Incest Baadshah ~ The Tales of Debauchery

[Werewolf]

Index​

Full Status and Cards​

Artworks​

Full Characters Guide​

Arcs​

Latest Update - Update 202 ​

 

[spritemathews]

Waiting for the new update

 

[Alok]

Waiting

 

[Black]

Waiting

 

[Gmlove]

Waiting bhai

 

[sexkapujari]

Update - 144 ~ The News​

Ab tak...

[Don't fight her! You don't have an arm. Bullet tumne nikaal li hai lekin wound heal nahi hua hai. You need rest.]

Majbooran Crimson ko Grace Martin ko taak rahe snipers hataane hi pade.

Accha hua jo woh nahi bhida uss samay Ava se-

Kyuki woh nahi jaanta tha ki Ava ki kya rakhi hui thi.

Uske paas jo card tha woh tha-

*Ding*



Ab aage...

Sonia’s House, Mumbai
Night ~ 10 : 12 PM

Apne bhavya aalishan bangle ke bade se kamre me Sonia apni night dress me bed par laiti ek magazine padh rahi thi.




Side table par hi ek kaanch ka glass tha jisme thodi si red wine maujood thi.

*Knock* *Knock*

Uske darwaze par tabhi khat-khatahat hui.

“Come in!” Aur Sonia ne andar se hi nirdesh diya.

Darwaza khulte hi ek ladki kamre ke andar pravesh ki.

Sonia : Suchi! Aao! I was waiting for you! Sorry to call you at this hour.

Suchi : No! It’s fine Miss!

Ladki ka naam Suchi tha. Woh ek navy blue color ka business outfit pehni hui thi. Haami bharte hue woh fir aage aayi.

Kamre me bas halki-halki roshni ho rakhi thi. Night lamps aur fragrant candles se hi room raushan tha.

Sonia : Any news?

Suchi (nods) : Yes Miss! Miss Suhana, Miss Kaera, Miss Ava, sabhi ke baare me news hai. Which one would you like to hear first?

Sonia : Let’s start with ‘dii’ first.

Suchi (nods) : Yes! Woh Las Vegas se Paris gayi hui hai.

Sonia (frowns) : Dii Paris gayi hai? Woh bhi iss haalat me? Mene unhe kaha tha ki jald se jald ghar lautna. Ab samajh aaya kyu woh mujhe promise nahi de rahi thi. Paris achanak kyu jaana hua?

Suchi : I’m sorry Miss! Abhi ye nahi pata chala hai ki woh Paris kyu gayi hai. Bohut jaldi me gayi hai. Kuch baat hai shayad. Lekin, hum jald hi pata laga lenge ki woh kyu waha gayi hai. Aur mere hisaab se mujhe anumaan hai iska. Mein aage apni baat me rakhti hu.

Sonia (frowns) : I see! Kya unke saath Prakash Uncle bhi hai?

Suchi (nods) : Yes Miss! Aur ek lady bhi hai. Filhaal, uss lady ke baare me koi info nahi hai. Magar, pata lag jayega jald hi.

Sonia : Hmm! Agar Prakash Uncle unke saath hai toh mujhe chinta karne ki zaroorat nahi. She’ll be fine! What about Kaera?

Suchi : Nexacom Industries Limited abhi kuch pareshaniyo se joojh rahi hai.

Sonia : Hmm?

Nexacom Industries Limited. Ye woh company thi jiska poore India me dabdaba toh tha hi saath hi videsho me bhi apni chhaap chhori hui thi. Dusre shabdo me, Kishore yaani ki Kaera ke pita ki company.

​

India ki sabse jaani-maani ek multinational conglomerate. Business itna vividh tha ki anya kayi business sectors isme shaamil the.

Energy, Telecommunications, Mass-media, Infrastructure, Textiles, Information Technology services, Goods supplies se leke na jaane kaha kaha haath daale hui thi Nexacom.

Sponsorships aur partnerships me hi itna aage rehti thi Nexacom ki aaye din akhbaaro me charcha ka vishay bani rehti thi.

Aur iss safalta ke peeche ka raaz kya tha?

Kaera!




Jisne apni buddhimatta aur soojh-boojh se company ki kaaya palat di thi. Kishore ne apne pita ki madad se ye empire khada zaroor kiya tha magar Kaera thi jo company ke profit percentage ko alag starr pe leke jaati thi.

Kintu, abhi yahi company kuch samasyao se joojh rahi thi. Kishore apni company ka Chairman aur Managing director toh tha hi magar uski anupasthiti me Kaera bhi ek Chairman aur MD ka role hi adaa karti thi. Company ki dusri owner wahi thi.

Toh kya haal hoga aisi company ka agar Kaera, company ke mehatvpoorn nirnay lene waali leader apne kaam se chutti lele?

Sonia : Nexacom problem me hai? Aisa kya hua?

Suchi : Miss Kaera kaafi dino se kahi gayab hai. Na hi unki koi news aa rahi hai aur na hi kahi par woh spot hui hai. Recent ki sabhi important deals aur meetings me Nexacom ki taraf se koi aur hi aaya hai attend karne.

Sonia (frowns) : Ye nahi ho sakta. Kaera business ko leke ekdum serious rehti hai. Woh kabhi aisa kar hi nahi sakti. Unless…

Suchi : ??

Sonia : Something must have happened. Kaha par hai woh?

Suchi : Mere hisaab se woh apne ghar par hi hai. Ya ho sakta hai woh kahi gayi ho. Woh kahi bhi spot nahi hui hai toh pehle case ki probability zyada hai.

Sonia : I see!

Kaera ki hi tarah Sonia bhi apni company me wahi role adaa karti thi. India ki jaani-maani automobiles companies me se ek Elite motors uske pita Shailendra ki bohut badi companies me se ek thi.

​

Sonia ke sang Suhana bhi kabhi kabhi uski madad karwaya karti thi. Parantu, Suhana kisi ek company par kendrit nahi rehti thi. Woh Elite motors me bhi yogdaan deti, toh kabhi apni khud ki companies aur partnerships par dhyaan deti.

Aur itna hi nahi, uske pati Gaurav ki IT based company ke chakkar bhi woh laga leti thi kabhi kabhi. Kul mila ke usse kayi jagah se profits hote the. Aneko businesses me woh bhaag li hui thi. Jiske chalte uska bade-bade prasiddh logo se connection bhi utna hi mazboot tha.

Elite motors sampoorn automobiles services se leke luxury cars services, unki manufacturing, accesories aur apne khud ke product bhi designs karti thi.

Isme koi sandeh ki baat hi nahi thi ki Kaera ke baad agar India me influential logo ki soochi taiyaar hoti toh usme Sonia ka naam zaroor shaamil hota. Aur jis hisaab se woh tarakki ki orr company ko badha rahi thi shayad Kaera ke theek neeche hi uska naam hota.

Sonia ne Suchi ki batayi gayi jankari ko dimaag me rakha aur aage puchi,

Sonia : And what about Ava?

Suchi : Ye news ho sakta hai aapko shocking lage Miss.

Sonia : Shocking? Kyu?

Suchi : Miss Ava bhi Paris gayi hui thi recently apne new song ke video shoot ke liye.

Sonia : Isme shocking kya Suchi?

Suchi : She…! She was kidnapped.

Khabar sunte hi bistar par laiti Sonia achanak hi uth ke baith gayi.

Sonia (gasps) : What???

Suchi (nods) : Jii!

Suchi aage badhte hue aayi aur usne apne haatho me pakda hua tablet Sonia ko thamaya.

Suchi : She was kidnapped. Par ab woh safe hai. Pehle criminal ki picture France ke news channel par broadcast hui thi. Lekin pata nahi kyu abhi kuch hi ghante pehle unhone saari criminal ki pictures ko news channel aur YouTube channels se bhi hata diya hai. Pata nahi kyu?

Sonia : That’s-!!! Ava theek toh hai na? Kaha hai woh?

Suchi : Woh safe hai Miss! DGSI France ki agency hai internal security ke liye. Unhone Miss Ava ko safely rescue kar liya hai.

Sonia (sighs) : Thank god!

Suchi : Aur jaisa ki mene pehle kaha tha ki mera ek anumaan hai kyu Miss Suhana Paris gayi hai. Woh yahi hai ki shayad Miss Suhana Miss Ava ke baare me hi jankari lene gayi hai.

Sonia : Ah! Right! Aisa ho sakta hai. But still-

Suchi : Rahi baat ki kyu France ne Criminal ki pictures ko hataya? Toh uske baare me bhi mein jald hi pata lagwa lungi Miss.

Sonia : Hmm! Mujhe dii se baat karni hogi.

Suchi : And that is all, Miss.

Sonia (nods) : Mmm! Thank you Suchi!

Suchi : It’s my job Miss!

Sonia : Aur chinta mat karo. Tumhari baat mujhe yaad hai. Tumhare baare me kisi ko kuch pata nahi chalega jab tak tum nahi chahogi.

Suchi : Thank you Miss!

Sonia (smiles) : I know how to treat my employees. You can leave now.

Suchi (nods) : Mmm!

Aur Suchi jis tarah shaanti se kamre me aayi thi, ussi tarah baahar ko nikal gayi.

Suchi! Na sirf ek honhaar ladki thi balki apne kaarya ke prati nishtha-vaan bhi thi aur samarpit bhi.

Sonia bhale hi Kaera se hamesha peeche rahi ho. Kintu, woh bodi nahi thi. Bewakoof nahi thi. Jaanti thi ki uski badi behan Suhana Prakash Uncle ke saath milke kayi baatein uss se chhipaaye hue hai.

Aur isliye, usne Suchi ko hire kiya hua tha. Secretary ka kaam toh Prakash Uncle hi karte the.

Parantu, logo aur unke vyavsaay ke baare me khufiya jankari ikhatta karna, iss kaam ke liye Sonia ne Suchi ko zimmedari di hui thi.

Aur woh apna kaam bohut acche dhang se kar rahi thi.

Suchi ko yu hi nahi apna personal information seeker banaya hua tha Sonia ne. Suchi ki ek khaas baat thi.

Aur woh ye thi ki woh-

Ruchika ki badi behan thi.

Wahi Ruchika, jo Kaera ki personal secretary hai.

Jaan-boojh ke Sonia ne Suchi ka chayan kiya. Par ye bhi ek kismat ka khel tha.

Kyuki, Suchi kayi saal pehle hi apne ghar se bhaag chuki thi. Uski apni ek kahani thi. Uski apni ek zubaani thi.

Kuch kaaran the jinke chalte woh limelight me nahi aana chaah rahi thi abhi. Aur yahi vachan Sonia ne usse diya hua tha.

Jab tak Suchi khud nahi chaahegi tab tak uski jankaari uske parivaar waalo aur samaaj ko nahi di jayegi.

Idhar Suchi ke jaate hi Sonia apni kisi soch me ghum ho gayi.

'Tumse bhi kitne samay se mulaqat nahi hui….! Veer!'

***

Paris,
Night ~ 9 : 18 PM

Suchi ne jo khabar Sonia ko di thi woh ekdum pukhta thi. Jhoothi nahi.

Usne theek bataya tha ki criminal ki photos news channel me pehle broadcast ki gayi thi. Parantu, ab?

Ab unhe hata diya gaya tha. Matlab Veer ki photos ko ab news me nahi dikhaya jaa raha tha.

Bas khabaro ka silsila hi jaari tha.

Kyu?

Kyuki, Las Vegas ke Investigation Department ne apni report darj kar di thi.

Dhanyavaad ho Divya, Mike aur Nolan ka jinhone ye maang rakhi.

Investigation Department ki report me saaf-saaf batla diya gaya tha ki Veer koi criminal nahi balki House of the Killers ko pakdaane waale sehkaariyo me se ek hai.

Uski aham bhumika ke chalte hi Vegas me HOK ko thikaane lagaya gaya tha.

Ye report milte hi DGSI ko ek bohut bada jhatka laga tha.

Las Vegas ne HOK ki report pehle bhej ke France ke upar ek ehsaan kiya tha. Badle me ye swabhaavik tha ki France bhi zaroorat ke samay Las Vegas ke kaam aaye.

France kabhi nahi chaahega ki Vegas se uski koi berr rahe.

Aur isliye, Investigation department ne apni maang rakhi. Ya yu kahe ki Divya, Nolan aur Mike ne apni maang rakhi ki Veer ki photos saari news media se hata di jaaye.

Jab tak Veer ke khilaaf 100% saboot na ho tab tak usse mujrim kaise thehraya jaa sakta hai? Kaise uske upar itne bade aarop lagaye jaa sakte hai?

DGSI ne baat ko samajh fauran hi saari tasveero ko hata diya. Veer ke upar laga ek laanchan abhi kam se kam dhundhla ho gaya tha. Mita nahi tha. Par abhi ke liye dhundhla hi sahi.

Magar, ye jhatka toh kuch bhi nahi tha. Asli jhatka toh unhe tab laga jab Terashima hosh me aayi.

DGSI ke Head, Xavier hospital ke ek normal ward me Terashima ke saamne khade hue the.

Xavier : Kya kaha tumne?

Terashima : H-He…! He saved me!

Terashima ki kahi gayi baat jaise kisi bomb ki tarah aake unke upar fati.

Unki dimaag ki taare hi short-circuit ho chuki thi.

Bhala mujrim kyu apne peeche lage vyaktiyo ki jaan bachayega?

Parantu, Terashima ki zubaani toh kuch aur hi bayaa kar rahi thi. Usse hosh me aaye abhi kuch ghante hi beete the aur uss se sawaal jawaab karne ke liye Xavier aur anya uske saamne the.

Chris aur Eric bhi ek-ek ward me bharti the.

Xavier : Uss ladke ne tumhari jaan bachaayi? Tum jaanti ho na ye kitna bada case hai? Mazaak ka waqt nahi hai ye. Nurse? Kahi sarr pe zyada chot aa gayi hai kya iske?

Nurse : Huh?

Terashima : I'm telling the truth!!!!

Jab usne thodi tezz awaaz me bola toh ward me ek khamoshi chhaa gayi. Sabhi ka dhyaan punah Terashima par chala gaya.

Uski palke jhuki hui thi, jaise maano woh uss pal ko yaad kar rahi ho.

*Bang*

Woh goli ki goonj uske kaano me fel gayi, jo usne apne haatho se chalaayi thi uss shaks pe.

Veer pe…!

Sab kuch tasveer bann-bann ke uske dimaag me aata jaa raha tha.

Terashima (nods) : I remember everything. Mujhe sab yaad hai.

Agle hi pal na jaane kyu par uski aankhein bheeg gayi.

Andre : T-Terashima?

Andre hairaan reh gaya. Terashima kabhi roti nahi thi. Agent bann'ne ke baad woh itna serious rehti thi ki uske emotions bohut hi kam jhalakte the. Par aaj-

Terashima : Mujhe yaad hai. Mein usse warning de rahi thi. Surrender karne ke liye. Uske baad tumse baat hui thi Andre. Tumne kaha tha ki shoot kar sakte hai.

Andre : H-Haan! Mujhe toh Sir se hi message aaya tha.

Terashima : Aur mein uspe aim hi ki hui thi. Lekin, mein jaha khadi thi. Waha woh stone walls me lage patthar…! Woh toot ke mere upar gir pade.

Andre : !!!?

Terashima : Aur tabhi woh ladka..! Mere upar kooda. Mujhe laga woh mujh par hamla karne aa raha hai isliye mene…! Usse shoot kar diya.

Xavier : Toh ye baat hai.

Terashima : Hmm! Lekin, woh mujhe bachaane ke liye aage badha tha. Aur uske baad, saare patthar uss bechaare ke upar girte chale gaye. Usne mujhe bachaya. A-Aur mene usse-

Andre : Asli khel toh usne hamare saath khela tha. Abhi tak uski body nahi mili hai. Case toh ulajhta hi jaa raha hai.

Terashima (uthate hue) : Uski body nahi mili? P-Par wo toh pattharo ke neeche tha na? K-Kya hua usse?

Andre : Wo waha se nikal aaya tha. Sir! Ab kya? Ye maamla toh aur pecheeda ho gaya hai.

Xavier : Mujhe ab bhi yakeen nahi ho raha.

Terashima (niraasha se) : Agar wo mujrim hai, to usne mujhe kyu bachaya Sir? Ye jaante hue ki mein ek agent hu aur usse pakadne ke liye aayi hu.

Andre : Terashima ki baat me dam hai Sir. Upar se Vegas ke department se jo report aayi hai usme woh ladka ek normal citizen hai jisne HOK ko pakdawaya hai.

Terashima : That's-!!! Woh mujhse keh bhi raha tha ki hume koi galat-fehmi hui hai.

Andre : Mujhe kehna toh nahi chahiye Sir. Par sh-shayad-!!! Humse bohut badi galti ho gayi hai iss baar.

Terashima : Agar woh ladka innocent nikla toh hum kabhi bhi iss paap se khud ko mukt nahi kar payenge Sir.

Xavier ke chehre par agle hi pal paseena jhalakne laga.

Xavier : Accha hua jo samay pe woh photos hatwa di mene.

Andre : Sir, woh bench par jab baitha tha tab Crimson kar ke kuch keh raha tha. Ye shabd yaad hai mujhe.

Xavier : Crimson?

Terashima : K-Kahi woh caller hi toh nahi? Jisne hume info di? Kahi aisa toh nahi ki hum uski chaal me fass gaye? Kahi wahi toh ye aadmi nahi? Crimson shabd uss se hi related toh nahi?

Terashima ki baatein sunn dono hi shaant reh gaye. Agar aisa hota hai toh kya muh dikhayenge woh Vegas ke Investigation Department ko?

Aur agar uss ladke ke desh ki sarkaar ko ye baat pata lag gayi. Toh kya jawaab denge unhe?

Xavier : Andre!! Terashima ko araam karne do! Mere saath baahar aao.

Andre : Yes Sir!!!

Terashima ko yu hi uske ward me araam karne ke liye chhor woh dono hi baahar chale gaye.

Aur idhar bechari Terashima ek baar fir apne khyalato me doob gayi. Uss se pehli baar itni badi galti kaise ho gayi? Kaise woh ek nirdosh ko pehchaan na paayi?




Harr koi iss samay Veer ke baare me sochne me laga hua tha. Fir chaahe uske chaahne waale ho, uske shubh-chintak, usse galat samajhne waale ya fir uske dushman.

***

Yaha ye sawaal-jawaab chal rahe the toh wahi issi sheher me koi aur bhi tha jo yahi sawaal-jawaab karne kisi aur ke paas aaya hua tha. Bas, tareeqa thoda alag tha.

*BAMMM*

Table par zorr se haatho ko patakne ki awaaz aayi aur ek aurat behad gusse me apni kursi se khadi ho gayi.

Suhana! Uski aankhein gusse me laal aur aasuo se namm thi.




Suhana : Mein tumse kuch puch rahi hu!! Jawaab do!!!

Aur uske saamne thi,

Ava!!

Ava ne apni nazre churaate hue chehra ferr liya. Aankhein toh uski bhi bheegi hui thi.




Ava : Mein apna jawaab rakh chuki hu Suhana!

Suhana : Woh mere sawaal ka jawaab nahi. Seedhe-seedhe batao mujhe kaha hai woh? Aur ye news…! Ye sab kya chal raha hai? Kyu tumne usse yaha bulaaya? I WANT TO KNOW EVERYTHING!!!!




Ava : I-I…! I called him for protection.

Suhana (screams) : Ye jaante hue bhi ki Divya abhi busy hai? Kis haq se tumne usse akele yaha bulaaya? Tumhe koi khabar bhi hai ki uske ghar par kya haalat ho rahi hogi uske parivar ki? They fucking don't know anything!!!

Chillaate hue Suhana ne table par rakhe saare kaanch ke glass bikher ke neeche gira diye.

Ava : I..!

Suhana : Uski choti behan ka call aaya tha mere paas. Kya jawaab du usse mein? Woh puch rahi hai mujhse ki bhaiya kaha hai!! Kya bolu uss se mein? FUCKING TELL ME!!!

Jab Ava ko ye pata chala ki Veer ka parivaar uski raah dekh raha hai, toh jaise glaani ka bada sa patthar uske upar aake gir pada.

Ab jaake usse bodh hua.

Woh akeli thi. Par uski tarah sansaar me harr koi akela nahi tha. Unke paas unka parivaar tha. Ava bechari dedh saal se akeli thi.

Jaise woh ye baat bhul hi gayi thi ki Veer koi awaara ladka nahi, balki kisi ke parivaar ki jaan hai. Kisi ki amaanat hai. Kisi ka sahaara hai. Kisi ka saathi toh kisi ka pyaar.

Bodh hote hi uski aankho se apne aap hi aansu panapne lage.




Suhana (growls) : TELL ME!! WHERE… IS… HE… NOW!!!!

Ava : M-Mujhe nahi pata! I don't know anything!

Usne ek baar fir muh ferr liya. Woh kaise sachhaayi bata sakti thi? Chaah ke bhi muh se kuch ugal nahi sakti thi.

Ava : Mujhe nahi pata kuch. Mujhe theek se kuch yaad nahi. Waha kya ho raha tha mein nahi jaanti. I-I don't know-

Suhana : Toh kaha gaya woh??? Kyu ye DGSI waale gaandu uske peeche pade the? Kyu uski tasveer b-baar baar…! Baar baar-

Aur wo ro padi.

Suhana (sobs) : *sniff* Kyu uski tasveer baar baar news pe aa rahi thi? *sniff* Bolo? K-Kyu??? Jawaab do? Kyu likh ke aa raha tha ki criminal has been executed. Kya matlab hua iska??

Ava : I-I don't know!!! I don't remember. Shayad unhe koi galat-fehmi ho gayi.

Usne abhi itna kaha hi tha ki Suhana ne agle hi shan uski dress ki collor ke hisse ko pakda aur zorr se jakad usse kheench liya,

Ava : !!!!

Suhana ki aankhein bhayanak hi buri tarah gusse me feli hui thi.

Suhana : Ye mein akhiri warning de rahi hu tumhe Miss Ava Grace Martin!!! Agar tumne ab mujhe kuch nahi bataya, toh mein bhul jaungi ki tum Sonu ki koi dost bhi thi.

Ava chaahti toh badi hi asaani se khud ko chhura leti. System ke aage Suhana ki ye pakad baccho ki pakad jaisi thi. Parantu, usne aisa kuch bhi nahi kiya. Woh Suhana ki giraft me hi bani rahi.

Ava : Mujhe nahi pata Suhana! M-Mein kisi kamre me thi. Bandhi hui thi. Baahar kya ho raha tha mein nahi jaanti.

Suhana ka iss baar maatha thanak utha. Woh jaanti thi ki Ava kuch na kuch zaroor jaanti hai. Magar bata nahi rahi. Woh agle hi pal itni zorr se garji ki baahar khadi Ashita aur Prakash Uncle tak ko uski awaaz sunaayi de gayi,

Suhana (screams) : AVA GRACE MARTIN!!! TUMHARI YE MAJAAL-! TUM SACH SACH BATAATI HO YA-

"MARR CHUKA HAI WOH!!!!"

Ava ke bol poore kamre me goonj gaye.

Achanak hi waha ek sannaata chha gaya!

Suhana kisi moorti ki tarah bann ke wahi jamm gayi.



Ava ke kapde par uski pakad bhi dheeli hoke chooth gayi. Uski aankhon ne jaise apna focus kho diya.

Woh jaise shoonya hoke reh gayi. Uska mastishk kaam karna hi band kar diya jaise kuch palo ke liye.

Aur iss baar Ava ki awaaz oonchi ho gayi. Rote hue woh chillaayi,

Ava (screams) : Marr chuka hai woh. HE'S DEAD!!! AND GONE!!!

Subakte hue woh bhi dobaara apni kursi par girte hue rone lagi.

Budbudaate hue abhi bhi uske hontho se ahista-ahista lafz baahar nikal rahe the.

Ava : H-He's gone-!!! Gone! No more with us-!!!

Suhana jo baar-baar ratt lagaaye hue thi jawaab jaan'ne ki, usse uska jawaab Ava ne de diya tha.

Kintu, Suhana ke liye ye jhatka jitna dikhaayi de raha tha uss se kahi zyada bada tha vaastav me. Ghaat aisi pohuchi thi usse andhruni starr par ki usse khud abhaas nahi tha iss baat ka.

Agle hi shan usse aisa laga jaise uske badan se poori urja kisi ne kheench li ho.

Woh ladkhadayi, aur kursi ke saath-saath hi woh khud bhi zameen par girke behosh gayi.

"Suhaaanaaa!!!!"

Ava ki akhiri awaaz thi jo usne behoshi me jaane se pehle suni. Uske baad andhkaar sa chhaa gaya.

***

Bhedo ke jhund ko jab charwaane ke liye unhe kheto me le jaaya jaata hai, toh unke saath unka ek gadariya hota hai.

Unki rehnumaayi ke liye. Unke netratva ke liye. Jo harr samay unki dekh-rekh aur parvaah karta hai.

Par agar wahi gadariya achanak khud kahi gaayab ho jaaye ya kho jaaye toh?

Toh, saari bhede titar-bitar ho jaati hai. Unki samajh nahi aata kya kare. Gadariye ke liye weh vyakul ho uthati hai. Bechain hoke machalne lagti hai.

Aur Veer ka parivaar iss waqt inhi bhed ke samaan ho chuka tha.

Lagbhag 3 hafte guzar chuke the Bhavna ki akhiri waqt baat hue Veer se.

Teen hafte! Maano ab mahina hi hone jaa raha tha kuch hi dino me.

Uske ghar me jo mahaul abhi bana hua tha woh dekha nahi jaa sakta tha.

Harr koi itna pareshaan aur vyaakul tha ki samajh nahi aa raha tha kya kare.

Kavya ka phone udhar Suhana ab utha nahi rahi thi.

Bhavna, Arohi, Tej aur Shweta toh Paris jaane ke liye tickets ka bandobast bhi karne lage the.

Par ek aur sansani fela dene waali khabar unke haath lagi.

Paris me sabhi flights ko rok diya gaya tha. International ki incoming flights sab band kar di gayi thi.

Unhe ye bhi pata chala ki ek bohut bada Terrorist attack hua tha Paris me.

Ye khabar paate hi jaise unki saansein atak gayi thi.

Jo nahi sochna chaahiye wahi khayaal mann me aa rahe the.

Kahi Veer ussi haadse me toh-!?

Par, sakaraatmak sochte hue aur bechain dil ko baar-baar tasalli dete hue unn sabhi ne khud ko sambhaala.

Kavya bechari jo sabse pehle khoob nidar hoke bina chinta ke Veer ke baare me sabko hidayat de rahi thi. Woh ab khud hi sabse zyada rone me lagi hui thi.

Veer ki orr se na hi koi khabar aa rahi thi aur na hi kahi aur se kuch pata chal raha tha.

Veer ke Dada ji waale ghar me bhi ye baat pata lag gayi. Manorath jo Veer ko dil se chaahte the woh fauran hi Bhavna ke nirnay se taiyaar ho gaye.

Aur nirnay ye tha ki-

Bhale hi woh Paris nahi jaa sakte toh kya? Par France ke koi aur sheher to jaa hi sakte the na?

Decide ho chuka tha ki woh Paris ki jagah Strasbourg jayenge. Aur waha se train se Paris ka raasta lagbhag 2 ghante ka hi tha. Toh Paris me jaa ke Veer ke baare me pata laga lenge.

Jaane waale logo me se ek swayam Bhavna thi. Uske sang Tej, Arohi aur Manorath khud.

Ek bade ki aavashyakta thi unhe jo unhe sambhaal sake. Bhavna khud bhi iss waqt dusro ko sambhaalne ki sthiti me nahi thi.

Shweta aane ki zidd karne lagi thi magar ghar par fir sabhi javaan ladkiya hi reh jaati.

Isliye usse ghar par rehne ke liye jaise-taise manaaya gaya.

Chaaro hi Veer ko dhundhne nikal chuke the. Aur Strasbourg pohuch bhi chuke the. Yaha tak ki unn logo ne Paris tak ka raasta bhi tay kar liya tha.

Par news me kahi bhi Veer ki tasveere nahi thi. Sab kuch hata diya gaya tha. Social media se leke YouTube athwa kisi bhi sites par kahi koi nishaan nahi tha uska.

Aur aaj ki issi raat, Ava ke wahi music video ke upload hone ki khushi me aalishaan hotel me ek choti si party rakhi gayi thi.

Staff team se leke sabhi log maujood the. Haadsa hue lagbhag 3 hafte guzar chuke the toh ye music video France ki saari janta aur Aga ke fans ke liye ek refreshment tha. Ek breather tha unke liye.

Yeh gaana logo ke liye aisa tha jaise maano kisi registaan me bhatke vyakti ko paani ka talaab mil gaya ho.

Kuch minutes hi hue the gaana post hue ki likes aur views ki barsaat shuru ho chuki thi.

Dinner ka aayojan bhi tha. Sabhi acche dhang se taiyaar khaane aur peene ka lutf utha rahe the.

Par kisi ki aankhein thi, jo ab bhi namm thi. Itni khushi, itni safalta ke bawajood, uss lady ko koi khushi mehsoos nahi ho rahi thi.

Woh Ava hi thi.

Ab jaake Veer ki saari baatein usse yaad aa rahi thi.

Kaise woh alleys me yu hi sirf uske liye jaane ke liye taiyaar ho gaya tha.

Usse khud ke aur uske hue vartalaap yaad aa rahe the,

'Tum…! Tum mere liye aaye. Tumhare hone se mujhe safe feel ho raha hai.'

'Well! Mene aapko kaha hua hai. Jab tak aapke peeche pade uss insaan ka pata nahi laga leta, tab tak aapko protect karunga.'

'Come na! Yaha malls mene explore nahi kiye. Kahi chalte hai?'

'Agar aap yahi chaahti hai toh-'

'That's nice!!! Kya hum waha chal sakte hai?'

'Don't worry! Mein personally jaunga unke saath. Unhe kuch nahi hoga.'

'Yes! I understand. It was my fault.'

'It's okay! As long as you're safe. Nothing else matters right now.'

'See??? Hahahaha! I won!!! Mene kaha tha na?'

'Yeah yeah! Dekha mene. You sure are lucky *smiles*'

'Like what you see?'

'M-Mein aata hu. *blushes* Wait for me!'

Harr ek baat usse yaad aa rahi thi. Veer ki chhavi uske dil-o-dimaag me mandra rahi thi.

Uski woh strong back jisse leke woh uske saamne chal raha tha. Bina ye jaane hue ki woh swayam hi uski maut me shaamil thi.

Ava ke gaalo se aansu beh beh ke girne lage.

Hotel ki 7th floor par khidki ke paas khadi woh bas auro se dur ro rahi thi.



Par usse nahi pata tha ki-

Ussi building ke bagal waali building ki terrace se andhere me khade usse koi ghoor raha tha.

Uske badan par ek safed shirt thi jo tezz hawaao me awaaz kar lehra rahi thi.

Unhi hawao me uske baal bhi bikhre hue the.

Aur uski befiqr nazre building ke andar maujood Ava par hi tiki hui thi.

Agle hi pal, Ava ki aankhein phati ki phati reh gayi. Uski saansein aur dhadkane tezz ho uthi. Seena zorr-zorr se upar neeche hone laga.

Kyuki uske mann me ek ghanti baji thi,

*Ding*




Ava ke poore badan me sihran daud gayi. Woh kisi chidiya ki tarah harr taraf gardan modte hue apne chaaro orr dekhne lagi.

'V-Veer!!!!?'

Agle hi pal uski nazre bagal se lagi building ke uss terrace par gayi.

Par, usne jo saamne dekha toh-

Siwae aasmaan me chamakte chaand ke alaawa waha koi nahi tha.

Terrace khaali thi.

'Veer!!!????'
.
.
.
.
.
.
.
.
.
Aaj ke liye itna hi guys.
Update consists of 4.7k words. Chuki, Crimson arc bas ab 5-6 updates me khatam hai toh yaha dekh sakte ho ki kaise business arc apni entry le raha hai. Baaki, likes thokne ka aur revos rakhne ka. Target is 150 for this one. Keep supporting!
Dhanyavaad!

Brilliant fantastic

 

[Silent_killer]

Update - 196 ~ The Fulfilled Promise​

Ab tak...

Ye Veer ki qismat thi, ya kuchh aur-

Jo woh raasta dhundhne me saksham tha. Lair se baahar woh kooda. Mission complete ho chuka tha.

Parantu, Pari ne use iski soochna nahi di. Kyunk, notification tha-

[Mission Failed.]

[Due to the host's partial completion of the mission, all the three penalties of the mission won't be applied.]

[Due to the failure of not killing the Disembowler, one penalty will be applied to the host.]

[Mission penalty : Loss of loved ones.]

Ab aage...

Raat ke 12:05 baj rahe the. Aatishbaziyo ne Mumbai ke aasmaan ko jagmaga kar rakha hua tha, naye saal ke aagman ka har aadmi ullaas mana raha tha. Hawa me khushiyaan chhayi thi, log jashn mana rahe the, galey mil rahe the, iss nav varsh ka swagat karne ke liye khushi se chillaa rahe the. Lekin, isi sheher me iss shor ke beech kahi par maatam chhaaya hua tha.

News channels me prasaaran jaari the — Hotel Prestige ko lekar ek gambheer report. Kuchh bhayanak hua tha. Visfot. Khoon-kharaba. Jaano ka lutna.

Isliye, sheher ke kuchh hisso me jashn ka mahaul feeka pad chuka tha.

"Hotel Prestige par jaanlewa humla!"

"Kayi logo ke maare jaane ki khabar!"

"Suraksha guards maare gaye! Adhikariyo ko lakshit humle ka sandeh!"

Bars aur luxury clubs me TV screen par tabahi ke drishya dikhayi de rahe the — toote hue sheeshein, palte hue furniture, stretchers par le jaaye jaa rahe shav. Ek electronics showroom ke baahar ek chhoti bheed jama ho gayi thi, unki nazar andar rakhe display TV par tiki hui thi.

"Aaj ke din batao kya ho gaya. Tch tch!" Ek aadmi ne badbadate hue kaha.

"Hotel Prestige toh achha hotel tha. Hum toh gaye hai. Badhiya tha. Pata nahi kaise ho gaya ye sab. Mujhe lagta hai humla karwaya gaya hai." Ek mahila ne haami bharte hue kaha.

"Mumbai me crime badhta jaa raha hai. Tch! Tyohaaron me bhi ab-" ek raahgeer ne waha se nikalte hue fusfusaya.

Lekin, har koi shok nahi mana raha tha. Mumbai ke elite varg ke gharo me, oonchi-oonchi imaarato me glass takra rahe the aur dheemi baat-cheet me chhipi hui khushi thi.

Iss beech, Mumbai ki sabse shandar 7 star hotel — Casa Belle me patrakaro aur reporters ki bheed umdi hui thi. Cameramen apna camera liye hotel ke maalik — Aadesh Jaisinghani ke bayaan ka intezar kar rahe the.

Woh baahar aaya. Sleek hairstyle me geele baalo ko poori tarah peechhe kiye, Armani ki dress pehne, aisa lag raha tha maano woh abhi-abhi koi jashn mana ke aaya ho.

Aur, jaise hi woh saamne aaya, reporters uss par toot pade.

Reporter #1 : Mister Aadesh, Hotel Prestige par hue humle par aapke vichaar?

Reporter #2 : Hospitality industry me ek leading figure hone ke naate, aap uss suraksha chook ke baare me kya kehna chaahenge jiske chalte ye haadsa hua?

Reporter #3 : Casa Belle aur Hotel Prestige ke madhya shuru se hi oonch-neech hoti aayi hai. Kya aapko lagta hai ki ye humla kisi business conflict se juda hai?

Media ko chahiye tha masala. Kahani. Khabrein. Jo unhe police se utni maatra me nahi mil paayi thi. Aur, isliye khud Aadesh ne hi ye khabar media ke beech felwayi ki woh iss vishay ko lekar raat me apne vichaar rakhega. Media yaha aayi nahi thi. Unhe chalaaki se yaha laaya gaya tha.

Usne dheere se, kaafi baar abhyaas ki hui ek aah chhori, uski bauhe thodi si sikud gayi. Usne ek napa-tula qadam aage badhaya, yeh sunishchit karte hue ki camera uski aankhon me gehri suhanubhuti ko qaid kar raha hai ya nahi.

Aadesh (lagbhag shok me) : Dekhiye! Sabse pehle, mein peedito, unke parivaro aur iss bhayanak ghatna se prabhavit sabhi logo ke prati sanvedna vyakt karta hu. Aaj nav varsh ke shuru hote hi- yeh humla... Ye humla sirf Hotel Prestige par nahi hai. Ye humla saari hospitality industry par hai. Jab kisi hotel ko iss tarah se nishana banaaya jaata hai, toh ye harr atithi ke uss bharose ki neev ko hila deta hai jo woh hum par rakhte hai.

Reporters uske shabdo par sirr hilaate hue budbudaaye. Woh bilkul sahi baatein keh raha tha.

Aadesh ne aage bolne se pehle ek dramatic effect ke liye kuchh der viraam liya.

Aadesh : Dekhe... Maine humesha... Maine humesha se hi Hotel Prestige ko sammaan diya hai. Haan, mein sweekar karta hu ki humare beech competition chalta rehta hai. Lekin, ye ek healthy competition hota hai. Aur, competition ka matlab dushmani nahi hai. Business me ye sab aam baat hoti hai. Haal hi me, humaare Unicard ki launch ke dauran humne Hotel Prestige ko bhi aamantrit kiya tha. Mister Veer Singh, Miss Bhumika Singh, dono hi parivar jann ke saath padhaare the yaha. Aur, humaare mann me ek-dusre ke liye paraspar sammaan ke alawa kuchh nahi.

Uske hontho par ek dhoort muskaan ubhri, lekin usne badi hi chalaaki se ek aah bharte hue use chhipa liya.

Reporter #4 : Toh aap ko iss baare me koi idea nahi ki humle ke peechhe kaun ho sakta hai?

Aadesh ne asahaay bhaav se apna sarr hilaaya.

Aadesh (dheere se) : Ji, mein bhi Mumbai ke baaki logo ki tarah hairaan hu. Aisa kisne kiya hoga? Unka kya maqsad ho sakta hai? Ye aise sawal hai jinka jawab sirf police hi de sakti hai. Lekin, mein itna zaroor kehna chahunga ki — iss sankat ki ghadi me Casa Belle Hotel Prestige ke saath hai. Agar, hum unki madad ke liye kuchh bhi kar sakte hai, toh hum zaroor karenge.

Casa Belle aur Hotel Prestige ka samarthan? Sawal hi paida nahi hota. Yeh toh bas uski chaal thi.

Andar hi andar woh toh balki iss aapda ka aanand le raha tha.

Yarnia — Veer ka bhavya naya clothing brand, din ki raushni dekhne se pehle hi malbe me tabdeel ho chuka tha. Hotel Prestige, wahi hotel jisne uski Casa Belle ke saath bhidne ki koshish ki thi, ab ek crime scene ka sthal bann chuki thi.

Aisa lag raha tha jaise brahmaand ne swayam uski jholi me ye uphaar de diya tha.

Camera ke saamne usne fir se apna murjhaya hua chehra prastut kiya aur bola-

Aadesh : Kumar! Ye sab humare mehman hai. Inki khatirdari me kami nahi rehni chahiye.

Kumar (nods) : Ji, Sir!

Kehte hue woh wahi murjhayi awastha liye andar chala gaya. Aur, idhar news me uske charche hone lage. Jo uske kapti-pann se parichit nahi the, woh use saccha insaan maanane lage.

Iss traasdi ke bawajood, Mumbai ne rukne se inkaar kar diya tha.

Vyast sadko par, kuchh log shok mana rahe the, lekin kayi log bas aage badh gaye — kyunki, yahi Mumbai ka tareeka tha.

Kisi aspatal ke pareeksha kaksh me ek yuvti dheere-dheere ro rahi thi. Uska bhai, jo Hotel Prestige me security guard tha, mehmano ki suraksha karte hue maara jaa chuka tha. Duniya aage badh gayi, par uske liye uski duniya wahi khatm ho chuki thi.

***

Isi beech ghani raat me Disembowler ki lair ke theek upar sthit shamsan ke paas hi Erica aur Renshu khade hue the.

Renshu : Yahi jagah hai na?

Erica : Haan, dad! Usne toh yahi batayi thi. Kya mein-?

Renshu (nods) : Hmm! Shuru karo!

Erica (nods) : Okay!

Woh jhuki. Usne apna ek haath neeche shamshaan ki bhoomi par rakha aur fir-

'Basic Seer Vision!'

*Ding*

Agle hi pal alag-alag drishya uske mastishq me ghoomne lage. Woh bechari apni bauhe zorr se sikodi, kayi baar uska badan kaanp utha, magar woh waha se uthi nahi.

Renshu agal-bagal apni nazrein ghumaaye hue tha. Woh sunishchit kar raha tha ki kahi koi unhe dekh na le.

Yaha se woh khaali haath nahi laut sakte the.

Kuchh der pehle...

Ek mand raushni waali jagah. Medical equipment ki awaaz.

Ava ka shareer ek andheri sunsaan gali me khadi ek shandar kaali SUV ke andar ek asthayi operating table par laita hua tha. Uski saansein ab niyantran me aa rahi thi. Chehre ka rang wapas aa raha tha.

Uske pait par lagi goli ke ghaav ko pehle hi saaf kiya jaa chuka tha aur surgical precision ke saath sil diya gaya tha.

Garofano uske bagal se khadi thi. Usne zehreeli bullet ko badi hi kushalta se Ava ke shareer se nikaal diya tha. Uske haath sthir the, aur dimag gadna karne me laga hua tha.

Wahi thi jo Ava ko apne kandho par utha ke leke aayi thi. Uske theek peechhe Renshu, Erica ke saath khada hua tha.

Erica ki nigaahein Ava ke achetan roop ka adhyayan kar rahi thi. Uske dad ne humesha hi use iss aurat se satark rehne ko kaha tha. Magar, akhir kaun thi Natalia Martin? Ek bemisal worldwide famous singer aur celebrity. Kya waqai woh Veer ko dhoka deke use maarna chaahti thi? Woh dhyaan se Ava ko ghoorti rahi.

Aur, phir-

Renshu ne chuppi todi.

Renshu : Use hosh me aane me kitna samay lagega?

Garofano ne bina peechhe mude apne khoon se sane dastaane haath se nikaale aur apne haath me pehni ghadi dekhi.

Garofano : Bullet nikaale abhi mushqil se 15 minute hi hue hai. Zeher ki potency aur blood loss ko dhyaan me rakhte hue, ise kam se kam abhi 4 se 5 ghante toh-

"Ngh-!"

Uske shabd adhoore reh gaye jab ek dard bhari karaah ne use beech me hi rok diya.

Ava ka shareer jhatka khaaya, uski ungliyaan neeche seat ke leather par kassne lagi aur fir ek tez gati se, woh bhaari saans lete hue uth baithi.

Garofano ki aankhein avishvas me chaudi ho gayi.

Namumkin!

Ava ka ghaav gehra tha, zeher ke chalte use toh abhi ghanto tak behosh rehna chahiye tha. Magar, fir bhi woh kuchh hi minto me jaag chuki thi!?

[This girl... She has some sort of healing skill.]

Freya ki awaaz Garofano ke mann me goonj gayi.

Erica : Ah? Itni jaldi hosh bhi aa gaya?

Woh halka sa cheekhte hue boli. Yaha tak ki humesha shaant rehne waale Renshu ne bhi aankhein sikod li.

Ava (yells) : V-Veer!

Woh chillaate hue uthne ke liye aage badhi, lekin Garofano ne uske kandho par haath rakh use neeche baitha diya.

Garofano : Calm down!

Ava : Veer-!

Garofano : Sniper marr chuka hai. I have dealt with him. Ab koi khatra nahi hai. Don't worry! Take it easy!

Garofano ne fir apni jeb se ek kaagaz nikaalte hue Renshu ki orr kiya. Renshu ne use thaamte hue khola aur jab use dekha toh uski bauhe chinta me sikud gayi.

Garofano : Ye uss Dexter ke paas se mila. Kisi syndicate alliance ka member tha woh shayad. Check karne par toh yahi nazar aaya.

Ye wahi kaagaz tha jo Dexter ke paas tha. Veer ke parivar jann ke naam aur unki tasveerein iss kaagaz me maujood thi.

Veer ke parivar ka zikr aate hi Ava ki chhaati zoro se upar-neeche hone lagi. Aankhon me chinta abhi bhi barkarar thi.

Ava : Veer... *huff* Veer ki family! Mujhe- *cough* *cough*

Garofano (sternly) : Tumhe shaant rehne ki zaroorat hai!

Usne Ava ko beech me tokte hue kaha. Awaaz teekhi thi lekin nirdayi nahi. Aur, kahi na kahi woh Ava ka adhyayan bhi kar rahi thi. Bhala kis tarah ka system holder aisi chot ke baad itni jaldi hosh me aa sakta tha?

Garofano ki nazro me ek maun manzoori thi. Ava, sirf ek system holder nahi thi. Uske paas bhi uske trump cards the jinhe woh ujagar nahi kar rahi thi.

Erica aashcharya me uske qareeb aayi.

Erica : Itni jaldi kaise hosh aa gaya? Poison ki wajah se itni jaldi hosh nahi aana chahiye tha.

Ava : *huff* T-Tum... Tum sab... *huff*

Garofano : Calm down! Hum sab yaha Veer ke liye hi aaye hai. Aur, tumhe itni jaldi hosh aa gaya? Mein ye expect nahi kar rahi thi.

Ava maun rahi. Woh apne baare me kuchh bhi zaroori baatein nahi bataana chaahti thi.

Renshu : Humare paas samay barbaad karne ke liye nahi hai. Agar, hosh aa hi gaya hai toh kya tum Veer ki location ke baare me kuchh bata sakti ho? Kya tum jaanti ho woh kaha par hai iss waqt?

Ava wahi jamm ke reh gayi. Use yaad aaya. Woh ye kaise bhool sakti thi?

Usne Veer ko Death Flag se mark kar ke rakha hua tha. Bina kisi hich-kichahat ke usne apni aankhein band ki, Veer ki location par dhyaan kendrit kiya. Aur, kuchh hi palo me Veer ki asli location uske mastishq me aa gayi.

Usne apni aankhein kholi. Uska chehra peela pad gaya.

Ava (frowns) : W-Woh-! Woh shamshaan me hai! Uske neeche...! Underground...!

Renshu (frowns) : Shamshaan? Kaha par?

Ava ne use exact location batayi. Chaahe uska shareer kitna hi thaka hua kyu na ho, uske dimag me ek hi baat thi — Veer.

Garofano ne Renshu ko dekha. Dono ek baat jaan gaye the ki Ava ke paas Veer ko track karne ki koi na koi skill zaroor maujood thi. Dono ne hi mann me iss baat ki gaanth baandh li.

Garofano (turns) : Toh kya karna hai? Veer ke paas kaun jaa raha hai?

Renshu : Mumbai me tumhari maujoodgi ab koi rehesya nahi hai. Tum pehle bhi yaha sabke saamne aa chuki ho. Aur, haan- tum ek celebrity se kam bhi nahi. Poora Korea tumhare peechhe paagal hai. Isliye, tumhara Veer ke nazdeek jaana abhi faydemand nahi. Ye unwanted attention ko bulawa dega.

Garofano muskurayi. Apni ungliyon ko apne kaale reshmi baalo me firaayi.

Garofano (smirks) : Hmph! Thanks for the recognition- lekin, shayad tum bhool rahe ho ki mein stealth me maahir hu. Mujhe bas apne chehre par mask pehen'ne ki derr hai. That's it. But, haan! Abhi mein Natalia ko chhor ke yaha se nahi jaa sakti. Woh heal zaroor ho rahi hai but if trouble comes knocking, she won't be able to fight.

Renshu ne uski baat ko sweekar karte hue haami bhari.

Ava ne khud ko upar uthaaya, aur karkash awaaz me boli.

Ava : V-Veer ki family safe toh hai na? I... Usne mujhe- Usne mujhe zimmedari saunpi thi. *huff* M-Mein- Mein yaha aise nahi- *huff*

Renshu : Maine hotel me se ambulances ko nikalte hue dekha tha. Veer ki family ke kuchh logo ko check kiya tha maine. Hotel me ab koi nahi hai andar.

Ava (frowns) : K-Kya woh... Kya woh safe hai?

Renshu : Lagta toh hai. Police ne area ko takeover kar liya hai. Veer ki family shayad hospital gayi hai. Toh, uss hisaab se woh safe hone chahiye. Khatra hotel ke ird-gird hi tha.

Ava ne ek shaant saans chhori. Lekin, chinta zara bhi kam nahi hui.

Renshu (sighs) : Aur, agar mein chaahu bhi toh bhi hospital nahi jaa sakta.

Erica aur Ava dono ne hi use sawaaliya nazro se dekha.

Erica : Eh? Kyu dad?

Iske pehle ki Renshu jawab de paata, Garofano hasste hue jawab di.

Garofano (laughs) : Hahahaha! Because your dad is too damn big. Hospital me logo ko samajhne me hi ghante lag jayenge ki ye aadmi hai kaun? Itni badi qad-kaathi kaise hai? Kaha se aaya hai? Aur, Veer se uska kya sambandh hai? Hahaha! Samjhi?

Renshu : ...

Renshu ne uske chidhaane par koi pratikriya nahi di. Lekin, Erica kaha chup rehne waali thi?

Erica : Wh-What do you mean? Hmph! Mere dad ka matlab simple tha. Unka matlab hai ki Veer ko jald se jald dhundhna hai taaki problem ki asli jadd ka pata lag sake.

Garofano : Oh! Wow! Dekho toh humari Miss Erica ko. Smart banane ki kitni koshish kar rahi hai? But, you're still dumb. Fufu~

Erica : Who-? Who the hell are you calling dumb?

Garofano : Of course, you! Fufu~ Yaha par sirf tum hi dumb ho!

Erica : Y-You-!!

Usne apni mutthi bheenchi. Lekin, iske pehle ki woh jawab de paati, Renshu ki awaaz hawa me goonj uthi.

Renshu : ENOUGH!!!

Dono yuvtiyaan chup ho gayi. Par, Erica ka ghoorna khatam nahi hua.

Erica : Hmph!

Garofano : Fufu~

Renshu : Mein aur Erica Veer ki location par jayenge. Aur, tum yahi rahogi jab tak ki Natalia chalne ki condition me nahi aa jaati.

Garofano (nods) : Theek hai! Par, zyada derr mat lagaana. I don't like sitting on the sidelines.

Renshu ne koi jawab nahi diya. Woh bas apni car ki orr muda. Erica ne uska peechha kiya, aage badhne se pehle Garofano ko ek akhiri nazar se dekha.

Garofano muskurate hue unhe jaata dekhi. Fir, Ava ki orr ghoomi jo abhi bhi seat par laiti hui thi.

Garofano : Maine jitna socha tha, tum uss se kahi zyada mazboot nikli. You're hiding your cards too. Just like him. *smiles*

Ava ne koi jawab nahi diya, lekin uski aankhon ki chamak se Garofano ko pata chal gaya ki usne uski baatein sunn li thi.

Aur, isi tarah Renshu aur Erica Veer ki location par pahuch paaye the. Magar, jab tak ve yaha par pahuche, Veer underground lair se nikal chuka tha.

Kintu, Erica ki basic seer vision ye pata laga sakti thi ki yaha kuchh derr pehle kya kuchh hua tha.

Renshu : Erica!?

Erica apni palke khol uthi. Uske badan me rue khade hue the.

Erica : D-Dad!

Renshu : ??

Erica : V-Veer-!

Erica ne poore drishya toh nahi, lekin kaafi hadd tak kuchh derr pehle ki ghatna ko dekh liya tha. Veer ka ajeebo-gareeb system holder se bhidna, neeche ka bhayanak vatavaran, thandi sadti laashein, maans ke tukde, experiments, SHB, Veer ka haath katna aur uska Juhi aur Pihu ko bachaana.

Erica ne jaise hi Renshu ko sab batlaaya toh Renshu ke khud ke badan me ek sihran daud gayi.

Woh bina koi deri kiye, Erica se lair ka entry point poonchh seedhe neeche ki orr kood gaya.

Erica : D-Daaad???

Majbooran, Erica ko bhi neeche koodna hi pada. Na jaane neeche kaun se rehesya khulne ke liye unka intezar kar rahe the.

***

Carewell Hospital,
Morning - 12:10 AM ~

Hospital ke automatic doors achanak se khule, lekin kisi ka dhyaan uss orr nahi gaya.

Duty par maujood kuchh karmchari apne phone me vyast the, toh kuchh counter par sirr tikaaye hue the aur kuchh the jo aadhi neend me dol rahe the ki ve sab corridor me hui tez raftaar se halchal ko dekh paane me vifal reh gaye.

Veer kisi hawa ke jhonke ki tarah waha daakhil hua. Uska shareer dagmaga raha tha, har qadam par perr felne ke liye aatur ho rahe the. Uski baayi aasteen gehre laal khoon se sani hui thi, jisme se aadhi se zyada aasteen toh poori gaayab ho chuki thi.

Baah me abhi bhi woh janzeerein bandhi hui thi. Uski chhaati ukhadi hui saanson ke saath upar-neeche ho rahi thi.

Aur, uske seene se usi surgeon sheet ke sang bandhi hui thi — Juhi. Uska chhota sa shareer uske seene se chipka hua tha, chehra blazer ke andar chhipa hua tha. Veer uski garm saansein apne seene par mehsoos kar paa raha tha. Woh so rahi thi. Shaant. Aur, surakshit.

Pihu ko woh pehle hi surakshit haatho me de aaya tha. Bachi thi toh sirf uski apni Juhi.

Woh Nidhi ke kamre number 31 me pahucha aur darwaza khola. Waqt hi aisa tha ki duty par mushqil se kuchh hi nurses aur safayi karmchari the jo apne-apne kaamo me lage hue the. Nateeja? Veer ke tez raftar se andar aane par kisi ko bhanak tak nahi lagi.

Woh aage badha. Uski drishti ab dhundhli pad rahi thi. Uski nazar saamne bistar par laiti ek aurat par gayi — Nidhi. Woh so rahi thi. Chehre par abhi bhi shikan ke bhaav the.

Veer uske nazdeek aaya. Kamra hil raha tha kya? Nahi! Woh khud ladkhada raha tha. Iske pehle ki woh zameen par girta, usne wahi lagi bench dekh khud ko dheela chhor diya aur seat par gir pada. Shareer ne akhir haar maan hi li. Uski aankhein band ho gayi.

Akhiri cheez jo usne mehsoos ki — woh tha Juhi ka harqat karta hua haath jo uske blazer ko kass ke jakadne ka prayatn kar raha tha aur fir — andhera.

Kuchh kshan baad...

Ek halki si harqat.

Nidhi ki palke jhapki aur woh jaag uthi. Uska sarr dard se tadak raha tha, ghatna ki yaadein tatt par aati samudra ki lehro ki tarah wapas aane lagi.

"J-Juhi...!"

Woh ghabrayi. Uski bacchi. Uski bacchi ko aghwa kar liya gaya tha. Woh chhatpataate hue uthi aur jaise hi uth ke uski nazar saamne padi. Woh wahi jamm ke reh gayi.

Uski beti, uski duniya — wahi thi. Surakshit. Uske saamne. Uska haath apne khule muh par gaya aur woh ro padi. Aansu beqaabu ho kar behne lage.

Woh kaanpte hue dhadalle se uthi aur aage badhi. Uske haath me lagi IV needle aur uske sang laga drip stand bhi uske saath khichta chala gaya.

Woh Veer ke bagal me ghutno ke bal baithi, uska chehra peela pada hua tha. Usne pehle apni bitiya ko dekha. Chhaati upar-neeche ho rahi thi. Bina kisi chot ke. Surakshit.

Lekin, fir... Uski nazar Veer par gayi.

Uska chehra — sookhe khoon se sana hua — bejaan lag raha tha. Sarr kuchh geela sa tha. Baalo me halki barf jami thi jaise. Blazer ke sang shirt kayi jagaho se fati hui thi. Baah, chhaati aur kamar me gehre ghaav dikhayi pad rahe the. Uske kapde khoon se sane hue the. Par, Nidhi ko sabse zyada dang kiya unn janzeeron ne.

Jinhe dekh uska poora badan kaanp utha. Aankhein bhay ke maare chaudi ho uthi. Badi-badi janzeerein uski baaho me kass kar lipti hui thi.

Uska haath zor se thar-thara utha. Kuchh beeti yaadein wapas saamne aane lagi.

---

Lagbhag do saal pehle ka samay tha. Aaj Nidhi ko ek nayi class niyukt ki gayi thi. Yeh pehli baar nahi tha. Use students ko kis tarah se handle karna hai, ye achhi tarah se aata tha.

Iske pehle woh school me bhi ek shikshak reh chuki thi. Shiksha dena use bakhoobi aata tha. Magar, college aur school me kuchh farq toh hota tha.

College me bachhe ab bacche nahi the. Woh baalig the, sayaane the aur javani ke josh me udd rahe naye khiladi the.

Jaise hi Nidhi classroom me pravesh ki, pal bhar ke liye ek sannaata sa chhaa gaya. Students fir ikhatte khade hue-

"Good morning ma'am!"

"Settle down!"

Uski awaaz dridh lekin garmjoshi se bhari thi. Uske bolte hi sabhi chhaatra wapas se apni seats par baith gaye.

Woh bina students ki taraf dekhe blackboard ko rub karne lagi aur ek safed chalk uthaate hue apna naam likhne lagi.

Nidhi Mishra

Khubsoorat si likhawat me likhte hue usne apna parichay diya.

Aur, jaisa ki hona chahiye tha, waisa hi hua. Nayi-nayi 18 baras ki aayu poorn karne waale javan laundo ke mann me laddu phootne lage. Aur, charcha ka vishay tha — ?

"Behanchod kya maal hai bhai."

"Bhai bol de ki ab yahi apni class teacher hai."

"Bhai hai toh karraa yaar. Sahi me!"

"Iska matlab woh madarchod takla gaya? Kya naam tha bey uska?"

"Bhupinder Daruwala!"

"Bhupinder nahi. Guu pait ke andar! Hahahahaha!"

"Hahahahaha! Abey haan bey! Lawda saala dimaag kha jaata tha betichod."

"Daruwala ki bahut daru pee li... Ab Nidhi se Vidhi seekhenge hahahaha!"

"Kaaye ki bhosdiwaale? Hahahaha!"

"Ah! Madam! Ah! Wo waali vidhi! Aah! Uuh!"

"Hahahahahahaha! Madarchod!"

"Hahahahahahaha!"

Yahi baatein ladko ke alag-alag jhund me hone lagi. Par, kya Nidhi ko ye sab sunayi nahi de raha tha? De raha tha. Bilkul, de raha tha. Kintu, woh khamosh thi. Nirash bhi. Aur, chotil bhi.

"Abey pait kuchh fela-fela sa hai iska magar. Hai na?"

"Pregnant hai kya?"

"Nahi bey! Baccha ho chuka hai shayad. Dhyaan se dekh!"

"Abey toh shuru ka mahina bhi toh ho sakta hai?"

"Chutiye toh woh yaha thodi aati padhaane."

"Haan ye bhi hai!"

"Koi nahi-! Mein wazan kam karwa dunga iska hahahaha!"

"Mujhse toh sirf wazan badhaate aata hai hehehe!"

"Hahahahahaha!"

"Pregnancy ke baad bhi pait foola rehta hai kya?"

"Waisa nahi bey chutiye! Bas thode time tak rehta hai. Abhi madam ko apne asli figure me aane me time lagega."

"Waise... Aise bhi koi kam maal nahi hai."

"Hahahahaha!"

Eka-ek Nidhi ka haath na chaahte hue bhi apne pait par chala gaya. Ladke bhale hi dheere-dheere ye sab khuspusaaye, magar aksar unki baatein sabhi teachers ko sunayi de jaaya karti thi.

Jab Nidhi ko apne pait par haath rakhte unn students ne dekha toh iss baar thoda satark hote hue unn logo ne apni baat-cheet ko virham de diya.

Parantu, unki ek baat sahi thi. Nidhi ko bamushqil abhi dedh se do mahina hi hua tha jab uska apna navjaat uss se chheen liya gaya tha. Dhruv — uski apni amaanat.

Yahi woh samay tha jab Nidhi ke jeevan ka sabse kharab daur shuru hua tha. Ek prataadit karta pati, daayan samaan saas ki gaaliyaan, apne hi bacche ko kho dena, unse bhaag ke apne ek kiraaye ke flat me rehna, aas-pados me uth rahe charche, samaaj ka nazariya, aur jo rahi-sahi kasar baaki reh gayi thi woh inn besharam ladko ne uss par behuda tippani kar ke poori kar di thi.

Lekin, woh jaanti thi ki har ladke ek jaise nahi hote the. Uske apne pita. Uska ek bhai. Woh bhi toh mard the na? Woh jaanti thi ki iss classroom me abhi bhi woh ladke the jo waqai uss se padhna chaahte the — jinke mann me koi galat bhavnaaye nahi thi.

Yahi vishvas liye usne bolna shuru kiya.

"Students! Aaj se... Aaj se mein aapki class teacher rahungi. I will be teaching you Mathematics."

"Ye hui na baat behanchod! Ab maza aayega hahahaha"

"Badhayi ho bhai! Takla gaya hahahaha! Nayi phuljhadi aa gayi."

Unki baatein dobaara se shuru ho gayi. Nidhi ke pehle Bhupinder ji the jo iss kaksha ke class teacher the. Kareeban 7-8 maah tak unhone iss kaksha ko sambhala tha. First year ke bache hue 3-4 mahino ke liye Nidhi ab unki class teacher bann ke aayi thi. Aur, uska swagat kaise hua? Inn bhaddi tippaniyo se.

Himmat rakhte hue usne attendance sheet uthayi aur sabhi ke naam pukaarte hue pehle attendance lene lagi. Ek-ek kar ke jab woh akhiri bache kuchh baccho ke naam pukaarne ko aayi toh-

"Vamika Chauhan!"

"Present ma'am!"

"Vasu Mehta!"

"Present ma'am!"

"Veer Singh!"

*Silence*

'Hmm?'

Ek khamoshi si chhaa gayi. Koi jawab hi nahi aaya. Nidhi ne apna sarr uthaate hue sabhi ko dekha aur usne punah awaaz lagaayi.

"Veer Singh???"

Tabhi, uski nazar sabse side waali row par padi jaha aakhiri bench par ek ladka akele baitha hua tha. Bagal waali row se 2-4 ladke hasste hue use bula rahe the.

"Bhai tere ko bula rahi madam!"

"Chutiye haath utha ke present toh bol de hahahahaha!"

Woh ladka hadbadata hua apna kaam beech me rok upar dekha. Uski nazar Nidhi se jaa takrayi. Ek pal ke liye woh dara par fir ahista se haath uthaate hue bola-

"P-Present ma'am!"

Nidhi kuchh kshan ke liye avaak reh gayi. Woh nahi jaanti thi aisa kyu tha par kuchh pal woh bas Veer ko dekhti rahi. Usne fir aaj ka samay jaise-taise nikaala. Baccho ko padhaaya aur waha se nikal gayi.

Agla din. Wahi kaksha, wahi bacche, wahi harqate. Ladkiyaan hi thi jo kam se kam uss se achhe se pesh aati thi. Adhiktar ladke sirf use hawas ki nazro se hi ghoorte the.

Magar, aaj Nidhi ki nazre class me ghoom rahi thi. Maano jaise chehro se bhara ek samundar tha kamre ke andar — kuchh muskura rahe the, kuchh fusfusa rahe the, kuchh uub ke jhuke hue the. Fir bhi, ek student alag dikh raha tha.

Veer Singh.

Kal ki hi tarah aaj bhi woh sab se dur kone me akela baitha hua tha, uski desk hi baakiyo se dur thi. Uski aankhein apni notebook par tiki hui thi, maano likhte rehne se woh duniya se bach jayega. Uski patli si kaaya uski badi uniform ke andar alag hi maalum pad rahi thi.

Pata nahi kyu par use iss qadar dekh Nidhi ko ek samaanta si mehsoos hui. Attendance lene se pehle woh ruk gayi, uski nazre Veer par tiki rahi.

'Woh akela kyu baitha hai?'

Yeh vichaar kal se uske dimaag me atka hua tha. Jab usne attendance ke liye naam pukaarna shuru kiye, toh sabhi chhaatra baari-baari ek swar me 'present ma'am' chillaate chale gaye. Kaksha me hasi ki ek leher daud gayi, dost ek dusre ko dhakka deke hasi mazaak karne lage, aur unki khusur-pusur jaari ho gayi.

"Veer Singh?"

*Silence*

Aaj bhi wahi hua. Nidhi use hi dekh rahi thi. Veer ne apna haath dheere se upar uthaaya.

"Present ma'am!"

Maujood hoke bhi aisa lag raha tha jaise woh adrishya tha baaki logo ke liye. Shaant aur darpok.

Veer ka akelapann sirf samajik nahi tha — ye uske jeevan me samaya hua tha.

Ek baar project ke dauran, Nidhi ne class me baccho se ek-dusre se partners banaane ke liye kaha.

"Apna ek partner banaiye aur saath mil kar project complete karna hai. Theek hai? Class dismissed."

Chhaatra turant apne dosto ke paas bhaage — dekhte hi dekhte alag-alag pairs bann gaye.

Veer ko chhor kar.

Woh baitha raha, apni notebook ko ghoorta raha. Departure ho chuka tha aur sabhi project ke baare me baatein karte hue chale gaye.

Veer ne chup-chap apna bag uthaaya aur uski orr aaya.

"Ma'am!? Kya mein akele project bana sakta hu?"

"Kyu?"

"Mujhse kisi ne poochha hi nahi. Sabke pehle hi pairs bann gaye."

Usne itni saralta se kaha, maano jaise use aadat ho gayi ho bhulaaye jaane ki. Nidhi ka gala andar hi andar roondh gaya. Uski chhaati me jaise ek dard utha. Woh kuchh na bol saki.

Ek shaam woh class ke baad derr tak ruki hui thi. Usne dekha ki Veer parking area ke paas baitha hua farsh ko ghoor raha tha. Uski aankhein laal thi.

"Veer?"

Usne jawab nahi diya.

"Kya hua?"

Firse koi jawab nahi. Magar, jab usne Veer ke saamne dustbin me dekha toh uski aankhein chaudi hokar reh gayi. Dustbin me Veer ka bag dala hua tha.

Woh akasmat uske bagal se aake khadi hui.

"Kisne kiya ye?"

"Nahi pata. *sniff* Farq nahi padta. Koi nayi baat nahi."

"Tum ruko abhi- mein abhi jaa ke-"

"Nahi! Koi zaroorat nahi hai. Aapke jaane se... Woh baad me aur tang karenge. *sniff* Rehne dijiye."

"Par-"

"Maine kaha na, ma'am! Rehne dijiye!"

Nidhi ne aage kuchh nahi kaha. Usne use rona band karne ke liye bhi nahi kaha. Iski bajaaye, woh bas uske bagal se baith gayi.

Varsho me pehli baar, Veer ko laga ki koi tha... Jo uski parvah kar raha tha.

Din beetate gaye aur Nidhi 'Veer' naam ke iss ladke ko observe karti gayi. Usne jaana ki Veer kabhi kisi se baat nahi karta tha.

Recess ke dauran koi bhi uske saath nahi baithata tha, ladko ka koi bhi group use invite nahi karta tha. Lunch ke samay jab chhaatra apni-apni mandliyo me ikhatta hote, Veer chup-chap waha se gaayab ho jaata. Lunch laata bhi tha ya nahi? Iska bhi pata nahi tha.

Aur, isliye ek dopahar Nidhi recess ke theek baad yuhi uske peechhe-peechhe gayi. Veer library me jaa raha tha.

Nidhi ne dekha ki woh library me khidki ke paas baithe, sirr jhukaaye, notebook me kuchh bana raha tha.

'Hmm?'

Woh aage badhi.

"Iss waqt lunch kiya jaata hai, Veer. Koi aur kaam nahi."

Veer uski awaaz sunn jhep gaya. Woh chaunk gaya, use samajh nahi aa raha tha ki jawaab de ya andekha kar de?

"M-Maine lunch kar liya hai, ma'am." Uski awaaz mushqil se Nidhi ke kaano me pahuchi.

"Achha? 5 minute hue hai abhi recess hue aur tumne lunch bhi kar liya? Jhooth bolte ho?"

"M-Maine subah zyada khaaya tha. Isliye, abhi bhookh nahi hai. M-Mein theek hu, ma'am."

"Kya waqai?"

Veer ne hichkichaate hue apni pen aur kass ke pakad li. "H-Haan! M-Mujhe yaha achha lagta hai. Yaha shaanti rehti hai."

Nidhi ne ek pal ke liye use dekha, fir chali gayi. Veer ko laga ki uska peechha chhoot gaya lekin kuchh der baad hi woh waapas laut aayi — sandwich ki ek plate ke saath.

"Agar, tumhe yahi baithna hai toh yahi baitho. Par, kam se kam kuchh khaa toh liya karo."

Veer plate ko ghoorta raha. Dang reh gaya tha. Aisa pehle kabhi kisi ne uske liye nahi kiya tha.

"M-Mujhe bhookh nahi hai, ma'am."

"Of course, tumhe hai. Tum bas maanane ke liye ziddi ho. Tum lunch nahi laate kya? Mummy nahi deti ghar pe?"

Maa ka zikr aate hi Veer maun reh gaya aur Nidhi jaise samajh gayi ki kuchh baat hai. Usne iss vishay ko aage nahi badhaaya. Veer fir apne aap se hi kuchh kshan baad bola.

"M-Mein-! Mein aaj lunch box bhool gaya. Chachi ne bana ke rakha tha. Lekin- mein bhool gaya."

"Oh! Toh ab kha lo. Theek hai?"

"Nahi! Maine kaha na ma'am. Mujhe bhook nahi hai."

Veer ne mana toh kar diya. Lekin, jab Nidhi plate neeche rakh ke waha se chali gayi, toh Veer ne kuchh hi kshano baad khud ko plate ki taraf aage badhte hue paaya.

Ek din, jab Veer apni baahon aur chehre par chot ke saath class me aaya — ragging aur bullying ke kuchh saboot.

Nidhi ne dekha. Usne kuchh poochha nahi.

Lekin, agli hi subah, Veer ko apni desk ke neeche ek bandage kit rakhi mili — ek chhote se note ke saath.

'Take care of yourself. Some people care about you — even if you don't believe it yet.'

Uss din ke baad se Veer Nidhi ki upasthiti ko aur adhik mehsoos karne laga.

Class me, woh aksar uski desk ke aas-paas hi khadi rehti, aur uss se sawaal bhi poochha karti.

"Veer! Tum batao? Kya ye answer sahi hai?"

"Veer! Tumhari kya raay hai isme?"

Pehle toh woh jawab nahi de paata tha. Uski awaaz mushqil se uske muh se nikalti thi. Lekin, Nidhi ne apna prayas nahi chhora. Nidhi uske astitva ko poora karti thi. Lagne laga tha jaise ab woh adrishya nahi tha.

Ek din woh deri se aaya. Woh ghabrahat me darwaze ki dehleez par khada ho gaya.

"S-Sorry! Ma'am- mein..."

"Koi baat nahi!" Nidhi ne beech me hi tokte hue kaha, uski awaaz naram thi. "Ab aa gaye ho na? Baith jao!"

Zyadatar teachers use khari-kothi suna dete lekin, Nidhi... Woh muskurayi. Woh muskaan use shabdo se kahi zyada shaant kar deti.

Ek din Nidhi ne use apni notebook me kuchh banaate hue pakad liya.

"Tum drawing bhi karte ho??"

Veer ne jhepte hue jaldi se apni notebook band kar li. Uski drawing achhi nahi thi. Lekin, use banaane ka shauk tha.

"K-Kuchh nahi-! A-Aise hi bas..."

"Uff-Oh! Ab chalo bhi mujhe dekhne do."

Hichkichaate hue lekin bharosa kar, Veer ne dheere se notebook kholi. Andar alag-alag sketches the. Kuchh landscapes ke, kuchh chehro ke, aur ek kone me — Nidhi ka khud ka ek chhota sa chitr.

Nidhi ne aashcharya me palke jhapkayi. Fir, haule se hasi.

"Arey waah! Bahut khoob. Par, Veer-!? Mujhe nahi lagta ki meri naak itni badi hai. Hai na?"

Veer ka chehra sharm se laal pad gaya.

"Ye... Ye abhi poora nahi hua hai, ma'am." Usne haklaate hue kaha.

"Koi baat nahi... *smiles* Mein mazaak kar rahi thi. Tum talented ho. Ise chhipaane ki koi zaroorat nahi. Confidence rakha karo, Veer. Okay?"

"J-Ji!"

Jaise-jaise unka rishta aur mazboot hota gaya, unki baatein aur bhi sehej hoti chali gayi. Thodi chanchal bhi.

"Tum humesha ye notebook saath leke ghoomte ho." Woh ek baar use chidhaate hue boli. "Kya hai isme aisa? Hmm? Duniya par qabza karne ka master plan?"

"Haan!" Usne bebaaki se jawab diya. "Sabse pehla qadam — Ek aisa teacher dhundhna jo meri notebook ko lekar baar-baar na poochhe."

"Hahahahaha!" Aur, woh khil-khila ke hass padi.

Veer bhi badle me muskura diya. Shayad ye pehli baar tha jab Nidhi ne use muskurate hue dekha tha.

Class me ek baar questions ke dauran, Veer ne pehli baar koi galti pakdi thi.

"Ma'am, waha par... Waha par sin ki jagah cos aayega."

"Oh??" Nidhi ne bauhe chadhayi. "Mujhse galti ho gayi?"

"Haan!"

"Theek hai toh... Class! Agla question Veer solve karega blackboard pe. Chalo, Veer. Utho apni seat se!"

"Eh??? N-Nahi! Ma'am... Ek minute!"

"Hahahaha! Good luck!" Nidhi uski haalat par hasi.

Veer dara. Nidhi mazak nahi kar rahi thi. Woh blackboard ke saamne khada tha aur chalk se likhte samay uske perr kaanp rahe the. Lekin, fir Nidhi ne podium se fusfusate hue uss se kaha-

"Tum sahi kar rahe ho. Solve karte jao. Daro nahi!"

Jab ek baar Veer ko pehli baar assignment test me Maths me thode achhe marks mile toh usne dekha ki Nidhi ne uske test paper par kuchh likha hua tha — Told you you'd do great. ^⁠_⁠^ But you need to do even better.

Ek baar career ke lakshyo ke baare me charcha ke dauran, Nidhi ne Veer se akele me baat karte hue sehejta se tippani ki-

"Veer! Tumhe ek high goal rakhna chahiye. Tumhare jaise log... Tum apna potential barbaad kar rahe ho."

Magar, Veer ko — ek ladka jise uske parivar waale aksar ye keh dete ki woh apni zindagi me kuchh bhi nahi kar payega — uske shabd bahut chubh gaye.

"Aapko lagta hai ki mein apna samay barbaad kar raha hu???" Usne oonchi awaaz me poonchha. "Mein har din apni poori koshish karta hu, theek hai na? Aap jaanti bhi kya ho mere baare me?? *sniff* Koi nahi jaanta."

Nidhi ne palke jhapkayi. Woh achambhit thi. Veer pehli baar iss tarah se gusse me kuchh uss se bola tha.

"Mera matlab ye nahi tha, Veer. Mein-" Usne Veer ka kandha thaama.

"Rehne dijiye! *sniff* Aadat hai mujhe." Usne jhapatta maarte hue khud ko chhuraaya aur baahar nikal gaya.

Teen dino tak, Veer uss se bachta raha. Nazrein churaata raha. Lekin, chauthe din woh use library me mil hi gaya.

"Mera... Mera tumhara dil dukhane ka irada nahi tha, Veer." Usne dheere se kaha. "Mein bas... Mujhe tum pe vishvas hai. Bas itna hi."

"Hmm... Theek hai... Mujh par apna vishvas barbad mat kariye, ma'am." Woh badbadate hue bola.

"Uske liye ab bahut derr ho chuki hai. Mera paala ab tumse jo pad chuka hai." Woh muskurate hue boli.

Aur, iss baar-

Veer naraaz na reh saka. Woh sharmaate hue muskuraya aur apna muh ferr liya. Nidhi uske sharmaane par bas hasti reh gayi. Woh sahi thi. Aaj bhi kuchh ladke the jo uske prati galat bhavnaaye nahi rakhte the. Veer unme se ek tha. Ya yu kahe, unn sab me se sabse alag.

Aur, aise hi woh teen mahine kab guzar gaye, dono ko hi pata nahi chala. Veer vartalap me apna confidence dheere-dheere gain kar raha tha. Chhutiyaan padi aur uske baad shuru hua second year.

Pehla din tha. Naye juniors ko hall me baitha ke unka swagat kiya jaa raha tha. Classes lagni shuru ho chuki thi. Veer ki class ki teacher punah badal chuki thi lekin, Nidhi ko sabhi chaahne lage the aur isliye use wapas se class teacher banaane ki maang bhi rakhne lage.

Aur, fir aaya woh waqt-

Departure ke dauran. Veer ne jab Nidhi ko jaldbazi me jaate dekha toh usne use pukaara-

"Ma'am??"

Magar, Nidhi na ruki. Usne Veer ki awaaz hi nahi suni. Woh bahut hi jaldbazi me thi. Chehre par chinta bhi jhalak rahi thi.

Veer ne mann hi mann khud ko samjhaya ki har waqt koi uske liye haazir nahi reh sakta tha. Aur, fir woh pal aaya-

Jab uski nazar uss par padi. Pragya! Ek behad khubsoorat chehra. College ki jaani-maani sundar ladkiyo me se ek.

Aur, fir Ajay ka use dekhna, apne pantaro ko ishaara karna, Veer ka scooty uthaate hue ghar ki orr nikalna, Ajay aur uske saathiyo ka bikes se use gherna, use college ki peechhe waale raaste par le jaana, use buri tarah peetna, ghaayal karna, aur baarish hoti sooraj dhalti shaam me use sadak par chhor dena.

Yahi sab toh hua tha. Nahi! Yahi nahi! Uske baad use ghar se nikaal diya jaana, Uska aspataal me hona, marrne ki kagaar par hona, aur Nidhi ka waha par aana.

---

-Aur, aaj woh uske saamne tha.

'Aap chinta mat kariye!! Mein Juhi ko leke aaunga. Mein aapse vaada karta hu!'

Uske bol Nidhi ke kaano me goonj gaye. Usne apna vaada nibha diya tha.

Nidhi ka haath kaanp raha tha, woh uske bagal me ghutno par gir padi. Uski ungliyaan jhijhakte hue aage badhi aur fir usne Veer ki fati hui aasteen ko kass kar pakad liya.

Uski rone ki siskiyaan chhootne lagi. Ghutan bhari awaaz. Uske mote-mote aansu Veer ke khoon se sane haath par girne lage.

"*hic* Aaaaaaaaaa-!!! *hic*"

Woh royi. Kuchh bol nahi paa rahi thi. Iss sab ka bhaar use kuchal raha tha. Agar, Juhi ko kuchh ho jaata toh-

Iss vichaar ne uske shareer ko aur bhi zyada kaanpne par majboor kar diya. Usne apna chehra Veer ke perr se sataaya, uske perr kass ke pakde — maano use chhorne se Juhi fir se uss se dur chali jayegi. Aur, Veer bhi.

Mann hi mann woh Veer ko lagatar dhanyavad deti rahi. Kuchh pal beet gaye, fir usne apna sarr uthaaya.

Veer behosh tha. Usne apni ungliyon se Veer ke khoon se sane chehre ko chhiya, uske angoothe ne Veer ke maathe par fir ek ghaav ko chhiya.

"V-Veer-!" Uski awaaz toot gayi. Honth thar-thara uthe.

Aur, fir usne apni baahein uske kandho par rakhi, uske sirr ko dheere se uthaaya aur agle hi pal-

Use apni chhaati se laga liya. Veer ki garm saansein uske seene par padi. Magar, uska chehra poori tarah se thanda mehsoos ho raha tha.

Nidhi ke aansu ab khul kar gir rahe the. Woh bilakh-bilakh kar ro rahi thi. Veer ko apne aalingan me liye, use kass ke pakde woh khadi-khadi dahaad maar ke roti rahi. Jaise varsho se usne khud ko roke rakha tha aur ab uski bhavnaaye khul kar baahar nikal rahi thi.

"M-Maine tumhe apne se dur dhakela..." Woh fusfusayi. "Har baar... *hic* Har baar maine tumhe dur kiya."

Use yaad aaya jab usne Veer ko 1 lakh rupaye ki payment kar di thi. Kaise woh uss par bhadka tha.

Use ye bhi yaad aaya ki uski padosan Mrs. Tiwari kis tarah use Veer jaise ladko se dur rehne ki hidayat de rahi thi.

Ye sab yaad karte hi, usne Veer ko aur kass ke laga liya.

"Mujhe maaf kar do-!! *hic*" usne roondhi hui awaaz me budbudaya. "Mujhe maaf kardo, Veer!! Aaaaaaaa-!! Aaaaaaaaaa!! *hic* *sniff*"

Aur, firse usne uska sirr apni chhaati me aur bhi gehraayi me daba liya. Aur, inn teen saalo me aaj pehli baar — usne apni bhavnao se bhaagna band kar diya.

"Maine tumhe chaahna kabhi nahi chhora tha... Trust me... Mein bas... *hic* Mein bas darti thi."

"L-Lekin, *sniff* ab aur nahi bhaagungi."

Veer ke sang bitaaye use saare puraane pal yaad aane lage.

Har muskaan jo woh chhipaata tha.
Har aansu jo woh dabaata tha.

"Tum... *sniff* Tum akele the... M-Mujhe aur bhi bahut kuchh karna chahiye tha... *hic* Mujhe tumhare paas aur rehna chahiye tha."

"Par ab... *hic* Ab mein hu yaha. Aur, mein ab kahi nahi jaungi. *sniff* Kabhi bhi nahi."

Usne na jaane kab se inn bhavnao ko dabaaye rakha tha. Lekin, ab aur nahi.

Aasmaan me aatishbaziyo se fel rahe rang bikhre hue the, aur hospital ke iss kamre me ek mahila ne khoon se sane ek naujavan ko apni baaho me bhar rakha tha.

Aur, hospital ke saamne ki building ki terrace par khade do log ye sab kuchh dekh paa rahe the.

Erica : See, dad? Yahi woh Nidhi hai jinki beti ko Veer bacha ke laaya. But... I have never seen him so low.

Renshu : Low? He's the one who's the tallest among us. Na sirf usne unki jaan par khatra nahi aane diya, balki woh unhe chhuraane me bhi qamyab tha. Par, ab time nahi hai. Erica-!

Erica samajh gayi ki use kya karna tha. Garofano ko call connect kar ke Ava se poochhne ke baad dobara se Veer ki nayi location le li thi unhone.

Erica bina kuchh kahe waha se ek kshan me gaayab ho gayi.

Andar derr raat me hospital ka corridor shaant tha. Shreya ki bauhe sikudi aur palke jhapkaate hue woh kursi par se uthi. Sabhi resting area me so chuke the aur woh aur uske Ishaan bhaiya hi yaha kursi par baithe the.

Usne dekha ki uske bhaiya bhi baitha-baithe hi so rahe the. Apne phone ko dheele haath se pakdi woh Nidhi ko dekhne ke liye uske kamre ki orr badhi.

Lekin, Nidhi ke kamre ke paas pahuchte hi uske qadam wahi tham gaye.

Darwaaze ke sheeshein se... Usne dekha.

Veer.
Nidhi.
Juhi.

Nidhi ne Veer ke chehre ko apni chhaati se laga rakha tha — khoon se lathpath aur ghaayal.

Shreya bhauchakki reh gayi.

Drishya use umeed se zyada prabhavit kar gaya. Uski ungliyaan phone par kass gayi. Aur, vibhinn anubhutiyaan ek pal me mehsoos ho gayi.

Raahat — kyunki, Veer sahi salamat tha.

Khushi — kyunki, Juhi surakshit thi.

Irshya — kyunki, Veer kisi aur ki baaho me tha.

Glaani — kyunki, jiski baaho me tha woh uski apni badi behan hi thi. Ye sab uske mann me nahi aana chahiye tha.

Aur, dard — na jaane kyu.

*Click*

Darwaaze ki awaaz aate hi Nidhi chaunk kar tezi se mudi.

'Huh?'

Saamne koi ladki thi. Iske pehle ki woh kuchh keh paati-

"Shh! It won't hurt! Please! Sleep!"

Nidhi ko kuchh pata nahi chala. Uski aankhon ke saamne achanak se andhera chhaa gaya.

***

Ek ukhdi hui saans.

Veer ki aankhein fad-fada kar khuli. Chhat alag thi. Hawa me gandh toh wahi thi — antiseptic ki. Magar, uski chhaati par se woh bhaar gaayab tha.

Juhi.

Uski saans atakne ko hui, ghabrahat ne uske shareer ko jhakjhor diya. Uski baahein Juhi ko paane ke liye fadki. Kaha gayi woh?

Par, agle hi pal use mehsoos hua — uske dono taraf, daaye aur baaye koi uski baaho ko jakde hue tha.

'Huh?'

Uska sirr daayi orr muda.

Tej.

Uski Teju di ne use pakde rakha tha. Magar, nigaahein saamne ki orr ek band darwaaze par tiki thi.

Woh baayi orr muda.

Kavya.

Woh uss se chipki hui thi. Tej ki hi tarah, woh bhi saamne hi nazre gadaayi thi.

Uske haatho se bediyaan gaayab thi. Ye kaise hua? Janzeerein uski kalaayi par locked thi. Kaha chali gayi wo?

Kuchh gadbad thi. Tabhi-

“Veer!”

Ghane vatavaran me ek awaaz goonj gayi. Shweta! Use jaagta hua dekh uski aankhein chaudi ho gayi. Woh chillaati hui uske nazdeek aayi. Aur, kamre me maujood sabhi ki nigaahein Veer par pad gayi.

Badhi toh Bhavna bhi thi lekin, Shweta ne aate hi Veer ke chehre ko thaam liya aur use betaab apne seene se laga liya.

"Hosh aa gaya mere bete ko... Hey bhagwan!"

Veer akad ke reh gaya. Uske shareer ka har ang dard se tadak raha tha, lekin uljhan ka bojh dard se kahi zyada bhaari tha.

Ye sab yaha kyu the? Ye woh aspataal toh nahi tha jaha par Nidhi bharti thi.

Tej aur Kavya uss se lipti hui thi. Uski Shweta maa, aur uski maa — Bhavna. Sab ro rahi thi.

Usne dekha ki uske pita-

Brijesh!

'???'

Uske pita bhi kone me haath mode chintan me khade hue the. Uski behan Aarohi apni laal aankhein liye rote hue use hi dekh rahi thi.

Aabha aur Sonali bhi ek jagah par baithi use rote hue dekh rahi thi. Aur, na jaane kitne log the.

Uska sirr ghoom raha tha. Dhadkane tez ho rahi thi. Kuchh nahi, bahut kuchh galat lag raha tha.

'P-Pari? What the hell happened?'

Magar-

Sannaata. Koi jawab nahi.

'P-Pari? Juhi kaha hai? Ye sab kya chal raha hai?'

Fir bhi koi jawab nahi. Usne apne daant peese.

'Pariiii-!!'

Magar, kuchh nahi. Pari sleep mode me jaa chuki thi.

Uski saansein tez hui. Use Nidhi ke kamre me jaana yaad tha. Use yaad tha ki Juhi uske seene se hi lipti hui thi. Use ye bhi yaad tha ki woh seat par gira tha. Lekin, uske baad-!?

Use kuchh bhi yaad nahi tha. Kya hua tha? Veer ki nazar achanak baayi orr dur ek corridor me padi. Aur, usne dekha-

Kone ke paas, uske parivar se alag. Teen log khade hue the.

Renshu. Erica. Aur, Garofano.

Jo use hi dekh rahi thi.




System holders. Yaha par? Woh sab yaha kyu the? Use tabhi yaad aaya-

Yarnia's launch.

Woh toh aaj thi na? Toh kya hua? Sab yaha kyu the? Aur, ro kyu rahe the? Yarnia ka kya hua?

Aur, use yaad aa gaya.

Mission ki penalty. Ek sihran uske badan me daud gayi. Kahi isliye toh sab-?

Nahi! Aisa nahi ho sakta. Usne Juhi, Pihu ko bacha liya tha. Fir, akhir aur koi kaise khatre me ho sakta tha? Woh koi sawal kar paata ki itne me saamne ka darwaza khul gaya.

Ek doctor baahar nikal ke aaya. Sab achanak se khade ho gaye. Jis baat ko Veer ka darr tha, woh darr aur gehra ho gaya.

Doctor ne sabhi ko dekha aur fir Veer ko dekh ek haami bhar uski orr chalte hue nazdeek aaya jaise woh jaanta tha ki use kis se baat karni thi.

Veer Singh.

Yahi wo vyakti thi jise usko jawab dena chahiye. Doctor ne ek gehri saans li. Fir, ek asthir awaaz me bola-

"I'm very sorry, sir. Hum unhe bacha nahi sake. Mr. Manorath is no more."

*Badump*

Dhadalle se darwaza punah khula, stretcher par Manorath ji ka shav tha, upar se safed kapda dhaka hua tha.

Cheekhein goonj uthi. Parivar jano ke rone ki awaaz aspataal me goonjne lagi.

Veer ko kuchh samajh aata ki tabhi-

"Although, Miss Ragini ki situation kaafi critical thi. But, doctor ne mujhe khabar de di hai."

'Ragini' naam sunn woh wapas se hosh me aaya.

"She's out of danger now."

Raahat bamushqil ek kshan ke liye hi thi.

"But there's only one problem. I'm sorry to say but — woh ab pehle ki tarah kabhi nahi chal payengi."

Aur, aspatal ko ek gehre sannaate ne dhak liya.
.
.
.
.
.
.
.
.
.
Aaj ke liya itna hi guys.
This update consists of 8.3k words. Jaan boojh ke around itni length ka rakha hai warna ye update 10k ke upar jaa raha tha. Too much info dump iss update me mujhe sahi nahi lagi because Nidhi ka aham hissa tha iss update me. So, I decided to post those sections in the later updates. This update also justifies why Nidhi took Veer to her house and sheltered him. Unke beech ka rishta ekdum naya nahi tha. They knew each other. Mehez 3 mahino ka hi rishta tha lekin, unn teen mahino ne bahut kuchh badal diya tha. Samay-samay par aise hi flashbacks ke zariye hum Nidhi aur Veer ke madhya aur bhi moments dekhenge. Yaha par past kaisa laga woh zaroor bataane ka. Baaki, target apna wahi hai. 300. Pahucha dene ka. Agle update se Post Disembowler arc shuru ho jayega.
Milte hai agle bhaag me.
Dhanyavad.

???

I have no words to explain my situation after reading this.....!

GOOSEBUMPS...!!

What kind of Update was this... literally this one is really really amazed me with unexpected moments.....

I'm getting Eelectric Shock with these Surprises...

MIND-BLOWING...!! SIR...


Filhal....to mai ise achhe se digest karunga or iske sabhi moments ko Every Single Nerve tak enjoy karunga....


Detailed review soon.....

 

[ashiq bhai]

Wolfy bhai update aane me kitna din lagega koi samay seema ya date bta do bhai taaki atma santust ho bhai

 

[Samar_Singh]

Waiting

No update for this month

 

[spritemathews]

Waiting

 

[HUNTERonFIRE]

Werewolf words count update mil jata toh ???


Andddddddddd


15 tak aa jayegaa kya update?



Waiting