Schedule |
|---|
UPDATE# | DATE |
|---|---|
Update 117  | November 28th 11:30 PM |
Update 118 | December 6th 11:30 PM |
Update 119  | December 12th 11:30 PM |
Update 120  | December 16th 11:30 PM |
Update 121 | December 20th 11:30 PM |
Bro bohat shandar update bro Maza a gyaUPDATE 89 ~
(PROTECTOR)
“Ughhh!”
*Thump*
“Huh?”
Aarav ne uthne ki koshish ki, Lekin uske haath kisi cheez se takda gye, Aarav ne aankhe kholi to wo kisi andheri jagha band tha.
Aarav: Tinkerbell?
Aarav ne Tinkerbell ko bulaya, Lekin usko Tinkerbell ki presence feel bhi nahi ho rahi thi, Aarav haatho se aas-paas tatolne laga.
Aarav: Huh?
Aarav kisi box ke andar band tha, Aarav ne abhi te pata kiya he tha ke ek taraf se halki roshni andar ayi aur badhne lagi, Aarav ne us taraf daikha to usko ek kamra dikhayi dene laga.
Aarav uss kamre ko upar se daikh raha tha, Aarav ne dhayan se daikha to usko ye kamra kuch jaana pehchana laga, Lekin usko yaad nahi aa raha tha ke ye kanha hai.
“Vansh! Apne gande haath meri behan se hata le!”
Ek awaaz ne Aarav ke raungte khade ker ke rakh diye, Ek dar ke saath Aarav ne uss taraf daikha to uske dil ki dhadkane rukne ko ho gayi.
Kamre ke ek taraf Aarav ko apna chehara he dikhayi diya, Aarav bediyon me bandha huwa tha, Uske saamne Urvi ko pakad ker Vansh usko muskurate huwe daikh raha tha.
Aarav(Shivering): New Year?
Aarav ek baar dobara 2012 ke Last day ko daikh raha tha, Aarav ko udhar Archana bhi khadi dikhayi di.
“Ughhhh”
Aarav ne neeche daikha to Past ka Aarav ek baar dobara se khada ho raha tha, Usko khade hote daikh Aarav ko yaad aa gaya ke aage kya hone wala hai.
Aarav(Gasping): Aye, Aye! Ruk, Aage na badhna......Aye......Vansh se nazar hata aur U-Urvi ki taraf daikha....Aye, Pagal ho gaya hai kya?.....Aye....Aye.....Usko chhod aur Urviiiii ko bacha le.....Aage na badhna.
*Thump-Thump*
Aarav chillata raha, Lekin uski ek awaaz ka bhi kuch asar nahi ho raha tha, Aarav box ko haath maarne laga, Lekin box bohat mazboot tha.
“Aghhhhh”
[Ability (Berserk) Activated]
[Unique Ability (Will to Live) Activated]
[Current Progress (70%)]
[Endurance Increased +180]
[Intelligence Increased +180]
[Strength Increased +180]
[Stamina Increased +180]
[Agility Increased +180]
[Sense Increased +18]
[All stats return to normal after the Unique Ability (Will To Live) deactivated]
“Ughhhhh!”
*Crack*
Aarav ek baar dobara zor lagane laga, Ab ki baar box me crack aa gaya, Aarav ki nazar neeche he ruki huwi thi, Uska pura chehara pasine se bheeg gaya tha, Uski aankhon me bhey jhalak raha tha.
Archana uski gun tan chuki thi, Lekin past ke Aarav ko ye dikhayi nahi de raha tha.
Aarav(Gasping): Urvi ko bacha le! Ek baar to uski ta......Ughhh.....Taraf daikh le, Usko bachana ho ga!!
*Crack*
Aarav ne box tod diya aur tezi se Urvi ki badhne laga, Aarav ki aankhon se aansu chhalak pade aur wo bina ruke Urvi ki taraf badhta raha.
Aarav(Scream): Urrrvvvviiiii!
*Bang*
****
Sayani Mansion
France ~ 9:20 AM
“Aghhh! Urrrvvvviiiii!”
“Hey, Hey, Everything's alright, Calm down”
Aarav chillate huwe uth gaya, Aarav kisi ki baahon me tha, Usne upar daikha to usko Tsubame ka chehara dikhayi diya, Aarav ki aankhon me aansu the.
Tsubame ne bina kuch bhi puche uska sar bahon se chupa liya, Uske agosh me Aarav bhi shaant hone laga, Aarav bina kuch bhi aur soche uski bahon me sar ko chupaye mann halka karne laga.
“Master!”
Aarav: [Huh? Tinkerbell? Kya huwa tha?]
Tinkerbell: [Berserk ability ke kaaran ap ne apni body per dhayan nahi diya! Ap ke sab internal organs twist ho gye the aur brain per bhi pressure ban gaya tha, Abhi ke liye main ne sab kuch stable ker diya hai, Lekin ap abhi ke liye kuch der uthne ki koshish na karna.]
Aarav: Sensei, I'm alright now!
Aarav ki awaz sun ker Tsubame ne bahon ko khol diya, Aarav seedhe ho ker baith gaya, Tsubame baithi uske chehre ki taraf daikhne lagi, Uski aankhon me aansu aur honton muskan thi.
Aarav ko ab dobara daikhne ki usko khushi bhi thi aur uske liye kuch bhi na ker pane ka dard bhi tha, Aarav ne aas-paas daikha to wo ek kamre me tha aur andar sirf wo dono he the.
Aarav: Kitne der se behosh tha?
Tsubame: 6 Hours, Isabelle ne tumhe heal ker diya tha! Yahan tumhe rest karne dene ke liye kaha tha, Main dhayan rakhne ke liye ruk gayi thi, Sab baahir he baithe huwe hai...Unhe bhi bata deti hu ke tumhe hosh aa gay-
Tsubame uthne he lagi thi ke Aarav ne uski kalai ko pakad ker usko rok diya.
Aarav: Sensei...Thank You!
Ek pal ke liye Tsubame khadi usko daikhti he reh gayi, Unhe ek dusre ko daikhe huwe kayi saal beet gye the, Lekin abhi bhi Aarav me Tsubame ko wohi purana Aarav dikhayi de raha tha.
Tsubame ne Aarav ke sar per haath rakh uske baalo bigad diye, Uski harkat daikh ker Aarav bhi muskura diya, Tsubame usko train karte samay aksar aise he kiya karti thi.
Tsubame: Abhi tum se bohat baate karne ko dil chah raha hai! Lekin ab main selfish nahi ban sakti, Baahir baithe sabhi tum se saval puchne ka intezar ker rahe hai.
Tsubame kehte huwe uth gayi aur kamre se baahir nikal gayi, Aarav usko daikhta he reh gaya, Aarav clearly Tsubame se strong tha aur usne Tsubame se zyada jee bhi liya tha.
Lekin Tsubame abhi bhi uske liye uski guru he thi, Aarav uske saamne apni weak side bina kisi dar ke dikha sakta tha.
Aarav: [Tinkerbell, Status]
Tinkerbell: [Master]
*Click*
“Aarav”
Aarav abhi status ko daikh he raha tha ke Isabelle kamre ke andar aa gayi, Isabelle ke saath he Yoo-Jung, Daisuke aur Aakash bhi andar aa gye.
Isabelle Aarav ke paas baith gayi aur usne Aarav ka haath pakad liya aur uski body ko khud check karne lagi, Ab Aarav ke internal organs bhi heal ho gye the.
Lekin Isabelle khud sab kuch daikhna chah rahi thi, Aarav ne bhi usko kuch bhi nahi kaha aur uska kaam karne diya, Aarav ke har ghav ko Isabelle ne heal ker diya.
Aarav: Ab Khush ho!? Kuch bhi nahi huwa tha, Exhaust ho gaya tha aur kuch bhi nahi huwa tha.
Isabelle(Nod): Lekin tumhe dhayan rakhna chahiye hai na? Aakhir tum hamare paas kyu nahi aye? Aur ab tak kanha the tum?
Aakash ne Daisuke aur Isabelle ko details de di thi, Tsubame aur Yoo-Jung dono ko Aarav yaad tha to unhe Aakash ki batayi sab baate pehle se pata thi.
Lekin kisi ko bhi ye nahi pata tha ke Aarav kanha tha, Yoo-Jung aur Tsubame bhi ye sunna chahati thi, Aarav ne ek baar sab ki taraf daikha aur haath aage ker diya.
Sab uski taraf daikhne lage, Aarav ne unhe ishara kiya to sab he uske paas aa gye aur uske haath per haath rakh diya.
[Ability (Mnemosyne's Gaze) Activated]
[Sharing memories…]
Aarav ek saath he sabhi ko uski memories dikhane laga, Aarav ne unhe Infinite prison aur uska sab ki memories se gayab hone ka sab kuch dikha diya.
*Gasp*
Ek saath sab unke hosh me aa gye, Lekin ab unke cheharon ke bhaav badal chuke the, Daisuke ke chehre per gussa dikhayi de raha tha aur Aakash ke chehre per khud ke liye gussa tha.
Isabelle(Tearful): Aarav...!
Isabelle ne Aarav ka haath thaam liya uski aankhe aansuon se bhar gayi thi, Usne ek saath Aarav ke 113 saal ke dard ko daikha tha.
Tsubame aage ayi aur usne Aarav ke sar ko thapthapa diya.
Tsubame: Well Done...!
Tsubame ko uske liye bura to lag he raha tha, Lekin utna sab kuch hone ke baad bhi uske himmat na haarne per ek guru hone ke nate usko proud bhi feel ho raha tha.
Tinkerbell: [Ye ladki....Master! Ye ladki kya ap se bhi zyada emotionless hai?]
Tinkerbell ne udhar khadi Yoo-Jung ki taraf daikhte huwe kaha, Aarav ne uski baat sun ker Yoo-Jung ki taraf daikha to wo khadi kuch soch rahi thi.
Aarav: [Nah, She's a genius]
Yoo-Jung: Lekin... Vansh ke paas 3 CWD kahan se aye?
Aarav ki memories me sab Vansh ke kiye per gussa the, Lekin Yoo-Jung udhar bhi sab kuch observe ker rahi thi, Baakiyo ne bhi 3 CWD ke notification daikhe the, Lekin sab emotions me aa ker bhool gye the.
Ab Tinkerbell ko bhi samajh aa rahi thi ke Yoo-Jung kaisi Ladki hai.
Yoo-Jung: Quest se hum sabhi ko sirf 1-1 CWD mila tha! Ek agar Vansh ka tha bhi to uske paas 2 extra the... Hum me se kisi ne bhi usko nahi diye to kisi aur ne uski help ki hai.
Daisuke(Nod): Aur Vansh ke saath hospital me kuch aur player bhi the! Aakash per bhi player ne attack kiya tha, Elite Guild Vansh ko support ker rahi thi...Lekin Kyu?
Aarav: Actually, it wasn’t the elite guild who backed Vansh! It was a korean player Jinho who was supporting him.
Daisuke: Jinho? Lekin uski tum se kya he dushmani thi?
Aarav: Uske kaaran bohat zyada ho sakte the! Agar usko meri real identity ke baare me pata hota, Lekin Dad ne kabhi hamari identity expose hone he nahi di thi... Jinho ka target main nahi Yoo-Jung thi.
Tsubame: What?
Yoo-Jung(Scoff): Kyu ke usko dar tha ke main uski position le lu gi! Jinho korea ke top 3 player me ata hai, Agar main na hoti to wo top 2 me hota.
Aarav: Exactly, Lekin unhe ye andaza nahi tha ke tutorial tower ki sirf 3 he Quest ho gi! Uske baad Vansh ne unke saath ek nayi deal ki, Yoo-Jung ki Information ke badle usne Sayani family aur mujhe khatam karne ke liye madad maangi.
Yoo-Jung: Kaisi Information?
Aarav: Abilities aur unki sab weakness aur tumhari location! Usne ye sab information Jinho ko di aur Jinho ne... Fire clan ko!
Aarav ki baat sun ker sab he khamosh ho gye, Unhe pata tha ke fire clan ne Vansh ki Information se kya kiya tha, Yoo-Jung ko bhi andaza tha ke kisi ne uski information leak ki thi.
Yoo-Jung(Scoff): Huh, Jinho *Sigh* Lekin thanks to you mere paas ek hidden card tha! Agar tum ne mujhe Luna na banaya hota to mera survive karna bhi mushkil tha.
Aarav: I didn’t mean to pick you as my Luna! It was an accident...Main ne tumhe sirf hosh me laane ke liye bite kiya tha, and somehow that turned you into my Luna.
Isabelle: Wait... *Smile* Really?
Aarav(Nod): Yes... Hamari 2nd Quest per main ne Yoo-Jung ko hypnosis se nikalne ke liye bite kiya tha! Lekin tab accidentally usko Luna ke liye mark bhi ker diya, Agar Yoo-Jung ko mark na kiya hota to Veronica meri Luna hoti.
Daisuke aur Isabelle ne bhi tab hypnosis ko experience kiya tha, Unko andaza tha ke Aarav kaisi situation me tha.
Aarav: Lekin main thankful hu ke Yoo-Jung Luna bani thi! Yoo-Jung na hoti to shayad mujhe kabhi Derek ke baare me pata bhi nahi lagna tha...Thank You!
Yoo-Jung aur Tsubame dono ne sirf Derek ko bachaya he nahi tha, usko train bhi kiya tha aur Yoo-Jung ne uski Maa ka role bhi play kiya tha.
Yoo-Jung: Aarav, I didn't protect Derek just because he's your son! I did it because of your dad... I owe my life to him.
Aarav: Huh, My... Dad? Lekin kaise?
Yoo-Jung ki baat sun ker Aarav bhi hairaan ho gaya, Yoo-Jung ne bhi Aarav ki tarha he haath uske aage ker diya.
Yoo-Jung: See for yourself...!
Yoo-Jung Aarav ko uski memories daikhne de rahi thi, Usne mind ko khud he relax ker liya tha, Aarav ne bhi uske haath ko pakad liya.
[Ability (Mnemosyne's Gaze) Activated]
[Sharing memories…]
****
Fire Clan Village
South Korea
*Sigh*
“Kim Min-Soo... Kabhi tum se aisi umeed nahi thi, Aakhir tum aisi stupidity kaise ker sakte ho!?”
Kim Min-Soo uske ghutnon per baitha huwa tha, Uske saamne uski wife aur Fire clan ki Leader Kim Hye-Jin baithi huwi thi.
Kim Hye-Jin previous clan leader ki beti bhi thi, Fire clan baaki clans ki tarha talent per successor nahi chunti thi, Fire clan leader hamesha previous leader ki bloodline se he chunti thi.
Lekin Kim Hye-Jin khud utni strong nahi thi ke pure clan ko control ker sake, Ye daikh ker previous leader ne apni beti ki shaadi clan ke sab se bade talent Kim Min-Soo se ker di.
Kim Min-Soo khud bhi strong hona chahta tha, Uske liye usko support aur clan ki art chahiye thi, Kim Min-Soo shaadi ke liye maan gaya aur unki shaadi ho gayi.
Kim Min-Soo samay ke saath strong hota raha aur uske paas Kim Hye-Jin ki tarha he clan leader ki authority bhi thi, Lekin phir bhi Kim Min-Soo kabhi uske pehle pyaar ko bhula nahi saka.
Seung-Ja, Fire clan ki dusri sab se talented member thi aur ek true beauty bhi thi, Uske peeche har din clan ke ladke naak ragadte the, Lekin Seung-Ja uska dil Kim Min-Soo ke saamne haar baithi thi.
Kim Min-Soo ki shaadi ke baad Seung-Ja ka dil toot sa gaya tha, Kim Min-Soo aur Kim Hye-Jin ke bache bhi huwe, Lekin uske baad Kim Min-Soo Seung-Ja ko bhula nahi saka aur uske paas chala gaya.
Seung-Ja ab uske saath nahi hona chahati thi, Lekin Kim Min-Soo ke kiye vadon aur uske pyaar ke Izhar ne Seung-Ja ko weak ker diya, Usko Kim Min-Soo ke sivaye aur kuch bhi dikhayi nahi de raha tha.
Kim Min-Soo har raat uske kamre me ane laga, Seung-Ja uski concubine ban'nne ko bhi taiyar thi, Lekin Kim Min-Soo ne usko kabhi mauka he nahi diya aur Seung-Ja sirf uski ek mistress ban ker reh gayi.
Lekin ek din Seung-Ja ko pata laga ke wo pregnant ho gayi hai, Kim Min-Soo ne usko abortion ke liye kaha, Lekin Seung-Ja uske liye maani he nahi aur usne 2 betiyon ko janam de diya.
Kim Min-Soo ne usko ye baat chupane ke liye keh di ke un bacchiyon ka baap kon tha, Seung-Ja bhi bachiyon ko le ker bhaag gayi, Lekin Kim Hye-Jin ko sab kuch pata lag he gaya aur usne Seung-Ja aur uski bachiyon ko pakad liya.
“Eonni, *Sniff* Kya ab ye hamay maar de gye?”
Kim Min-Soo ke dusri taraf he uski betiyon ko baithaya huwa tha, Seung-Ja ko torture ker ke rassiyon se bandh ker unke paas he giraya huwa tha.
“Yoo-ri Aisa kuch bhi nahi ho ga! Mom ne unke friend ko bulaya hai *Gulp* Ek baar Mom ke friend aa gye to sab kuch theek ho jaye ga”
Hye-Jin(Scoff): Aur kitne Aashiq hai iske? Kim Min-Soo, Ab tumhare paas 2 raaste hai! You can either die with that woman and her kids... or you can kill those three to prove you're loyal to me.
Seung-Ja(Groan): Min-Soo...!
Seung-Ja ne dard se karahate huwe usko pukara, Ek gehra saans lete huwe Min-Soo uth ker khara ho gaya, Hye-Jin khamoshi se baithi usko daikhti rahi.
Kim Min-Soo aage badh ker Seung-Ja ke paas aa gaya aur usne Seung-Ja ko pakad ker seedhe pillar ke saath laga ker baitha diya, Seung-Ja ke muh se khoon nikal raha tha aur uske chehre per ghav bane huwe the.
Seung-Ja: Min-Soo... *Cough* Hamary sirf kuch time chahiye hai! U-Uske ane tak hum ko survive karna ho ga... Huh, Bachiyon k-
Min-Soo: Seung-Ja, Ab main aur kuch bhi nahi ker sakta! Main ne tum se kaha tha ke bacho abort ker do, Lekin tumhari mamta bhi ujagar honi he thi..... Lekin main ab sab kuch barbad nahi hone sakta, Ye sab kuch bohat mushkil se achieve kiya hai.
Seung-Ja(Frowns): Min-Soo?
Min-Soo: I'm sorry... Seung-Ja! I love you.
*Fire Breath*
“Aghhh”
“Maa”
Kim Min-Soo ne Seung-Ja ko zinda he jala diya, Yoo-ri ye daikh ker aage huwi, Lekin Yoo-Jung ne usko pakad liya, Aansu uski aankhon me bhi the, Lekin usne mauka daikhte he Yoo-ri ka haath pakada aur kamre se baahir bhaag gayi.
Yoo-Jung ko bhaagte huwe bhi uski Maa ki dardnak cheekhe sunayi de rahi thi, Lekin Yoo-Jung ruki nahi aur Building se baahir aa gayi.
“Stop”
Lekin unhe baahir khade guards ne pakad liya, Yoo-Jung aur Yoo-ri dono ne he dar se kaanpna shuru ker diya, Unhe ab bilkul bhi umeed dikhayi nahi de rahi thi.
*Tuck*
*Tuck*
*Tuck*
Building ke andar se Kim Min-Soo aur Kim Hye-Jin bhi baahir aa gye, Kim Min-Soo ke haath me Seung-Ja ka necklace tha, Unki Maa ka ye pasandida necklace tha aur fire proof bhi tha.
Yoo-Jung(Tearful): Dad... Please.
Lekin Kim Min-Soo ne uski kisi baat ko bhi suna tak nahi aur aage badh Yoo-ri ka gala pakad liya, Yoo-ri ka dam ghutne laga aur uski saanse rukne lagi.
Yoo-Jung usko bachane ke liye chatpatane lagi, Lekin guards ab usko hilne bhi nahi de rahe the, Yoo-Jung Maa ke baad ab uski behan ko bhi khone wali thi aur wo kuch bhi nahi ker sakti thi.
Yoo-Jung: *Blink*
*Slash*
“Ughhhh”
Yoo-Jung ne palke he jhapkayi thi ke uske saamne ka pura drishya badal gaya, Uski jaise prarthana ko sun liya gaya ho, Uske saamne ek naya vyakti khada huwa tha aur uske haatho me Yoo-ri thi.
Kim Min-Soo uske kadmon me gira tha aur uska haath cut ker dusri taraf he gira huwa tha, Kim Hye-Jin aur baaki sab bhi usko udhar daikh ker hairan aur gussa the.
Vyakti(Glare): I’m Avinash Arya, leader of the Spirit Clan! Seung-Ja and both of her daughters are under my protection now.
Hye-Jin(Furious): Huh? Don’t you know who I am? I’m Kim Hye-Jin, Leader of the fire clan, You just entered my territory and took off my husband’s hand, You have no clue how this is going to end for you, do you?
Avinash: Where's your mother?
Avinash ne Kim Hye-Jin ko bilkul he ignore karte huwe Yoo-Jung ki taraf daikhte huwe pucha, Usko ye karte daikh Kim Hye-Jin ko aur bhi gussa ane laga
Yoo-Jung(tearful): Th-... They burned her alive...!
Hye-Jin(Shouted): Avinash Arya! Yahan ana tumhari sab se badi bhool thi.
*Fire Arrow*
Kim Hye-Jin ne Avinash ko kehte huwe ek fire arrow bana liya, Uski flames ki heat ko daikh ker he pata lag raha tha ke wo kitni high level Qi ka use ker rahi thi.
*Soul Binding*
Hye-Jin: Huh? *Cough Blood*
Avinash ne Kim Hye-Jin ki soul ko bind ker ke uske Qi core ko uske andar he blast ker diya, Kim Hye-Jin udhar he neeche gir gayi.
Udhar khade huwe kisi bhi insaan ko kuch bhi samajh nahi ayi, Unko Fire clan ke sab members ne gher liya tha, Lekin kisi ki bhi himmat nahi ho rahi thi ke Avinash ya kisi ko bhi haath bhi laga de.
Avinash ki body se release ho rahi Qi ko feel ker ke he sab ko unki maut dikhayi de rahi thi.
Avinash: Seung-Ja’s daughters are under my protection now! Stay the hell away from them.
Avinash ne Yoo-Jung ka bhi haath pakada aur Yoo-ri ko gaud me uthaye huwe aise he chal diya, Unke aage se sab member side per hote rahe aur Avinash un dono ko le ker chala gaya.
****
Sayani Mansion
France ~ 11:46 AM
“Ughhh”
Yoo-Jung ne haath hata liya, Uska shareer kaanp raha tha, Lekin usne kisi ko bhi ye daikhne nahi diya aur khud ko calm ker liya.
Tinkerbell(Furious): [Shit... ! Avinash ne Min-Soo ko kyu nahi maara? Usko to pure clan ko khatam ker dena chahiye tha, Usne ye kyu nahi kiya? Karne ko wo ker he sakta tha]
Aarav: [Nahi]
Tinkerbell: [Huh? Kyu?]
Aarav: [Dad ne unke core ko tab he unseal kiya tha! Unke paas utni energy nahi thi ke wo udhar sab ko hara sakte, Dad bhaag to sakte the aur Qi gather ker sakte the, Lekin unhe Yoo-Jung aur uski behan ko protect bhi karna tha]
Tinkerbell: [Aisa tha kya?]
Aarav: [Haan, Dad ne mauka daikhte he unki Leader ko maar diya tha! Lekin uske liye unhone bohat zyada Qi ka Use ker liya tha... Dad ne udhar se nikalne ke liye unki Qi ko release ker ke bluff kiya tha]
Yoo-Jung(Breath): Fuuu ~ Ye Kim Min-Soo ke saath baaki sab ko pata tha ke Avinash hamay protect nahi ker sakte the! Kyu ke unhen unke clan ko bhi protect karna tha, Lekin un sabhi ko ye bhi pata tha ke agar hamay kuch bhi huwa to Avinash badla lene zaroor aye gye.
Aarav(Disgusted): Aur dad ke baad unhe kisi ka bhi dar nahi raha! Huh, bastards.
Tsubame: Lekin ab Kim Min-Soo pehle ki tarha nahi hai! Kim Min-Soo bohat strong ho chuka hai, Fire Clan kab se ek war ke liye ready ho rahi hai, Ek baar to Avinash ne Wind clan ka saath de ker War ko rok diya tha... Lekin ab ki baar unhe rokna easy nahi ho ga.
Daisuke: Wind clan ka saath?
Tsubame(Nod): Haan... Hum lagbhag haar he gye the! Lekin Avinash ne wind clan ke saath alliance ki to Fire clan ko bhi rukna per gaya tha.
Aarav(Scoff): Huh... Family, Clan, Friends aur dusre Clans ko bhi! Dad, Ek saath sab ko protect ker rahe the, Aur main!? Khud ki choti behan ko bhi protect nahi ker saka.
Aarav jitna Avinash ko jaan raha tha utna he uske saamne khud ko chota mehsoos ker raha tha, Usko ab samajh aa rahi thi ke Avinash ne uski sab memories ko daikhne kyu nahi diya tha.
Unko daikh ker Aarav kaise react karta ye usko bhi nahi pata tha, Aarav koshish ker bhi un memories ko unlock nahi ker sakta tha.
*Knock-Knock*
Kamre ke darwaze per dastak huwi to Aakash ne darwaza khol diya, Baahir se Barbie andar aa gaya.
Barbie: Master! Dhanush aa gaya hai aur ap ka wait ker raha hai.
Barbie ki baat sun ker sab Aakash ki taraf daikhne lage, Aakash ne Barbie ko ishara kiya to Barbie baahir chala gaya, Aakash Aarav ki taraf daikhne laga.
Aakash: Aarav, Ye tumhara guest hai.
Aarav: Huh?
****
Unique Hospital
Surat ~ 5:17 PM
Priya: Kya ho gaya hai tujhe? Ye kaisi halat bana li hai tu ne? Agar pata hota ke tu aisi halat ker le gi to tujhe jaane he nahi deti.
Priya Ishika ke paas baithi huwi uske sar per haath fairate huwe usko daant bhi rahi thi, Ishika bed per baithi usko muskurate huwe daikh rahi thi.
Ishika: Maa, Kuch bhi nahi huwa! Sirf kuch medicine overdose ho gayi thi, Aage se dhayan rakhu gi.
Priya(Tearful): Lekin meri to jaan nikal gayi thi na!? Lekin tujhe kya he hai.
Ishika: Mata ji galti ho gayi! Ab se ap ki he baate maana karu gi... Ek baar to maafi mil sakti hai na?
Priya: Abhi kuch der aur Maa ki narazgi ko jhel tab mera dukh pata lage ga.
Priya ki baat sun ker Ishika hansne lagi aur usko manane lagi, Priya ke baad baaki sab ne bhi Ishika se uska haal pucha, Lekin un sab ke beech Tanu khamoosh baithi huwi Aayush ko ghur rahi thi.
Aayush uske saath eye contact na banane ki koshish ker raha tha, Lekin Tanu uske upar se nazar hata he nahi rahi thi, Aayush ki halat bigadne lagi thi.
Ek Red ranked ke monster ki ek sadharan ladki se phat rahi thi, Aayush ko utna dar kabhi nahi laga tha jitna usko ek Ladki se lag raha tha.
Kunal: My dear Oldies, Ab hamay Eshu ko rest bhi to karne dena chahiye hai na? Kisi ne khana bhi nahi khaya to Lunch ker lete hai aur uske baad Eshu ka discharge le ker nikalte hai, Kya kehte ho?
Pratap: Haan, Mujhe bhi khaane ke baad medicine khaani hai! Pata lage ke Dada poti dono ka discharge lena per jaye.
Pratap ki baat sun ker sabhi hansne lag gye, Kunal unko le ker baahi nikal gaya aur usne Nandini ko bhi saath le liya aur kamre se nikal gye, Ab udhar sirf Aayush, Ishika aur Tanu he bachi thi.
Aayush: Umm, Main bhi chal-
Tanu: Hilne ki koshish bhi na karna! Yanhi per injection laga laga ker puncture ker du gi.
Ishika: Tanu, Ye kaise baat ker rahi ho?
Tanu: Aise he baat karni chahiye hai! Di ye Aarav nahi hai, Ek impostor hai.
Aayush: Lek-
Tanu: Ek bhi bekar baat na karna! Sirf ye batao ke Aarav ke saath kya kiya hai tum ne?
Ishika: Tanu, Ye impostor nahi hai! Haan, Ye Aarav bhi nahi hai, Lekin ye enemy nahi hai.
Tanu: What? Ye kya keh rahi ho ap?
Ishika(Nod): Haan... Mujhe bhi bohat kuch puchna hai! Lekin ye sab kuch Aarav khud bataye ga to mujhe acha lage ga, Tab tak ke liye hamay bhi act karna ho ga.
Tanu: Lekin Di-
Ishika: Tanu, Trust me!
Tanu khadi sirf un dono ko daikhti he reh gayi, Aayush yahan per kuch bhi galat nahi kehna chahta tha to wo khamosh khada tha.
Tanu(Sigh): Huh, Fine! Lekin Aarav ko sab kuch batana ho ga aur ap ko bhi batana ho ga ke yahan chal kya raha hai.
Ishika(Smile): Sure, Ab tum ne bhi kuch nahi khaya ho ga! Sab ke saath khana kha lo.
Ishika ki baat sun ker Tanu bhi Aayush ke saath baahir chali gayi, Priya bhi uske liye kuch khaane ke liye le ayi aur Ishika ke paas ruk gayi.
Aayush aur Tanu baakiyo ke paas jaane he lage the ke Tanu beech me ruk gayi aur Aayush ki taraf daikhne lagi, Aayush ki ek baar dobara halat patli ho gayi.
Tanu: Sirf ek baat batao...! A-Aarav safe to hai na?
Aayush: Umm, Yes!
Tanu(Relief): Huh, Thank You!
****
Sayani Mansion
France ~ 12:23 PM
*Tick-tock*
Aarav aur baaki sab bhi meeting room me baithe huwe the, Lekin ab unke saamne kuch naye chehre bhi the, 2 Ladke aur ek ladki unke saamne baithi huwi thi.
Tinkerbell(checking): [Kavya, Rishabh aur Dhanush, Ye teeno he Spirit clan se rescue kiye gye 138 bacho me se hai! Avinash ne Dhanush ko sab bacho ka captain banaya huwa tha, Dhanush sab se mature aur ek talented student bhi tha]
Tinkerbell ne records ko daikhte huwe sab kuch Aarav ko bata diya, Aarav ne udhar baithe Dhanush ki taraf daikha to Dhanush already usko he daikh raha tha.
Lekin aisa lag nahi raha tha ke usko Aarav kuch khaas pasand hai, Kavya aur Rishabh uske kuch kehne ka intezar ker rahe the.
Aarav(Sigh): Huh, Aakash ne bataya ke ap sab mujhse milne aye hai! Kya main puch sakta hu ke kyu?
Dhanush: Avinash Sir ke baad Clan ko ek naya Leader chahiye hai! Ap ki bua Saanvi ek Leader ki beti thi, Lekin unhone hamay ap ka intezar karne ke liye kaha, Lekin... hum me se koi bhi ap ko Leader banane ke liye taiyar nahi hai.
Aarav: Aur aisa kyu?
Dhanush: Ap ek player hai to ap strong bhi ho! Lekin hum yahan Clan ke Leader ki baat ker rahe hai... I'm sorry, Lekin ap ke Spirit core ko unseal huwe bhi kuch samay he huwa hai, Aise me hum ap ko Leader kaise bana sakte hai, Saanvi Ji ek Leader ke liye qualify karti hai, Lekin hum ap ke baare me ye nahi keh sakte.
Aarav(Sigh): Aur ye decide karne wale tum kon hote ho? Dad ne tumhe ek captain to banaya tha, Lekin tum ne shayad khud ko he Leader maan liya hai.
Dhanush: I'm sorry Mr. Aarav Ary-...Aarav! Lekin ye sab members ne test ke baad aur saath baith ker he decide kiya hai, Saanvi Ji aur mera spirit core sab se zyada strong tha, Hamare beech ek dual huwa tha aur main jeet gaya tha, Lekin main bhi Saanvi Ji ko Leader banana chahata hu, Kyu ke wo bhi talented hai
Aarav(Sigh): Mr. goody two shoes! Dual... Fine, Let's do it.
Dhanush: I'm sorry, What?
Aarav: Dual, Ye he chahiye hai na!? Aakash yahan training room hai kya?
Aakash: *Nod*
Aarav: Great... Aur main sirf Spirit Qi use karu ga! Ye mera handicap ho ga.
Aarav ne kisi ek bhi nahi suni aur Aakash ke saath training room chala gaya, Kavya aur Rishabh Dhanush ki taraf daikhne lage, Dhanush ko bhi Aarav ka attitude kuch bhi khaas pasand nahi aya tha.
Barbie un sab ko bhi saath training room le gaya, Aarav khada training room ko daikh raha tha, Usko udhar training marks dikh rahe the, Barbie abhi udhar he uski new ability ko test ker ke gaya tha.
Aarav aur Dhanush beech me aa ker khade ho gye, Baaki sab bhi udhar he bani huwi ek balcony me khade ho gye, Aarav ke sab friend's bhi uski fight daikhne ke liye bohat excited the.
Aarav: [Tinkerbell, System lock ker do]
Tinkerbell: [System Locked]
Daisuke: Aarav, Kick his Ass!
Tsubame(Glare): Daisuke... !
Daisuke(Grin): Sorry... !
Aarav aur Dhanush taiyar ho gye, Dhanush stance le ker khada ho gaya, Lekin Aarav seedha he khada raha, Uski cockiness ko daikh ker Dhanush ko aur bhi gussa aa gaya.
Dhanush: *Soulquake*
Dhanush ke andar se ek weird type energy nikalne lagi, Aarav ka vision shake karne laga.
Tinkerbell: [Master]
Aarav ne Tinkerbell ki taraf daikha to ye usko bhi affect ker rahe thi, Ye technique kisi ki bhi soul ko shake ker dene ke liye thi, Ye opponent ki judgement per bhi asar karti thi.
Aarav: You're strong.....,
Ek taraf se Qi blade banaye huwe Dhanush Aarav ke paas aa gaya, Uski speed bhi tez thi, Dhanush ne Aarav ki chhati per attack kiya, Lekin uska attack hava me he ghoom gaya.
Dhanush(Startled): Huh?
“Lekin tum ne mujhe kuch zyada he underestimate ker diya”
[Unique Ability (Soul Binding) Activated]
Aarav ne Dhanush ke sar ko pakadte huwe neeche maar diya, Uski Soul ko bhi Aarav ne bind ker diya tha, Dhanush baitha sirf usko aankhe phaade daikh he sakta tha.
Aarav: I won...!
Dhanush ke paas ab kehne ke liye kuch bhi nahi bacha tha, Uska sar jhuk gaya, Kavya aur Rishabh uske paas to aye, Lekin unhe samajh nahi aa rahi thi ke wo Dhanush se kya kahe, Hamesha se Dhanush he unke liye bola tha.
Dhanush(Whisper): I'm sorr-
Aarav: Losing sucks! Ye main ne bhi aj he experience kiya hai, Main abhi bhi tumhe mujhe accept karne ke liye nahi kahu ga aur na he mujhe tumhara approval chahiye bhi hai.
Aarav Dhanush ke paas aa ker baith gaya.
Aarav: I’m Aarav Arya, son of Avinash Arya! And I’m going to be your next clan leader
Aarav usko keh ker bina uske kuch kehne ka intezar kiye udhar se chala gaya, Uske raaste me he Aakash uska intezar ker raha tha.
Aarav: Ye tum ne kiya tha na!? Unko ye batane ke liye ke main kon hu.
Aakash: *Smile*
Aarav(Sigh): Huh, Thank You! *Smile* Fufa ji.
Aakash: Wait, What? A-Aarav.
Aakash Aarav ko bulata raha, Lekin Aarav uski ek bhi sune bina chala gaya, Aarav training room se baahir aa gaya.
“Aarav”
Aarav abhi mansion jaane he wala tha ke usko peeche se ek awaaz sunayi di, Aarav ke aage badhte huwe kadam khud he ruk gye, Aarav ne peeche daikha to uske saamne Urvi khadi huwi thi.
Lekin Urvi akeli nahi thi, Uske saath ek aur bhi vyakti khada huwa tha, Urvi ne uska haath pakada huwa tha.
Aarav: Parth?
.
.
.
.
.
.
.
.
[Aj ke liye itna he, Ye update 6K+ Words ka tha aur main abhi theek nahi hu, Ye update bhi bohat khaas update tha to risk bhi nahi le sakta tha, Hamara target wohi hai 120 Likes ke liye, Umeed karta hu ke ap ko bhi update pasand aya ho ga, Milte hai agle update per tab tak ke liye, Sayonara!!!]
Shandar update broUPDATE 93 ~
(SCARED)
****
Café La Brisa
Spain ~ 5:07 PM
*Drrrr*
Vanshika: Coffee is ready! One cappuccino for table two.
Vanshika ne counter per cup ko dhayan se rakhte huwe kaha, Uski awaaz ko sunte he Lily ne counter se cup utha liya, Vanshika dobara se coffee beans ko grind karne lagi.
Uske paas khadi Flora usko ye sab karte huwe daikh rahi thi, Vanshika uski taraf na daikhne ki koshish ker rahi thi.
Flora: Vanshika, Ye kab tak aise he chale ga?
Vanshika(Ignoring): Aj to kuch zyada he customer aa gye hai na!?
*Drrrr*
Flora ne he aage badhate huwe espresso machine ko bandh ker diya aur Vanshika ko pakad ker kursi per baitha diya.
Flora: Kab tak tum usko aise ignore karne wali ho? Usko ab 8 din ho gye hai lagatar yanha ate huwe, Lekin ab yak tum ne ek baar uske saath baat tak nahi ki...Kyu?
Flora ki baat sun ker Vanshika ne sirf apni aankhon ke kone se corner table ki taraf daikha, Aarav aj bhi udhar he baitha huwa tha aur uski coffee ko daikh raha tha.
Vanshika ne Aarav ko uss din daikha tha to wo chaunk gayi thi, Aarav ne uske saath baat to karni chahi lekin Vanshika udhar se bhaag gayi.
Aarav ne dobara uske saath baat karne ki koshish nahi ki aur pura din aise he cafe me khamoshi se baitha rehta, Flora ne bhi Vanshika ko uske saath baat karne ke liye kayi baar keh diya tha, Lekin Vanshika abhi bhi usko ignore ker rahi thi.
Vanshika: Mujhe...Mujhe uske saath kuch bhi baat nahi karni hai! Ap ko bhi ye ache se pata hai ke main ab apni purani zindagi ke kisi bhi insaan se kisi bhi tarha ka talluk nahi rakhna chahati...Purani Vanshika ab zinda nahi hai...!
Vanshika ki ab aankhe bheeg gayi thi aur usne neeche kursi ko pakadte huwe khud ko bikharne se bachaya, Flora udhar khadi usko daikh rahi thi, Vanshika ka chehara safed per gaya tha aur uski aankhon mein gehra dard tha aur ajeeb se khaali udaasi thi.
Vanshika: Ap ke mere upar bohat he zyada ehsaan hai! Please...Ap mujhe kuch bhi aisa karne ke liye na kahe mujhe ap ko bhi Naa kehna per jaye.
Flora ki aankhon ke saamne ab uss raat ke drishya aa gaye the, Raat ke andhere me uske ghar ke darwaze per Vanshika khadi huwi thi, Flora ne usko kayi saalo se nahi daikha tha.
Lekin usko saamne daikhte he Vanshika uske saath lipat gayi aur rone lagi thi, Usne Vanshika se kuch bhi nahi pucha aur usko apne saath andar le liya tha aur Vanshika ne bhi kabhi uske baare me baat nahi ki thi.
Lekin kuch samay ke baad he Barbie usko dhundhate huwe wanha aa gaya tha, Usne Flora ko puri sachai bata di thi, Flora jab bhi Vanshika ko daikhti usko uske liye bura lagta tha.
Lekin Vanshika ne kabhi bhi uske saamne purani baate nahi ki thi, Lekin Flora ko bhi ache se pata tha ke uska dam andar se kaise ghut raha tha.
“Next Order”
Lily ne counter per ate huwe kaha aur uski awaaz ko sun ker Vanshika uth ker khadi ho gayi, Usne apne chehre ko saaf kiya aur coffee banane lagi, Flora ne bhi uski taraf daikhte huwe uske sar per haath faira diya.
Vanshika ne usko daikhte huwe halki smile de di, Usne ek baar dobara Aarav ki taraf daikha to wo abhi bhi udhar khamoshi se baitha huwa usko kaam karte daikh raha tha.
Unki nazaron ke milte he Vanshika ne dusri taraf sar ghooma liya, Aarav usko daikhte huwe muskura diya aur coffee peene laga.
****
Sayani Mansion
France ~ 6:28 PM
*Knock-Knock*
“Come in”
Aakash uske kamre me baitha kuch kaam ker raha tha ke tabhi darwaze per kisi ne dastak di, Aakash ke kehte he darwaza khula aur Saanvi andar aa gayi, Aakash ne ek baar uski taraf daikha aur dobara uska kaam karne laga.
Saanvi bhi Aakash ke paas aa ker baith gayi, Lekin abhi bhi unke beech khamoshi chhai huwi thi, Unke itne saalon ke rishte ke baad bhi Saanvi aur uske beech sirf ek samjhaute ka rishta tha.
Aakash: Sonia ab kaisi hai?
Aakash ne kaam karte huwe he Saanvi se pucha.
Saanvi: Ab theek hai! Aarav ne usko unka project continue karne ke liye kaha hai aur Kunal uski help ker raha hai... Falcons ka bhi paperwork complete ho gaya hai aur Aarav ki cousin he uss company ko aage chalane wali hai, Kunal ne sab kuch khud handle kiya hai.
Aakash: Hmm...Kunal smart hai! Veer ne usko khud train kiya hai, Kunal Aarav se bhi achi tarha sab kuch manage ker sakta hai...Aur Aarav ke Guild members ka kya bana?
Saanvi: Akansha ko main ne bacha to liya tha! Lekin uski body bohat weak thi, Lekin Aarav ne usko healing potions diye to ab wo uski best condition me hai aur abhi to uski puri Guild training per dhayan de rahi hai aur agli baar wo sab hamay aur bhi zyada strong dikhayi de gye.
Aakash(Nod): Good...!
Aakash ne uska dhayan dobara kaam per laga diya, Lekin Saanvi udhar he baithi usko daikhti rahi, Aakash ne usko daikha to Saanvi uske chehre ko daikh rahi thi.
Aakash: Kya huwa? Kuch aur bhi kehna hai kya?
Saanvi: Ap khud Vanshika se milne ke liye kyu nahi gye?...12 saal ho gye hai, Ap ko nahi lagta ke Vanshika ko abhi uske bhai ki zyada zaroorat ho gi?
Saanvi ki baat sun ker Aakash ne bhi uska laptop side per rakh diya aur seedha ho ker baith gaya.
Aakash: Aur main usko mil ker kya he kahu ga? Sorry, Main tumhe Maa aur Papa ko bacha nahi saka? Arti aur uski family tak mere kaaran khatam ho gayi hai...Ye sach hai ke Aarav per attack Vansh ke kaaran huwa tha, Lekin meri family ke nasht hone ka kaaran main khud hu.
Aakash ko bhi pata tha ke Vansh ka saath dene ka bada kaaran Aakash tha, Sayani's ke paas Association tak ko control karne ki power thi, Qi User tak Aakash ke khauf me rehte the.
Sayani ko control karne ke liye unhe Vansh Aakash ki jagha per chahiye tha, Vansh ne agar Aakash ko dhokha na diya hota aur sab information leak na ki hoti to Aakash ke liye un sab ko sambhalna mushkil nahi tha.
Lekin Vansh ko na samaj sakne ke liye bhi Aakash khud ko blame ker raha tha, Lekin usko sab se zyada bura Vanshika ke liye lag raha tha, Usko protect karna Aakash ki duty thi.
Lekin Aakash ko protect karne ke liye he Barbie aur Saanvi dono bhi duniya se chup gye the, Unhe bhi baahir ka pata nahi laga ke Archana aur Vanshika ke saath kya ho raha hai aur jab tak Aakash ko hosh aya tab tak sab kuch khatam ho gaya tha.
Archana mar gayi thi aur Vanshika bhaag gayi thi, Lekin Vanshika ke saath beech me kya huwa ye sun ker Aakash sirf khud ko he blame ker sakta tha, Aakash kisi ko bhi protect nahi ker saka tha.
Saanvi: Lekin ap ki bhi usme kya he galti thi? Aakash...Ap ne sab ko protect karne ki puri koshish ki thi, Lekin kabhi kabhi kuch cheeze honi he hoti hai, Hum sirf koshish he ker sakte hai apna best dete huwe.
Aakash: That's the issue...! Was that really the best I could do? I feel like I should have done better...!
Aakash ki baat sun ker Saanvi ke paas bhi kehne liye ab kuch nahi tha, Usne Aakash ke haath per haath ko rakhte huwe usko support dene ki koshish ki lekin Aakash ne uska haath peeche ker liya.
Aakash(Sigh): Huh, Aur...Khud ke liye kya socha hai tum ne? Aur kitne samay tak khud ko aise rishte me baandh ker rakhne wali ho? Tum ne apne poore karz ko chuka diya hai aur samay aa gaya hai ke tum bhi ek nayi life shuru ker do.
Saanvi: Kya hum kisi aur topic per baat ker sakte hai?
Aakash: Dhanush ke baare me kya khayal hai? Bura ladka nahi hai aur wo to tumhari respect bhi bohat karta hai, Achi Jod-
Saanvi(Shout): Aakash....Please....!
Aakash(Sigh): Huh, Aur kab tak ye topic ignore karo gi? Saanvi ab hamari Shadi ko continue karne ka koi bhi reason nahi hai aur hamay kisi ke saamne aur natak karne ki zaroorat nahi hai.
Saanvi: Kya main ap per itna bojh ban gayi hu ke ap mujhe nikalna chahate ho?
Aakash: Nahi...Bojh to main khud tum per ban gaya hu! Aur tumhe ye bojh aur uthane ki zaroorat nahi hai aur waise bhi hamara rishta kabhi aage to badh he nahi sakta hai to point he kya hai?
Autism ke kaaran Aakash physical contact se bohat sensitive tha, Aisa nahi tha ke wo kisi ko physically touch bhi nahi ker sakta tha, Lekin usko kisi ko bhi chhuna pasand nahi tha.
Lekin kuch log aise bhi the jinhen Aakash chhune se comfortable tha, Wo kuch log Aarav aur Barbie the, Aakash ko bhi nahi pata tha ke wo unke physical touch se kyu comfortable tha.
Lekin un dono ke sivaye Aakash baaki sab ke saath physical touch ko avoid karta aya tha, Ye he kaaran tha ke Shadi ke baad bhi Aakash aur Saanvi me kabhi kisi tarha ke sambandh nahi bane aur na he Aakash ko kabhi zaroorat mehsoos huwi.
Lekin usko Saanvi ke liye bura lagta tha to usne try karne ki koshish ki thi, Lekin uske liye Saanvi he nahi maani kyu ke usko bhi pata tha ke Aakash ye mushkil me kare ga aur usko wo pasand nahi ata.
Saanvi bhi uske saath Aarav aur Barbie ki tarha ka bond banana chahati thi aur uska intezar ker rahi thi, Usko intezar tha ke ek din Aakash uske touch se bhi comfortable feel kare ga.
Saanvi: Ap ne kaha ke main poore karz ko utaar diya hai, Right?...Ab ap ko mere liye decide karne ki zaroorat nahi hai ke kon mere liye bojh hai aur kon nahi hai, Agar ap kabhi mere liye bojh bane to ap ko kehne ki zaroorat nahi ho gi main khud he chali jaungi.
Saanvi ne Aakash ki nazron se nazron ko milate huwe kaha, Aakash ko bhi uski aankhon me zid dikh rahi thi aur lag nahi raha tha ke wo ye zid chhodne wali hai.
Aakash: Fine, Do whatever you want to do! Ab main aur kuch nahi kahu ga.
Aakash ne uske haath khade karte huwe kaha to Saanvi bhi muskurane lagi, Aakash ne bhi usko dobara na kehne ka soch liya aur uske kaam per lag gaya.
Saanvi Aakash ke paas he baithi rahi aur muskurate huwe usko kaam karte daikhti rahi ab ki baar Aakash ne bhi usko kuch nahi kaha aur uske kaam per laga raha.
****
Singh Enterprises
Mumbai ~ 10 Days Ago
“Kya kehna tha?”
Saanvi ne Aarav ke saamne baithate huwe kaha, Aarav aur wo office se baahir aa gye the aur building ke saamne he bane huwe ek cafe me aa gye the.
Aarav: Yanha main kuch baate clear karne ke liye aya hu!...Kya ap Dad ko blame karti ho?
Saanvi: Blame? Kis liye?
Aarav: Ap ki real Mom aur clan leader ke qaatil mere dad hai! Agar ap unhe nafrat bhi karti ho to main usko samajh sakta hu.
Saanvi ko ab Aarav ki uss chinta ka kaaran samajh aya tha, Ab tak Aarav uske saath issi liye baat nahi ker raha tha.
Saanvi(Smile): Unko blame to tab karu na agar mujhe kuch bhi yaad ho! Haan, Bura to laga he tha jab pehli baar sab kuch suna tha aur dil bhi kiya tha ke unka muh tod ker rakh du...Lekin main Avinash ji ko nafrat kaise he ker sakti thi?
Aarav: Kya matlab?
Saanvi(Sigh): Huh....Main ne to apni asli maa ko daikha bhi nahi tha! Lekin mujhse bhi pehle wo Avinash ji ki maa thi, Avinash ne unke haatho me he khela tha aur unko dusri maa ka pyaar unse he mila tha, Lekin ant me unhe khud ke haatho se apni Bua ko marna per gaya... Unhone uss samay kya mehsoos kiya ho ga uske saamne to meri feelings kuch bhi nahi thi.
Saanvi ne sirf uski feelings ke saath he nahi socha tha, Usne khud ko Avinash ki jagha per rakh ker socha tha, Uski Maa ko Avinash ne mara zaroor tha lekin Saanvi uske peeche ke kaaran ko bhi daikh rahi thi.
Saanvi: Aur waise bhi unhone mujhe to hurt kiya he nahi! Avinash ne mujhe sirf zinda nahi chhoda unhone mujhe ek naya parivar bhi diya, Mom dad ke diye pyaar ke liye mujhe Avinash Ji ko maaf karne me kuch bhi pareshani nahi huwi.
Aarav(Bow): Lekin main phir bhi ap se Dad ke liye maafi mangata hu! Ap ko agar aage kabhi bhi meri zaroorat ho to ap mujhe keh sakti hai, Kyu ke ap bhi meri family he hai.
Aarav ne thoda jhukte huwe kaha to usko daikh ker Saanvi muskurane lagi, Aarav ne usko family kaha he nahi tha usko poori respect bhi de raha tha, Saanvi ne bhi uske purse se ek paper nikaal ker Aarav ke paas rakh diya.
Aarav: Huh? Ye kya hai?
Saanvi: Vanshika ka current address aur uske cafe ki location hai! Aakash ne mujhe tumhe dene ke liye kaha tha.
Aarav ne uski baat sun ker paper ko table se utha liya aur padhne laga, Saanvi usko muskurate huwe daikhne lagi.
Saanvi: Sach kahu to main tumhe ye dena nahi chahati thi...!
Aarav: Kyu?
Saanvi: Aarav, Vanshika ne bohat dukh ko bardasht kiya hai! Usne bachpan se to kisi bhi khushi ko daikha nahi tha, Lekin usko baad me bhi khushi ke naam per sirf dard he mile the, Uski puri family ek din me he khatam ho gayi usko mara gaya nocha bhi gaya aur usne kya kuch bardasht kiya tha.
Saanvi ke kehte he Aarav ke saamne neel ke phone me daikhi Vanshika ki tasveer aa gayi, Vanshika ko kaise chains se bandha huwa tha aur uske chehre ke nishan abhi bhi yaad the.
Saanvi: Main dar rahi thi ke tum se milne ke baad Vanshika aur toot na jaye! Lekin ab tum se khud baat karne ke baad lagta nahi hai ke tum usko tootne do gye, Usko tootne na dena, Please...!
Aarav ne Saanvi ke haath ko pakadte huwe haan me sar hila diya, Ye Aarav ki taraf se ek promise ki tarha tha, Saanvi bhi uske kehne per khush ho gayi aur usko bhi kuch rahat mil gayi.
Aakash ko Aarav per vishwas tha, Lekin ye Saanvi ko khud bhi daikhna tha ke Aarav kya sach me Aakash ke trust ke deserve karta bhi hai ya nahi.
Aarav: Ye sab to theek hai! Lekin ap ki kya kahani hai? Ap Aakash ke saath kaise ho?
Saanvi: Aisa kuch khaas bhi kahani nahi hai! Dad ek politician the aur sab he unki bohat respect bhi karte the, Lekin ek din un per fund ke fraud ka ilzam laga diya gaya, Kisi bhi tarha ke saboot nahi the to ye sabit nahi huwa, Lekin log to unhe ek fraud maan he chuke the, Log itne gusse me the ke hamare ghar per pathar maarne lage aur phir...
Saanvi kehte huwe ruk gayi, Aarav usko rukne ke liye kehne he laga tha ke Saanvi khud he dobara bolna shuru ho gayi.
Saanvi: Ek din mom aur dad ko kisi ne goli maar di! Shooter ko udhar he arrest ker liya gaya, Shooter ek funds ke fraud ka he victim tha...Dad ne kisi tarha ka bank se Loan liya huwa tha to bank ne baaki bacha huwa sab kuch bhi cheen liya, Ab mere paas na family thi aur na he rehne ke liye ghar tha, Kuch doston se help ke liye kaha to logo ke gusse ke dar se unhone haath he aage nahi badhaya aur main kisi chor ki tarha chup ker rehne lagi aur tab Aakash aya tha.
Saanvi ke chehre per poori baat batate huwe ek udaasi thi, Lekin Aakash ka naam ate he uska chehra khil gaya.
Saanvi: Aakash se dad ne he help ke liye kaha tha! Kyu ke Aakash tumhare kaaran Spirit clan ki kisi bhi tarha help karna chahata tha to unki mulakat ho gayi thi aur baat bhi huwi thi, Usne Dad ke naam per se fraud ka tag bhi hataya aur bank se sab kuch waapis bhi le liya. *Smile*
Aarav: Aur shadi?
Saanvi(Giggle): Aisa huwa tha ke main ne Aakash ko waapis ane he nahi diya! Mujhe ab akele bohat dar lagta tha, Lekin Aakash bhi kab tak he udhar reh sakta tha, Unhone tab mujhe shadi ki offer ki, Usko naam ki he wife chahiye thi kyu ke uski family ab usko shaadi ke liye pressure ker rahi thi aur main uske pyaar me doobi fauran he maan gayi.
Saanvi ki hansi ko daikh ker Aarav bhi muskurane laga, Usko lag raha tha ke ab tak Saanvi Aakash ke saath zabardasti reh rahi thi, Lekin udhar to pyaar ka poora bagicha bana huwa tha.
Aarav: Ap Khush ho?
Saanvi: Aakash ke saath khush hote huwe khushi puch rahe ho to...Bohat! *Smile*
****
Café La Brisa
Spain ~ 10:31 AM
*Ding*
Vanshika cafe ke andar aa gayi, Usko aj thodi der ho gayi thi ate huwe, Vanshika ne counter per daikha to Flora aur Lily kaam per lage huwe the, Vanshika udhar jaane he lagi thi ke uske kadam ruk gye.
Usne corner table ki taraf daikha to udhar Aarav baitha huwa tha, Lekin Vanshika ke chaunkane ka kaaran uske saamne baithi huwi ladki thi, Vanshika ko uski sirf back he dikhayi de rahi thi.
Aarav ne Vanshika ki taraf daikha to usne muskurate huwe ladki ko dheeme se kuch keh diya, Uski baat sunte he Ladki turn ho gayi, Vanshika ne uska chehra daikha to wo aur bhi chaunk gayi.
Vanshika(Shout): Lydia?
Vanshika ne thodi si unchi awaaz me keh diya to sab uski taraf daikhne lage, Usne fauran apne muh per haath rakh diya aur Lydia ke paas aa ker uske haath ko pakad ker usko staff room me le gayi.
Lydia: Arrey kya ho gaya hai? Yaar tu abhi mil to le na.
Vanshika: Tu yanha ker kya rahi hai?
Vanshika ne uska haath chhodte huwe pucha, Lydia udhar he rakhi ek chair per baith gayi.
Lydia: Aakash bhayia ne mujhse contact kiya tha! Unhone he yanha ane ke liye kaha hai...Tu Aarav se baat kyu nahi ker rahi hai?
Vanshika(Sigh): Tujhe bhi sab pata he hai na? Main tere sivaye aur kisi se bhi kisi bhi tarha ka contact nahi rakhna chahati hu.
Vanshika kisi ko bhi uski location batana nahi chahati thi, Lekin usko Neel ke ghar se bhaagne aur yanha ane me Lydia ne he help ki thi to usko pata tha, Lydia ne he Barbie ko bhi uska bataya tha.
Lydia: Lekin Kyu?
Vanshika: Kyu? Kyu ke uske kaaran he ye sab kuch huwa hai! Na to Aarav kabhi bhi hamari zindgi me ata aur na he kabhi ye sab kuch hota...Main uske saath kuch bhi baat nahi karna chahati.
Vanshika bhi kehte huwe udhar he baith gayi, Lydia baithi usko daikhti rahi.
Lydia: Kisko Jhoot bol rahi hai?
Vanshika: J-Jhoot?
Lydia(Nod): Haan, Kyunki tu usko nafrat to nahi karti hai! Ye main he nahi wo bhi ache se jaanta hai.
Vanshika: What?
Lydia: Aarav bhi ek player hai! Usko ye teri heartbeat tak saaf sunayi deti hai, Uske na hone per teri bechain dhadkane uske ate he normal hote usko sunayi deti hai, Uske bina order kiye uske table per Lunch aur coffee ka ana bhi usko dikhayi deta hai.
Lydia ki baat sun ker Vanshika uska sar table per rakh ker baith gayi, Vanshika ab tak usko ignore ker rahi thi, Lekin Aarav baitha uske maze le raha tha.
Lydia: Aur tu ne ek baar bhi usko jaane tak ke liye to kaha nahi hai! Abhi Aarav se he baat ker ke ayi hu... Ek baar bhi tu ne usko jaane ke liye keh diya to wo banda ulte paon laut jaye ga.
*Ba-dump-Ba-dump*
Aarav ke jaane ki baat sun kef Vanshika ke dil ki dhadkane badh gayi, Vanshika usko control karne lagi ke Aarav unko sun na le.
Vanshika(Sigh): L-Lekin main phir bhi uske saath baat nahi ker sakti...!
Vanshika ke haath kaanp rahe the, Lydia ne uske haatho ko pakad liya.
Lydia(Smile): Mujhe sab pata hai ke tu kya soch rahi hai! Flora se baat huwi hai, Har raat tera neend me dar se badbadane ko Flora ne suna hai...Tere andar abhi bhi Neel ka dar hai na?
Neel ka naam ate he Vanshika ka shareer kaanp gaya, Uski aankhe dar se fail gayi aur nazare neechi ho gayi, Lydia ne uske paas ate he usko pakad liya aur usko thapthapane lagi.
Lydia: Relax...Relax! I'm sorry, Ab main uski baat nahi karu gi.
Vanshika ne Lydia ko kas ker pakad liya aur Lydia usko thapthapane lagi, Vanshika ki halat daikh ker Lydia ko bhi ab khud per gussa ane laga tha ke usne Neel ka naam kyu le liya.
Vanshika khud ka ye dar kisi ko bhi dikhana nahi chahati thi, Usko lag raha tha ke ab wo khud ko sambhal sakti hai, Lekin ab bhi Neel ke naam ane per uski aisi halat ho rahi thi.
Vanshika Neel ke ghar se bhaag to gayi he thi, Lekin ab bhi uski aatma uske ghar me he bandhi huwi thi, Neel kisi bure sapne ki tarha uske saath tha aur Vanshika kabhi aage badh he nahi saki thi.
Lydia ne Flora se baat ker ke Vanshika ko ghar le gayi, Usne Aarav ko peeche ane se mana ker diya tha, Vanshika poore din he uske bistar me chup ker laiti rahi aur Lydia uske saath baithi rahi.
Vanshika ki halat to sahi ho gayi aur wo ab dobara Cafe bhi ane lagi thi, Lekin ab Lydia me dobara uske saath uss baare me baat karne ki himmat nahi thi.
Lydia kuch aur din uske saath rahi, Lekin usne dobara uss topic ke baare me baat nahi ki aur phir Aarav se apologize karte huwe waapis New-York chale gayi.
****
Veer's House
Mumbai ~ 8:17 PM
“Ughhh, Unko aur kitne din lagne wale hai? Abhi to laut ker aye he the”
Tanu ne phone ki taraf daikhte huwe muh bana ker kaha, Aarav se uski baat tak nahi ho rahi thi, Usne Aarav ko call karne ki bhi koshish ki thi Lekin Aarav call pick he nahi ker raha tha.
Meera(Smile): Usko ab ki baar kuch zyada samay lagne wala hai! Usko kuch zaroori kaam hai, Ye khatam hone ke baad usko tum bandh ker apne paas rakh sakti ho.
Tanu: Ab ki baar he bandh lena chahiye tha! Aur ye hamare ghar kyu reh raha hai?
Tanu ne unke paas baithe huwe Aayush ki taraf ishara karte huwe kaha, Aayush Tanu se dur Meera ke saath baitha huwa tha aur ab ki baar kuch bhi nahi bol raha tha.
Ishika: Aarav ke na hone se company me kuch bhi ho sakta hai! Kunal bhayia ko bhi abhi Aarav yanha chahiye tha to abhi ke liye ye uski jagah le raha hai.
Tanu(Annoyed): Ughhh, Ye banda ek pal ke liye bardasht nahi hota hai! Lekin ab isko aur kitne din bardasht karna ho ga? Aarav agar kuch din me waapis na aye to isko confirm gayab ker du gi.
Tanu zameen per paon patakte huwe uth ker apne kamre me chali gayi, Aayush bhi udhar aur baitha nahi aur Aarav ke kamre me bhaag gaya, Ab udhar sirf Ishika aur Meera he baithi huwi thi.
Meera: Ishika, Kuch baat huwi hai kya?
Ishika: Badi Maa...Aarav sach me laut ker aye ga na?
Ishika ne dheemi si awaaz me Meera ke paas ate huwe pucha, Uska saval sun ker Meera bhi thodi hairan ho gayi.
Meera: Aisa kyu laga ke wo nahi aye ga?
Meera ka saval sun ker Ishika bhi chup ker gayi, Usko samajh nahi aa raha tha ke wo usko kaise bataye aur phir ek gehra saans le ker usne bolna shuru ker diya.
Ishika: Mujhe bhi pata nahi ke aisa kyu lag raha hai! Lekin dil bohat ghut raha hai aisa lag raha hai ke usko jaane he nahi dena chahiye tha...Ap bataye na, Wo laut ker to aye ga na?
Ishika ne Meera ke aur bhi paas hote huwe pucha, Meera ne pyaar se uske sar per haath rakh diya.
Meera: Usne tujhse vada kiya hai na? Uske upar bharosa rakh, Kitna bhi samay kyu na lag jaye, Lekin wo laut ker zaroor aye ga.
Meera ki baat sun ker Ishika ke dil ko bhi kuch sakun mil gaya, Lekin ab bhi usko dar lag raha tha ke kanhi Veer ki tarha Aarav bhi laut ker nahi aya to kya ho ga.
Lekin usne un manhoos khayalon ko apne mann se jhatak diya aur baith ker Meera ke saath idhar udhar ki baate karne lagi
****
Level Up Tower
Player Association ~ 10:32 PM
*Beep*
Caroline: What Happened?
Emergency help ka message screen per daikh ker Caroline bhi headquarter aa gayi aur daikhne lagi, Uske saamne Duke baitha huwa tha headquarter ka incharge aur wo screen per kuch check ker raha tha.
Duke: We’ve got a situation! There’s been a mix-up with the gate ranks.
Caroline: Mix-up?
Duke(Checking): Ek gate ko green rank diya gaya tha! but it's actually orange rank, We’ve sent players through who aren’t prepared for it.
Caroline: How many players went through the wrong gate?
Duke: 4 Player gye the! Gate manager ke according unhe gye huwe 13 ghante se bhi zyada samay hone wala hai.
Caroline: Gate ke paas association branch ko alert kiya kya? They need to assist those players immediately.
Duke: Yes, but the players are tied up with another situation...!
Caroline(Sigh): We need to locate any players who might already be near that gate! Can we get a status check on the ones currently active in that area?
Duke(Nod): I’ll see what I can find... Just a moment.
Duke kehte huwe check karna laga, Player card ke andar ek tracker bhi laga hota tha, Uski madad se wo nearby players ko locate ker sakte the.
Duke: Got it, Just give me a sec...! It looks like there’s a player named Aarav currently in Spain, about 3 kilometers from the gate.
Caroline(Shocked): Aarav? Usko abhi ke abhi inform ker do.
****
Orange Ranked Portal
Monsters ~ Goblid
“Run....Run”
Portal ke andar 3 player tezi se bhaag rahe the aur ek ne ek party member ko kandhe per bhi uthaya huwa tha, Wo unki party ka Leader aur tank Arthur tha.
Arthur: Duck ~
Arthur ne kehte huwe uski shield ko aage ker diya, Unke peeche se ek arrow aya aur uski shield se takada ker gaya, Arthur ne Shield hatate huwe daikha to unke saamne se Goblid bhaagte huwe aa rahe the.
Ye bhi Goblin he the, Lekin normal goblins se hat ker ye intelligence rakhte the, Aur ye weapons bhi Use karte the aur strategy ke saath aage badhate the, Unse ladna kisi player se ladne ke barabar tha aur udhar to wo numbers me bhi zyada the.
*Thump*
Ek goblin ek hathora le ker unke paas aya to Arthur ne shield se usko block karte huwe usko shield ke neeche he kuchal ker rakh diya, Uske baaki party members bhi ladne ki koshish karne lage.
Lekin wo sab mushkil se unke attacks ko block he ker rahe the, Unhe attack karne ka mauka he nahi mil raha tha.
*Thump*
Arthur ko strong maan ker Goblid usko he ek saath attack karne lage aur kuch he der me Arthur bhi neeche gir gaya aur khud ko bhi mushkil se defend karne laga, Unhe ab unke saamne unki maut dikhayi de rahi thi.
Arthur: I'm sorry....!
*Slash*
*Splash*
Arthur ke chehre per Goblid ke kate huwe sar ka khoon gir gaya, Arthur bhi ye daikh ker chaunk gaya, Usne khade hote huwe daikha to uske saamne har taraf Goblids ki laashe giri huwi thi aur unke beech ek mask lagayen huwe vyakti unko cheed faad raha tha.
Arthur(Shivering) Y-Ye kon hai?
“Association ne help ke liye usko yanha per bheja hai! Corpse...Usne real name to nahi bataya hai, Lekin usne baaki ke bhi sabhi Goblids ko khatam ker diya hai”
Arthur ke peeche se Gate manager ne bola to Arthur bhi usko udhar daikh ker chaunk gaya, Gate manager ka kaam baahir se sab kuch manage karne ka hota tha.
Arthur: Tum yanha kaise?
Manager: Mujhe andar ana per gaya! Kyu ke gate break ho gaya hai, Aur ek Goblid gate se baahir bhi nikal chuka hai.
Arthur(Stunned): What?
****
Café La Brisa
Spain ~ 11:54 PM
“I'm Leaving now”
Vanshika ne Cafe se nikalte huwe Flora ko batate huwe kaha.
Flora: Be Safe...!
Flora ne usko andar se he keh diya, Flora aur Lily sab kaam khatam karne ke baad he ati thi, Unka raasta safe tha to Vanshika akele he pehle ghar ke liye nikal jaya karti thi.
Vanshika ne baahir aa ker aas-paas daikha to usko kanhi bhi Aarav dikhayi he nahi diya, Aarav pura din cafe me rehne ke baad raat ko uske peeche ghar ke baahir tak aya karta tha.
Lekin aj Aarav bhi pehle he kanhi nikal gaya tha, Ye daikh ker Vanshika ka dil bhi ghabrane laga, Lekin usne ek gehri saans li aur raaste per chalne lagi.
Abhi bhi log road per chal rahe the, Unke beeche se hote huwe Vanshika khamoshi se guzar rahi thi, Usko ab tak Aarav kanhi bhi dikhayi nahi diya tha aur ye usko aur bhi dara raha tha.
Vanshika(Whisper): Kanha chale gye?
Vanshika mayus ho ker aage badhati rahi aur wo road se ab choti galiyon me chali gayi thi, Uska ghar paas he tha aur yanha ke log usko jaante bhi the.
*Woooosh*
Vanshika: Huh?
Vanshika ko kisi ke paas se guzarne ka ehsaas huwa, Lekin usko koi bhi dikhayi nahi diya to wo dobara aage badhne lagi
“hihihihihi”
Ek hansi ki awaaz sun ker Vanshika ki bhi rooh kaanp gayi, Usne upar daikha to ek Building ki deewar per usko hare rang ka ajeeb insaan dikhayi diya.
Vanshika: Hel-
Vanshika chillane he lagi thi ke wo kudte huwe neeche aa gaya, Vanshika usko daikh ker bhaagne lagi, Lekin wo bhi aur hanste huwe uske peeche ane laga
*Zap*
Vanshika ne ek taser nikalte huwe uski taraf shoot ker diya, Taser ke darts uske lag gye, Lekin wo uchhalte huwe peeche ho gaya aur ab wo gusse me aa gaya tha.
Usne ek whip ki tarha ka kuch nikaal liya aur usko daikh ker Vanshika aur bhi dar gayi, Usne whip ko ghoomaya aur wo Vanshika ke lipat gayi.
“Ab se ye he tera kamra hai”
“Kutton ke beech dar lag raha hai? Tu bhi to meri kutiya he hai na? Hehehe”
“Mere saamne bole gi tu? Haramzadi”
Vanshika ke saamne Neel ki tasveer aa gayi aur uska shareer bhi ab buri tarha se kaanpne laga, Wo hara vyakti uske paas aa raha tha aur Vanshika rengate huwe he peeche hone lagi.
Usne ek chaku nikaal liya aur Vanshika ke paas aa gaya, Vanshika ne dar se aankhon ko band ker liya.
*Slash*
Vanshika: *Scream*
Vanshika unchi zor se chillai, Lekin usko kuch bhi nahi huwa tha, Uske shareer se whip ki pakad kamzor ho gayi thi, Vanshika ne aankhe kholi to uske saame Aarav tha aur wo uski Whip ko khol raha tha.
*Bam*
Aarav: Huh?
Whip ke khulte he Vanshika Aarav ke upar he kud gayi aur uske saath lipat gayi aur zor zor se rone lagi, Aarav pehle to thoda hairan huwa lekin phir usne Vanshika ke sar per haath rakh diya aur usko rone diya.
Kyu ke usne area ko soundproof bana he diya huwa tha, Vanshika Aarav se lipat ker roti rahi aur Aarav usko gaud me baithaye udhar he baitha raha.
Aarav(Smile): Realx...I'm here now! Mere hote huwe koi tumhe kuch nahi ker sake ga.
.
.
.
.
.
.
.
.
[Aj ke liye itna he, Ye update bhi 6K words ka he tha aur umeed karta hu ke ap ko ye update bhi pasand aya ho ga, target hamara wohi hai 120 Likes ke liye, Milte hai agle update per aur tab tak ke liye, Sayonara!!!]
