar rahi thi apni narazgi jata rahi thi.
Aryan ne auto driver ko thodi jaldi chalane ka ishaara kiya, apni awaaz mein thodi si jaldi dikhate huye.
Aryan : Bhai, zara jaldi chala do.
Auto driver : Ye Auto hai, bhai!! Koye aeroplane nahi.
Naina ne yeh sunke apne daant ghis liye, muh aur zyada fulaya, aur khidki ke baahar dekhne lagi, jaise uska mood bilkul kharab ho. To wahi Aryan ka dhyaan phir se kahi kho gaya. Uske chehre par ek udaasi si chha gayi, jaise koi purani yaad uske dil ko kured rahi ho.
Aryan (mann mein) : Woh sab...! Ye sapna...! Kya kabhi mein shanti se jee paunga? Mera parivar, Ria di, Mishka di, maa, pita ji, dadi, choti maa woh sab... Sabhi ke sabhi... Main! Main kaise bhulu uss raat ko...!!! Maine aapko biswas kiya tha maa! Main.. main.....!
Aryan ki aankhon mein udaasi thi, uske chehre ke haav-bhaav se lag raha tha ki woh kisi purani ghatna ko yaad kar raha tha jo aaj bhi use satati thi. Naina, jo uske bagal mein baithi thi, usne jab uski taraf dekha, to uski aankhon mein wahi dard aur tanav dikha. Auto ke jhatke aur sadak ke shor ke bawajood, Aryan ekdum sthir tha, jaise uski yaadein auto ke hilne se bhi na hilein.
Naina (softly): Bhaiya!!
Naina ne dekha ki Aryan phir se kisi soch mein doob gaya tha. Usne dheere se uske kandhe par haath rakha aur thoda sa hilaya, jaise use uski yaadon se baahar nikaalna ho.
Aryan (startled): Haan!... Haan!
Naina (concerned): Kya soch rahe the?
Aryan : Nahi kuch nahi!
Naina : Wahi sapne ke bare mein na?
Aryan : Nahi... woh!
Naina (reassuring): Bhaiya! Mein apke saath hu. Aap uss sapne ke bare main mat socho, okay!
Aryan ne ek halki si muskurahat ke saath haami bhari, lekin uski aankhein abhi bhi thodi si udaas thi. Naina ne bhi muskurake uske paas thodi si khisak kar baith gayi, jaise use tasalli dena chahti ho.
Naina (innocently): Main aur baba aapke parivar hai na?
“Parivaar” shabd sunte hi Aryan ke dil mein ek dard sa utha, jaise koi purana zakhm phir se khul gaya ho. Phir bhi, usne apne chehre par ek muskurahat banaye rakhi, taaki Naina ko uska dard na dikhe.
Aryan (smiling): Haan!
Naina (curiously): To undin kiya huya tha? bhaiya!? 8 saal phele, jab baba aap ko hamare ghar Le aaye the? Aap ne uss bare mein kabhi bhi mujh se ya baba se Kuch bhi share nahi kiye, kiya huya tha aap ke saath bhaiya?
Aryan chup raha, kyunki uska dhyaan ab kahi aur chala gaya tha. Usne samne ki taraf dekha to notice kiya ki auto driver rearview mirror mein se peeche jhaank raha tha. Naina, jo Aryan se baat karte huye uske kandhe par haath rakhe thi, auto ke jhatkon se thodi si hil rahi thi. Usne ek dark blue round-neck, full-sleeve top pehna tha, par auto ke hilne ki wajah se uske stan bhi halke se hil rahe the. Driver ki nazar wahi pe thi, aur woh apni jeebh ko honton par gandi tarah se pher raha tha, jaise kuch galat soch raha ho. Uski ye gandi hartak Aryan ne dekh liya.
Aryan (angrily): Ayyy! samne dekhke driver karo.
Auto driver ekdum se dar gaya, uski gandi harkat pakdi gayi thi. Sharam se usne apni nazrein jhuka li, jaise use dar tha ki koi hungama ho sakta hai ya uska license jaapta ho sakta hai. Usne turant nazrein seedhi ki aur auto chalane laga.
Aryan (sternly): Naina, beg aage rakha karo.
Naina (confused): Kyun Kiya huye?... Arreh!!
Usne Naina ke peeth se uska bag utara aur zabardasti uske saamne rakh diya.
Naina : Arre.. kiya huya? Beg aage Kyu rakh Rahe ho?
Aryan : Tumhe kaha tha na Auto ya fir train se jab Safar karo beg aage rakh liya karo?
Naina (pouting) : Haan! Kahe the, par beg aage rakhne se Kiya hoga? Bhaiya!
Naina ko abhi bhi samajh nahi aa raha tha ki Aryan aisa kyun keh raha tha, lekin uski baat maante huye usne bag apne saamne rakh liya, aur phir doosri taraf muh karke baith gayi.
Aise hi Kuch hi der baad auto college ke saamne ruka. Bahar se festival ki awaazein aa rahi thi — music, logon ki baatein, aur jashn ka shor.
Naina auto se utri, apna bag kandhe par daala, aur campus ki taraf dekha. Aryan ne driver ko paise dete waqt use ek gusse bhari nazar se ghoora. Driver ne sar jhukake paise liye, sharam se Aryan ki aankhon mein aankhein nahi mila pa raha tha woh.
Paise ka hisaab nipta kar, Aryan aur Naina college ke entrance ki taraf badhe. Saamne ek bada sa board tha, phoolon aur rang-birangi ladiyon se saja hua, jismein college ka naam bade aksharon mein likha tha.
Campus ke andar ka nazara dil khush kar dene wala tha — New Freshers. Festival ka jashn apne poore rang mein tha. Thandi hawa ke saath suraj ki halki roshni campus ko aur sundar bana rahi thi. Rang-birange jhande, phoolon ki ladiyaan, aur fairy lights har taraf chamak rahe the. Maidan mein ek pandal tha, jismein rangoli aur diye saje huye the. Stage par kuch students dance aur music ki practice kar rahe the. Kuchh ladkiyaan sarees mein, ladke kurtas ya colorful shirts mein. Hawa mein jalebi, chai, aur chaat ki khushboo thi. Har chehra khushi se chamak raha tha.
Naina (excitedly): Wow! Bhaiya!!! campus to bohat khubsurat laga raha hai.
Naina campus ki khubsurti ko dekh rahi thi, aur Aryan ko bhi dikha rahi thi. apne baalon ko haath se theek karte huye woh muskurayi. Lekin Aryan ka dhyaan campus ki khubsurti pe nahi balki kisi orr ki khubsurti pe tha -
Myra Sethi!
Myra Sethi, college ki sabse famous ladki. Uski sundarta aisi thi ki koi bhi usse dekhe bina nahi reh sakta tha. Kali badi aankhein, chhoti par well-shaped naak, patle honton, gora rang, thodi si ghunghrale baal, aur lambi par nazuk kaya. woh har kisi ko apni taraf kheench leti thi. Aryan bhi is attraction se bacha nahi tha, lekin uska pasand karna sirf sundarta tak nahi tha. woh Myra ko kahi na kahi dil se pasand karta tha. Aur sayad yehi uska bhool tha.
Aryan aur Myra dono second year mein ek hi class mein padhte the, aur Naina bhi unke saath thi. Jab Naina ke Baba Aryan ko apne ghar laaye the, tab unhone hi Aryan ka admission Naina ke saath college mein karwaya tha. College ke pehle din se hi Aryan ko Myra pasand aa gayi thi.
Myra apni chaar saheliyon—Sanya, Meera, aur do aur ladkiyon ke saath khadi thi, baatein kar rahi thi, aur kabhi-kabhi zor se hans rahi thi. Tabhi Sanya ne saamne ki taraf ishaara kiya, jahan Aryan khada tha.
Sanya (giggling): Dekh rahi hai Myra tera Aashiq kaise tujhe dekh raha hai.
Meera ne yeh sunte hi apne pair pakad liya aur zor se hansne lagi.
Meera (laughing): Aree!! ye to wahi ladka hai na, naam kiya hai uska? Haan! Aryan aisa kuchh hai.
Sanya (laughing): Jara dekh to usko, hahaha! Ye... ye kaisa kapde pahen ke aaya hai? Hahaha! Joker lag raha hai.
Meera (grinning): Hahaha! Uske maaze lete hai chal, Aaj din bhi accha hai prank ke liye.
Myra : What? Tum dono kiya karne jaa rahi ho?
Sanya (smirking): Nothing just wait and watch.
Myra (sternly): Hey don’t do any stupid thing.
Meera : It’s gonna be a little prank.
Myra : No leave it just enjoy the festival.
Sanya : It’s gonna be fine, don’t worry.
Myra : Par....
Meera (cutting in): It’s will be just a prank.
Sanya (scheming): Ab suno sabhi suno main usse yeha bulata hu aur Myra tu kahi aur chali ja.
Myra : What? What you all plaing to do?
Sanya (laughing): It’s nothing, suno main jo keh rahi hu.....!
Sanya ne apni saheliyon ko plan samjha diya. Myra, do aur saheliyon ke saath, wahan se chali gayi, jabki Sanya aur Meera wahin ruk gayi thi.
Meera : Heyy?
Meera ne thodi door se Aryan ko pukara. Aryan ne pehle idhar-udhar dekha, sochkar ki kahin kisi aur ko toh nahi bula rahi.
Meera (pointing at Aryan) : You! you!
Aryan : Koun! Main?
Meera (nodding): Yes! you!
Naina (curious): Kiya huya bhaiya?
Meera (smiling): Do you have a minute?
Usne ishaare se ek ungli dikhate huye puchha, Aryan ne bhi ishaare se haami bhari.
Aryan : Naina, tum apni dosto ke saath rehna, main abhi aata hu.
Naina : huh!?!? Kaha ja rahe ho? Bhaiya!!
Aryan : Kuchh nahi tum chalo apne friends ke saath main abhi aata hu.
Naina (nodding): Okay, par program suru hone se phele aa jana, main stage ke paas hi rahungi.
Naina apni doston ke paas chali gayi, aur Aryan Meera ke paas pahuncha.
Aryan (politely): Ji, kuchh kaam tha?
Meera (mann mein) : What? What just he said!? Ji! Hahaha! Ye sach mein stupid hai.
Meera ne Sanya ki taraf dekha, aur dono dheere se hansne lagi.
Meera : So you are Aryan right?
Aryan (nodding): Haan! Main hi Aryan hu, Kyun?
Meera (mann mein): Kyun ke bacche, hahaha! Abhi maja chakha ti hu.
Aryan : ……?
Meera (continuing): To main kaha thi? Haan!... So your are Aryan right?
Aryan : Haan!
Meera : Actually na mujhe tumse kuchh important baat karni hai.
Aryan : Ji boliye.
Meera (dramatically) : Actually important baat mera nahi Myra ka tha.
Myra ka naam sunte hi Aryan ke kaan khade ho gaye.
Aryan : M-Myra?
Sanya (mann mein) : just look at him! Haha! Myra sunte hi kaise utavla ho gaya, such an idiot.
Sanya (smirking): Yes! Myra. tum usse jaante to ho na?
Aryan : Obviously! Myra ko kon nahi pehchanta.
Meera : Good! Actually... Sanya tu bata na myra ne kiya important baat kehne ko bola tha.
Sanya : Woh kiya hai na Aryan, Myra tum se kuchh kehna chati hai.
Aryan (shocked): Mujhse???
Meera (nodding): Yes! Tumse.
Sanya: Actually na, Myra tumhe kuchh kehna chahti hai, but you know na, she is so shy... Isliye usne mujhe bola ki main tumhe bata doon.
Aryan: Aisa kya bolna chahti hai woh?
Meera: Arre, it’s simple! Don’t you get it?
Aryan: Nahi, main kuchh samjha nahi!
Meera: Come on, Aryan, it’s just ki...
Sanya: Ki Myra ko tum pasand ho!
Ye sunte hi Aryan hakka-bakka reh gaya. Uska chehra ajeeb sa ho gaya, jaise Acharya Janak ka ho jata hai jab koi badi baat sunta hai. Woh abhi tak is baat ko hazam nahi kar pa raha tha. Kya usne sachi suna Myra jaise ladki, jo college ki sabse famous hai, usse kaise pasand kar sakti hai? Woh Meera aur Sanya ko ghoorta raha, jaise dimaag mein processor hang ho gaya ho.
Sanya: Oye, hello! Kahaan kho gaya?
Aryan: Nahi, woh... Are you serious? I mean, Myra! She really likes me?
Meera: Haan, bilkul! She likes you. Aur kyun nahi? Look at you!! kitna handsome ho tum!
Kehte hue Meera ne Sanya ki taraf dekha aur aankh maarte hue ishara kiya.
Sanya: yes! bilkul! Tum toh bohot handsome ho, aur Myra tumhe sach mein pasand karti hai.
Aryan (mann mein): Am I really?
Meera: Ab kya soch raha ho?
Aryan: N-Nothing!
Meera: Dekho, Myra tumhe pasand karti hai, par woh directly bolne se sharma rahi thi. Isliye usne mujhe bola ki main tumhe bata doon. Tumne thodi der pehle dekha na, Myra yahaan se chali gayi thi?
Aryan: Haan, maine dekha tha!
Meera: Haan, woh tumhe dekh ke sharma rahi thi. Actually, woh aaj tujhe yeh baat batana chahti thi. Woh tujhse milna chahti thi, bur see! aaj campus mein kitne saare students aur teachers bhi hain. Isliye usne mujhe kaha ki tumhe bol doon ki woh ladies’ washroom ke saamne tumhara intezaar karegi, jahaan tum dono akele baat kar sako.
Aryan: Re-really?
Sanya: Haan! Ab time waste mat kar, jao!
Aryan: O-Okay!
Aryan ladies’ washroom ki taraf chala gaya. Jaise hi woh yeha se gaya, Meera aur Sanya ek-doosre ko dekhkar apna pet pakad ke hansne lagi.
Meera: Tune dekha? Hahaha! Sanya, tune dekha?
Sanya: Kitna idiot hai yeh, hahaha!
Meera: Tune dekha, jab maine usse handsome bola, woh kaise sharma raha tha?
Sanya: Hahaha!, too funny!! He's too funny!!!
Meera: Hehe!!, literally! Mera pet phat jayega hanste-hanste. Hey! chal, iska peecha karte hain. Woh idiot ladies’ washroom jaa raha hai!
Udhar Aryan ladies’ washroom ke saamne pahunch gaya tha. Bechara ab bhi samajh nahi pa raha tha ki uske saath prank ho raha tha. Usko vishwas hi nahi ho raha tha ki Myra jaise ladki, jiske peechhe college mein ladke line laga ke khade rehte hain, usse pasand karegi. Yeh kaise possible hai? Ye sawaal uske mann mei bhi aaya Yeh sochkar woh thoda confuse tha, par andar se excited bhi tha. Kya pata, agar yeh baat sach ho? Agar Myra sach mein usse pasand karti ho?
Woh washroom ke saamne khada tha, par wahaan na Myra thi, na koi aur.
Aryan: Maybe woh washroom ke andar ho.
Usne socha Myra shayad washroom ke andar hai, isliye woh bahar khada intezaar karne laga. Thodi door diwaar ke peechhe Meera aur Sanya chhup ke usse dekh rahi thi, muh pe haath rakhkar hans rahi thi.
Kareeb 15 minute guzar gaye. Aryan ka sabr toot raha tha. Usne kuchh socha aur —
THAK! THAK!!
Usne darwaza khatkhata diya. Darwaza khula bhi gaya asani se.
Aryan: Yeh kya? Darwaza toh andar se band nahi hai, khula hai. Iska matlab...!
Woh aage kuchh soch pata, usse pehle kisi ne usse dhakka maara, aur woh sidha ladies’ washroom ke andar gir gaya.
Aryan: KOUN?
Isse pehle ki woh uth pata, peechhe se darwaza band ho gaya. Usne turant darwaza kholne ki koshish ki, par tab tak darwaza bahar se lock ho chuka tha.
Aryan: Kaun hai? Darwaza kholo! Yeh tum log ho na, Meera aur Sanya?
Meera: Kya hua, handsome? Hahaha! Myra mil gayi?
Aryan: Kyun? Kyun kiya aisa? Please, darwaza kholo, yeh ladies’ washroom hai!
Sanya: Yahi toh teri aukaat hai, bacchu! Hahaha!
Aryan: Toh... toh Myra mujhe pasand karti hai, yeh sab jhooth tha?
Sanya: Hahaha! Obviously, idiot! Tu kya soch raha tha? Myra jaise ladki tujhe pasand karegi? How stupid! Hahaha!
Ab jaake Aryan ka ullu sidha hua. Usko laga tha Myra sach mein usse pasand karti hai, par yahaan toh uske saath mazak ho gaya tha.
Tabhi bahar se music aur chahalpahal ki awaaz aane lagi. Bahar program ki announcement ho rahi thi.
Meera: Oh, shit! Shit, Sanya! Program shuru ho gaya!
Sanya: Chal, program miss nahi kar sakte!
Aryan: Hey, ruko! Mujhe bahar nikalo!
Par Aryan ki awaaz un tak nahi gayi. Program ki announcement sunte hi Meera aur Sanya bhool gayi ki Aryan washroom ke andar band hai. Woh dono chali gayi. Aryan andar band pada raha.
Aryan: Arre, mujhe bahar nikalo! Koi hai? Please!
Par uski awaaz washroom ke andar goonjti hui uske hi kaano tak wapas aayi. Bahar program ka shor tha—loudspeakers, students ki chahal-pahal. Usne poori koshish ki, par koi sunne wala nahi tha. Thak haar ke woh commode ke upar hi baith gaya.
Aryan: Naina! Haan, Naina ko phone karta hoon.
Usne jeb se phone nikala, par uski akhri umeed bhi toot gayi.
Aryan: Shit! Isme toh charge hi nahi hai!
Naina uski akhri umeed thi jo usse bahar nikaal sakti thi, par phone mein charge nahi tha. Kaise bula pata naina ko? Ab koi rasta nahi tha. Jab tak koi darwaza nahi kholta, usse ladies’ washroom mein hi band rehna tha.
Woh wahi baitha raha, ghutno pe kohniyaan tikaye, haath se chehra dhake. Charon taraf dekha toh band kamra usse kuchh purani yaadein yaad dila raha tha, jaise woh pehle bhi aisi situation mein tha. Kuchh der shant rehne ke baad —
Aryan: Hahaha! It’s the same! Yeh band darwaza! Thik waise hi... Wahaa bhi mujhe aise hi ek kamre mein band karke rakha jata tha. Hahaha! Main... sach mein stupid hoon! Hahaha! Main sab pe itni jaldi vishwas kar leta hoon. Us din bhi... us din bhi maine un par vishwas kiya tha, aur phir unhone mujhe....
Woh pagalon ki tarah hansne laga, aur uski aankhon se aansoon behne lage. Aise band kamre mein woh pehle bhi reh chuka tha. Pehle bhi usne kisi par vishwas kiya tha, aur aaj bhi Meera aur Sanya ki baaton par vishwas karke woh yahaan phas gaya. Thik usi tarah, pehle bhi uske apnon ne uske saath aisa hi prank kiya tha.
Udhar, stage ke dayein taraf Myra apni saheliyon ke saath khadi thi. Usne Meera aur Sanya ko aate hue dekha.
Myra: Tum dono kahan thi?
Meera: Arre!
Usne Sanya ki taraf dekha aur dheere se bola.
Meera: Arre, hum usse bahar nikaalna bhool gaye!
Sanya: Arre, chhod na! Program ka mazaa le. Waise bhi, woh kahaan marne ja raha hai?
Myra: Hey, sach batao, tum dono ne ab kya kand kiya hai?
Meera: Kuchh nahi, chal, festival enjoy karte hain!
Wahin, stage ke saamne Naina apne doston ke saath khadi thi. Woh baar-baar peechhe mud ke dekh rahi thi, usse intezar thi kisi ki.
Naina (mann mein): Bhaiya kahaan reh gaye? Keh toh rahe the abhi aa raha hoon.
Usne Aryan ko phone bhi kiya, par phone mein charge nahi tha, toh kaise lagta phone?
Naina: Hmph! Aane do unhe, phir batati hoon!
Naina ko kya pata tha ki uska bhaiya ladies’ washroom mein band hai? Darwaza todna bhi mumkin nahi tha, aur awaaz dene se bhi koi faida nahi tha kyunki bahar itna shor tha. Aryan ke paas ab koi chara nahi tha, siwaye wahi band rehne ke.
Do ghante aise hi beet gaye. Program abhi bhi chal raha tha, par ab music nahi baj raha tha kyunki agli performance ki taiyaari ho rahi thi. Isliye thodi der ke liye loudspeakers band the. Isi waqt kuchh ladkiyaan, jo program mein perform kar rahi thi, ladies’ washroom ki taraf ja rahi thi. To wahi Naina bhi thodi bechain thi.
Naina: Bhaiya kahaan reh gaye? Program shuru hue do ghante ho gaye, aur yeh janab gayab!
Kehte hue woh Aryan ko idhar-udhar campus mein dhoondhne lagi, par usse kya pata tha ki Aryan washroom mein band hai? Udhar, washroom ki taraf ja rahi ladkiyaan apas mein baatein kar rahi thi.
“Performance achha gaya na?”
“Ab main dance karungi, toh achha hi jayega na!”
“Haha!, right!”
“Chal, jaldi fresh ho lete hain. Next performance shuru hone se pehle, I don’t wanna miss a bit of this program!”
Kehte hue ek ladki ne washroom ka darwaza khola, aur jo usne jo dekha, woh hairaan kar dene wala tha. Ladies’ washroom mein ek ladka —
Aryan!
Sab ladkiyaan chillayi: “You pervert! Ladkiyon ke washroom mein kya kar raha hai?”
Aryan: Nahi, main...
“Nahi main kya? What are you doing here?, you rascal!!”
Aryan: Aisa kuchh nahi hai, mujhe yahaan kisi ne...“
Just shut up! Tum jaise ladkon ko hum jaante hain. Ladkiyon ke washroom mein chhup ke baithte ho taaki jab koi aaye to usse taad sako!”
Aryan: Nooo!!!, main...
“Toh yahaan kya kar raha tha? Ruk, teri khabar leti hoon, sabko bula ke laati hoon!”
Aryan: Hey, wait! Jaisa dikh raha hai, waisa nahi hai!
Woh ladki ko samjhaane ki koshish kar raha tha, par baaki ladkiyon ne usse rok liya aur wapas washroom mein band kar diya. Aryan mein itni taakat nahi thi ki woh in ladkiyon ko hata ke bahar nikal sake.
Woh ladki, Palak, jo bahar gayi thi kisi ko bulane, usne college ke famous ladke ko dekha — Rohan Tripathi.
Woh apne paiso aur looks ke liye famous tha. Fit tha, aur ladkiyon mein bhi kaafi popular tha.
Palak: Rohan! Ladies’ washroom mein ek ladka ghus aaya hai!
Rohan: Kya?
Palak ne sab kuchh bata diya. Rohan ne kaha, “Tu chal, main abhi aata hoon.”
Palak wapas chali gayi. Tabhi Rohan ka dost, jo paas mein baitha tha, uske kaan mein bola.
Dost: “Boss, achha hua hum washroom nahi gaye, warna aaj hum bhi pakde jaate!”
Rohan: “Sahi kaha. Par ab college ka hero banne ka time hai. Chal, dekhte hain.”
Rohan aur uske teen dost washroom ki taraf chal pade. Udhar, Myra apni saheliyon ke saath thi. Usne Palak ko bhagte hue dekha.
Myra: Udhar kuchh hua hai lagta hai, washroom ke taraf.
Meera (mann mein): Arre! Udhar toh Aryan band hai! Shit, shit! Agar usne bol diya ki humne usse band kiya, toh pure college mein hamari badnaami ho jayegi!
Sanya ke mann mein bhi yahi baat chal rahi thi.
Washroom mein Rohan apne teen doston ke saath pahunch chuka tha.
Palak: Yeh raha, yeh ladka ladkiyon ke washroom mein chhup ke baitha tha!
Aryan: Nahi, main...
Rohan ka dost uske kaan mein bola, “Boss, yeh hero banne ka achha mauka hai!”
Rohan: “Chup kar, gandi naali ke keede! Ladkiyon ko taadne aaya tha? Ab maza chakhata hoon!”
Aryan: Nahi, meri baat toh suno!
Rohan: “Tujh jaise chhote ghar ke keede yahi harkatein karte hain!”
Aryan: “Dekho, ghar pe mat jao, pehle meri baat suno!”
“Sunn’na kya hai, boss? Maro isse!”
Rohan: “Saale, ladkiyon ko taadega?”
Chatak!
Rohan ne Aryan ke gaal pe ek jordaar thappad maara. Aryan peechhe ho gaya. Rohan usse kaafi takatwar tha Aryan se.
Aryan: “Ek baar meri baat toh suno...”
Chatak! Charak!
Rohan ne do aur thappad maare, aur Aryan iss baar neeche gir gaya. Uski aankhon se aansoon nikal bhi aaye. Wahaan saari ladkiyaan khadi thi, aur Aryan Rohan se thappad kha raha tha. Rohan jhuka, uska collar pakda, aur usse upar kheenchne laga. Tabhi —
“Yahaan kya ho raha hai?”
Peechhe se Myra ki awaaz aayi. Palak ke bhagte hue jaane ko dekhkar Myra bhi wahaan pahunch gayi thi, aur saath mein Meera aur Sanya bhi.
Rohan ka dost uske kaan mein bola, “Boss, bhabhi aa gayi!”
Rohan ne Aryan ko chhoda, aur woh wapas neeche gir pada. Rohan ne peechhe mudkar Myra ko dekha.
Rohan: “Myra, yeh ladka ladkiyon ke washroom mein taank-jhaank kar raha tha.”
Palak: “Haan, yeh yahaan chhup ke baitha tha!”
Rohan : don't worry mein inn jaise chote gharke aulaad ko sahi thikana laga dunga.
Myra ne uss ladke ko dekhne ke liye aage aayi aur hairaan reh gayi.
Myra (mann mein): Yeh toh wahi ladka hai?
Meera aur Sanya ka haal kharab ho gaya. Woh apas mein dheere se baat kar rahi thi.
Meera: “Ab kya hoga, Sanya? Agar isne bol diya ki humne usse band kiya, toh yeh prank hum par hi bhari pad jayega!”
Sanya: “Main bhi wahi soch rahi hoon.”
Aryan neeche gira hua tha, uski aankhon se aansoon beh rahe the. Usne sar uthaya toh saamne Myra thi. Usko dekhkar uski bachi-kuchi izzat bhi chali gayi. Usko kaha gaya tha ki Myra usse pasand karti hai, aur usi baat ke chakkar mein woh yahaan aaya tha. Par ab usse pata chal gaya tha ki yeh sab ek prank tha.
“Bhaiya??”
Tabhi peechhe se kisi ki awaaz aayi. Sabne mudkar dekha, siwaye Aryan ke. Kyunki Yeh Naina ki awaaz thi.
Palak: “Yeh tera bhaiya hai, Naina?”
Naina: “Haan! Yahaan kya ho raha hai? Bhaiya, aap aise...?”
Palak: “Tera bhaiya ek number ka pervert hai, Naina!”
Naina: “Nahi, mera bhaiya aisa nahi hai!”
Palak: “Woh aisa hi hai! Apni aankhon se nahi dekh rahi? Yahaan chhup ke ladkiyon ko taad raha tha ye!”
Naina ko apne kaano par vishwas nahi ho raha tha ki Aryan aisa kuchh karega. Aryan neeche baitha tha, uske gaal pe Rohan ke thappad ke nishaan laal ho chuke the. Uski bachi-kuchi izzat bhi Naina ke saamne chali gayi thi. Woh sar jhukaye wahi gira raha. Naina se aankhein kaise milata? Usko laga jaise saari ladkiyaan, Myra, aur uski behen Naina bhi usse aise gire hue dekh rahi thi. Ek ganda ladka samajh raha hai, Uski maathe se paseene ki boondein tapki. Ek ghabrahat si hui — thik aisi hi band kamra, thik aisi hi logon ki aankhein usne pehle bhi dekhi thi. Uske ateet mein aisi hi ghatnayein hui thi, jab log uske charon taraf khade the, aur woh aise hi neeche gira hua tha. Us din bhi sabki aankhein us par thi, aur aaj bhi wahi ho raha tha. Purani yaadein uske saamne taaza ho gayi.
Rohan ka dost uske kaan mein bola, “Boss, Myra bhabhi yahaan hai. Yeh hero banne ka sahi mauka hai!”
Rohan: “Tujhe toh main...”
Rohan wapas Aryan par haath uthane ja hi raha tha ki tabhi Aryan ne ek aisi harkat Kari jisse sab hairaan reh gaye, aur sabse jiyada Hairan Naina thi.
Aryan ne apne chehre ko haathon se dhak liya, dono pair sikod kar washroom ke farsh par gira raha, aur chillaya-
Aryan : “Nahi! Mujhe mat maro! Maine kuchh nahi kiya, mujhe mat maro! Maa! Mujhe mat maro! Maine vishwas kiya tha... Main...! main rakshas nahi hoon, mujhe mat maro!!! Main jeena chahta hoon!!!”
Uski awaaz thartharati hui thi, aur sab use dekhkar dang reh gaye. Aryan ne apne aap ko sikod liya tha, jaise koi pagalpan mein ho.
Rohan: “Arre, yeh kya kar raha hai?”
Palak: “Yeh... yeh pagal toh nahi ho gaya?”
Meera ne Sanya ke kaan mein dheere se kaha, “Sanya, yeh sahi mauka hai. Yahaan se chal, warna agar isne Myra ko bata diya ki humne usse band kiya tha, toh yeh prank hum par hi bhari pad jayega.”
Sanya: “Sahi kaha, Meera.”
Naina bhag ke aayi, Rohan ko dhakka dekar side kiya, aur Aryan ko uthane lagi.
Naina: “Bhaiya! Bhaiya! Kya hua? Yeh kya bol rahe ho aap?”
Rohan ka dost uske kaan mein bola, “Boss, lagta hai tumhare pitaai se yeh pagal ho gaya. Yahaan se chalo, warna koi gadbad ho sakti hai.”
Rohan: “Hmm, chal.”
Usne peechhe mudkar Myra ko dekha. Woh mauka ka faida uthana chahta tha. Usne wapas Aryan ko bola.
Rohan: “Dekh, tujhe aaj ke liye chhod raha hoon. Saale, agar phir aisi harkat ki, toh dekh lena!.. Oh, Myra? Achha hua, chalo bahar, maine isse sabak sikha diya.”
Meera: “Haan, Myra, chal! Program wapas shuru hone wala hai.”
Meera aur Sanya ne Myra ko kheenchte hue bahar le gayi. Myra ne jaate huye mudkar ek baar Aryan ko dekha, jo abhi tak sikud ke mejh per mada tha. pata nahi kya soch rahi thi. Rohan aur uske dost bhi Myra ke peechhe chale gaye. Palak aur baaki ladkiyaan bhi program ke liye bahar chali gayi.
Aryan wahi farsh par sikod ke pada tha. Naina usse uthane ki koshish kar rahi thi.
Naina: “Bhaiya! Kya hua aapko? Yeh kya bol rahe the?”
Aryan: “Nahi, mujhe mat maro... Maa!!!, mujhe mat maro!”
Naina: “Kya bol rahe ho, bhaiya? Kaun aapko marna chahta hai?”
Aryan: “Sabne mujhe jaan se maar diya, Naina!! Sabne... mujhe jaan se maar diya tha!! Mera vishwas karo, main rakshas nahi hoon. Naina!, main koye rakshas nahi hoon.”
Naina: “Kya bol rahe ho, bhaiya? Kisne maara aapko? Ye Rakshas? Yeh kya keh rahe the...?”
Washroom mein ab sirf Naina aur Aryan the. Par koi teesra bhi tha, jo apni lal aankhon se yeh sab dekh raha tha. Usne yeha ghatit har ghatna ko dekha, aur Aryan ko aise dekhkar woh hans raha tha.
Naina kuchh samajh nahi pa rahi thi ki Aryan kya bol raha tha, kyun bol raha tha. Usko ab Aryan ko ghar le jana hoga. Usne Aryan ko uthaya aur bahar le aayi. Usne dekha sabka dhyan program mein tha.
Naina: “Thank God, koi yeh nahi dekh raha.”
Usne Aryan ka haath pakda, sahara dete hue college ke peeche se bahar tak le gayi. Aryan chal toh raha tha, par uski aankhon ke saamne wahi purani bhayan
ak yaadein thi.
Naina: “Auto!”
Ek haath se Aryan ko pakad kar, doosre haath se ishara karke usne auto rok liya. Aryan ko baithaya aur khud bhi paas baith gayi.
Aryan chupchap baitha tha, uski aankhon ki putliyaan bhi nahi hil rahi thi. Naina ne baat karne ki koshish ki, par uski haalat dekhkar usne socha ghar jaake baat karegi.
Dekhte hi dekhte Naina aur Aryan ghar pahunch chuke the. Auto se utarte waqt Naina ne Aryan ko sahara diya, uska haath pakad ke dheere-dheere usse bahar nikala. Woh dono ghar ki taraf badhe, Naina ke haathon mein Aryan ka wazan tha, aur uske dhyan mein kuchh aur nahi chal raha tha. Usse khayal hi nahi raha ki auto ka bhada dena bhi zaroori hota hai.
Auto driver ne apni khnkhati awaaz mein chillaya, “Oo! Madam bhada?”
Naina ekdum se chaunk gayi, “Hain!”
“Bhada! Bhada!” driver ne thodi si jhallahat ke saath dohraya.
Naina ne apna sar khujlaya aur sharma ke has di, “Ohh! Haan! Bhada bhi toh dena padta hai, hehe! Sorry bhool gaye thi.”
“Bhada toh dena padta hai!” driver ne phir kaha.
“Sorry!” Naina ne jaldi se kaha aur apni jeans ki jeb, purse, aur bag tatolne lagi. Usne har jagah haath daal ke dekha, par paisa kahin nahi mila. Uske chehre par thodi si ghabrahat dikhne lagi, aur woh apne aap se boli, “Arey! Paisa toh nahi hai…”
Driver ne bhaunhe chadha ke poochha, “Kya hua, madam?”
Naina ne ek lambi saans li aur achanak usse yaad aaya, “Arey haan! Paisa toh bhaiya ke paas hai. Wait a minute.”
Usne jaldi se Aryan ki jeb tatoli aur wahan se kuchh note haath aaye. Naina ne rahat ki saans li, “Huff! Thank God, main toh bhool hi gayi thi bhaiya ke paas bhada rehta hai.”
“Madam, paisa!”
“De rahi hoon! De rahi hoon!” Naina ne haste hue jawab diya, paisa nikala aur driver ko thama diya. Phir woh Aryan ko sahara dete hue ghar ke andar le jane lagi.
Ghar ke bahar ek badi si safed car khadi thi, jo Naina ne pehle kabhi nahi dekhi thi. Usne is baat ko nazarandaaz kiya aur Aryan ko leke ghar ke andar chali gayi. Andar jate hi uski nazar apne pitaji, - Sanjay Gupta!
par padi. Unke saath 6 aur log the. Paanch log aise the jo sadharan kapdon mein the, par unke chehron par kate hue nishaan aur ek ajeeb si kathorta thi. Ek jhalak mein hi lag raha tha ki yeh log acche insaan nahi the. Unki aankhon mein ek thandi chamak thi.
Par un 6 logon mein ek aadmi alag tha. Woh suit-boot mein tha, apne haathon ko jeb mein daale, ekdum saaf-sutra aur shant khada tha. Uska chehra ek halki si muskurahat se saja tha, par us muskurahat mein kuchh chhupa hua tha.
Jaise hi Sanjay aur un logon ne Naina aur Aryan ko dekha, wahan chal rahi baat-cheet ekdum ruk gayi, jaise un logon ne in dono ko is waqt yahan expect hi nahi kiya tha. Sanjay ne hadbadaate hue kaha, “Naina? Tum dono toh college gaye the?”
Naina ne jawab dene ke liye muh khola, “Baba, woh…”
Par usse pehle ki woh kuchh aur bol paati, woh suit-boot wala aadmi dheere se bola, “Hum abhi aate hain, Mr. Sanjay.”
Usne ek baar Naina ki taraf dekha, ek ajeeb si muskurahat ke saath. Phir woh Sanjay ki taraf muda aur bola, “Maine jo kaha, yaad rahiyega, Mr. Sanjay! Hum phir milenge.”
Yeh kehte hue usne apne sunglasses aankhon pe chadhaye, ek baar phir Naina ko dekha, muskuraya, aur apne saathiyon ke saath bahar nikal gaya. Uski woh muskurahat Naina ko bohat hi ajeeb lagi.
Sanjay ne phir se poochha, “Tum dono college mein the na? To abhi ghar chale aaye, tumhare festival ka kya hua?”
Naina ne ek pal ke liye socha. Woh Aryan ke saath college mein jo hua, uske baare mein baba ko batana nahi chahti thi. Usne baat ghuma di, “Asal mein bhaiya na… bhaiya ko college mein accha nahi lag raha tha, toh hum ghar wapas aa gaye.”
Sanjay ne thodi chinta ke saath poochha, “Kya hua Aryan ko?”
“Nahi, aisa kuchh nahi hua,” Naina ne jaldi se jawab diya. “Abhi ghar pe honge, accha mehsoos hoga, isliye main ghar hi le aayi inhe.”
Sanjay ne sar hila diya, “Theek kiya. Chalo, main abhi aata hoon. Tum Aryan ka khayal rakhna, main shaam ko aaunga.”
Naina ne poochha, “Theek hai, baba. Par yeh log kaun the?”
Sanjay ne jaldi se baat taal di, “Woh… woh main baad mein bataunga.” Yeh kehte hue woh jaldi se nikal gaye.
Naina ne Aryan ko uske kamre mein le jake litaya. Aryan ab bhi kisi gehri soch mein dooba hua tha, uska chehra udaas aur bechain tha. Naina ne dheere se kaha, “Bhaiya?”
Aryan ne uski taraf dekha aur ek pal chup raha, phir dheere se bola, “Naina! Maine kuchh nahi kiya tha, mera vishwas karo.”
Naina uske paas baith gayi aur pyar se poochha, “Aap woh sab kya bol rahe the? Kisne aapko maara, aur woh rakshas… rakshas kya keh rahe the?”
Aryan ke liye jawab dena mushkil tha. College mein jo hua, usne uski izzat ko chot pahunchayi thi. Woh ladies’ washroom mein gira pada tha, Rohan se maar kha raha tha, Myra ne usse us halat mein dekha, aur sabse bada sadma yeh tha ki Naina ne bhi usse waisi halat mein dekha. Woh sharmindagi se Naina ki aankhon mein aankhein nahi mila pa raha tha.
Naina ne halki si muskurahat ke saath kaha.
Naina (innocently smiling) : “Accha, ab samjhi. Main aapki real behen nahi hoon na, isliye aap mujhse kuchh nahi bata rahe, na? Koi baat nahi, bhaiya!”
Aryan ne jaldi se kaha, “Nahi, aisi baat nahi hai.”
Naina ne phir se muskurate hue kaha, “It’s okay, bhaiya.”
Aur woh jaane lagi, par Aryan ne uska haath pakad liya. Naina ne mudkar usse dekha. Aryan ne rukte hue kaha, “Woh… college mein, Naina, mera vishwas karo, maine jaan bujhkar ladkiyon ke bathroom mein nahi gaya tha. Main…! Mujhe...!”
Naina uske paas baith gayi, uske gaal ko dheere se chhua jahan Rohan ne thappad maara tha, aur pyar se sahlate hue poochha, “Aapko yahan pe laga hai?”
Aryan ne sar hila diya, “Nahi, bas… Naina, maine sach mein… tum jaisa soch rahi ho, main waisa nahi hoon. Bilkul nahi. Maine jaan bujhkar wahan ladies’ washroom mein nahi gaya tha. Mujhe… mujhe…”
Naina ne uski baat kaat di, ek shant muskurahat ke saath, “Chai piyoge?”
Usne bas itna hi bola, chai piyoge!. Aryan ne haan mein hami bhari. Naina chai banane chali gayi. Aryan bas usse dekhta raha jate waqt, usse lag raha tha shayad Naina ab usse ek ganda ladka samajh rahi hai jo ladkiyon ko tadne unke bathroom mein chhup ke baithta hai.
Udhar, kitchen mein Naina chai bana rahi thi aur apne aap se baat kar rahi thi, uske hothon pe ek halki si muskurahat thi -
“Subah aapne mujhe bag kyun aage rakhne bola, mujhe pata hai, bhaiya! *Blush* Woh auto driver mujhpe gandi nazar daal raha tha, isliye aapne bag aage rakhne ko kaha tha. *Smile* “Main itni bhi buddhu nahi hoon, bhaiya! Aapko apni safai dene ki koi zarurat nahi, mujhe vishwas hai aap pe... pura viswas hai aap pe...”
Thodi der mein usne chai bana li, aur Aryan aur woh milke chai pi liye. Pura din aise hi beet gaya. Naina ne Aryan se aur kuchh nahi poochha. Shaam ko jab Sanjay wapas aaye, toh unhone sabse pehle Aryan ki khabar li. Raat ke dinner ke samay Naina ne unse poochha ki subah woh log kaun aur kyun aaye the, toh Sanjay ne fir se usse yeh kehte hue taal diya ki baad mein bataunga. Naina ne Aryan se bhi college mein huya ghatna ke baare mein poochha tha, par Aryan ne baat ko ghuma fira diya. Dinner ke baad sabhi apne-apne kamre mein so gaye.
_______.
Ghar se koso mil door, madhya raatri ka gehra andhera chhaya hua tha. Ek badi si pahadi ki choti par teen shakhs khade the, unke charon taraf ek bhayaanak sannaata tha. Hawa mein ek bhaari si thandak thi, aur charon taraf kaale kauwe bina kisi awaaz ke ud rahe the. Un kauwon ki chuppi mein ek ajeeb sa dar tha, jaise woh kisi khaufnaak shakti se seham rahe ho. Andhere ke iss mahol mein woh teen log pahadi ke bilkul beech mein khade the, unke chehron par ek ghanibh gambhirata thi, aur unki aankhon mein ek ajeeb si taaqat jhalak rahi thi.
Unmein se ek ne ghoor awaaz mein kaha, “Haath aage karo!”
Teeno ne apni astin ki baahen upar ki aur apne haath aage kiye. Unke doosre haathon mein chamakte hue chaku the, jinke blade andhere mein bhi ek laal chamak de rahe the. Bina kisi hichak ke teeno ne apne haath kaat liye. Khoon ki boondein zameen par tapakne lagi, aur andhere mein unka rang ek ajeeb si chamak paida kar raha tha. Hawa mein ek sarsarahat si thi, jaise koi anjaan shakti unke kareeb aa rahi ho.
Phir teeno neeche baith gaye, jahan unka khoon gira tha, waha apne taze ghaav wale haath rakh diye. Unhone ek sath ek bhayaanak mantra bolna shuru kiya, unki awaaz mein ek vikhral taaqat thi -
“Kraa rakta-daan, lohita-drish, kroor-chhadi-sarpa-vikra!
Prakata, prakata, bhaya-kshobha, vish-kshaya!
Kraa phat!”
Unki awaaz dheere-dheere teevra hoti gayi, aur unke haathon se ek kaala dhuaan uthne laga. Jaise jaise unka ucharan aur zor se hota gaya, waisa hi woh dhuaan aur ghana hota gaya. Aisa lag raha tha jaise unka khoon sukh kar dhuein mein badal raha ho.
Hawa ab aur bhaari ho chuki thi, aur ek ajeeb sa sannaata chha gaya. Pahadi ki choti bhi is taaqat se kaamp uthi, par teeno nahi ruke vah jari rakhte hai uchharan aur bhi Bhari hoti ja rahi thi -
“Kraa rakta-daan, lohita-drish, kroor-chhadi-sarpa-vikra!
Prakata, prakata, bhaya-kshobha, vish-kshaya!
Kraa phat!”
Unki awaaz mein ek vikhral shakti thi, jo charon taraf ke andhere ko aur gehra kar rahi thi. Unke haathon se nikal raha dhuaan ab ek ghana sa badal ban chuka tha, jo unke charon taraf mandra raha tha. Kauwe ab bhi chupchap ud rahe the, unki aankhon mein dar saaf dikhai de raha tha. Aisa lag raha tha jaise woh teen log kisi asambhav shakti ko jaga rahe hon, par koi anjaam nazar nahi aa raha tha.
Achanak, teeno ne apne haath peeche kiye aur ek sath bole,
“SAMROHAT!!!”
Dekhte hi dekhte unke haathon ke ghaav ekdum theek hone lage, bilkul phele jaisa, jaise kabhi koi chot lagi hi na ho.
Ek ne ghoor awaaz mein kaha, “Bulane par bhi woh nahi aaya!”
? : “Uski zarurat hai humein!”
? : “Woh hai kahan! Dragon gaya kahan?”
Pahadi ki choti par ek ajeeb si sannaata chha gaya. Ek ne kaha.
? : “Bulane par bhi dragon yahan nahi aaya. Iska matlab hai…”
? : “Ki woh kisi aur jagah hai.”
? : “Asambhav!”
? : “Shayad kisi ne usse dharan kar liya ho?.”
? : “Namumkin hai! Koi usse dharan nahi kar sakta.”
? : “Shivay ek ke..…”
Teenon Mein Ek Ajeeb Sa sannata chha Gaya. Hawa mein ek tandav sa shuru ho gaya. Teeno ne ek doosre ko dekha, aur dekhte hi dekhte -
Whoosh!
woh teenon waha se gayab ho
gaye, jaise kabhi waha the hi nahi. Andhera aur bhaari ho gaya, aur kauwe bhi ekdum se Apne pankhe farrate hue chahal-pahal karte hue, ud gaye.
.
.
.
.
.
.
.
.
.
.
.
.
That's it for today guys, Kuchh naye characters ka introdution hue Hai, like - Myra, Meera, Sanya, Rohan. Characters ki introdution aisehi kahani chalte chalte hogi, aur naina ke pitaji bhi dikhe humko iss update mein.
Guys do like and share your thoughts on it. Milte Hain next update mein, tab tak support banae Rakhna.
Awesome stroy and writing
🔥 Read Next Hot Story →
Discover more exclusive stories
- 11,455
- 35,740
- 244
बहुत खूब लिख रहे होअब आर्यन को अपने अन्दर की ताकत का एहसास हो रहा है और शायद जल्द ही समझ पाए
Samar_Singh
Conspiracy Theorist
- 4,997
- 6,927
- 144
Great update
Narration acha hai, jo yahan bahut hi kam kahaniyon ka hota hai.
Bacche ka kamre me akele rona, Uss aurat ka alag kamre me udaseen bethe rehna. Phir uski chhati me utarta dudh aur parallel bacche ko bhukh lagna. Sab badhiya tha.
Ek aur Manhoos theme ki kahani, jahan hero ki family hi uski dushman ho jati hai. Mera favourite genre hai ye iss forum par. But iss theke ki stories koi complete nahi hui. I hope you will finish this story.
Ria aur Mishika abhi apne bhai ki hakikat se anjan hai ki kyu use sab manhoos keh rahe hai. Aur ye dadi unke dilo me bhi hero ke liye nafrat bharna chahti hai. Mishika ka pata nahi, lekin shayad Ria ko manipulate karne me dadi safal rahegi, kyoki woh bahut chhoti hai.
Great story nice update.
Samar_Singh
Conspiracy Theorist
- 4,997
- 6,927
- 144
Nice updateUpdate 3
Previous...
Mishka: “Nahi, school jaungi!”
Jyoti (muskurate hue): “Good girl. Chalo, fresh ho jao.”
Jyoti ne Mishka ke sirr ko sehlaya, par Mishka ka dhyan Jyoti ke haath par gaya. Uske dahine haath par ek safed bandage bandha hua tha.
Mishka : “Mumma, aapke haath par bandage kyun hai?”
Jyoti ke chehre par ek pal ke liye ghabrahat dikhayi di. Usne jaldi se haath chhupaya.
Jyoti : “Y-yeh... kuchh nahi! Ab baatein chhodo aur fresh ho chalo, School ka time ho raha hai.”
Continue...
Jyoti ke kadam apne aap uske ghar ke andhere corridor mein dheeme-dheeme badh rahe the. Uske dil ki dhadkan itni tezi se chal rahi thi ki usse lag raha tha jaise woh kisi bhi pal bahar nikal jayegi. Usne apne dono betiyon, Ria aur Mishka, ko school chhodkar ghar wapas aayi thi. Lekin aaj uska mann bechain tha, uski saansein bhari, aur uske haathon mein ek ajib si kampan thi.
Jyoti apne kamre ki taraf ja rahi thi, par uska dil uss bacche ke kamre ki taraf kheench raha tha. Usne idhar-udhar dekha, darwaza khula tha, ghar mein sannata tha, bas uske apne kadmon ki dheemi-dheemi aawaz thi. Ek baar fir usne charon taraf nazar ghumayi, double check kiya, koi nahi tha ghar pe.
Woh dheere se khidki ki taraf badhi. Khidki khuli thi, aur uske andar ka nazara dekhkar uska dil ekdum se ruk sa gaya. Waha, uska nanha sa beta, chain ki neend so raha tha. Uska munh itna masoom tha ki jaise usne duniya ki koi buraai dekhi hi na ho. Par Jyoti uske paas nahi jaa sakti. uske paas Anita baithi thi, apni aankhon se us bacche ko ek tak nihar rahi thi. Anita ka chehra shant tha, aur uski aankhon mein piyaar thi.
Jyoti ye sab dekhti rahi. Uske dil mein ek toofan utha. Waha Anita nahi Jyoti ko hona chahiye tha. Uski aankhein ekdum se nam ho gayi, aur aansuon ka sailab uske chehre par behne laga. Woh khidki ke paas khadi thi, apne aap ko sambhalte hue, par uska dil chikh raha tha.
"Waaaaaa! Waaaaaa!"
Achanak uska nanha beta ekdum se ro utha. Sayad usse ye ehsaas ho raha tha ki Jyoti aas paas hi hai. Uski cheekh itni teekhi thi ki jaise usne us ghar ke sannate ko cheer diya ho.
Anita ekdum se hadbada gayi. Usne jaldi se bacche ko god mein uthaya aur use chup karane lagi.
Anita : "Kya hua babu? Abhi toh chain se so rahe the! Kya hua?"
Tabhi Anita ko ek aahat mehsoos hui. Jaise koi uske peeche khidki par khada ho. Usne palatkar dekha, par wahan koi nahi tha. Bas sannata usse ghoor rahe the. Usne bacche ko fir se chup karane lagi.
Anita (dheeme se): "So jao babu, so jao. Main hoon na, kuch nahi hoga."
Par Jyoti ab wahan nahi thi. Jab bacche ki cheekh uske kaano mein padi, uske dil mein ek teer sa chubha. Uske aansuon ka sailab ruk nahi raha tha. Jab Anita ne palat kar dekha tha, Jyoti waha se bhag chuki thi. Apne muh ko pallu se dabaye, apne kamre ki taraf daudti hui chali gayi.
Kamre mein pahunchte hi woh bistar par gir padi. Uske haathon se pallu chhoot gaya, Woh ro rahi thi, bilak rahi thi, jaise uska saara wajood toot chuka ho.
Jyoti (rote hue): "Kis tarah ki maa hoon main? Main... main insaan hi nahi rahi! Koi aisa kaise kar sakta hai? Hey bhagwan... mujhe... mujhe meri galti ki saza do! Jarur do! Ho sake toh mujhe is duniya se utha lo! Fir bhi... fir bhi mera paap ka ghada kabhi pura nahi hoga!"
Uske aansuon se uska chehra bheeg chuka tha. Uske chehre ka rang sookh gaya tha, jaise uske shareer mein jaan hi na bachi ho. Woh aise ro rahi thi jaise uske paap ka bojh usse ek pal ke liye bhi chain na lene de.
Tabhi usko mishka ka woh sawaal yaad aaya. Mishka ne usse pucha tha, "Mummy, yeh haath pe bandage kyun hai?" Jyoti ne us waqt baat taal di thi, par ab uska wohi haath uske saamne tha. Usne us bandage ko dekha, aur kal ki woh raat uske zehen mein dobara jee uthi.
Kal jab Ria aur Mishka so chuke the, Jyoti apne pati Prakash aur saas Shanti ke saath chhat par gayi thi. Teenon ke kadam chhat ki seedhiyon par dheere-dheere badh rahe the, par unke pair kaanp rahe the, khaas kar Jyoti ke. Uska chehra safed pad chuka tha, uski aankhon mein dar tha, ek ajeeb si bechaini thi.
Jyoti (darte hue): "Kya yeh sab karna zaroori hai?"
Prakash (sakhti se): "Bilkul zaroori hai!"
Shanti : "Bahu, ab chup raho. Baaton mein waqt barbaad mat karo. Dekh, hum chhat par pahunch gaye."
Chhat par ka mahaul maut ke sannate jaisa tha. Charon taraf andhera chhaya hua tha, dur-dur tak koi roshni nahi. Bas Shanti ke haath mein ek mombatti ki lau thi, jo dheemi-dheemi jhul rahi thi. Aasman mein na chand dikh raha tha, na taare. Hawa jaise ruk si gayi thi. Aur sabse ajeeb baat? Chhat ke charon taraf kauwe baithe the. Raat ke is samay kauwe? Koi aawaz nahi, bas woh apni kaali aankhon se ghoor rahe the, jaise koi bhayanak ghatna dekhne ke liye jama hote hain. Teenon ne apna thook gatka. Mahaul aisa tha ki dil dhadakne laga.
Shanti (kaampte hue): "Prakash... chhuri nikal."
Prakash : "Yeh... yeh lo..."
Shanti : "Budbak, mujhe kyun de raha hai? Tu... tu kar!"
Prakash (hadbadate hue): "M-main?"
Shanti : "Aur kaun? Jaldi kar!"
Prakash (Jyoti ki taraf mudkar): "Jyoti, apna haath aage karo."
Jyoti (dar se kaanpte hue): "H-haan...?"
Shanti (sakhti se): "Bahu, nakhre mat kar! Aadhi raat ho chuki hai!"
Jyoti : "Par... main... main yeh sab nahi chahti. Mujhse aur paap mat karwao... main tum logo ke pair padti hoon!"
Shanti (dhamkate hue): "Ssssh! Chup kar, warna... warna teri betiyon ko bhi America bhej doongi!"
Jyoti (darte hue): "Nahi! Aisa mat karo... hey bhagwan!"
Raat ke is andhere mein, teenon ki fufusati awaazein hi thi jo goonj rahi thi. Charon taraf sannata, aur woh kauwe jo chupchap ghoor rahe the. Jyoti ne roka, toka, mana kiya, par apni betiyon ke khatre ki baat sunte hi usne kaanpte hue apna haath aage kiya. Prakash ne chhuri nikali. Chand ki halki si roshni mein chhuri chamak uthi, aur uski chamak dekhkar Jyoti ke shareer mein ek siharan daud gayi. Woh jaanti thi kya hone wala hai. Prakash ne uska haath pakda, hatheli ghumayi.
Prakash (sakht awaaz mein): "Chillana mat. Bas thodi si takleef hogi."
Aur fir, ek tez chhuri se Prakash ne Jyoti ki hatheli par ek gehra cut laga diya.
Jyoti (cheekhte hue): "AAAAHHHHHHHH!"
Uski cheekh ne sannate ko cheer diya. Yeh wahi cheekh thi jo neeche Ria aur Mishka ne suni thi. Khoon uski hatheli se tapak raha tha, chhat par gir raha tha, aur uska dard usse andar tak jala raha tha.
Shanti : "Chup! Chup kar, bahu! Neeche sab jag jayenge!"
Jyoti ke haath se khoon lagatar beh raha tha. Usne apni aankhein band kar li, dard ko sehne ki koshish karti hui. Shanti ne apne haath ki mombatti Jyoti ke khoon ke upar rakh diya aur kuch mantra jaisa bolne lagi. Prakash ne bhi aankhein band kar li. Jaise hi Shanti ka bolna khatam hua, ek ajeeb si garmi mahaul mein fail gayi. Kauwe achanak udne lage, aur charon taraf ek ajeeb si boo chha gayi.
Shanti (gabhraate hue): "Prakash? Kuch hua kyun nahi?"
Prakash (hairani se): "Humne toh sab theek kiya!"
Jyoti (dar se kaanpte hue): "Udhar... udhar dekho!"
Jyoti ne chhat ke doosre kone ki taraf ishara kiya. Shanti aur Prakash ne us taraf dekha, aur unki saansein ruk gayin. Wahan, andhere mein, teen saaye khade the. Chand ab pura dikh raha tha, aur woh kauwe ud rahe the, par chupchap. Jaise dar unhe bhi lag raha tha, Woh teen saaye seedhe unki taraf dekh rahe the. Ye deekh Shanti ne thook gatka dar se.
Shanti (kaampte hue): "E-Elders!"
Jyoti ka dil itna tezi se dhadak raha tha ki usse laga woh abhi behosh ho jayegi. Khoon ke behne se usmein kamzori aa rahi thi, uski aankhein adhi band ho chuki thi, par woh khadi rahi. Palak jhapakte hi woh teen saaye unke saamne aa gaye. Unka chahera dikhai nahi de raha tha teenon ne ajeeb sa pehnawa tha, Shanti dar ke maare char kadam peeche hati.
Shanti (darte hue): "E-Elders!"
Elders (gehri, bhayanak awaaz mein): "Humein yahan kyun bulaya gaya, Shanti?"
Shanti (hadbadate hue): "Hum... main... woh..."
Shanti itna ghabra gayi thi ki woh bhool gayi thi ki usne kyun bulaya tha.
Prakash : "Maa?"
Shanti : "Haan! Haan! Woh... uss manhoos ka ab kya karna hai, Elders? Kya... kya hum usse abhi hi...?"
Jyoti (cheekhte hue): "Nahi! Abhi kyun? Woh toh abhi sirf...!"
Shanti (gusse se): "Bahu, samjha kar! Yeh sab hamari bhalai ke liye hai..."
Shanti ki baat poori nahi hui ki Elders ne uski baat kaat di.
Elders (sakht awaaz mein): "12 saal baad."
Shanti (hairani se): "12 saal baad?"
Elders: "Haan. Ussi janam tithi par."
Shanti (darte hue): "T-Theek hai!"
Jyoti yeh sab sun rahi thi. Woh jaanti thi yeh baatein kiske baare mein ho rahi thi. Uska sarr chakkar kha raha tha, woh girne wali thi, par apne aap ko sambhale hue khadi thi abhi tak.
Elders: "Aur kuch?"
Shanti : "Haan! Agar aap yahan hain toh... uska ek naam bhi rakh dijiye."
Prakash: "Haan!"
Elders: "Theek hai. Uska naam hoga M.......!"
Elders ne abhi naam ka pehla akshar hi bola tha ki Jyoti ne cheekhkar baat kaat di.
Jyoti (zor se): "Nahi!"
Shanti (gusse se): "Bahu, tu kya kar rahi hai? Maafi maang, jaldi!"
Jyoti (sakht awaaz mein): "Nahi! Mere bete ka naam main rakhungi!"
Prakash (gusse se): "Tu kya kar rahi hai? Elders ki baat kaat rahi hai? Maafi maang, abhi!"
Elders (shant par bhayanak awaaz mein): "Prakash!"
Prakash (darte hue): "J-Ji?"
Elders: "Jyoti maa hai. Uska itna haq hai ki woh naam rakh sake."
Prakash (dheeme se): "J-Ji, Elders."
Elders: "Rakho, jo naam rakhna chahti ho."
Jyoti ka sarr chakkar kha raha tha. Kamzori usse le rahi thi. Uski aankhon ki roshni kam ho rahi thi, saansein bhari ho rahi thi. Tabhi, uske shareer mein ek ajeeb si thandak daud gayi, jaise koi uske andar thodi se Shakti dedi thodi der ke liye. Bas woh itna bol paye -
Jyoti : "Mere bete ka naam hoga... aryan!"
Itna kehte hi, Jyoti ki aankhein band ho gayi. Uska shareer dheela pad gaya, aur woh zameen par gir padi.
Elders : "Theek hai. Yahi naam hoga uss bacche ka."
Shanti : "J-Ji!"
Elders (sakht awaaz mein): "12 saal hone tak humein mat bulana, Shanti."
Shanti (dheeme se): "J-Ji, Elders."
Palak jhapakte hi woh teen elders ki saaye gayab ho gaye. Prakash ne jaldi se Jyoti ko uthaya aur neeche le jakar litaya.
______.
Jyoti apne bistar par leti hui thi, uski aankhein aansuon se bheegi hui thi. Kal ki woh bhayanak raat uske zehen mein goonj rahi thi. Woh janti thi 12 Saal Baad Kya hone wala tha tabhi -
Aryan?
Aryan!
Mera baccha Aryan!
ARYANNN!!!"
Woh bistar se uchal padi, uski saansein bhari thi, uska chehra safed pad chuka tha. Usne apne charon taraf dekha, par andhera hi andhera tha.
Jyoti (rote hue): "Mera beta kahan hai? ARYAN? ARYANNN!!!"
Tabhi kamre ka darwaza khula, aur Anita daudti hui andar aayi.
Anita (gabhraate hue): "Bahurani! Kya hua? Aap aise kyun cheekh rahi hain?"
Jyoti (hafte hue): "Anita di? Tum yahan kyun? Aryan ko chhodkar kyun aayi? Woh dar jayega! Uske paas jao, usse sula do! Nahi... main... main chalti hoon. Ghar mein koi nahi hai, mein abhi ja sakti hu huske paas!"
Jyoti ki awaaz mein bechaini thi. Woh uthne lagi, Anita ne usse dekha, aur uski aankhein aansuon se bhar aayi. Usne apna pallu se muh chhupa liya.
Anita (mann mein) : "hey Bhagwan..."!
Jyoti (hairani se): "Tum ro kyun rahi ho?"
Anita chup rahi woh kiya kahe usse samajh nahi aa rahi thi, bas roti rahi. Ye dekh Jyoti ka dil aur bechain hua.
Jyoti (zor se): "Kya hua? Tum ro kyun rahi ho? Chalo, ghar mein koi nahi hai, main Aryan ke paas ja sakti hoon. Usse godi mein utha sakti hoon!"
Anita ab aur nahi ruk saki. Use ab Sach batana hi hoga. Usne Jyoti ki taraf dekha, uski aankhein aansuon se bhar gayi.
Anita (rote hue): "Aapne fir se wahi sapna dekha, bahurani!"
Jyoti (hairani se): "Sapna? Kaunsa sapna?"
Anita (rote huye) : "Haan! Aapne fir se wahi sapna dekha! Babu... babu ko mare hue 8 saal ho chuke hain, bahurani! Woh ab is duniya mein nahi hai!"
.
.
.
.
Aaj ke liye itna hi.
Aryan ki maut ko 8 saal ho chuke hai, we know it's not true. Hero marr gaya to kahani hi khatam. 12 saal me use marne wale the. Mtlb abhi woh 20 saal ka hoga. Kahani past present me travel kar rahi hai. Good writing choice.
- 11,455
- 35,740
- 244
- 2,029
- 5,936
- 144
🔥 Read Next Hot Story →
Discover more exclusive stories
- 2,029
- 5,936
- 144